නයි වෛරෙන් සිටි රටවල් දෙක එකවර මිතුරුවීමේ රහස තවත් ප්‍රශ්නයක් කරමින් කිං ජොන්ගේ පෑන ගැන සැකයක්

පසුගියදා ලොව පුරා කතාබහට ලක්වූ ඇමෙරිකා ජනාධිපති ඩොනල්ඞ් ට්‍රම්ප් හා උතුරු කොරියා නායක කිම් ජොන් අතර හමුවේදී ගිවිසුම්වලට අත්සන් කිරීමේදී, ඇමෙරිකා නියෝජිතයන් ලබා දුන් පෑන අතට නොගෙන වෙනත් පෑනකින් එම ගිවිසුම්වලට අත්සන් තැබීමට කිම් ජොන් උන් කටයුතු කර තිබුණා.

ඒ පිළිබඳව මේ වන විට විදෙස් මාධ්‍යවල කතාබහට ලක්ව ඇති අතර උතුරු කොරියා නායකයා එසේ කරන්නට ඇත්තේ ඇමෙරිකානුවන් විසින් ලබා දුන් පෑනේ විෂ කැවීමක් කර ඇතැයි සැකයක් මතුවුණු නිසා විය හැකි යැයි ද විදෙස් මාධ්‍ය පෙන්වා දී තිබෙනවා.

කිම් ජොන් ඔහුගේ ආරක්ෂාව සම්බන්ධයෙන් දැඩි අවධානයක් යොමු කරන අයෙකු වන අතර ගිවිසුම් සඳහා අත්සන් කරද්දී, ඔහුගේ උපදේශිකාව මෙන්ම ඔහුගේ නැගණිය ද වන කිම් යෝ ජොං ද ඒ අසල සිටියාය.

ඇමෙරිකානුවන් දුන් පෑන් අතට ගැනීම වළක්වමින් තම සොයුරාට ඇය ඇය ළඟ ඇති පෑන ලබා දෙන දසුන් මේ වනවිට විදෙස් පුවත් සේවා ඔස්සේ ප්‍රසිද්ධියට පත් වී තිබෙනවා.

Source Link : ආටිකල් 14.news

මහින්ද දැඩි දේශපාලන තීන්දුවක් ගැනීමට යයි ඒකාබද්දේ භේද නතර නොකලහොත් අළුත් පක්ෂයක්

ඒකාබද්ධ විපක්ෂය ගන්නා පොදු තීන්දු උල්ලංඝනය කරමින් කල්ලි කණ්ඩායම් හදන්නට ගියහොත් තමන් දැඩි දේශපාලන තීන්දුවක් ගන්නා බව හිටපු ජනාධිපති මහින්ද රාජපක්ෂ මහතා ප්‍රකාශ කළේය.

ඇතැම්විට එය තමන්ගේ නායකත්වයෙන් බිහිවන අලුත් දේශපාලන පක්ෂයක් විය හැකි යැයිද මහින්ද අනතුරු ඇඟවීය.

ඔහු මෙම ප්‍රකාශය කළේ නියෝජ්‍ය කතානායක තෝරා ගැනීමේ ඡන්දයේදී සිය කණ්ඩායමේ ඇතැමුන් පක්ෂ මතයට අනුව ඡන්දය නොදීම සාධාරණීකරණය කිරීමට බැසිල් රාජපක්ෂ මහතා කරුණු දැක්වූ අවස්ථාවේදීය.

මෙහිදී බැසිල් රාජපක්ෂ මහතා පසුගියදා විපක්ෂයට පැමිණි 16 දෙනාගේ කණ්ඩායම සෙසු පක්ෂ නායකයන් හමුවුවද පොහොට්ටුවේ නායකයන් මුණ නොගැසීම ගැන දොස් පැවරීය. එවිට මහින්ද රාජපක්ෂ මහතා කියා ඇත්තේ ඔවුන් තමා මුණගැසුණු වගය.

තමන්ගේ නායකත්වය ඡන්දය නොදුන් කණ්ඩායම නොපිළිගන්නේදැයි හෙතෙම එහිදී දැඩි ලෙස ප්‍රශ්න කර ඇත. තම නායකත්වය නොපිළිගන්නා අය වෙත්නම් ඒ බව තමන්ට දන්වන ලෙසද මහින්ද රාජපක්ෂ මහතා කීය. පාර්ලිමේන්තුවේ ආණ්ඩුව සතු 2/3ක බලය අහිමි කිරීමට ආණ්ඩුවෙන් ඉවත්වූ 16 දෙනාගේ සහාය ලබාගත යුතුම යැයි මහින්ද ප්‍රකාශ කර තිබිණි.

16 කණ්ඩායමෙන් ජනපතිට කොන්දේසි

මේ අතර ශ්‍රී ලංකා නිදහස් පක්ෂයේ ගම්මට්ටමින් ප්‍රතිසංවිධානය කිරීම තම කණ්ඩායම මගින් සිදුකරන බවත් ඊට ආණ්ඩුවේ සිටින ශ්‍රීලනිප 23 දෙනා සම්බන්ධ නොකරන ලෙසත් 16 දෙනාගේ කණ්ඩායම විසින් ජනාධිපති මෛත්‍රීපාල සිරිසේන මහතා වෙත දැනුම් දී තිබේ.

මෙලෙස දැනුම් දී ඇත්තේ පසුගිය බ්‍රහස්පතින්දා (14) රාත්‍රියේ 16 දෙනාගේ පිරිසක් ජනාධිපතිවරයා සමඟ සිදුකළ සාකච්ඡාවේදීය.

ඊට ජනාධිපතිවරයා එකඟවෙමින් එම සාකච්ඡාවට සහභාගී වී සිටි ශ්‍රීලනිප නව මහලේකම්වරයාට දන්වා ඇත්තේ ආණ්ඩුවේ සිටින 23 දෙනා 16 දෙනාගේ ප්‍රතිසංවිධාන වැඩකටයුතුවලට සහභාගී නොකරන ලෙසය.

මෙහිදී ඩිලාන් පෙරේරා මන්ත්‍රීවරයා විසින් සන්ධාන මහලේකම් මහින්ද අමරවීර මහතා මාධ්‍ය වෙත සිදුකරන ප්‍රකාශ පිළිබඳව දැඩි විවේචනයක් කර ඇත. සන්ධාන ලේකම්වරයා පක්ෂයේ සභාපතිවරයාගේ ප්‍රකාශ නොව සිරිකොතේ ප්‍රකාශ ලබාදෙන බවට එහිදී විවේචනය කර ඇත. එහිදී ජනාධිපතිවරයාද එම ප්‍රකාශ සම්බන්ධයෙන් සිය විරුද්ධත්වය පිරිසට දන්වා ඇතැයි සඳහන් වේ.

එසේම එළඹෙන සැප්තැම්බරයේ පක්ෂ මහා සමුළුවට පෙර පක්ෂය ආණ්ඩුවෙන් ඉවත් නොකරගතහොත් පක්ෂය විනාශ වුණු යුගය ලෙස මෙම යුගය ඉතිහාස ගතවන බව එම පිරිස පෙන්වා දී ඇත. ඒ නිසා නව මහලේකම්වරයකු පක්ෂයට පත්කොට පක්ෂය ප්‍රතිසංවිධාන ගතකරන ලෙසත් එතෙක් අණ්ඩුවේ සිටින ශ්‍රීලනිප 23 දෙනා සමඟ ගමනක් සිදුනොකරන ලෙසත් එම පිරිස ජනාධිපතිවරයාට පවසා තිබේ.

6 න් 11ක් කෙළින්ම ඒකාබද්ධයට

එසේම ශ්‍රී.ල.නි.ප මන්ත්‍රීන් 16 දෙනාගෙන් 11 දෙනකු ඒකාබද්ධ විපක්ෂය සමඟ සෘජුවම එක්වීමට තීන්දු කර ඇතැයි එම කණ්ඩායමේ ජ්‍යෙෂ්ඨ ප්‍රකාශකයෙක් කීය. ඉතිරි 05 දෙනා ද එම මතයට එකඟ කර ගැනීම සඳහා මේ සතියේ සාකච්ඡා කරන බවද ඔහු සඳහන් කළේය.

සති කිහිපයක් විදේශගතව සිටි අනුර යාපා හිටපු අමාත්‍යවරයා මෙරටට පැමිණෙන තෙක් මෙම සාකච්ඡා පමා වූ අතර දැන් අනුර යාපා මහතා ද පැමිණ සිටිනා නිසා කඩිනමින් සාකච්ඡාවක් පවත්වා තීන්දුවක් ගන්නා බව එම ප්‍රකාශකයා වැඩිදුරටත් කීය.

එලෙස පොදු එකඟතාවකට පත් වූ පසු ශ්‍රී.ල.නි.පයේ දැනට සිටිනා තවත් මන්ත්‍රීන් 5 දෙනකු තමන් සමඟ එක්වීමට සූදානම් යැයි හෙතෙම අවධාරණය කළේය.

Source Link : ආටිකල් 14.news

ඊ මේල් වලින් ඔක්කොම වැඩකරන යුගයේ තැපැල් මේල් වර්ජනය නිසා පාර්සල් හා විභාග ප්‍රවේශපත්‍ර තැපෑලේ හිරවෙයි

සිය වැඩ වර්ජනය අද 6 වන දිනටත් ක්‍රියාත්මක කරන බව ඒකාබද්ධ තැපැල් වෘත්තීය සමිති පෙරමුණ පවසනවා.

එහි කැඳවුම්කරු චින්තක බණ්ඩාර කියා සිටියේ වර්ජනය අඛණ්ඩව ක්‍රියාත්මක කිරීමට සිය වෘත්තීය සමිතිය මේ වන විට තීරණය කර ඇති බවයි.

මෙතෙක් බලධාරීන්ගෙන් කිසිදු සාකච්ඡාවක් ලැබී නොමැති බව ද ඔහු සඳහන් කළා.

මේ අතර, තැපැල් වර්ජනය හේතුවෙන් තරඟ විභාග ගාස්තු ප්‍රාදේශීය සහ දිස්ත්‍රික් ලේකම් කාර්යාලවලින් ගෙවීමට පහසුකම් සලසා ඇති බව විභාග දෙපාර්තමේන්තුව ද ප්‍රකාශ කළා.

විභාග කොමසාරිස් ජනරාල් සනත් පූජිත සඳහන් කළේ එම කාර්යාලවල විශේෂ ස්ථාන ඒ සඳහා වෙන් කර ඇති බවයි.

විභාග දෙපාර්තමේන්තුව වැඩිදුරටත් දැනුම් දෙන්නේ මේ මස පැවැත්වීමට සැලසුම් කර තිබූ සියලු විභාග නියමිත පරිදි පැවැත්වෙන බැවින් තැපැල් වර්ජනය හේතුවෙන් විභාග ප්‍රවේශ පත්‍රය අපේක්ෂකයෙකු හට නොලැබුණ ද විභාගය සඳහා පෙනී සිටිය හැකි බවයි.

ප්‍රවේශ පත්‍රය ලැබී නැත්නම්, විභාග දෙපාර්තමේන්තුවේ 0112 78 52 30 යන දුරකථන අංකය ඇමතීමෙන් තොරතුරු ලබා ගත හැකි වනු ඇති.

තැපැල් සේවක වර්ජනයට බලධාරින් පිළිතුරු ලබානොදීම හේතුවෙන් ලබන 18 වනදා තැපැල් සේවකයින් විශාල පිරිසකගේ සහභාගිත්වයෙන් කොළඹදී පාගමනක් පවත්වන බව ඒකාබද්ධ තැපැල් වෘත්තීය සමිති පෙරමුණ පවසනවා.

6 වන දිනටත් ක්‍රියාත්මක මෙම වර්ජනය හේතුවෙන් ජාතික සහ අන්තර්ජාතික වශයෙන් සියලුම තැපැල් ක්‍රම අඩපණ වී ඇති බවත්, ලක්ෂ 15කට ආසන්න ලිපි සහ තැපැල්පත් ගොඩගැසී ඇති බව ද එම පෙරමුණේ කැඳවුම්කරු චින්තක බණ්ඩාර හිරු ප්‍රවෘත්ති අංශයට සඳහන් කළේ.

තැපැල් දෙපාර්තමේන්තුව සඳහාම වෙන්වූ බඳවා ගැනීමේ පටිපාටියක් ක්‍රියාත්මක කිරීම සහ වැඩබලන උප තැපැල් ස්ථානාධිපතිවරුන්ගේ රැකියාව සුරක්ෂිත කරන ලෙස ඉල්ලමින් ඔවුන් පසුගිය 11 වනදා මෙම වර්ජන ක්‍රියාමාර්ගය ආරම්භ කළා.

Source Link : ආටිකල් 14.news

බරපතල වැඩ සහිත වසරක් සිරගතවූ බොදුබලේ හිමි වැලිකඩ බන්ධනාගාරයට ගෙන එයි. සෞඛ්‍ය අයහපත්ලු

මාධ්‍යවේදී ප්‍රගීත් එක්නැලිගොඩගේ බිරිඳට බැන තර්ජනය කිරීම සම්බන්ධයෙන් සිර දඩුවම් නියම වූ බොදුබල සේනා සංවිධානයේ මහ ලේකම්, පූජ්‍ය ගලගොඩඅත්තේ ඥාණසාර හිමියන් ඊයේ (14) පස්වරුවේ වැලිකඩ බන්ධනාගාරය වෙත රැගෙන එනු ලැබුවා.

හිමියන්ට හෝමාගම මහේස්ත්‍රාත් අධිකරණය මගින් ඊයේ නියම වූයේ මාස 06 කින් ගෙවී යන වසරක බරපතල වැඩසහිත සිරදඬුවමක්.

හෝමාගම මහේස්ත්‍රාත් උදේශ් රණතුංග දඬුවම් නියම කරමින් නියෝග කළේ පැමිණිලිකාරියට රුපියල් 50,000 ක වන්දියක්ද ගෙවන ලෙසයි.

එය නොගෙවන්නේ නම් තවත් මාස 03 ක ලිහිල් සිරදඬුවමකටද යටත්වීමට සිදුවන බව හෝමාගම මහේස්ත්‍රාත්වරයා සඳහන් කළා.

පූජ්‍ය ගලගොඩඅත්තේ ඥානසාර හිමියන් ද බරපතල සිරදඩුවම් නියම වූ අනෙකුත් සිරකරුවන්ට බලපවත්වන රෙගුලාසි වලට යටත් වන බව බන්ධනාගාර දෙපාර්තමේන්තුවේ මාධ්‍ය ප්‍රකාශක තුෂාර උපුල්දෙනිය කියා සිටියා.

හිමියන්ට අනෙකුත් සිරකරුවන්ගේ ඇදුම ඇදීමට සිදුවන බවත්, විශේෂ ආරක්ෂාවක් අවශ්‍ය නම් එය ලබාදිය හැකි බවත් ඔහු වැඩිදුරටත් සදහන් කළා.

පූජ්‍ය ගලගොඩඅත්තේ ඥානසාර හිමියන්ගේ සුවදුක් බැලීමට බොදුබල සේනා සංවිධානයේ නියෝජිතයන් පිරිසක් ඊයේ සන්ධ්‍යාවේ වැලිකඩ බන්ධනාගාරය වෙත පැමිණ ඇති අතර, ඔවුන්ට ඒ සදහා අවස්ථාවක් හිමිවී නැහැ.

බොදුබල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන්ට එරෙහිව මෙම නඩුව ගොනු කෙරුණේ 2016 වසරේ ජනවාරි මාසයේදීයි.

ඒ, මාධ්‍යවේදී ප්‍රගීත් එක්නැලිගොඩ අතුරුදන් කිරීමේ සිද්ධිය සම්බන්ධයෙන් වන නඩුවට පැමිණි ඔහුගේ බිරිඳ සන්ධ්‍යා එක්නැලිගොඩට හෝමාගම අධිකරණ පරිශ්‍රයේදී බැන තර්ජනය කිරීම සම්බන්ධයෙන්.

නඩු විභාගයෙන් අනතුරුව හෝමාගම මහේස්ත්‍රාත් උදේශ් රණතුංග තීන්දු කළේ සාපරාධී අඩන්තෙට්ටම් කිරීම සහ සාපරාධි බිය ගැන්වීම යන චෝදනා දෙකටම පූජ්‍ය ගලගොඩඅත්තේ ඥාණසාර හිමියන් වරදකරු බවයි.

Source Link : ආටිකල් 14.news

ඇමතිකමේ වැඩ බාරගෙන දවසෙන් පොලිස් නි. ඇමති නලින් බණ්ඩාර FCID යට. නැව් ගනුදෙනුවක් ගැන ප්‍රකාශයක් දීමට යයි

>පසුගිය රජය සමයේ ශ්‍රී ලංකා නැව් සංස්ථාව මගින් සිලෝන් බී‍්‍රෆ් සහ සිලෝන් ප්‍රින්සස් යන නෞකා දෙක මිලදී ගන්නා අවස්ථාවේ සිදුවූවා යැයි කියන මූල්‍ය වංචාවක් සම්බන්ධයෙන් ප්‍රකාශයක් ලබාදීම සඳහා රාජ්‍ය පරිපාලන හා කළමනාකරණ සහ නීතිය හා සාමය නියෝජ්‍ය අමාත්‍ය නලින් බණ්ඩාර අද පෙරවරුවේ පොලිස් මූල්‍ය අපරාධ විමර්ශන කොට්ඨාශය වෙත පැමිණියා.

මීට පෙර තමන් විසින් සිදුකළ පැමිණිල්ලකට අදාළව අද දින ප්‍රකාශය ලබාදීම සඳහා පැමිණි බවයි නියෝජ්‍ය අමාත්‍ය නලින් බණ්ඩාර හිරු ප්‍රවෘත්ති අංශයට සඳහන් කළේ.

නැව් සංස්ථාවේ හිටපු සභාපතිවරයා, වරාය අධිකාරියේ හිටපු සභාපතිවරයා ඇතුළු පසුගිය රජයේ හිටපු රාජ්‍ය නිලධාරින් කිහිපදෙනෙකු වගඋත්තරකරුවන් කරමින් මෙම පැමිණිල්ල ගොනුකර තිබෙනවා.

Source Link : ආටිකල් 14.news

එකාබද්දේ මන්ත්‍රී වරුන්ට හිටපු ජනපති මහින්දගෙන් දැඩි චෝදනා එකා මෙන් එකතුවී ආණ්ඩු පෙරලන්න අකැමති අයට කෙලින් කියන්න කියයි

ඒකාබද්ධ විපක්ෂයේ කණ්ඩායම් රැස්වීම පෙරේදා (12) හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් කොළඹ පිහිටි ඔහුගේ නිල නිවසේදී රැස්වී ඇති අතර එහිදී රාජපක්ෂ මහතා සිය කණ්ඩායමේ ඇතැම් මන්ත්‍රීවරුන්ගේ ක්‍රියාකලාපය දැඩි ලෙස විවේචනය කළ බව වාර්තා වේ.

ප්‍රජාතන්ත්‍රවාදී වාමාංශික පෙරමුණේ නායක පාර්ලිමේන්තු මන්ත්‍රී වාසුදේව නානායක්කාර මහතා හැර සෙසු අය මෙම සාකච්ඡාවට සම්බන්ධ වී සිට ඇති අතර හිටපු අමාත්‍ය බැසිල් රාජපක්ෂ මහතාද මෙම අවස්ථාවට සම්බන්ධ වී සිට ඇත.

සාකච්ඡාව ආරම්භයේදීම හිටපු ජනාධිපතිවරයා මන්ත්‍රී කණ්ඩායමේ අවධානය යොමු කර ඇත්තේ ඉකුත්දා පාර්ලිමේන්තුවේ නියෝජ්‍ය කථානායක තේරීමේදී ඒකාබද්ධ විපක්ෂයේ ඇතැම් මන්ත්‍රීවරුන්ගේ හැසිරීම පිළිබඳවය.

“අපේ සමහර අය මම දෙන උපදෙස් පිළිපදින්නේ නැතුව කොහොමද අපි වැඩ කරන්නෙ. ජනතාව අපි වටා එකතුවෙන කොට අපි පෞද්ගලික දේවල් මුල්කර ගෙන ප්‍රශ්න ඇති කරනවා. ආණ්ඩුවට විරුද්ධ හැමෝම ඒකාබද්ධ විපක්ෂයට එකතු වෙලා අපේ ප්‍රතිපත්ති පිළිගන්නෙ නෑ. අපිට තියෙන්නෙ ආණ්ඩුවට විරුද්ධ හැමෝම සමග එකතුවෙලා ආණ්ඩුව පෙරළන්නයි. එහෙම කරන්න බැරි අය ඉන්නවා නම් ඒක අපි කලින් දැන ගන්න ඕනේ.” යැයිද රාජපක්ෂ මහතා මෙහිදී දැඩි ස්වරයකින් ප්‍රකාශ කර ඇත.

අවසානයේ නියෝජ්‍ය කථානායක තේරීමේ අවස්ථාවේ ඒකාබද්ධ විපක්ෂයේ ඇතැම් මන්ත්‍රීවරුන්ගේ හැසිරීම ගැන කනගාටු වෙමින් ඉදිරියේදී රට පුරා පැවැත්වෙන රාජ්‍ය විරෝධී දැවැන්ත උද්ඝෝෂණයට ආණ්ඩුවෙන් ඉවත් වූ ශ්‍රී ල.නි.ප 16 දෙනාද එක්කර ගෙන සහයෝගයෙන් කටයුතු කිරීමට ගිවිසගෙන ඇත.

ජයසූරිය උඩුකුඹුර
– lakbima

Source Link : ආටිකල් 14.news

ප්‍රගීත් එක්නැලිගොඩගේ බිරිදට අධිකරනය තුල මරණ තර්ජන කල බොදුබලේ හිමිට වසරක බරපතල වැඩ සහිත සිර දඬුවම්

මාධ්‍යවේදී ප්‍රගීත් එක්නැලිගොඩගේ බිරිඳ වන සන්ධ්‍යා එක්නැලිගොඩට හෝමාගම අධිකරණය තුලදී මරණීය තර්ජන එල්ල කිරීමේ චෝදනාවට වරදකරු වූ බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන්ට මාස හයකින් ගෙවී යන ලෙස බරපතල වැඩ සහිත වසරක සිර දඩුවම් අද (14) නියම කළා.

ඒ, හෝමාගම මහේස්ත්‍රාත් සහ අතිරේක දිසා විනිසුරු උදේශ් රණතුංග විසින්. ඊට අමතරව ඥාණසාර හිමියන්ට රුපියල් තුන්දහසක දඩයක් නියම කළ මහේස්ත්‍රාත්වරයා ප්‍රගීත් එක්නැලිගොඩගේ බිරිඳ වන සන්ධ්‍යා එක්නැලිගොඩට රුපියල් පනස් දහසක වන්දියක් ගෙවන ලෙසද නියෝග කළා.

දීර්ඝ නඩු විභාගයකින් අනතුරුව ගලගොඩඅත්තේ ඥාණසාර හිමියන් අදාල චෝදනාවට වරදකරු බව පසුගිය මැයි මස 24 වනදා තීරණය කළ හෝමාගම මහේස්ත්‍රාත් සහ අතිරේක දිසා විනිසුරු උදේශ් රණතුංග එම හිමියන්ට දඩුවම් නියම කිරීම අද (14) දක්වා කල් තබනු ලැබුවා.

Source Link : ආටිකල් 14.news

කාලොගේ පනිවිඩයට ආ චන්ද්‍රිකා “මරනය පෙන්නන බැරිනම් කාගන්නවා” කියමින් යකා නැග යයි. විජයගේ මරණය දින වූ සිද්ධිය

විජයගේ මරණයෙන් පසු සිදුවීම් පිළිබඳ බන්දුල පද්මකුමාරගේ සටහන්….

සිරුර පොල්හේන්ගොඩට ගෙන යන්නට පෙර චන්ද්‍රිකාට දන්වා සිටීම වඩා හොඳ බව මහාචාර්ය කාලෝ ෆොන්සේකා කීවේය. ටික වෙලාවකින් චන්ද්‍රිකා පැමිණියාය. එතැන වූ සිද්ධිය පද්මසිරි කොඩිකාරගේ වචන වලින් මෙසේය.

“චන්ද්‍රිකා මැඩම් එනකොට මෘතාගාර කාමරයේ මමත්, තව කිහිප දෙනෙකුත් සිටියා. මැඩම් ටික වෙලාවක් විජය මහත්තයාගේ මිනිය දිහා බලන් ඉඳලා මෙහෙම කිව්වා.

“දැන් ඔහොම තිබුණට දවස් දෙකකින් ඕක වෙනස් වෙනවා. එම්බාම්වල හැටි එහෙමයි. පෙට්ටිය සීල් කරන්න.”

තුෂ්නිම්භූත වූ පිරිස මොහොතක් නිහඬව සිටියෝය. “ඇයි මැඩම්…විජය මහත්තයාගේ මිනිය මිනිස්සුන්ට පෙන්නන්න ඕනැනේ. ” අවසානයේදී පද්මසිරි කොඩිකාර නිහඬතාව බිඳිමින් කීවේය.

“චන්ද්‍රිකාට හොඳටම කේන්ති ගියා.”
“පෙන්නන්න බැරි නම් තමුසෙලා මිනිය කා ගන්නවා..” එහෙම කියලා ඇය පිටව ගියා..”

මැදියම් රැයේ විජය ගේ නිවස ඉදිරිපිට කිහිප දෙනෙක් එක්වී සිටියහ. හදිසියේම එතැනට ආවේ චන්ද්‍රිකාගේ හිතෛෂී යසපාලිත නානායක්කාරය. ඔහු ආවේ චන්ද්‍රිකාගේ පණිවිඩයක් රැගෙනය.

චන්ද්‍රිකා මැඩම් මට කිව්වා පණිවිඩය කියන්න කියලා. ෆියුනරල් එක 19 වෙනිදාට ඕන කියලා මැඩම් කිව්ව.

ඒ පණිවිඩයෙන් කෝපයට පත් එතැන සිටියෙක් පුටුවක් පෙරළාගෙන පැමිණි ‍යසපාලිතට පහර දුනි. යසපාලිත බිම ඇද වැටුණි.

“තමුසෙ ගිහිං චන්ද්‍රිකා මැඩම්ට කියනවා 19වෙනිදා නෙවෙයි අපි අවමංගල්‍ය කරන්නේ 21වැනි දා කියලා. දැන් විජේ මහත්තයා අයිති මේ රටේ අහිංසක මිනිස්සුන්ට….පොදු ජනතාවට කියලා කියනවා…”

මිලියන සංඛ්‍යාත ජන ගඟකට විජය කුමාරතුංගයන්ට අවසාන ගෞරව දක්වන්නටත්, එවැනිම ජනකායකගේ සහභාගීත්වයෙන් පෙබරවාරි 21 දා අවමංගල්‍ය උත්සවය පවත්වන්නටත් අවස්ථාව ලැබුණේ එසේය.

(උපුටා ගැන්ම “සැබෑ” පුවත්පතිනි.)

Source Link : ආටිකල් 14.news

මන් කවුරු කිව්වත් එන්නේ නැ රටේ ලොකුම තැනින් කිව්වොත් ඇවිත් ස්ථිර විසදුම් ලබාදෙනවා ජාතයන්ත්රේ අත්දැකීම් මත – රොෂාන්ගේ සැර කතාව

මන් කවුරු කිව්වත් එන්නේ නැ රටේ ලොකුම තැනින් කිව්වොත් ඇවිත් ස්ථිර විසදුම් ලබාදෙනවා ජාතයන්ත්රේ අත්දැකීම් මත – රොෂාන්ගේ සැර කතාව

Source Link : ආටිකල් 14.news

හුදකලා විරාමයේදී, කුස පබාවතී, නැන්දනිය පෙම වැනි ජනප්‍රිය පදවැල් ලියු ප්‍රවීන සංගීතවේදී සිරිල් පෙරේරා දිවියෙන් සමුගනියි

ප්‍රවීණ සංගීතවේදී සිරිල් පෙරේරා මහතා අභාවප්‍රාප්ත වී තිබෙනවා.

මියයනවිට ඔහු 73 හැවිරිදි වියේ පසුවූවා.

කලක් රෝගාතුරව සිටි ඔහු කොළඹ පෞද්ගලික රෝහලක නේවාසිකව ප්‍රතිකාර ලබමින් සිටියදීයි මියගොස් ඇත්තේ.

බොහෝ දෙනෙක් මහත් ආදරයෙන් වැලඳගත් ගීතාවලියක සංගීත නිර්මාපකයා වූයේ සිරිල් පෙරේරා මහතායි.

ඒ අතර සේපාලිකා, හුදෙකලා විරාමයේදි, මී පැනි රහසක්, කුස පබාවතී, නන්දනීය පෙම, වඩාත් ජනප්‍රිය වූවා.

Source Link : ආටිකල් 14.news