ගෙදරදීම සුදුවෙන්න ස්වාභාවික රුපලාවන්‍ය සත්කාර 7ක්

අපි කව්රුත් කැමතියි පොඩ්ඩක් සුදු වෙන්න. හැබැයි ඉතින් ඔය කඩේ තියෙන එක එක cream ගලා මුණ සවුත්තු කර ගන්නවට වඩා හොදයි , මොකුත් නොකර ඉන්න එක .එතකොට සල්ලි ටික හරි ඉතුරුයි. හැබැයි ඔයාලා දන්නවාද , මුහුණ පැහැපත් කර ගන්න තියෙන හොදම ක්‍රමය , පුළුවන් තරම් ස්වභාවික ප්‍රතිකාර කරන එක කියලා .අනික ඒ වගේ දේවල් වලට ගොඩක් සල්ලි යන්නෙත් නෑ. හරි ඔන්න එහෙනම් අද විශ්ම ලෝකය තුලින් අපේ කෙල්ලෝ වගේම , කොල්ලොන්ටත් පොඩ්ඩක් සුදු වෙන්න පුළුවන් වටිනා උපදෙස් ටිකක් දෙන්නම්.

Source Link : Wishma Lokaya

සරල කල්පිතයකින් ඩෙංගු මාරයා නිහඬ කළ අපේ කොල්ලා – ලෝකයම මවිත වෙයි

අනාදිමත් කලක සිට මදුරුවා නම් ක්‍ෂුද්‍ර සත්ත්වයා මිනිසාට ඉමහත් හිරිහැරයක්‌ ගෙන දුන්නේය. ඒ උගේ සිහින් තියුණු මුව තුඩින් මිනිස්‌ සම විද මිනිසාට වේදනාව ගෙන දීමෙනි. තියුණු සිහින් ඉඳිකටුවක්‌ වන් තුඩින් විද එයින් මදුරු කේටය යවා මිනිස්‌ රුධිරය තනුක කොට උරා බීම මදුරුවාගේ ආහාර ගැනීම් රටාවයි. මිනිසුන්ගේ ද සතුන්ගේ ද රුධිරය උරා බී ජීවත්වීම මදුරුවාගේ ජීවන ක්‍රමයයි.

“මිනිසාට අත් දෙකක්‌ ද, සත්ත්වයන්ට වල්ගා ද දෙවියන් විසින් ලබා දුන්නේ මදුරුවන් නිසා යෑයි කියමනක්‌ තිබේ. එහි සත්‍යයක්‌ නැතිවාම නොවේ. ශාක යුෂ උරා බොන මදුරුවෝ ද සිටිති.

මිනිස්‌ අතින් ගසා මරා දැමිය හැකි මදුරුවා, මිනිසාගේ මරුවා වීම එක අතකට සිතා ගත නොහැකි කරුණක්‌ මය. එසේ වුවද එය ද සත්‍යයමය.

අද දවසේ මදුරු මරුවෝ රැසෙකි. ඩෙංගු මදුරුවෝ මැලේරියා මදුරුවෝ, බරවා මදුරුවෝ, මේ ජනතාව අතර බෙහෙවින් භාවිත නම් ය. ඒවා කොපමණ ජනතාව අතර ප්‍රචලිත වී ඇති ද කිවහොත් ඩෙංගු, මැලේරියා, බරවා, රෝග වාහක මදුරුවන් ම පමණක්‌ නොව, ඕනෑම වර්ගයක මදුරු විශේෂ වලට මිනිසුන් බිය ය.

මැලේරියා, බරවා රෝග අප රටින් තුරන් වී යන විට ඩෙංගු හෙවත් ඩෙංගි රෝගය රට තුළ පැළ පදියම් වෙමින් තිබේ. ඒ ඩෙංගු මදුරුවා නිසාවෙනි. උතුරේ කොටි ත්‍රස්‌තවාදීන් රටටම විනාශකාරීන් වූවා සේම, කොටි පුල්ලි මෙන් පුල්ලි ඇති ඩෙංගු මදුරුවන් රටේම මරුවන් වී හමාරය.

පසුගිය අවුරුදු කීපය තුළ ඩෙංගු මදුරුවා ඩෙංගු රෝගය රටේ දිස්‌ත්‍රික්‌කයෙන් දිස්‌ත්‍රික්‌කයට, ගමින් ගමට, ගෙයින් ගෙට රැගෙන යමින් අසරණ කුඩා දරුවන්, තරුණ තරුණියන්, වැඩිහිටියන්, මහල්ලන්, දුප්පතුන් කෝටිපතියන්, කලාකරුවන්, දේශපාලකයන්, ආගමික නායකයන්, ගුරුන්, සිසුන් ආදී කිසිදු භේදයක්‌, තරාතිරමක්‌ නොබලා සාහසික අයුරින් මරා දැම්මේය. සොහොන් බිම් පුරවා දැම්මේය. ජීවත් වන උන්ගේ නෙත් වල සදහටම තෙත් වන කඳුළු උල්පත් මවා දැම්මේය.

ලොවේ සියලු විද්‍යාඥයෝ මේ ඩෙංගු මරුවාට එරෙහිව විවිධ බෙහෙත් වර්ග, නික්‍ෂේපන, විද්‍යාත්මක විලෝපීය සතුන්, විවිධ මර්දන ක්‍රම නිෂ්පාදනය කළහ. දියත් කළහ. ඩෙංගු මරුවා, අනික්‌ මැලේරියා, බරවා මදුරුවන් ලෙස නොව මෙල්ල නොවී තවමත් දරුවන්, මිනිසුන් මරා දමමින් සිටීම ලොව විද්‍යාඥයන්ට, වෛද්‍යවරුන්ට පුදුමයක්‌ මෙන්ම හිසරදයක්‌ වී තිබේ. ඩෙංගු වෛරසය මගින් සිරුරේ රුධිරයේ රුධිර පට්‌ටිකා විනාශ කිරීම, මැඬ පැවැත්වීම, තිබුණු ප්‍රමාණයට ගෙන ඒම ආදී ප්‍රතිකර්ම මගින් ස්‌වභාවිකව ප්‍රතිශක්‌තිකරණය ඇති කොට ඩෙංගු මරුවාගෙන් රෝගීන් බේරා ගැනීම අද දවසේ වෛද්‍යවරු සිදු කරති. ඒ අතරම ආයුර්වේද වෛද්‍යවරුද දේශීය ප්‍රතිකර්ම සඳහා පර්යේෂණ පවත්වති. දෙස්‌ විදෙස්‌ පර්යේෂකයන් පර්යේෂණ පවත්වද්දී කියුබාවෙන් (B.T.I. බැක්‌ටීරියා) ඩෙංගු මදුරු මර්දන විලෝපීයෙක්‌ ද සොයා ගත් පුවතක්‌ ද එය මෙරටට ගෙන එන පුවතක්‌ ද පසුගිය දිනවල ඇසුණු මුත් ඒවා පැමිණි බවක්‌ හෝ ඒවායින් ඩෙංගු මදුරුවා විනාශ කළ බවක්‌ හෝ ඩෙංගු රෝගය තුරන් කළ බවක්‌ හෝ සිදු වී නොමැත. ඩෙංගු තවමත් ම රට පුරා හිස ඔසවමින් ම සිටී. දරුවන් මිනිසුන් ගැහැනුන් තොග වශයෙන් මරා දමමින් සිටී.

මිනිසුන් පමණක්‌ නොව අසරණ තමා වැනි දරුවන් මෙම ඩෙංගු රෝගයට ගොදුරු වී මල් පරවී යන්නාක්‌ මෙන් බිම ඇද වැටීම දහසය හැවිරිදි රුමල් ඉඳුවර යෞවනයා බලා සිටියේ දැඩි කම්පාවෙනි. වේදනාවෙනි. ඔහු කවදත් සංවේදී අයෙකි. සත්ත්වයන් මිනිසුන් විඳින දුක ගැන ඔහු අනුකම්පා කළේය. සිතින්, හදවතින්, නෙතින් කඳුළු සැලීය. අන් අයගේ කඳුළු පිස දැමීමට ඔහුට අවැසි විය.

ඔහු කුඩා කල සිට සිතා සිටියේ රටට, ලොවට තමන් විසින් මෙහෙවරක්‌ කරනු ලබන්නේ කෙසේද? කවදාද යන්න පිළිබඳවයි. ඔහු අමුතුම විදියට ලොව ගැන මිනිසුන් ගැන සිතුවේය. ඔහුට කුඩා කල සිට ඒවා ගැන බොහෝ ප්‍රශ්න, ගැටලු තිබිණ. වරෙක ඔහු පියා, මව, සෙල්ලම් කිරීමට ගෙනා ක්‍රීඩා භාණ්‌ඩ කඩා වෙනත් ක්‍රීඩා භාණ්‌ඩ තැනීය. තොරතෝංචියක්‌ නැතිව මවගෙන්, පියාගෙන් ප්‍රශ්න ඇසීය. පියා වූ ආචාර්ය කේ. ආර්. ප්‍රසන්න සඳරුවන් හා මව වූ කෘෂිකර්ම දෙපාර්තමේන්තුවේ සහකාර අධ්‍යක්‍ෂිකාවක්‌ වූ බී. වී. ඩී. ශ්‍යාමලීත් ඉවසිල්ලෙන් හා ඕනෑකමින් කුඩා රුමල් ට පිළිතුරු සැපයුවෝය. ගැටලු නිරාකරණය කර දුන්හ. රුමල්ට ලෝකය, මිනිසුන් ගැන මානුෂවාදීව බැලීමට එය බෙහෙවින් ඉවහල් විය. තමාගේ ගමන් මඟ එපරිදි ඔහු කෙමෙන් කෙමෙන් එළිපෙහෙලි කර ගනිමින් පාදා ගනිමින් සිටියේය.

යෞවන වියට පිවිසෙමින් සිටින විට ඔහු විවිධ පර්යේෂණ හා විමර්ශන සිදු කරමින් සිටියේ ගමන් මඟේ ඉදිරි ලකුණු, සලකුණු කරමිනි. ඔහුගේ නිවසේ පසුබිම ඊට බෙහෙවින් උපකාර විය. විද්‍යාව ගැන උගත්, විද්‍යාවෙන් රැකියාව කරන දෙමාපියන් සිටින තම නිවස ඔහුට විද්‍යාගාරයක පහසුකම් දැනුම පසුබිම සපයා දුන්නේය.

ඔහු ගිය හලාවත ආනන්ද විදුහලින් ද ඔහුට විද්‍යානුකූල පසුබිමක්‌ උදා විය. රුමල්ගේ ඉදිරි ගමන් මඟ ගැන දූරදර්ශී වූ විදුහල්පතිවරයා ද ගුරු මණ්‌ඩලය ද පංතිභාර ගුරුවරු ද ඔහුට ඒ සඳහා ඉඩ හසර මෙන්ම දැනුම, අවබෝධය අභියෝග දිනීමේ ශක්‌තිය ද ලබා දුන්හ. ඔහු තම මල්ලී ඔමල් සමඟ නිවසේ කුඩා පර්යේෂණ ඇටවුම් සකස්‌ කළේය.

ඩෙංගු රෝගය වාහක මදුරුවා, දරුවන්, මිනිසුන් රෝගී වීම, මිය යැම, ගමට, රටට වේදනාව ශේෂ වීම යන කරුණු ගැන ඔහුගේ දැඩි අවධානය විය. මටත් මෙම රෝගයට පිළියමක්‌ කිරීමට ඇත්නම් යනුවෙන් ඔහුට සිතුණු වාර අනන්තය. අප්‍රමාණය. ඔහු ඒ ගැන බොහෝ සිතීය. පත පොත වලින් මාපියන්ගෙන් ගුරුවරුන්ගෙන් අන්තර් ජාලයෙන් බොහෝ කරුණු උගත්තේය.

පසුගිය 2017 අගෝස්‌තුවේ පාසලට ලිපියක්‌ ලැබිණි. ඒ ජාතික විදාතා පදනමෙනි. ආධුනික විද්‍යා හා ඉංජිනේරු නිපැයුම්කරුවන් වෙනුවෙන් තරග සඳහා ඉල්ලුම්කරුවන් ඉදිරිපත් කරන මෙන් දැනුම් දී තිබිණි. එපරිදි විදුහමල්පති ධනන්ජය වික්‍රම මහතා නි. විදුහල්පතිනිය හරහා විද්‍යා අංශය බාර රූපා මහත්මියට මෙය දැනුම් දුන්නේය. මධුශානි, රංගිකා, දිලිනි ජයවීර හා චාලිකා ප්‍රනාන්දු ගුරු මහත්මීහු ඒ සඳහා රුමල්ද නම් කළහ. ජාතික විද්‍යා පදනම මගින් පේරාදෙණිය විශ්වවිද්‍යාලයේදී ව්‍යාපෘති වාර්තා සෑදීමට ළමුනට වැඩමුළුවක්‌ පැවැත්වීය.

මෙයින් පසු රුමල්ට තම කල්පිතය පිළිබඳව ව්‍යාපෘතිය තැනීමේ අදහස සිතට කා වැදුණි. ඔහු මීට ප්‍රථම තම පියා සමඟ කිළිනොච්චි, මුලතිව්, පුදුකුඩුරිප්පු පෙදෙස්‌වලට ගිය විට එම ප්‍රදේශවල මදුරු ගහනය අඩු බව ඔහුට වැටහී ගියේය. ඊට හේතු ඔහු විමසීය. සෙවීය. ඔහුට යම් අදහසක්‌ සිතට ආවේය. එම අදහස ඔහු ලෝක පූජිත කරාවි යෑයි ඔහුට මොහොතකටවත් නොසිතුනි.

මදුරුවන් බෝ නොවන්නේ සෑදෙන මදුරුවන් විනාශ කරන කිසියම් බලවේගයක්‌ නිසා යෑයි ඔහු කල්පනා කළේය. ඔහු එම වළවල්වල ජල සාම්පල ගෙන පරීක්‍ෂණ කළේය. පුදුමයකි. ඔහුගේ සිතිවිල්ල නිවැරැදි විය. මදුරුවන් දක්‌නට නොලැබුණු ජල සාම්පල වල කිසියම් බැක්‌ටීරියාවක්‌ සිටිනු ඔහු දිටීය. ඔහුගේ කල්පිතයට මෙය ඇතුළත් කළේය. මාලිකා ටීචර් එම ව්‍යාපෘති වාර්තාව ජාතික විද්‍යා පදනමට ඉදිරිපත් කළාය.

එහි විද්‍යාව ප්‍රචලිත කිරීමේ අංශ ප්‍රධානි ජනක කරුණාසේන හා ඉංජිනේරු ජයවිලාල් මීගොඩ මහත්වරු එම වාර්තාව පරීක්‍ෂා කොට රාගම වෛද්‍ය පීSඨයේ අණුක ජීව විද්‍යා අංශයේ වෛද්‍ය මේනක හපුගොඩ, ආචාර්ය තාරක රණතුංග මහත්වරුනට ඉදිරිපත් කරන ලදි.

මේ වන විට දිවයිනෙන් ම මෙවැනි ව්‍යාපෘති හයසිය ගණනක්‌ ලැබී පළමු දෙවන හා අවසන් වටයට ව්‍යාපෘති වාර්තා තුනක්‌ (03) තේරී තිබුණි. රුමල් ගේ ව්‍යාපෘතිය අණුක ජීව විද්‍යා අංශයෙන් (MICRO BIOLOGY) ද කඳාන මැසිනඩ් හා මහනුවර කටුගස්‌තොට ශාන්ත අන්තෝනි විදුහලේ සිසුන් දෙදෙනෙක්‌ ඉංජිනේරු අංශයෙන් ද, ලෝක මට්‌ටමේ තරග සඳහා ශ්‍රී ලංකාව නියෝජනය කිරීමට තෝරා ගෙන තිබිණි.

ඉන් පසු මෙම මැයි මස 13 සිට 18 දක්‌වා ඇමරිකාවේ පෙන්සිල්වේනියා ප්‍රාන්තයේ පීට්‌ස්‌බර්ග් නගරයේ පවත්වන ලෝක විද්‍යා ඉංජිනේරු ප්‍රදර්ශනය සඳහා ඉදිරිපත් කරන ලදි. රුමල් ද ඉතිරි දෙදෙනාද එහි ගියහ.

ලොව සිටින විශිෂ්ට විද්‍යාඥ නොබෙල් ත්‍යාග ලාභී විද්වතුන්ගෙන් සමන්විත සම්මුඛ පරීක්‍ෂණ මණ්‌ඩලයක්‌ ද මහජනතාව ද ඔවුන්aගේ පර්යේෂණ පරීක්‍ෂා කළහ.

අවසන් දින 18 දා රුමල් ට ඩෙංගු මදුරුවා කීට අවස්‌ථාවේදී ම විනාශ කළ හැකි බැක්‌ටීරියාවක්‌ සොයා ගැනීම නිමිත්තෙන්, ලොව හොඳම විද්‍යා සොයා ගැනීම වෙනුවෙන් (ජීව අණුක විද්‍යා අංශය) ලොව තෙවන ස්‌ථානය ප්‍රදානය කරන ලදි. ඒ රටවල් හැත්තෑවකින් (70) තරග කරුවන් 1794 (එක්‌දහස්‌ හත්සිය අනූහතර දෙනකු) අතරින් වීම සුවිශේෂත්වයකි.

ඔහු සොයාගත් බැක්‌ටීරියාවට ඔහුගේ නමින් සටහන් තබා “බැසිලස්‌ සීරිස්‌ ස්‌ටේ්‍රන් ස්‌ටේ්‍රක්‌ එස්‌. එල්. 0001 (BACILLUS CEREUS STRAIN STRAIN SL0001) යනුවෙන් නම් තබන ලදි.

ලොව රටවල් හා විද්‍යාඥයන් ඔහුගේ සොයා ගැනීම අගයා පදක්‌කම් 96 කින් පුදන ලදි. ඔහු වෙනුවෙන් පේටන්ට්‌ බලපත්‍රයක්‌ ද ඉල්ලුම් කරන ලදි. ඔහු වෙනුවෙන් හලාවත ආනන්ද විදුහල මහ උපහාර උළෙලක්‌ සංවිධානය කොට ඇත. ආනන්ද විදුහල ආරම්භ කොට වසර 64 ක්‌ ගත වී ඇති මේ මොහොතේ මෙතෙක්‌ කලක්‌ විද්‍යා අංශයෙන් ලොව ඉහළම ස්‌ථානයට සිසුවෙක්‌ කීර්තිය ගෙනා ප්‍රථම අවස්‌ථාව මෙය බව විදුහල්පති ධනන්ජය වික්‍රම මහතා කීය.

විද්‍යා ආචාරිනී මාලිකා ප්‍රනාන්දු මහත්මිය පැවසුවේ රුමල් සැබෑ දක්‍ෂයකු බවය. එසේ වුවත් ඔහු කුඩා කල මහ වස දඟයකු බැව් ද ඇය සිනාසී පැවසුවාය. ඔහුගේ ඉදිරි අනාගතය ඔහු හදාගෙන ඇතැයි ද ඇය කීවාය.

රුමල්ගේ කල්පනාව එක අතකින් බැලූ විට සරලය. මදුරුවන් නොසිටියි නම් ඩෙංගු හෝ මැලේරියා හෝ හට නොගන්නවා ඇත. මදුරු බිත්තර ද විනාශ වනු ඇත. එම කල්පිතය බුදු දහමට අනුකූලය. ‘මූලයක්‌ නොමැති නම් ඵලයක්‌ හට නොගනී’. මේ සරල සිද්ධාන්තය රටට ලොවට කොතරම් වටනේද… ? ඔහු ලොව උසස්‌ තලයකට ඔසවා තැබුවේ මේ අමිල වූ සරල කල්පිතයයි.

ටෙරන්ස්‌ වනිගසිංහ
ලිපි මුලාශ්‍රය – දිවයින පුවත් පත

Source Link : Wishma Lokaya

ලක්ෂ 20ක වැටුප දමා ලංකාවට ඇවිත් හදවත් බද්ධ කරන දොස්‌තර

1967 වර්ෂයේ දෙසැම්බර් 03 වැනිදා දකුණු අප්‍රිකාවේ කේප්ටවුන් නගරයේ පිහිටි රෝහලකදී වෛද්‍ය විද්‍යාව උඩුයටිකුරු කළ සිදුවීමක්‌ සිදුවිය. දකුණු අප්‍රිකානු ජාතික විශේෂඥ වෛද්‍ය ක්‍රිස්‌ටියන් බර්නාඩ් සිදු කළ හදවත් බද්ධ කිරීමේ විශ්මිත ශල්‍යකර්මය සමස්‌ත වෛද්‍ය ක්‍ෂේත්‍රය එතෙක්‌ මෙතෙක්‌ ලැබූ සුවිශේෂීම ජයග්‍රහණය බවට පත් කළේය.

හදවත් බද්ධ කිරීමේ ශල්‍යකර්මය ඉතාම බැරෑරුම් සහගත සියුම් එකක්‌ වූ නිසාත්, එවැනි අභියෝගාත්මක ශල්‍යකර්මය කිරීමට සමත් වෛද්‍යවරුන් හිඟවීම නිසාත් ඒ වෙනුවෙන් අති විශාල මුදලක්‌ වැය වන නිසාත් මෙම ශල්‍යකර්මය ලොව පුරා ව්‍යාප්ත වුණේ ඉබිගමනිනි.

වෛද්‍ය ක්‍ෂේත්‍රයේ නිම් වළලු පුළුල් කිරීමට සමත් වූ හදවත් බද්ධ කිරීමේ ශල්‍යකර්මය දියුණු වෙමින් පවතින තුන්වැනි ලෝකයේ රටවල සිදු කිරීම සිහිනයක්‌ විය. එහෙත් ඒ අභියෝගය ශ්‍රී ලංකාවේ වෛද්‍යවරුන් කණ්‌ඩායමක්‌ විසින් ජයගත්තේ මුළු රටේම පමණක්‌ නොව ලෝකයේම අවධානය යොමුකර ගනිමින් ය.

ශ්‍රී ලාංකීය වෛද්‍යවරුන් මේ ජයග්‍රහණය ලබා ගන්නේ පළමුවැනි හදවත් සැත්කම සිදුකර හරියටම පනස්‌ වසරක්‌ ගෙවී ගිය පසුවය.

ඉතාම සීමිත පහසුකම් යටතේ සිදු කළ මේ අභියෝගාත්මක ශල්‍යකර්මය මේ වනවිට අතිශය සාර්ථක එකක්‌ බවට පත් වී හමාරය. මේ විශ්මිත ශල්‍යකර්මය සිදු කිරීමේ පුරෝගාමියා ලෙස කටයුතු කළේ හෘද රෝග විශේෂඥ වෛද්‍ය අනිල් අබේවික්‍රම මහතාය. වෛද්‍ය අනිල් අබේවික්‍රම මහතා තුළ තිබූ කැපවීම අධිෂ්ඨානය නිසාම වසර දෙකක්‌ වැනි කාල සීමාවක්‌ තුළදී ශ්‍රී ලාංකේය වෛද්‍ය ක්‍ෂේත්‍රය ලැබූ සුවිශේෂීම ජයග්‍රහණය ලබා ගන්නට හැකි වූ බව නොරහසකි.

මුදල් ඉපයීමේ පරමාර්ථයක්‌ හෝ වෙනත් ලාභ ප්‍රයෝජනයක්‌ ලබා ගැනීමේ පරමාර්ථයක්‌ නොමැතිව හුදෙක්‌ රටේ හදවත් රෝගවලින් පෙළෙන අහිංසක රෝගීන්ගේ ජීවිත බේරා ගැනීමේ එකම පරමාර්ථයෙන් සිදුකළ මෙම සැත්කම ඉතිහාසයේ රන් අකුරින් ලියෑවී හමාරය.

ශ්‍රී ලාංකේය වෛද්‍ය ඉතිහාසය රන් අකුරින් සටහන් කළ මේ ජයග්‍රහණයේ නියමුවා ලෙස සිටි හෘද රෝග විශේෂඥ වෛද්‍ය අනිල් අබේවික්‍රම මහතා ‘දිවයින ඉරිදා සංග්‍රහය’ සමඟ සම්මුඛ සාකච්ඡාවකට එක්‌වෙමින් සිය අත්දැකීම් මෙසේ විස්‌තර කළේය.

ò වකුගඩු බද්ධ කිරීම්, බයිපාස්‌ සැත්කම්, අක්‍ෂි බද්ධ කිරීම් ශ්‍රී ලංකාවේ බොහොම සුලභව සිදුවන ශල්‍යකර්ම. එහෙත් හදවතක්‌ බද්ධ කිරීම ඉතාම සුවිශේෂී කටයුත්තක්‌. එවැනි අභියෝගාත්මක ශල්‍යකර්මයක්‌ සඳහා ඔබ යොමු වුණේ කෙසේද?

හෘද රෝග විශේෂඥ වෛද්‍ය උපාධිය ලබා ගත්තාට පස්‌සේ මගේ ලොකු ආශාවක්‌ තිබුණා හෘදය බද්ධ කිරීමේ ශල්‍යකර්ම පැත්තට යොමු වෙන්න. ලෝකයේ දියුණු රටවල පමණක්‌ සිදුකරන මේ ශල්‍යකර්මය පිළිබඳ හැදැරීමක්‌ කරන්න මට අවශ්‍ය වුණා.

ඒ වගේම හෘදය සහ පෙනහළු බද්ධ කිරීමේ ශල්‍ය ඒකකයක්‌ අපේ රටේ නැහැ. මේ රටේ දුප්පත අහිංසක ජනතාව වෙනුවෙන් හෘදය බද්ධ කිරීමේ ඒකකයක්‌ කොහොම හරි බිහිකරන්න මගේ ලොකු බලාපොරොත්තුවක්‌ තිබුණා.

මම මේ ගැන හොයන්න උනන්දු වුණා. හෘදය සහ පෙනහළු බද්ධ කිරීම සාර්ථකවම සිදු කළේ එංගලන්තයේ. මෙවැනි ශල්‍යකර්ම කරන මධ්‍යස්‌ථාන පහක්‌ එංගලන්තයේ තියෙනවා.

හෘදය සහ පෙනහළු බද්ධ කිරීමේ ශල්‍යකර්ම ඉතාම සාර්ථකව සිද්ධ කළේ එංගලන්තයේ නිව්කාසල් හි පිහිටි ෆ්‍රීමන් රෝහලෙයි. අන්තිමේදී මම තීරණය කළා මේ ෆ්‍රීරමන් රෝහලට සම්බන්ධ වෙලා හෘදය බද්ධ කිරීම පිළිබඳව හැදැරීමක්‌ කරන්න. ෆ්‍රීමන් රෝහලට වෛද්‍යවරයකු ලෙස සම්බන්ධ වීම ලෙහෙසි පහසු කටයුත්තක්‌ නෙවෙයි.

මේ රෝහලට වෛද්‍යවරුන් බඳවා ගන්නෙ සම්මුඛ පරීක්‍ෂණයක්‌ තියලා. ඒත් මේ රෝහලේ බලධාරීන් ඊට බඳවා ගනිද්දී ප්‍රමුඛත්වය දෙන්නෙ බ්‍රිතාන්‍ය ජාතිකයන්ට. දෙවැනි අවස්‌ථාව දෙන්නේ යුරෝපා සංගමයේ රටවල වෛද්‍යවරුන්ට. තුන්වැනි අවස්‌ථාව තමයි ඒ අය ආසියාතික රටවලට දෙන්නේ.

මම ෆ්‍රීමන් රෝහලේ සම්මුඛ පරීක්‍ෂණයට ඉදිරිපත් වුණේ 2012 වර්ෂයේදී. රෝහලේ බලධාරීන් මගේ සුදුසුකම් පරීක්‍ෂා කළා. මගෙන් ඇහුව ඇයි ඔබ මේ රෝහලට ඇතුළු වෙන්න තීරණය කළේ කියලා. මම කිව්වා හෘදය සහ පෙනහළු බද්ධ කිරීම පිළිබඳව වැඩිදුර හැදැරීමක්‌ කරලා මගේ මව් රටෙත් මේ වගේ ඒකකයක්‌ ආරම්භ කරන්න මගේ බලාපොරොත්තුවක්‌ තියෙනවා කියලා.

ෆ්‍රීමන් රෝහලේ බලධාරීන් ඒකට බොහොම කැමැති වුණා. මේ අය තීරණය කළා මාව බඳවා ගන්න. ඒ විතරක්‌ නෙවෙයි ශ්‍රී ලංකාවේ හෘදය සහ පෙනහළු බද්ධ කිරීමේ මධ්‍යස්‌ථානයක්‌ ආරම්භ කරන්න උදව් කරන්නත් ඒ අය පොරොන්දු වුණා.

ඒ අනුව මම 2013 වර්ෂයේ එංගලන්තයේ නිව්කාසල් හි පිහිටි ෆ්‍රීමන් රෝහලේ හෘදය සහ පෙනහළු බද්ධ කිරීමේ ඒකකයේ වෛද්‍ය කණ්‌ඩායමට එකතු වුණා.

මේ රෝහලේදී අපි කළේ හෘදය සහ පෙනහළු බද්ධ කිරීමේ ශල්‍යකර්ම පමණයි. ෆ්‍රීමන් රෝහලේ වෛද්‍යවරුන් එක්‌ක වැඩ කරලා හෘදය බද්ධ කිරීම පිළිබඳව විශාල දැනුමක්‌ ලබා ගන්න මට හැකි වුණා. මේ රෝහලේදී මම එක දවසක්‌ හෘදය බද්ධ කිරීමේ ශල්‍යකර්මවලට සහභාගි වෙන්න ඕනෙ. අනික්‌ දවසේ එංගලන්තයේ වෙනත් පළාත්වල රෝහල්වලින් හෘදයවස්‌තු රැගෙන ඒමේ කාර්ය කරන්න ඕනේ.

මේ කාර්යය සඳහා මට ජෙට්‌ එකක්‌ පවා ලබා දී තිබුණා. මොළය මියගිය පුද්ගලයන්ගෙන් ලබා ගන්නා හදවත් සහ පෙනහළු පැය තුනක්‌ වගේ කෙටි කාලයක්‌ තුළදී හදවත් රෝගියාට බද්ධ කරන්න ඕනේ. මේක ඉතාම භාරදූර කාර්යයක්‌. ඒනිසා තත්පරයක කාලයක්‌ බොහොම වටිනවා.

ඒ නිසයි ෆ්‍රීමන් රෝහල හදවත් සහ පෙනහළු ගෙන ඒමේ කාර්ය සඳහා ජෙට්‌ යානා යොදා ගන්නෙ. කොටින්ම මේ ජෙට්‌ යානය අහසේ ඉහළට පවා යන්නෙ නැහැ. අහසෙ පහළින් පියාසර කරන්නේ. එහෙම කරන්නෙ ජෙට්‌ එක ඉහළට යන කාලය පවා ඉතිරි කරගන්න. හෘදය වස්‌තු රැගෙන එන දවසට නිව්කාසල් හි ෆ්‍රීමන් රෝහල අවට මාර්ගය පවා පොලිසියෙන් වහල දානවා. මොකද රථවාහන තදබදයක්‌ නැතිව හෘදය වස්‌තු ඉතාම කෙටි කාලයකින් රෝහල වෙත ගෙන එන්න අවශ්‍ය පහසුකම් සලසා දෙනවා.

* එංගලන්තයේ මිනිස්‌සු හදවත් පරිත්‍යාග කිරීම් කරනවද?

එංගලන්තයේ ජනතාව බොහොම බුද්ධිමත්. ඒ අය දන්නවා කිසියම් රෝගියකුගේ මොළය මිය ගියාම එයාව ජීවත් කරන්න බැහැ කියලා. ඊ.සී.ජී. වැඩ කළාට ඒ අය දන්නවා රෝගියා දවස්‌ තුන හතරකට වඩා ජීවත් වෙන්නෙ නැහැ කියලා.

ඒ නිසා ඒ රෝගියාගේ පවුලේ අය කියනවා එයාගෙ හදවත, පෙනහළු, වකුගඩු වගේම බද්ධ කරන්න පුළුවන් හැම දෙයක්‌ම අයින් කර ගන්න කියලා. ඒ වගේම එංගලන්තෙ හදවත් බද්ධ කරන රෝහල් පහේ හදවත් අවශ්‍ය කරන රෝගීන් ලියාපදිංචි වෙලා ඉන්නේ. මොළය මිය ගිය රෝගියෙක්‌ ආවහම මේ ලියාපදිංචි ලැයිස්‌තුවේ රෝගීන්ගෙන් කෙනෙක්‌ තෝරා ගෙන එයාට හදවත බද්ධ කිරීම කරනවා.

ò හදවත් සහ පෙනහළු බද්ධ කිරීම ලෝකයේ රටවල් පුරා ව්‍යාප්තවීම සිද්ධ වෙන්නේ බොහොම හෙමින් ඇයි එහෙම වෙන්නේ?

මුල්ම හදවත් බද්ධ කිරීමේ ශල්‍යකර්මය සිද්ධ වෙන්නේ 1967 වර්ෂයේ දකුණු අප්‍රිකාවේදී. ඇමරිකාවේ කැලිෆෝනියා විශ්වවිද්‍යාලයේ අධ්‍යාපනය ලැබූ ක්‍රිස්‌ටියන් බර්නාඩ් නමැති විශේෂඥ වෛද්‍යවරයා තමයි මේ ශල්‍යකර්මය කළේ.

ක්‍රිස්‌ටියන් බර්නාඩ් ඇමරිකාවෙ අධ්‍යාපනය ලැබුවට එයාට එහිදී මේ ශල්‍යකර්මය කරන්න ලැබුණෙ නැහැ. මොකද ඒ කාලේ ඇමරිකන් නීතිය අනුව හදවත් ඉවත් කර වෙනත් අයට බද්ධ කරන්න හැකියාවක්‌ තිබුණේ නැහැ.

ඒ නිසා ක්‍රිස්‌ටියන් බර්නාඩ් ඇමරිකාවෙ අධ්‍යාපනය ලබලා එයාගෙ මව් රට වූ දකුණු අප්‍රිකාවට ගිහින් මේ ශල්‍යකර්මය සාර්ථකව කළා. පළමු වැනි හදවත් සැත්කම කරලා වසර 50 ක්‌ ගත වුණත් මේක ලෝකෙ ව්‍යාප්ත වෙලා තියෙන්නේ ඉතාම සීමිත රටවල් ගණනකට. මේ වෙනකොට හදවත් බද්ධ කිරීම් අපේක්‍ෂාවෙන් ලෝකය පුරා රෝගීන් ලක්‍ෂ 5 ක්‌ සිටිනවා. ඒත් හදවත් බද්ධ කිරීමේ සැත්කම් වසරකට සිද්ධ වෙන්නෙ පන්දහසකට අඩු ප්‍රමාණයක්‌.

හදවත් බද්ධ කිරීමේ සැත්කම් ව්‍යාප්ත නොවෙන්න එක හේතුවක්‌ තමයි එය ඉතාම සංකීර්ණ බැරෑරුම් ශල්‍යකර්මයක්‌ වීම. ඉතාම සුළු අත්වැරදීමකින් පවා රෝගියාගේ ජීවිතය නැතිවෙන්න පුළුවන්. ඒ වගේම හදවත් පරිත්‍යාග කරන්නන් මෙන්ම හදවත් ලබාගන්නා රෝගීන් අතර විශාල ගැලපීමක්‌ තියෙන්න ඕනෙ.

හදවත් බද්ධ කිරීමේ ශල්‍යකර්මයක්‌ සඳහා අති විශාල මුදලක්‌ වැය වෙනවා. මේ වගෙ ශල්‍යකර්මයක්‌ ඇමෙරිකාවේදී සිදු කළොත් අවම වශයෙන් රුපියල් කෝටි 20 කට ආසන්න මුදලක්‌ ඊට වැය වෙනවා.

ඒ වගේම මුදල් තිබ්බ පලියට ශල්‍යකර්මය වෙනත් දියුණු රටකට ගිහින් කරන්න බැහැ. මොකද හදවත් බද්ධ කිරීම් කරන්නේ තමුන්ගේ මවුරටේ පුරවැසියන්ට පමණයි. මේ නිසාමයි මට අවශ්‍ය වුණේ අපේ මව් රටේ අහිංසක දුප්පත් හදවත් රෝගීන් වෙනුවෙන් මේ වගේ දෙයක්‌ කරන්න.

පළමුවැනි හදවත් බද්ධ කිරීමේ සැත්කම සිදු කරලා වසර 50 ක්‌ ගත වෙනතුරුත් එය ශ්‍රී ලංකාවට ආවෙ නැත්තෙ ඒ පිළිබඳ විශේෂඥ දැනුම, උනන්දුව කැපවීම තියෙන අය අපේ රටේ නොසිටි නිසයි.

වසර 2 1/2 ක්‌ තිස්‌සේ මම ෆ්‍රීමන් රෝහලේ හදවත් බද්ධ කිරීමේ ශල්‍යකර්ම සිදු කළා. ඒ කාල සීමාව තුළම මම හිතුවේ මේ වැඩේ මම කොහොමද ශ්‍රී ලංකාවට ගිsහින් කරන්නෙ කියලා.

මොකද මම ඒ වෙනකොට දැනගෙන හිටියා ශ්‍රී ලංකාවෙ හදවත් බද්ධ කිරීමේ අවශ්‍යතාව තියෙන දුප්පත් අහිංසක මිනිස්‌සු සෑහෙන පිරිසක්‌ ඉන්න බව. ඒ අයට මේ වෙනුවෙන් වියදම් කරන්න මුදල් නැහැ. ඒ අය මරණ සහතිකය අතේ තියාගෙන ඉන්න මිනිස්‌සු. ඒ අයගෙ ජීවිත බේරගන්න මට පුළුවන් තරම් ඉක්‌මනට මගේ මව් රටේ හදවත් බද්ධ කිරීමේ ඒකකයක්‌ ස්‌ථාපනය කරන්න ඕනේ කියලා මම හිතුවා. මේ ගැන මට ෆ්‍රීමන් රෝහලේ වෛද්‍යවරුන් සමඟ නිතරම කතා කළා. නොදියුණු රටවල මේ ඔපරේෂන් එක කරන්නෙ නැහැ. මොකද ඒක ලොකු වියදමක්‌ යන අමාරු වැඩක්‌ නිසා. ඒත් ඒ අය බොහොම කැමැත්තෙන්ම ඉදිරිපත් වුණා මට උදව් කරන්න.

හෘදය බද්ධ කිරීමේ ශල්‍යකර්මය කරන්න ඒ සම්බන්ධ සෑම දැනුමක්‌ම ලබා ගන්න ඕනෙ. නිර්වින්දන වෛද්‍යවරයාගේ කාර්ය භාරයේ ඉඳලා හදවත් බද්ධ කරන වෛද්‍යවරයා දක්‌වා ම තියෙන හැම කාර්යයක්‌ම මම හොඳින් ඉගෙන ගත්තා.

මොකද මම දැනගෙන හිටියා මේ සැත්කම් කරන්න ඒ ගැන පුහුණුවක්‌ ලබා ගන්න ලංකාවෙන් වෛද්‍යවරු ගෙන්න ගන්න අමාරු බව. ඒ වෙනුවෙන් ලොකු මුදලක්‌ රජයට දරන්න වෙනවා. ඒ නිසා මම තීරණය කළා හදවත් බද්ධ කිරීමේ ශල්‍යකර්මයට අවශ්‍ය කරන සියලුම කාර්යයන් හොඳින් හදාරන්න. හදවත් බද්ධ ශල්‍යකර්මය කරන්න පෙර සහ ශල්‍යකර්මය කළාට පස්‌සෙ රෝගියා ප්‍රකෘති තත්ත්වයට ගේන්න ලොකු වැඩ කොටසක්‌ කරන්න ඕනෙ. සුළු අත්වැරැද්දක්‌ පවා සිදු වුණොත් රෝගියා මියයන්න පුළුවන්. ඒ නිසා මේ හැමදෙයක්‌ ම බොහොම ක්‍රමවත්ව හදාරන්න ඕනෙ.

හදවත් බද්ධ කිරීම පිළිබඳ විශේෂඥ වෛද්‍යවරුන් ශ්‍රී ලංකාවෙ නැහැ. හදවත් බද්ධ කිරීමේ ශල්‍යකර්මය බොහොම සියුම්ව කළ යුතු ඉතාම සංකීර්ණ ශල්‍යකර්මයක්‌. ඒ සඳහා විශේෂඥ වෛද්‍යවරුන් විශාල පිරිසකගේ දායකත්වය ලබා ගන්න ඕනෙ.

ශ්‍රී ලංකාවේ වෛද්‍යවරුන්ට මේ ගැන දැනුමක්‌ ලබා දෙන්න ඕනෙ නිසා මම මේ ශල්‍යකර්මයට අදාළ හැම දෙයක්‌ම හොඳින් හැදෑරුවා. 2014 වර්ෂයේදී මම ආපහු මව්රටට ආවා.

ෆ්‍රීමන් රෝහලේ බලධාරීන් මම ආපසු ශ්‍රී ලංකාවට යනවට කැමැති වුණේ නැහැ. ඒ අය මට රුපියල් විසි ලක්‍ෂයකට වැඩි වැටුපක්‌ ගෙවන්න කැමති වුණා. ඒත් මගේ හිතේ වැඩ කළේ වෙන දෙයක්‌. මට ඕන වුණේ මේ අභියෝගාත්මක ශල්‍යකර්මය අපේ රටේ කරන්න. මුදලක්‌ වියදම් කරගන්න බැරිව අසරණ වෙලා ඉන්න හදවත් රෝගීන් බේරා ගන්න.

මම ආපහු ශ්‍රී ලංකාවට එනව කිව්වාම මගේ අම්මා මට හොඳටම දොස්‌ කිව්වා. එංගලන්තෙ වගේ ලොකු රටක ලොකු පඩියක්‌ දාලා ආපහු එන එක තේරුමක්‌ නැහැ කියලා එයා කිව්වා. අම්මා කිව්වා ඔයා ලංකාවට ඇවිත් මෙහෙ ගන්න සොච්චම් පඩියත් මිනිස්‌සුන්ට වියදම් කරයි කියලා.

මේ හැම ඉල්ලීමක්‌ ම පැත්තක දාලා මම ශ්‍රී ලංකාවට ඇවිත් හදවත් බද්ධ කිරීමේ ශල්‍යකර්මය මගේ මව් රටේදීම කරන්න සැලසුම් සකස්‌ කරන්න පටන් ගත්තා. ඒත් මේ ශල්‍යකර්මයට අවශ්‍ය කරන කිසිම පහසුකමක්‌ අපට තිබුණේ නැහැ.

ශල්‍යකර්මය කරන්න අවශ්‍ය කරන වෛද්‍ය උපකරණ, හදවත් බද්ධ කිරීම පිළිබඳව හැදැරූ වෛද්‍යවරුන් කණ්‌ඩායමක්‌, ශල්‍යකර්මය කරන්න පහසුකම් ඇති රෝහලක්‌ අවශ්‍ය වුණා. ඒත් ඒ කිසිම දෙයක්‌ තිබුණේ නැහැ.

හදවත් බද්ධ කිරීමේ ශල්‍යකර්මය කරන්න අවශ්‍ය කරන සියලුම දැනුම, තාක්‍ෂණය ඒ වෙනකොට මගේ ළඟ තිබුණා. ඒවගේම ෆ්‍රීමන් රෝහලේ වෛද්‍ය කණ්‌ඩායම මා එක්‌ක හිටියා. ඒ අය සැත්කම්වලට අවශ්‍ය කරන සියලු උදව් උපකාර කරන්න ලෑස්‌ති වෙලා හිටියෙ.

ඒ වගෙම ලොකුම අභියෝගයක්‌ වුණේ මේ ශල්‍යකර්මය කරන්න රෝගීන් සොයා ගන්න එක. මොකද හදවත් බද්ධ කිරීම් අවශ්‍ය කරන රෝගීන් හිටියා. ඒ අය කැමැති වෙන්නෙ නැහැ පුහුණු වෙන්න වෛද්‍යවරුන්ට තමන්ගෙ ඔපරේෂන් එක කරන්න දෙන්න.

ඒ රෝගියත් බලන්නෙ පුළුවන් තරම් කල් ජීවත් වෙන්න. ඒ නිසා ශල්‍යකර්මය සාර්ථකව කරන බවට රෝගියා තුළ විශ්වාසයක්‌ ගොඩනැඟීමේ කාර්යය කළ යුතු වුණා.

ඒ නිසා මම තීරණය කළා මේ ශල්‍යකර්මය ජාත්‍යන්තර සහාය ඇතිව කරන බවට රෝගීන් දැනුවත් කරන්න.

ඒ වගේම මේ වගෙ ඔපරේෂන් එකක්‌ කරද්දී ශල්‍ය වෛද්‍යවරුන්ගේ සංගමය එක්‌ක එකතු වෙන්න ඕනෙ. ඒ අය දැනුවත් කරන්න ඕනෙ මේ වගේ ඔපරේෂන් එකක්‌ අපි කරනවා කියලා.

දවසක්‌ මම මේ ශල්‍ය වෛද්‍යවරුන්ගේ සංගමයේ වෛද්‍යවරුන්ට දේශනයක්‌ තිබ්බා. එංගලන්තයේදී මම හදවත් බද්ධ කිරීම පිළිබඳව ලබාගත් දැනුම ඒ අනුසාරයෙන් අපේ රටේ මේ සැත්කම ක්‍රියාත්මක කළ යුතු ආකාරය පිළිබඳ මේ අය දැනුවත් කළා. මම ඒ අයගේ උදව් ඉල්ලුවා මේ ඔපරේෂන් එක ලංකාවෙ කරන්න. ඒ වගේම අපේ ඉන්න ජ්‍යෙෂ්ඨම ශල්‍ය වෛද්‍යවරුන් එක්‌ක මම මේ ගැන සාකච්ඡා කළා. මම කිව්වා මැරෙන්න ඉන්න මේ ලෙඩ්ඩුන්ට හදවත් බද්ධ කිරීමේ ශල්‍යකර්මය කළාම ඒ අයට තව අවුරුදු 25 – 30 ක්‌ හොඳින් ජීවත් වෙන්න පුළුවන් කියලා. අන්තිමේදී මේ වෛද්‍යවරු හැම කෙනෙක්‌ම කැමැති වුණා මට උදව් කරන්න. ඒ වගේම මේ වෛද්‍යවරුන් මගෙන් ඉල්ලීමක්‌ කළා හදවත් බද්ධ කිරීම පිළිබඳ විශේෂඥ දැනුම තියන විදේශ විශේෂඥයෙක්‌ ශ්‍රී ලංකාවට ගෙන්නලා නැහැ. එහෙම කෙනෙක්‌ අපේ රටට ගෙන්වන්න කියලා මේ වෛද්‍යවරු මගෙන් ඉල්ලා සිටියා.

එංගලන්තයේ ෆ්‍රීමන් රෝහලේ අධ්‍යක්‍ෂ හදවත්, උරස්‌, ශල්‍ය හදවත් පෙනහළු අංශයේ ප්‍රධානී විශේෂඥ වෛද්‍ය මහාචාර්ය ස්‌ටීව් සී. ක්‌ලාක්‌ මහතා මගේ හොඳ මිත්‍රයෙක්‌. එයා කැමැති වෙලා හිටියා ශ්‍රී ලංකාවේ මේ සැත්කම කරන්න උදව් වෙන්න. මම එයාට මේ ගැන දැනුම් දුන්නා. මගේ රටට ඇවිත් අපේ වෛද්‍යවරුන් හමු වී දැනුවත් කිරීම් කරන්න කියලා. ස්‌ටීව් ක්‌ලාක්‌ ඒකට කැමැති වුණා.

Source Link : Wishma Lokaya

කරගැට ගල් තැලුම් ගැලවී වැටෙන්නට මේ සරල අත් බෙහෙත් කරන්න

ප්‍රශ්නය – පසුගිය සති දෙක තුළ පාදයේ හට ගන්නා ගල් තැලුම් ගැන ඔබ අප දැනුවත් කළා එම ලිපි කියෑවීමෙන් පසු අපට ලැබුණු දුරකථන ඇමතුම් සහ විමසීම්වලින් පෙනී ගියේ ගල් තැලුම් සෑදුන දහස්‌ සංඛ්‍යාත පිරිසක්‌ මේ රටේ සිටින බවයි.

එයට කළ යුතු ප්‍රතිකාර ගැන අවබෝධයක්‌ නැතිකමින් ඔවුන් විශාල දුකක්‌ විඳින බව පෙනී ගියා

ආචාර්ය වෛද්‍ය ඒ පුෂ්පකුමාර – එයට හේතුව පාද සෞඛ්‍යය ගැන ජනයාට අවබෝධයක්‌ හෝ දැනුමක්‌ නැති කමයි. පාද කියන්නේ අපේ ශරීරයේ තිබෙන වටිනාම කොටසක්‌.

මහ පොළොව සමඟ කෙළින්ම ගනුදෙනු කරන මහ පොළොව සමඟ කෙළින්ම ගැටෙන සහ ස්‌පර්ශ වන ශරීරාංගය වන පාද සුරක්‍ෂිතව පවත්වාගෙන යැම සඳහා සෞඛ්‍යාරක්‍ෂක වැඩපිළිවෙළක්‌ දියුණු රටවල තිබෙනවා.

පාද සුරක්‍ෂිත කර ගැනීම කොතරම් වැදගත්ද යන්න ගැන අපේ ජනයාට දැනුම් දීමේ වැඩපිළිවෙළක්‌ නැහැග පාදයක හැදෙන සුළු තුවාලය පවා පාදය කපා ඉවත් කිරීම දක්‌වා දුරදිග යන අවස්‌ථා තිබෙනවා.

ප්‍රශ්නය – ගල් තැලුම්වලින් වැළකී පාද සුරක්‍ෂිත කරගැනීමට ආයුර්වේද ක්‍රමවේද තිබෙනවාද?

ආචාර්ය වෛද්‍ය ඒ පුෂ්පකුමාර – නූතන ආයුර්වේදයේ මට්‌ටම් දෙකක්‌ තිබෙනවා.

සමහරු නවීන උපකරණ යොදාගෙනල නවීන තාක්‍ෂණය යොදාගෙන ආයුර්වේද ඖෂධ මගින් ප්‍රතිකාර කරනවාග තවත් සමහර වෛද්‍යවරු තනිකරම සාම්ප්‍රදායික විදියට ආයුර්වේද ප්‍රතිකාර කරනවා. මා මෙතැන් සිට සඳහන් කරන්නේ මේ ක්‍රම දෙකම එක්‌ කරගත් ඉන්දියානු ආයුර්වේද සම්ප්‍රදාය යටතේ පාද සෞඛ්‍යය සුරකින ක්‍රම කිහිපයක්‌.

දෙහි යුෂ කියන්නේ පාදවලට ඉතාම ගුණවත් ආලේපයක්‌ග දෙහි බෑවක්‌ අරගෙන ගල් තැලුම මත ඇතිල්ලීම දිනපතාම සිදු කළාම සහනයක්‌ දැනෙනවා.

පා ඇඟිලිවල එන ඇතැම් කරගැටවල දෙහි ඇතිල්ලුවාම එම කරගැට ගැලවී යනවා. හැබැයි මේ ප්‍රතිකාරය ටික කලක්‌ නොනවත්වාම කළ යුතුයි.

සෝඩියම් බයිකාබනේට්‌ හෙවත් බේකිං සෝඩා මේස හැඳි 3 ක්‌ උණු වතුර බේසමකට දමා කලවම් කර පාද එහි ඔබාගෙන විනාඩි 15 ක්‌ සිටිය යුතුයි.

ඊළඟට බේකිං සෝඩාවලින් තලපයක්‌ සාදා එය ගල් තැලුම හෝ කරගැට මත තවරා රෙදි පටියකින් වෙලා පැය 12 ක්‌ තැබිය යුතුයි. මෙසේ ටික කලක්‌ යද්දී කරගැට ගැලවී යනවා

පොල් විනාකිරිවල පෙඟවූ පුලුන් කැබැල්ලක්‌ ගල් තැලුම හෝ ඉන්නා මත තබා රෙදි පටියකින් වෙලා පැය 4 ක්‌ තැබූ විට ගල් තැලුම හෝ කරගැටය බුරුල් වීමට පටන් ගන්නවා.

මේ ආකාරයෙන් දිනකට දෙවරක්‌ සතියක්‌ පුරා කළ විට ගල්තැලුම ඉවත් කිරීම පහසු වන අතර කරගැටය ගැලවී වැටෙනවා.

අන්නාසි ලෙල්ලක්‌ කරගැටය මත තබා රෙදි පටියකින් වෙලා රැයක්‌ පුරා තබන්න මෙසේ දින කිහිපයක්‌ කළ විට කරගැටය ගැලවී වැටෙනවා.

තලන ලද සුදුලූනු බිකක්‌ කරගැටය මත තබා බැඳ රැයක්‌ තබන්නග දින කිහිපයක්‌ මේ ප්‍රතිකාර කළ විට කරගැටය ගැලවී වැටෙනවා.

සාකච්ඡා කළේ සංඛනාද වෙදගෙවත්ත

මුලාශ්‍රය – දිවයින

Source Link : Wishma Lokaya

අවුරුදු සීයක් සපිරුණු නැදුන්ගමුවේ ඇත් පරපුර – නැදුන්ගමුව වේද නිවසේ අපිරිමිත කැපවීම කියවන්න

ශ්‍රී ලංකාවේ අලි ඇතුන්ගේ ඉතිහාසය ප්‍රාග් ඓතිහාසික යුගය දක්වා දිවෙයි. මීට අවුරුදු දහස් ගණනකට පෙර ශ්‍රී ලංකාව හා ඉන්දියානු භූමිය එකක්ව තිබියදී ඉන්දියානු අලි ඇතුන් ලංකාවට සංක්‍රමණය වූ බවත්, ශ්‍රී ලංකාවේ ‘විල්’ අලියා ඉන්දියාවට සංක්‍රමණය වූ බවත් සාක්ෂි තිබේ.

පැරණි ලංකාවේ කන්ද උඩරට සෑම ප්‍රභූවරයෙකුටම අලි ඇතුන් කිහිපදෙනෙකු සිටි බැව් කියැවේ. ගරු ගාම්භීරත්වයේ මෙන්ම නම්බුකාරකමේ සංකේතයක් ලෙස එදා උඩරට ප්‍රභූවරු අලි ඇතුන් ඇතිදැඩි කළ නමුත් පහතරට ප්‍රදේශයේ අලි ඇතිකිරීම සිදුකරනු ලැබුවේ හුදෙක් අලියාගෙන් සේවය ලබාගැනීම පිණිසය. දැවදඬු ප්‍රවාහනය, පෙරහර ආදී සේවාවන් ඒ අතර ප්‍රමුඛ විය.

අලි ඇතුන් රඳවා තබා ගැනීම සඳහා බො​හෝ ඇත්ගාල් මෙරට පිහිටියේය. අලි ඇතුන් සිරකර තබා ගැනීමේ ක්‍රමයක් ලෙස සැලකෙන ඇත්ගාල්වලට වඩා ලිහිල් හා නිදහස් ක්‍රමයක් වන්නේ ‘ඇත් පන්තියයි’ ඇත් පන්තියට අනුව අලි ඇතුන් ජීවත් වන්නේ විශාල වතුවල නිදහසේය. එවන් ඇත් පන්ති විශාල ගණනක්ද අපේ රටේ තිබිණි.

අප මේ කියන්නට යන්නේ ගම්පහ දිස්ත්‍රික්කයේ සියනෑ කෝරළයේ වසර 100 ක් තිස්සේ පවතින ඇත් පන්තියක් පිළිබඳවය. මෙම වසර 100 පුරාම අලි ඇතුන්ගේ හිඟයකින් තොරව නැදුන්ගමුව ඇත්පන්තිය පෝෂණය වී තිබේ. 1917 දී ආරම්භ වූ නැදුන්ගමුව ඇත් පන්තිය මේ වනවිට වසර 100 සම්පූර්ණ කරන්නේ මේ වනවිට රටේ ප්‍රධානතම ඇතා ලෙස සැලකෙන නැදුන්ගමුවේ රාජා ද සහිතවය.

නැදුන්ගමුවේ ඇත් පන්තිය සඳහා ප්‍රථම වරට අලියෙකු ලැබෙන්නේ 1917 දීය. ඒ වත්මනෙහි නැදුන්ගමුව වෙද පරපුරේ සාමාජිකයා වන හර්ෂ ධර්ම විජය මහතාගේ මුත්තාවූ ලිව්නිස් පෙරේරා මහතාගේ කාලයේය. ඔහුගේ බාල සහෝදරයා බැලුම්මහර ගොඩගෙදර පිරිවෙනේ මහණවීමට තීරණය කළේය. මෙම කුල දරුවා පෙරහරකින් රැගෙන යායුතු වූ නිසා ලිව්නිස් පෙරේරා මහතා අලියෙකු මිලට ගත්තේය. ඒ අලියා නැදුන්ගමුව ඇත් පරපුරේ පළමු අලියාය. එතැන් පටන් නැදුන්ගමුව ඇත් පන්තිය වසර 100 ක් පුරා පෝෂණය විය. මේ වසර සියය තුළදී නැදුන්ගමුව අලි පරපුර තුළ අවම වශයෙන් අලියෙකු හෝ ඇතෙකු සිටීම විශේෂත්වයකි.

මෙම අැත් පන්තිය පෝෂණය කිරීමේ ගෞරවය ලිව්නිස් පෙරේරා, අරනෝලිස් පෙරේරා, ධර්ම විජය වෙද රාළහාමිත්, හර්ෂ ධර්මවිජය වෙදරාළහාමිටත් හිමිවේ. නැදුන්ගමුව අලි පරපුරට වසර සියයක් සම්පූර්ණ වනවිට එම පරපුරට අයත් නැදුන්ගමුවේ රාජා හස්තියා අඛණ්ඩවම වසර 11 ක් ශ්‍රීදළදා කරඬුව වඩමවා තිබීමද විශේෂත්වයකි.

ලංකාවේ ප්‍රභූන් සතුව තිබූ ඇත්ගාල් පිළිබඳව ද ඇත්තේ දීර්ඝ ඉතිහාසයකි. කීර්ති ශ්‍රී රාජසිංහ (1747-1782) යුගයේදී දඹදෙණියේ ඇටැම්පොල ඇත්ගාලක් පැවැති බවට සාක්ෂි තිබේ.

1884 දී එබවලපිටියේ ඇත්ගාල වයඹ පළාතේ සුප්‍රසිද්ධ ඇත්ගාලකි. සැමුවෙල් ජයතිලක මුදලිතුමා ප්‍රමුඛ ප්‍රාදේශීය නායකයෝ මෙම ඇත්ගාල ආරම්භ කළහ. 1920 දී පී.බී. මඩහපොළ රටේ මහත්තයා විසින් කුරුණෑගල අඹන්පොළ පීල්ලවත්තේ ඇත්ගාලක් ආරම්භ කළ බවත්, හන්දුරු පාලියාගම, තලහේන ඇත්ගාල සහ දණ්ඩුවාව ගමේ පරංගි ඇත්ගාල පැවැති බවටත් වාර්තා තිබේ.

මාවතගම ලේ පොළොව වෑඋඩ සහ මූකලන්යාය පෙදෙස්වල ඇත්ගාල් පැවැති බවටද සාක්ෂි තිබේ. මේ අතුරින් වයඹ පළාතේ පිහිටි ලේ පොළොව ඇත්ගාල මහා විනාශයක් වූ ඇත්ගාලකි. එහි ඇතුන් කෝප වී ඇත් ගොව්වන් හා වෙනත් මිනිසුන් මරාදමා තිබේ. එම ඇත්ගාලට සතුරෙකු විසින් කොඩිවිනයක් කිරීමේ අනිටු ප්‍රතිඵලයක් ලෙස ‘ලේ පොළොව’ ඇත්ගාල ලෙස ජනතාව එය හඳුන්වති.

ක්‍රි.ව. 1870 දී ලබුගම ඇත්ගාල පිහිටුවන ලදී. ඒ සඳහා මූලිකවී ක්‍රියා කළේ එක්නැළිගොඩ රටේ මහතා, විලියම් එල්ලාවල රටේ මහතා සහ ඉද්දමල්ගොඩ බස්නායක නිලමේය.

එම ඇත්ගාල නැරඹීම සඳහා බ්‍රිතාන්‍ය කිරීටයේ ඇල්ෆ්‍රඩ් කුමාරයා පැමිණි බව 1870 අප්‍රේල් 09 දින ඥානාර්ථ ප්‍රදීපයේ සඳහන්ය. එම රාජ කුමාරයාට රාත්‍රී නවාතැන් ගැනීමට දැවයෙන් කළ මාලිගයක් තනා තිබිණි

පෘතුගීසි හා ලන්දේසි යුගවල මාතර පොල්වත්තේ ඇත්ගාලක් තිබී ඇත. ඒ යුගයේදී මාතර ප්‍රදේශයේ ඇත්ගාල් 4 ක් තිබුණු බවටද සාක්ෂි තිබේ. කටුවන හා වලස්මුල්ලේ ඇත්ගාල් දෙකක් තිබූ බව පියසේන කහඳගමගේ විසින් රචිත ‘පනාමුරේ ඇත් රාජා’ කෘතියේ සඳහන්ය. කඹුරුපිටිය නාරන්දෙණියේ ඇත්ගාල, තංගල්ලේ කොටවීගම ඇත්ගාල එකළ විදේශීය සංචාරකයින්ගේ සිත් ඇදගත් බවත් සඳහන්ය.

ලංකාවේ අවසාන ඇත්ගාල ලෙස සැලකෙන්නේ මොලමුරේ ඇත්ගාලයි. එය 1950 දී ආරම්භ කර තිබෙන්නේ එවකට පාර්ලිමේන්තුවේ කථානායක සර් ප්‍රැන්සිස් මොලමුරේ මහතා විසිනි. එය පසුව පනාමුරේ ඇත්ගාල ලෙස ප්‍රසිද්ධ විය. පනාමුරේ ඇත්ගාල ප්‍රථම වරට ආරම්භ කළේ ජෝන් විල්සන් මඩුවන්වෙල දිසාවේය. පනාමුරේ ඇත් රජු එහිදී ඝාතනය වූ නිසා එය පසුව පනාමු​ෙර් ඇත්ගාල විය. පනාමුරේ ඇතා සටන් කළේ මෙරට අලි ඇතුන් සිරකර තබන ඇත්ගාල් සම්ප්‍රදායට එරෙහිවය. ඇත් රජුගේ ප්‍රාර්ථනය පරිදිම ඇතාගේ මරණයෙන් පසුව මෙරට ඇත්ගාල් අවසන් වීම පනාමුරේ රාජා සියදිවිපුදා ලබාගත් ජයග්‍රහණයකි.

දකුණු ප්‍රදේශයේ ඇත්ගාල්වල සිටි අලි ඇතුන් පිටරට යැවීම පිණිස මාතොට හා ගාල්ල වරායන් යොදාගත් බව කියැවේ.

අැත්ගාල නිර්මාණය කිරීමද එක්තරා කලාවකි. ඒ සඳහා හසල බුද්ධියක් ඇති නිර්මාණ ශිල්පී පරපුරක් සබරගමුවේ විසූහ. ඇත්ගාල අවසානයේදී නිර්මාණය වන්නේ සංචාරකයින් සඳහා කුටි තැනීමයි. එංගලන්තයේ ඇල්බට් වික්ටර් හා වේල්ස් හි ජෝර්ජ් කුමරුවන් ක්‍රි.ව. 1882 දී සබරගමුවේ ඇත්ගාල නැරඹීමට පැමිණ ඇත.

ලංකාවේ අවසාන ඇත්ගාල ලෙස සැලකෙන්නේ මොළමුරේ ඇත්ගාලයි. එය 1950 දී ආරම්භ කර තිබෙන්නේ එවකට පාර්ලිමේන්තුවේ කථානායක සර් ප්‍රැන්සිස් මොලමුරේ මහතා විසිනි. එය පසුව පනාමුරේ ඇත්ගාල ලෙස ප්‍රසිද්ධ විය. පනාමුරේ ඇත්ගාල ප්‍රථම වරට ආරම්භ කළේ ජෝන් විල්සන් මඩුවන්වෙල දිසාවේය.

පනාමුරේ ඇත්රජු එහිදී ඝාතනය වූ නිසා එය පසුව පනාමු​ෙර් ඇත්ගාල විය. පනාමුරේ ඇතා සටන් කළේ මෙරට අලි ඇතුන් සිරකර තබන ඇත්ගාල් සම්ප්‍රදායට එරෙහිවය. ඇත් රජුගේ ප්‍රාර්ථනය පරිදිම ඇතාගේ මරණයෙන් පසුව මෙරට ඇත්ගාල් අවසන් වීම පනාමුරේ රාජා සියදිවිපුදා ලබාගත් ජයග්‍රහණයකි.

පනාමුරේ ඇතාට වෙඩි තැබීමට අණකළ මොළමුරේ මහතා ඇතාගේ මරණයෙන් මාස තුනකට පසුව මියගිය අතර, බ්‍රිතාන්‍ය යටත් විජිත සමයේ අලි ඇතුන් 1400 ක් මරාදැමූ බදුල්ලේ දිසා විනිසුරු මේජර් ටී.ඩබ්ලිව්. රොජර්ස්ගේ දේහය වළදමා ඇති නුවරඑළිය තැපැල් කාර්යාලය පිටුපස පිහිටා තිබෙන ඉංග්‍රීසි ජාතිකයින්ගේ සුසාන භූමියේ ඇති රොජර්ස්ගේ සොහොන් කොතට සෑම වසරකම අකුණු පතිතවන බව 1976 නුවරඑළිය පුරපතිව සිටි ටී. විලියම් ප්‍රනාන්දු මහතා තමා සමග පැවසූ බව ආචාර්ය මිරැන්ඩෝ ඔබේසේකර මහතා ලියූ ශ්‍රී ලංකාවේ අලි ඇතුන්ගේ ඉතිහාසය කෘතියේ සඳහන්ය.

පැරණි ලංකාවේ ඇත්ගාල් අතර ගම්පහ හා මීගමුවේ ඇත්ගාල් දෙකක් තිබූ බව සාක්ෂි තිබේ. යුද සමයේදී යුද ටැංකිවලට සමාන සේවාවක් මෙම ඇත්ගාල්වල සිටි අලි ඇතුන්ගෙන් ලබාගත් බව කියැවේ. ගම්පහ පිහිටි එම ඇත්ගාලට පසුව ඉතිහාසයට එක්වන්නේ නැදුන්ගමුව ඇත් පන්තියයි.

මෙහි ජීවත්වූ අලි ඇතුන් ට හිමිවූ විශේෂ වරප්‍රසාදය වන්නේ වෙද පරපුරක හිමිකරුවන් ඇත් පරපුර භාරව සිටීමයි. ඒ නිසා අලි ඇතුන්ට අවශ්‍ය වෛද්‍ය ප්‍රතිකාර එම වෙදදුරන් විසින්ම සිදුකිරීමත් නිරන්තරයෙන් ඔවුන් අලි ඇතුන්ගේ නිරෝගීභාවය පිළිබඳ සැලකිලිමත් වීමත් නිසා බොහෝ දුරට නැදුන්ගමුවේ අලි පරපුර නිරෝගීවී තිබේ. විශේෂයෙන්ම නැදුන්ගමුව අලි පරපුරට අයත් කිසිදු අලියෙකු ඇතෙකු වාහන වලින් ප්‍රවාහනය නොකිරීමත් නැදුන්ගමුවේ පරපුරේ ප්‍රතිපත්තියයි.

අක්කර අටක පමණ භූමි භාගයක පිහිටි නැදුන්ගමුව වෙද නිවස මේ වන විට අලි අැතුන් සියයකට ආසන්න ගණනකට වාස භූමිය වූ බව හර්ෂ ධර්ම විජය වෙද රාළහාමි පවසයි.

අලි ඇතුන්ට සිංහල අවුරුදු චාරිත්‍රයට අනුව හිසතෙල් ගෑම ආරම්භ වූයේද නැදුන්ගමුවේ වෙද නිවසෙනි. එදා ආරම්භ කළ ඒ චාරිත්‍රය අදටත් අඛණ්ඩවම පවත්වාගෙන යයි. මේ වන විට නැදුන්ගමුව වෙද නිවසේ නැදුන්ගමුවේ රාජාට අමතරව තවත් අලියෙක් සිටියි.

නැදුන්ගමුව වෙද නිවසේ අඛණ්ඩවම අලි ඇතුන් වාසය කර වසර 100 ක් පිරීම නිමිත්තෙන් රට පුරා අලි ඇතුන් ගෙන්වා විශාල උත්සවයක් පැවැත්වීමට හර්ෂ විජය වෙද මහතා සූදානම් වෙයි. අපේ රටේ වසර 100 ක ඇත්පන්තියක් අඛණ්ඩවම පැවතුණේ නැදුන්ගමුව වෙද නිවසේ වීමටද බො​හෝදුරට ඉඩකඩ තිබේ.

දොම්පේ අජිත් මදුරප්පෙරුම
ලිපි මුලාශ්‍රය හා ජායාරූප – ලංකාදීප පුවත්පත

Source Link : Wishma Lokaya

සංසාරයේ සිට පැමිණෙන ඔබේ ආත්මිය සහකරු හදුනාගන්නේ මෙන්න මෙහෙමයි

ඔබට තවමත් බඔා කෙටු කෙනා හමුවුයේ නැද්ද ? විවාහ ලාභි දරුවන් සිටන දෙමවි පියන් නිතර පවසන දෙයක් තමයි. අපි කොචිචර හෙවිවත් හරියන්නේ නැහැ. ඉතින් පතාගෙන් ආපු කෙනා එන්න එපැයි කවිද මෙි බඔා කෙටු කෙනා ? කවුද මෙි පතාගෙන එන කෙනා ? එයා තමයි ඔබෙි ආත්මිය සහකරුවා (Soul Mate)

අපට සිරුරු දෙකක් තිබෙනවා. එනමි භොතික සිරුර සහ ආත්මිය සිරුර අප මිය යන විට මෙම භොතික ශරිරය අත්හරිනවා. නමුත් අපේ ආත්මිය සිරුර සංසාරයේ ආත්ම ගණනාවක් අපේ උත්පත්තිය කෙලවර වන තෙක් නැත්නමි නිවන් දක්නා ජාති දක්වා අප සමග පවතිනවා. අප මොන ආගමක හෝ ඇදහිමක සිටියත් අප සියලු දෙනාම විශ්ව නිතියට යටත්. එනමි අප වපුරන දෙය තමයි අප නෙලා ගන්නේ. අප කරන යහපත් දේට අපට යහපත් කර්ම එක්රැස් වෙනවා අයහපත් දේට අයහපත් කර්ම එක් රැස් වෙනවා. ඒ අනුව අප මියගිය විට අප කරන ලද හොද නරක අනුව නොයෙක් තලයන්හි උත්පත්තිය ලබනවා. මනුෂ්‍යය ආත්ම ලබන අප බොහෝ දෙනෙක් නැවත උත්පත්තිය ලබන විට අප හා සංසාරයේ සැරි සැරු අපගේ ඥාති මිත‍්‍රාදින්ද අප සමග එකටම උත්පත්තිය ලබන බව තහවුරු වි තිබෙනවා. මෙි අය ආත්මිය සගයන් ලෙස හදුන්වන්න පුලුවන්. නමුත් ඔබෙි ආත්මිය සහකරුවා වන්නේ සංසාරයේ ආත්ම ගණනාවක් මෙලෙෂ ඔබත් සමග පැමිණි කෙනෙක්. සංසාරයේ ඔබත් සමග එකට ආදරයෙන් ජිවත් වන්නට පතාගෙන ආ කෙනෙක්. සමහර ආත්මිය සහකරුවන් තමන්ට වු යමි සිද්ධියක් නිසා ඔබගෙන් පලිගැනිමට ද පැමිණෙන්න පුලුවන්. එහෙමත් නැත්නමි ඔබට යහ මග පෙන්වන්නට ආ ආත්මිය මග පෙන්වන්නෙක් (Spiritual Guide) වන්නත් පුලුවන්.

යශෝධරා දේවිය සිදුහත් කුමරා ගේ සංසාරික ආත්මිය සහකාරිය බව බෙෘද්ධ ඉතිහාසයෙහි සදහන් වනවා ඔවුන් සංසාරයේ ආත්ම ගණනාවක අඔු සැමියන් වශයෙන් ඉපදි තිබෙනවා. ඒ වගේම සිතා රාමා රාධා කි‍්‍රෂ්ණා රෝමියෝ ජුලියටි ක්ලියෝපැටිරා මාක් ඇන්තනි වැනි වෘතාන්ත මෙම සංසාරික හමුවිමි ලෙස සැලකෙනවා.

මෙලොව ජිවිතයේදි අප සැමටම විශේෂ වු පුද්ගලයන් කෙනෙක් හෝ කිපදෙනෙක් සිටිනවා මෙි අය අපේ දෙමවිපියන් සහෝදරයන් කල්‍යාන මිත‍්‍රයන් ඥාති හිතමිත‍්‍රාදින් වන්නට පුලුවනි. මෙි අය සංසාරයේ ආත්ම ගණනාවක් අප සමග සිටි අයයි . අප මෙි අය හදුනා ගන්නේ කෙසේද එය එතරමි පහසු නැහැ නමුත් මෙම හැගිම ඉංගි‍්‍රසි බසින් Dejavu ලෙස හදුන්වනවා. එනමි සමහර අවස්ථාවල අප ජිවිතයේ ප‍්‍රථම වතාවට හමුවු පුද්ගලයින් පිළිබදව අපට ඉතා හුරු පුරුදු සමිප ලෙන්ගතු හැගිමක් ඇතිවනවා. මෙි අය අප සමග සංසාරයේ එකට පැමිනි අපේ දෙමවිපියන් සහෝදර සහෝදරියන් ඥාති මිත‍්‍රාදින් විය හැකියි පුනරුත්පත්තිය කියන පුද්ගලයන් පෙර භවයන්හි ඔවුන් සමග සිටි අය මෙි භවයේදිද තමන් සමග සිටින බව පවසා තිබෙනවා. ඒ වගේම අතිත ආවර්ජනය කරන මෝහන කි‍්‍රයාවලියන්හිදිද මෙි බව තහවුරු කර තිබෙනවා.

ඔබ පෙමි සබදතාවකින් විවාහ වුවත් යෝජනාවකින් විවාහ වුවත් බොහෝ විට ඔබෙි ආත්මිය සහකරු වන්නේ සංසාරයේ ඔබ සමග පැමිණි කෙනෙක්. මෙම ආත්මිය සහකරුගේ හමුවිම අපට Love at first sight නැත්නමි දුටු සැනින් ඇතිවන ආදරයක් ලෙසද හදුන්වන්න පුලුවන්. මෙය ඔබ බොහෝ දෙනෙක් ලැබු අත්දැකිමක්. මෙහිදි ඇතිවන්නේ පුදුමාකාර හැගිමක්. අපට කවදාවත් හමු නොවුනු පිටස්තරම කෙනෙකුට මෙතරමි බලගතු ආදරයක් ඇතිවන්නෙ ඇයි ? මෙි ආදරය හමුවේි හැදු වැඩු දෙමවිපියන් සහෝදර සහෝදරියන් දේපල පමණක් නොවෙි. රජකම පවා පයට පැගෙන දුවිල්ලක් තරමි නොවටිනා බව හැගෙන්නේ ඇයි ? ඒ ඔහුට හෝ ඇයට ඇති සංසාරික බැදිම නිසාමයි ඔහුගේ රුව ඔබට අමාදසුනකි. ඔහුගේ වදන් ඔබට අමාමිහිරකි. ඔහුගේ එක ස්පර්ශයක් විදුලි සැර වැදුනාක් මෙන් ඔබ අවදිකරයි මෙි හැගිමි වචනයෙන් විස්තර කල නොහැකියි. එතරමි සුන්දරත්වයක් ප්‍රීතිමත් හැගිමක් තවත් ලොව නැහැ. එය හරිහැටි දැනෙන්නේ එවැනි අවසථාවකට මුහුණ දුන් අයට පමණයි. ජ්‍යෝතිෂ්‍ය අනුව වුවද අපට අපේ සහකරුවන් ගැන යමක් දැනගන්නට පුලුවන්. ඔවුන් කුමන ප‍්‍රද්ශයකින්ද රැකියාව යනාදිය කෘතහස්ත දෛවඥයෙකුට පැවසිය හැකියි. ඒ වගේම මෙම ආත්මිය සහකරුවන්ගේ පොරොන්දමි ද මැනවින් ගැලපෙනවා. බොහෝ විට එකම සුභ නැකතින් ඉපදිසිටින්නට පුලුවන් ඒ කියන්නේ පොරොන්දමි 20 න් 20 ම ගැලපෙනවා කියන එකයි.

දැන් ඔබ නොඉවසිල්ලෙන් ඇති කෙසේද ඔබෙි ආත්මිය සහකරු හදුනා ගන්නේ කියල. ඔහු හෝ ඇය හමු වු විට එය ඔබෙි හදවතට මනසට යලි හමුවිමක් ලෙස දැනෙනවා. ඔබෙි ආත්මිය සහකරු හෝ සහකාරියගේ අදහස් උදහස් බොහෝවිට සමානයි. නිදසුනක් වශයෙන් ගතහොත් ඔබ සංගිතය කියවිම පි‍්‍රය කරන්නෙක් නමි ඔහුද ඒවා ප‍්‍රියකරන්නෙක්. ඔබ දෙදෙනා අතර ටෙලිපති සමිබන්ධතා එනමි එකම අවස්තාවක එකම සිතුවලි ඇතිවිමෙි ස්වභාවයක් ඇතිවෙනවා. ඔබ දෙදෙනාම ප‍්‍රිය කරන පුද්ගලයන්ද සමාන වනවා . ඔබ දෙදෙනාගේ ආදර සමිබන්ධයද ඉතා ආශ්වාදජනක එකක් වනවා . ඔබට සහ ඇයට මෙම එක්විම ඉතා සුරක්ෂිත බවක් ගෙනදෙනවා.. දුකේදි සහ සැපේදි කිසිදනක වෙන් නොවන වැනි හැගිමක් ඇතිවනවා. මෙවැනි හමුවිමක් ඉතා වාසනාවන්ත සංසාරික හමුවිමක් .

සමහර විට ඔබට ආත්මිය සහකරුවන් කිහිප දෙනෙක් සිටින්නට පුලුවන්. සංසාරයේ දිගටම එකම ආත්මිය සහකරුවකු සිටිම විරල අවස්ථාවක්. එවැනි අවස්ථා උදාවන්නේ අධ්‍යාත්මක වශයෙන් ඉතා දියුනු ආත්මවලට පමණයි. නිදසුනක් ලෙස සිදුහත් යශෝධරා ගත හැකියි. ඔවුන් ගේ පුණ්‍ය ශක්තිය සහ දැඩි භක්තිය අධිෂ්ඨානය එයට බලපාන්නට ඇති.

සමහර අවස්ථාවල ඔබෙි ආත්මිය සහකරු ඔබට හමුවන විට ඔහු හෝ ඇය වෙනත් බැදිමකට යොමුවි තිබෙන්න පුලුවන්. එවිට ඔබට හෝ ඇයට කල යුතු දෙයක් නැහැ කිමද පවුල් කඩාකප්පල් කිරිමෙි කර්මය ඔබ කරගහගත යුතු නැහැ එබැවින් එවැනි අවස්ථාවල් අසිරුවෙන් හෝ මග හැරිය යුතු වෙනවා. සමහර අවස්ථාවල ආත්මිය සහකරු හමු වුවත් ඔහු හදුනා ගැනිමට සැහෙන කලක් ගත විය හැකියි සමහර විට ඔබ ඔහු හදුනාගත්තත් ඔහු ඔබ හදුනා නොගන්නට පුලුවන්. මෙය වෙිදනාකාරි තත්වයක් නමුත් මෙහිදි ඔබට කල හැකි දෙයක් නැහැ. එය දෛවයට භාර දි නිහඩ විය යුතු වෙනවා. තවත් සමහර අවසථාවල ලිංගික ආකර්ශනය අනුව ආත්මිය සහකරුවා වරදවා හදුනාගන්න පුලුවන්. මෙය අද සමාජයේ ඉතා සුලභ දෙයක් නමුත් ආත්මිය සහකරු හදවතින් මිස ලිංගික ආකර්ශනයෙන් හදුනාගත නොහැකියි.

සමහර අවස්ථාවල මෙම ආත්මිය සහකරුවන් සංසාරයේ දිගටම ඔබෙන් පලිගැනිම සදහා පැමිණි අයෙක් නමි ඔහු ඔබ සමග විවාහ වි ඔබෙි ජිවිතය මිහිපිට අපායක කල හැකියි. එවැනි අවස්ථා අද සමාජයේ බොහෝ සේ දක්නට ලැබෙනවා. සැමියන් බිරින්දැන් දරුවන් වදදි මරා දමනවා. මෙි ඒ ඒ අය කරන ලද කර්මයන් හා බැදි තිබෙන දේවල් ඒ වගේම සමහර සංසාරයේ අප සමග එන ආත්මයන් දරුවන් සොහොයුරු සොහොයුරියන් ලෙස ඉපදි අපගෙන් පලි ගන්නවා . තවත් අවස්ථා තිබෙන්න පුලුවන් ඔබෙි ආත්මිය සහකරුවා මෙම ආත්මයේදි මෙලොවට බිහිවි නොවි සිටින්නට පුලුවන්.

සමහර විට ආත්මිය සහකරුවන් මෙම ආත්මයේ විවාහ ජිවිතයට ඇතුලත් නොවි සිටින්නට පුලුවන්. ඔවුන් මිතුරු මිතුරියන් ලෙෂ එකට සිටින්නට පුලුවන් ඒ ඔවුන්ට මෙම ආත්මයේ වෙනස් න්‍යාය පත‍්‍රයන් තිබෙන නිසා වෙන්න පුලුවන් ඔවුන් ගේ අධ්‍යාත්මක වර්ධන රටා වෙනස් වන්න පුලුවන් අද සමාජයේ සමහර යුවති යුවතියන් මෙලෙස කල් ගෙවනවා දකින්නට පුලුවන්. ඔවුන් විවාහ ජිවිතය ප‍්‍රිය කරන්නේ නැහැ. සමහර විට ඔබෙි ආත්මිය සහකරු හමු වු පසු ඔබට හිතෙන්න පුලුවන්. දැන්ම මට මට විවාහ වන්න බැහැ. මට තව වයස තියෙනවා එසේත් නැත්නමි ඇය හෝ ඔහු වෙනත් ජාතියක ආගමක කුලයක ඒ නිසා මට ගැලපෙන්නේ නැහැ මෙි සියල්ල ඔබ ඔබටම නිදහසට කරුණු ලෙස දක්වන්න පුලුවන් නමුත් ආත්මිය සහකරු හෝ සහකාරිය තෝරා ගැනිමෙිදි මෙි කිසිවක් බලපාන්නේ නැහැ.

මතක තබා ගන්න. ඔබට ජිවිතයේ ඔබෙි ආත්මිය සහකරු හමුවන්නේ සමහර විට එකම වතාවක් පමණක් වන්න පුලුවන්. ඔබ එම අවස්ථාව මග හැරිය හොත් නැවත කිසි දිනක එය උදා නොවන්නට පුලුවන්. ඔබ අසාතිබෙනවාද කියමනක් “වාසනාව කියන්නේ හිසේ එක කෙස් ගසක් පමනක් ඇති මහලු කාන්තාවක් ඇය ඔබ අසලින් යන්නේ ඉතා කලාතුරකින් ඇය එසේ ඔබ අසලින් යනවිට වහාම ඒ එක කෙස් ගසේන් දැඩි ලෙස අල්ලා ගත යුතුයි නැතහොත් ඔබට එම වාසනාව හිමිවන්නේ නැහැ” ඔබෙි ආත්මිය සහකරු හමුවිම අහභු සිදුවිමක් දෛවෝපගත සිදුවිමක්. එය කොතැනද කවදාද කවර අන්දමින්ද කියන එක කියන්න බැහැ. ඒ වගේම ඔබට ඒ හමුවිම බලෙන් ඇති කර ගත හැක්කක් ද නොවි. එය ඔබ දෙදෙනාගේම දෛවය නැත්නමි කර්මය සහ සමිබන්ධ වුවක් වගේම දෙදෙනාගේම නිදහස් අදහස් අනුව සිදුවිය යුතු හමුවිමක් .

ඔබෙි ආත්මිය සහකරු හදුනාගත් විට හෝ හමුවුවිට ඔබෙි හදවතට එකගව කටයුතු කිරිම ඉතා වැදගත් අනෙකුත් අයගේ නොයෙකුත් බලපැමි හමුවෙි ඔබ ඔහු හෝ ඇය අහිමි කර ගතහොත් ඔබෙි ජිවිතය අසාර්ථක වන්න පුලුවන්. ඔබෙි දෙපතුලටම දෛවය විසින් ගෙනවිත් දෙන මෙම සංසාරික ත්‍යාගය ඔබ ප‍්‍රතික්ෂෙප කල හොත් මුලු ජිවිත කාලයේම ඔබ පසුතැවෙන්න පුුලුවන්.

ශි‍්‍රයානි ද සේරමි (ආචාර්ය බ‍්‍රයන් වයිස් ගේ “Love is Real” ඇසුරෙනි)

Source Link : Wishma Lokaya

ආත්‍රයිටිස්‌ රෝගය සුව කරන ගන්න බිං කොහොඹ ශාකයෙන් හදන විශ්මිත කසායක්

ප්‍රශ්නය – කුඩා දරුවන්ට හැදෙන ආත්‍රයිටිස්‌ රෝගය සඳහා සුදුසු ශාකසාරමය ආයුර්වේද ප්‍රතිකාර ගැන අප පසුගිය සතියේදී සාකච්ඡා කළා. අද ඒ ගැන තවදුරටත් කතා කරන්නට බලාපොරොත්තු වෙනවා.

වෛද්‍ය වසන්ත උදයජීව – කුඩා දරුවන්ට හැදෙන ආත්‍රයිටිස්‌ රෝගයට ප්‍රතිකාර කරන විට ආයුර්වේද වෛද්‍යවරුන් මුලින්ම කරන්නේ රෝගයට බලපාන ශාරීරික තත්ත්වයන්ට ප්‍රතිකාර කර ඒවායින් ශරීරය නිදහස්‌ කර ගැනීමයි. ආයුර්වේදයට අනුව අපේ ශරීරයේ සෞඛ්‍ය සම්පත්තිය, සුවතාව, ලෙඩ රෝගවලට භාජන වීමේ හැකියාව යන කාරණා පාලනය වන්නේ ප්‍රධාන දොaෂ තත්ත්ව හතරක්‌ මගිනුයි. එයින් වාත දොaෂය පැනනැංගාම ආත්‍රයිටිස්‌ හටගන්නවා. මේ තත්ත්වය තුළදී සිරුර තුළ ආමය නමැති විෂ සහිත දෙයක්‌ හටගන්නවා. මේ නිසා ආහාර ජීරණ ක්‍රියාවලිය සම්පූර්ණයෙන්ම හෝ අර්ධ වශයෙන් බිඳවැටෙනවා. ආමය ජනිත වුණාම මුළු මහත් ශරීරය පුරාම ගමන් කරනවා.

ඊළඟට ශරීරයේ දුර්වල තැන්වල තැන්පත් වෙනවා. මේ අතර ශරීරය තුළ තිබෙන වාත දොaෂ තත්ත්වය ක්‍රියාත්මක වෙනවා. එතකොට ආමය ක්‍රියාත්මක වී වැඩිදියුණු වෙන්නට පටන් ගන්නවා. සන්ධි වේදනාව හටගන්නේ මෙසේ ආමය වැඩිදියුණු වීමට පටන් ගත් විටයි. සාමාන්‍යයෙන් ඇඟිලි සන්ධිවල හටගන්නා ආත්‍රයිටිස්‌ තත්ත්වයට වඩා පාදයේ සන්ධිවල හටගන්නා ආත්‍රයිටිස්‌ තත්ත්වය දරුණුයි. හේතුව එම සන්ධිවලට ශරීරයේ බර සම්පූර්ණ වශයෙන්ම වැටීමයි. මේ නිසා ආත්‍රයිටිස්‌ රෝගයට ප්‍රතිකාර කරන විට ශරීරයේ වාත තත්ත්වය සමබර කිරීමට ආයුර්වේද වෛද්‍යවරයා උත්සුක වෙනවා.

ප්‍රශ්නය – ආත්‍රයිටිස්‌ රෝගයට ප්‍රතිකාර කිරීමේදී මෙයින් ඔබ්බේ යමක්‌ සිදුවන්නේ නැද්ද?

වෛද්‍ය උදයජීව – ස්‌ථිර වශයෙන්ම සිදුවෙනවා. මුලින්ම ශරීරයේ රුධිර වහනය සිදුවන සියලු නහර පිරිසිදු කෙරෙනවා. ඊළඟට ආහාර ජීරණය ශක්‌තිමත් තත්ත්වයකට පත් කරනවා. තුන්වෙනුව සන්ධිවල ලිහිසි තත්ත්වය වර්ධනය කර සන්ධි එහා මෙහා කිරීමේ පහසුව ඇති කරනවා. ස්‌නායු පද්ධතියේ ක්‍රියාකාරිත්වය සමතුලිත කරනවා.

ප්‍රශ්නය – ආත්‍රයිටිස්‌ රෝගය සමනය කර ගැනීම සඳහා දැන් අප අත් බෙහෙත් කිහිපයක්‌ බලාපොරොත්තු වෙනවා.

වෛද්‍ය වසන්ත උදයජීව – ඖෂධ කිහිපයක්‌ම තිබෙනවා. අබ තෙල් කෝප්ප 1 ක්‌ අරගෙන එයට කපුරු (කපුරු බෝල නොවේ) ග්‍රෑම් 10 ක්‌ මිශ්‍ර කර කපුරු සම්පූර්ණයෙන්ම දියවන තුරු තෙල් රත් කරන්න. තෙල් ඇල් මැරුණු පසු ආත්‍රයිටිස්‌ නිසා ඉදිමුණ සන්ධි සියල්ල එම තෙල් වලින් ඉතා හොඳින් සම්බාහනය කරන්න. මෙවිට සන්ධිවල දැඩි බව සහ ඉදිමුම නැතිව යනවා.

ඊළඟ ඖෂධය මුං ඇට සහ සුදුලූනු ඇසුරින් නිපදවන එකක්‌. මුං ඇට මේස හැඳි 3 ක්‌ වතුර මිලිලීටර් 250 ක දමා රැයක්‌ එළිවනතුරු පොඟවා ගන්න. පසු දින මුං ඇටවල අංකුර ඇදුණු පසු සුදුලූනු බික්‌ දෙකක්‌ අඹරා මුංඇට සමග මිශ්‍ර කරන්න. එයට ලුණු සහ ගම්මිරිස්‌ එකතු කර උදේටත් සවසටත් ආහාරයට ගන්න. මුංඇට පිසීමෙන් වළකින්න. සතියක්‌ පමණ මෙම ප්‍රතිකාරය කර ප්‍රතිඵල භුක්‌ති විඳින්න.

මේ වාගේම උසස්‌ ප්‍රතිඵල ගෙන දෙන තවත් බෙහෙතක්‌ කියන්නම්. මේ සඳහා ඉඟුරු කුඩු ග්‍රෑම් 50 ක්‌, උළුහාල් කුඩු ග්‍රෑම් 50 ක්‌ සහ කහ කුඩු ග්‍රෑම් 50 ක්‌ අවශ්‍යයි. මේ සියල්ල හොඳින් මිශ්‍ර කර අසුරනයකට දමා සුළං නොයන සේ හොඳින් වසා තබාගෙන සෑම උදයකම සහ සවසකම තේ හැන්දක්‌ බැගින් අනුභව කරන්න. කුඩු ගතිය නිසා කෑම අපහසු නම් උණුවතුර ස්‌වල්පයක්‌ මිශ්‍ර කර ආහාරයට ගන්න.

උදේට සහ හවසට තල අහුරක්‌ බැගින් දිගටම අනුභව කළ හැකිනම්, ආත්‍රයිටිස්‌ රෝගයට එයත් හොඳ ප්‍රතිකාරයක්‌.

ආත්‍රයිටිස්‌ රෝගයට බිං කොහොඹ

බිං කොහොඹ, කොහොඹ පොතු, එලබටු, කටුවැල්බටු, කොටිල පොතු, ලුණවරණ පොතු, අමු ඉඟුරු, දියමිත්ත යනාදිය කලං 1 මංචාඩි 10 බැගින් ගෙන වතුර පත 8 කට දමා පත 1 ට සිඳවා පෙරා උදේ සවස පත භාගය බැගින් බොන්න. පානය කළයුතු කාලය දින 6 කි.

Source Link : Wishma Lokaya

වයසට යාම ප්‍රමාද කර සම තිරිහන් කරන ආහාර වර්ග 10ක්

මාළු
ඔමේගා 3 මේද අම්ල වලින් පෝසත් සැමන් , සාඩින් , ටුනා , මැකරල් වැනි මාළු වර්ග අනුභවය තරුණ සමක් පවත්වා ගැනීම සදහා අත්‍යවශ්‍යයි. විශේෂයෙන්ම සමේ ඇදෙන සුළු බව හා තෙතමනය නිසි ලෙස පවත්වා ගැනීම ඔමේගා 3 මේද අම්ල මගින් සිදු කරනවා. ඒ වගේම මෙම මාළු ආහාරයට ගැනීමෙන් සෞඛ්‍ය සම්පන්න ජීවිතයකට ඉතාම වැදගත් වන ප්‍රතිඔක්සිකාරක ශරීරයට එකතු කර ගැනීමට පුළුවන්. තවද නිරෝගී සමකට ඉතා වැදගත් වන විටමින් E හා තුවාල ඉක්මණින් සුව වීම සදහා වැදගත් ඛනිජ ලවණයක් වන සින්ක්ද මෙවැනි මාළු වර්ග හරහා ශරීරයට ලැබීම සිදු වෙනවා.

ඇට වර්ගඅප ඉහත සදහන් කරපු මාළු වර්ග වල වගේම ඇට වර්ග තුලද ඔමේගා 3 මේද අම්ල , සින්ක් හා විටමින් E යහමින් අඩංගු වෙනවා. ඊට අමතරව සම තරුණව හා දිදුලන ගතියකින් පවත්වා ගැනීම සදහා උදව් වෙන , B වර්ගයේ විටමින් , ෆොලේට් , සේලේනියම් හා විටමින් C වැනි වැදගත් පෝෂණ සංගටකද ඇට වර්ග තුල අඩංගුයි. ඔබට දිනපතා වෝල් නට්ස් ආහාරයට ගැනීමට හැකි නම් වඩා උසස් ප්‍රතිපල ලබා ගත හැකි අතර ආමන්ඩ් හා කජු වැනි ඇට වර්ග අනුභවය තුලින්ද ඉහල ප්‍රතිපල ලබා ගත හැකියි.

අලිගැටපේර
ඉතාම රසවත් පළතුරක් වෙන මෙහි ශරීරයට හිතකර මේදය යහමින් අඩංගු වෙනවා. ඒ වගේම සමේ ඇදෙන සුළු භාවය හා තෙතමනය ප්‍රශස්ත අගයකින් පවත්වා ගැනීමද අලිගැටපේර අනුභවය මගින් සිදු කර ගන්නට පුළුවන්. තවද අලිගැටපේර තුල අඩංගු වන කැරොටිනොයිඩ් මගින් අධික සුර්යා ලෝකයෙන් ඔබේ සම ආරක්ෂා කිරීම සිදු කරනවා. අලිගැටපේර වයසට යාම ප්‍රමාද කරන ආහාර ලැයිස්තුවේ 3 වන ස්ථානය දිනා ගැනීමට තවත් විශේෂ හේතුවක් තිබෙනවා. ඒ තමයි සමේ කොලජන් නිෂ්පාධනය වේගවත් කරන බලගතු පෝෂණ සංගටක රාශියක් අලිගැටපේර තුල අන්තර්ගත වීම.

හරිත තේ
ලොව පුරා බොහෝ මිනිසුන් ප්‍රමාණයකගේ ප්‍රියතම පානයක් වන හරිත තේ රසවත් පානයක් මෙන්ම ඔබේ සමේ සෞඛ්‍යයටද ඉතාම සුවදායකයි. හරිත තේ තුල අඩංගු වන පොලිෆීනෝල්ස් සහ කැෆ්‍රීන් නමැති ප්‍රතිඔක්සිකාරකය මගින් හිරු කිරණින් සමට සිදුවන හානි වලකා සැමදා ඔබේ සම තරුණව පවත්වා ගැනීම සිදු කරනවා.

යෝගට් හා මුදවපු කිරි
යෝගට් හා මුදවන ලද මී කිරි , එළු කිරි වැනි ආහාර වර්ග තුල සජීවි ප්‍රෝබයෝටික් අඩංගුයි. මෙම ප්‍රෝ බයෝටික් වර්ග මගින් සම අවපැහැ ගැන්වීම් , පලුදු වීම් , එල්ලා වැටීම් හා කුරුලෑ ආසාධන මර්ධනය කිරීම සිදු කරනවා. ඒ වගේම යෝගට් හා මුදවන ලද කිරි වර්ග තුල අඩංගු හිතකර බැක්ටීරියා මගින් ශරීරයේ බොහෝ ප්‍රදාහමය තත්වයන් සමනය කිරීමද සිදු කරනවා. මෙවැනි ප්‍රදාහමය තත්වයන් තමයි අකලට සම වියපත් වීම ඇතුළු බොහෝ සමේ ප්‍රශ්න වලට මුල සාධකය වන්නේ.තවද සම තිරිහන් කිරීම සදහා ඔබට යෝගට් ඍජුවම මුහුණේ ආලේප කරන්නටත් පුළුවන්. යෝගට් තුල අඩංගු වන ලැක්ටික් අම්ලය සතුව සම තිරිහන් කිරීමේ හා නැවුම් භාවයට පත් කිරීමේ හැකියාව පවතිනවා. මෙමගින් වයසට යාමත් සමග සමේ ඇදුණු රැලි වැටීම් මකා දමා සමට දිදුලන තරුණ පෙනුමක් එකතු කිරීම සිදු කරනවා.

මී පැණි
මී පැණි කියන්නේ ස්වාභාවික බැක්ටීරියා නාශකයක් , ප්‍රතිඔක්සිකාරකයක් හා සමේ තෙතමනය නිසි අයුරින් පවත්වා ගෙන යන හොද තෙතමනකාරකයක්. මෙම නිසා මී පැණි සතු සම තිරිහන් කිරීමේ බලය ගැන අප පුදුම විය යුතු නැහැ. ඍජුවම මී පැණි මුහුණේ ආලේප කිරීම මගින් මෙන්ම සීනි හා වෙනත් පැණි රසකාරක වෙනුවට මී පැණි ආහාරයට ගැනීම මගින්ද සොබාදහමේ විශ්මිත ආහාරයක් වන මී පැණි සතු ගුණය සමට ලබා ගැනීමට පුළුවන්

බ්ලු බෙරිස්
මිහිමත පවතින බොහෝ බේරී වර්ග මිනිස් සෞඛ්‍යට ඉතාම ගුණදායකයි. නමුත් ලොව පවතින සියලුම බේරී වර්ග අතරින් බ්ලු බෙරිස් වලට හිමි වන්නේ සුවිශේෂී ස්ථානයක්. එයට හේතුව නම් බලු බෙරිස් තුල අඩංගු වන බලගතු ස්වාභාවික ප්‍රතිඔක්සිකාරක මගින් සමට හානිකරන නිදහස් අණු සමග සටන් කර ඒවා විනාශ කර දැමීමයි. නිදහස් අණු විනාශයෙන් නොනැවතී මෙම ප්‍රතිඔක්සිකාරක මගින් සමට සිදු වූ හානිය ගණන් බලා ඒවා නැවත වේගයෙන් අලුත්වැඩියා කිරීමද සිදු කරනවා. ඒ වගේම මෙහි අඩංගු ඇන්තෝ – සයිනින්ස් මගින් සමේ කොලජන් නිෂ්පාධනය ස්ථාවර කිරීමද සිදු කරනවා. ඉතින් ඔබ නිතර බ්ලු බෙරිස් අනුභව කරනවා නම් සැමදා තරුණ සමක් පවත්වා ගැනීම අපහසු කරුණක් වන්නේ නෑ.

දොඩම්
දොඩම් සම තිරිහන් කරන ආහාර ලැයිස්තුවට ඇතුළත් වීමට හේතු 2ක් තියෙනවා. ඒවා නම් දොඩම් තුල අඩංගු වන ඉහළ විටමින් C ප්‍රතිශතය හා ඉහල ජල සාන්ද්‍රණයයි. ජලය මගින් සම සජලනය කර ඇතුළතින් බිදීයාම වලකන අතර විටමින් C මගින් කොලජන් නිෂ්පාධනය උත්තේජනය කිරීමක් සිදු කරනවා.ස්ථාවර කොලජන් සැපයුමක් මගින් සමේ ඇදෙන සුළු භාවය වර්ධනය කර සම රැළි වැටීම් හා එල්ලා වැටීම් අවම කරනවා. දිනපතා දොඩම් විදුරුවක් පානය කිරීමට ඔබට හැකි නම් බොහෝ කාලයක් ගත වන තුරු තරුණ අයෙකු සේ ජිවත් වන්නට පුළුවන්.

දෙළුම්
දොඩම් වගේම දෙළුම් තුලත් සමට හිතකර විටමින් C ඉහල ප්‍රතිශතයක් අඩංගු වෙනවා. ඒ වගේම තමයි දෙළුම් සතුව බලගතු පිළිකා නාශක හැකියාවක් හා බැක්ටීරියා නාශක හැකියාවක්ද පවතිනවා. දෙළුම් තුල අඩංගු වන පියුනිකැලැජින් නමැති පෝෂණ සංගටකය මගින් කොලජන් නිෂ්පධානය වේගවත් කිරීම සිදු කරන අතර දෙළුම් තුල අඩංගු අනෙකුත් පෝෂණ සංගටක මගින් කොලජන් බිදීයාම අවම කිරීම සිදු කරනවා. මේ සියල්ලේ අවසාන ප්‍රතිපලය ලෙස සම විශ්මිත ලෙස තිරිහන් වීම ආරම්භ වෙනවා

තක්කාලි
තක්කාලි කියන්නේ හොද විටමින් C ප්‍රභවයක්. ඒ වගේම තමයි තක්කාලි තුල ලයිසොපේන් , ලුටින් , ඇල්ෆා කැරොටින් හා බීටා කැරොටින් වැනි ප්‍රධාන කැරොටිනොයිඩ් වර්ගද අන්තර්ගත වෙනවා. මෙවැනි ප්‍රතිඔක්සිකාරක බලයෙන් යුතු කැරොටිනොයිඩ් වර්ග මගින් සමට හිරුකිරණින් වන හානිය වලකන අතර සම රැළි වැටීම අවම කරනවා. තක්කාලි අමුවෙන් ආහාරයට ගැනීම වෙනුවට ඔලිව් තෙල් යොදා සුළු පිසගනිමක් කොට අනුභව කිරීම මගින් තක්කාලි සතු පෝෂණ ගුණය වඩා හොදින් ශරීරයට එකතු කර ගැනීමට පුළුවන්.

Source Link : Wishma Lokaya

දියවැඩියාව නිට්ටාවටම සුව කරන්න පුළුවන් – මහවිල වෙදැදුරු සෙනරත් ජයසූරිය බණ්ඩාර වෙද මහතා

අද ලෝකයේ බොහෝ දෙනා ගොදුරු වන බෝ නොවන රෝග අතරින් එකකි දියවැඩියාව. සුව කළ නොහැකි ව්‍යාධියක් ලෙස ලොවම හඳුනාගෙන ඇති මෙය දේශීය වෛද්‍ය කර්මයෙන් නිට්ටාවට සුව කළ හැකි බව ඇහැලියගොඩ වෙදාරච්චි පරපුරේ තුන්වැනි පුරුක ලෙස හැඳින්වෙන යටියන්තොට මහවිල වෙද මහතා පවසයි.

දියවැඩියාව කොයි කාටත් හැදුණාම
මුත්‍රා පිටකරයි රෑටත් නිතරෝම
තොල කට වියළි නිදිමත එයි හැමදාම
සුව කර ගන්න රෝගය නොවරදවාම

මෙසේ අප හා පැවසුවේ යටියන්තොට මහවිල වෙදැදුරු යන අන්වර්ථ නාමයෙන් හඳුන්වන හේ. මු. සෙනරත් ජයසූරිය බණ්ඩාර වෙද මහතාය. ඔහු එසේ කියමින් කළු පැහැ, රිදියෙන් වැඩ දැමූ වක් ගැසුණු යමක් මේසය මත තැබීය. ඒ තේමිස් වෙදආරච්චි වෙද ආතාගෙන් සෙනෙවිරත්න වෙද බණ්ඩාර පියාටත් පසුව තමන්ටත් උරුම වූ මීහරක් අඟින් තැනූ බෙහෙත් හෙප්පුවයි

ඉස්සර නම් අපේ වෙද පරම්පරාවේ සිරිත දකුණ‘තේ වෙදැඟිල්ලේ නියපොත්ත වවන එක. ලෙඩා පරීක්ෂා කරලා අදාළ බෙහෙත මේ හෙප්පුවෙන් ගන්නේ ඒ නියපොත්තේ උදව්වෙන්. අපේ විශේෂත්වය සර්වාංග වෙදකම. ඒ කාලේ දියවැඩියාව ලෙඩුන් මේ වගේ හිටියේ නෑනේ. ඇහැලේපොළ පරම්පරාවේ හේරත් මුදියන්සේලාගේ රාජකීය වෙද පරපුරෙන් තමයි අපි පැවත එන්නේ. මේ හෙප්පුවට අවුරුදු 1000ක් විතර වෙනවා. පුස් කොළ පොතුත් එහෙමයි.

එසේ කියූ මහවිල වෙද මහතා සිංහල වෙදකම ඇති වූ ආකාරයේ ඉතිහාසය පිළිබඳද අපට පැවසුවේය

“අවුරුදු 3000කට පෙර වෛදික යුගයේ තමයි අපේ සිංහල වෙදකම ඇති වුණේ. ඊට පෙර ගම්මානවල මිනිසුන් ලෙඩදුක්වලින් පීඩා වින්දා. ඒ කාලේ බ්‍රාහ්මණයන් කහ වස්ත්‍රයෙන් සැරසී බවුන් වඩමින් ඉඳ තිබෙනවා ගස් ගල් ආදිය මත. මිනිසුන්ගේ මේ දුක් වේදනා දුටු බ්‍රාහ්මණයන්ගෙන් 54 දෙනකු හිමාලයට ඍද්ධි බලයෙන් ගොස් සාකච්ඡා පවත්වා ඉන් සිවු දෙනකු මහා බ්‍රහ්මයා හමුවීමට පිටත්ව තිබෙනවා. භරතවද්, දක්ෂ ප්‍රජාපතී ගෝතමී, අස්විනි කුමාරවරුන් දෙදෙනා මෙසේ පළමුව ගොස් ඇත්තේ ශක්‍ර දෙවියන්ගේ මාර්ගයෙන් මහාබ්‍රහ්මයා හමුවීමටයි. එහිදී ඉන්ද්‍ර දේවතාවා හමුවී භරතවද් සහ අස්විනි කුමාරවරුන් කතාබහේ යෙදෙමින් ප්‍රමාද වෙද්දී, ප්‍රජපතී ගෝතමී කෙළින්ම ශක්‍ර භවනට ගොස් මිනිසුන්ගේ දුක පවසා ඔසු ගැන විමසා තිබෙනවා. ඒ වන විට ඔසු පිළිබඳ කිසි අදහසක් නොතිබූ මහා බ්‍රහ්මයා ස්වයං භූ ඥානයෙන් ඒ පිළිබද කීමෙන් පසු ඔසු පහළ වුණාලු! ආපසු පැමිණි බ්‍රාහ්මණයන් ඉතිරි අය සමඟ ලෝකයේ කොටස්වලට මේ ඔසු දැනුම ලබා දීමට බෙදී ගියාලු. ඉන්දියාව හිමි වී තිබුණේ අගස්තිට ලංකාව හිමිවුණේ පුලස්තිට

පුලස්ති ඍෂිගේ පුතා බෙහෙත් කළේ නෑ. ඒත් මුණුපුරු රාවණ වෙදකම් කළා. රාවණ රජුගේ ගෝලයා තමයි බුදුරජාණන්වහන්සේටත් බෙහෙත් කළ කෞමාරභච්ඡ ජීවක පඬිතුමා. ඒ පරම්පරාවේ ශල්‍යකර්ම හා වෙදකම් දුටු ගැමුණු, පණ්ඩුකාභය සහ බුද්ධදාස රජු දක්වා විහිදුණා. ඒවා අපට අහිමි වුණේ විවිධ ආක්‍රමණවලින් පසුවයි. ඒත් 1931 ආයුර්වේද පනතින් පසු යළිත් අපේ වෙදකම් තරමක් හිස ඔසවා තිබෙනවා. දේශීය රෝහල් 82ක් පමණ තිබෙනවා. ඒත් ඒ එකකවත් ‘මිනී කාමර‘ නෑ. ඒකයි අපේ වෙනස.

දේශීය වෙදකමේ අගය එසේ පැවසූ මහවිල වෙද මහතා ඉන් පසු අපට පැහැදිලි කළේ දියවැඩියාව හෙවත් මධුමේහය ඇති වීමට බලපාන හේතුන්ය

“දියවැඩියාව හැදෙන්න හේතු 7ක් බලපානවා. එක: පරම්පරාවෙන් පරම්පරාවට එන ජාන නිසා, දෙක: කෘත්‍රිම ආහාර, ජාන තාක්ෂණයෙන් හැදූ ආහාර වැඩිපුර පරිභෝජනය නිසා, තුන: මළ- මූත්‍ර වේග දරා සිටීම, හතර: බටහිර හා දේශීය ඖෂධ මාත්‍රාව ඉක්මවා භාවිත කිරීම, පහ: අධික තරබාරුව හෙවත් ස්ථුලතාව. මෙය ඇති වන්නේ නැවුම් ආහාර නිතර වැඩිපුර ගැනීමෙන් පෝෂණය වැඩි වීම නිසයි. හය: මානසික ආතතිය. සඵල කරගත නොහැකි ඉලක්ක ගැන ඇතිවන අනවශ්‍ය සිතිවිලි නිසා තමයි සියයට 90ක් දෙනාට දියවැඩියාව ඇති වන්නේ. අවසාන වශයෙන් කම්පනයත් දියවැඩියාවට හේතුවක්.“

කම්පනයෙන් දියවැඩියාව ක්ෂණිකව ඇති වූ අයුරු තහවුරු කිරීමට ඔහු උදාහරණයක් ද සැපයීය.

“මීට අවුරුදු දෙකකට පමණ කලින් මා ළඟට ආවා සීනි මට්ටම තුන්සිය ගාණකට වැඩිවෙලා කියාගෙන ලෙඩෙක්. ඔහු දැක්කාම සාමාන්‍යයෙන් හොඳ ශරීර පෙනුමක් තිබුණා. පසුව විමසද්දී දැනගත්තේ, ඔහු ගුවන් නියමුවෙක්. දිනක් ඉහළ අහසේ මඟීන් රැගෙන යද්දී ඉන්ධන අවසන් බව දැන ගන්න ලැබිලා. කොහොම හරි යානය ගොඩ බස්වා ගත්තත්, ඒ වෙලාවේ තැති ගත් තරමට ඔහුට කම්පනයක් ඇති වෙලා. වෛද්‍ය පර්යේෂණයේදී අධික දියවැඩියා තත්ත්වයක් තිබෙනවා කියලා ඔහු රැකියාවෙනුත් ඉවත් කරලා. හැබැයි කලින් එහෙම ලෙඩක් තිබුණ කෙනෙක් නෙවේ. පසුව අපෙන් ප්‍රතිකාර කර සුව වුණා.“

මේ ආකාර 7ට ඇති වන දියවැඩියා වර්ග ගැනද වෙදමහතා පැවසුවේය

“අපේ ක්‍රමයට දිය වැඩියා වර්ග 20ක් තිබෙනවා. ඉන් 16ක්ම නිට්ටාවටම සුව කරන්න පුළුවන්. හැබැයි හතරක් නම් සුව කරන්න බෑ.“ එසේ කී ඔහු දියවැඩියා වර්ග පිළිබඳ විස්තර කළේ මෙසේය

“ඔය වර්ග විස්සෙන් 10ක් හට ගන්නේ සෙම කෝප වීමෙන්. ඒවා උදක මේහය, ඉක්ෂු මේහය, සාන්ද්‍ර මේහය, සුරාමේහය ආදි වශයෙන් හඳුන්වනවා. ප්‍රමේහය කියන්නේ අපේ සිරුරට නරක දෙයක් ඇතුළු වුණොත් ඇති වන තත්ත්වයක්. නිදසුනක් හැටියට අපේ මූත්‍ර කහ පාටට යනවා නම් එහි තේරුම තමයි අපට ගෞරිමේහය ඇති බව. ඒ කියන්නේ අපේ ඇඟේ රත්රන් ටික මූත්‍ර සමඟ පිට වෙනවා. එය ගණන් නොගෙන මාස හය හතක් හිටියොත් මධුමේහයට හැරෙනවා

ඒ වගේම පිත කෝපයෙන් දියවැඩියා වර්ග 6ක් ඇති වෙනවා. ඒවා නීලමේහ, ක්ෂාර මේහ, කාල මේහ, හරිද්‍රාමේහ ආදි නම්වලින් හඳුන්වනවා

නිදසුනක් හැටියට සීතමේහ කියන්නේ මූත්‍රා දහ පාළොස් වතාවක් සීතලට පිටවීම. එයත් ගණන් නොගෙන ටික කාලයක් සිටීමෙන් දියවැඩියාවට හැරෙනවා

මේ රෝග 16ම සුව කළ හැකි පාරම්පරික ඖෂධයක් අප ළඟ තිබෙනවා. ඒත් වාතය කෝප වීමෙන් ඇති වන වාසාවේගය, මජ්ඣමේහය, හස්තිමේහය සහ ශෞද්‍රමේහ මාස හය හතක් තිබිලා මධු මේහය බවට පත් වුණොත් කිසිම විදිහකින් හොඳ කරන්න බෑ

ඒ වගේම රෝගියාගේ ස්ත්‍රීපුරුෂභාවය, ප්‍රතිශක්තීකරණය, වයස‍ ආදිය සමඟත් රෝගයේ ස්වභාවය, සුව වන්නට ගතවන කාලය ආදිය වෙනස් වනවා. කිව යුතු අනෙක් වැදගත්ම කාරණය තමයි බෝ නොවන රෝග ඇති වන්නේ තමන් පෙර කළ කුසලාකුසල කර්ම අනුවයි. ඒ නිසා බොහෝ සෙයින් අකුසල් කළ අයටත් සුව කළ නොහැකි රෝග වැලඳෙනවා.“

කෑම පාලනය මේ රෝගයට බෙහෙත් කිරීමේදී ඉතා වැදගත්ය. ඒ පිළිබඳ මහවිල වෙද මහතා උපදෙස් දුන්නේ මෙසේය‍

සුදු සම්බා, සුදු කැකුළු සහ සියලුම විදේශීය සහල් වර්ග, ෆ්‍රයිඩ් රයිස්, බිරියානි, රටකජු, කොස් ඇට, වට්ටක්කා, බටානා, බීට්රූට්, සියලුම අල වර්ග, හරක් මස්, ඌරු මස්, එළු මස්, ගෝනමස්, ඉස්සෝ, දැල්ලෝ, ටින් මාලු, පාන්පිටිවලින් නිෂ්පාදිත සියලුම ආහාර වර්ග, සියලුම කිරිපිටි වර්ග, අයිස්ක්‍රීම් වර්ග, යෝගට් වර්ග, චීස්, බටර්, මාගරින්, සීනි, හකුරු, රටඉඳි, බිස්කට්, කේක්, පැණිබීම, වටලප්පන්, මිදුණු කිරිවර්ග, පාම් තෙල්, එළවළු තෙල්, මේදය සහිත ආහාර, අඹ, අන්නාසි, රඹුටන්, දූරියන්, කිලෝපේර, කෝලිකුට්ටු, ආනමාළු, ඇම්බුන්, සීනි කෙසෙල්, කෘත්‍රිම රසකාරක අඩංගු ආහාර, ක්ෂණික ආහාර සහ ජාන තාක්ෂණයෙන් සැදූ ආහාර අපේ බෙහෙත් සමඟ ගැනීම හොඳ නෑ. සමහරු බෙහෙත් ගන්න ගමන් මේ දේවල් කාලා ලෙඩේ වැඩි කරගෙන අමාරුවේ වැටෙනවා. කට පරෙස්සම් කරගැනීම හැම දේටම වඩා වටිනවා. අපේ බෙහෙත් ගන්න ගමන් එහෙම පැවතිලා නිට්ටාවටම සුව වූ අය දහස් ගණනක් ඉන්නවා.

සුවවූවන් අතරින් කිහිප දෙනකු සම්බන්ධ කරගැනීමට අපටද හැකි විය. කුසුම් මල්දෙනිය මහත්මිය අප සමඟ වෙද මහතාගේ බෙහෙත්වල ගුණය පැවසුවේ මෙලෙසිනි

“මට ෂූගර් හැදිලා අවරුදු තුනක් විතර හිටියා. ඉංග්‍රීසි බෙහෙත් කාලයක් ගත්තා. ඒ අතරේ අපි අඳුරන අවුරුදු 14ක දරුවෙක්ට සීනි කියලා මේ වෙද මහත්මයා ළඟට ගෙනියලා හොඳටම හොඳ වුණා. ඉතින් මමත් ගියා. සීනි තිබෙද්දී අතපය රිදෙනවා, කලන්තේ වගේ හරි අමාරුයි. මට 280ට සීනි තියෙද්දී ගියේ. වාර 4ක් බේත් ගත්තා දැන් මට ඒ කිසි අමාරුවක් නෑ. සීනි මට්ටම 77 වෙලා. හැබැයි එහෙම වෙන්නේ අපි වෙද මහත්තයා කියන විදිහට පාවිච්චි වුණොත් තමයි.“

පොළොන්නරුවේ සම්පත් ප්‍රියන්ත මහතාද මෙසේ නිට්ටාවට සුවය ලැබූවෙකි

“මට 2010දි විතර තමයි සීනි හැදුණේ. 220 තිබුණු මට්ටම අන්තිමේදී 480ත් පැන්නා. කිලෝ 80ට හිටි මගේ බර 58ක් වුණා. කොච්චර බෙහෙත් ගත්තත් හොඳ වුණේ නෑ. ඇඟපත රිදෙනවා, කේන්ති යනවා, ඇස් පේන්නැතුව යනවා, අතපය හිරි වැටෙනවා, තව කියන්න බැරි ප්‍රශ්නත් තිබුණා. හරිම අමාරුයි. පස්සේ වෙද මහත්තයා ගැන විස්තරයක් දැකලා බෙහෙත් ගන්න ගියා. මාස 4ක් බේත් ගද්දී ඇඟ පුෂ්ටිමත් වෙලා අමාරුකම් නැතිව ගියා. වෙද මහත්තයා කියන ක්‍රමයටම හිටියාම ඉක්මනින් සුව වෙනවා. ඊට පස්සේ බේත් ඇඟෙන් ඉවත් කරන විදිහත් මට කියලා දුන්නා. දැන් අවරුදු 6ක් විතර මට හොඳයි. ඒත් හිතේ බයට තාම කරවිල එහෙම හොඳට කනවා. වනේ වන හතුරෙකුටවත් හැදෙන්න එපා මේ ලෙඩේ නම්. ඇත්තෙන්ම මේ ගැන කියලා දෙන එකත් ලොකු පිනක්. සෙවයක්.“

බෙලිඅත්ත, කුඩාහින්නේ ජේ.බී.ඒ. ජයසිරි මහතා අපට විශේෂ වූයේ ඔහු සෞඛ්‍ය ක්ෂේත්‍රයට සම්බන්ධ අයකු නිසාය. අනෙක් අය කියූ රෝග ලක්ෂණ සියල්ලෙන් ඔහු දැඩි සේ පීඩාවට ලක් වී සිටි බවද පවසමින් මෙසේ කීවේය

“මම අවරුදු 8ක් විතර දියවැඩියාවෙන් පෙළුණා. ඔය කියන අමාරුකම් මදිවට තිස්සේම මූත්‍රා කරන්න ඕනා. මමත් සෞඛ්‍ය ක්ෂේත්‍රයට සම්බන්ධ නිසා විටමින් අඩු ඇති කියලා ඒවත් ගත්තා. මට සීනි 130 පනිද්දි හොඳටම අමාරු වෙනවා. කිලෝ 12ක් විතර බරත් අඩු වුණා. සෑහෙන්න දුක් වින්දා. ඒ අතරේ 2016 අප්‍රේල්වල මේ වෙද මහත්මයා ගැන වැඩසටහනක් දැකලා මම කතා කළාම විස්තර අහලා මාස 6න් සුව කරන්නම් කීවා. හැබැයි කෑමට සුදුසු නුසුදුසු දේවල් ලැයිස්තුවක් දුන්නා. ඉංග්‍රීසි බෙහෙත බොන අතරේ තමයි මට වෙද මහත්තයාගේ බෙහෙත් දුන්නේ. දවස් 20න් 20ට සීනි මට්ටම මනින්න කීවා. ටිකෙන් ටික ඉංග්‍රීසි පෙත්ත අඩු කළා. වෙද මහත්තයාගේ බෙහෙතුත් දවසක් ඇර දවසක් වගේ අඩු කරලා දවස් 10ට වරක් වගේ ගන්න කීවා. දැන් මට සුවයි. අතපය හිරිවැටෙන්නේ නෑ. අපේ පැත්තේ කිරි කනවා හරියට. ඉතින් සීනි පැණි කැවෙනවා. හැබැයි දෙවියන්ගේ පිහිටෙන් මට කියන්නත් ලෝබයි දැන් ඒ අමාරුකම් නෑ. මම දන්නවා මේවාට විරුද්ධව කතා කරන සමහරු හොරෙන් වෙද මහත්තයා ගාවට යනවා කියලත්. ඇත්තෙන්ම මේ වගේ වෙදැදුරන් අපි ආරක්ෂා කරන්න ඕනා. අනෙක හතු පිපෙන්නා වගේ එන සමහර වෙදුන් ඉංග්‍රීසි පෙති කුඩු කරලා කොළවර්ග කලවම් කරලා දෙනවා. අපිට ඒ රහ අඳුනන්න පුළුවන්. ඒත් මේ බෙහෙත් එහෙම නෑ කියලා මට හොඳටම විශ්වාසෙන් කියන්න පුළුවන්.“

මහවිල වෙද මහතාද පැවසූවේ ඔහු අපේම කැලෑවලින් බෙහෙත් වර්ග සොයා ගන්නා බවයි. එහිදී මහා බ්‍රහ්මයාට පින් දී ඒ බෙහෙත් පැළෑටි නෙලා ගත යුතු බවද ඔහුගේ මතයයි. ඔහුගේ ඖෂධවලින් සිදුවන්නේ අග්න්‍යාශයේ වැසුණු කපාට යළි විවර කරමින් ස්වාභාවිකව ඉන්සියුලින් ශරීරයේ නිපදවෙන්නට අවශ්‍ය පරිසරය යළි ගොඩ නැඟීම බවද විස්තර සහිතව ඔහු අපට කියා දුන්නේ සෞඛ්‍ය පාඩමක් මෙනි. එවිට දියවැඩියාව නිසා හට ගන්නා පාදයේ තුවාල ආදිය ඉබේම සුව වන බවද ඔහු තර්කානුකූලව පෙන්වා දුන්නේය. කෂාය ආදි සිංහල බෙහෙත් වැඩිපුර සිරුරට එක්වීම නිසා වකුගඩු ප්‍රශ්න මතුවේදැයි අප නැඟූ පැනයට ඔහුගේ පිළිතුර වූයේ මෙයයි

“බත්-වෑංජන කන්න ගත්ත දවසේ ඉඳන් අපි සිංහල බේත් තමයි කන්නේ. සූදුරු, මහදුරු, කොත්තමල්ලි, කහ, ඉඟුරු,ගම්මිරිස්, කරපිංචා කියන්නේ මොනවාද? සුද්දා ඒවායේ සංයුතියෙන් එක වර්ගයක් අරගෙන පෙත්ත හදලා දුන්නම අපි ගිලිනවා. එතකොට වකුගඩු දිය වෙන්නේ නැද්ද? අපි සමස්තය අරගෙන වර්ග ගොඩක් එක්කයි බෙහෙත් දෙන්නේ. සිංහල බෙහෙතෙන් අතුරු ආබාධ එන්නේ නැත්තේ සංයුතිය වැඩි නිසයි.

දියවැඩියා රෝගයට ගොදුරු නොවීමට මධ්‍යම ප්‍රතිපදාවට අනුව ආහාර ව්‍යායාම ආදිය ගත යුතු බව කී යටියන්තොට මහවිල වෙද මහතා ඒ සඳහා පහසුවෙන් කළ හැකි අත්බේතක් ද කීවේ සිළුමිණ පාඨකයන්ගේ හිතේත් ගතේත් සුවය පිණිසය

“දියවැඩියාව සියයට 90ක් හැදෙන්නේ මානසික ප්‍රශ්න නිසා. අනෙක ග්ලූකෝස් අඩංගු ආහාර වැඩිපුර ගැනීමත් සෙම් රෝග නිසාත් දියවැඩියාව වැඩි වෙන්න පුළුවන්. අවුරුදු 10ට වැඩි ඕනෑම කෙනෙක් හැමදාම උදේට කැකිරි යුෂ අඬු කෝප්ප බාගයක් බොනවා නම් ජීවිතේ කවදාවත් දියවැඩියාව හැදෙන්නේ නෑ. ඒ වගේම කරපිංචා කොළ යුෂ කෝප්පයක් බැගින් සතියට දෙවරක් බීවොත් රුධිර නාළවල, අක්මාවේ තෙල් ඉවත්වෙලා, ලේ සුද්දවෙලා, මළ හොඳින් පහවෙලා, චර්ම රෝග සුව වෙලා, විෂ නසනවා. අනෙක පුළුවන් තරම් කොළ මැල්ලුම් හැම වේලකටම ගන්න. තේ වෙනුවට රණවරා මල් ටිකක් බොන්න. ගැමි ආහාරවලට පුළුවන් තරම් හුරු වෙන්න. සැම එළවළු වර්ගයක්ම පොදුවේ කන්න. රෝගියකුට කෑම නොදුන්නොත් හොඳටම සෞඛ්‍යය පිරිහෙනවා. අපේ වෙදකම කරන්නේ හොඳට බඩ පිරෙන්න කන්න දීලයි. මම කියන්නේ දියවැඩියාව නිට්ටාවට හොඳ කරන්න පුළුවන්.

ලිපි මුලාශ්‍රය – සිළුමිණ

Source Link : Wishma Lokaya

ශරීරයේ හානි වූ ඉන්ද්‍රියයන් නැවත පිළිසකර කරන එළවළු පලතුරු වර්ග – සුවදායක දිවියකට ඉතාම වැදගත් ලිපියක්

ගොටුකොළයේ හැඩය මොළයේ රැළි වැටුනු ස්‌වභාවයට සමානය.වකුගඩුවේ, හදවතේ හැඩය සිහිගන්වන එළවලු, පළතුරු බොහෝය. ස්‌වරූපයෙන් පමණක්‌ නොවන මේවා ගුණයෙන්ද අනූනය

ස්‌වභාවදහම ඇතැම් විට හරි අපූරු නිර්මාණ බිහි කරන බව අප කවුරුත් දන්නා කාරණාවකි. එය අහම්බයකින් වුව ඇතැම් එළවළු පලතුරු වර්ගවලට අපගේ ශරීර ඉන්ද්‍රියයන්ගේ ස්‌වරූපය ලබා දී තිබෙන බව පෙනී යයි. ස්‌වභාවදහම ඇඟිල්ලෙන් ඇන ඇන අපේ ඇඟේ වැදි වැදී අපට කියා දෙන්නේ මේවා සුලභව ආහාරයට ගන්නා ලෙසයි. පැරැන්නන් අද තරම් නූතන විද්‍යා තාක්‌ෂණික දැණුමකින් සන්නද්ධව නොසිටියත් ස්‌වභාව දහමට සංවේදි විය. මේ සංවේදීභාවය බොහෝ අනතුරු මග හැර යන්නට ඔවුන්ට ඉවහල් විය. එවැනි අපගේ ඉන්ද්‍රියයන් සිහි ගන්වන ආහාර ද්‍රව්‍යය කිහිපයක්‌ මෙසේය

අලි ගැටපේර

පැසුණු අලිගැටපේර ගෙඩියක බාහිර ස්‌වරූපය කාන්තාවකගේ ඩිම්බ කෝෂයක හැඩය ගනී. එමෙන්ම අලි ගැටපේර ගෙඩියක්‌ දික්‌ අතට කැපුවාම පෙනෙන්නේ හරියට ගර්බනී මවකගේ උදර සහ උකුල ප්‍රදේශය මෙනි. අලිගැටපේර ගෙඩියේ ඇටය ගර්භාෂයේ වැඩෙන දරුවා මෙනි. අලිගැටපේර වනාහි ගැබිණි මවකට සහ කළලයේ වර්ධනයට අවැසි අත්‍යවශ්‍ය පෝෂ්‍ය පදාර්ථවලින් මෙන්ම ඖෂධීය ගුණ රාශියකට හේතු වන ශාක රසායනිකයන්ගෙන් අනූන ය. එමෙන්ම මෙහි අත්‍යවශ්‍ය ඔමේගා තුන මේද අම්ල ද සුලභ ය. ඔමේගා මේද අම්ල වැඩියෙන්ම අන්තර්ගත වන පලතුර වන්නේ ද අලිගැටපේර වෙයි. මෙම මේද අම්ල නිසියාකරයෙන් ගැබිණි මවකට නොලැබුණොත් විශේෂයෙන් කළලයේ මොළය වර්ධනයට අහිතකර ලෙස බලපානු ලබයි. ගැබිනි මවක්‌ අත්‍යවශ්‍ය ඔමේගා තුන මේද අම්ල යහමින් නොගත්තොත් ඇගේ ගර්භාෂයේ වැඩෙන කළලය තම අවශ්‍යතාවයට සරිලන මේද අම්ල මවගේ සිරුරෙන් ලබා ගනී. විශේෂයෙන් මවගේ මොළය තුළ තිබෙන මේද අම්ල දරුවා ලබා ගනී. එවිට මවට දරු ප්‍රසූතියෙන් පසුව ඇති වන මොළය ආශ්‍රිත සංකූලතා සදහා මෙය හේතුවක්‌ වන්නට පිළිවන. මෙවැනි තත්ත්වයක්‌ ඇති වීම වළක්‌වා ගන්නටනම් ගර්භනී මවක්‌ ශරීරයට අහිතකර නොවන අලි ගැටපේර වැනි ඔමේගා තුන මේද අම්ල සුලභ ආහාර අනුභව කිරීම බෙහෙවින්ම වටින්නේ ය

අලිගැටපේර වනාහි සිරුරට අහිතකර නොවන අන්දමට ශක්‌තිය ලබා ගන්නට ද හිතකර ආහාරයක්‌ වෙයි. අලිගැට පේර ග්රෑම් සියයකින් ශක්‌තිය කිලෝ කැලරි 160 ක්‌ ලබා ගන්නට පිළිවන. එමෙන්ම මෙහි බොහෝ පලතුරු වල බහුලව හමු නොවන ප්‍රොටීන් ද තිබේ. මෙය ආහාරමය තන්තු බහුල ආහාරයක්‌ වන බැවින් ආහාර ජීර්ණ පද්ධතියේ නීරෝගී භාවයට මෙන්ම මළ බද්ධයෙන් වැළකී සිටින්නට ද හොඳ පළතුරකි. අලි ගැට පේර වනාහි මේ ලොව තිබෙන පලතුරු අතරින් විටමින් ඊ. කේ. ඒ. සී. සහ බී. විටමින්වලින් ඉතාමත් පොහොසත් පලතුරකි. එමෙන්ම සින්ක්‌, පොටෑසියම්, මැංගනීස්‌ සහ යකඩ යන ගර්භනී සහ කිරි දෙන මවකට අත්‍යවශ්‍ය ඛණිජ ලවන වර්ග රාශියකින් ද පොහොසත් පලතුරක්‌ වෙයි. බීටා සිටොස්‌ටිරෝල් (Beta-sitosterol) නැමති දුලභ ශාක රසායනිකය මෙහි සුලභව හමුවීම ද අලිගැටපේර සතු තවත් ඉතාමත් වැදගත් ගුණාංගයක්‌ වෙයි. මෙය සිරුරේ අහිතකර කොලස්‌ටරෝල් මට්‌ටම පහත දමන බවත්, හිතකර කොලස්‌ටරෝල් මට්‌ටම ඉහල දමන බවත් සොයා ගෙන තිබෙනවා. මෙයට අමතරව බීටා සිටොස්‌ටිරෝල් ආහාර ජීර්ණ ක්‍රියාවලිය වැඩි දියුණු කරන්නටත්, ශරීරයේ ප්‍රතිශක්‌තිකරණය ඉහළ නන්වන්නටත්, මහාන්ත්‍ර පිළිකා සමනය කරන්නටත්, හන්දිපත් අමාරුව සහ ගර්භාෂ සංකූලතා සමනය කරන්නටත්, ඉන්ෆ්ලුවෙන්සා සහ වෛරස්‌ රෝග, ඇදුම, ආතරයිටිස්‌, ශ්වසන ආබාධ, ආර්ථවහරණ සංකූලතා සමනය කරන්නටත් ඉවහල් වන බව සොයා ගෙන තිබෙනවා. මේ ආදි වශයෙන් අලි ගැට පේර වනාහි විශේෂයෙන් ගර්භණී සහ කිරි දෙන සෑම මවක්‌ මෙන්ම බාල මහලු හැම දෙනෙකුම නිතර සේවනය කළ යුතු අනර්ඝ පලතුරක්‌ බව තහවුරු වෙයි

ගොටුකොළ

අපගේ හිස්‌ කබල විවෘත කර බැලුවහොත් එය රැළි වැටුණු ස්‌වරූපයක්‌ පෙන්නුම් කරයි. මෙය හරියට ගොටු කොළ පත්‍රයක මතු පිට පෙනුම සිහි ගන්වයි. ගොටු කොළ පිළිබදව දැනට සිදුකර තිබෙන පර්යේෂණ බොහොමයකටම අනුව මෙම ශාකය ස්‌නායූ පද්ධතිය සහ මොළයේ ක්‍රියාකාරිත්වය සඳහා අවැසි ටි්‍රටර්පීන්ස්‌ සැපොනින් (Triterpenes saponin compounds) සංඝටක වලින් පොහොසත් ය. මෙයට අමතරව ටි්‍රටර්පීන්ස්‌ සැපොනින් සංගටක රුධිර සංසරණ පද්ධතිය දියුණූ කරන්නටත් සමේ සහ කෙස්‌ වල නීරෝගීභාවය වැඩිදියුණූ කරන්නටත් ඉවහල් වෙයි. මොළයට මෙන්ම සිරුරේ නිසි ක්‍රියාකාරිත්වයට අවැසි වන විටමින් සහ ඛනිජ ලවන රාශියක්‌ ද ගොටුකොළ තුළ අන්තර්ගත වෙයි. එමෙන්ම ගොටු කොළ ශරීර ප්‍රතිශක්‌තිකරණ පද්ධතිය වැඩි දියුණූ කිරීමේ ගුණ සහ පිළිකා නිවාරණ කිරීමේ ගුණ ද ඇති බව සොයා ගෙන තිබෙනවා

මුකුණුවැන්න

මුකුණුවැන්න පත්‍රයක හැඩය අනෙක්‌ ශාක පත්‍ර වලට වඩා වෙනස්‌ ආකාරයක්‌ පෙන්නුම් කරයි. මුකුණුවැන්න පත්‍රයක්‌ අපේ ඇස උඩින් තැබුවහොත් එය හරියට ඇසක ස්‌වරූපය පෙන්නුම් කරයි. මුකුණුවැන්න ඇසේ පෙනීම වැඩි දියුණු කරන්නට හේතු වන බීටා කැරොටින් (විටමින් ඒ ) ඇතුළු පෝෂ්‍ය පදාර්ථ රාශියකින්ම අනූන ආහාරයකි

තක්‌කාලි

තක්‌කාලි ගෙඩියක්‌ දික්‌ අතට පලා නිරීක්‌ෂණය කළහොත් එය කර්ණිකා දෙකකින් සහ කෝෂිකා දෙකකින් සැදුම්ලත් අපගේ හදවතේ අභ්‍යන්තරය සිහි ගන්වයි. තක්‌කාලි වනාහි හදවතේ නීරෝගිකම සහ හදවත් රෝග වලින් වළකින්නට ඉවහල් වන ලයිකොපීන් (Lycopene) නමැති ශාක රසායනිකයෙන් අනූන ආහාරයක්‌ වෙයි. මෙහිලා අවධාරණය කළ යුතු තවත් වැදගත් කාරණාවක්‌ වන්නේ කාබනිකව වගා කරන වැඩිදියුණු නොකළ සම්ප්‍රදායික තක්‌කාලි ප්‍රභේදවල ලයිකොපීන් සියයට අසූවකින් වැඩියෙන් අන්තර්ගත වන බවය

කැරට්‌

කැරට්‌ අලයක්‌ හරස්‌ අතට කපා නිරීක්‌ෂණය කළහොත් එය අපගේ ඇසේ කුණීතයේ හැඩය සිහි ගන්වනු ඇත. කැරට්‌වල විටමින් ඒ සුලභව තිබෙන බව අප කවුරුත් දන්නා කාරණාවකි. සාමාන්‍යයෙන් කැරට්‌ ග්‍රෑම් සියයකින් අපගේ දෛනික විටමින් ඒ අවශ්‍යතාවයෙන් සියයට 113 ක්‌ පමණ ලැබේ. විටමින් ඒ වනාහි ඇස්‌වල පෙනීම සහ විශේෂයෙන් වියපත් වීමේදී ඇසට සිදු වන හානි වැළැක්‌වීම සදහා අත්‍යවශ්‍ය වන විටමිනයක්‌ වෙයි

ලීම ඇට

මෑ. ලීම. බෝංචි වැනි පියලි ඇට වර්ග වල මතු පිට පෙනුම මිනිස්‌ වකුගඩුවක හැඩය සිහි ගන්වයි. මෑ, ලීම සහ බෝංචි ඇට වල අන්තර්ගත වන පෝෂක සංඝටක වකුගඩු වල නිරෝගිභාවය සඳහා බෙහෙවින්ම ප්‍රයෝජනවත් වන අතර, රතු, නිල්, දම් වැනි වර්ණයන්ගෙන් සැදුම් ලත් මෙම ඇට වර්ග. එම වර්ණ වලට හේතු වන ප්‍රොඇන්තොසයනින් වැනි ශාකරසායනිකයන්ගෙන් පොහොසත් ආහාර වෙයි. මේවායේ තිබෙන ශාඛ රසායනිකයන් වකුගඩු රෝග, හදවත් රෝග සහ පිළිකා රෝග වලින් ආරක්‌ෂා වන්නට ද කෙනෙකුට බෙහෙවින්ම ප්‍රයෝජනවත් වෙයි. අනෙක්‌ අතට පියලි ඇට වර්ග ෆොලික්‌ අම්ලයෙන්ද පොහොසත් ආහාරක්‌ වෙයි. ෆොලික්‌ අම්ලයේ ක්‍රියාකාරිත්වය පිළිබද ඇමරිකානු කොලරාඩෝ සරසවියේ සිදු කර ඇති නවතම පර්යේෂණයකින් හෙළි වී තිබෙන තොරතුරු අප මවිත කරවයි. රුධිරයේ අන්තර්ගත ආසනික්‌ නමැති අධික විෂ සහිත බැරලෝහය සියයට 40 න් මූත්‍ර මගින් ඉවත් කර වන්නට ෆොලික්‌ ඇසිඩ් වලට පිළිවන් බව සනාථ වී තිබීම එයට හේතුවයි. ඒ අනුව මෑ, ලීම වැනි ආහාර සුලභව ගැනීම වකුගඩුවල නිරෝගි පැවැත්මට වෙසෙසින්ම ඉවහල් වන බව පෙනී යයි

ජම්බෝල

මහ නාරන් නොහොත් මහ සිදරම් යන නම්වලින් ද හැඳින්වෙන ජම්බෝල පලතුර වනාහි මේ දිනවල සුලභව දකින්නට තිබෙන පලතුරකි. මෙහි බාහිර ස්‌වරූපය ස්‌ත්‍රියකගේ පියයුරක හැඩය පෙන්නුම් කරයි. ජම්බෝල පොත්තේ. මදයේ සහ මදයත් පොත්තත් අතර තිබෙන ස්‌පොන්ජිමය ආවරණය තුළ පියයුරු පිළිකා රෝග මර්දනය කරන්නට සමත් ක්‌වසටින් Quercetin සහ හෙස්‌පෙරිඩින් Hesperidin වැනි දුර්ලභ ලැවනොයිඩ වර්ග රාශියක්‌ම නිස්‌සාරණය කර ගන්නට විද්‍යාඥයින් සමත් ව තිබෙනවා

මෙයට අමතරව ජම්බෝල ග්‍රෑම් සියයකින් විටමින් සී දෛනික අවශ්‍යතාවයෙන් සියයට 73 ක්‌ පමණ ලබා ගන්නට පිළිවන විටමින් සී වනාහි පිළිකා පරදන ප්‍රතිඔක්‌සිකාරක ගුණ ඇති විටමීනයක්‌ ද වෙයි. මෙම පලතුර පොටෑසියම් අධික සහ සෝඩියම් නොමැති පලතුරක්‌ වන බැවින් හදවත් රෝගීන්ට සහ අධික රුධිර පීඩනයෙන් පෙළෙන රෝගීන්ට ද දිව ඔසුවක්‌ වෙයි. එනමුත් පොටෑසියම් අධික ආහාර වකුගඩු ආබාධ වලින් පෙළෙන රෝගීන්ට අහිතකර වන බව මතක තබා ගැනීම වැදගත් වෙයි. බටහිර ඖෂධවල විෂ හරණ ක්‍රියාවලියට බාධා කරන රසායනික සංගටක ද ජම්බෝල වල සුලු වශයෙන් තිබෙන නිසා ඉංග්‍රීසි බෙහෙත් බොන රෝගීන්ට ද ජම්බෝල හිතකර වන්නේ නැත. කෙසේ වෙතත් සාමාන්‍ය නිරෝගි ළමා මහලු හැමෝටම විශේෂයෙන් ස්‌ත්‍රීන්ට ගුණදායක පලතුරක්‌ ලෙස ජම්බෝල සැලකිය හැකිය

ජපන් ජාතික මහාචාර්යවරයෙකු දිනක්‌ බණ්‌ඩාරවෙල ප්‍රදේශයේ පාසැලකට පැමිණියේය. සිමෙන්ති පඩි පෙළ දිගේ ගමන් කරමින් සිටි ඔහු සිමෙන්ති බදාමය අස්‌සෙන් අසීරුවට එහෙත් සරුවට වැවී තිබුණු ගොටුකොළ පදුරක්‌ දෙස මහත් විශ්මයෙන් යුතුව බලා සිටුණු පෙනිණ. -අපේ රටේ මේ වටිනා දිව ඔසුව වගා කර ගන්න අපි පුදුම දුකක්‌ වි`දිනවා. උඹලගේ රටේ විසි කරත් හැදෙන මේ ඖෂධය පාගා ගෙන යනවා. උඹලට කවදානම් මොළය පෑදෙයි ද….” ජපන් මහාචාර්යවරයා එසේ කීය

ඉදුණු ජම්බෝල ගෙඩි වලින් පිරුණු ජම්බෝල ගසක්‌ එක්‌තරා නිවසක්‌ අසල තිබෙනු රාජකාරි ගමණක්‌ යමින් සිටි මා හට දිනක්‌ දකින්නට පිළිවන් විය. එම නිවසේ සාමාජිකයින්ට මා ජම්බෝලවල ගුණය පිළිබද කියා දුනිමි. ඊට වසරකට පමණ පසු එම නිවස අසලින් නැවත වතාවක්‌ ගමන් කරමින් සිටි මා හට අර ජම්බෝල ගස කපා දමා තිබෙනු නිරීක්‌ෂණය විය. අවාසනාවක මහත. එම නිවසට අල්ලපු නිවසේ සිටි ස්‌ත්‍රියක්‌ පියයුරු පිළිකා රෝගයෙන් පෙළෙන බව දැන ගන්නට හැකි විය. අනේ අර ජම්බෝල ගස කපා නොදා ජම්බෝල ආහාරයට ගත්තානම් අර කාන්තාවට සමහර විට පියයුරු පිළිකා රෝගය නොවැළදී තිබෙන්නට පිළිවන් බව එවෙලේ මට සිතිණ

ස්‌වභාව දහමට නොව රූපවාහිනියේ වෙළෙද දැන්වීම්වලට සංවේදී අපි බොහෝ දෙනෙකු ස්‌වභාවදහමේ පණිවුඩ කියවා ගන්නට අපොහොසත් වෙමු. ඒ නිසා ලංකාවේ මිනිසුන් බොහෝ දෙනෙකු මිය යන්නේ දේවල් නොමැතිකම නිසා නොව දේවල් පිළිබද නොදන්නාකම නිසාවෙන් බව අවධාරණය කරනු කැමැත්තෙමු

ගැමුණු සාලිය පෙරේරා , උපදේශක, වස විස නැති ආහාර ජාතික වැඩසටහන, උපායමාර්ගික ව්‍යවසාය කළමනාකරණ ආයතනය

ලිපි මුලාශ්‍රය – දිවයින පුවත්පත

Source Link : Wishma Lokaya