නිවැරදි නින්දෙන් සුවවෙන ලෙඩ – සෑම කෙනෙකුම කියවිය යුතු ඉතාම වැදගත් ලිපියක්

නිදාගැනීමේදී අපි අනුගමනය කරන ඉරියව්වෙන් රුධිර සංසරණය යහපත් කරගැනීම සහ කෝටර දාහය සුවකරගැනීම වැනි විවිධ සෞඛ්‍ය වාසිත් අත්කරගන්නට පුළුවන් බව ඔබ දැන සිටියාද?

ඉතින්, ඔබට අද අපි මේ පෙන්වා දෙන සෞඛ්‍ය ගැටලු කිහිපයෙන් එකක් හෝ තිබෙනවා නම් පහත දක්වා ඇති ඉරියව් භාවිතයෙන් නිදාගෙන එය පහසුවෙන්ම සුවකරගන්නට හැකි වේවි.

උරහිසේ වේදනා

ඔබත් උරහිසක වේදනාවෙන් පීඩා විඳිනවා නම් එය නිදාගන්නා අතර තුළදීම ලෙහෙසියෙන්ම සුවකරගන්නට පුළුවන්. මේ සඳහා ඔබේ වේදනාව රහිත උරහිස පැත්තට ඇලවී පාද දෙක ඉදිරියට නමා එක් කොට්ටයක් පපුවට යටින් තබා තවත් කොට්ටයක් දණහිස් දෙක මැදට වන්නට තබා නිදාගන්න.

කොන්දේ වේදනා

කොන්දේ වේදනාවට ඔබ නිදියන ඉරියව්ව දැඩි ලෙස බලපානවා. ඔබ උඩු අතට වන්නට නිදාගෙන එක් කොට්ටයක් ඔබේ දණහිස් යටින් තබාගන්න. ඒ වගේම, රෝල් කරගත් තුවායක් ගෙන එය කොන්දේ නැම්ම යටින් තබාගන්න. මේ ආකාරයට නිදාගැනීම මගින් ඔබේ කොන්දේ වේදනාව සුවකරගන්නට පුළුවන් වේවි.

හිසේ කැක්කුම්

ඔබට හිසේ කැක්කුමක් ඇත්නම් ඔබ නිදාගන්නා ඉරියව්ව අනුව එය උත්සන්න වීමත් සුවවීමත් යන දෙකෙන් එකක් සිදුවනවා. බොහෝ විට නිදාගැනීමේ දී බෙල්ල ඇඹරීම නිසා තමයි හිසේ කැක්කුම ඇතිවන්නේ. මෙය මඟහරවාගැනීමට ඔබ නිදාගන්නා විට ඔබේ ගෙල දෙපැත්තෙන් කොට්ට දෙකක් තබා ගෙල හැරවීම වළක්වා ගන්න.

කෝටරක දාහය හෙවත් සයිනස්

නිදාගැනීමේ ඉරියව්ව හිසේ කැක්කුමට බලපාන ආකාරයටම කෝටර දාහයටත් බලපානවා. හාවර්ඩ් සරසවිය විසින් නිර්දේශ කරන ආකාරයට ඔබේ හිස තරමක් ඉහළට එසවෙන ආකාරයට නිදාගැනීම මගින් ඔබට කෝටර දාහය සුවකරගන්නට පුළුවන්.

අධිරුධිර පීඩනය

අධ්‍යයනයකට අනුව සොයාගෙන තිබෙන කරුණක් තමයි නිදාගැනීමේ ඉරියව්ව සෘජුවම රුධිර පීඩනය කෙරෙහි බලපාන බව. ඒ වගේම, රුධිර සංසරණය පාලනය වන නිදාගැනීමේ ඉරියව්වක් ද ඔවුන් මෙහිදී සොයාගෙන තිබෙනවා. ඔබ මුහුණ යටට වන්නට සිටින සේ නිදාගන්න. එමඟින්, ඔබට පුළුවන් අධිරුධිර පීඩනය පාලනය කරගන්නට.

අධිරුධිර පීඩනය සඳහා වෛද්‍ය උපදෙස්වලින් තොරව කිසිම ඖෂධයක් භාවිතා කරන්නට එපා.

ඔසප් වීමට ආසන්නව ඇතිවන වේදනා

ඔසප් වීමට ආසන්නයේ හටගන්නා විවිධ සෞඛ්‍ය ගැටලුවලට ලක්වී වේදනාවක් විඳිනවා නම් නිදාගන්නා විට ඔබේ දණහිස් යටට වන්නට කොට්ටයක් තබාගෙන නිදාගන්න. එමගින් ඔබේ පිටකොන්ද නැමීම නතර වී වේදනාව සමනය වනවා.

බෙල්ලේ වේදනාව

ඔබට බෙල්ලේ වේදනාවක් ඇත්නම් ඔබ නිදාගැනීමේ දී තුවායක් රෝල් කර බෙල්ල යටින් තබා නිදාගන්න. මේ තුවාය වෙනුවට ඔබට කොට්ට උරයක් වුවත් භාවිතා කරන්නට හැකිය

ආහාර ජීර්ණ ගැටලු

වම්පසට හැරී නිදාගන්නවා නම් ඔබට නියමාකාර ආහාර ජීර්ණයක් පවත්වාගන්නට පුළුවන්. උදරය වම්පසට වන්නට පිහිටන නිසා ඔබ වම්පසට හැරී නිදාගැනීමෙන් ගුරුත්වාකර්ෂණ බලපෑම මගින් ආහාර ජීර්ණය වේගවත් කරගන්නට පුළුවන්.

පපුවේ දැවිල්ල

පපුවේ දැවිල්ල මහත් පීඩාකාරී සෞඛ්‍ය ගැටලුවකි. මේ සෞඛ්‍ය ගැටලුවෙන් පීඩාවිඳිනවා නම් ඔබ වම්පසට හැරී නිදාගන්න. එවිට ඔබට පහසුවෙන්ම පපුවේ දැවිල්ල සුවකරගන්නට හැකියි.

මේ නිදාගැනීමේ ඉරියව් අනුගමනය කරන්නට පෙර ඔබේ වෛද්‍යවරයා හමුව වැඩිදුර උපදෙස් ලබාගන්න. එවිට ඔබට පුළුවන් වේවි මෙම සෞඛ්‍ය ගැටලුවලින් ආරක්‍ෂා වන්න.

Source Link : Wishma Lokaya

දත්මුල් දියවීම සහ ඉරුවාරදය නිට්ටාවට සුවකර ගන්න මේ හෙළ ‍ඔසුව භාවිතා කරන්න

අද බොහෝ දෙනෙකුට ඇති රෝගයකි දත්මුල් දියවීම. ඒත් සමගම එන තවත් අතුරු ආබාධයකි ඉරුවාරදය. අප මෙහිදී මෙම රෝග දෙකම නිට්ටාවට සුව කරගත හැකි හෙළ ඔසුවක් ගෙන එන්නෙමු.

හිස් කබල තුල ඇති සිවියක අපද්‍රව්‍ය බැදිම නිසා හට ගන්නා ආබාධයකි දත්මුල් දිය විම නැතහොත් විදුරුමස් දිය විම. මෙම තත්වයට අප වෙද කම් කරන්නේ විදුරුමස් වලටයි. නමුත් වෙදකම් කලයුතු වන්නේ පෙර කි හිස් කබලේ ඇතුලත ඇති සිවියේ ඇති අපද්‍රව්‍ය ඉවත් කිරිමටය.

මෙම තත්වය සුව කර නොගතහොත් ඉදිරියේදි එය ඔබගේ ඇස් පෙනිම දුර්වලවිමට බලපාන බව හොඳින් අවබෝධ කර ගන්න. මේ නිසා මෙම තත්වය යන්තම් හෝ ඇති අයයෙක් මෙම ඔසු භාවිතා කොට දත්මුල් දිය විම සහා ඉරුවා රදය සුව කර ගන්න.

මෙම ඔසුව අප විසින් ඔබ වෙත ගෙන එන්නේ අප කල්‍යාණ මිත්‍ර වහරක අභයරතනාලංකාර නයක ස්වාමින් වහන්සේ විසින් මිනිස්සුන්ගේ හිත සුව පිනිස දේශනා කරන ලද නිසාවෙනි එසේ එහින් උන්වහන්සෙටද අපි පුණ්‍යයානුමෝදනා කරමු. අප අද දින ගෙන එන්නේ දත්මුල් දියවිම නැවැත් වියහැකි ඉහතින් සඳහන් කර සිවියේ ඇති අපද්‍රව්‍ය ඉවත් කල හැකි ඔබ හොදින්ම දන්නා ඔසුවකි.

අවශ්‍ය ඖෂධ

* සාමාන්‍ය ප්‍රමාණයේ අරළු ගෙඩි ග්‍රම් 200ක් පමණ
* කරුංකා ගෙඩි ග්‍රම් 100ක් පමණ

සාදාගන්නා ආකාරය

අරළුගෙඩි හොදින් සොදා කබලක දමා හොදින් බැදගන්න. මෙය ගෙඩි පෙිටින් හෝ තලාගෙන බැදගත්තාට කමක් නෑ. හොදින් රන්වන් පැහැය වෙන තුරු බැදගන්න. දැන් මෙම බැදගත් අරළු හොදින් කොටා කුඩු කර හලා ගන්න. කරුංකා ගෙඩිද කබලේ දමා අගුරු වෙනතුරු බැදින්න. අඟුරු කරුංකාද වංගෙඩියක දමා කොටා හලා ගන්න.

මුලින්ම අරළු කුඩු වලින් භාගයක් ඉවත් කර ගන්න. එම ප්‍රමාණය වෙනම බෝතලයක අහුරා ගන්න. ඉතිරි කුඩු වර්ග දෙක දැන් ග්‍රම් 100 බැගින් ඇත. එම කොටස් දෙක එක් කොට නැවත හලා ගන්න.

මෙහිදි මෙම කුඩු හොදින් මිශ්‍ර කරගත යුතුය. මෙම කුඩුද වෙනම බෝතලයකට අසුරා ගන්න. දැන් ඔබ සතුව බෙහෙත් වර්ග දෙකක් ඇත. එක තනිකර අරළු බැදගෙන කුඩුකර ගත කොටසය. අනිත් කොටස අරළු සහා කරුංකා අගුරු යන දෙවර්ගය එක් කොට සකසා ගත් කොටසය.

මේවා වෙන වෙනම බෝතල් වල දමා ගන්න. එක් බෝතලයක් කළු පැහැයෙන්ද අනෙත් බෝතලය දුබුරු පැහැයෙන්ද ඇති නිසා වෙන්කර හදුනා ගත හැකි වනු ඇත.

පාවිච්චි කරන ආකාරය

රාත්‍රි නින්දට යන්නට පෙර සුපුරුදු පරදි දත් මදින්න. ඉන් පසු අරළු පමණක් ඇති බෝතලයෙන් කුඩු ටිකක් අතට ගෙන තමාගේම ඇගිල්ලෙන් විදුරුමස් වල හොදින් ආලේප කරන්න. මෙහි ඇති තද කහට ගතිය හොදින් විදුරුමස් තුල කාවදින ලෙස ඇගිල්ලෙන් මදින්න. නිදා ගන්නට පෙර කට සොදන්නේ නැතිව හිටිය හැකිනම් එය තවත් ගුණ දායකවේ. නැතිනම් වතුර ටිකකින් කට සෝදා ගන්න.

මෙම ප්‍රති කාරය දින 30ක් පමණ එක දිගට කරන්න. ඉන් පසුව සතියකට 3න් 4 වතාවක් සිදු කරන්න. මෙසේ අවුරුද්දක් පමණ කාලයක් සිදු කල යුතුය. වසරක් පමණ කාලයකට පසු තමාය අවශ්‍ය නම් මෙම ප්‍රතිකාරය නවතා දැමිය හැකිය. නැතිනම් තවත් මාස 6ක් පමණ සිදු කරාට කම් නැත.

විදුරු මස් වලින් සියයට 30ක් වත් තිබෙනම් නැවත විදුරු මස් දළු ලා වැඩෙනු ඇති ඒසේ නැතිනම් දැනට ඇති ප්‍රමාණයෙන් නවතා ගත හැකිය.

කරුංකා අගුරු සහා අරළු කුඩු මිශ්‍ර කර සකසා ගත් ඉතිරි කුඩු ග්‍රම් 200 දත් මදින්නට යොදා ගන්න. මෙම කුඩු වලින් දත් මදින විට මුඛය සහා දත් හොදින් පිරිසිදු වේ. මෙය නිරෝගි කෙනෙකුට වුනත් වුචිතය. මෙම කුඩු වල තියෙන ඖෂධ දත් මුල් වල ඇති කේෂ නාලිකා හරහා අප ද්‍රව්‍ය සහිත හිස් කබලේ යට ඇති සිවිය පිරිසිදු කරයි.

මෙසේ එම සිවිය අපද්‍රව්‍ය වලින් තොර විම නිසා හිරුවාරදය ද සුවවේ. දත්මුල් දිය විම නතර කර නැවත විදුරුමස් ලියලයි. මෙය දින පතා පාවිච්චි කල හැකි ඖෂධිය දත් බෙහෙතකි. අගුරුයනු ඉතා හොඳ පවිත්‍රකාරකයක් බව අප දැනගනිමු. අප මෙහිදි කරුංකා අගුරු සහා බැදගත් අරුළු වලින් සිදු කරන්නේ අදාල සිවිය පවිත්‍ර කිරිමයි. මේ අයුරින් දත් මුල් වල දිය විමත් ඉරුවාරදයත් ඇස්වල ඇති වෙන වේදනාව සමනය වේ.

මේ වැදගත් පණිවිඩය ඔබේ මිතුරන් හා ආදරණියන් අතරේ බෙදා හැරීමට කාරුණික වන්න. ඔබට පිනක් !!!

Source Link : Wishma Lokaya

දේශීය වෙදකමෙන් කොඳු ඇට පෙළේ රෝග සුව කරන ජීවක වෙද මැදුර

අභිමානවත් වෙද පරපුරක් වූ මාවැල්ලේ වෙද පරපුරෙන් පැවැත එන මාවැල්ලේ කොරනේලිස් වෛද්‍යාචාර්යතුමන්ගේ මිණිපිරිය වන වෛද්‍යාචාරිනී විශාඛා D.S. සූරියබණ්ඩාර මෙම වෛද්‍ය අසපුවෙහි නිර්මාතෘ මෙන්ම ප‍්‍රධානත්වය උසුලන්නීය. රෝග සුව කිරීම අරමුණු කොටගෙන ජීවක වෛද්‍ය මධ්‍යස්ථානය වචනයේ පරිසමාප්තාර්ථයෙන්ම සැබෑ ජීවකයන්ගේ සේවය ලබා දෙන අග‍්‍රගණ්‍ය වෙද මැදුරකි.

පාරම්පරික වෙදකම් සහ ආයුර්වේද ශාස්ත‍්‍ර ඩිප්ලෝමාව ඉගෙනීමෙන් ඉහළ දැනුමක් ලබමින් හා සර්වාංග වෙදකමින් ලත් හසල දැනුමක් සමඟින් දේශීය වෛද්‍ය වෘත්තියට අවතීර්ණ වූ විශාඛා සූරියබණ්ඩාර වෛද්‍යචාරිනී වෛකල්පිත වෛද්‍ය ක‍්‍රම පිළිබඳ M.A.C.F, MD, PHD පශ්චාත් උපාධි ලබා ඇත. ඉන්දියාවේ කේරළ පංච ප‍්‍රතිකාර හදාරා ඇති ඇය එමඟින් ද මහඟු සේවයක් සලසන්නීය. 35 වසරක වෘත්තීය පළපුරුද්දක් ඇති මෙතුමිය ‘‘ජීවක වෛද්‍ය මධ්‍යස්ථානයේ’’ ආරම්භය සනිටුහන් කරන්නේ 1982 වසරේදී ය.

කැඩුම් බිඳුම් ප‍්‍රතිකර්ම සඳහා ප‍්‍රමුඛස්ථානයක් හිමි කරගෙන ඇති ජීවක වෛද්‍ය මධ්‍යස්ථානය විශේෂයෙන්ම කොඳු ඇට පෙළෙහි රෝග 5කට අති සාර්ථක වෛද්‍ය ප‍්‍රතිකාර සිදුකරනු ලබයි. ශ‍්‍රිවස්ථබදතාව (ගෙල හැරවීමේ අපහසුව) වරු 3කින් නිල ප‍්‍රතිකාර ක‍්‍රමය මඟින් සුව කිරීමේ විස්මිත ප‍්‍රතිකාර ඇය සහ ඇගේ කාර්ය මණ්ඩලය සතුව පවතී. කොඳුඇටපෙළෙහි විශේෂයෙන්ම කටී කශේරුකාවල මඩල පැනීම ශල්‍යකර්මවලින් තොරව මාස 1 1/2ක ප‍්‍රතිකාර තුළින් සිදු කිරීම මෙහිදී සිදු කෙරේ. එසේම අවසාන කශේරුක කෙළවර කුක්ශීය ගැලවී යාම නිසා හිඳ ගැනීමට පවා නොහැකිව බලවත් වේදනාවකට පත්ව සිටින අයට ද මෙහිදී ප‍්‍රතිකාර කර සුව කරනු ලැබේ.

තමන්ටම ආවේණික වූ වෛද්‍ය ප‍්‍රතිකාර ක‍්‍රම ඔස්සේ විස්කම් පාන මෙතුමියගේ කීර්ති නාමය තව තවත් බැබළීමට හේතුව වී ඇත්තේ ඉහළ ප‍්‍රමිතිය සනිටුහන් කරමින් වෛද්‍ය විශාඛා සූරියබණ්ඩාර මහත්මියගේම අධීක්‍ෂණය යටතේ වෛද්‍ය මධ්‍යස්ථානය තුළම ඖෂධ වර්ග නිෂ්පාදනය කිරීමයි. ඖෂධ සකස් කිරීම සඳහා දීර්ඝ කාලයක් ගත වන අතර, මෙම කර්තව්‍යය වෙහෙස මහන්සිය නොබලා ඒ අයුරින්ම සිදු කරන බව අපට ද දක්නට ලැබුණි.

ඉතාමත් දුෂ්කර කටුක ගමනක් පැමිණි විශාඛා සූරියබණ්ඩාර මහත්මියට යෝධ සෙවනැල්ලක්ව සිටි තම සැමියා පිළිබඳව ද මෙහිදී අප හා පැවැසීමට අමතක නොකළාය. ‘‘මේ වෛද්‍ය මධ්‍යස්ථානය මගේ සහ මාගේ ස්වාමිපුරුෂයාගේ උත්සාහයෙනුයි මේ අයුරින් දියුණු කර ගන්නට හැකි වුණේ. ඔහුගෙන් මා හට ලැබුණු නොමඳ සහයෝගය මා හට කිසිවිටෙකත් අමතක කළ නොහැකියි.’’

ජීවක වෛද්‍ය මධ්‍යස්ථානයට මේ අයුරින් යෝධ සෙවනැල්ලක් වූයේ ඞී.පී.ජී.ටී. සූරියබණ්ඩාර වෛද්‍යතුමන්ය. වෛද්‍යවරුන් කිහිප දෙනෙකුගෙන් හෙබි වෛද්‍ය මඩුල්ලේ කැඩුම් බිඳුම් අංශය භාරව කටයුතු කළ ඔහු කීර්තිමත් වෙද පරපුරකට හිමිකම් කියූ එක් පුරුකකි.

ජීවක වෛද්‍ය මධ්‍යස්ථානයෙන් සේවය ලබා ගැනීමට අපේක්‍ෂා කරන ඕනෑම අයෙකුට පහත සඳහන් ලිපිනය හා දුරකථන අංක සමඟ සම්බන්ධ වීමෙන් ඔබට අවශ්‍ය ප‍්‍රතිකාර ලබා ගත හැකිය.

ජීවක වෛද්‍ය මධ්‍යස්ථානය
නො. 508, ගාලූ පාර, වැල්ලවත්ත
(දෙහිවල පාලම අසළ), කොළඹ 06.
දු.ක. 011 2 361 196, 077 622 61 48

Source Link : Wishma Lokaya

රහට උයන්න ආස අය මේ විදියට මාළු උයලා බලන්න

මාළු කියන්නේ අපේ නිවෙස් වල පිළියෙළ කරන ටිකක් විශේෂ ආහාරයක්. මේ නිසාම අපේ ගෘහණියෝත් මාළු හදන කොට ටිකක් විශේෂ උනන්දුවකින් තමයි එක හදන්නේ. මොකද මාළු හොද්ද රසට හදා ගන්න ඕන නිසා. ඔන්න අද විශ්ම ලෝකයෙන් අපි රසට මාළු හදන හරිම පදම අරගෙන ආවා. හරි වැඩි කතා බහක් නැතුව අපි වැඩේ පටන් ගමු

අවශ්‍ය ද්‍රව්‍ය

තෝර මළු පෙති 6ක්
ලොකු ළූණූ ගෙඩි 2ක්
අඹරාගත්ත තක්කාලි ගෙඩි 2ක්
තලාගත්ත සුදු ළූණූ බික් 6ක්
තලාගත්ත ඉගුරු කෑල්ලක්
සියඹලා ඉස්ම තේ හැදි 1ක්
වතුර කෝප්ප 1/2ක්
ගම්මිරිස් ඇට තේ හැදි 1/2ක්
ලුණු පදමට
තුනපහ කුඩු තේ හැදි 2ක්
මිරිස් කුඩු තේ හැදි 3ක්
කහකුඩු තේ හැදි 1/2ක්
අබ ඇට තේ හැදි 1/2ක්
උළු හාල් තේ හැදි 1/4ක්
සූදුරු තේ හැදි 1/4ක්
අමු මිරිස් කරල් 2ක්
කරපිංචා ඉත්තක්
රම්පේ කොළ කෑල්ලක්
තෙල් මේස හැදි 2ක්

සාදන ක්‍රමය

මුලින්ම මාලු වලට මිරිස් කුඩු හැදි 2ක්, කහ ස්වල්පයක්, ලුණු පදමට දමා හොදින් අතගාගෙන විනාඩි 30ක් පමන තියන්න.

ඒ අතර සුදු ළූණූ තලා ගද්දි ඒකටම ගම්මිරිසුත් දාගන්න. පසුව තෙල් රත්කරලා මාළු ටික දෙපැත්තම හොදින් රන්වන් පැහැවනතුරු බැදගන්න.

ඒ සදහා non stick pan එකක් භාවිතාකරන්න. තෙල් මේස හැදි 2ක් ප්‍රමාණවත්. මීලගට ඒ තෙල් වලටම අබ ඇට දාගෙන පුපුරන විට උළුහාල්, සූදුරු, ළූණූ, ඉගුරු, රම්පේ, කරපිංචා, අමු මිරිස් එකතු කර හොදින් තෙම්පරාදු කරගන්න. මද වේලාවකින් සුදු ළූණූ හා ඉතුරු වු සියළුම කුලුබඩු දමා කවලම් කරන්න.

දැන් තක්කාලි සහ සියබලා ඉස්ම දාලා ආවරනය කරාලා විනාඩි 2ක් විතර තියලා වතුර දාන්න. පසුව හොදින් නටාගෙන එන විට මාළු දාලා මද ගින්නේ විනාඩි 10ක් විතර පිසගන්න.

හරි ඔන්න අපි දැන් මාළු එක හදලා ඉවරයි. හොද සුවදකුත් එක්ක රස පදමට ආපු මේ මාළු හොද්ද එහෙනම් ඔබේ ආදරණියන්ට දැන් පිළිගන්වන්න.

Source Link : Wishma Lokaya

ස්වයං රැකියා කරන හෝ කිරීමට අපේක්ෂා කරන පුද්ගලයන්ට නර්ඩ් ආයතනයෙන් ගත හැකි ප්‍රයෝජන අතිවිශාලයි

නර්ඩ් එහෙමත් නැතිනම් National Engineering Research and Development Centre (NERD) එක කිව්වම අපි ඒ ගැන මොනවද දන්නේ? ‘නර්ඩ්’ කියලා ආයතනයක් තියෙනවා කියලා දන්නෙත් කීයෙන් කී දෙනාද? ඒත් නර්ඩ්-එක අපේ රටට කොතරම් නම් සේවයක් කරනවාද? ඇත්තටම නර්ඩ්-එක ගැන හොයලා බැලුවම පුදුම හිතෙනවා, අපේ රටේ මෙතරම් විශ්වකර්ම වැඩ කරන ආයතන තියෙනවද කියලා.

අපේ රටට පිටරටවලින් ඇවිත් පැළපදියම් වුණු මැක්ඩොනල්ඩ්ස් වගේ කෑම කඩ, තවත් ජනප්‍රිය ඇඳුම් සාප්පු, විනෝද මධ්‍යස්ථාන… මේවා ගැන අහන පරක්කුවෙන් විස්තර කියන්න බොහෝ දෙනෙක් ඉඳියි. ඒත් ඒවායෙන් ඔබ ගන්න ප්‍රයෝජන මොනවාද? ඒ වෙනුවට මේ වගේ ආයතන ඔබගේ අතේ තියෙන තුට්ටු දෙකත් වියදම් කරවයි.

ඒත් ඔබගේ මුදලත් ඉතිරි කරවලා, ඔබට වඩාත් හොඳ විශ්වසනීය සේවයක් සලසා දෙන ආයතන ඔබ වෙනුවෙන්ම රටේ ස්ථාපිත වෙලා තියනවා. නර්ඩ් ආයතනයත් ඒ අතරින් එකක්. අපේ රටට අගනා මෙහෙයක් කරන නර්ඩ් ආයතනය ගැන තමයි අද අපි ඔබට මේ විස්තර කියන්නේ.

‘නර්ඩ්’ කියලා කෙටියෙන් කිව්වට මේ ආයතනයේ නාමය ‘ජාතික ඉංජිනේරු පර්යේෂණ සහ සංවර්ධන මධ්‍යස්ථානය’ යි. නමේ හැටියටම මේ ආයතනයෙන් කරන්නේ අපේ රටේ ඉංජිනේරු කර්යයන් සම්බන්ධව පර්යේෂණ පැවැත්වීම, ඒ ඔස්සේ නවෝත්පාදන බිහි කිරීම සහ ඉන් පසු ඒ දැනුම රටට බෙදා දීමයි.

ඉතින් මේ සරල හැඳින්වීමෙන්ම වැටහේවි නර්ඩ්-එක හෙවත් ජාතික ඉංජිනේරු පර්යේෂණ මධ්‍යස්ථානය අපේ රටට කොතරම් අත්‍යවශ්‍ය සේවයක් ඉටු කරන ආයතනයක්ද කියලා.

මේ ආයතනය සතුව අපේ රටින්ම බිහි වුණු දක්ෂ ඉංජිනේරුවන් රාශියක් ඉන්නවා. ඔවුන්ගේ මූලික කාර්යය තමයි නොයෙක් අංශ යටතේ පර්යේෂණවල නිරත වීම. ඒ අංශ සිවිල් ඉංජිනේරු, කෘෂිකාර්මික, පුනර්ජනනීය බලශක්ති, පාරිසරික, මැකෑනිකල් සහ ඉලෙක්ට්‍රොනික් යනාදි වශයෙන් විවිධ අංශ යටතේ සේවය කරනවා. ඒ අතර තියෙන සුවිශේෂ අංශයක් ලෙස තාක්ෂණික අලෙවි අංශයත් සඳහන් කළ යුතුමයි.

නර්ඩ් ආයතනයේ ආරම්භය සටහන් වන්නේ 1978 වර්ෂයේදී. රටේ සංවර්ධනයට උර දීම සඳහා මෙවැනි ආයතනයක් අත්‍යවශ්‍යයි කියලා හඳුනාගත් බලධාරීන් මේ ආයතනය ස්ථාපිත කරන්න කටයුතු කළා. මෙහි ආරම්භක සභාපතිවරයා වූයේ කේකේවයිඑන් පෙරේරා මහතායි. ඒත් වැඩියෙන්ම රටේ ප්‍රසිද්ධියක් අත් කරගත්තේ, ඒ වගේම දැනට වැඩිම කාලයක් සභාපතිත්වය දරා ඇත්තේත් රටම දන්න අතිදක්ෂ ඉංජිනේරුවකු වූ ආචාර්ය කුලසිංහ මහතා. අපේ රටේ විතරක් නෙමෙයි, ලෝකයේ බොහෝ රටවල ඉදිකිරීම් ක්ෂේත්‍රයේ පෙරළියක් කිරීමට සමත් වූ කොන්ක්‍රීට් නිමැවුම් ක්‍රම ආචාර්ය කුලසිංහගේ සංකල්පයක් ඔස්සේ නර්ඩ් ආයතනය විසින් ලොවට හඳුන්වා දුන් තවත් අගනා පර්යේෂණ ප්‍රතිඵලයක් බව අමතක නොකළ යුතුයි.

නර්ඩ් ආයතනයේ වර්තමාන සභාපතිවරයා ශවේන්ද්‍රනාත් ප්‍රනාන්දු. ඔහු විදුලි ඉංජිනේරුවෙක්. ඔහු රටේ ජනතාවට පවසන අතිශයින් වැදගත් කාරණයක් තියෙනවා. ඒ “නර්ඩ්-එකෙන් වැඩ ගන්න” කියලයි. ඇත්තටම නර්ඩ් වගේ අායතනයකින් අපේ රට වැඩ ගන්නවා මදි. එතරම් සම්පත් ප්‍රමාණයක් එහි අන්තර්ගතයි. ඒ අතුරින් මානව සම්පත ඉදිරියෙන්ම සිටිනවා.

අපේ රටෙන් බිහි වුණු අතිදක්ෂ ඉංජිනේරුවන් නර්ඩ් ආයතනයේ සේවයට බඳවාගන්නේ විශේෂ පරීක්ෂණ කිහිපයකින්ම සමත් වූවාට පසුවයි. එතනදී තමන් විශේෂ දක්ෂතා දක්වන ක්ෂේත්‍රයකට එක් වන්න ඔවුන්ට අවස්ථාව ලැබෙනවා. එතැන් සිට ඔවුන් කළ යුත්තේ තමන්ගේ දැනුමෙන් ර‍ටේ අනාගතයට දායක කළ හැකි සුවිශේෂ යමක් නිපදවීමට උත්සාහ දැරීමයි. ඒ ඔස්සේ නිපදවෙන දේ රටේ ජනතාව අතරට ගෙන යෑමටත් නර්ඩ් ආයතනයේ විශේෂ ඒකකයක් තියෙනවා. ඒ වගේම මෙවැනි ක්‍රියාදාමයක් යටත‍ේ බිහි කෙරුණු නවෝත්පාදන රාශියක් නර්ඩ් ආයතනය සතුයි. අපේ රටේ ජනතාව කළ යුත්තේ මේ සම්බන්ධව දැනුම්වත් වෙලා එවැනි දෙයින් ප්‍රයෝජන ගැනීමයි.

උදාහරණයක් විදිහට අපි සලකමු නර්ඩ් ආයතනයේ සිවිල් ඉංජිනේරු ඒකකය. මේ ඒකකයේ ප්‍රධාන අරමුණ තමයි රටේ ජනතාවට තමන් වැය කරන මුදලට සරිලන වටිනාකමක් සහිත ඉදි කිරීම් කරගැනීමට තාක්ෂණික දැනුම සැපයීම. ඒ සඳහා මුදල් පිරිමහන ගොඩනැගිලි කර්මාන්තයේ නව නිපැයුම් රාශියක් ඔවුන් සතුයි. නර්ඩ් පිරිමැසුම්දායක තලාද හෙවත් ස්ලැබ් ක්‍රමය මේ සඳහා හොඳම උදාහරණයක්. ඒ විතරක් නොවෙයි; නිවෙසක් ඉදි කිරීමේදී අවශ්‍ය කරන කොන්ක්‍රීට් පෙරනිමි පියගැට, උළුවහු ඇතුළු තවත් බොහෝ දේ නර්ඩ් ආයතනය සතුයි. තමන්ගේ නිවෙස නර්ඩ් තාක්ෂණය යටතේ ඉදි කරවාගැනීමට අපේක්ෂා කරනවා නම් ඒ සඳහා ඉංජිනේරු උපදෙස් ඔබට ලබා දෙන්නත් නර්ඩ් ආයතනය බොහොම කැමැත්තෙන් ඉදිරිපත් වෙනවා. ඔබට තියෙන්නේ ජාඇළ පිහිටි නර්ඩ් ආයතනයට ගිහින් ඔවුන් සමග කතාබහ කිරීම පමණයි.

මේ විතරක් නෙමෙයි නර්ඩ් ආයතනයේ විද්යුත් සහ විදුලි ඉංජිනේරු ඒකකය මගින් මේ රටට තිළිණ කර ඇති දේ බොහෝමයි. යන්ත්‍රෝපකරණ රාශියක්ද ඒ අතරට ඇතුළත්. සමස්ත බල ශක්තිය ඉතිරි කරන පිරිමැසුම්දායක ක්‍රම බලශක්ති කළමනාකරණය, පුරෝකථන සහ පරීක්ෂණ කටයුතුද ඔවුන් සිදු කරනවා. ඒ බලශක්ති සහ පරිසර ඉංජිනේරු අංශයෙන්. කෘෂි සහ පශු අස්වනු ඉංජිනේරු අංශයත් කෘෂිකාර්මික රටක් වන අපේ රටේ ඉදිරි ගමනට ඇවැසි වන බොහෝ නවෝත්පාදන සිදු කර ඇති සහ සිදු කරමින් පවතින අංශයක්.

නර්ඩ් ආයතනයට ගියාම එහි කාර්යාල අංශය විතරක් නොවෙයි; ප්‍රදර්ශන අංශයත් දැක-බලාගන්න හැකියාව ලැබෙනවා. මේ ප්‍රදර්ශන අංශයේ තිබෙන නොයෙක් ප්‍රදර්ශන භාණ්ඩ අතරේ ඇවිද ගියාම නර්ඩ් ආයතනය ගැන සරල අදහසක් ඇති කරගන්න හරිම ලේසියි. ඒ විතරක් නොවෙයි; දූදරුවන්ට මේ ප්‍රදර්ශන භාණ්ඩ පෙන්වීමෙන් ඔවුන්ට තමන්ගේ අනාගතය ගැන ඉලක්කයක් ඇති කරගන්න අදහසක් ලබා දෙන්නත් හැකියාව ලැබේවි.

මේ අංශයේ එක් ප්‍රදේශයක සම්පූර්ණයෙන් ඉදි කෙරුණු නවීන නිවහනක්. මේ නිවහන ඉදි කරලා තියෙන්නේ නර්ඩ් තාක්ෂණය සම්පූර්ණයෙන් භාවිත කරමින්. ඒ විතරක් නොවෙයි; ප්‍රදර්ශන භූමියේ තවත් කෙළවරක පොල්තෙල් හිඳින යන්ත්‍රයක්. තවත් කෙළවරක ජෛව ස්කන්ධවලින් ක්‍රියාත්මක බේකරි උදුන්. එහි තවත් පසෙක තියෙන විජලන යන්ත්‍ර. මේ යන්ත්‍ර මගින් එළවුළු සහ පලතුරු වියළීමට හැකියි.

එහෙත් මේ යන්ත්‍ර සාමාන්‍යයෙන් ඒ සඳහා භාවිත කරන යන්ත්‍රවලට සාපේක්ෂව මිලෙන් ඉතා අඩුයි. එහෙමත් නැත් නම් එකවර යෙදිය හැකි ධාරිතාව විශාලයි. යෝගට් නිපදවීමේ කර්මාන්තයක් ආරම්භ කිරීමට ඔබට අවශ්‍ය නම් රුපියල් 30,000ක මුදලකට යෝගට් ඉන්කියුබේටරයක් මිල දී ගැනීමට පුළුවන්. පාර දිගට විකුණන්න තියෙන පෙති කපලා‍ තෙලෙන් බැදපු මඤ්ඤෝක්කා කන්න කවුරුත් ආසයි. ඒ නිසාම ඔබට හිතෙනවා නම් එවැනි ව්‍යාපාරයක් කරන්න, රුපියල් 35,000කට ඒ සඳහාම නිපදවා ඇති මඤ්ඤොක්කා පෙති කපන යන්ත්‍රයක් මිල දී ගත හැකියි.

මේ යන්ත්‍රයේ ඇති සුවිශේෂත්වය වෙන්නේ එය පැයකට කිලෝග්රෑම් 100ක මඤ්ඤොක්කා පෙති කැපීමට සමත් වීමයි. ආයුරේවේද වෛද්‍ය ක්‍රමයේදී භාවිත කෙරෙන බෙහෙත් වර්ග පහසුවෙන් නිපදවාගැනීමට හැකි යන්ත්‍ර, කුරුඳු වගාකරුවන්ට පහසුකම් සපයන එමෙන්ම ලාබ ලබාදෙන කුරුඳු තෙල් හිඳින යන්ත්‍ර අතර විශේෂයෙන්ම සඳහන් කළ යුතු පිරිසුදු පොල් තෙල් ලබාගත හැකි යන්ත්‍රයත් ගෘහස්ථව භාවිතයට ඉතා යෝග්‍ය බව මෙහිදී සඳහන් කළ යුතුමයි.

මේ සඳහන් කර ඇත්තේ නර්ඩ් ආයතනයෙන් දැනට සිදු කර ඇති පර්යේෂණ සහ එහි ප්‍රතිඵල සම්බන්ධව පමණයි. මේ ගෙවී යන මොහොත වන විටත් නර්ඩ් ඉංජිනේරුවන් අපේ රටේ ජනතාව වෙනුවෙන් තවතවත් පර්යේෂණ රාශියක නිරත වෙමින් සිටිනවා. ඔවුන්ගේ බලාපොරොත්තුව ඒ නවොත්පාදන මගින් රටේ ජනතාවගේ ජීවන තත්ත්වය නංවාලීමයි. ජලජ පැළෑටි ඉවත් කිරීමේ ක්‍රම, උළු කර්මාන්තයේ යෙදෙන්නන්ට උළු වියළීමේ තාක්ෂණික ක්‍රම, කෘෂි කර්මාන්ත ඉංජිනේරු අංශයෙන් පොල් ලෙලි ගහන යන්ත්‍ර, පෝර දැමීමේ යන්ත්‍ර ඉදිරියේදී අපේ රටේ ජනතාව වෙත තිළිණ වීමට නියමිතයි.

නර්ඩ් සභාපතිතුමා අවධාරණය කරන අන්දමට නර්ඩ් ආයතනයේ ප්‍රධාන කාර්යයන් දෙකක් සිදු කිරීමට බැඳී සිටිනවා. ඒ අතරින් එක දෙයක් තමයි තව තාක්ෂණය සොයා පර්යේෂණ පැවැත්වීම. ඒ ගැන තමයි අපි මෙතෙක් වෙලා කතා කළේ. දෙවැනි කාරණය තමයි එසේ සිදු කරන පර්යේෂණවල ප්‍රතිඵල සේවාවක් ලෙස ජනතාවට ලබා දීම. අන්න එතනදී තමයි ජනතාව දැනුම්වත් වෙන්න අවශ්‍ය වන්නේ නර්ඩ් අායතනය ගැන. නර්ඩ් ආයතනය වැඩියෙන්ම උදවු කරන්නේ පොඩි මිනිස්සුන්ට. විශේෂයෙන්ම

නර්ඩ් ආයතනයේ එකොළොස්වැනි සභාපතිවරයා ලෙස වර්තමානයේ එහි සේවය කරන ශවේන්ද්‍රනාත් ප්‍රනාන්දු මහතාත් එහි අධ්‍යක්ෂ ජනරාල් ආනන්දනාම මහතාත් පැහැදිලිව අපේ රටේ මහජනතාවට කියන්නේ නර්ඩ් ආයතනයට ඇවිත් එහි කාර්යභාරය ගැන දැනුම්වත් වී, එයින් තාක්ෂණික දැනුම ලබාගෙන සාර්ථක ස්වයං රැකියා නියුක්තිකයකු වන ලෙසයි.

National Engineering Research and Development Centre of Sri Lanka.
2P/17B, IDB Industrial Estate, Ekala,
Ja-Ela , Sri Lanka.
011-2236284 / 011-2236384 / 011-2236307 / 011-5354597
E-mail Address nerdcentre@nerdc.lk

Source Link : Wishma Lokaya

තක්කාලි ගෙඩියකින් කුරුලෑ සුව කර කැළැල් මකා දමා සම පැහැපත් කර ගන්න ක්‍රමයක්

සාමාන්‍යයෙන් තක්කාලි කියන්නේ බොහෝ දෙනෙක් එතරම්ම කන්න අකමැති ආහාරයක්. එත් තක්කාලි සතුව ඉතාම ප්‍රභල ප්‍රතිඔක්සිකාරක අඩංගු වෙනවා. පිළිකා වැනි දරුණු රෝග වලින් බේරී සිටීමට මෙම ප්‍රතිඔක්සිකාරක වර්ග අපේ ශරීරයට ඉතාම වැදගත් වෙනවා. තක්කාලි වල එලෙස යහමින් අඩංගු වන ප්‍රතිඔක්සිකාරක වර්ගයක් තමයි Lycopene – ලයිකෝපීන් කියන්නේ.

තක්කාලි ගෙඩියේ රතු පැහැයට හේතුව වෙන්නෙත් මේ Lycopene කියන ප්‍රතිඔක්සිකාරකයම තමයි. ඉතින් මේ ලයිකොපීන් මගින් ලැබෙන සෞඛ්‍ය වාසි රාශියක්ම තිබෙනවා. ඒවා නම් අප අනුභව කරන ආහාර වල අඩංගු වන කෘෂි රසායන හා MSG වැනි අහිතකර දේවල් ශරීරය තුලදී ක්‍රියාකාරී වීම වැලක්වීම , අක්ෂි නිරෝගීතාවය ලබා දීම , ස්නායුව්‍යථ වේදනා සමනය , මොළය සංවර්ධනය කිරීම , හදවත් සෞඛ්‍ය වැඩි දියුණු කිරීම හා අස්ථි පද්ධතිය ශක්තිමත් කිරීමයි.

නමුත් අද අපි කතා කරන්නේ තක්කාලි මගින් අපේ සම පැහැපත් කර ගෙන රුව වඩවා ගත හැකි ආකාර කීපයක් පිලිබදවයි.

කුරුලෑ සුව කර ගැනීමට

මධ්‍යම ප්‍රමාණයේ තත්කාලි ගෙඩියක් ගෙන දෙකට පලා ගන්න. එක් පළුවක් ගෙන එය කුරුලෑ ආසාදිත ස්ථානයේ තක්කාලි යුෂ හොදින් ආලේප වන පරිදි  අතුල්ලන්න. දැන් මද උණුසම් ජලයෙන් මුහුණ සෝදා පිරිසිදු කර ගන්න. මෙම ක්‍රියාවලිය සිදු කරන විටදී පිරිසිදු තුවා ටිකක් කලින්ම ලගා තබා ගැනීමටත් මතක තබා ගන්න.

මෙම ප්‍රතිකර්මය ඇසු පමණින් ඔබට මෙය උත්සහ කිරීමට බියක් ඇති වන්නට පුළුවන්. නමුත් මෙහිදී සිදුවන අභ්‍යන්තර ක්‍රියාවලිය ඇසුවොත් නම් ඔබගේ බිය නැති වේවි. තක්කාලි යුෂ කියන්නේ විටමින් හා ලයිකොපීන් ප්‍රතිඔක්සිකාරක වලින් පිරිපුන් දියරයක්. ඉතින් මෙමගින් සමේ ආරක්ෂාව වැඩි කරලා , සමේ සෞඛ්‍ය සදහා ඉතාම වැදගත් කොලජන් නිෂ්පාධනය ඉහල දමනවා. ඒ වගේම තමයි කුරුලෑ ඇති වීම නිසා හානි වී තිබෙන මතුපිට සම නැවත ප්‍රතිසංස්කරණය කිරීමද සිදු කරනවා.

ඒ වගේම මෙම සත්කාරය මගින් කුරුලෑ නිසා මුහුණේ ඇති වී තිබෙන රත් පැහැ ගතිය නැති කිරීමද සිදු කරනවා.

දරුණු කුරුලෑ තත්වයන් සුව කිරීම

ඔබේ කුරුලෑ තත්වය තරමක් වැඩි වශයෙන් ව්‍යාප්ත වී ඇති එකක් නම් මෙම ප්‍රතිකර්මය සිදු කරන්න. සම්පුර්ණ තක්කාලි ගෙඩියක් ගෙන පිරිසුදු කර කුඩා භාජනයකට දමා හොදින් තලා පල්පයක් සකස් කර ගන්න. මෙම තක්කාලි පල්පය මුහුණේ ගලවා පැයක් පමණ සිට මද උණුසුම් ජලයෙන් සෝදා හරින්න. සතියකට වාර 3ක් මෙය සිදු කරන්න. සතියක් ඇතුලත ඔබට ප්‍රතිපල ලැබේවි.

ඒ වගේම ඔබට අවැසි නම් තක්කාලි හා අලිගැටපේර යන දෙකම පල්ප ලෙස සකස් කර මිශ්‍ර කර භාවිතා කිරීමටද පුලුවන්. එහිදී එය මුහුණ මත විනාඩි 15ක් පමණ තැබීම ප්‍රමාණවත්. මෙමගින් ඔබේ සමේ අධික තෙල් ගතිය නැති කර ගන්නට පුළුවන්.

සමේ දීප්තිය වැඩි කර ගැනීමට

ඔබේ සමට අතිරේක දීප්තියක් එක් කර ගැනීමට අවශ්‍ය නම් තක්කාලි ගෙඩියක යුෂ සමග මී පැණි ස්වල්පයක් මිශ්‍ර කර මුහුණේ ආලේප කරන්න. විනාඩි 15ක් තිබෙන්නට හැර මද උණුසුම් ජලයෙන් හොදින් සෝදා හරින්න.

මුහුණේ දැවිල්ල ගතිය නැති කර ගැනීමට

අසාත්මිකතා නිසා මුහුණේ ඇතිවන දැවිල්ල ගතිය නැති කර ගැනීමටද තක්කාලි භාවිතා කරන්නට පුළුවන්. මේ සදහා තක්කාලි බෑයක් තලා ගෙන පල්පයක් සකස් කර ගන්න. ඉන්පසු එයට සාමාන්‍ය යෝගට් හැදී 2ක් එකතු කර මිශ්‍රනයක් සකසා ගන්න. දැන් මෙය මුහුණේ ආලේප කර විනාඩි 20ක් පමණ තබා මද උණුසුම් ජලයෙන් හොදින් සෝදා හරින්න.

බෝනස් තොරතුරු ටිකක්

මීට අමතරව කුරුලෑ සුව කරගෙන රුව වඩවා ගැනීම සදහා ඔබට කල හැකි දේවල් රැසක් තිබේ. ඔබ ස්වාභාවික ප්‍රතිකර්ම සිදු කිරීමට අකමැති හෝ කාල වේලාව නොමැති කෙනෙක් නම් මෙසේ සිදු කරන්න. කුරුලෑ සුව කරන බව පවසන කෘතීම රුපලාවන්‍ය නිෂ්පාධන මීලදී ගැනීමේදී එහි මුලික අමුද්‍රව්‍ය තක්කාලි ද යන්න සොයා බලන්න. එය එසේ නම් පමණක් එය මිලදී ගන්න. තක්කාලි මුලික අමුද්‍රව්‍ය කර ගත් නිෂ්පාධන මගින් ඔබට සාර්ථක ප්‍රතිපල ලබා ගැනීමට හැකි වෙනවා.

සෑම විටම කඩෙන් කෘතීම රුපලාවන්‍ය නිෂ්පාධන මිලදී ගන්නවා වෙනුවට කුරුලෑ සුව කර ගැනීම සදහා ඔබට නිවසේදීම ඉතාම සරල ස්වාභාවික දේවල් කීපයක් භාවිතා කරන්න පුළුවන්.

දෙහි කියන්නේ ඉතාම හොද සම හකුළුවනයක් (astringent). ඉතින් දෙහි යුෂ ටිකක් පුංචි කපු පුළුන් කෑල්ලකට මිරිකලා සමේ හොදින් ආලේප කිරීම මගින් කුරුලෑ වලින් ඉක්මන් සහනයක් ලබා ගැනීමට ඔබට පුළුවන්.

බිත්තර සුදු මද කියන්නෙත් සමට ඉතාම හොද පෝෂකයක්. බිත්තර සුදු මදය ඍජුවම මුහුණේ ආලේප කර විනාඩි 10ක් තිබෙන්නට හැර සෝදා හරින්න. මෙමගින් මුහුණේ ඇති කුඩා සිදුරු හොදින් තදවීම සිදු වෙන අතර මුහුණේ පැහැයද වැඩි දියුණු වීමක් සිදු වෙනවා.

මී පැණි කියන්නෙත් ඔබේ මුළුතැන්ගෙයින් සොයා ගත හැකි සම සුවපත් කරවන ඉතාම බලගතු ස්වාභාවික ද්‍රවයක්. තුනී මී පැණි තට්ටුවක් ඔබේ මුහුණේ ආසාධිත ප්‍රදේශයේ ආලේප කරන්න. විනාඩි 5ක් තබා සෝදා හරින්න. ඔබේ මුහුණට සුවදායි බවක් මෙන්ම දීපතියක්ද ලැබේවි.

වැදගත්

කුරුලෑ සුව කර ගැනීමට අවශ්‍ය නම් ඔබ අනිවාර්යයෙන්ම මුහුණ ගැන දිනපතාම හොද අවධානයක් යොමු කල යුතු වෙනවා. දිනකට දෙවරක් සුමුදු තෙතමනකාරයකින් (gentle moisturizer) මුහුණ සේදිය යුතු අතර ඉන්පසු හොදින් moisturizer කල යුතුයි.

තක්කාලි වල බලපෑම සමෙන් සමට වෙනස් වන නිසා එක වරම සමස්ත මුහුණේ ආලේප කිරමට ප්‍රථම කුඩා ස්ථානයක ආලේප කර එහි බලපෑම සැමට කෙසේ එල්ල වන්නේද බලන්න. ප්‍රශ්නයක් නැති නම් පමණක් භාවිතා කරන්න.

මේ ලිපිය ඔබට වැදගත් කියා හිතෙනවා නම් පහලින් ශෙයා කරන්න කාරුණික වන්න. විශ්ම ලෝකයෙන් ඔබට සුබ දවසක්

Source Link : Wishma Lokaya

හතිය (ඇදුම) සෑදෙන ක්‍රම 15ක් හා රෝගය සුව කර ගැනීමට සරළ පිළියම් 3ක්

ඇදුම යනු වර්ථමානයේ බොහෝ සෙයින් ප්‍රචලිත රෝගයක් වන අතර බටහිර බෙහෙත් වලින් තාවකාලික සුවය ලබා වයසටයත්ම සිරුරට දරාගත නොහැකි තරම් ඇදුම රෝගය වර්ධනය වී මිනිසුන් අසරණ අවස්ථා එමටය. එනිසා වෙන්ම අප අද ඇදුම රෝගය ගැන සාකච්ඡා කරමු.

ඇදුම ඇති වීමට බලපාන හේතු

අසාත්මිකතාවයන් නිසා ඇතිවන ඇදුම

දූවිලි
දුම්
විවිධ බෙහෙත් වර්ග

අසාත්මිකතාවයන් නිසා ඇති නොවන ඇදුම

භිය
ස්වසන නාලයේ ඇතිවන අසාත්මිකතාවයන්
සාංකාව
සල්ෆයිට ඇති ආහාර
කාළගුණ වෙනස්කම්
නිවසේ අභ්‍යන්තර තත්වයන්
ආතතිය
රැකියා ස්ථනායේ පවතින රසායන හා කුඩු වර්ග
ක්ෂණික ආහාර බහුලව භාවිතය
අධික ලුනු භාවිතය
ඔමේගා 3 හා ප්‍රති ඔක්සිකාරක ආහාර ගැනීම අඩු වීම
ජානමය සාධක

ඇදුම රෝගයේ ලක්ෂණ

කැස්ස ගතිය
හුස්ම ගැනීමට ඇති අපහසුතාව
පපු පෙදෙසට පීඩනයක් දැනීම

දැන් අප ඇදුමට සරල ආයුර්වේද ප්‍රතිකර්ම සොයාබලමු.

මී පැණි භාවිතයෙන්

මෙය හුස්ම ගැනීම පහසු කරවන අත්දුටු සරල ප්‍රතිකර්මයකි. මී පැණි තසිමකට දමා එය නාසය ලඟට ලං කොට හොඳින් ආශ්වාශ කරන්න. හුස්ම ගැනීමේ අපහසුතාව අඩුවී යනු දැනේවි.

උළුහාල් ඉඟුරු සහ මී පැණි භාවිතයෙන්

අවශ්‍ය ද්‍රව්‍ය

උළුහාල්
ඉඟුරු
මී පැණි

සාදන ක්‍රමය

උළුහාල් තේ හැඳි 2ක් වතුර ලීටර 1කට දමා විනාඩි 30ක් මද ගින්නේ කකාරව ගන්න. ඉන් පසු කකාරව ගත් මිශ්‍රණය පෙරා ගන්න.
ඉඟුරු කොටාගෙන තේ හැඳි දෙකක් පමණ කොටාගත් ඉඟුරු ගන්න. ඉන් පසු එම ඉඟුරු කකාරා පෙරා ගත් මිශ්‍රණයට එකතු කරන්න.
ඉහත මිශ්‍රණයට මී පැණි තේ හැන්දක්ද දමා හොඳින් කලවම් කරන්න.
මෙම මිශ්‍රණයෙන් වීදුරුව බැගින් දිනපතා උදෑසන පානය කරන්න.

සැ.යු:- ඉඟුරු යම් යම් බෙහෙත් හා ආහාර සමඟ ප්‍රතික්‍රියා කර අහිතකර බලපෑම් ඇති විය හැකි බැවින් එවන් ආහාර හා බෙහෙත් ගැන අවධනය යොමු කරන්න.

නෙල්ලි සහ මී පැණි භාවිතයෙන්

මෙය ඉතා සරල හා වටිනා බෙහෙතකි. ඉක්මන් ප්‍රථිඵල නොලැබෙන නමුත් කල්යත්ම සුව වේ. නෙල්ලි කුඩු ගන්නේ නම් නෙල්ලි කුඩු තේ හැඳි 2කට මී පැණි තේ හැන්දක් දමා හොඳින් කලවම් කර ආහාරයට ගන්න. නැතිනම් ගුලියක් සේ සකස්කර ගිලින්න.

නෙල්ලි කුඩු සපයා ගත නොහැකි නම් ඇටය ඉවත් කර ගත් නෙල්ලි ගෙඩි දෙකකට මී පැණි තේ හැන්දක් දමා ආහාරයට ගන්න.

ඔබ දැනගත යුතු කරුණු

පිරිසිදු වාතය ආශ්වාස කරන්න
.
දූවිලි, දුම් ඇති ස්තානවලදී රෙදි වැස්මකික් මුව සහ නාසය වසාගන්න.

අසාත්මිකතාවයන් ගෙන දෙන දේවල් හඳුනාගෙන ඒවායින් ඈත්වන්න.

ලොම් ඇති සුරතලින් සමඟ නොසිටින්න.(පූසන් බල්ලන් අත නොගාන්න.)

ඉහත ප්‍රතිකර්ම වෛද්‍ය සින්හා මහතා විසින් ඉදිරිපත් කර ඇති ප්‍රතිකර්ම වේ. ඉන්දියානු ජාතිකයෙකු වන ඔහු ආයුර්වේද ක්ෂේත්‍රයේ වසර 20ක පළපුරුද්දක් ඇති අයෙකි. එතුමා දිල්ලි විශ්ව විද්‍යාලයේ පීඨාධිපති වශයෙන්ද සේවය කර ඇත.

Source Link : Wishma Lokaya

ලාස් වේගාස් වෙඩි වරුසාවේ නන්නාදුනන ගැහැණියකට ආවරණය සැපයු පුද්ගලයා සිය අනන්‍යාතාවය හෙළි කරයි

පසුගිය වසරේ ඔක්තෝම්බර් මස 01 වෙනිදා රාත්‍රියේ ඇමරිකාවේ ලාස් වේගාස් නුවර පැවැත්වූ සංගීත සංදර්ශනයක් අතර තුර සිදු වූ සමුල ඝාතනයක් අරමුණු කර ගත් වෙඩි ප්‍රහාරය ඔබට මතකද ? මෙහිදී සංගීත සංදර්ශන භූමියට නුදුරින් පිහිටි මැන්ඩෙලා බේ හෝටලයේ 32 වන මහලේ සිට Stephen Paddock නමැති 64 හැවිරිදි පුද්ගලයකු විසින් මෙම වෙඩි තැබීම මෙහෙයවා තිබුණා. මේ සදහා ඔහු විසින් අර්ධ ස්වයංක්‍රිය ගිනි අවි කීපයක් යොදා ගත්තා. හරියටම රාත්‍රී 10.05 ට ඔහු සංගීත සංදර්ශන භුමියේ ප්‍රීතියෙන් උද්දාම වී සිටි අහිංසක මිනිසුන් දෙසට එකවර හිතුමතේ වෙඩි තැබීම ආරම්භ කළා.

සංගීත සංදර්ශනය සදහා මිනිසුන් 22000 ක් පමණ සහභාගී වී සිටි අතර ඔවුන්ට මද වෙලාවක් යන තුරු මේ සිදු වන්නේ කුමක්දැයි වත් තේරුම් ගියේ නෑ. තමන් අසල සිටින්නන් රුධිරය නැහැවෙමින් බිම ඇද වැටෙනු දුටු සමහරු මෙය වෙඩි තැබීමක් බව හදුනා ගන්නා විටත් විශාල පිරිසක් තම ජිවිතයෙන් සමුගෙන අවසන්. සියලු සංගීත භාණ්ඩ හා මිනිසුන් නිහඩව බිම දිගා වී විලාප දෙන්නට වූ අතර අවකාශය පුරා එක දිගට නිකුත් වූ වෙඩි උණ්ඩ වල ශබ්දය පමණක් ඇසෙන්නට උනා.

නැගී සිටි එකම පුද්ගලයා Stephen Paddock නමැති හිත් පිත් නැති අමන මිනිසා පමණක් වූ අතර මෙම අධමයා විසින් විනාඩි 10ක් වැනි සුළු කාලයක් තුල මිනිස් ජිවිත 58 ක් විනාශ කර දැමුවා. තවත් 800 කට වැඩි පිරිසකට තුවාල සිදු කළා. මෙය ඇමරිකාව තුලදී එක් පුද්ගලයෙකු විසින් මෙහෙය වූ දරුණුතම වෙඩි තැබීම ලෙස ඉතිහාස පොත් වලට පවා එකතු උනා. සිදුවීම ආරම්භ වී පැයකට පමණ පසුව Stephen Paddockගේ කාමරයට ඇතුළු වූ ආරක්ෂක අංශ වලට දැක ගත හැකි වුයේ තම ගිනි අවියෙන්ම සිය දිවි නසා ගත් ඝාතකයාගේ මල සිරුරයි. සිද්ධියේ වගකීම ISIS ත්‍රස්තවාදී සංවිධානය භාරගත් අතර Stephen Paddock මීට මාස කීපයකට ඉස්ලාම් ආගමට පරිවර්තනය වී ඇති බවද සොයා ගනු ලැබුවා.

මේ භයානක සිද්ධි මාලාව අතරතුර ලබා ගත් වීඩියෝ දර්ශන හා ජායාරුප සැනෙකින් අන්තර්ජාලය තුල ව්‍යාප්ත වූ අතර ඒවා අතරින් එක් සංවේදී ජායාරුපයක් විශාල ප්‍රේක්ෂක අවධානයක් දිනා ගැනීමට සමත් උනා. ඒ වේගයෙන් ඇදෙන වෙඩි උණ්ඩ වලින් කාන්තාවක්ව ආරක්ෂා කර ගැනීම සදහා තම ශරීරයෙන් ආවරණය සැපයු පුරුෂයෙකුගේ ජයාරුපයයි. මේ පහලින් දැක්වෙන්නේ එම අවස්ථාවයි.

මෙහිදී ඔහු තම ජිවිතය පරදුවට තබමින් ඔහුගේ සමස්ත ශරීරය මගින් කාන්තාවගේ ශරීරය ආවරණය කර ගෙන සිටිනවා ඔබට පෙනේවි. ඒ වගේම ඔහු විසින් අයගේ දෑස් පවා සිය අත්ලෙන් වසා සිටින්නේ එම බියකරු මොහොත ඇගෙන් වසන් කිරීමටයි. ඔහු ඇයගේ ජීවිතය ආරක්ෂා කරන්නේ ඉතාම පුරුදු කාරයෙකු මෙනි. එම අවස්ථාවේ කාන්තාවගේ ජීවිතය වෙඩි වරුසාවෙන් ආරක්ෂා කර දුන් මෙම තරුණයා පසුව ඇයව ආරක්ෂා සහිතව ඇගේ මෝටර් රථයට ඇරලවා තිබෙනවා.

මෙම ජයාරුපය අන්තර්ජාලයේ ව්‍යාප්ත වීමත් සමගම මෙම නිර්භීත තරුණයා කව්දැයි දැන ගැනීමට ඇමරිකාවට පමණක් නොව මුළු ලෝකයටම අවැසි උනා. මහ ජනතාව මෙන්ම මාධ්‍ය මගින්ද ඔහු ගැන සෙවීමට උත්සකු වූ අතර අවසානයේ ඔහු විසින් මාධ්‍යට ඉදිරිපත් සිය අනන්‍යතාවය හෙළි කළා

ඔහු වෙන කිසිවෙකු නොවෙයි. ඇමරිකානු රජයේ හමුදා සෙබලෙක්. ඔහු නමින් Matthew Cobos. ඇමරිකානු වැසියන් ආරක්ෂා කිරීමට තමුන් දිවුරා පොරොන්දු වී ඇති බවත් එම අවස්ථාවේ හැකි තරම් එම යුතුකම ඉටු කල බවත් ඔහු මාධ්‍යට පවසා සිටියා.

අදාළ කාන්තාවගේ ජීවිතය ආරක්ෂා කිරීමෙන් අනතුරුව නැවත සංගීත භූමියට පැමිණි කොබොස් තම බද පටිය ආධාරයෙන් තුවාල කරුවන්ගේ ලේ ගමනා ගමනය නතර කිරීම සිදු කල අතර අධික රුධිර වහනයන් සිදුවන පපුවට වෙඩි වැදීම් සිදු වූ අයගේ තුවාල තම අත්ලවල යොදාගෙන නතර කිරීමට උදව් කර තිබෙනවා.

වෛද්‍ය ආධාර හා හමුදා පිරිස් පැමිණෙන තුරු ඔහු සිය ජීවිතය ගැන තඹ සතයකට මායිම් නොකර හමුදා සෙබෙලෙකුගේ යුතුකම ඉතාම මැනවින් ඉටු කරා. සැබවින්ම හමුදා සෙබෙලෙකු යන්නට මැතිව් කොබොස් හොදම උදාහරණයක්. මෙම අනවාරණයත් සමග ඔහුව ජාතියේ වීරයෙකු ලෙස සලකා පදක්කම් ප්‍රධානය කරන ලෙසද ජනතාව විසින් ඇමරිකානු ජනාධිපති තුමා වන ඩොනල්ඩ් ට්‍රම්ප්ගෙන් ඉල්ලා සිටියා.

මෙම සිද්ධිය ගැන ලිපිය ලියද්දි මා හට ශ්‍රී ලාංකිය හමුදා විරුවන් ගැනද නිතැතින්ම මතක් වෙයි. අවසන් සටනේ නන්දිකඩාල් කලපුවේ කොතරම් මෙවැනි සිද්ධීන් සිදු වන්නට ඇත්ද ? ඒවා එලෙසම මහා පොලවට නිදන් වන්නට ඇත. නැතිනම් සදාතනික මතක් සටහන් ලෙසින් ඔවුන්ගේ හිත් වලම ඉතුරු වන්නට ඇත. රණවිරුවා යනු සැමදා ජීවමාන මිනිසෙකු වෙන්නේ මේ නිසයි.

මේ වටිනා ලිපිය ඔබේ මිතුරන්ටත් බලන්න ශෙයා කරන්න යාලු. ඔබට සුබ දවසක් !!!

Source Link : Wishma Lokaya

සුදු කොන්ඩේ ගෙදර ඉදන් ස්වභාවිකවම කළු කරගන්නේ මෙහෙමයි

හිස කෙස් සුදු පැහැ වන එක කලට වගේම අකලටත් වෙන්න පුළුවන්. මේ කොයි විදිහට වුනත්, වයස හංගන්න කැමති කාන්තාවෝ හිසකෙස් සුදු පැහැ වෙනවට නම් පොඩ්ඩක් වත් කැමති නෑ. එක එක ඩයි වර්ග භාවිතයෙන් මෙය වලක්වා ගැනීමට උත්සහ කිරීම අද සුලභව දකින්න තියෙන්න දෙයක් වුනාට, ඒක ඒ තරම්ම සෞඛ්‍යට හොඳ නෑ. මොකද එහි ඇති රසායනිකයන් ශරීරයට එකතු වෙලා කරන්නේ අහිතකර අතුරු ප්‍රතිපල ඇති කරන එක.

හිස්කබල ආසන්න අභ්යන්තරයේ ඇති වර්ණක සෛල මගින් තමයි හිසකෙස් වලට පාට ලබා දෙන්නේ. වයස, කාලය, විවිධ දේශගුණික හේතුන්, සෞඛ්‍ය ගැටළු, නරක පුරුදු වගේ හේතු කාරනා නිසා, මේ වර්ණක සෛල ගෙවී යන්න පුළුවන්. එහෙම ගෙවී ගිහින් ඒවායේ ක්‍රියාකාරිත්වය නැවතුනහම, හිසකෙස් වලට අදාළ වර්ණය දෙන්න පුළුවන් කමක් ලැබෙන්නේ නෑ. ඊට පස්සේ හිසකෙස් සුදු පැහැයට හැරෙනවා.

ඉතින් අපිට පුළුවන් නම්, මේ වර්ණක සෛල වල ආයු කාලය වැඩි කර ගන්න, හිසකෙස් වල වර්ණය දිගු කාලයක් රැක ගන්න පුළුවන් කම ලැබෙනවා.

මේ වෙනුවෙන් රසායනික කිසිම දෙයක් පාවිච්චි කරන්නේ නැතිව, ගෙදරදීම හොයාගන්න පුළුවන් ස්වභාවික දේවල් වලින් සුදු හිසකෙස් වලට ප්‍රතිකර්ම කරන විදිහ තමයි දැන් කියන්න යන්නේ.

ලෙමන් සහ පොල් තෙල් තමයි මේ මිශ්‍රණය පිළියෙළ කරගන්න අවශ්‍ය වෙන්නේ. ලෙමන් වල අඩංගු විටමින් C, D සහ පොස්පරස් හිසකෙස් සුදු පැහැ වීම වළක්වනවා. ඒ වගේම පොල් තෙල් වල ඇති ඇන්ටි ඔක්සයිඩ නිසා නැතිවුණු පැහැය නැවත ලබා දෙන්න හේතු වෙනවා.

ස්වභාවික පොල්තෙල් මිලි ලීටර 50කට ලෙමන් යුෂ මේස හැඳි 3ක් මිශ්‍ර කරන්න. මේ මිශ්‍රණය හිස්කබල මත හොඳින් ආලේප කරන්න. ඊටපස්සේ පැයක පමණ කාලයක් ඒ විදිහටම තියෙන්න ඇරලා ස්නානය කරන්න.

මේ විදිහට සතියකට සැරයක් කරන්න. ටික කාලයක් මේ ස්වභාවික ප්‍රතිකාරය කරනකොට ඔබට ඉක්මනින්ම වෙනස වටහාගන්න පුළුවන් වේවි.

Source Link : Wishma Lokaya

ඇමරිකාව අපෙන් සඟවන Area 51 අභිරහස ගැන සත්‍ය කතාව

මෙතෙක් රහසක්ව පැවති මේ දෙවල් හෙලිකරනුයේ බුද්ධ ධර්මය උන්නතිය සදහාය – Area 51 හි අබිරහස.

සමහර විට මීට පෙර ඔබ මෙම ලිපිය කියවා ඇති. නමුදු තවත් වරක් කියවිය යුතු තරම් වටිනා කරුණු රැසක් මෙම ලිපියේ අන්තර්ගත යැයි මට සිතුනු බැවින් අද දවස තුල මෙම ලිපිය පලකල යුතු යැයි මට සිතුණි. සියලු හිමිකම් මෙම ලිපියේ මුල් අයිතිකරු සතු වේ. ඔබ සැමට තෙරුවන් සරණයි.

කළු කුහර හා ආකාශ වස්තූන් පිළිබඳව අති විශේෂඥ මහාචාර්ය ස්ටීවන් හෝව්කින්ස් මහතා පවසන අන්දමට මේ ග්‍රහ ලෝකයෙන් පිට, මේ සෞර ග්‍රහ මණ්ඩලයෙන් පිට, මේ චක්‍රාවාටයෙන් පිට අපට වඩා නැණින්, ඛෙලෙන් දියුණු ජීවිහු සිටින බව සනාථ වී තිබේ. මේ නව සොයා ගැනීම් ඔස්සේ ලද, ඇමරිකා එක්සත් ජනපදය ලොවට හෙළි නොකරන, ඔබගේ කෙස් කෙළින් සිටුවිය හැකි රහසක්ද ඇත.

ඇමරිකා එක්සත් ජනපදයෙහි, නෙවාඩා ප්‍රාන්තයෙහි,ලාස්වේගාස් අග නගර බල ප්‍රදේශයෙහි, මොජාවේ නම් මරු කතරක ඇති අතිශය සංකීර්ණ එක්සත් ජනපද ගුවන් හමුදා කඳවුරු සංකීර්ණයකි, එඩ්වර්ඩ්ස් ගුවන් හමුදා කඳවුර” මෙම ගුවන් හමුදා කඳවුරෙහි සේවක සංඛ්‍යාව මේ වනවිට 3,000-3,500 ත් අතර වෙතැයි ගණන් බලා තිබේ. මේ සේවකයන් සියළු දෙනා එක්සත් ජනපදයට ඉතා තදින් ආදරය කරන දේශ ප්‍රේමීන් අතුරින් තෝරා ගත්තවුන් වන අතර ඔවුහු, ඔවුන්ගේ දරු පවුල් සමගම මෙම කඳවුරෙහිම වෙසෙති. ඉන් පිටව යාම ඔවුන් බහුලව නොකරන අතර එම කඳවුරෙහි සේවයට බැදෙන්නෝ සිය නෑ, හිත මිතුරන්ගෙන්ද වෙන්ව තම පවුලටම පමණක් සීමා වූ ගුප්ත ජීවිත ගත කරති.

මෙම කඳවුරට එහි පනස් පස් වසරක ඉතිහාසය පුරා පට බඳින ලද අනවර්ථ නාමයන් ගණන 27 ක් පමණ වේ. එනමුත් වැදගත් වන්නේ ඉන් එකදු නාමයක් වත් නොවේ. ඊට ඔබ අප කවුරුත් හොඳින් දන්නා සුප්‍රකට අනවර්ථ නාමයක් ඇත. ඒ 51 වැනි කළාපය” නොහොත් ඒරියා 51 යන නාමයයි. ( Area 51)

ඒරියා 51 යනු හුදෙක් ජනප්‍රිය චිත්‍රපට හෝ මාලා නාටක වල එන සංකේතමය වටිනා කමක් ඇති මුසාවක් වත්, නොඑසේ නම් විශ්ව රහස් පසු පස යන දැනුම පිපාසිතයන්ගේ සිත්හි මැවෙන ෆැන්ටසියක් වත්, ජනප්‍රිය සංස්කෘතියේ නව නිර්මාණ ලක්ෂයක් වත් නොවේ. සැබවින්ම ඇමරිකානු යුධ කේන්ද්‍රස්ථාන අතර ප්‍රමුඛ මෙහෙයුම් කේන්ද්‍රයක් ලෙස එවැන්නක් පවතියි. මෙය ඇමරිකානු අභ්‍යාවකාශ ආඥා දායකයේ නියෝග මත තහනම් ගුවන් කළාප අංක 4808 ලෙස සිවිල් හෝ සාමාන්‍ය ත්‍රිවිධ හමුදා ගුවන් යානා වලට පිවිසුම ඇසිරූ කළාපයක් කොට ඇත.

මා මෙම කඳවුර ගැන සැකෙවින් ඔබට විස්තරයක් ගෙන ආවේ පෙර කී කෙස් කෙළින් සිටුවන රහස මෙම කඳවුර තුළම ලොවින් සගවා ඇත්තක් බැවිනි. එහෙත් අනෙක් සෑම ශිෂ්ඨාචාරය සොලවන රහසක් මෙන්ම මේ රහසද සියළු විදුලි ආරක්ෂක පද්ධතීන්, සියළු ක‍ක‍ඔඪ කැමරා, සියළු ඵ16 රයිෆල, සියළු පරිගණක නිරීක්ෂණ පද්ධතීන්, මැඩගෙන මහජන සවනට කාන්දු වී තිබේ. එවැනි රහස් සගවා තැබීම කිසි විටකත් සිදුකළ නොහෙන්නේ ඇයි දැයි ඔබට මෙය කියවන විට වැටෙහෙනු ඇත..

මෙකී රහස් කඳවුර තුළ පිටසක්වළ අතිශය බුද්ධිමත්, තාක්ෂණයෙන් අපට වඩා ගව් ගණනක් ඉදිරියෙන් සිටින ජීවී වර්ග හා ඇමරිකානු රාජ්‍යාධිකාරීන් මුණ ගැසෙන බව සැබෑවකි. හිටපු මධ්‍යම රහස් ඔත්තු සේවා අධිපතීහු පවා මේ ගැන සිය විශ්‍රාමික දිවිය අතර තුර සමීපතමයන්ට හෙළි දරව් කොට තබා මෙලොවින් නික්ම යන්නට වග බලාගත්හ. මෙවැනි හමු වළදී හෙළිදරව් වූ විශ්ව රහස් දහස් ගණනක් වුවද ඉන් ඔබට වැදගත්ම රහස වන්නේ මෙයයි.

පිටසක්වළ ජීවිහු අතර දුර බැහැර ග්‍රහ ලොවක ඉපිද, ජීවන චක්‍රය හා ඉන් මිදීම ගැන මාර්ගෝපදේශකත්වය දුන් මහාපඬි රුවණක් සරණ ගිය කොට්ඨාශයක් වෙති. ඔවුහු අසම සම මානසික ශක්තීන් අතිශයින් බලසම්පන්න ජීවිහු වෙති. සිය දේශක නායකයාට ඔවුහු තත්ථාගහ්” සහ නීදෝක් යන නාමයන්ගෙන් අමතති

මේ කියන්නේ මේ චක්‍රාවාටයෙන් ඔබ්ඛෙහි ග්‍රහ ලෝක වල සිටින බුදුන් සරණ ගිය විශ්ව බෞද්ධ ප්‍රජාවක් ගැන නොවේද? ( ඒරියා 51 වෙතින් හෙළි වූ ආර්ථික, තාක්ෂණික රහස් සිය ගණනක් ඇතත්, මෙවැනි ආගමික රහසක් ඒරියා 51 වෙතින් පිටතට කාන්දු වී බොහෝ රහස් අතර වෙනත් නැත. වෙනත් කිසිදු පෘථිවි ආගමික දර්ශණයක් තමන් හඳුනතැයි ඔවුන් පවසා නැත. මේ එවැනි රහසක් ලොවට කාන්දු වූ පළමු අවස්ථාවයි.

බුදු පියාණන්ගේ විශ්වනීයත්වය

තථාගත යනු සිදත් සගරා ඇජරනට අනුව යථා ගත හෙවත් සත්‍ය ගාමී වූ යන්නය. නො එසේ නම් සත්‍ය මග පිළිපන් යන්නය. බුදු පියාණෝ දෙවියන් උදෙසා, බඹුන් උදෙසා, අමනුෂ්‍යයෝ උදෙසා මෙන්ම සකළ විධ විශ්ව ජීවීහු උදෙසා කරන ලද සූත්‍ර දේශානායෙහි බොහෝ කොට තමන් වහන්සේ හඳුන්වා ගත්තේ මේ තථාගත” යන නාමයෙනි. උදා- අමනුෂ්‍ය බලපෑමෙන් වේශාලිය මුදවාගනු වස් කළ රතන සූත්‍රයෙහි තථාගතන්දේව මනුස්ස පූජිතං යනුයෙන් සඳහනක් කළ සේක.

තවද මේ නමින් උන්වහන්සේ විශ්ව ප්‍රචලිත බවට කදිම නිදසුන් වන්නේ ධජග්ග පරිත්තයෙහිද, ආටානාටිය පරිත්තයෙහිද, මහා මංගල සූත්‍රයෙහිද, අනාගත වංශ දේශනායෙහිද බණවර කථායෙහි සක්දෙව් රජු, සහම්පතී මහ බඹු, වෙසමුණියක් රජු, සතරවරම් දේවතාවෝ ඇතුළු බොහෝ භගවත් ඇසුර ලද නොමිනිස් ජීවිහු උන් වහන්සේ ඇමතීමටද තථාගත නාමයම යොදා ගෙන තිබීමය.

එසේනම් තථාගත නාමය මේ සක්වා තළයෙන් බැහැර වෙසෙන ජීවින් සිය මහා ගුරුවරයා හඳුන්වනු ලබන තථාග්ගහ නාමයමය. අප බුද්ධ ලෙසින් අමතන විශ්ව ගුරුවරයාණන් ගේ පිට සක්වළ සිසූහු උන්වහන්සේ හඳුනන්නේ මෙපරිද්දෙන් විය හැක.

දැන් නිදෝක් නාමය ගෙන බලමු.

බුදු පියාණන්ට ඇති සමානාර්ථ නාම 1018 අතුරින් තවත් අතිශය ජනප්‍රිය නාමයකි නිදුක්ඛ යන නාමය. අප බුදුරදුන්ට නිදුකාණන් වහන්සේ යැයි අමතන්නේද මෙහෙයිනි. පාලි බසට සහ සිදත් සගරා විවරණයට අනුව නි නම් වැරූ හෙවත් වැනසූ යන්නය. දුක්ඛ යන්න එහි අර්ථයටම යෙදේ. එනයින් නිදුකාණෝ යනු දුක විනාශකර දමා ජයගත් තැනැත්තාණන් වහන්සේය.

දැන් ආටානාටිය බණවරය ගෙන බලන්න. එහිදී වෛශ්‍රවණ දිව්‍ය රාජයා තිලෝගුරු පාද මූලයෙහි සිට උන්වහන්සේව මෙලෙස අමතයි.
නිදුකාණන් වහන්ස, ඒ රජ හට ආකාශ තලයේ ආටානාට, කුසිනාට, පරකුසිනාට, නාටපරිය, පරකුසිතනාට නම් පුරවරයෝ වෙති. නිදුකාණන් වහන්ස, කුවේරනම් රජහු ගේ විසාණා නම් රාජධානියක්ද ඇති.

නිදුකාණන් වහන්ස, රෞද්‍ර නපුරු ගති ඇති, එකට එක් කරන්නාවූ අමනුෂ්‍යයෝ ද ඇත්තාහුය.

නිදුකාණන් වහන්ස, මේ ආටානාටිය ආරක්ෂාව වනාහි භික්ෂු, භික්ෂුන්ගේද, උපාසක, උපාසිකාවන්ගේද, ආරක්ෂාව පිණිසද, නොවෙහෙසීම පිණිසද, සුවසේ විසීම පිණිස ද පවත්නේය.

වෛශ්‍රවණ නම් බල සම්පන්න පිටසක්වළ ජීවි නායකයා තිලෝගුරු බුදු පියාණන් අමතා ඇත්තේද නිදුකාණන් වහන්සේ යන නාමයෙනි.

බෞද්ධ ආකාශ වස්තු විද්‍යාවට අනුව මේ දිව්‍ය ලෝක තලයන්ගේ ආයු කාලය මිනිස් ලොව ආයු කාලය මෙන් සිය දහස් ගුණයකි. කාලය ඇල්බට් අයින්ස්ටයින් මහ ඇදුරාට අනුව අප විසින් ගොඩ නගා ගත් හුදු මනං කල්පිතයක් පමණක් නොවේ. විශ්වයේ සෑම භෞතිකයක්ම වටා ක්‍රියාත්මක ජීව ඔරලෝසුවක් ඇත. එනයින් මිනිස් ලොව කාලය සහ විශ්ව කාලය එක කුඩා පොදු ගුණාකාරයකට ගෙන බලන කල වෛශ්‍රවණ දිව්‍ය රාජයාරජ කරන චාතුර් මහා රාජික දිව්‍ය ලෝකයෙහි ආයුෂ මනුෂ්‍ය ලෝක කාළයෙන් වර්ෂ මිලියන 9.4 ක් වේ. (වසර අනූ හතර ලක්ෂයක් 9.4 පස). (මෙම ගණනය පුරාණ ඉන්දීය සර්වාස්ථිවාද සංකල්පයන්ට අනුව සිදු කොට ඇත.)

බුදුපියාණන් වහන්සේ පිරිනිවන් පා වදාළා අපේ මිනිස් කාලයෙන් තවම ගත වී ඇත්තේ වසර 2550 ක පමණ කාළයක් පමණි. එය විශ්ව ඔරලෝසුවට අනුව නම් ඉතාම සුළු කාලයකි. චාතුර් මහා රාජික ඔරලෝසුවට අනුව තප්පර ගණනකි.

මේ අනුව අපට නිගමනය කළ හැක්කේ එදා බුදු පියාණන් සෙවණේ ආටානාටිය විමසූ දිව්‍ය, යක්ෂ, කුම්භාණ්ඩ, රාජයන්ට තවමත් බණ අසා ගොස් වැඩි වේලාවක් ගතවී නොමැතිබවයි.

එසේනම්, එදා ගෞතම බුදුසරණ ගිය ඒලියන් උපාසක, උපාසිකාවන් මෙන්ම එදා බුදු පා සෙවණේ ආර්‍ය සත්‍ය අවබෝධ කරගත් ඒලියන් සෝතාගාමීන්, රහතුන් මේ මොහොත වන විටත් හබල් දුරේක්ෂයට නොපෙනෙන චක්‍රාවාටවල සිට නමෝ බුද්ධාය කියනවා විය යුතුය.

මහාචාර්ය ස්ටීවන් හෝව්කින්ස් පවසන අන්දමට පිට සක්වළ ඉතා බලසම්පන්න දියුණු ජීවීන් සිටින මුත්, ඔවුන් අප ගැන හොඳින් දන්නා මුත්, ඔවුන් අප ආක්‍රමණය නොකර සිටින්නේ ඇයිද? යන්න ඔහුට බලවත් ප්‍රහේළිකාවකි. ඔහුට එය ප්‍රහේළිකාවක් වුවත් එය මා හට ඔහු යම් දිනෙක පුද්ගලිකව හමු වෙතොත් ( මා බඳු කුඩා මිනිසෙකු එතුමා පුද්ගලිකව හමුවන්නට තරම් භාග්‍යවන්ත යැයි නොසිතමි. )

මට මෙසේ පහදා දිය හැක

අදටත් ඔවුහු මහ පොළවේ ඔවුන් හා සන්නිවේදනය කර හැකිවුන් සමග බුදු දහම ගැන යමක් පවසනවා නම් එය අරුමයක් විය නොහැක. මිනිස් ලොවෙන් පිටතත් දන්නා එකම මිනිස් දහම බුදු දහමයි. ඒ පිළිබඳව කිසිදු සැකයක් තිබිය යුතු නැත. ඔවුහු පෘතුවි ජීවින්ට වඩා ඛෙහෙවින් බලසම්පන්න වුවත් ඔවුහු අප ආක්‍රමණය නොකරන්නේ බුද්ධොත්පාද ග්‍රහලෝකය ඔවුහු පූජනීය කොට සලකන නිසාම විය යුතුය.

මාගේ ධර්මය ඒ දිවයින්හි සුරැකෙන්නේය යන බුද්ධ විවරණය ලබා බුදු දහම රකින එක්තරා ජාතියකට එරෙහිව මුළු මහත් ලෝකයක් පැමිණියත්, මොන තරම් දියුණු ත්‍රස්ත ජාල, මොන තරම් ධනවත් රටවල් සමග ආවත් මේ අල්ලක් පමණ වූ කුඩා දූපතක සිටින එම ජාතිය සමූල ඝාතනය කිරීමට ඔවුහු අසමත්වන්නේත් උක්ථ බලවත් සක්වළ ජීවින්ගේ රැකවරණය නිසාම විය නොහැකිද?

එසේ නම් මේ ග්‍රහලෝකය රැකෙන්නේ අවිවාදයෙන්ම බෞද්ධයන් නිසාම වියයුතු නොවේද?

ඒ රැකවරණය මේ ලොවට ගෙනදුන් මහා මිනිස් වීරයන් වහන්සේ බුදුපියාණන් වහන්සේ මිස අන් කවරෙක්ද?

බුද්ධ ජීවි විශේෂය

ස්වාමීනි, ඔබ වහන්සේ දෙවියෙක්ද?
නැත බමුණ මා දෙවියෙකුදු නොවෙමි
ස්වාමීනි ඔබ වහන්සේ මනුෂ්‍යයෙකුද, දෙවියෙකුදු, යක්ෂයෙකුදු නොවෙත් නම් ඔබ වහන්සේ කවරෙක්ද?

කළලේ උපන සියපත ඉන් නික්ම, එහි නොගෑවී පිපී ලෙලෙන්නේ යම් සේද, මමද මිනිසුන් අතර ඉපිද, මිනිසුන් අතර හැදී වැඩී චතුරාර්ය සත්‍යාවබෝධයෙන් කෙළෙසුන් නසා නිර්වාණය ලදිමි. එසේ හෙයින් බමුණ මා බුද්ධ යැයි දනුව.

මේ වූ කලී බුදු පියාණන් වහන්සේ සහ ද්‍රෝණ නම් බමුණු තෙම අතර ඇතිවූ සංවාදයකි. තිලෝගුරුන් තමන් වහන්සේව මෙහිදී හඳුන්වා දුන් ආකාරය ගැන මඳක් අවධානය යොමු කරන්න…

චාර්ල්ස් ඩාර්වින් හා ඔහුගේ සත්ව පරිණාමවාදය ගැන ඔබ අසා ඇති ඉක්වදෝරය අසල ගැලෆගෝස් දූපත් ආශ්‍රිතව සිදුකල පරීක්ෂණ තුළින් ලොවට, මැවුම් වාදය ප්‍රතික්ෂේප කරන ජීව විද්‍යානයක් ඔහු හඳුන්වා දුන් නිසා අප ඔහු පරිණාම වාදයේ පියා ලෙස පොත් පතින් හඳුනා ගතිමු.

ඩාර්වින් සැබවින්ම පරිණාම වාදයේ පියාද? නැතහොත් ඔහු පරිණාම වාදයෙන් අර්ධයක් පමණක් වටහා ගත්තෙකුද?

ඉතිරි අර්ධය කුමක්ද? – සම්පූර්ණ පරිණාම වාදය දෙසුවේ කවුරුන්ද?

දැන් නැවතත් ද්‍රෝණ බමුණාට බුදුරදුන් තමන් වහන්සේ හඳුන්වා දුන් ආකාරය සිහිපත්කර ගන්න කළලේ පිපී ඉන් නික්ම කළලේ නොගෑවී මිනිසුන් අතර ඉපිද, හැදීවැඩී එසේ හෙයින් මා බුද්ධ යැයි දනුව මා මනුෂ්‍යයෙකුද නොවෙමි..

එසේ නම් සම්බුදුන් දෙසූ පරිණාමය කොටස් දෙකකි. මනෝ පරිණාමය හා කාය පරිණාමය.ඩාර්වින් අල්ලා ගත්තේ මෙයින් එක කොටසක් පමණි. එනම් කායික පරිණාමය පමණි. එහි අනිත් කොටස ඔහු දැක නැත. එසේ නම් අංග සම්පූර්ණ පරිණාමවාදය දෙසා ඇත්තේ ඩාර්වින් නොව තිලෝගුරු බුදු රජාණෝමය. එමතු නොව ඩාර්වින් වටහා ගත්තේ පෘතිවි පරිණාමයේ එක් කොටසක් පමණි සම්බුද්ධ පරිණාමවාදය මුළු මහත් විශ්වයේම ජීවි පරිණාමය විස්තර කරයි.

මනස පෙර ගමන් යයි. මනෝ පුබ්බං ගමා ධම්මා මනස අනුව කය සැකසෙයි. ඔබ මනසින් තිරිසනෙකු වන්නේ නම්, ක්‍රමයෙන් ඔබේ මතු භවයේඳ ඒ අනුව සැකසේ. ඔබ මනසින් දෙවියෙකු වන්නේ නම්, ක්‍රමයෙන් ඔබේ මතු භවයේ කය දේව කයකට පරිණාමය වේ. ඔබේ මනස මුලින් පරිණාමය වන ස්වරූපයට ක්‍රමයෙන් ඔබේ කායික පරිණාමය සිදුවේ. මේ සම්මා සම්බුද්ධ පරිණාමවාදයයි. මුළු මහත් සංසාරයේම අප යන්නේ මේ පරිණාමය ඔස්සේය. පුනර්භවය සැකසෙන්නේද මේ අනුවය. මනස මුලින් පරිණාමය වන තැනට කය පරිණාමය වේ. මේ සංසාරගමනයි.

එසේ නම් සාර සංඛෙ‍ය කල්ප ලක්ෂයක් ඔස්සේ පාරමිතා දහය පිරීම යනු, ක්‍රමානුකූල මානසික පරිණාමයකි සම්මා සම්බුද්ධත්වය ලැබීම යනු මිනිස් හෙවත් හෝමෝ සේපියන් අප දන්නා ජීවි විශේෂයේ ඉපිද හැදී වැඩී, අතීත මානසික පරිණාමයේ (පෙරුම්දම් පිරීමේ) ශක්තිය කැටි කොට මිනිස් ජීවී විශේෂයේ සිට විශ්වයේ එක්වරකට, එක කල්පයකට එක් අයෙකු පමණක් පහළ වන්නාවූ අති ශ්‍රේෂ්ඨ සුපිරි ජීවි විශේෂය වන සම්මා සම්බුද්ධ ජීවි තලයට කරන මහා මානසික පරිණාමික පිම්මයි (කළලේ ඉපිද කළලේ හැදී වැඩී ඉන් නික්ම)

ඇසට නොපෙනෙන තරම් ක්ෂුද්‍ර බැක්ටීරියා, ඇමීබා ජීවි විශේෂ වල ජීවින් ගණන ක්වෝ ඩ්‍රිලියන ගණනකි. කුඩා නොදියුණු කෘමි සත්ව ජීවි විශේෂයන්ගේ පහළ වන ජීවින් ගණන ට්‍රිලියන ගණනකි. ඊට වඩා සංකීර්ණ සත්ව විශේෂ වල බිලියන ගණනක් පහළ වෙති. මිනිස් ජීවී විශේෂයේ සත්ව සංඛ්‍යාව බිලියන 7 කි. ඊටත් වඩා දියුණු දේව ජීවි විශේෂයේ ගණන මිලියන ගණනක් විය හැක. ඊටත් ඉහළට යන්නට, යන්නට ඒ ඒ විශේෂයේ ජීවින් ගණනතව තව අඩුවිය හැකග

අනාගාමී වූවන් උපදින ආකණිෂ්ඨ තලයේ ශුද්ධ වාසබ්‍රහ්ම ලෝක වල එක වරකට ඇත්තේ ඉතාම සුළු අතළොස්සකි

එනමුත් මානසික පරිණාමයෙන් පමණක් යා හැකි සම්මා සම්බුද්ධ නම් අති සුපිරි, සියල්ල අවබෝධ කරගත් මහා ශ්‍රේෂ්ඨ ජීවිතළයේ මුළු කල්පයකටම විශ්වයේ එකවරට පහළ වන්නේ එක් අයෙකුම පමණකි. ඒ තැනැත්තාණන් වහන්සේට සියළු විශ්ව ජීවීහු බුදු රජාණන් වහන්සේ ලෙස අමතති.

Source Link : Wishma Lokaya