සංසාරයේ සිට පැමිණෙන ඔබේ ආත්මිය සහකරු හදුනාගන්නේ මෙන්න මෙහෙමයි

ඔබට තවමත් බඔා කෙටු කෙනා හමුවුයේ නැද්ද ? විවාහ ලාභි දරුවන් සිටන දෙමවි පියන් නිතර පවසන දෙයක් තමයි. අපි කොචිචර හෙවිවත් හරියන්නේ නැහැ. ඉතින් පතාගෙන් ආපු කෙනා එන්න එපැයි කවිද මෙි බඔා කෙටු කෙනා ? කවුද මෙි පතාගෙන එන කෙනා ? එයා තමයි ඔබෙි ආත්මිය සහකරුවා (Soul Mate)

අපට සිරුරු දෙකක් තිබෙනවා. එනමි භොතික සිරුර සහ ආත්මිය සිරුර අප මිය යන විට මෙම භොතික ශරිරය අත්හරිනවා. නමුත් අපේ ආත්මිය සිරුර සංසාරයේ ආත්ම ගණනාවක් අපේ උත්පත්තිය කෙලවර වන තෙක් නැත්නමි නිවන් දක්නා ජාති දක්වා අප සමග පවතිනවා. අප මොන ආගමක හෝ ඇදහිමක සිටියත් අප සියලු දෙනාම විශ්ව නිතියට යටත්. එනමි අප වපුරන දෙය තමයි අප නෙලා ගන්නේ. අප කරන යහපත් දේට අපට යහපත් කර්ම එක්රැස් වෙනවා අයහපත් දේට අයහපත් කර්ම එක් රැස් වෙනවා. ඒ අනුව අප මියගිය විට අප කරන ලද හොද නරක අනුව නොයෙක් තලයන්හි උත්පත්තිය ලබනවා. මනුෂ්‍යය ආත්ම ලබන අප බොහෝ දෙනෙක් නැවත උත්පත්තිය ලබන විට අප හා සංසාරයේ සැරි සැරු අපගේ ඥාති මිත‍්‍රාදින්ද අප සමග එකටම උත්පත්තිය ලබන බව තහවුරු වි තිබෙනවා. මෙි අය ආත්මිය සගයන් ලෙස හදුන්වන්න පුලුවන්. නමුත් ඔබෙි ආත්මිය සහකරුවා වන්නේ සංසාරයේ ආත්ම ගණනාවක් මෙලෙෂ ඔබත් සමග පැමිණි කෙනෙක්. සංසාරයේ ඔබත් සමග එකට ආදරයෙන් ජිවත් වන්නට පතාගෙන ආ කෙනෙක්. සමහර ආත්මිය සහකරුවන් තමන්ට වු යමි සිද්ධියක් නිසා ඔබගෙන් පලිගැනිමට ද පැමිණෙන්න පුලුවන්. එහෙමත් නැත්නමි ඔබට යහ මග පෙන්වන්නට ආ ආත්මිය මග පෙන්වන්නෙක් (Spiritual Guide) වන්නත් පුලුවන්.

යශෝධරා දේවිය සිදුහත් කුමරා ගේ සංසාරික ආත්මිය සහකාරිය බව බෙෘද්ධ ඉතිහාසයෙහි සදහන් වනවා ඔවුන් සංසාරයේ ආත්ම ගණනාවක අඔු සැමියන් වශයෙන් ඉපදි තිබෙනවා. ඒ වගේම සිතා රාමා රාධා කි‍්‍රෂ්ණා රෝමියෝ ජුලියටි ක්ලියෝපැටිරා මාක් ඇන්තනි වැනි වෘතාන්ත මෙම සංසාරික හමුවිමි ලෙස සැලකෙනවා.

මෙලොව ජිවිතයේදි අප සැමටම විශේෂ වු පුද්ගලයන් කෙනෙක් හෝ කිපදෙනෙක් සිටිනවා මෙි අය අපේ දෙමවිපියන් සහෝදරයන් කල්‍යාන මිත‍්‍රයන් ඥාති හිතමිත‍්‍රාදින් වන්නට පුලුවනි. මෙි අය සංසාරයේ ආත්ම ගණනාවක් අප සමග සිටි අයයි . අප මෙි අය හදුනා ගන්නේ කෙසේද එය එතරමි පහසු නැහැ නමුත් මෙම හැගිම ඉංගි‍්‍රසි බසින් Dejavu ලෙස හදුන්වනවා. එනමි සමහර අවස්ථාවල අප ජිවිතයේ ප‍්‍රථම වතාවට හමුවු පුද්ගලයින් පිළිබදව අපට ඉතා හුරු පුරුදු සමිප ලෙන්ගතු හැගිමක් ඇතිවනවා. මෙි අය අප සමග සංසාරයේ එකට පැමිනි අපේ දෙමවිපියන් සහෝදර සහෝදරියන් ඥාති මිත‍්‍රාදින් විය හැකියි පුනරුත්පත්තිය කියන පුද්ගලයන් පෙර භවයන්හි ඔවුන් සමග සිටි අය මෙි භවයේදිද තමන් සමග සිටින බව පවසා තිබෙනවා. ඒ වගේම අතිත ආවර්ජනය කරන මෝහන කි‍්‍රයාවලියන්හිදිද මෙි බව තහවුරු කර තිබෙනවා.

ඔබ පෙමි සබදතාවකින් විවාහ වුවත් යෝජනාවකින් විවාහ වුවත් බොහෝ විට ඔබෙි ආත්මිය සහකරු වන්නේ සංසාරයේ ඔබ සමග පැමිණි කෙනෙක්. මෙම ආත්මිය සහකරුගේ හමුවිම අපට Love at first sight නැත්නමි දුටු සැනින් ඇතිවන ආදරයක් ලෙසද හදුන්වන්න පුලුවන්. මෙය ඔබ බොහෝ දෙනෙක් ලැබු අත්දැකිමක්. මෙහිදි ඇතිවන්නේ පුදුමාකාර හැගිමක්. අපට කවදාවත් හමු නොවුනු පිටස්තරම කෙනෙකුට මෙතරමි බලගතු ආදරයක් ඇතිවන්නෙ ඇයි ? මෙි ආදරය හමුවේි හැදු වැඩු දෙමවිපියන් සහෝදර සහෝදරියන් දේපල පමණක් නොවෙි. රජකම පවා පයට පැගෙන දුවිල්ලක් තරමි නොවටිනා බව හැගෙන්නේ ඇයි ? ඒ ඔහුට හෝ ඇයට ඇති සංසාරික බැදිම නිසාමයි ඔහුගේ රුව ඔබට අමාදසුනකි. ඔහුගේ වදන් ඔබට අමාමිහිරකි. ඔහුගේ එක ස්පර්ශයක් විදුලි සැර වැදුනාක් මෙන් ඔබ අවදිකරයි මෙි හැගිමි වචනයෙන් විස්තර කල නොහැකියි. එතරමි සුන්දරත්වයක් ප්‍රීතිමත් හැගිමක් තවත් ලොව නැහැ. එය හරිහැටි දැනෙන්නේ එවැනි අවසථාවකට මුහුණ දුන් අයට පමණයි. ජ්‍යෝතිෂ්‍ය අනුව වුවද අපට අපේ සහකරුවන් ගැන යමක් දැනගන්නට පුලුවන්. ඔවුන් කුමන ප‍්‍රද්ශයකින්ද රැකියාව යනාදිය කෘතහස්ත දෛවඥයෙකුට පැවසිය හැකියි. ඒ වගේම මෙම ආත්මිය සහකරුවන්ගේ පොරොන්දමි ද මැනවින් ගැලපෙනවා. බොහෝ විට එකම සුභ නැකතින් ඉපදිසිටින්නට පුලුවන් ඒ කියන්නේ පොරොන්දමි 20 න් 20 ම ගැලපෙනවා කියන එකයි.

දැන් ඔබ නොඉවසිල්ලෙන් ඇති කෙසේද ඔබෙි ආත්මිය සහකරු හදුනා ගන්නේ කියල. ඔහු හෝ ඇය හමු වු විට එය ඔබෙි හදවතට මනසට යලි හමුවිමක් ලෙස දැනෙනවා. ඔබෙි ආත්මිය සහකරු හෝ සහකාරියගේ අදහස් උදහස් බොහෝවිට සමානයි. නිදසුනක් වශයෙන් ගතහොත් ඔබ සංගිතය කියවිම පි‍්‍රය කරන්නෙක් නමි ඔහුද ඒවා ප‍්‍රියකරන්නෙක්. ඔබ දෙදෙනා අතර ටෙලිපති සමිබන්ධතා එනමි එකම අවස්තාවක එකම සිතුවලි ඇතිවිමෙි ස්වභාවයක් ඇතිවෙනවා. ඔබ දෙදෙනාම ප‍්‍රිය කරන පුද්ගලයන්ද සමාන වනවා . ඔබ දෙදෙනාගේ ආදර සමිබන්ධයද ඉතා ආශ්වාදජනක එකක් වනවා . ඔබට සහ ඇයට මෙම එක්විම ඉතා සුරක්ෂිත බවක් ගෙනදෙනවා.. දුකේදි සහ සැපේදි කිසිදනක වෙන් නොවන වැනි හැගිමක් ඇතිවනවා. මෙවැනි හමුවිමක් ඉතා වාසනාවන්ත සංසාරික හමුවිමක් .

සමහර විට ඔබට ආත්මිය සහකරුවන් කිහිප දෙනෙක් සිටින්නට පුලුවන්. සංසාරයේ දිගටම එකම ආත්මිය සහකරුවකු සිටිම විරල අවස්ථාවක්. එවැනි අවස්ථා උදාවන්නේ අධ්‍යාත්මක වශයෙන් ඉතා දියුනු ආත්මවලට පමණයි. නිදසුනක් ලෙස සිදුහත් යශෝධරා ගත හැකියි. ඔවුන් ගේ පුණ්‍ය ශක්තිය සහ දැඩි භක්තිය අධිෂ්ඨානය එයට බලපාන්නට ඇති.

සමහර අවස්ථාවල ඔබෙි ආත්මිය සහකරු ඔබට හමුවන විට ඔහු හෝ ඇය වෙනත් බැදිමකට යොමුවි තිබෙන්න පුලුවන්. එවිට ඔබට හෝ ඇයට කල යුතු දෙයක් නැහැ කිමද පවුල් කඩාකප්පල් කිරිමෙි කර්මය ඔබ කරගහගත යුතු නැහැ එබැවින් එවැනි අවස්ථාවල් අසිරුවෙන් හෝ මග හැරිය යුතු වෙනවා. සමහර අවස්ථාවල ආත්මිය සහකරු හමු වුවත් ඔහු හදුනා ගැනිමට සැහෙන කලක් ගත විය හැකියි සමහර විට ඔබ ඔහු හදුනාගත්තත් ඔහු ඔබ හදුනා නොගන්නට පුලුවන්. මෙය වෙිදනාකාරි තත්වයක් නමුත් මෙහිදි ඔබට කල හැකි දෙයක් නැහැ. එය දෛවයට භාර දි නිහඩ විය යුතු වෙනවා. තවත් සමහර අවසථාවල ලිංගික ආකර්ශනය අනුව ආත්මිය සහකරුවා වරදවා හදුනාගන්න පුලුවන්. මෙය අද සමාජයේ ඉතා සුලභ දෙයක් නමුත් ආත්මිය සහකරු හදවතින් මිස ලිංගික ආකර්ශනයෙන් හදුනාගත නොහැකියි.

සමහර අවස්ථාවල මෙම ආත්මිය සහකරුවන් සංසාරයේ දිගටම ඔබෙන් පලිගැනිම සදහා පැමිණි අයෙක් නමි ඔහු ඔබ සමග විවාහ වි ඔබෙි ජිවිතය මිහිපිට අපායක කල හැකියි. එවැනි අවස්ථා අද සමාජයේ බොහෝ සේ දක්නට ලැබෙනවා. සැමියන් බිරින්දැන් දරුවන් වදදි මරා දමනවා. මෙි ඒ ඒ අය කරන ලද කර්මයන් හා බැදි තිබෙන දේවල් ඒ වගේම සමහර සංසාරයේ අප සමග එන ආත්මයන් දරුවන් සොහොයුරු සොහොයුරියන් ලෙස ඉපදි අපගෙන් පලි ගන්නවා . තවත් අවස්ථා තිබෙන්න පුලුවන් ඔබෙි ආත්මිය සහකරුවා මෙම ආත්මයේදි මෙලොවට බිහිවි නොවි සිටින්නට පුලුවන්.

සමහර විට ආත්මිය සහකරුවන් මෙම ආත්මයේ විවාහ ජිවිතයට ඇතුලත් නොවි සිටින්නට පුලුවන්. ඔවුන් මිතුරු මිතුරියන් ලෙෂ එකට සිටින්නට පුලුවන් ඒ ඔවුන්ට මෙම ආත්මයේ වෙනස් න්‍යාය පත‍්‍රයන් තිබෙන නිසා වෙන්න පුලුවන් ඔවුන් ගේ අධ්‍යාත්මක වර්ධන රටා වෙනස් වන්න පුලුවන් අද සමාජයේ සමහර යුවති යුවතියන් මෙලෙස කල් ගෙවනවා දකින්නට පුලුවන්. ඔවුන් විවාහ ජිවිතය ප‍්‍රිය කරන්නේ නැහැ. සමහර විට ඔබෙි ආත්මිය සහකරු හමු වු පසු ඔබට හිතෙන්න පුලුවන්. දැන්ම මට මට විවාහ වන්න බැහැ. මට තව වයස තියෙනවා එසේත් නැත්නමි ඇය හෝ ඔහු වෙනත් ජාතියක ආගමක කුලයක ඒ නිසා මට ගැලපෙන්නේ නැහැ මෙි සියල්ල ඔබ ඔබටම නිදහසට කරුණු ලෙස දක්වන්න පුලුවන් නමුත් ආත්මිය සහකරු හෝ සහකාරිය තෝරා ගැනිමෙිදි මෙි කිසිවක් බලපාන්නේ නැහැ.

මතක තබා ගන්න. ඔබට ජිවිතයේ ඔබෙි ආත්මිය සහකරු හමුවන්නේ සමහර විට එකම වතාවක් පමණක් වන්න පුලුවන්. ඔබ එම අවස්ථාව මග හැරිය හොත් නැවත කිසි දිනක එය උදා නොවන්නට පුලුවන්. ඔබ අසාතිබෙනවාද කියමනක් “වාසනාව කියන්නේ හිසේ එක කෙස් ගසක් පමනක් ඇති මහලු කාන්තාවක් ඇය ඔබ අසලින් යන්නේ ඉතා කලාතුරකින් ඇය එසේ ඔබ අසලින් යනවිට වහාම ඒ එක කෙස් ගසේන් දැඩි ලෙස අල්ලා ගත යුතුයි නැතහොත් ඔබට එම වාසනාව හිමිවන්නේ නැහැ” ඔබෙි ආත්මිය සහකරු හමුවිම අහභු සිදුවිමක් දෛවෝපගත සිදුවිමක්. එය කොතැනද කවදාද කවර අන්දමින්ද කියන එක කියන්න බැහැ. ඒ වගේම ඔබට ඒ හමුවිම බලෙන් ඇති කර ගත හැක්කක් ද නොවි. එය ඔබ දෙදෙනාගේම දෛවය නැත්නමි කර්මය සහ සමිබන්ධ වුවක් වගේම දෙදෙනාගේම නිදහස් අදහස් අනුව සිදුවිය යුතු හමුවිමක් .

ඔබෙි ආත්මිය සහකරු හදුනාගත් විට හෝ හමුවුවිට ඔබෙි හදවතට එකගව කටයුතු කිරිම ඉතා වැදගත් අනෙකුත් අයගේ නොයෙකුත් බලපැමි හමුවෙි ඔබ ඔහු හෝ ඇය අහිමි කර ගතහොත් ඔබෙි ජිවිතය අසාර්ථක වන්න පුලුවන්. ඔබෙි දෙපතුලටම දෛවය විසින් ගෙනවිත් දෙන මෙම සංසාරික ත්‍යාගය ඔබ ප‍්‍රතික්ෂෙප කල හොත් මුලු ජිවිත කාලයේම ඔබ පසුතැවෙන්න පුුලුවන්.

ශි‍්‍රයානි ද සේරමි (ආචාර්ය බ‍්‍රයන් වයිස් ගේ “Love is Real” ඇසුරෙනි)

Source Link : Wishma Lokaya

ආත්‍රයිටිස්‌ රෝගය සුව කරන ගන්න බිං කොහොඹ ශාකයෙන් හදන විශ්මිත කසායක්

ප්‍රශ්නය – කුඩා දරුවන්ට හැදෙන ආත්‍රයිටිස්‌ රෝගය සඳහා සුදුසු ශාකසාරමය ආයුර්වේද ප්‍රතිකාර ගැන අප පසුගිය සතියේදී සාකච්ඡා කළා. අද ඒ ගැන තවදුරටත් කතා කරන්නට බලාපොරොත්තු වෙනවා.

වෛද්‍ය වසන්ත උදයජීව – කුඩා දරුවන්ට හැදෙන ආත්‍රයිටිස්‌ රෝගයට ප්‍රතිකාර කරන විට ආයුර්වේද වෛද්‍යවරුන් මුලින්ම කරන්නේ රෝගයට බලපාන ශාරීරික තත්ත්වයන්ට ප්‍රතිකාර කර ඒවායින් ශරීරය නිදහස්‌ කර ගැනීමයි. ආයුර්වේදයට අනුව අපේ ශරීරයේ සෞඛ්‍ය සම්පත්තිය, සුවතාව, ලෙඩ රෝගවලට භාජන වීමේ හැකියාව යන කාරණා පාලනය වන්නේ ප්‍රධාන දොaෂ තත්ත්ව හතරක්‌ මගිනුයි. එයින් වාත දොaෂය පැනනැංගාම ආත්‍රයිටිස්‌ හටගන්නවා. මේ තත්ත්වය තුළදී සිරුර තුළ ආමය නමැති විෂ සහිත දෙයක්‌ හටගන්නවා. මේ නිසා ආහාර ජීරණ ක්‍රියාවලිය සම්පූර්ණයෙන්ම හෝ අර්ධ වශයෙන් බිඳවැටෙනවා. ආමය ජනිත වුණාම මුළු මහත් ශරීරය පුරාම ගමන් කරනවා.

ඊළඟට ශරීරයේ දුර්වල තැන්වල තැන්පත් වෙනවා. මේ අතර ශරීරය තුළ තිබෙන වාත දොaෂ තත්ත්වය ක්‍රියාත්මක වෙනවා. එතකොට ආමය ක්‍රියාත්මක වී වැඩිදියුණු වෙන්නට පටන් ගන්නවා. සන්ධි වේදනාව හටගන්නේ මෙසේ ආමය වැඩිදියුණු වීමට පටන් ගත් විටයි. සාමාන්‍යයෙන් ඇඟිලි සන්ධිවල හටගන්නා ආත්‍රයිටිස්‌ තත්ත්වයට වඩා පාදයේ සන්ධිවල හටගන්නා ආත්‍රයිටිස්‌ තත්ත්වය දරුණුයි. හේතුව එම සන්ධිවලට ශරීරයේ බර සම්පූර්ණ වශයෙන්ම වැටීමයි. මේ නිසා ආත්‍රයිටිස්‌ රෝගයට ප්‍රතිකාර කරන විට ශරීරයේ වාත තත්ත්වය සමබර කිරීමට ආයුර්වේද වෛද්‍යවරයා උත්සුක වෙනවා.

ප්‍රශ්නය – ආත්‍රයිටිස්‌ රෝගයට ප්‍රතිකාර කිරීමේදී මෙයින් ඔබ්බේ යමක්‌ සිදුවන්නේ නැද්ද?

වෛද්‍ය උදයජීව – ස්‌ථිර වශයෙන්ම සිදුවෙනවා. මුලින්ම ශරීරයේ රුධිර වහනය සිදුවන සියලු නහර පිරිසිදු කෙරෙනවා. ඊළඟට ආහාර ජීරණය ශක්‌තිමත් තත්ත්වයකට පත් කරනවා. තුන්වෙනුව සන්ධිවල ලිහිසි තත්ත්වය වර්ධනය කර සන්ධි එහා මෙහා කිරීමේ පහසුව ඇති කරනවා. ස්‌නායු පද්ධතියේ ක්‍රියාකාරිත්වය සමතුලිත කරනවා.

ප්‍රශ්නය – ආත්‍රයිටිස්‌ රෝගය සමනය කර ගැනීම සඳහා දැන් අප අත් බෙහෙත් කිහිපයක්‌ බලාපොරොත්තු වෙනවා.

වෛද්‍ය වසන්ත උදයජීව – ඖෂධ කිහිපයක්‌ම තිබෙනවා. අබ තෙල් කෝප්ප 1 ක්‌ අරගෙන එයට කපුරු (කපුරු බෝල නොවේ) ග්‍රෑම් 10 ක්‌ මිශ්‍ර කර කපුරු සම්පූර්ණයෙන්ම දියවන තුරු තෙල් රත් කරන්න. තෙල් ඇල් මැරුණු පසු ආත්‍රයිටිස්‌ නිසා ඉදිමුණ සන්ධි සියල්ල එම තෙල් වලින් ඉතා හොඳින් සම්බාහනය කරන්න. මෙවිට සන්ධිවල දැඩි බව සහ ඉදිමුම නැතිව යනවා.

ඊළඟ ඖෂධය මුං ඇට සහ සුදුලූනු ඇසුරින් නිපදවන එකක්‌. මුං ඇට මේස හැඳි 3 ක්‌ වතුර මිලිලීටර් 250 ක දමා රැයක්‌ එළිවනතුරු පොඟවා ගන්න. පසු දින මුං ඇටවල අංකුර ඇදුණු පසු සුදුලූනු බික්‌ දෙකක්‌ අඹරා මුංඇට සමග මිශ්‍ර කරන්න. එයට ලුණු සහ ගම්මිරිස්‌ එකතු කර උදේටත් සවසටත් ආහාරයට ගන්න. මුංඇට පිසීමෙන් වළකින්න. සතියක්‌ පමණ මෙම ප්‍රතිකාරය කර ප්‍රතිඵල භුක්‌ති විඳින්න.

මේ වාගේම උසස්‌ ප්‍රතිඵල ගෙන දෙන තවත් බෙහෙතක්‌ කියන්නම්. මේ සඳහා ඉඟුරු කුඩු ග්‍රෑම් 50 ක්‌, උළුහාල් කුඩු ග්‍රෑම් 50 ක්‌ සහ කහ කුඩු ග්‍රෑම් 50 ක්‌ අවශ්‍යයි. මේ සියල්ල හොඳින් මිශ්‍ර කර අසුරනයකට දමා සුළං නොයන සේ හොඳින් වසා තබාගෙන සෑම උදයකම සහ සවසකම තේ හැන්දක්‌ බැගින් අනුභව කරන්න. කුඩු ගතිය නිසා කෑම අපහසු නම් උණුවතුර ස්‌වල්පයක්‌ මිශ්‍ර කර ආහාරයට ගන්න.

උදේට සහ හවසට තල අහුරක්‌ බැගින් දිගටම අනුභව කළ හැකිනම්, ආත්‍රයිටිස්‌ රෝගයට එයත් හොඳ ප්‍රතිකාරයක්‌.

ආත්‍රයිටිස්‌ රෝගයට බිං කොහොඹ

බිං කොහොඹ, කොහොඹ පොතු, එලබටු, කටුවැල්බටු, කොටිල පොතු, ලුණවරණ පොතු, අමු ඉඟුරු, දියමිත්ත යනාදිය කලං 1 මංචාඩි 10 බැගින් ගෙන වතුර පත 8 කට දමා පත 1 ට සිඳවා පෙරා උදේ සවස පත භාගය බැගින් බොන්න. පානය කළයුතු කාලය දින 6 කි.

Source Link : Wishma Lokaya

වයසට යාම ප්‍රමාද කර සම තිරිහන් කරන ආහාර වර්ග 10ක්

මාළු
ඔමේගා 3 මේද අම්ල වලින් පෝසත් සැමන් , සාඩින් , ටුනා , මැකරල් වැනි මාළු වර්ග අනුභවය තරුණ සමක් පවත්වා ගැනීම සදහා අත්‍යවශ්‍යයි. විශේෂයෙන්ම සමේ ඇදෙන සුළු බව හා තෙතමනය නිසි ලෙස පවත්වා ගැනීම ඔමේගා 3 මේද අම්ල මගින් සිදු කරනවා. ඒ වගේම මෙම මාළු ආහාරයට ගැනීමෙන් සෞඛ්‍ය සම්පන්න ජීවිතයකට ඉතාම වැදගත් වන ප්‍රතිඔක්සිකාරක ශරීරයට එකතු කර ගැනීමට පුළුවන්. තවද නිරෝගී සමකට ඉතා වැදගත් වන විටමින් E හා තුවාල ඉක්මණින් සුව වීම සදහා වැදගත් ඛනිජ ලවණයක් වන සින්ක්ද මෙවැනි මාළු වර්ග හරහා ශරීරයට ලැබීම සිදු වෙනවා.

ඇට වර්ගඅප ඉහත සදහන් කරපු මාළු වර්ග වල වගේම ඇට වර්ග තුලද ඔමේගා 3 මේද අම්ල , සින්ක් හා විටමින් E යහමින් අඩංගු වෙනවා. ඊට අමතරව සම තරුණව හා දිදුලන ගතියකින් පවත්වා ගැනීම සදහා උදව් වෙන , B වර්ගයේ විටමින් , ෆොලේට් , සේලේනියම් හා විටමින් C වැනි වැදගත් පෝෂණ සංගටකද ඇට වර්ග තුල අඩංගුයි. ඔබට දිනපතා වෝල් නට්ස් ආහාරයට ගැනීමට හැකි නම් වඩා උසස් ප්‍රතිපල ලබා ගත හැකි අතර ආමන්ඩ් හා කජු වැනි ඇට වර්ග අනුභවය තුලින්ද ඉහල ප්‍රතිපල ලබා ගත හැකියි.

අලිගැටපේර
ඉතාම රසවත් පළතුරක් වෙන මෙහි ශරීරයට හිතකර මේදය යහමින් අඩංගු වෙනවා. ඒ වගේම සමේ ඇදෙන සුළු භාවය හා තෙතමනය ප්‍රශස්ත අගයකින් පවත්වා ගැනීමද අලිගැටපේර අනුභවය මගින් සිදු කර ගන්නට පුළුවන්. තවද අලිගැටපේර තුල අඩංගු වන කැරොටිනොයිඩ් මගින් අධික සුර්යා ලෝකයෙන් ඔබේ සම ආරක්ෂා කිරීම සිදු කරනවා. අලිගැටපේර වයසට යාම ප්‍රමාද කරන ආහාර ලැයිස්තුවේ 3 වන ස්ථානය දිනා ගැනීමට තවත් විශේෂ හේතුවක් තිබෙනවා. ඒ තමයි සමේ කොලජන් නිෂ්පාධනය වේගවත් කරන බලගතු පෝෂණ සංගටක රාශියක් අලිගැටපේර තුල අන්තර්ගත වීම.

හරිත තේ
ලොව පුරා බොහෝ මිනිසුන් ප්‍රමාණයකගේ ප්‍රියතම පානයක් වන හරිත තේ රසවත් පානයක් මෙන්ම ඔබේ සමේ සෞඛ්‍යයටද ඉතාම සුවදායකයි. හරිත තේ තුල අඩංගු වන පොලිෆීනෝල්ස් සහ කැෆ්‍රීන් නමැති ප්‍රතිඔක්සිකාරකය මගින් හිරු කිරණින් සමට සිදුවන හානි වලකා සැමදා ඔබේ සම තරුණව පවත්වා ගැනීම සිදු කරනවා.

යෝගට් හා මුදවපු කිරි
යෝගට් හා මුදවන ලද මී කිරි , එළු කිරි වැනි ආහාර වර්ග තුල සජීවි ප්‍රෝබයෝටික් අඩංගුයි. මෙම ප්‍රෝ බයෝටික් වර්ග මගින් සම අවපැහැ ගැන්වීම් , පලුදු වීම් , එල්ලා වැටීම් හා කුරුලෑ ආසාධන මර්ධනය කිරීම සිදු කරනවා. ඒ වගේම යෝගට් හා මුදවන ලද කිරි වර්ග තුල අඩංගු හිතකර බැක්ටීරියා මගින් ශරීරයේ බොහෝ ප්‍රදාහමය තත්වයන් සමනය කිරීමද සිදු කරනවා. මෙවැනි ප්‍රදාහමය තත්වයන් තමයි අකලට සම වියපත් වීම ඇතුළු බොහෝ සමේ ප්‍රශ්න වලට මුල සාධකය වන්නේ.තවද සම තිරිහන් කිරීම සදහා ඔබට යෝගට් ඍජුවම මුහුණේ ආලේප කරන්නටත් පුළුවන්. යෝගට් තුල අඩංගු වන ලැක්ටික් අම්ලය සතුව සම තිරිහන් කිරීමේ හා නැවුම් භාවයට පත් කිරීමේ හැකියාව පවතිනවා. මෙමගින් වයසට යාමත් සමග සමේ ඇදුණු රැලි වැටීම් මකා දමා සමට දිදුලන තරුණ පෙනුමක් එකතු කිරීම සිදු කරනවා.

මී පැණි
මී පැණි කියන්නේ ස්වාභාවික බැක්ටීරියා නාශකයක් , ප්‍රතිඔක්සිකාරකයක් හා සමේ තෙතමනය නිසි අයුරින් පවත්වා ගෙන යන හොද තෙතමනකාරකයක්. මෙම නිසා මී පැණි සතු සම තිරිහන් කිරීමේ බලය ගැන අප පුදුම විය යුතු නැහැ. ඍජුවම මී පැණි මුහුණේ ආලේප කිරීම මගින් මෙන්ම සීනි හා වෙනත් පැණි රසකාරක වෙනුවට මී පැණි ආහාරයට ගැනීම මගින්ද සොබාදහමේ විශ්මිත ආහාරයක් වන මී පැණි සතු ගුණය සමට ලබා ගැනීමට පුළුවන්

බ්ලු බෙරිස්
මිහිමත පවතින බොහෝ බේරී වර්ග මිනිස් සෞඛ්‍යට ඉතාම ගුණදායකයි. නමුත් ලොව පවතින සියලුම බේරී වර්ග අතරින් බ්ලු බෙරිස් වලට හිමි වන්නේ සුවිශේෂී ස්ථානයක්. එයට හේතුව නම් බලු බෙරිස් තුල අඩංගු වන බලගතු ස්වාභාවික ප්‍රතිඔක්සිකාරක මගින් සමට හානිකරන නිදහස් අණු සමග සටන් කර ඒවා විනාශ කර දැමීමයි. නිදහස් අණු විනාශයෙන් නොනැවතී මෙම ප්‍රතිඔක්සිකාරක මගින් සමට සිදු වූ හානිය ගණන් බලා ඒවා නැවත වේගයෙන් අලුත්වැඩියා කිරීමද සිදු කරනවා. ඒ වගේම මෙහි අඩංගු ඇන්තෝ – සයිනින්ස් මගින් සමේ කොලජන් නිෂ්පාධනය ස්ථාවර කිරීමද සිදු කරනවා. ඉතින් ඔබ නිතර බ්ලු බෙරිස් අනුභව කරනවා නම් සැමදා තරුණ සමක් පවත්වා ගැනීම අපහසු කරුණක් වන්නේ නෑ.

දොඩම්
දොඩම් සම තිරිහන් කරන ආහාර ලැයිස්තුවට ඇතුළත් වීමට හේතු 2ක් තියෙනවා. ඒවා නම් දොඩම් තුල අඩංගු වන ඉහළ විටමින් C ප්‍රතිශතය හා ඉහල ජල සාන්ද්‍රණයයි. ජලය මගින් සම සජලනය කර ඇතුළතින් බිදීයාම වලකන අතර විටමින් C මගින් කොලජන් නිෂ්පාධනය උත්තේජනය කිරීමක් සිදු කරනවා.ස්ථාවර කොලජන් සැපයුමක් මගින් සමේ ඇදෙන සුළු භාවය වර්ධනය කර සම රැළි වැටීම් හා එල්ලා වැටීම් අවම කරනවා. දිනපතා දොඩම් විදුරුවක් පානය කිරීමට ඔබට හැකි නම් බොහෝ කාලයක් ගත වන තුරු තරුණ අයෙකු සේ ජිවත් වන්නට පුළුවන්.

දෙළුම්
දොඩම් වගේම දෙළුම් තුලත් සමට හිතකර විටමින් C ඉහල ප්‍රතිශතයක් අඩංගු වෙනවා. ඒ වගේම තමයි දෙළුම් සතුව බලගතු පිළිකා නාශක හැකියාවක් හා බැක්ටීරියා නාශක හැකියාවක්ද පවතිනවා. දෙළුම් තුල අඩංගු වන පියුනිකැලැජින් නමැති පෝෂණ සංගටකය මගින් කොලජන් නිෂ්පධානය වේගවත් කිරීම සිදු කරන අතර දෙළුම් තුල අඩංගු අනෙකුත් පෝෂණ සංගටක මගින් කොලජන් බිදීයාම අවම කිරීම සිදු කරනවා. මේ සියල්ලේ අවසාන ප්‍රතිපලය ලෙස සම විශ්මිත ලෙස තිරිහන් වීම ආරම්භ වෙනවා

තක්කාලි
තක්කාලි කියන්නේ හොද විටමින් C ප්‍රභවයක්. ඒ වගේම තමයි තක්කාලි තුල ලයිසොපේන් , ලුටින් , ඇල්ෆා කැරොටින් හා බීටා කැරොටින් වැනි ප්‍රධාන කැරොටිනොයිඩ් වර්ගද අන්තර්ගත වෙනවා. මෙවැනි ප්‍රතිඔක්සිකාරක බලයෙන් යුතු කැරොටිනොයිඩ් වර්ග මගින් සමට හිරුකිරණින් වන හානිය වලකන අතර සම රැළි වැටීම අවම කරනවා. තක්කාලි අමුවෙන් ආහාරයට ගැනීම වෙනුවට ඔලිව් තෙල් යොදා සුළු පිසගනිමක් කොට අනුභව කිරීම මගින් තක්කාලි සතු පෝෂණ ගුණය වඩා හොදින් ශරීරයට එකතු කර ගැනීමට පුළුවන්.

Source Link : Wishma Lokaya

දියවැඩියාව නිට්ටාවටම සුව කරන්න පුළුවන් – මහවිල වෙදැදුරු සෙනරත් ජයසූරිය බණ්ඩාර වෙද මහතා

අද ලෝකයේ බොහෝ දෙනා ගොදුරු වන බෝ නොවන රෝග අතරින් එකකි දියවැඩියාව. සුව කළ නොහැකි ව්‍යාධියක් ලෙස ලොවම හඳුනාගෙන ඇති මෙය දේශීය වෛද්‍ය කර්මයෙන් නිට්ටාවට සුව කළ හැකි බව ඇහැලියගොඩ වෙදාරච්චි පරපුරේ තුන්වැනි පුරුක ලෙස හැඳින්වෙන යටියන්තොට මහවිල වෙද මහතා පවසයි.

දියවැඩියාව කොයි කාටත් හැදුණාම
මුත්‍රා පිටකරයි රෑටත් නිතරෝම
තොල කට වියළි නිදිමත එයි හැමදාම
සුව කර ගන්න රෝගය නොවරදවාම

මෙසේ අප හා පැවසුවේ යටියන්තොට මහවිල වෙදැදුරු යන අන්වර්ථ නාමයෙන් හඳුන්වන හේ. මු. සෙනරත් ජයසූරිය බණ්ඩාර වෙද මහතාය. ඔහු එසේ කියමින් කළු පැහැ, රිදියෙන් වැඩ දැමූ වක් ගැසුණු යමක් මේසය මත තැබීය. ඒ තේමිස් වෙදආරච්චි වෙද ආතාගෙන් සෙනෙවිරත්න වෙද බණ්ඩාර පියාටත් පසුව තමන්ටත් උරුම වූ මීහරක් අඟින් තැනූ බෙහෙත් හෙප්පුවයි

ඉස්සර නම් අපේ වෙද පරම්පරාවේ සිරිත දකුණ‘තේ වෙදැඟිල්ලේ නියපොත්ත වවන එක. ලෙඩා පරීක්ෂා කරලා අදාළ බෙහෙත මේ හෙප්පුවෙන් ගන්නේ ඒ නියපොත්තේ උදව්වෙන්. අපේ විශේෂත්වය සර්වාංග වෙදකම. ඒ කාලේ දියවැඩියාව ලෙඩුන් මේ වගේ හිටියේ නෑනේ. ඇහැලේපොළ පරම්පරාවේ හේරත් මුදියන්සේලාගේ රාජකීය වෙද පරපුරෙන් තමයි අපි පැවත එන්නේ. මේ හෙප්පුවට අවුරුදු 1000ක් විතර වෙනවා. පුස් කොළ පොතුත් එහෙමයි.

එසේ කියූ මහවිල වෙද මහතා සිංහල වෙදකම ඇති වූ ආකාරයේ ඉතිහාසය පිළිබඳද අපට පැවසුවේය

“අවුරුදු 3000කට පෙර වෛදික යුගයේ තමයි අපේ සිංහල වෙදකම ඇති වුණේ. ඊට පෙර ගම්මානවල මිනිසුන් ලෙඩදුක්වලින් පීඩා වින්දා. ඒ කාලේ බ්‍රාහ්මණයන් කහ වස්ත්‍රයෙන් සැරසී බවුන් වඩමින් ඉඳ තිබෙනවා ගස් ගල් ආදිය මත. මිනිසුන්ගේ මේ දුක් වේදනා දුටු බ්‍රාහ්මණයන්ගෙන් 54 දෙනකු හිමාලයට ඍද්ධි බලයෙන් ගොස් සාකච්ඡා පවත්වා ඉන් සිවු දෙනකු මහා බ්‍රහ්මයා හමුවීමට පිටත්ව තිබෙනවා. භරතවද්, දක්ෂ ප්‍රජාපතී ගෝතමී, අස්විනි කුමාරවරුන් දෙදෙනා මෙසේ පළමුව ගොස් ඇත්තේ ශක්‍ර දෙවියන්ගේ මාර්ගයෙන් මහාබ්‍රහ්මයා හමුවීමටයි. එහිදී ඉන්ද්‍ර දේවතාවා හමුවී භරතවද් සහ අස්විනි කුමාරවරුන් කතාබහේ යෙදෙමින් ප්‍රමාද වෙද්දී, ප්‍රජපතී ගෝතමී කෙළින්ම ශක්‍ර භවනට ගොස් මිනිසුන්ගේ දුක පවසා ඔසු ගැන විමසා තිබෙනවා. ඒ වන විට ඔසු පිළිබඳ කිසි අදහසක් නොතිබූ මහා බ්‍රහ්මයා ස්වයං භූ ඥානයෙන් ඒ පිළිබද කීමෙන් පසු ඔසු පහළ වුණාලු! ආපසු පැමිණි බ්‍රාහ්මණයන් ඉතිරි අය සමඟ ලෝකයේ කොටස්වලට මේ ඔසු දැනුම ලබා දීමට බෙදී ගියාලු. ඉන්දියාව හිමි වී තිබුණේ අගස්තිට ලංකාව හිමිවුණේ පුලස්තිට

පුලස්ති ඍෂිගේ පුතා බෙහෙත් කළේ නෑ. ඒත් මුණුපුරු රාවණ වෙදකම් කළා. රාවණ රජුගේ ගෝලයා තමයි බුදුරජාණන්වහන්සේටත් බෙහෙත් කළ කෞමාරභච්ඡ ජීවක පඬිතුමා. ඒ පරම්පරාවේ ශල්‍යකර්ම හා වෙදකම් දුටු ගැමුණු, පණ්ඩුකාභය සහ බුද්ධදාස රජු දක්වා විහිදුණා. ඒවා අපට අහිමි වුණේ විවිධ ආක්‍රමණවලින් පසුවයි. ඒත් 1931 ආයුර්වේද පනතින් පසු යළිත් අපේ වෙදකම් තරමක් හිස ඔසවා තිබෙනවා. දේශීය රෝහල් 82ක් පමණ තිබෙනවා. ඒත් ඒ එකකවත් ‘මිනී කාමර‘ නෑ. ඒකයි අපේ වෙනස.

දේශීය වෙදකමේ අගය එසේ පැවසූ මහවිල වෙද මහතා ඉන් පසු අපට පැහැදිලි කළේ දියවැඩියාව හෙවත් මධුමේහය ඇති වීමට බලපාන හේතුන්ය

“දියවැඩියාව හැදෙන්න හේතු 7ක් බලපානවා. එක: පරම්පරාවෙන් පරම්පරාවට එන ජාන නිසා, දෙක: කෘත්‍රිම ආහාර, ජාන තාක්ෂණයෙන් හැදූ ආහාර වැඩිපුර පරිභෝජනය නිසා, තුන: මළ- මූත්‍ර වේග දරා සිටීම, හතර: බටහිර හා දේශීය ඖෂධ මාත්‍රාව ඉක්මවා භාවිත කිරීම, පහ: අධික තරබාරුව හෙවත් ස්ථුලතාව. මෙය ඇති වන්නේ නැවුම් ආහාර නිතර වැඩිපුර ගැනීමෙන් පෝෂණය වැඩි වීම නිසයි. හය: මානසික ආතතිය. සඵල කරගත නොහැකි ඉලක්ක ගැන ඇතිවන අනවශ්‍ය සිතිවිලි නිසා තමයි සියයට 90ක් දෙනාට දියවැඩියාව ඇති වන්නේ. අවසාන වශයෙන් කම්පනයත් දියවැඩියාවට හේතුවක්.“

කම්පනයෙන් දියවැඩියාව ක්ෂණිකව ඇති වූ අයුරු තහවුරු කිරීමට ඔහු උදාහරණයක් ද සැපයීය.

“මීට අවුරුදු දෙකකට පමණ කලින් මා ළඟට ආවා සීනි මට්ටම තුන්සිය ගාණකට වැඩිවෙලා කියාගෙන ලෙඩෙක්. ඔහු දැක්කාම සාමාන්‍යයෙන් හොඳ ශරීර පෙනුමක් තිබුණා. පසුව විමසද්දී දැනගත්තේ, ඔහු ගුවන් නියමුවෙක්. දිනක් ඉහළ අහසේ මඟීන් රැගෙන යද්දී ඉන්ධන අවසන් බව දැන ගන්න ලැබිලා. කොහොම හරි යානය ගොඩ බස්වා ගත්තත්, ඒ වෙලාවේ තැති ගත් තරමට ඔහුට කම්පනයක් ඇති වෙලා. වෛද්‍ය පර්යේෂණයේදී අධික දියවැඩියා තත්ත්වයක් තිබෙනවා කියලා ඔහු රැකියාවෙනුත් ඉවත් කරලා. හැබැයි කලින් එහෙම ලෙඩක් තිබුණ කෙනෙක් නෙවේ. පසුව අපෙන් ප්‍රතිකාර කර සුව වුණා.“

මේ ආකාර 7ට ඇති වන දියවැඩියා වර්ග ගැනද වෙදමහතා පැවසුවේය

“අපේ ක්‍රමයට දිය වැඩියා වර්ග 20ක් තිබෙනවා. ඉන් 16ක්ම නිට්ටාවටම සුව කරන්න පුළුවන්. හැබැයි හතරක් නම් සුව කරන්න බෑ.“ එසේ කී ඔහු දියවැඩියා වර්ග පිළිබඳ විස්තර කළේ මෙසේය

“ඔය වර්ග විස්සෙන් 10ක් හට ගන්නේ සෙම කෝප වීමෙන්. ඒවා උදක මේහය, ඉක්ෂු මේහය, සාන්ද්‍ර මේහය, සුරාමේහය ආදි වශයෙන් හඳුන්වනවා. ප්‍රමේහය කියන්නේ අපේ සිරුරට නරක දෙයක් ඇතුළු වුණොත් ඇති වන තත්ත්වයක්. නිදසුනක් හැටියට අපේ මූත්‍ර කහ පාටට යනවා නම් එහි තේරුම තමයි අපට ගෞරිමේහය ඇති බව. ඒ කියන්නේ අපේ ඇඟේ රත්රන් ටික මූත්‍ර සමඟ පිට වෙනවා. එය ගණන් නොගෙන මාස හය හතක් හිටියොත් මධුමේහයට හැරෙනවා

ඒ වගේම පිත කෝපයෙන් දියවැඩියා වර්ග 6ක් ඇති වෙනවා. ඒවා නීලමේහ, ක්ෂාර මේහ, කාල මේහ, හරිද්‍රාමේහ ආදි නම්වලින් හඳුන්වනවා

නිදසුනක් හැටියට සීතමේහ කියන්නේ මූත්‍රා දහ පාළොස් වතාවක් සීතලට පිටවීම. එයත් ගණන් නොගෙන ටික කාලයක් සිටීමෙන් දියවැඩියාවට හැරෙනවා

මේ රෝග 16ම සුව කළ හැකි පාරම්පරික ඖෂධයක් අප ළඟ තිබෙනවා. ඒත් වාතය කෝප වීමෙන් ඇති වන වාසාවේගය, මජ්ඣමේහය, හස්තිමේහය සහ ශෞද්‍රමේහ මාස හය හතක් තිබිලා මධු මේහය බවට පත් වුණොත් කිසිම විදිහකින් හොඳ කරන්න බෑ

ඒ වගේම රෝගියාගේ ස්ත්‍රීපුරුෂභාවය, ප්‍රතිශක්තීකරණය, වයස‍ ආදිය සමඟත් රෝගයේ ස්වභාවය, සුව වන්නට ගතවන කාලය ආදිය වෙනස් වනවා. කිව යුතු අනෙක් වැදගත්ම කාරණය තමයි බෝ නොවන රෝග ඇති වන්නේ තමන් පෙර කළ කුසලාකුසල කර්ම අනුවයි. ඒ නිසා බොහෝ සෙයින් අකුසල් කළ අයටත් සුව කළ නොහැකි රෝග වැලඳෙනවා.“

කෑම පාලනය මේ රෝගයට බෙහෙත් කිරීමේදී ඉතා වැදගත්ය. ඒ පිළිබඳ මහවිල වෙද මහතා උපදෙස් දුන්නේ මෙසේය‍

සුදු සම්බා, සුදු කැකුළු සහ සියලුම විදේශීය සහල් වර්ග, ෆ්‍රයිඩ් රයිස්, බිරියානි, රටකජු, කොස් ඇට, වට්ටක්කා, බටානා, බීට්රූට්, සියලුම අල වර්ග, හරක් මස්, ඌරු මස්, එළු මස්, ගෝනමස්, ඉස්සෝ, දැල්ලෝ, ටින් මාලු, පාන්පිටිවලින් නිෂ්පාදිත සියලුම ආහාර වර්ග, සියලුම කිරිපිටි වර්ග, අයිස්ක්‍රීම් වර්ග, යෝගට් වර්ග, චීස්, බටර්, මාගරින්, සීනි, හකුරු, රටඉඳි, බිස්කට්, කේක්, පැණිබීම, වටලප්පන්, මිදුණු කිරිවර්ග, පාම් තෙල්, එළවළු තෙල්, මේදය සහිත ආහාර, අඹ, අන්නාසි, රඹුටන්, දූරියන්, කිලෝපේර, කෝලිකුට්ටු, ආනමාළු, ඇම්බුන්, සීනි කෙසෙල්, කෘත්‍රිම රසකාරක අඩංගු ආහාර, ක්ෂණික ආහාර සහ ජාන තාක්ෂණයෙන් සැදූ ආහාර අපේ බෙහෙත් සමඟ ගැනීම හොඳ නෑ. සමහරු බෙහෙත් ගන්න ගමන් මේ දේවල් කාලා ලෙඩේ වැඩි කරගෙන අමාරුවේ වැටෙනවා. කට පරෙස්සම් කරගැනීම හැම දේටම වඩා වටිනවා. අපේ බෙහෙත් ගන්න ගමන් එහෙම පැවතිලා නිට්ටාවටම සුව වූ අය දහස් ගණනක් ඉන්නවා.

සුවවූවන් අතරින් කිහිප දෙනකු සම්බන්ධ කරගැනීමට අපටද හැකි විය. කුසුම් මල්දෙනිය මහත්මිය අප සමඟ වෙද මහතාගේ බෙහෙත්වල ගුණය පැවසුවේ මෙලෙසිනි

“මට ෂූගර් හැදිලා අවරුදු තුනක් විතර හිටියා. ඉංග්‍රීසි බෙහෙත් කාලයක් ගත්තා. ඒ අතරේ අපි අඳුරන අවුරුදු 14ක දරුවෙක්ට සීනි කියලා මේ වෙද මහත්මයා ළඟට ගෙනියලා හොඳටම හොඳ වුණා. ඉතින් මමත් ගියා. සීනි තිබෙද්දී අතපය රිදෙනවා, කලන්තේ වගේ හරි අමාරුයි. මට 280ට සීනි තියෙද්දී ගියේ. වාර 4ක් බේත් ගත්තා දැන් මට ඒ කිසි අමාරුවක් නෑ. සීනි මට්ටම 77 වෙලා. හැබැයි එහෙම වෙන්නේ අපි වෙද මහත්තයා කියන විදිහට පාවිච්චි වුණොත් තමයි.“

පොළොන්නරුවේ සම්පත් ප්‍රියන්ත මහතාද මෙසේ නිට්ටාවට සුවය ලැබූවෙකි

“මට 2010දි විතර තමයි සීනි හැදුණේ. 220 තිබුණු මට්ටම අන්තිමේදී 480ත් පැන්නා. කිලෝ 80ට හිටි මගේ බර 58ක් වුණා. කොච්චර බෙහෙත් ගත්තත් හොඳ වුණේ නෑ. ඇඟපත රිදෙනවා, කේන්ති යනවා, ඇස් පේන්නැතුව යනවා, අතපය හිරි වැටෙනවා, තව කියන්න බැරි ප්‍රශ්නත් තිබුණා. හරිම අමාරුයි. පස්සේ වෙද මහත්තයා ගැන විස්තරයක් දැකලා බෙහෙත් ගන්න ගියා. මාස 4ක් බේත් ගද්දී ඇඟ පුෂ්ටිමත් වෙලා අමාරුකම් නැතිව ගියා. වෙද මහත්තයා කියන ක්‍රමයටම හිටියාම ඉක්මනින් සුව වෙනවා. ඊට පස්සේ බේත් ඇඟෙන් ඉවත් කරන විදිහත් මට කියලා දුන්නා. දැන් අවරුදු 6ක් විතර මට හොඳයි. ඒත් හිතේ බයට තාම කරවිල එහෙම හොඳට කනවා. වනේ වන හතුරෙකුටවත් හැදෙන්න එපා මේ ලෙඩේ නම්. ඇත්තෙන්ම මේ ගැන කියලා දෙන එකත් ලොකු පිනක්. සෙවයක්.“

බෙලිඅත්ත, කුඩාහින්නේ ජේ.බී.ඒ. ජයසිරි මහතා අපට විශේෂ වූයේ ඔහු සෞඛ්‍ය ක්ෂේත්‍රයට සම්බන්ධ අයකු නිසාය. අනෙක් අය කියූ රෝග ලක්ෂණ සියල්ලෙන් ඔහු දැඩි සේ පීඩාවට ලක් වී සිටි බවද පවසමින් මෙසේ කීවේය

“මම අවරුදු 8ක් විතර දියවැඩියාවෙන් පෙළුණා. ඔය කියන අමාරුකම් මදිවට තිස්සේම මූත්‍රා කරන්න ඕනා. මමත් සෞඛ්‍ය ක්ෂේත්‍රයට සම්බන්ධ නිසා විටමින් අඩු ඇති කියලා ඒවත් ගත්තා. මට සීනි 130 පනිද්දි හොඳටම අමාරු වෙනවා. කිලෝ 12ක් විතර බරත් අඩු වුණා. සෑහෙන්න දුක් වින්දා. ඒ අතරේ 2016 අප්‍රේල්වල මේ වෙද මහත්මයා ගැන වැඩසටහනක් දැකලා මම කතා කළාම විස්තර අහලා මාස 6න් සුව කරන්නම් කීවා. හැබැයි කෑමට සුදුසු නුසුදුසු දේවල් ලැයිස්තුවක් දුන්නා. ඉංග්‍රීසි බෙහෙත බොන අතරේ තමයි මට වෙද මහත්තයාගේ බෙහෙත් දුන්නේ. දවස් 20න් 20ට සීනි මට්ටම මනින්න කීවා. ටිකෙන් ටික ඉංග්‍රීසි පෙත්ත අඩු කළා. වෙද මහත්තයාගේ බෙහෙතුත් දවසක් ඇර දවසක් වගේ අඩු කරලා දවස් 10ට වරක් වගේ ගන්න කීවා. දැන් මට සුවයි. අතපය හිරිවැටෙන්නේ නෑ. අපේ පැත්තේ කිරි කනවා හරියට. ඉතින් සීනි පැණි කැවෙනවා. හැබැයි දෙවියන්ගේ පිහිටෙන් මට කියන්නත් ලෝබයි දැන් ඒ අමාරුකම් නෑ. මම දන්නවා මේවාට විරුද්ධව කතා කරන සමහරු හොරෙන් වෙද මහත්තයා ගාවට යනවා කියලත්. ඇත්තෙන්ම මේ වගේ වෙදැදුරන් අපි ආරක්ෂා කරන්න ඕනා. අනෙක හතු පිපෙන්නා වගේ එන සමහර වෙදුන් ඉංග්‍රීසි පෙති කුඩු කරලා කොළවර්ග කලවම් කරලා දෙනවා. අපිට ඒ රහ අඳුනන්න පුළුවන්. ඒත් මේ බෙහෙත් එහෙම නෑ කියලා මට හොඳටම විශ්වාසෙන් කියන්න පුළුවන්.“

මහවිල වෙද මහතාද පැවසූවේ ඔහු අපේම කැලෑවලින් බෙහෙත් වර්ග සොයා ගන්නා බවයි. එහිදී මහා බ්‍රහ්මයාට පින් දී ඒ බෙහෙත් පැළෑටි නෙලා ගත යුතු බවද ඔහුගේ මතයයි. ඔහුගේ ඖෂධවලින් සිදුවන්නේ අග්න්‍යාශයේ වැසුණු කපාට යළි විවර කරමින් ස්වාභාවිකව ඉන්සියුලින් ශරීරයේ නිපදවෙන්නට අවශ්‍ය පරිසරය යළි ගොඩ නැඟීම බවද විස්තර සහිතව ඔහු අපට කියා දුන්නේ සෞඛ්‍ය පාඩමක් මෙනි. එවිට දියවැඩියාව නිසා හට ගන්නා පාදයේ තුවාල ආදිය ඉබේම සුව වන බවද ඔහු තර්කානුකූලව පෙන්වා දුන්නේය. කෂාය ආදි සිංහල බෙහෙත් වැඩිපුර සිරුරට එක්වීම නිසා වකුගඩු ප්‍රශ්න මතුවේදැයි අප නැඟූ පැනයට ඔහුගේ පිළිතුර වූයේ මෙයයි

“බත්-වෑංජන කන්න ගත්ත දවසේ ඉඳන් අපි සිංහල බේත් තමයි කන්නේ. සූදුරු, මහදුරු, කොත්තමල්ලි, කහ, ඉඟුරු,ගම්මිරිස්, කරපිංචා කියන්නේ මොනවාද? සුද්දා ඒවායේ සංයුතියෙන් එක වර්ගයක් අරගෙන පෙත්ත හදලා දුන්නම අපි ගිලිනවා. එතකොට වකුගඩු දිය වෙන්නේ නැද්ද? අපි සමස්තය අරගෙන වර්ග ගොඩක් එක්කයි බෙහෙත් දෙන්නේ. සිංහල බෙහෙතෙන් අතුරු ආබාධ එන්නේ නැත්තේ සංයුතිය වැඩි නිසයි.

දියවැඩියා රෝගයට ගොදුරු නොවීමට මධ්‍යම ප්‍රතිපදාවට අනුව ආහාර ව්‍යායාම ආදිය ගත යුතු බව කී යටියන්තොට මහවිල වෙද මහතා ඒ සඳහා පහසුවෙන් කළ හැකි අත්බේතක් ද කීවේ සිළුමිණ පාඨකයන්ගේ හිතේත් ගතේත් සුවය පිණිසය

“දියවැඩියාව සියයට 90ක් හැදෙන්නේ මානසික ප්‍රශ්න නිසා. අනෙක ග්ලූකෝස් අඩංගු ආහාර වැඩිපුර ගැනීමත් සෙම් රෝග නිසාත් දියවැඩියාව වැඩි වෙන්න පුළුවන්. අවුරුදු 10ට වැඩි ඕනෑම කෙනෙක් හැමදාම උදේට කැකිරි යුෂ අඬු කෝප්ප බාගයක් බොනවා නම් ජීවිතේ කවදාවත් දියවැඩියාව හැදෙන්නේ නෑ. ඒ වගේම කරපිංචා කොළ යුෂ කෝප්පයක් බැගින් සතියට දෙවරක් බීවොත් රුධිර නාළවල, අක්මාවේ තෙල් ඉවත්වෙලා, ලේ සුද්දවෙලා, මළ හොඳින් පහවෙලා, චර්ම රෝග සුව වෙලා, විෂ නසනවා. අනෙක පුළුවන් තරම් කොළ මැල්ලුම් හැම වේලකටම ගන්න. තේ වෙනුවට රණවරා මල් ටිකක් බොන්න. ගැමි ආහාරවලට පුළුවන් තරම් හුරු වෙන්න. සැම එළවළු වර්ගයක්ම පොදුවේ කන්න. රෝගියකුට කෑම නොදුන්නොත් හොඳටම සෞඛ්‍යය පිරිහෙනවා. අපේ වෙදකම කරන්නේ හොඳට බඩ පිරෙන්න කන්න දීලයි. මම කියන්නේ දියවැඩියාව නිට්ටාවට හොඳ කරන්න පුළුවන්.

ලිපි මුලාශ්‍රය – සිළුමිණ

Source Link : Wishma Lokaya

ශරීරයේ හානි වූ ඉන්ද්‍රියයන් නැවත පිළිසකර කරන එළවළු පලතුරු වර්ග – සුවදායක දිවියකට ඉතාම වැදගත් ලිපියක්

ගොටුකොළයේ හැඩය මොළයේ රැළි වැටුනු ස්‌වභාවයට සමානය.වකුගඩුවේ, හදවතේ හැඩය සිහිගන්වන එළවලු, පළතුරු බොහෝය. ස්‌වරූපයෙන් පමණක්‌ නොවන මේවා ගුණයෙන්ද අනූනය

ස්‌වභාවදහම ඇතැම් විට හරි අපූරු නිර්මාණ බිහි කරන බව අප කවුරුත් දන්නා කාරණාවකි. එය අහම්බයකින් වුව ඇතැම් එළවළු පලතුරු වර්ගවලට අපගේ ශරීර ඉන්ද්‍රියයන්ගේ ස්‌වරූපය ලබා දී තිබෙන බව පෙනී යයි. ස්‌වභාවදහම ඇඟිල්ලෙන් ඇන ඇන අපේ ඇඟේ වැදි වැදී අපට කියා දෙන්නේ මේවා සුලභව ආහාරයට ගන්නා ලෙසයි. පැරැන්නන් අද තරම් නූතන විද්‍යා තාක්‌ෂණික දැණුමකින් සන්නද්ධව නොසිටියත් ස්‌වභාව දහමට සංවේදි විය. මේ සංවේදීභාවය බොහෝ අනතුරු මග හැර යන්නට ඔවුන්ට ඉවහල් විය. එවැනි අපගේ ඉන්ද්‍රියයන් සිහි ගන්වන ආහාර ද්‍රව්‍යය කිහිපයක්‌ මෙසේය

අලි ගැටපේර

පැසුණු අලිගැටපේර ගෙඩියක බාහිර ස්‌වරූපය කාන්තාවකගේ ඩිම්බ කෝෂයක හැඩය ගනී. එමෙන්ම අලි ගැටපේර ගෙඩියක්‌ දික්‌ අතට කැපුවාම පෙනෙන්නේ හරියට ගර්බනී මවකගේ උදර සහ උකුල ප්‍රදේශය මෙනි. අලිගැටපේර ගෙඩියේ ඇටය ගර්භාෂයේ වැඩෙන දරුවා මෙනි. අලිගැටපේර වනාහි ගැබිණි මවකට සහ කළලයේ වර්ධනයට අවැසි අත්‍යවශ්‍ය පෝෂ්‍ය පදාර්ථවලින් මෙන්ම ඖෂධීය ගුණ රාශියකට හේතු වන ශාක රසායනිකයන්ගෙන් අනූන ය. එමෙන්ම මෙහි අත්‍යවශ්‍ය ඔමේගා තුන මේද අම්ල ද සුලභ ය. ඔමේගා මේද අම්ල වැඩියෙන්ම අන්තර්ගත වන පලතුර වන්නේ ද අලිගැටපේර වෙයි. මෙම මේද අම්ල නිසියාකරයෙන් ගැබිණි මවකට නොලැබුණොත් විශේෂයෙන් කළලයේ මොළය වර්ධනයට අහිතකර ලෙස බලපානු ලබයි. ගැබිනි මවක්‌ අත්‍යවශ්‍ය ඔමේගා තුන මේද අම්ල යහමින් නොගත්තොත් ඇගේ ගර්භාෂයේ වැඩෙන කළලය තම අවශ්‍යතාවයට සරිලන මේද අම්ල මවගේ සිරුරෙන් ලබා ගනී. විශේෂයෙන් මවගේ මොළය තුළ තිබෙන මේද අම්ල දරුවා ලබා ගනී. එවිට මවට දරු ප්‍රසූතියෙන් පසුව ඇති වන මොළය ආශ්‍රිත සංකූලතා සදහා මෙය හේතුවක්‌ වන්නට පිළිවන. මෙවැනි තත්ත්වයක්‌ ඇති වීම වළක්‌වා ගන්නටනම් ගර්භනී මවක්‌ ශරීරයට අහිතකර නොවන අලි ගැටපේර වැනි ඔමේගා තුන මේද අම්ල සුලභ ආහාර අනුභව කිරීම බෙහෙවින්ම වටින්නේ ය

අලිගැටපේර වනාහි සිරුරට අහිතකර නොවන අන්දමට ශක්‌තිය ලබා ගන්නට ද හිතකර ආහාරයක්‌ වෙයි. අලිගැට පේර ග්රෑම් සියයකින් ශක්‌තිය කිලෝ කැලරි 160 ක්‌ ලබා ගන්නට පිළිවන. එමෙන්ම මෙහි බොහෝ පලතුරු වල බහුලව හමු නොවන ප්‍රොටීන් ද තිබේ. මෙය ආහාරමය තන්තු බහුල ආහාරයක්‌ වන බැවින් ආහාර ජීර්ණ පද්ධතියේ නීරෝගී භාවයට මෙන්ම මළ බද්ධයෙන් වැළකී සිටින්නට ද හොඳ පළතුරකි. අලි ගැට පේර වනාහි මේ ලොව තිබෙන පලතුරු අතරින් විටමින් ඊ. කේ. ඒ. සී. සහ බී. විටමින්වලින් ඉතාමත් පොහොසත් පලතුරකි. එමෙන්ම සින්ක්‌, පොටෑසියම්, මැංගනීස්‌ සහ යකඩ යන ගර්භනී සහ කිරි දෙන මවකට අත්‍යවශ්‍ය ඛණිජ ලවන වර්ග රාශියකින් ද පොහොසත් පලතුරක්‌ වෙයි. බීටා සිටොස්‌ටිරෝල් (Beta-sitosterol) නැමති දුලභ ශාක රසායනිකය මෙහි සුලභව හමුවීම ද අලිගැටපේර සතු තවත් ඉතාමත් වැදගත් ගුණාංගයක්‌ වෙයි. මෙය සිරුරේ අහිතකර කොලස්‌ටරෝල් මට්‌ටම පහත දමන බවත්, හිතකර කොලස්‌ටරෝල් මට්‌ටම ඉහල දමන බවත් සොයා ගෙන තිබෙනවා. මෙයට අමතරව බීටා සිටොස්‌ටිරෝල් ආහාර ජීර්ණ ක්‍රියාවලිය වැඩි දියුණු කරන්නටත්, ශරීරයේ ප්‍රතිශක්‌තිකරණය ඉහළ නන්වන්නටත්, මහාන්ත්‍ර පිළිකා සමනය කරන්නටත්, හන්දිපත් අමාරුව සහ ගර්භාෂ සංකූලතා සමනය කරන්නටත්, ඉන්ෆ්ලුවෙන්සා සහ වෛරස්‌ රෝග, ඇදුම, ආතරයිටිස්‌, ශ්වසන ආබාධ, ආර්ථවහරණ සංකූලතා සමනය කරන්නටත් ඉවහල් වන බව සොයා ගෙන තිබෙනවා. මේ ආදි වශයෙන් අලි ගැට පේර වනාහි විශේෂයෙන් ගර්භණී සහ කිරි දෙන සෑම මවක්‌ මෙන්ම බාල මහලු හැම දෙනෙකුම නිතර සේවනය කළ යුතු අනර්ඝ පලතුරක්‌ බව තහවුරු වෙයි

ගොටුකොළ

අපගේ හිස්‌ කබල විවෘත කර බැලුවහොත් එය රැළි වැටුණු ස්‌වරූපයක්‌ පෙන්නුම් කරයි. මෙය හරියට ගොටු කොළ පත්‍රයක මතු පිට පෙනුම සිහි ගන්වයි. ගොටු කොළ පිළිබදව දැනට සිදුකර තිබෙන පර්යේෂණ බොහොමයකටම අනුව මෙම ශාකය ස්‌නායූ පද්ධතිය සහ මොළයේ ක්‍රියාකාරිත්වය සඳහා අවැසි ටි්‍රටර්පීන්ස්‌ සැපොනින් (Triterpenes saponin compounds) සංඝටක වලින් පොහොසත් ය. මෙයට අමතරව ටි්‍රටර්පීන්ස්‌ සැපොනින් සංගටක රුධිර සංසරණ පද්ධතිය දියුණූ කරන්නටත් සමේ සහ කෙස්‌ වල නීරෝගීභාවය වැඩිදියුණූ කරන්නටත් ඉවහල් වෙයි. මොළයට මෙන්ම සිරුරේ නිසි ක්‍රියාකාරිත්වයට අවැසි වන විටමින් සහ ඛනිජ ලවන රාශියක්‌ ද ගොටුකොළ තුළ අන්තර්ගත වෙයි. එමෙන්ම ගොටු කොළ ශරීර ප්‍රතිශක්‌තිකරණ පද්ධතිය වැඩි දියුණූ කිරීමේ ගුණ සහ පිළිකා නිවාරණ කිරීමේ ගුණ ද ඇති බව සොයා ගෙන තිබෙනවා

මුකුණුවැන්න

මුකුණුවැන්න පත්‍රයක හැඩය අනෙක්‌ ශාක පත්‍ර වලට වඩා වෙනස්‌ ආකාරයක්‌ පෙන්නුම් කරයි. මුකුණුවැන්න පත්‍රයක්‌ අපේ ඇස උඩින් තැබුවහොත් එය හරියට ඇසක ස්‌වරූපය පෙන්නුම් කරයි. මුකුණුවැන්න ඇසේ පෙනීම වැඩි දියුණු කරන්නට හේතු වන බීටා කැරොටින් (විටමින් ඒ ) ඇතුළු පෝෂ්‍ය පදාර්ථ රාශියකින්ම අනූන ආහාරයකි

තක්‌කාලි

තක්‌කාලි ගෙඩියක්‌ දික්‌ අතට පලා නිරීක්‌ෂණය කළහොත් එය කර්ණිකා දෙකකින් සහ කෝෂිකා දෙකකින් සැදුම්ලත් අපගේ හදවතේ අභ්‍යන්තරය සිහි ගන්වයි. තක්‌කාලි වනාහි හදවතේ නීරෝගිකම සහ හදවත් රෝග වලින් වළකින්නට ඉවහල් වන ලයිකොපීන් (Lycopene) නමැති ශාක රසායනිකයෙන් අනූන ආහාරයක්‌ වෙයි. මෙහිලා අවධාරණය කළ යුතු තවත් වැදගත් කාරණාවක්‌ වන්නේ කාබනිකව වගා කරන වැඩිදියුණු නොකළ සම්ප්‍රදායික තක්‌කාලි ප්‍රභේදවල ලයිකොපීන් සියයට අසූවකින් වැඩියෙන් අන්තර්ගත වන බවය

කැරට්‌

කැරට්‌ අලයක්‌ හරස්‌ අතට කපා නිරීක්‌ෂණය කළහොත් එය අපගේ ඇසේ කුණීතයේ හැඩය සිහි ගන්වනු ඇත. කැරට්‌වල විටමින් ඒ සුලභව තිබෙන බව අප කවුරුත් දන්නා කාරණාවකි. සාමාන්‍යයෙන් කැරට්‌ ග්‍රෑම් සියයකින් අපගේ දෛනික විටමින් ඒ අවශ්‍යතාවයෙන් සියයට 113 ක්‌ පමණ ලැබේ. විටමින් ඒ වනාහි ඇස්‌වල පෙනීම සහ විශේෂයෙන් වියපත් වීමේදී ඇසට සිදු වන හානි වැළැක්‌වීම සදහා අත්‍යවශ්‍ය වන විටමිනයක්‌ වෙයි

ලීම ඇට

මෑ. ලීම. බෝංචි වැනි පියලි ඇට වර්ග වල මතු පිට පෙනුම මිනිස්‌ වකුගඩුවක හැඩය සිහි ගන්වයි. මෑ, ලීම සහ බෝංචි ඇට වල අන්තර්ගත වන පෝෂක සංඝටක වකුගඩු වල නිරෝගිභාවය සඳහා බෙහෙවින්ම ප්‍රයෝජනවත් වන අතර, රතු, නිල්, දම් වැනි වර්ණයන්ගෙන් සැදුම් ලත් මෙම ඇට වර්ග. එම වර්ණ වලට හේතු වන ප්‍රොඇන්තොසයනින් වැනි ශාකරසායනිකයන්ගෙන් පොහොසත් ආහාර වෙයි. මේවායේ තිබෙන ශාඛ රසායනිකයන් වකුගඩු රෝග, හදවත් රෝග සහ පිළිකා රෝග වලින් ආරක්‌ෂා වන්නට ද කෙනෙකුට බෙහෙවින්ම ප්‍රයෝජනවත් වෙයි. අනෙක්‌ අතට පියලි ඇට වර්ග ෆොලික්‌ අම්ලයෙන්ද පොහොසත් ආහාරක්‌ වෙයි. ෆොලික්‌ අම්ලයේ ක්‍රියාකාරිත්වය පිළිබද ඇමරිකානු කොලරාඩෝ සරසවියේ සිදු කර ඇති නවතම පර්යේෂණයකින් හෙළි වී තිබෙන තොරතුරු අප මවිත කරවයි. රුධිරයේ අන්තර්ගත ආසනික්‌ නමැති අධික විෂ සහිත බැරලෝහය සියයට 40 න් මූත්‍ර මගින් ඉවත් කර වන්නට ෆොලික්‌ ඇසිඩ් වලට පිළිවන් බව සනාථ වී තිබීම එයට හේතුවයි. ඒ අනුව මෑ, ලීම වැනි ආහාර සුලභව ගැනීම වකුගඩුවල නිරෝගි පැවැත්මට වෙසෙසින්ම ඉවහල් වන බව පෙනී යයි

ජම්බෝල

මහ නාරන් නොහොත් මහ සිදරම් යන නම්වලින් ද හැඳින්වෙන ජම්බෝල පලතුර වනාහි මේ දිනවල සුලභව දකින්නට තිබෙන පලතුරකි. මෙහි බාහිර ස්‌වරූපය ස්‌ත්‍රියකගේ පියයුරක හැඩය පෙන්නුම් කරයි. ජම්බෝල පොත්තේ. මදයේ සහ මදයත් පොත්තත් අතර තිබෙන ස්‌පොන්ජිමය ආවරණය තුළ පියයුරු පිළිකා රෝග මර්දනය කරන්නට සමත් ක්‌වසටින් Quercetin සහ හෙස්‌පෙරිඩින් Hesperidin වැනි දුර්ලභ ලැවනොයිඩ වර්ග රාශියක්‌ම නිස්‌සාරණය කර ගන්නට විද්‍යාඥයින් සමත් ව තිබෙනවා

මෙයට අමතරව ජම්බෝල ග්‍රෑම් සියයකින් විටමින් සී දෛනික අවශ්‍යතාවයෙන් සියයට 73 ක්‌ පමණ ලබා ගන්නට පිළිවන විටමින් සී වනාහි පිළිකා පරදන ප්‍රතිඔක්‌සිකාරක ගුණ ඇති විටමීනයක්‌ ද වෙයි. මෙම පලතුර පොටෑසියම් අධික සහ සෝඩියම් නොමැති පලතුරක්‌ වන බැවින් හදවත් රෝගීන්ට සහ අධික රුධිර පීඩනයෙන් පෙළෙන රෝගීන්ට ද දිව ඔසුවක්‌ වෙයි. එනමුත් පොටෑසියම් අධික ආහාර වකුගඩු ආබාධ වලින් පෙළෙන රෝගීන්ට අහිතකර වන බව මතක තබා ගැනීම වැදගත් වෙයි. බටහිර ඖෂධවල විෂ හරණ ක්‍රියාවලියට බාධා කරන රසායනික සංගටක ද ජම්බෝල වල සුලු වශයෙන් තිබෙන නිසා ඉංග්‍රීසි බෙහෙත් බොන රෝගීන්ට ද ජම්බෝල හිතකර වන්නේ නැත. කෙසේ වෙතත් සාමාන්‍ය නිරෝගි ළමා මහලු හැමෝටම විශේෂයෙන් ස්‌ත්‍රීන්ට ගුණදායක පලතුරක්‌ ලෙස ජම්බෝල සැලකිය හැකිය

ජපන් ජාතික මහාචාර්යවරයෙකු දිනක්‌ බණ්‌ඩාරවෙල ප්‍රදේශයේ පාසැලකට පැමිණියේය. සිමෙන්ති පඩි පෙළ දිගේ ගමන් කරමින් සිටි ඔහු සිමෙන්ති බදාමය අස්‌සෙන් අසීරුවට එහෙත් සරුවට වැවී තිබුණු ගොටුකොළ පදුරක්‌ දෙස මහත් විශ්මයෙන් යුතුව බලා සිටුණු පෙනිණ. -අපේ රටේ මේ වටිනා දිව ඔසුව වගා කර ගන්න අපි පුදුම දුකක්‌ වි`දිනවා. උඹලගේ රටේ විසි කරත් හැදෙන මේ ඖෂධය පාගා ගෙන යනවා. උඹලට කවදානම් මොළය පෑදෙයි ද….” ජපන් මහාචාර්යවරයා එසේ කීය

ඉදුණු ජම්බෝල ගෙඩි වලින් පිරුණු ජම්බෝල ගසක්‌ එක්‌තරා නිවසක්‌ අසල තිබෙනු රාජකාරි ගමණක්‌ යමින් සිටි මා හට දිනක්‌ දකින්නට පිළිවන් විය. එම නිවසේ සාමාජිකයින්ට මා ජම්බෝලවල ගුණය පිළිබද කියා දුනිමි. ඊට වසරකට පමණ පසු එම නිවස අසලින් නැවත වතාවක්‌ ගමන් කරමින් සිටි මා හට අර ජම්බෝල ගස කපා දමා තිබෙනු නිරීක්‌ෂණය විය. අවාසනාවක මහත. එම නිවසට අල්ලපු නිවසේ සිටි ස්‌ත්‍රියක්‌ පියයුරු පිළිකා රෝගයෙන් පෙළෙන බව දැන ගන්නට හැකි විය. අනේ අර ජම්බෝල ගස කපා නොදා ජම්බෝල ආහාරයට ගත්තානම් අර කාන්තාවට සමහර විට පියයුරු පිළිකා රෝගය නොවැළදී තිබෙන්නට පිළිවන් බව එවෙලේ මට සිතිණ

ස්‌වභාව දහමට නොව රූපවාහිනියේ වෙළෙද දැන්වීම්වලට සංවේදී අපි බොහෝ දෙනෙකු ස්‌වභාවදහමේ පණිවුඩ කියවා ගන්නට අපොහොසත් වෙමු. ඒ නිසා ලංකාවේ මිනිසුන් බොහෝ දෙනෙකු මිය යන්නේ දේවල් නොමැතිකම නිසා නොව දේවල් පිළිබද නොදන්නාකම නිසාවෙන් බව අවධාරණය කරනු කැමැත්තෙමු

ගැමුණු සාලිය පෙරේරා , උපදේශක, වස විස නැති ආහාර ජාතික වැඩසටහන, උපායමාර්ගික ව්‍යවසාය කළමනාකරණ ආයතනය

ලිපි මුලාශ්‍රය – දිවයින පුවත්පත

Source Link : Wishma Lokaya

එක මිනිසෙක් පමණක් ජිවත් වන ලංකාවේ ගමක් – දන්දෙණියාව ගමේ නමයි – හීන් බණ්ඩා එකම කෙනයි

අප හෙළ රජ දවසට අදටත් පෙම් බඳින්නේ අපගේ ඵෙතිහාසික උරුමයත්, පැවැත්මත් එ දවස සිට ලියෑවී , රුධිරය හා බද්ධ වී ඇති නිසාය. එබැවිනි ඒ දවස පැවැති උරුමයන් සියෑසින් දැක සනහාලන්නට තැන තැන සරන්නේ. රජරට රාජධානියේ සිට රෝහණ රාජ්‍යය වෙත යන මාර්ග වැටී තිබුණු දන්දෙණියාව, මහනුවර හා මාතලේ සීමාවේ ඇති සුන්දර ගම්මානයකි . වචනයේ පරිසමාප්ති අරුතින්ම ගම්මානයක සිරියාව ගෙන එන මේ ගම්මානයේ අපූර්වත්වය වඩාත් තීව්‍ර වන්නේ, ගම්මානයේ අදට වසන එකම එක මිනිස්‌ පුළුට මහගෙදර හීන් බණ්‌ඩා නම් පාරම්පරික වෙද මහතා වීමය. දන්දෙණිය නමින් රජකාලයේ පටන් පැවැති ගම අදටත් ආරක්‌ෂාවී තිබෙන්නේ හීන් බණ්‌ඩා වෙද මහතා නිසාය. දන්දෙණිය ගමේ අද වාසය කරන්නාවූ එකම පුද්ගලයා ඔහුය

කිලෝ මීටර අටක පමණ දුරක්‌ ගෙවා හීන් ගඟ මායිම ඔස්‌සේ නකල්ස්‌ රක්‌ෂිතයේ කොටසක්‌ද පසු කරමින් ඉදිරියට ගිය තැන මීමුරේ, ගලමුදුන, හෙට්‌ටිපොළ, සුළුගුණේ, ගොඩඋල්පත යන ගම්මාන වලින් වටවී තිබෙන දන්දෙණිය ගමට සුළු ගුණේ සිට ඒම සඳහා පැය තුනක්‌ පමණ ගතවන්නේය. රණමුරේ, මීමුරේ, දන්දෙණියාව, සුළු ගුණේ යන මේ ගම්මාන හුදෙකලා ගම්මාන ලෙස හැඳින්විය හැකිය.. රජ සමයේ ගබඩා ගම් ලෙස මේවා පැවතුණේ ය . දන්දෙණිය නාමය ඒදවස පටන් නිර්මාණය වී ඇත්තේ, එහි කුඹුරු යායේ අස්‌වැන්න දන් පිළිගැන්වීමේ කටයුතුවලට පමණක්‌ යොදා ගත් නිසාය. පෙර රජ දවස මෙම ගම්මානවල ජනයා විසූ බවට සාධක ඇති මුත්, කාලය ගෙවී යත්ම මිනිස්‌ අවශ්‍යතා සඳහා පහසුකම් අවම වීම මත, මිනිසුන් මේ ගම් අතැර ගොස්‌ ඇති බව හීන්බණ්‌ඩා වෙද මාමා කියන්නේය.

කිලෝ මීටර හතරකට එහා එක්‌ නිවසක්‌ හෝ දක්‌නට නොමැති දන්දෙණියාව කුරුල්ලන්ගේ ගී හඬ දසත පැතිරෙන්නේ ඝන කැලෑවක ඇති නිහඬතාවය සිහි ගන්වන්නේය. යන්තම් හෝ නිහඬතාවය බිඳ හෙළමින් හීන් ගඟ පහලට ගලා බසින්නේ, ගරු ගාම්භීරත්වය විදහාපාමිනි. ඒ දවස පටන් වැපුරූ කුඹුරු අක්‌කර දහස්‌ ගණනක්‌ පුරන්ව ගොස්‌ ඇති අයුරුත් , පුරන්වූ කුඹුරු වල තණ උලාකමින් දිවි ගෙවන මී හරක්‌ රෑන්වල නිදහස්‌ බව ජීවිතයේ සුන්දර බව අපට සිහි කෙළේය. මිනිස්‌ පුළුටක සුවඳ ආගන්තුකවූ නිසාම මී හරක්‌ රෑන අප දෙස විමතියෙන් බලා උන්හ

ගමක සිරියාව අසිරියෙන් නොදකින වත්මන් දුවා දරුවන් වෙනුවෙන් අපේ ගම තනවා ගමක අසිරිය දකින්නට වත්මන් බලධාරීන් කටයුතු කරන්නේ අදටත් නොනැසී පවතින සාම්ප්‍රදායික ගම ඔවුන් හෝ නොදැක ඇති නිසාය. හීන් බණ්‌ඩා වෙද මාමා වෙසෙන දන්දෙණිය , ඒ ආසන්නයේ ඇති රණමුරේ, මීමුරේ, සුළු ගුණේ යන ගම්මාන වල සැබෑ ගැමි සුවඳ හරි අව්‍යාජය. සතා සීපාවා පවා අදටත් එළිබසින්නේ සූර්යය උදාව හා බැසයාම හා බද්ධ වුණු කාල හෝරාවන්ට අනුගතවය.

“සතා සිවුපාවා ඉර නැග එනතුරුම මේ අහල පහල වෙසෙනවා ඒ නිසා මට තනියක්‌ නැහැ. හිටපු ගමන් අලි එනවා. මට උන්ගෙන් කරදරයක්‌ නැහැ .. උන් මාව දැක්‌කත් ළඟින් ගියත් නොදැක්‌ක ගාණට යනවා. මගෙන් හානියක්‌ නැහැ කියලා උන්ට දැනෙනවා ඇති. රෑ බෝ වෙද්දිත් සත්තු එහෙ මෙහෙ යනවා ඇහෙනවා … දැනෙනවා. ඒ නිසා මට කිසිම බයක්‌ සැකක්‌ නැහැ. මේ සොබා දහම තරම් සැපතක්‌ වෙන කොහෙද….?” හීන්බණ්‌ඩා වෙද මාමා කියයි.

හීන් බණ්‌ඩා මාමා වෙසෙන තැන අතිශය පවිත්‍රය. ගලා බසින ජලය හාත්පස විනිවිද පෙනෙන වීදුරු කැටයක්‌ බඳුය. ගහට කොළට නිය තුඩකින් හෝ හානියක්‌ සිදු කොට නැති, වැලි කැටයකට නොරිදෙන සේ පා තබමින් මිහිකත සනහාලන හීන්බණ්‌ඩා වෙද මාමා පාරම්පරික වෙදකම පිළිබඳව වූ දැනුමින් පොහොසත්ය. මනුසත්කම ඉහවහා ගිය ලෙන්ගතුකමින් යුතු වෙද මාමා , අතීත සිදුවීම්වලට ලොල් බඳින්නේය.

“මේ ගම්මාන රජකාලේ ඉඳලා පැවත එන ඒවා. එදා හිටි ගම්මු තම තමන්ගේ දියුණුව ගැන හිතලා නගරයට ගිහින්. ඒ කාලේ හිටි ගමේ වැඩිහිටි පිරිස අතර තිබුණ පාරම්පරික දැනුමත් ගමත් සමඟ අභාවයට ගිහින්. නොයෙක්‌ ඇදහිලි ක්‍රම, කෙම් ක්‍රම, ඖෂධ වට්‌ටෝරු, ශ්ලෝක මේ පාරම්පරික ගම්මානවල වැඩි හිටියන් දන්නවා. ඒවා කොහේවත් ලිඛිතව සුරක්‌ෂිතවී නැහැ. රටට වෙන බරපතළම හානිය මේ ගම්මාන සමඟම අපේ පාරම්පරික දැනුමත් අභාවයට යැමයි……” වෙද මාමා සිතේ උපන් සැබෑ වේදනාවෙන් කියා සිටින්නේ පාරම්පරික දැනුමෙහි ඇති බලය, යුතුකම් වගකීම් ඔස්‌සේ ඉදිරියට ගෙනයැමට දැන් මගක්‌ නැති බව දත් නිසාය.

දන්දෙණිය යන නාමය මෙරට ගම්මාන ලැයිස්‌තුවේ තවමත් නොමැකී තිබෙන්නේ හීන් බණ්‌ඩා වෙද මහතා නිසාවෙන් බව කීමට අටුවා ටිකා ටිප්පිනි අවශ්‍ය නැත… “මගේ දරුවෝ පදිංචි වෙලා ඉන්නේ මීමුරේ. මම උපන්නේ මේ ගමේ. මැරෙන්නෙත් මේ ගමේ. අහල පහලක මිනිස්‌ පුළුටක්‌ නැති වුණාට මේ ගස්‌වැල් මගෙත් එක්‌ක කතා කරනවා. හීන් ගඟ මගේ තනියට සින්දු කියනවා. තනිකම මහ අරුමයක්‌ නොවෙයි …. තනිකම මනස තවදුරටත් දැනුමෙන් පුරවනවා” හීන් බණ්‌ඩා වෙද මාමා පවසන්නේ ගමක මිනිසෙකු තනිවම ජීවත් වීම අපට අරුමයක්‌ වීම බිද හෙළමිනි.


“මම සතියකට විතර සැරයක්‌ මීමුරේ පුතාලගේ ගෙදර ගිහින් දවසක්‌ දෙකක්‌ ඉඳලා එනවා. ඊට වැඩිය එහේ ඉන්න මගේ හිත දෙන්නේ නැහැ. මගේ තාත්තා පාරම්පරික වෙදෙක්‌. ඒ වෙදකම තාත්ත ගෙන් මට උරුම වුණා. දැන් පුතාලත් වෙදකම් කරනවා. ඉස්‌සර මේ ගමේ පවුල් තිහක්‌ හතළිහක්‌ විතර ජීවත් වුණා. ගමට වාහනයක්‌ එන්න පාරක්‌ නැහැ. අපි අඩි පාරවල් දිගේ තමයි හැමදාම කඩපිළට ගියේ. හැතැප්ම අට දහය බඩු ඔළුවේ තියාගෙන තමයි ගමට ගේන්නේ. මීමුරේ ග්‍රාම සේවා වසමට තමයි මේ ගම අයිති. මෙහේ ඉඳලා මීමුරේට සැතපුම් පහක්‌ විතර තියෙනවා. මේ දුර දැනුත් අපි යන්නේ පයින්. මීමුරේ වසමට අයිති වෙලා තිබ්බ කැලේවත්ත, ඉළුක්‌හේන ගම් දැන් මිනිස්‌සු නැතුව පාළුවට ගිහින්. මම නැති දවසට මේ ගමට අත් වෙන්නෙත් ඒ ඉරණමම තමයි. දන්දෙණියේ ඉඳලා මීමුරේට යන්න දිඹිගොල්ල ඔය හරහා යන්න ඕන. මෙහේ ළමයි පාසල් යන්න ඕන මේ ඔය හරහායි. හැතැප්ම පහ හයක්‌ පයින් හැමදාම යන්න එන්න ළමයෙකුට අමාරුයි. අනිත් පැත්තෙන් වන අලි. වැස්‌ස කාලෙට ඔය උතුරනවා. එතකොට කොහොමත් යන්න බෑ. මේ හින්දා දරුවෝ පාසල් යන වයසට ළං වෙනකොට ගමේ අම්මාලා තාත්තලා ගම අත්හැරලා මී මුරේට හරි හෙට්‌ටිපොළ ගොඩඋල්පත හරි පදිංචියට ගියා. එක්‌කෙනා දෙන්නා මෙහෙම ගිහින් අන්තිමට මම විතරයි ඉතුරු වුණේ. දැන් අවුරුදු ගණනාවක්‌ මම මේ ගමේ තනියම………” හීන් බණ්‌ඩා වෙද මාමා පවසයි.

වයස අවුරුදු හැත්තෑවක්‌ වුවද ඔහු තවමත් තරුණයෙකු මෙන් ජව සම්පන්නය. වෙදකමට අමතරව මහ පොළව සමඟ පොර බදමින් කුඹුරු කළ හෙතෙම තම දූපුතුන් බලන්නට සතියකට වරක්‌ හෝ දෙවරක්‌ සැතපුම් පහ හයක්‌ පයින් යන නිසාම නගරයේ බහුලව දක්‌නට ලැබෙන රෝග ලැයිස්‌තුවේ රෝගවල ගොදුරක්‌ බවට ඔහු පත්ව නැත…

” මීමුරේ, සුළුගුණේ, ගලමුදුන කියන ගම්වල මිනිස්‌සු තාමත් අසනීපයක්‌ උනාම මාව හොයාගෙන එනවා. ඒ අයට යන්න බැරි නම් මම ලෙඩා ළඟට ගිහින් බෙහෙත් කරනවා. මේ අහල පහලක ඉස්‌පිරිතාලයක්‌ නැහැ. පොලිසිය උඩුදුම්බර. ඒකට යන්න හැතැප්ම තිහකට වඩා දුර යන්න ඕන. ඉස්‌සර මේ කුඹුරු වලින් පුදුම අස්‌වැන්නක්‌ ගත්තේ. යල මහ දෙකම වැඩ කළා. මේ පොළව ඒ තරමට සරුයි. අද කුඹුරක්‌ කරන්න කෙනෙක්‌ නැතුව අක්‌කර දහස්‌ ගාණක්‌ පුරන් වෙනවා.. ” වෙද මාමා එසේ කියා සිටියේ ශෝකය පිරි හඬකිනි.

“මාතලේ හෙට්‌ටිපොළ ගුරුවල ඉඳලා කිවුල මැඩියෙන් බතලවත්තට දැන් පාර කපලා තියෙන්නේ… ඒ පාර අපේ මේ ගම්මාන හරහා මීමුරේට සම්බන්ධ කරන්න තව හැතැම්ම පහක්‌ විතර තියෙන්නේ. මේ පර හැදුවොත් නුවරයි මාතලෙයි මේ පැත්තෙන් එකතු වෙනවා. අනිත් පැත්තෙන් ගමට පාරක්‌ ආවොත් ගිය මිනිස්‌සුත් ආයේ මේ ගමට එයි. මොකද එයාලගේ සින්නක්‌කර ඉඩම් තාමත් මේ ගමේ තියෙනවා. මම මැරෙන්න කලින් ඒ පාර හදයි කියලා මම බලාගෙන ඉන්නවා. එක මනුෂ්‍යයෙකුට යන්න එන්න පාරක්‌ මොකට කියලා බලධාරීන් අදටත් මගෙන් අහනවා… ඒ අයට තේරුමක්‌ නැහැ… මේ ඉතිහාසගත ගම් බිම්වල තියෙන වටිනාකම. මේවායේ අයිතිකරුවන්ට ඉතිහාසයත් එක්‌ක ලේ බැඳීමක්‌ තියෙනවා. ඒ නිසා මේවයේ උපන් එවුන් මේවා වනසන්නේ නැහැ. හීන්බණ්‌ඩා වෙද මාමා හිස්‌ අහස දෙස බලා කියා සිටියේය.

ලිපි මුලාශ්‍රය – දිවයින

Source Link : Wishma Lokaya

විවිධ රෝගවලට ගුණ දෙන ඖෂධිය කැඳ වර්ග

ගොවිතැන සිය ජීවනෝපාය කරගෙන ජීවත්වන ඈත ගම් දනව්වල සමහර ගැමියන් තවමත් උදෑසන ආහාරයට කොළ කැඳ කෝප්පයක් හෝ දෙකක් ගන්නේ ඉන් ලැබෙන ගුණය දන්නා නිසාවෙනි. උදෑසනට කිරි තේ හෝ කහට තේ බොන්නට බොහෝ දෙනා පුරුදුව හිටියත් කොළ කැඳ කොප්පයක් රහ බලා තම දෛනික කටයුතු අරඹන්නේ ප්‍රබෝධයෙන් හා උනන්දුවෙන් යුතුවයි. සිරුරට පහසුවෙන් අවශෝෂණය කරගත හැකි ලෙස කොළ කැඳ සාදාගත හැක්කේ ශාකයක හෝ වැලක කොළ පොතු මුල් සහ අල උපයෝගී කරගෙන දිරවීමට පහසුවන පරිදි සැකසීමෙනි.

වස විසෙන් තොරයි

කිසිදු රසායනික ද්‍රව්‍යක් අඩංගු නොවන සිරුරට ශක්තිජනක පානයක් ලෙස වෙසෙසින් ම හඳුන්වා දිය හැකි කොළ කැඳ ඖෂධීය ගුණය ඇති විශේෂිත පානයකි.

ඖෂධීය ගුණයෙන් වැඩියි

ලංකාවේ ගබ්බදව ජීවත්වන ගැමියන් දෛනිකව මෙවැනි ගුණාත්මක බවින් වැඩි කොළ කැඳ වර්ග භාවිතා කරයි. බාල මහළු, රෝගී හා නිරෝගී අයටත් කැඳ වර්ග පානය කිරීම බොහෝ ගුණ දෙන බැවින් සමහරුන් මේ සඳහා ගුණාත්මක බව වැඩි කරගැනීමට දේශීය ඖෂධීය ගුණැති සහල් වර්ග උපයෝගී කරගනියි. වර්තමානයේ වස විසෙන් තොර ආහාර රටාවකට හුරුවන්නට අවශ්‍ය නිසා සාමාන්‍යයෙන් මෙම සහල් වර්ගයන් මිල අධික විම නිසා ප්‍රධාන ආහාරවේලට භාවිතා නොකළත් උදෑසන ඔබේ තේ පානය වෙනුවට මේ දේශීය සහලින් සැදු කොළ කැඳ පානයක් ලෙස ගන්නේ සෞඛ්‍යට වඩාත් හිතකර නිසයි. එසේම කැඳ සැදීම සඳහා ඕතඥදඤඥප එක වෙනුවට පුරාණයේ මෙන් වංගෙඩියේ දමා කොටා ගතහැකි නම් එය වඩා සුදුසුයි. නියම පෝෂණ හා ඖෂධීය ගුණයේ ඉහළ වටිනාකමක් ඒ කැඳවලට ලැබෙන්නේ එවිටයි.

සෞඛ්‍යට හිතකරයි

කොළ කැඳ ප්‍රධාන කොටස් 2 ට ආයුර්වේදයට අනුව පෙන්වා දිය හැකියි. ඖෂධීයව එකක් හා අනෙක පෝෂණීයව කොළ කැඳ ලෙස සිරුරේ පැවැත්මට හා පෝෂණයට අවශ්‍ය වන පරිදි ස්වභාවධර්මයා අපට දායාද කර දී ඇත.

ඖෂධීය කොළ කැඳ

විවිධ රෝගාබාධවලට ඔරොත්තු දිය හැකි කැඳ වර්ග පරිසරයෙන් අපට හමුවේ. මේ අනුව අල වර්ග, කොළ වර්ග, පොතු වර්ග, ඇට වර්ග ඖෂධීය කැඳ ලෙස භාවිතා කෙරේ. ඒ සඳහා උදාහරණ ලෙස කරංපිචා කොළ, කොහිල අල කැඳ, එළබටු දළු කැඳ, හීන් බෝවිටියා සහ මුලින්ම ගෙන සාදාගන්නා කැඳ, ගොටු කොළ කැඳ, යකිනාරං කොළ කැඳ, සහ දිවුල් කොළ කැඳ යනුවෙන් හඳුන්වා දිය හැකියි.

පෝෂණීය කැඳ

මෙහිදී රෝගාබාධයක් නොමැතිව සිටින සිරුරේ හිතකර සෞඛ්‍ය තත්ත්වය නඟාසිටුවීමට උදෙසා පෝෂණීය කැඳ ලබාදේ. ඒ වගේ නිරෝගී පුද්ගලයන්ට මෙවැනි කැඳ වර්ග නිර්දේශ කරනු ඇත. උදා – හාතාවාරිය කොළ කැඳ, මොණරකුඩුම්බිය, මුල් හැර අන් සියළුම කොටස් කොළ කැඳ වලට භාවිතා කරයි. ඉරමුසු කොළ කැඳ, මුගුණුවැන්න, කුරක්කන් කැඳ, මුං ඇට කැඳ, බැඳි හාල් කැඳ, මෙනේරි කැඳ

බැඳි හාල් කැඳ

අවශ්‍ය ප්‍රමාණයට හාල් ගෙන සෝදා පිරිසුදු කර කබලෙ දමා බැදගන්න. රන්වන් පාට වන තෙක් බැඳ පසුව එය වෙනම භාජනයකට වතුර සමඟ එක්කර ටික වේලාවක් ගිය පසු පොල්කිරි හා අවශ්‍ය පදමට ලුණු එකතු කර බැඳි හාල් කැඳ සාදාගත හැකියි. ඕනෑම රෝගාබාධයක් සැදී සුව වූ විට පළමුවෙන් ම දෙන්නේ මේ බැඳි හාල් කැඳයි.

මෙහිදී සහල් බැදගත් නිසා පවතින සුවිශේෂී ගුණය වන්නේ අන්ත්‍රවලදී වැඩි ප්‍රමාණයක් හොඳින් අවශෝෂණය කිරීමට හැකිවීමයි. මෙහි දී ක්ෂණික ශක්තියක් ලැබේ. මේ කැඳවල සාන්ද්‍රණය හොඳින් පවතින බැවින් කැඳ සුළු ප්‍රමාණයකින් වුවත් සිරුරේ ශක්තිය ලැබේ. අන්ත්‍රගත රෝගාබාධ වලදී මෙය වඩාත් සුදුසුයි. අන්ත්‍රගත රෝගයේ ඝණ ආහාරයක් ගත්විට එය දිරවීමට අපහසුය. නමුත් බැඳි හාල් කැඳ වලින් ලැබෙන දිරවීමේ පහසුබව නිසා හොඳින් සිරුරට අවශෝෂණය වී පෝෂණය ලැබේ. එවිට ඝණ ආහාර ලබාගැනීමට අවශ්‍ය මුලික පදනම වැටෙනු ඇත.

කරපිංචා කොළ කැඳ

පාරම්පරිකව එන දේශීය වෛද්‍යවරු චිරාත් කාලයක පටන් ගෙන භාවිතා කරන විෂ නසන කරපිංචා කොළ කැඳ විශේෂයෙන් සර්ප විෂට යොදා ගැනේ. කරපිංචා කොළ ඕනෑම අවස්ථාවක දී සර්ප විෂ නසන්නට විශේෂයෙන් දේශීය චිකිත්සාවේ දී ඕනෑම වෛද්‍ය පරම්පරාවකට අදාලව භාවිතා කරයි. කරපිංචා කොළ වංගෙඩියක දමා කොටා ගත් යුෂට පොල්කිරි සමඟ හාල් අවශ්‍ය පමණට එකතු කර ඇති තෙක් ලුණු ද දමා රත්කර කැඳ සදා ගත හැකියි. හාල් එක් කිරීමේදී සුවඳැල් වැනි දේශීය ඖෂධීය හාලක් භාවිතා කරන්නේ නම් උපරීම ප්‍රථිඵල ලබාගත හැකියි.

හීන් බෝවිටියා කොළ කැඳ

දේශීය වෙදකමේ විශේෂයෙන් භාවිතා වන්නේ සෙංගමාලය රෝගටයි. අක්මාව ශක්තිමත් කරන කැඳ වර්ගයකි. මෙහි මුළුමනින්ම ඇත්තේ ඖෂධීය ගුණයයි. සෙංගමාලයට සිදු කරන ප්‍රතිකාර පංතියේදී එක් ඖෂධයක් ලෙස ද හීන් බෝවිටියා කොළ කැඳ ලබාදෙයි. එහි පවතින ගුණ අනුව අද බහුලව පවතින කොලොස්ටරෝල් වලට හිතකර ලෙස ද භාවිතා වේ. ඒ සඳහා ප්‍රතිකාර ගන්නා අතරේ දී අමතර පානයක් ලෙස මෙය එක දිගට දිනපතා එක්වේල බැගින් සතියක් ගැනීමෙන් ඖෂධවල ගුණාත්මක භාවය ලබාගත හැකියි. කැඳ සඳහා බෝවිටිය සහමුලින්ම ගනියි.

කොහිල අල කැඳ

දිනපතා භාවිතා කළ හැකියි. විශේෂයෙන් අර්ශස් රෝගී අයට සුදුසුයි. බඩවැළ පහත්වීම (ගුදභ්‍රංෂය) ගත රෝග තත්ත්වයේදී ප්‍රත්‍යක්ෂ ඖෂධයක් ලෙස ගනී. කොහිල අල පොතු හැර මදය කෑලි වලට කපා ගාගන්නා ලද පොල් සමඟ වංගෙඩියේ දමා කොටා මිරිකා ගත් යුෂ සහල් සමඟ රත් කර පදමට ලුණ දමා කැඳ සාදා ප්‍රයෝජනයට ගත හැකියි. මල බද්ධයට විශේෂිතයි. වතුර අඩුවෙන් පානය කරන පිටි සහිත ආහාර ගන්නා අයට මෙය විශේෂිත වේ. එවිට ඔවුන්ගේ මල පිටවීමේ අපහසුව මඟ හරවා ගත හැකියි.

එළබටු කැඳ

විශේෂයෙන්ම ළදරුවන්ගේ සෙම අවස්ථාවලදී භාවිතා කරයි. දළු ගෙන කොටා ගත් යුෂ පසුව පොල් කිරි දමා හාල් ද ඇතුළුව ලුණු දමා රත්කර ප්‍රයෝජනයට ගත හැකියි. ඕනෑම සෙම් හා කැස්ස රෝගයට ගුණ දේ.

හාතාවරිය කැඳ

මෙය පෝෂණීය කැඳකි. හාතාවරිය කොළ කොටා යුෂ මිරිකා ගෙන පොල්කිරි සමඟ මිශ්‍ර කර රත්කර පදමට ලුණු දමා හාතාවරිය කැඳ සාදාගත හැකියි. මෙය ඉතා ප්‍රනීත කැඳකි. සිරුරේ ධාතු ශක්තිය වර්ධනය වෙයි. ක්‍රීඩකයන්ට හා වෙහෙසී වැඩකරන අයට ඉතාම සුදුසු වෙයි.

ස්වර්ණා ආරියවංශ
ලිපි මුලාශ්‍රය – අරෝග්‍යා පුවත්පත

Source Link : Wishma Lokaya

විවාහයට පෙර බැලිය යුතුම පොරොන්දම – සෞඛ්‍ය පොරොන්දම

තරුණියක් සහ තරුණයෙක් යුග දිවියට පිවිසීමට පෙර වෛද්‍යවරයකු හමු වී උපදේශනය ලැබීම අද බොහෝ රටවල දැකිය හැකිය. මෙය ඇත්ත වශයෙන්ම “වෛද්‍ය පොරොන්දම්” ගැලපීම හෝ “සෞඛ්‍ය පොරොන්දම්” බැලීමක් ලෙස හැඳින්වීමට පුළුවන. මෙම වෛද්‍ය උපදේශනයේදී ඔවුන්ගේ අනාගත පවුල් ජීවිතය, විශේෂයෙන්ම ලිංගික ජීවිතය ගැන උපදෙස් ලබාදීම සිදුවීම සාමාන්‍ය දෙයකි. එහෙත් මෙහිදී කෙරෙන ස්වාභාවිකම සහ වැදගත්ම කාර්යභාරය වන්නේ ඒ දෙදෙනා තුළ යම් සෞඛ්‍යමය නොගැලපීම් ඇත්දැයි විමසීම සහ එවැනි ගැටලු විසඳා ගැනීමට උදව් උපකාර කිරීමය.

වෛද්‍යවරයා විසින් දෙදෙනාගේම පවුල්වල සෞඛ්‍ය ඉතිහාසය විමසා බලනු ඇත. ඔවුන්ගේ පවුල් තුළ දියවැඩියාව, හෘදයාබාධ, ආඝාතය, අසාත්මිකතා, අධික රුධිර පීඩනය, ආර්තරයිටිස්, පිළිකා වැනි රෝග පැවතියේ නම් ඔවුන්ට ද අනාගතයේදී එවැනි රෝගවලට ලක්වීමට පවත්නා අවදානම මෙහිදී පෙන්වා දෙනු නිසැකය.

එවැනි ආපද්‍රවකින් මිදීමට ගත යුතු පියවර සහ අවදානම අවම කර ගත හැකි පියවර පිළිබඳ උපදෙස් ද හිමි වනු ඇත. යම් ලෙසකින් ගැහැනු ළමයාගේ පාර්ශවයේ සමීප ලේ ඥාතී කාන්තාවකට (මවට, පුංචි අම්මාට, ආච්චිට) පියයුරු පිළිකාවක් වැලඳී තිබුනේ නම් ඇයට ද ඒ පිළිබඳව විමසිලිමත් වීමේ අවශ්‍යතාව හුවා දක්වනු ඇත.

එසේම කිසියම් සමීප පවුලක දරුවකු විකෘති හෝ ආබාධිත හෝ දරුවකු ලෙස උපත ලබා තිබුණහොත් එයට හේතු සෙවීමද අවශ්‍යය. සමහර විට ජාන පරීක්ෂණයක් සිදු කර එවැනි අවදානමක් ඇති නැති බව විමසිම ද සිදුවිය හැකිය.

විවාහයට පෙර යුවළක් මෙවැනි උපදේශන ලැබීම ශී‍්‍ර ලංකාවෙහි දැකිය නොහැකිය. එය සිදු වෙතොත් ඒ ඉතා කලාතුරකිනි. බොහෝවිට සිදුවන්නේ දරු පිළිසිඳීමක් ඇති වූ පසු කාන්තාව වෛද්‍ය සුපරික්ෂාවට ලක් වීමය. ඔවුන්ට සහ බොහෝවිට කුස තුළ පිළිසිඳුන බිළිඳාට ඒ වනවිටත් යම් අවැඩක් සිදුව තිබිය හැකිය. කෙසේ වෙතත් විවාහ දිවියට පිවිසීමට පළමුව යුවළම විශේෂයෙන්ම කාන්තාවක් විමසා බැලිය යුතු සෞඛ්‍ය ගැටලු කිහිපයකි. ඉන් කිහිපයක් මෙසේය.

මුත්‍ර තුළ ඇල්බියුමින් පවතී දැයි විමසන්න

මුත්‍ර පරීක්ෂණයක් මඟින් මුත්‍ර තුළ ඇල්බියුමින් (ප්‍රෝටීන්) පවතී දැයි සොයා බැලීම වැදගත් වන්නේ සමහරවිට ළමා කාලයේ ඇති වූ මුත්‍ර ආසාදන සහ වකුගඩු රෝග (උදා. නෙප්‍රයිටිස්) හේතුකොට ඇති වූ යම් හානි පවතී දැයි විමසීමටය. එවැනි තත්ත්වයක් ඇත්නම් ඒ සඳහා ප්‍රතිකර්ම යෙදීම වැදගත්ය.

රුධිරය තුළ ප්‍රමාණවත් ‘හිමොග්ලොබින්’ ප්‍රමාණයක් ඇත්දැයි සොයා බලන්න

රුධිර පරීක්ෂණයක් මඟින් ලේ තුළ පවතින රතු රුධිර සෛල ප්‍රමාණය සහ ඒවායෙහි අඩංගු හිමොග්ලොබින් (ඩ්.ඕ) ප්‍රමාණය විමසා බැලීම් මඟින් තමන් නීරක්තියෙන් පෙළෙන – නොපෙළෙන බව සොයාගත හැකිය. එවිට දරු පිළිසිඳීමට පෙර අවශ්‍ය යකඩ අඩංගු ආහාර වැඩිපුර ගැනිම හෝ යකඩ පෙති හෝ පැණි හෝ වශයෙන් ලබාගෙන නීරක්තිය අවම කර ගැනීමට පුළුවන. එය සාමාන්‍ය ජීවිතයේ කාර්යක්ෂමතාව ඉහළ නංවාලීමට මෙන්ම ගර්භණී සමයේ සංකූලතා වැළැක්වීමට ද හේතු වෙයි.

රුධිරගත සීනි ප්‍රමාණය සොයා බලන්න

බොහෝ තරුණ තරුණියන් තමන්ගේ වැරදි දින චර්යාව (වැරදි ආහාර හා ව්‍යායාම නොගැනීම) නිසා තමන් නොදැනුවත්වම දියවැඩියා රෝගයෙන් පෙළෙති. දරු පිළිසිඳීමට ලක් වූ විට කාන්තාවගේ දියවැඩියා තත්ත්වය දරුවාට බලපෑම නිසා දරුවා උපතින්ම දියවැඩියා රෝගියකු බවට පත්විය හැකිය. එහෙයින් විවාහයට පෙර විශේෂයෙන්ම දරු පිළිසිඳීමකට ලක්වීමට පෙර දියවැඩියා තත්ත්වයක් ඇත්නම් එය පාලනය කර ගැනීම ඉතා වැදගත්ය.

තැලසීමියා අවදානම නැති කරගන්න

අප අතරින් සමහරකු තුළ සුළු තැලසීමියයා සාධකය පවතියි. විවාහ වන දෙදෙනා තුළම සුළු තැලසීමියා සාධක ඇත්නම් උපදින දරුවෙකු මහා තැලසීමියා තත්ත්වයට පත්විය හැකිය. එය දරුවාට මෙන්ම පවුලටම අභාග්‍යයකි. එහෙයින් විශේෂයෙන්ම තැලසීමියා අවදානම පවතින ප්‍රදේශවල තරුණ තරුණියන් තමන් තුළ මෙම සුළු තැලසීමියා තත්ත්වය පවතී දැයි සොයා බැලිය යුතුය. යම් ලෙසකින් තමන් තුළ සුළු තැලසීමියා සාධකය පවතී නම් විවාහ විය යුත්තේ එවැනි සාධකයක් රහිත අයෙකු සමඟ පමණය.

රුධිරයේ කොලෙස්ටරෝල් මට්ටම ද විමසන්න

හෘදයාබාධ තත්ත්වයක් තරුණ සහ මැද වයසේ දී ඇතිවීම වැළැක්වීමට මෙය ඉතා වැදගත්ය.

දෙදෙනාගේම රුධිර පීඩනය මැනගන්න.

අධික රුධිර පීඩනය, ගර්භණී සමයේදී දරුණු සංකූලතා ඇති කරයි. එහෙයින්ම රුධිර පීඩනය ගැන දැනුමක් ලබාගෙන එය යම් ඉහළ මට්ටමක් ගන්නේ නම් පාලනයට පියවර ගැනීම වැදගත්ය.

රුධිර ගණය සොයා බලන්න

දෙදෙනාගේ රුධිර ගණ අතර යම් නොගැලපීමක් ඇත්ද යන්න ද සොයා බැලීම වැදගත්ය. පිරිමි සහායකයා ධන රුධිර ගණයක් ද කාන්තාව ඍණ රුධිර ගණයක් ද ඇත්නම් යම් ගැටලු ඇතිවීමේ අවදානමක් පවතියි. මෙම අවදානම අවම කිරීමට ද දැන් වෛද්‍යමය ප්‍රතිකර්ම ඇත.

ඥාති විවාහ නම් එපා

ලේ ඥාතීන්, විශේෂයෙන්ම නෑනා – මස්සිනා අතර විවාහ කිසිම ලෙසකින් වත් අනුමත කළ නොහැක්කේ බොහෝවිට උපදින ළදරුවන්ට අන්ධභාවය, බිහිරි බව, හෘද විකෘතිතා, ස්නායු විකෘතිතා ඇතුළු විකෘති තත්ත්ව ගණනාවක් ඇති කළ හැකි බැවිනි.

මානව ප්‍රතිශක්ති ඌනතා හා හෙපටයිටිස් බී ඇත්දැයි විමසන්න

මානව ප්‍රතිශක්ති ඌනතා (එච්.අයි.වී) ආසාදනය සහ හෙපටයිටිස් බී ආසාදනය යන රෝග තත්ත්වයන් දෙකම රුධිරය හා ලිංගික ස්‍රාව හරහා එක් අයෙකුගෙන් තවත් අයෙකුට බෝවිය හැකිය. එය කුස තුළ වැඩෙන දරුවාට ද වැලඳිය හැකිය. මෙයට අමතරව හර්පීස්, උපදංශය හා ගොනෝරියාව (සුද බිංදුම) වැනි සමාජ රෝග ඇත්ද යන්න පරීක්ෂා කර ගැනීම ද වැදගත් වන්නේ තම තමන්ට පමණක් නොව අනාගත බිළිඳාට ද ඒවා ගැටලු ඇති කළ හැකි බැවිනි.

Source Link : Wishma Lokaya

කටට රසට වටලප්පන් හදන්න මෙන්න පහසුම ක්‍රමය

වටලප්පන් කියන්නේ කව්රුත් බොහොම අසාවෙන් කන්න කැමති කෑමක්නේ. ම්ම්ම් මතක් වෙනකොටත් කටට කෙල උනනවා. හැබැයි මේ වගේ වටලප්පන් මතක් වෙලා කටට කෙළ උනපු හැම අවස්ථාවකම අපි කරන්නේ කඩේකට දුවලා ගිහින් වටලප්පන් සල්ලි දීලා ගන්න එකනේ. එත් මේ රසවත් කෑම වර්ගය අපට කිසිම අපහසුවකින් තොරව අපිට ගෙදරදීම හදා ගන්න පුළුවන්. මේ සදහා අවශ්‍ය කරන බඩු ලිස්ට් එකත් අපිට හරිම ලේසියෙන්ම හොයා ගන්න පුළුවන්. ඔන්න අද අපි ඔබට කියලා දෙන්නේ රසම රස වටලප්පන් එකක් නිවසේදීම හදාගන්නේ කොහොමද කියලා.

මුලින්ම අපි බලමුකෝ මේ සදහා අවශ්‍ය ද්‍රව්‍ය ටික

හකුරු ග්‍රෑම් 250
බිත්තර 5
මිටි කිරි අඬු කෝප්ප 1 1/4
වැනිලා ස්වල්පයක්
කරදමුංගු 2
කරාඹුනැටි 3
කජු මද 10
වියලි මිදි ග්‍රෑම් 10

සාදන අයුරු

මුලින්ම හකුරු හීනියට ගා ගන්න. ගා ගත් හකුරු මිටි කිරිවල හොඳින් දිය කර ගන්න. දිය කරගත් මිශ්‍රණය පෙරා ගන්න. නැත්නම් දිය නොවුණු හකුරු කැබලි තිබිය හැක. මිටිකිරි වෙනුවට පොල් කිරි ක්‍රීම් වුවද භාවිතා කළ හැකිය. දැන් බිත්තර ටික හොදින් බීට් කර ගන්න. මතක ඇතුව බිත්තර බීට් කරද්දි ලුණු පොඩ්ඩක් එකතු කර ගන්න.

එවිට බිත්තර ටික හොදින් බීට් වෙලා තියේවි. බිත්තර වලට දිය කරගත් හකුරු මිශ්‍රණය ටික ටික එකතු කරමින් බීට් කරගන්න. අවසානයට වැනිලා බින්දු කීපයකුත්, සිහින් වෙන්න කුඩු කර ගත්තු කරදමුංගු කරාඹුනැටි කුඩුත් එක්කරන්න. සාදික්කා කුඩු ටිකකුත් අවශ්‍ය නම් එකතු කරගන්න පුළුවන්. මේ රසකාරක, බිත්තර වලින් එන පිලී රසය හා සුවඳ නැති කරනවා මෙන්ම හොඳ රසයකුත් වටලප්පමට එක්කරනවා.

ඇලුමිනියම් බඳුනක හෝ තාපයට ඔරොත්තු දෙන වීදුරු භාජයනයකට හරි මිශ්‍රණය වත්කරගන්න. බඳුනේ කට තෙල් කරදාසියකින් හෝ ඇලුමිනියම් පත්‍රයකින් හෝ ආවරණය කරන්න. පීඩන උදුනනක (Pressure Cooker) නම් විසිල් 5ක් යනතුරු තම්බා ගන්න. හුමාලයෙන් තම්බා ගන්නවා නම් ස්ටීමරය (Steamer) තුළ බහා විනාඩි 30 – 45 ක් (හොඳින් හුමාලය පිට වීමට ගත්තාට පසු) අතර කාලයක් තම්බා ගන්න. කජු සහ වියළි මිදි උඩින් ඉස ශීතකරණයක බහා සිසිල් වු පසු සංග්‍රහ කරන්න.

බලන්න මොන තරම් ලේසියෙන් මේ රසවත් අතුරුපස හදා ගන්න පුළුවන් උනාද කියලා. ඔන්න එහෙනම් ඉක්මණින්ම වටලප්පන් ගෙදරදී හදලා අපිත් එක්ක ඔබේ අත්දැකීම බෙදා ගන්න ඔබට සුබ දවසක්.

Source Link : Wishma Lokaya

නළල ආසන්නයේ හිසකෙස් ගැලවී යාම සඳහා සරල ප්‍රතිකාර ක්‍රම 8ක්

හිසකෙස් සිහින්වී හැලී යාම අතිශය පීඩා ගෙන දෙන කරුණක්. විශේෂයෙන්ම නළල අවට හිසකෙස් වැටියාම නිසා ගැහැණු පිරිමි දෙපාර්ශවයම මහත් අපහසුතාවයකට පත් වනවා. කාන්තාවන්ට මෙම තත්වය ඇති වූ විට එය නැවතත් යතා තත්වයට පත් කර ගැනීම තරමක් අපහසු වන්නට පුළුවන්. කෙසේ වෙතත් මේ සඳහා බලපාන කරුණු හොඳින් අධ්‍යයනය කරනවා නම් මෙම සෞඛ්‍යය ගැටලුව සඳහා විසඳුමක් සොයා ගැනීම එතරම් අපහසු වන්නේත් නෑ.

නළල ආශිත හිසකෙස් ගැලවී යාම යනු නළල ආශිත හිසකෙස් සිහින් වීමයි. මෙම තත්වය ගැහැණු සහ පිරිමි දෙපාර්ශවයටම පොදු වූ තත්වයක්. සෑම පුද්ගලයෙකුගේම වාගේ තට්ටය පැදීම ආරම්භ වන්නේත් නළල දෙපසින්. මෙම තත්වය සඳහා තයිරොයිඩ් බලපෑම්, හෝමෝන අසමතුලිත තාවයන් සහ PCOS වැනි ගැටළු වගේම හිසකෙස් තදින් බැඳ සිදු කරන විවිධ කොණ්ඩා මෝස්‌තර ආදියද බලපානවා.

නළල ආසන්නයේ හිසකෙස් වැටීම ස්වභාවිකව සුව කර ගන්නා ආකාර

1.ඔලිව් තෙල්

අවශ්‍ය ද්‍රව්‍ය: ඔලිව් තෙල් මේස හැඳි දෙකක්

ඔලිව් තෙල් සුළු වෙලාවක් රත් කර ගන්න. රත් කර ගත් ඔලිව් තෙල් හිසේ ආලේප කර විනාඩි 15 කාලයක් සම්භාහනය කරන්න. වැඩි වශයෙන් නළල ආශ්‍රිත ප්‍රදේශය හොඳින් සම්භාහනය කරන්න. සම්භාහනය අවසන් වූ පසුව ඉතිරි තෙල් හිසේ හොඳින් ආලේප කරන්න. දැන් විනාඩි තිහක් පමණ සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මෙම සත්කාර ක්‍රමය සතියට වාර දෙකක් හෝ තුනක් සිදු කරන්න.

ඔලිව් තෙල් සමග හිස සම්භාහනය කිරිමේදී මූල කේශ වලට සිදුවන රුධිර සංසරණය වේගවත්වී හිසකෙස් වර්ධනය උත්තේජනය වනවා.

2.කෝමාරිකා

අවශ්‍ය ද්‍රව්‍ය: කෝමාරිකා ජෙල් තේ හැන්දක්

නැවුම් කෝමාරිකා ජෙල් තේ හැන්දක් ගෙන හිසකෙස් හැලී ගිය ස්ථාන වල ආලේප කර පැයක් පමණ සිටින්න. සල්ෆේට් රහිත ෂැම්පු වර්ගයක් භාවිතා කර හිස කෙස් හොඳින් සෝදන්න. සතියකට වාර තුනකට වඩා ෂැම්පු භාවිතා නොකර මෙම සත්කාර ක්‍රමය සතියකට වාර හතරක් පමණ සිදු කරන්න.

කෝමාරිකා සතු වන විටමින් A,B,C සහ E මගින් හිසකෙස් සඳහා අත්‍යාවශ්‍ය වන පෝෂණය සැපයෙනවා.

3. ළුණු

අවශ්‍ය ද්‍රව්‍ය: ළුණු යුෂ මේස හැන්දක්

ළුණු යුෂ ගෙන නළල ආසන්නයේ හිසකෙස් නොමැති ස්ථාන වල ආලේප කර විනාඩි 15 සිටින්න. ඉන් පසුව සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මෙම සත්කාරය සතියකට වාර දෙකක් හෝ තුනක් සිදු කරන්න.

ළුණු යුෂ සල්ෆර් වලින් පොහොසත් වන නිසා ක්ෂුද්‍රජීවින් සහ දිලිර ආදිය විනාශ කර රුධිර සංසරණයද ක්‍රමවත් කර නැවත හිසකෙස් වර්ධනය ඇති කරනු ලබනවා.

4. හරිත තේ

අවශ්‍ය ද්‍රව්‍ය:

හරිත තේ බෑග් දෙකක්
උණු ජලය කෝප්පයක්

උණු ජලය කෝප්පය ගෙන එයට හරිත තේ බෑග් පොඟවා සිසිල් කර ගන්න. සිසිල් වූ පසුව හරිත තේ පෙඟවූ ජලය ගෙන නළල අවට ඇතුළුව හිස්කබල පුරාවට ආලේප කරන්න. දැන් විනාඩි 30 පමණ සිට සල්ෆේට් රහිත ෂැම්පු වර්ගයක් භාවිතා කර හිස හොඳින් සෝදා ගන්න. මෙම සත්කාර ක්‍රම සතියකට වාර දෙකක් හෝ තුනක් සිදු කරන්න

හරිත තේ සතු ප්‍රතිඔක්සිකාරක බලය නිසා හානිවූ සෛල නැවත සකස් කර හිසකෙස් වර්ධනය නැවතත් ඇති කරනු ලබනවා.

5. අර්තාපල් තැම්බූ ජලය

අවශ්‍ය ද්‍රව්‍ය:

අර්තාපල් අල දෙකක්
ජලය කෝප්ප දෙකක්

අර්තාපල් අල දෙක තම්බා ජලය ලබාගෙන සිසිල් කර ගන්න. අර්තාපල් තැම්බූ ජලය භාවිතා කර හිස හොඳින් සෝදන්න. මෙම සත්කාර ක්‍රමය සතියට වාර දෙකක් හෝ තුනක් අනුගමනය කරන්න. අර්තාපල් Niacin, සින්ක්, විටමින් B සහ C වලින් පොහොසත් වන නිසා අර්තාපල් අල තැම්බූ ජලයෙන් හිස සේදු විට හිසකෙස් වර්ධනය වේගවත් වනවා.

6. පොල් තෙල්

අවශ්‍ය ද්‍රවය: පොල් තෙල් මේස හැඳි දෙකක්

පොල් තෙල් සුළු වෙලාවක් රත් කර උණුසුම් කර ගන්න. ඉන් පසුව රත්කර ගත් පොල් තෙල් හිස පුරාවටම ආලේප කර විනාඩි 15 පමණ හොඳින් සම්භාහනය කරන්න. පසුව විනාඩි 30 පමණ සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මේ ආකාරයට මෙම සත්කාර ක්‍රමය සතියකට වාර දෙකක් හෝ තුනක් සිදු කරන්න.

පොල් තෙල් සතු මේද අම්ල මගින් හිස් කබලට සහ හිසකෙස් වලට අවශ්‍ය කරන නිසි පෝෂණය ලබාදී හිසකෙස් වර්ධනය වේගවත් කරනු ලබනවා

7. මී පැණි, කුරුඳු සහ ඔලිව් තෙල්

අවශ්‍ය ද්‍රව්‍ය:

කුරුඳු මේස හැන්දක්
මී පැණි මේස හැන්දක්
ඔලිව් තෙල් මේස හැන්දක්

භාජනයක් ගෙන අමුද්‍රව්‍ය සියල්ල එකට එක්කර මිශ්‍රණයක් සකස් කර ගන්න. මෙම මිශ්‍රණය හිසේ හොඳින් ආලේප කර විනාඩි 40 සිටින්න. පසුව විනාඩි 30 පමණ සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මේ ආකාරයට මේ සත්කාර ක්‍රමය සතියකට වාර දෙකක් අනුගමනය කරන්න

කුරුඳු තුල අඩංගු වන choline, පොටෑසියම්, විටමින් A, B සහ E මගින් හිසකෙස් නැවත වර්ධනය වේගවත් කරන අතර මී පැණි සහ ඔලිව් තෙල් මගින් නිසි පරිදි තෙතමනය ආරක්ෂා කරනු ලබනවා.

8.නෙල්ලි කොළ

අවශ්‍ය ද්‍රව්‍ය:

නෙල්ලි කොළ ඉත්තක්
ජලය මේස හැඳි කිහිපයක්

අවශ්‍ය පරිදි ජලය එක්කර කොහොඹ කොළ හොඳින් අඹරා ගන්න. නළල ආසන්නයේ සහ හිස පුරාවටම මෙම මිශ්‍රණය ආලේප කර විනාඩි 15 සිට සල්ෆේට් අඩංගු නොවන ෂැම්පු වර්ගයක් භාවිතා කර සිසිල් හෝ ඇල් මැරුණු ජලය භාවිතා කර හිස සෝදන්න. මේ ආකාරයට මෙම සත්කාර ක්‍රමය සතියකට වාර හතරක් හෝ පහක් සිදු කරන්න.

නෙල්ලි කොළ සතු බැක්ටීරියා නාශක බලය, දිලීර නාශක බලය සහ වේදනා නාශක බලය මගින් හිස් කබලේ සෞඛ්‍යය ආරක්‍ෂා කරනු ලබනවා.

Source Link : Wishma Lokaya