ජංගම දුරකතනයක් තිහකට තුවාල කරයි..!

එංගලන්තයේ ලන්ඩන් නුවර යුදෙව් ජාතිකයන්ගේ සැමරුමකදී සිදුවූ පිපිරිමක් හේතුවෙන් පුද්ගලයින් 30 දෙනෙකු තුවාල ලබා තිබෙනවා. අද (03) උදෑසන සිදුවූ මෙම අනතුර ජංගම දුරකතනයක් හේතුවෙන් සිදුවී ඇති බවයි විදෙස් මාධ්‍ය වාර්තා කර තිබුනේ.

සැමරුම සඳහා දල්වා තිබූ ගින්නකට ස්මාර්ට් ජංගම දුරකතනයක් විසිකිරීම නිසා මෙම පිපිරීම හටගත් බව එම වාර්තා වල වැඩිදුරටත් දැක්වෙනවා.

මෙම සිද්ධියෙන් තුවාල ලැබූවන්ගේ තත්ත්වය පිළිබඳව මෙතෙක් තොරතුරු වාර්තා වී නැහැ.

එම සිදුවීමේ වීඩියෝව පහතින්.

Source Link : Sakwala

රටට බරක් නොවී තමන්ගේ වියදමින් පාර හදා ගත් ගම්වැසියන්ට අධිකරණයෙන් දඩ…!

අපේ රටේ කඩිනමින් සංවර්ධනය විය යුතු බොහෝ ස්ථාන රැසක් තිබුණත් ඒ දේවල් වලට බලධාරීන්ගෙ අවධානය යොමු වෙන්නෙ ඉතාමත්ම අඩුවෙන්. ඒ නිසාම සාමාන්‍ය ජනතාව තමන්ට පුළුවන් විදියට ඒ දේවල් කරන්න පුරුදු වෙලා ඉන්නවා.

පදිය පැලැල්ල, ලියන්වල මඩුමාන හන්දියේ සිට ගලපැලියාව දක්වා දිවෙන වරල්කාටිය මාර්ගයත් වසර 45 ක පමණ කාලයක් තිස්සේ සංවර්ධනය නොවූ පාරක්. ඒ නිසාම ගමේ සියළුම දෙනා එකතු වෙලා රුපියල් දෙලක්ෂ පනස් දහසක මුදලක් වැය කරමින් සහ තමන්ගෙ පුද්ගලික ඉඩම්ල කොටස් පරිත්‍යාග කරමින් බැකෝ යන්ත්‍ර යොදාගෙන මේ මාර්ගය පිළිසරකර කරලා තිබුණා.

කොහොම හරි මේ මාර්ගය පිළිසකර කරද්දි තමන්ගෙ කැමැත්තෙන් ඉඩම් පරිත්‍යාග කළ පිරිසකගේ කොස්ගස් කිහිපයක් ඉවත් කරන්න සිදුවෙලා තියෙනවා. මේ කාරණාව හේතු කරගෙන ගමේ ඉන්න පවුල් 36 ටම රුපියල් පන්දහස ගානෙ දඩ මුදල් ගෙවන්න අධිකරණය නියෝග කරලා තියෙනවා කියලා වාර්තා වෙනවා.

නමුත් ප්‍රදේශවාසීන්නම් කියන්නෙ තමන් මේ පිළිබඳව ප්‍රදේශයේ ග්‍රාම නිලධාරීවරයා සහ සංවර්ධන නිලධාරීයා දැනුවත් කලා කියලා. කොහොම නමුත් මාර්ගය පිළිසකර කරලා අවසන් වුනාට පස්සෙ තමන්ගේ ලිඛිත අවසරයක් ලබා ගත්තෙ නෑ කියලා ග්‍රාම නිලධාරීවරයා විසින් වලපනේ පොලීසියට පැමිණිල්ලක් කරලා තියෙනවා.

ඊට පස්සෙ තමයි අවුරුදු 45 ක් තිස්සේ කාගෙවත් පිළිසරණක් නොලබපු මෙම මාර්ගය තමන්ගේ වියදමින් සාදා ගත් වරදට මේ මිනිස්සුන්ට රුපියල් 5000 ගානෙ දඩ මුදල් ගෙවන්න සිද්ද වෙලා තියෙන්නෙ.

වරද කාගේ වුවත් මහා පරිමාණයෙන් රටේ ජාතික සම්පත් විනාශ කරද්දි සියළු ගම්වාසීන්ගේ පොදු අවශ්‍යතාවයක් වෙනුවෙන් කරපු මේ දේ ගැන වගකිව යුත්තන්ගේ අවධානයට ලක්විය යුතු වනවා.

Source Link : Sakwala

හෙට දිවුරුම් දෙන රුසියානු බලවතාට විරුද්ධ වූ දහස් ගණනක් අත් අත්අඩංගුවට…! යළි බලය ලබාගත්තේ සාධාරණ ආකාරයකින් නොවන බවට ප්‍රකාශ..! (PHOTOS)

පසුගිය මාර්තු මාසයේ පැවති ජනාධිපතිවරණයෙන් 76% ක වාර්තාගත ඡන්ද ප්‍රතිශතයක් ලබාගනිමින් නැවත වතාවක් රුසියානු ජනාධිපතිවරණයෙන් වාර්තාගත ජයග්‍රහනයක් ලබාගත් ව්ලැදිමීර් පුටින්ට එරෙහිව විරෝධතාවන් රැසක් පැවැත්වෙන බව විදෙස් මාධ්‍ය වාර්තා කරනවා.

රුසියාවේ නව ජනාධිපතිවරයා ලෙස විලැදිමීර් පුටින් හෙට (7) දිනයේදී දිවුරුම් දීමට නියමිත අතර එය ඉලක්ක කර ගනිමින් එරට විපක්ෂය මෙම විරෝධතා මාලාව සංවිධානය කර ඇති බවයි සඳහන් වන්නේ.

කෙසේ නමුත් රුසියාව පුරා සංවිධානය කර තිබූ මෙවැනි විරෝධතා රැළි 90 ක පමණ සිටි දහසකට අධික පිරිසක් මේ වන විට අත්අඩංගුවට ගෙන ඇති බව එරට මාධ්‍ය වාර්තා කර තිබෙනවා. ඒ අතර එරට විපක්ෂ නායක ඇලෙක්සි නවාල්නි ද සිටින බව සඳහන්.

මොස්කව් නුවර කේන්ද්‍ර කරගනිමින් ආරම්භ වුනු මෙම විරෝධතාවයන්හි නිරතවන විරෝධතාකරුවන් පවසන්නේ පුටින් යළි බලය ලබාගත්තේ සාධාරණ ආකාරයකින් නොවන බවයි.

Source Link : Sakwala

“ආණ්‌ඩුව අපිට දෙන තරමක්‌ දෙන්නේ දන්සල්නේ” නාමල් පේන්න නැති නිසා මහින්ද නාමල්ට ඇමතුමක් අරන්, නාමල්ගෙන් අපූරූ පිළිතුරක් .!

වෙසක් පුර පුන් පොහෝ දිනයද යෙදි තිබූ පසුගිය සතියේ දේශපාලන වේදිකාවේ රසවත් සිදුවීමක් වාර්තා වේ. එනම් හිටපු ජනපති මහින්ද රාජපක්ෂ මහතා සිය වැඩිමහල් පුත්, පාර්ලීමේන්තු මන්ත්‍රී නාමල් රාජපක්ෂ අමතා ඇසූ ප්‍රශ්නෙකට ලැබු අපූරූ පිළිතුරකි.

වෙසක්‌ පොහෝ දින හිටපු ජනපති මහින්ද සිටියේ තංගල්ලේය. එදින උදෑසන සිරිත් පරිදි පෝ දින ධර්ම දේශනාව පැවැත්විණි. උදෑසන සිටම නාමල් දකින්නට නොසිටි නිසා මහින්ද නාමල්ට දුරකථන ඇමතුමක්‌ ගත්තේය.

“කොහෙද ඉන්නේ?” මහින්ද ඇසුවේය.

“මම මේ එෆ්. සී. අයි. ඩී එක ගාව තාත්තා” නාමල් උත්තර දුන්නේය.

“ඒ මොකද අද එතැන දන්සලක්‌වත්ද?” මහින්ද ඇසුවේ සිනාසෙමිනි.

“ඔව් ඉතින් ආණ්‌ඩුව අපිට දෙන තරමක්‌ දෙන්නේ දන්සල්නේ. අද එන්න කියලා තිබුණ නිසා ආවා” නාමල් උත්තර දුන්නේය.

Source Link : Sakwala

“මැරෙන්න කලින් විශේෂ බළකායට ගහලා පැනලා ගිහින්” පෑලියගොඩ පතාලයේ තවත් කෙරුමෙක් ඉවරයි, වෙඩි පහරින් පාතාලයේ දිලීප මිය ගිය හැටි .!

පෑලියගොඩ ප්‍රදේශයේ ප්‍රධාන පාතාල නායකයාව සිටි පාතාල නායක මංජුගේ ප්‍රධාන ගෝලයා වන පාතාල සාමාජික දිලීප මිය ගොස් තිබෙනවා. ඒ පොලිස්‌ විශේෂ කාර්ය බළකාය සමග සිදුවූ වෙඩි හුවමාරුවකින්.

මනුෂ්‍ය ඝාතන, හෙරොයින් ජාවාරම් ඇතුළු අපරාධ රැසකට සම්බන්ධ දිලීප පසුගිය දින පොලිස්‌ විශේෂ කාර්ය බළකා නිලධාරීන්ට වෙඩිතබා පලායැමට උත්සහ කළ අවස්‌ථාවේ පොලිස්‌ විශේෂ කාර්ය බළකාය එල්ල කළ ප්‍රතිප්‍රහාරයකදී මෙලෙසින් මිය ගොස් තිබේ.

සංවිධානාත්මක අපරාධ විමර්ශන කොට්‌ඨාසයට සහ පොලිස්‌ විශේෂ කාර්ය බළකායට අවශ්‍යව සිටි සංවිධානාත්මක අපරාධකරුවකු මහනුවර තලාතුඔය ප්‍රදේශයේ සිටින බවට ලැබුණු තොරතුරක්‌ මත පොලිස්‌ විශේෂ කාර්ය බළකා නිලධාරීන් කණ්‌ඩායමක්‌ එම ප්‍රදේශයට ගොස්‌ ඇත. එහිදී සැකකරු පාතමයිලපිටිය ප්‍රදේශයේ නිවසක සිටින බව තහවුරු කර ගැනීමෙන් පසු ඔහු අත්අඩංගුවට ගැනීමට පොලිස්‌ විශේෂ කාර්ය බළකා නිලධාරීන් එම නිවස වටලා ඇත.

මේ අවස්තාවේදි මෙම පුද්ගලයා පිස්‌තෝලයකින් පොලිස්‌ විශේෂ කාර්ය බළකා නිලධාරීන්ට වෙඩි තබා පලා යැමට උත්සහ කළ අවස්‌ථාවේ විශේෂ කාර්ය බළකාය සැකකරුට වෙඩි ප්‍රහාරයක්‌ එල්ල කර ඇත. සැකකරු බරපතළ තුවාල ලබා මහනුවර රෝහලට රැගෙන යන අවස්‌ථාවේ මියගොස්‌ ඇත. මෙම අවස්‌ථාවේ සැකකරු සමග සිටි කාන්තාවක පොලිසිය අත්අඩංගුවට ගෙන ඇත. සැකකරු විසින් පොලිස්‌ විශේෂ කාර්ය බළකා නිලධාරීන්ට වෙඩි තැබීමට යොදාගත් මිලිමීටර් නවයේ ගිනි අවියද බිම වැටී තිබියදී පොලිසියට හමුවී ඇත.

මෙම පාතාල සාමාජිකයාගේ ප්‍රධානියාවූ ඩී. මංජු නමැත්තා මීට මාස කිහිපයකට පෙර වත්තල ප්‍රදේශයේදී පොලිස්‌ විශේෂ කාර්ය බළකාය සමග ඇතිකරගත් ගැටුමකින් මියගොස්‌ තිබූ අතර ඔහු මියයැමෙන් පසු මත්ද්‍රව්‍ය ජාවාරම ඇතුළු අපරාධ මෙහෙයවා ඇත්තේ මෙම මියගිය පාතාල සාමාජිකයා බවට ආරක්‍ෂක අංශ හඳුනාගෙන තිබිණි.

මීට දින කිහිපයකට පෙර වත්තල ප්‍රදේශයේදී සංවිධානාත්මක අපරාධකරුවන් කණ්‌ඩායමක්‌ පොලිස්‌ විශේෂ කාර්ය බළකා නිලධාරීන් කිහිපදෙනකු අත්අඩංගුවට ගැනීමට උත්සහ කිරීමේදී එම මැර පිරිස විසින් පොලිස්‌ විශේෂ කාර්ය බළකා නිලධාරීන්ට පහරදී පලාගොස්‌ තිබිණි. එහිදී තුවාල ලැබු නිලධාරීන් කිහිපදෙනෙකු රෝහල්ගතව ප්‍රතිකාර ලබා තිබු අතර එම ප්‍රහාරය සිදුකර තිබුණේ මෙම මියගිය පාතාල සාමාජිකයා බවට විමර්ශනවලදී හෙළි වී ඇත.

Source Link : Sakwala

පුරාවිද්‍යාත්මක වටිනාකමකින් යුත් අක්කර 15 ක භූමියක් ඩෝසර් දමා විනාශ කරයි…! ප්‍රෞඩ ඉතිහාසයක උරුමය අනතුරේ…!

අනුරාධපුර ඉපලෝගම ප්‍රාදේශීය ලේකම් කොට්ඨාශයේ විජිතපුර ඓතිහාසික පූජා භූමියට යාබදව පිහිටි පුරාවිද්‍යාත්මක වටිනාකමකින් යුතු ස්ථානයක් යන්ත්‍ර සූත්‍ර දමා විනාශ කර තිබෙනවා.

පුගොල්ලාගම බැලුම්ගල නැමැති මෙම පුරාවිද්‍යාත්මක වටිනාකමකින් යුතු භූමිභාගයේ තිබූ කොරවක් ගල් ඉපැරණි ගරාවැටුණු චෛත්‍යය ගල් කණු මල් ආසන ගල් ඇඳන් සදකඩ පහන මුරගල් ඉපැරණි ගොඩනැගිලි ඇතුලු පුරාවිද්‍යාත්මක වටිනාකමකින් යුත් අක්කර 15 ක පමණ භුමි ප්‍රමාණයක් මෙලෙස විනාශ කර දමා තිබෙනවා.

නිවාස සංවර්ධන අධිකාරිය විසින් නව ගම්මානයක් ඉදිකිරීම සඳහා බව පවසමින් මෙම පුරාවිද්‍යාත්මක ස්ථානය වීනාශ කර ඇති බවයි ප්‍රදේශවාසීන් පවසන්නේ. එසේමෙ මෙම මහා අපරාධය සිදු නොකරන ලෙස ප්‍රාදේශීය ලේකම් කාර්යාලයට ගම්වාසීන් දැනුම්දුන් දුන්නද දේශපාලන බලය මත නිදන් සෙවීමේ අරමුණින් මේ මේ විනාශය සිදුකරන බවයි සඳහන් වෙන්නේ.

මෙම ස්ථානයේ ඓතිහාසික පසුබිම පිළබඳව විමසා බලන විට දුටුගැමුණු එළාර යුද සමයේ සිට මෙම ස්ථානය පැවති බවත් එළාර දුටුගැමුණු යුද සමයේ සතුරන් එන ස්ථාන බැලීම සඳහා බැලුම්ගල නම් වූ ස්ථානය පිහිටා ඇති බවත් එම ස්ථානයේ පසුව විහාරාරාම කර සඟසතුකොට පූජා කල බවත් ප්‍රදේශවාසීන් පවසනවා.

කෙසේ වෙතත් මේ පිළිබඳව ඉපලෝගම ප්‍රාදේශීය ලේකම්වරියගෙන් විමසූ අවස්ථාවේදී ඇය කියා සිටියේ නිවාස සංවර්ධන අධිකාරිය එම ඉඩම ලබා දුන් බවත් ඉඩම ලබා දෙන අවස්ථාවේ දී එම ස්ථානය පුරාවිද්‍යාත්මක වටිනාකමක් ඇති ස්ථානයක් බවට හඳුනාගෙන නොතිබූ බවත්ය.

තත්වය කුමක් වුවත් මේ වන විට අනාගත පරම්පරාවට උරුම වන්නට තිබූ මහා ශ්‍රී ලාංකීය උරුමයක් මේ වන විට විනාශ කර දමා අවසන්ය..!

Source Link : Sakwala

ලෙස්ටර්ගේ රණ මයුර සම්මානය හමුවෙයි..!

ප්‍රවීණ සිනමාවේදී අභාවප්‍රාප්ත ආචාර්ය ලෙස්ටර් ජේම්ස් පීරිස් මහතාට ගම්පෙරළිය චිත්‍රපටය වෙනුවෙන් ලැබුණු රණමයුර සම්මානය කඩුවෙල – කොල්ලුපිටිය මාර්ගයේ ධාවනය වන සුඛෝපභෝගී බස්රථයක තිබී සොයාගෙන තිබෙනවා. මෙම සම්මානය බස් රථයේ ගමන් භාණ්ඩ රඳවනයේ තිබෙනු දැක රියැදුරු සහ කොන්දොස්තර විසින් මේ පිළිබඳව කොල්ලුපිටිය පොලිස්ථානය දැනුවත් කර තිබෙනවා.

මෙම සම්මානය අතුරුදන් වූයේ ලෙස්ටර් ජේම්ස් පීරිස් මහතාගේ අවසන් කටයුතු සිදුකල දින ඔහුගේ දේහය අසල තබා තිබියදීයි.

ජීවිතේ එක් වරක් පමණක් අද්විතීය සිනමාකරුවෙකුට හිමිවන මෙම පදක්කම 2000 වසරේදී ආචාර්ය ලෙස්ටර් ජේම්ස් පීරීස් මහතාට හිමිවු‍න් 31 වන අන්තර් ජාතික ඉන්දීය සිනමා සම්මාන උළෙලේදී ඔහු කළ මෙහෙවර අගයකරමිනි.

Source Link : Sakwala

එජාපයේ තවත් ප්‍රභල මන්ත්‍රීවරුන් හය දෙනෙකුට නියෝජ්‍ය ඇමතිකම්…? රවීගේ නම තව දුරටත් ප්‍රතික්ෂේපයි..!

වත්මන් රජයේ කැබිනට් මණ්ඩලය කිහිප වරක්ම සංශෝදනයට ලක්කලද තවමත් යම් යම් ගැටළුකාරී තත්වයන්ට මුණදෙමින් සිටින බව දේශපාලන ආරංචි මාර්ග සඳහන් කරනවා.

මේ අතර එක්සත් ජාතික පක්ෂයේ ජ්‍යෙෂ්ඨ පාර්ලිමේන්තු මන්ත්‍රීන් 6 දෙනෙකුට නියෝජ්‍ය අමාත්‍ය දූර පිරිනැමීමට එක්සත් ජාතික පක්ෂය තීන්දුකර තිබෙන බවද වාර්තා වෙනවා. ඒ සඳහා අවශ්‍ය නිර්දේශය මේ වනවිටත් ජනාධිපති කාර්යාලයට යවා ඇති අතර ආරංචි මාර්ග වලට අනුව මෙම නියෝජ්‍ය අමාත්‍ය ධූර රංජිත් අළුවිහාරේ, බුද්ධික පතිරණ, එඩ්වඩ් ගුණසේකර, ආනන්ද කුමාරසිරි, ලකී ජයවර්ධන සහ සිඩ්නි ජයරත්න යන පාර්ලිමේන්තු මන්ත්‍රිවරුන්ට හිමි වීමට නියමිතයි.

කෙසේ වෙතත් කැබිනට් අමාත්‍ය ධූරයක් සඳහා දෙවන වරටත් යෝජනා වූ රවි කරුණානායකගේ නම ජනාධිපතිවරයා විසින් ප්‍රතික්ෂේප කර ඇති බව ජනාධිපති කාර්යාලයීය ආරංචි මාර්ග සඳහන් කරනවා.

Source Link : Sakwala

ජනපතිට පහරක් එල්ල කරමින් ෆොන්සේකා වැඩ අරඹයි…! මත්පැන් බී විනෝද වෙන්න වෙනම වන අඩවියක්…?

නව කැබිනට් සංශෝධනයේදී ෆීල්ඩ් මාර්ෂල් සරත් ෆොන්සේකාට ලැබුනෙ වනජීවී සහ ප්‍රාදේශීය සංවර්ධන අමාත්‍යංශය. හැබැයි සරත් ෆොන්සේකා ඇමති වරයා පහුගිය කාලයේ නීතිය හා සාමය පිළිබඳ අමාත්‍ය ධුරය ලැබේවි කියන විශ්වාසයෙන් හිටපු බව හැම දෙනාම දන්න කරුණක්. කොහොම වුනත් තමන්ට නීතිය හා සාමය පිළිබඳ අමාත්‍ය ධුරය නොලැබුනු හේතුව ඊයේ (04දා) පැවැති මාධ්‍ය හමුවකදී ඔහු කියලා තිබුණා.

ඒ අනුව තමන් නීතිය හා සාමය පිළිබඳ අමාත්‍ය ධුරයට නිර්දේශ කලේ අගමැතිවරයා බවත්  එය නොලැබුණේ ජනාධිපති මෛත්‍රීපාල සිරිසේනගේ විරෝධය නිසා බවත් ඇමැතිවරයා ප්‍රකාශ කරලා තිබුණා.  නීතිය හා සාමය අමාත්‍යංශය ලබා නොදීම තමන් හමුදාපති ධුරය දැරූ බැවින්  නීතිය හා සාමය අමාත්‍යාංශය ලබා නොදෙන ලෙස විදේශීය රටවල් ජනාධිපතිවරයාගෙන් කල ඉල්ලීමක් සළකා බලා සිදුකරන ලද්දක් බව සරත් ෆොන්සේකා ඇමතිවරයා කියනවා.

කොහොම වුනත් ඇමතිවරයානම් කියන්නෙ විදේශීය ආකල්පවලට යටත් වෙමින් රට කරවන නායකයකුව පත්කර ගැනීම ගැන තමන් මේ මොහොතේ කනගාටු වෙනවා කියලා.

ඒ වගේම එක්සත් ජාතික පක්ෂයේ නායකත්වයට එහි නියෝජ්‍ය නායක සජිත් ප්‍රේමදාස මහතා සුදුසුදැයි ඇතැමුන් තමන්ගෙන් විමසන බවත් එම  ප්‍රශ්නයට නියම පිළිතුර ලබා දුන්නොත් සජිත් ප්‍රේමදාස තමන්ගේ පරම හතුරකු වනු ඇති බවත් එම නිසා එම ප්‍රශ්නයට උත්තර නොදී සිටීමට වගබලා ගන්නා බවද ඇමැතිවරයා වැඩිදුරටත් එහිදී සඳහන් කලා.

කොහොම වුන් තමන්ට හිමිවුන වනජීවී අමාත්‍ය ධුරය ගැන සතුටු වෙන බව ප්‍රකාශ කල ඇමතිවරයා කිවුවෙ කැලේට ගිහින් මත්පැන් පානය කර ගීත ගයා නැටීමට කැමැති අයට ඒ සඳහා වෙනම වන අඩවියක් වෙන්කරලා දෙන්න පුළුවන් කියලා.

ඒ වගේම යාල වැනි ජාතික වනෝද්‍යානවලට යන ඇතැම් සංචාරකයන් මත්පැන් බී සතුන්ට පීඩා වන අයුරින් හැසිරෙන බව දැන ගැනීමට ලැබුණු බවත්, එවැනි තත්ත්වයන් දිගින් දිගටම පැවැතුණහොත් වනෝද්‍යානවලට මත්පැන් රැගෙන යෑම තහනම් කරන බවත් සරත් ෆොන්සේකා අමාත්‍යවරයා  ප්‍රකාශ කලා.

Source Link : Sakwala

“වත්තල දිලීප” STF වෙඩි පහරින් මරුට

තලාතුඔය ප්‍රදේශයේ වැටලීමකට ගිය අවස්ථාවේ පොලිස් විශේෂ කාර්ය බලකායේ නිලධාරීන්ට වෙඩි තැබූ සංවිධානාත්මක අපරාධකරුවෙකු බන “වත්තල දිලීප” නැමැත්තා විශේෂ කාර්ය බලකායේ නිලධාරීන් විසින් එල්ල කළ ප්‍රතිප්‍රහාර වලින් මරුමුවට පත්වූ බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සදහන් කර සිටියා.

මිට මාස දෙකකට පමණ ඉහතදී වත්තල ප්‍රදේශයේදී පොලිස් විශේෂ කාර්ය බලකායේ වෙඩි පහරින් මියගිය පාතාල ක්‍රියාකාරිකයෙක්වූ දඩල්ලේ මංජු නොහොත් ඩී.මංජු යන අයගේ ප්‍රධාන ගෝලයා වන්නේ “වත්තල දිලීප”යි. ඩී.මංජු ගෙන් පසු වත්තල, පෑලියගොඩ ඇතුළු ප්‍රදේශවල මත්ද්‍රවය ජාවාරම් කිරීම, කප්පම් ගැනීමේ කටයුතු මෙහෙයවමින් සිටියේ මෙම “වත්තල දිලීප” බවයි පොලිස් විශේෂ කාර්ය බළකායේ අණදෙන නිළධාරි එම්. ආර්. ලතිෆ් සඳහන් කර සිටියේ.

Source Link : Sakwala