දැවැන්ත ලාංකිකයෝ දෙදෙනෙක් ඉදිරියේ ලංකාවේ වාර්තාව එංගලන්තය සුනුවිසුනු කරයි ලොව වැඩිම ලකුණ ඔස්ට්‍රේලියාවට එරෙහිව ගත එංගලන්තය වාර්තා ගණනාවක් තබයි

එක්දින තරඟ ඉතිහාසයේ කණ්ඩායමක් රැස්කළ වැඩිම ලකුණු සංඛ්‍යාවේ ලෝක වාර්තාව තමන් සතු කරගන්නට එංගලන්ත කණ්ඩායම ඊයේ සමත්වුනේ ඔස්ට්‍රේලියාව සමග පැවති තුන්වන එක්දින තරගයේදී.

නොටින්හැම් හි පැවති මෙම තරගයේදී එංගලන්ත පිතිකරුවන් නියමිත පන්දුවාර 50 තුල කඩුලු 6ක් දැවී ලකුණු 481ක් රැස්කළා. මීට පෙර මෙම වාර්තාවට හිමිකම් කීවේද 2016 වසරේදී පකිස්තානයට එරෙහිව කඩුලු 3කට ලකුණු 444ක් ලබා ගත් එංගලන්ත කණ්ඩායමයි.

කෙසේ වෙතත් වසර ගණනාවක් එක්දින තරඟ ඉතිහාසයේ කණ්ඩායමක් රැස්කළ වැඩිම ලකුණු සංඛ්‍යාවේ ලෝක වාර්තාවට හිමිකම් කීවේ ශ්‍රී ලංකාවයි. ඒ 2006 වසරේදී නෙදර්ලන්තයට එරෙහිව කඩුලු 9ක් දැවී රැස්කළ 443යි.

Image result for england vs australia 2018

ඊයේ තරඟයේදී සුපිරි ඉනිමක් ක්‍රීඩා කළ එංගලන්ත ක්‍රීඩක JM Bairstow සහ AD Hales ශතක රැස්කරගත්තා. JM Bairstow පන්දු 92 කදී හයේ පහර 5 ක් සහ හතරේ පහර 15 ක් සමඟ රැස්කළ ලකුණු සංඛ්‍යාව 139ක්.

Image result for england vs australia 2018

AD Hales පන්දු 92 කදී හයේ පහර 5 ක් සහ හතරේ පහර 16 ක් සමඟ රැස්කළ ලකුණු සංඛ්‍යාව 147ක්. JJ Roy පන්දු 61 කදී හයේ පහර 4 ක් සහ හතරේ පහර 7 ක් සමඟ රැස්කළ ලකුණු සංඛ්‍යාව 82ක්. එංගලන්ත ඉනිම තව තවත් ඉහලට එසවූ අවසානයේ පිටියට පිවිසි එංගලන්ත නායක EJG Morgan ප්‍රවේගකාරී ඉනිමක් දියත් කළා. එහිදී ඔහු පන්දු 30 කදී හයේ පහර 6 ක් සහ හතරේ පහර 3 ක් සමඟ රැස්කළ ලකුණු සංඛ්‍යාව 67ක්.

පිළිතුරු ඉනිම ක්‍රීඩා කළ TM Head හැරුණුවිට සෙසු සියලු පිතිකරුවන් අර්ධ ශතකයට පෙර ක්‍රීඩාගාරයට හරවා යැවීමට එංගලන්ත පන්දු යවන්නන් සමත්වූවා.

Image result for england vs australia 2018

TM Head පන්දු 39 කදී හතරේ පහර 7ක් සමඟ ලකුණු 51 ක් රැස්කළා. සුපිරි පන්දු යැවීමක නිරතවූ AU Rashid පන්දුවාර 10 ක් යොමුකරමින් ලකුණු 47කට කඩුලු 4 ක් දවාගැනීමට සමත්වූවා. MM Ali කඩුලු 3 ක් දවාගත් අතර DJ Willey කඩුලු 2 ක් දවාගත්තා. සියලු දෙනා දැවී ඕස්ට්‍රේලියා පිතිකරුවන් රැස්කරගත්තේ ලකුණු 239 ක් පමණයි. ඒ අනුව ලකුණු 242 කින් තරඟයේ ජය හිමිකරගත්තේ එංගලන්තයයි.

මේ තරගයේ ශ්‍රී ලාංකිකයින් දෙදෙනෙක් සිටි අතර ඒ ප්‍රධාන විනිසුරු ලෙස කුමා දර්මසෙනත් විශේෂ විස්තර විචාරකයකු ලෙස එංගලන්තයේ නමක් දිනා සිටින කුමා සංගක්කාරයි.

ලෝකෙම අවධානය යොමුවූ එම සුවිශේෂ තරඟයේ විශේෂ අවස්ථා පහතින්.

Source Link : ආටිකල් 14.news

හරි සැලැස්මකට ගියොත් අවුරුදු 2 න් ලෝකේ හොදම කණ්ඩායම වෙන්න පුළුවන් අවුරුදු 8 ක් මහන්සිවෙලා මන් එකක් හැදුවා. වැඩක්වුනේ නැ – මහේල පුවත්පතකට කියයි

මහේල ජයවර්ධන කාර්යබහුලය. ඔහුගෙන් වත්මන් ක්‍රිකට්‌ සංක්‍රාන්ති සමය ගැන දැන ගැනීමට බොහෝ දේ තිබේ. නමුත් එකම දෙය නැවත වතාවක්‌ මෙනෙහි කිරීමට ඔහු අකමැතිය. මීට මාස කිහිපයකට පෙර ‘දිවයින ඉරිදා’ සංග්‍රහයට කියූ ක්‍රිකට්‌ හදන හැටි තවමත් නොවිසඳී ඇති කරුණකි. කෙසේ වෙතත් ක්‍රිකට්‌ පරාජය නවතා දමා යළිත් නැඟී සිටින්නට මහේලලා ඉදිරිපත් කළ දැක්‌ම ක්‍රියාත්මක කළ යුතු කාලයකි මේ. ඉකුත් සතියේ ‘තෙවැනි ඇසට’ මුරලි කියූ කරුණු සඳහන් කළාක්‌මෙන් මෙවර මහේල කියූ කතාව මෙසේ සටහන් කරමු.

දිවයින – ශ්‍රී ලංකා ක්‍රිකට්‌ කණ්‌ඩායමේ ස්‌වර්ණමය යුගය මහේල සහ සංගක්‌කාරගේ යුගයෙන් පස්‌සෙ අවසන් වෙලා තියෙනවා. දැන් ඇතිවී ඇති තත්ත්වය ගැන ඔබට දුක හිතෙන්නෙ නැද්ද මෙතැනින් ගොඩ ගන්න යමක්‌ කරන්න ඕන කියලා.?

මහේල – ඇතිවී තියෙන තත්ත්වය ගැන මට කනගාටුයි. නමුත් මට බලෙන් ඇවිල්ලා මුකුත් කරන්න බැහැ. මම ක්‍රිකට්‌ කමිටුවකත් හිටියා. එතනදි මම ක්‍රිකට්‌ සැලැස්‌මක්‌ හැදුව මට පුළුවන් විදිහට. මම කියන්නෙ නැහැ ඒක ක්‍රියාත්මක කරන්න කියලා. තව කවුරු හරි ඊට වඩා හොඳ සැලැස්‌මක්‌ හදනවනම් හොඳම දේ ක්‍රියාත්මක කළ යුතුයි. එහෙම වෙනසක්‌ වෙන්නෙ නැතිව අපේ ක්‍රිකට්‌ ගොඩ ගන්න බැහැ කියල අපි ගොඩක්‌ කල් ඉඳල කියනවා.

දිවයින – ඔබ සකස්‌ කළ ක්‍රිකට්‌ සැලැස්‌මට අගමැතිවරයා සහ හිටපු ක්‍රීඩා ඇමැතිවරයාත් අනුමැතිය දුන් බවට වාර්තා වුණා. නමුත් දැන් ඒක සොයා ගන්නවත් නැහැ. ඇත්තටම ඔබ මහන්සියෙන් හදපු දෙයට වටිනාකමක්‌ නැති නිසා කලකිරීමෙන්ද ඉන්නෙ?

මහේල – ඇත්තටම මට ඒ සැලැස්‌ම හදන්න මාස අටක්‌ විතර ගියා. රටවල් පහක පළමු පෙළ සහ අනෙකුත් ක්‍රිකට්‌ ආකෘති නිරීක්‍ෂණය කරල සෑහෙන මහන්සි වෙලා හැදුවා. ඉතින් මට පුළුවන් දේ මම කරල දුන්නා. ඒක ක්‍රියාත්මක කරනවද නැද්ද කියන තීරණය මට ගන්න බැහැ. නමුත් මම ආයිත් ඒ වාර්තාව නැතිව ක්‍රිකට්‌ දියුණු කරන වැඩ පිළිවෙලකට එන්නෙ නැහැ. ඒ කියන්නෙ මගේ වාර්තාවම ක්‍රියාත්මක කරන්න ඕන කියල නෙමෙයි. වඩාත් හොඳ දෙයක්‌ සිදුවිය යුතුයි.

දිවයින – ඔබ හදපු ක්‍රිකට්‌ සැලැස්‌මට සිදත් වෙත්තමුණි ඇතුළු මෙරට ක්‍රිකට්‌ ප්‍රවීණයන් බොහෝ සතුටු වුණා. නමුත් දැන් ක්‍රිකට්‌ පරාජය වෙනවා. මේකට හේතුව පරිපාලනයේ අවුලද?

මහේල – මම පිළිගන්නෙ නැහැ අවුරුදු දෙකේ ක්‍රිකට්‌ පාලනය කරපු අය හින්දම ක්‍රිකට්‌ වැටුණා කියලා. කවුරු මොනව කිව්වත් අපේ පළමු පෙළ ක්‍රිකට්‌ වෙනස්‌ වෙන්නෙ නැතිව සුපිරි ක්‍රීඩකයන් හදන්න අමාරුයි.

දිවයින – ක්‍රිකට්‌ ආයතනය පළාත් තරගාවලියක්‌ පවත්වනවා. ඒ පළාත් තරගාවලියට ක්‍රීඩා කරන්නෙ කණ්‌ඩායම් හතරයි. ඊට වැඩිය එහා ගිය සැලැස්‌ම මොකක්‌ද?

මහේල – මෙහෙමයි. පළාත් තරගාවලියක්‌ කියල කණ්‌ඩායම් හතරකට ක්‍රීඩකයන් බෙදල පැවැත්තුවට හොඳ ක්‍රීඩකයන් බිහි වෙන්නෙ නැහැ. එක්‌ එක්‌ පළාත්වලට මධ්‍යස්‌ථානයක්‌ පිහිටුවල ඒ ඒ පළාතේ ක්‍රීඩකයන් ක්‍රීඩාකරන වැඩපිළිවෙලක්‌ තමයි සකස්‌ කළ යුත්තේ. එහෙම අවුරුදු දෙක තුනක්‌ ක්‍රීඩා කරන විට ක්‍රීඩකයන් සොයා ගන්න පුළුවන්. ඒ නැතිව ක්‍රීඩකයන් ටිකක්‌ අරගෙන පළාත් හතරට බෙදල පවත්වන එක සාර්ථක නැහැ.

දිවයින – ඇත්තටම ශ්‍රී ලංකාවේ ක්‍රිකට්‌ ක්‍රීඩාවට වැරදුනේ කොතැනින්ද

මහේල – මම කියන්නෙ නැහැ කරපු හැම දෙයක්‌ම වැරදියි කියලා. යම් කිසි තැන්වල ස්‌ථාවරත්වයක්‌ තිබුණෙ නැහැ. එහෙම වුණහම ක්‍රීඩකයන්ට විශ්වාසය නැති වෙනවා. විශ්වාසය නැති වුණහම ක්‍රීඩකයන් තරග දිනවන සැලැස්‌මට වඩා තමන්ට ලකුණු ගන්න උත්සහ කරනවා. ඒක සාමාන්‍ය දෙයක්‌. නමුත් ක්‍රීඩකයනුත් දැන ගන්න ඕන ඔවුන්ගෙ වගකීම ඉටු කරන්න. මේ දෙක හරියට සිදු වුණේ නැහැ.

දිවයින – ඔබ ක්‍රීඩා කරන කාලයේ මානසික වැටුණ අවස්‌ථා නැති නිසා තරග දිනුව කියලද කියන්නෙ?

මහේල – මම කියන්නෙ ඕනෑම අවස්‌ථාවක ක්‍රීඩකයන්ට එක එක පීඩන එන්න පුළුවන්. අපි ඒවා කළමනාකරණය කරගෙන ඉදිරියට යන්න ඕන. ක්‍රීඩකයන් දැන ගන්න ඕන ඔවුන්ගෙ වගකීම අරගන්න. ඒකට අනිත් අය සහය දෙන්න ඕන කියන එකයි මම කියන්නෙ.

දිවයින – මහේල සහ සංගා අනාගතය සඳහා ක්‍රීඩකයන් ආයෝජනය කළේ නැහැ කියල ඇතමුන් චෝදනා කරනවා.

මහේල – අපිට පුළුවන්ද ක්‍රීඩකයන් හදන්න. පුහුණුකරුවන්, තේරීම් කමිටු සහ තවත් පරිපාලකයන් තමයි ක්‍රීඩකයන් හදන්න ඉන්නෙ. නමුත් අපි ගහන කාලේ ඇන්ජලෝ මැතිව්ස්‌, දිනේෂ් චන්දිමාල් සහ ළහිරු තිරිමාන්න ක්‍රීඩා කළා. ඊට පස්‌සෙ කුසල් පෙරේරා, තිසර පෙරේරා, දිමුත් කරුණාරත්න වගේ ගොඩක්‌ අය ක්‍රීඩා කළා.

දිවයින – දැන් තියෙන තත්ත්වය අනුව අපේ ක්‍රිකට්‌ ගොඩ ගැනීම අපහසු තැනකට වැටිලද තියෙන්නෙ

මහේල – මගේ පෞද්ගලික ස්‌ථාවරත්වයක්‌ තියෙනවා. ඒ කියන්නෙ අපේ ක්‍රිකට්‌වලට ගැලපෙන සාරධර්ම තියෙන්න ඕන. මේ තියෙන තත්ත්වයෙන් ගොඩ එන්න අමාරු නැහැ. හැබැයි වෙනස්‌කම් කරන්න ඕන. සමහර ඒවා ටිකක්‌ බැරෑරුම් වෙනස්‌කම්. ඒ අනුව යම් කිසි සැලැස්‌මකට ගියොත් තව අවුරුදු දෙකකින් අපිට ලෝකයේ හොඳම කණ්‌ඩායම වෙන්න නැවතත් පුළුවන්.

පුවත් මුලාශ්‍රය – දිවයින පුවත්පත

Source Link : ආටිකල් 14.news

මන් කවුරු කිව්වත් එන්නේ නැ රටේ ලොකුම තැනින් කිව්වොත් ඇවිත් ස්ථිර විසදුම් ලබාදෙනවා ජාතයන්ත්රේ අත්දැකීම් මත – රොෂාන්ගේ සැර කතාව

මන් කවුරු කිව්වත් එන්නේ නැ රටේ ලොකුම තැනින් කිව්වොත් ඇවිත් ස්ථිර විසදුම් ලබාදෙනවා ජාතයන්ත්රේ අත්දැකීම් මත – රොෂාන්ගේ සැර කතාව

Source Link : ආටිකල් 14.news

කොදෙව් ශ්‍රී ලංකා පුහුණු තරගය ලංකාවට වැඩි ගෞරව ලබා දෙමින් අවසන් වෙයි. ලොකු පොඩි කුසල්ලා හා චන්දි ලකුණු අතරට

සංචාරක ශ්‍රී ලංකා කණ්ඩායම සහ කොදෙව් ක්‍රිකට් සභාපති වරයාගේ කණ්ඩායම අතර පැවති පුහුණු තරඟය ජය පරාජයෙන් තොරව ඊයේ නිමාවූ අතර තරඟය නතර කරන විට දෙවන ඉනිම ක්‍රීඩා කරමින් සිටි ශ්‍රී ලංකා කණ්ඩායම කිසිවකු නොදැවී ලකුණු 135ක් ලබාගන්නට සමත් වී තිබිණි.

තරඟයේ පළමුව පන්දුවට පහර දුන් ශ්‍රී ලංකා කණ්ඩායම තම පළමු ඉනිම සඳහා ලකුණු 428ක් ලබාගත් අතර ශ්‍රී ලංකා ඉනිමේ වැඩිම ලකුණු ලාභියා වූ නායක දිනේෂ් චන්දිමාල් ලකුණු 168ක් ලබාගත් අතර නිරෝෂන් දික්වැල්ල ලකුණු 74ක් සහ කුසල් පෙරේරා ලකුණු 65ක් ලබාගෙන කොදෙව් සංචාරයට හොඳ ආරම්භයක් ගන්නට සමත් විය.පන්දු යැවීමේදී වොරිකනන් කඩුලු 4ක් සහ කොරන්වල් කඩුලු තුනක් දවා ගන්නට සමත් විය.

කොදෙව් සභාපති වරයාගේ කණ්ඩායමේ පළමු ඉනිම ලකුණු 227 කට සීමා වූ අතර ආරම්භක පිතිකරුවන් වූ කැම්බල් සහ පවෙල් පිළිවලින් ලකුණු 62 සහ 60ක් ලබාගත් අතර කොරන්වල් නොදැවී ලකුණු 54ක් ලබා ගන්නට සමත් විය.ශ්‍රී ලංකා කණ්ඩායම වෙනුවෙන් පන්දු යැවීමේදී අකිල,දිල්රුවන් සහ ලහිරු කුමාර කඩුලු තුන බැගින් දවා ගන්නට සමත් විය.

දෙවන ඉනිම ආරම්භ කල ශ්‍රී ලංකා කණ්ඩායම හොඳ ආරම්භයක් ලබා ගනිමින් තරඟය නිමාකළේ 135/0 ලෙස සටහන් වද්දී වන අතර කුසල් පෙරේරා ,රොෂේන් සිල්වාට අවස්තාව ලබා දෙමින් පිටියෙන් ඉවත් වන විට ලකුණු 50ක් ලබාගෙන තිබු අතර නොදැවී පිටියේ සිටි රොෂේන් සිල්වා ලකුණු 22ක් ද කුසල් මෙන්ඩිස් ලකුණු 60ක් ද ලබා ගන්නට සමත් විය.

Source Link : ආටිකල් 14.news

සුමතිපාලගේ මාෆියාවෙන් කුණුගොඩට දැමු රිලාසිරි මුස්තාපා පක්ෂය වෙනුවෙන් අහක බැලූ ලෝකයට වටින මාලිංග ගැන සටහනක්

ඔහු ක්‍රිකට් පිටියට පිවිසි මුල් සමය අපට මතකය. රත්ගම ප්‍රදේශයේ තරුණයෙකු විදුලි සැර වන් පන්දු යවන බැව් එකල මාධ්‍ය විසින් වාර්තා කර තිබුණේ ඔහු ජාතික කණ්ඩායමේ පිතිකරුවන්ට පුහුණු දැල් තුළ පන්දු යැවීම ආරම්භ කළ වකවානුවේදීය.

එහි දී නම් දැරූ පිතිකරුවන් කිහිප දෙනෙක්ම ඔහුට මුහුණ දීමට එතරම් කැමැත්තක් නොදක්වන ලද්දේ ඔහුගේ පන්දු හඳුනා ගැනීම ඉතා දුෂ්කර කාර්යයක් වූ බැවින් සහ එම පන්දුවල අධික වේගය නිසා ඒවා ශරීරයේ වැදී ඔවුන් ආබාධවලට ලක්වේ යැයි ඇතිවූ බිය නිසාය. ඔහු ලසිත් මාලිංග ය.

පළමු පෙළ හා පුහුණු තරගවල දී දැක්වූ දස්කම් නිසා 2004 වසරේ ඔහුට ජාතික කණ්ඩායමේ දොර හැරෙන්නේ ශ්‍රී ලංකා කණ්ඩායමේ ඕස්ට්‍රේලියානු සංචාරයට තෝරා ගත් සංචිතයට ඔහුගේ නම ඇතුළත් වීමත් සමඟය. සංචාරයට පෙරම විචාරකයන්ගේ අවධානය දිනාගත් ඔහුගේ පන්දු යැවීමේ ඉරියව්ව ගැන ඕස්ට්‍රේලියානු පුවත්පත් විශේෂ අවධානයක් යොමු කර තිබුණි. තරගාවලිය ආරම්භ කරමින් පැවති පුහුණු තරගයේ දී ලකුණු 90කට කඩුලු 6ක් දවාගත් ඔහු තම මංගල ජාත්‍යන්තර ටෙස්ට් තරගයේ ඕස්ට්‍රේලියාවට එරෙහිව ඩාවින් හිදී එක් පන්දුවාරයක් තුළ ඇඩම් ගිල්ක්‍රිස්ට් හා ඩැරන් ලීමන් යන පිතිකරුවන් දවා ගන්නේ ටෙස්ට් පිටිය තුළ තම නාමය පළමු වරට සනිටුහන් කරමිනි. ඔහු ලසිත් මාලිංග ය.

එලෙස ආරම්භ කරන ලද ඔහුගේ ජාත්‍යන්තර ක්‍රිකට් දිවියේ හැරවුම් ලක්ෂය වූයේ 2007 ලෝක කුසලාන තරගාවලියේ ශ්‍රී ලංකා කණ්ඩායම දකුණු අප්‍රිකාව සමඟින් පැවති තරගයයි. එම තරගයේ අවසාන භාගය සජීවීව නැරඹුවේ සුළු පිරිසක් පමණක් වූ අතර එයට හේතු වූයේ ලකුණු 210ක පහසු ඉලක්කයක් හඹාගිය දකුණු අප්‍රිකා කණ්ඩායම පන්දු වාර 44ක් අවසානයේ කඩුලු 5ක් පමණක් දැවී ලකුණු 206ක් ලබාගෙන තම ඉලක්කය කරා පහසුවෙන් ගමන් කරමින් තිබූ බැවිනි.

තරගයේ 45 වන පන්දු වාරය යැවීම සඳහා නායක මහේල ජයවර්ධන විසින් පන්දුව ඔහු වෙත ලබා දුන්නේ කළ හැකි යමක් කරන ලෙස ඔහුට උපදෙස් ලබාදෙමින් ය. සිංහ සෙයින් තරගයට පිවිසි ඔහු ශ්‍රී ලාංකික ප්‍රේක්ෂකයන්ගේ බලාපොරොත්තු ඉහළ නංවමින් එම පන්දු වාරයේ පස්වැනි සහ හයවැනි පන්දුවලින් කඩුලු දෙකක් දවා ගෙන දකුණු අප්‍රිකා ඉනිම අසීරු තත්ත්වයකට තල්ලු කර හරින්නට සමත් විය. ඉන් නොනැවතී 47 වන පන්දු වාරයේ පළමු පන්දු දෙකටම කඩුලු දෙකක් දවා ගැනීමට ඔහු සමත් වූයේ එදා මෙදාතුර ක්‍රිකට් ඉතිහාසයේ පන්දු හතරක් තුළ කඩුලු හතරක් දවා ගත් පළමු ක්‍රීඩකයා බවට පත් වෙමිනි. ඔහු ලසිත් මාලිංග ය.

ඉන්පසුව ඔහු යැවූ පන්දුව අවාසනාවන්ත අයුරින් කඩුල්ලට ඉතා ආසන්නයෙන් ඇදී ගියේ දහස් ගණනක් ශ්‍රී ලාංකික ප්‍රේක්ෂකයන්ගේ මුවගින් පිටවූ සෝ සුසුම් මධ්‍යයේ ය. අනතුරුව ශ්‍රී ලාංකික ප්‍රේක්ෂක හදවත් සිඳ බිඳ දමමින් දකුණු අප්‍රිකානුවන් ජයග්‍රාහී ලකුණ රැස් කළ ද ඒ වන විටත් රත්ගමින් ආ මේ තරුණයා ලෝක ක්‍රිකට් ප්‍රේක්ෂකයන් මිලියන ගණනකගේ හදවත් දිනාගෙන අවසාන විය. ඔහු ලසිත් මාලිංග ය.

එතැන් පටන් ඔහුගේ නාමය ලෝ වටා ක්‍රිකට් ප්‍රේක්ෂකයන් මිලියන ගණනකගේ මුවග නිතර රැව් දුන් නාමයක් වන්නට පටන් ගත් අතර විවිධ රටවල ක්‍රිකට් ලීගවල කණ්ඩායම් බොහෝමයකගෙන් ඔහුට ආරාධනා ගලා එන්නට විය. එම තරගාවලිවල දී ඔහු ඩොලර් මිලියන ගණනින් අලෙවි වූ අතර එම ජනප්‍රියතාවය සහ මුදල් ඔහුගේ ජීවිතය උඩු යටිකුරු කිරීමට සමත් විය.

ලෝ වටා ක්‍රීඩාංගණවල ඔහුගේ නාමය දෝංකාර දෙන්නට පටන් ගත්තේය. ඔහුගේ කොන්ඩා මෝස්තරය ප්‍රේක්ෂකයන් අතර ඉතා ජනප්‍රිය එකක් වන්නට පටන් ගත්තේය. ඔහු යවන යෝකර් පන්දු, බවුන්සර් පන්දුවලට ලෝක පූජිත පිතිකරුවන් පවා මුහුණ දීගත නොහැකිව අසරණ වන අයුරු නිරන්තරයෙන් දක්නට ලැබුණි. කොටින් කිවහොත් ඔහුගේ යුගය ඇරඹී තිබුණි.

එකල කෙතරම් සුපිරි පිතිකරුවකු කඩුල්ලේ රැඳී සිටිය ද ඔහුගේ පන්දු වාර දෙක තුනක් ඉතිරි වී ඇති නම් තරගයේ වාසිය ඇත්තේ අප වෙත බව ශ්‍රී ලාංකික ප්‍රේක්ෂකයන් වන අප දැන සිටියෙමු. ප්‍රතිවාදීන් ලකුණු හඹා යන අවස්ථාවල දී  ජයග්‍රහණය කිරීමට අවශ්‍ය ලකුණු ගණන හා එම ලකුණු ලබා ගැනීමට ඉතිරි වී ඇති පන්දු ගණන අතර සැසඳීමක් කරන සෑම අවස්ථාවක දී ම ඔහු පිළිබඳව සඳහන් කිරීමට විචාරකයන් අමතක නොකළේ ඔහුගේ පන්දු වාර වලට ලකුණු හය හතකට වඩා ලබාගත නොහැකි බව සඳහන් කරමිනි. තම පන්දු හමුවේ හතරේ පහරක් හයේ පහරක් එල්ල වුව ද, ඔහු  පිතිකරු දෙස බැලුවේ සිනහ මුසු මුහුණින් යුතුවය. එම සිනහව තුළ සැඟවී තිබූ භයංකාර බව හමුවේ පිතිකරුවන් සලිත වී ගියහ.  ඔහු ලසිත් මාලිංග ය.

මම ඔබව මොහොතකට 2014 වසරේ 20/20 ලෝක කුසලාන අවසන් මහා තරගයට රැගෙන යමි. අප කතා නායකයා මෙම තරගයේ දී ශ්‍රී ලංකා කණ්ඩායම මෙහෙයවීමේ වගකීම ද භාරගෙන තිබුණි. පන්දුවට පහර දෙමින් සිටියේ සීමිත ඕවර තරගවල ලොව විශිෂ්ටතම පිතිකරු ලෙස නම් දරා සිටි විරාත් කෝලි හා 2011 ලෝක කුසලාන තරගාවලියේ දී තරගාවලියේ වීරයා සම්මානය දිනාගත් යුවරාජ් සිං ය. අප කතා නායකයා 18 වන පන්දු වාරයේ දී පන්දුව තම සුරතට ගත්තේ තමාට සුපුරුදු රාජකාරිය ඉටු කිරීමටය. ඔහු එහි දී භාවිතා කළ පිට ඉන්නට ඉවතින් යෝකර් ලෙන්ත් හි පන්දු යැවීමේ උපක්‍රමයට පිළිතුරක් සපයන්නට ඉන්දියානුවන්ට හැකි වූයේ නැත. යුවරාජ් පන්දුවට පිත්ත යොමු කරන්නටවත් අසමත් වන විට කෝලි අනෙක් අන්තයට වී අසරණ ලෙස බලා සිටියේය.

ඉන් පසුව යළිත් 20 වැනි පන්දු වාරය යැවීම සඳහා අප කතා නායකයා පැමිණෙන විට විරාත් කෝලි සමඟ අනෙක් අන්තයේ කඩුල්ලේ රැඳී සිටියේ ලොව විශිෂ්ටතම ඉනිම අවසාන කරන්නා ලෙස හැඳින්වෙන ඉන්දීය කණ්ඩායමේ හිටපු නායක M. S. දෝනි ය. ඔහුගේ පන්දු හමුවේ දෝනි තම උපරිම ජවය යොදා පිත්ත වැනූ නමුත් පන්දුව හතරේ සීමාවෙන් ඔබ්බට යැවීමට එම ජවය ප්‍රමාණවත් නොවීය. එය දුටු ඇතැම් මධ්‍යස්ථ විචාරකයන් දෝනි මෙලෙසින් අසරණ වනු තමන් කිසිදා දැක නොමැති බව ද පවසන ලදි. 18 හා 20 වන පන්දු වාර වලට පිළිවෙළින් ලකුණු 4ක් හා 7ක් පමණක් ලබා දෙමින් එදින ශ්‍රී ලංකා කණ්ඩායම ලෝක කුසලාන ජයග්‍රහණය වෙනුවෙන් මෙහෙයවන්නට අප කතා නායකයා සමත් විය. ඔහු ලසිත් මාලිංග ය.

ඔහු සටන්කාමියෙකි. ඔහු සටන් කළේ ප්‍රතිවාදී ක්‍රීඩකයින් සමඟ පමණක් නොවේ. තම ක්‍රීඩා දිවිය පුරා විටින් විට මතු වූ දණහිස් ආබාධය, ඇතැම් ක්‍රීඩා පරිපාලකයින්, ඇතැම් ක්‍රීඩා මාධ්‍යවේදීන් සමඟත් ඔහු සටන් කළේය. මේ සියලු සටන් මැද ඔහු තම කර මතින් ශ්‍රී ලංකා කණ්ඩායම ජයග්‍රහණය කරා මෙහෙයවූ වාර ගණන මෙහි සඳහන් කළ යුතු නොවේ.

ඔහු විශිෂ්ටයෙකි. ඒ පිළිබඳව තර්කයක් නැත. සීමීත ඕවර තරග රටාව තුළ එදා මෙදාතුර පහළ වූ විශිෂ්ටතම අවසන් පන්දු වාර යවන්නා ඔහුය. ලොව පුරා නම් දැරූ පිතිකරුවන් බොහොමයක් දණින් වැට්ටවූ පන්දු යවන්නා ඔහුය. පිට පිටම පන්දු හතරක දී කඩුලු හතරක් දවාගත් ලොව එකම පන්දු යවන්නා ඔහුය. කඩුලු ත්‍රිත්වයන් තුනක් දවාගත් ලොව එකම පන්දු යවන්නා ඔහුය. ලෝක කුසලාන කඩුලු ත්‍රිත්ව දෙකකට හිමිකම් කියන එකම පන්දු යවන්නා ඔහුය. එක්දින ජාත්‍යන්තර තරගවල නව වැනි කඩුල්ල සඳහා වැඩිම ලකුණු සබඳතාවයට සම හිමිකම් කියන්නේ ඔහුය. ඔහු ලසිත් මාලිංග ය.

වර්තමානය ගැන මම කිසිවක් නොලියමි. එය ලියා කියවා ගැනීම ඔබට භාරය. නමුත් ඔහුගේ නාමය ලෝ වටා ක්‍රිකට් ඉතිහාස පොත් තුළ හා ප්‍රේක්ෂක හදවත් තුළ රන් අකුරින් සටහන් වී හමාරය. වර්තමානය ඔහු අමතක කර දැමූව ද අනාගතයේ ක්‍රිකට් ඉතිහාසය යළි කියවෙන යම් දිනෙක ඔහුගේ නාමය යළිත් කරළියට එනු ඇත. එදිනට රත්ගම ඉපිද ලොවක් ජය ගත් සටන්කාමී තරුණයා සුපුරුදු සිනහමුසු මුහුණින් යුතුව බලා සිටිනු ඇත…

Source Link : ආටිකල් 14.news

ලෝකයේ ක්‍රිකට් කොදෙව්වන් හමුවේ ලැජ්ජාවට පත්වෙන්න යද්දි තිසරගේ පිත්තේ ලකුණු 61 නිසා ලෝක කණ්ඩායම බේරෙයි

පසුගිය වසර අග භාගයේ කැරිබියන් දූපත් හරහා ඇදී ආ ‘ඉර්මා‘ හා ‘මරියා’ කුණාටු නිසා විනාශයට පත් වූ කැරිබියානු ප්‍රධාන පෙළේ ක්‍රිකට් ක්‍රීඩාංගණ නැවත යථා තත්ත්වයට පත්කිරීමේ අරමුණින් ඊයේ (31)එංගලන්තයේ ලෝඩ්ස් ක‍්‍රිඩාංගණයේ පැවැති බටහිර ඉන්දීය කොදෙව් කන්ඩායම හා ලෝක පිළ අතර තරගයෙන් ලකුණු 72ක පහසු ජයක් හිමිකරගැනීමට බටහිර ඉන්දීය කොදෙව් කණ්ඩායම සමත්විය.

ජයග‍්‍රහණය සදහා ලකුණු 200ක දැවැන්ත ඉලක්කයක් හඹායාමට පිටියට පිවිසි ලෝක පිළට පන්දුවාර 16.4කදී කඩුලු 09ක් දැවී ලබාගත හැකි වුයේ ලකුනු 127ක් පමණි.තයිමල් මිල්ස් පන්දුවට පහරදීම සදහා නොපැමිණි අතර ඒ අනුව තරගයේ ජන කොදෙව්වන්ට හිමිවිය.

ලෝක කණ්ඩායමේ නම්බුව බේරාගත් ලංකාවේ තිසර පෙරේරා වේගවත් ප‍්‍රහාරයක් දියත් කරමින් පන්දු 37කදී හයේ පහර 03ක් හා හතරේ පහර 07ක් සමගින් ලකුණු 61ක් ලබාගත් අතර අනෙක් කිසිදු පිතිකරුවෙකුට ලකුණු 12 සිමාවෙන් ඔබ්බට ලකුණු රැුස්කිරීමට කොදෙව් පන්දු යවන්නෝ ඉඩ නොතැබූහ.

ආරම්භක කඩුලු 04 ලකුණු 08ක් තුළ බිද වැටුනු අවස්ථාවක පිටියට පිවිසි තිසර පෙරේරා ශහීබ් මලික් සමග එක්වෙමින් පස්වැනි කඩුල්ල වෙනුවෙන් ලකුණු 37ක් එක්කළ අතර අෆ්රීඩී සමග එක්වෙමින් හයවැනි කඩුල්ල වෙනුවෙන් ලකුණු 48ක් එක්කරමින් ලෝක පිළේ ලකුණු පුවරුව ඉහළ දැමීමට සමත්විය.

පන්දු යැවීමේදී කෙස්රික් විලියම්ස් ලකුනු 41කට කඩුලු 03ක් දවාගැනීමට සමත්වූ අතර සැමුවෙල් බද්රී හා ඇන්ඩ‍්‍ර රසල් කඩුලු 02 බැගින් දවාගැනීමට සමත්විය.

ලෝක කණ්ඩායමේ ඇරයුමෙන් පළමුවෙන් පන්දුවට පහරදුන් කොදෙව් කණ්ඩායම නියමිත පන්දුවාර 20 තුළ කඩුලු 04ක් දැවී ලකුණු 199ක් රැුස් කිරීමට සමත්විය.

ආරම්භක පිතිකරු වේගවත් ඉනිමක් ක‍්‍රීඩා කරමින් පන්දු 26කදී හයේ පහර 05ක් හා හතරේ පහර 05ක් සමගින් ලකුණු 58ක් එක්කළ අතර මාලන් සැමුවෙල්ස් ලකුනු 44ක් හා දිනේෂ් රාම්දින් ලකුණු 43ක් රැස් කරමින් කොදෙව් ලකුණු පුවුරුව ඉහළ දැමීමට සමත්විය.

පන්දු යැවීමේදී ලෝක පිළ වෙනුවෙන් රෆීඩ් ඛාන් ලකුනු 48කට කඩුලු 02ක් දවාගැනීමට සමත්වූ අතර අෆ්රිඩී හා මලික් අතරේ එක් කඩුල්ල බැගින් බෙදී ගියහ.

Source Link : ආටිකල් 14.news

දයාසිරි ක්‍රිකට් ක්ලබ් එකක අයිතිකාරයෙක් බව හෙලිවෙයි ගාල්ලේ පාවාදීමේ තරිදු ඒකේ නායකයා ජීවන්ත පුහුණුකරු

දයාසිරි ක්‍රිකට් ක්ලබ් එකක අයිතිකාරයෙක් බව හෙලිවෙයි ගාල්ලේ පාවාදීමේ තරිදු ඒකේ නායකයා ජීවන්ත පුහුණුකරු

Source Link : ආටිකල් 14.news

හෙට 31 ලෝක කණ්ඩායම හා කොදෙව් අතර තරගය ලෝඩ්ස් වල. නායකත්වය අෆ්‍රිඩිට. තිසර කණ්ඩායමට

බටහිර ඉන්දීය කොදෙව් කණ්ඩායම හා ලෝක ක්‍රිකට් කණ්ඩායම අතර පැවැත්වෙන පළමු හා එකම විස්සයි විස්ස තරගය හෙට(31) එංගලන්තයේ ලෝඩ්ස් පිටියේදී ආරම්භ වීමට නියමිතව ඇත.

එංගලන්තයේ ලෝර්ඩ්ස් ක්‍රිකට් ක්‍රීඩාංගණයේ දී පැවැත්වෙන මේ තරගය පැවැත්වීමේ ප්‍රධාන අරමුණ වන්නේ පසුගිය වසරේ සැප්තැම්බර් මාසයේ දී ඉර්මා හා මරියා නම් සුළි කුනාටු නිසා හානි වූ කැරිබියානු ක්‍රිකට් ක්‍රීඩාංගණ නැවත ගොඩනැංවීම හා ප්‍රතිසංස්කරණය සඳහා අරමුදල් රැස් කිරීමයි. බටහිර ඉන්දීය ක්‍රිකට් පාලන අධිකාරිය විසින් මෙම විස්සයි – විස්ස ක්‍රිකට් තරගය සංවිධානය කරනු ලැබේ.

මෙම තරගයේ ලෝක කණ්ඩායම මෙහෙයවීමේ වගකීම පාකිස්තානු සුපිරි තුන්ඉරියව් ක‍්‍රිඩක සහීඩ් අෆ්රිඩී හට හිමිව ඇති අතර තම්ම් ඉක්බාල් හා ලුක් රොන්චි ලෝක පිළේ ඉනිම ආරම්භක කිරීම බොහෝ දුරට ඉඩ ඇත.

තවද මැදපෙල සදහා ෂහීබ් මලික්,දිනේෂ් කාර්තික් හා සෑම් බිලින්ග්ස් ක‍්‍රීඩා කිරීමට ඉඩ ඇති අතර තුන්ඉරියව් ක‍්‍රිඩකයන් වශයෙන් ශ‍්‍රී ලංකා සුපිරි ක‍්‍රිඩක තිසර පෙරේරා හා අෆ්රීඩී ක‍්‍රීඩා කරනු ඇත.පසුගිය වසරේදී පාකිස්තානයේ ලාහෝර්හිදී ලෝක ක්‍රිකට් කණ්ඩායම නියෝජනය කිරීමෙන් අනතුරුව තිසර පෙරේරා ලෝක ක්‍රිකට් කණ්ඩායම නියෝජනය කරනු ලබන දෙවන අවස්ථාව මෙයයි.

පන්දු යවන්නන් වශයෙන් අයි.පී.එල් තරගාවලියේ සුපිරි දස්කම් දැක්වූ ඇෆ්ගනිස්ථානයේ රෂීඩ් ඛාන්,නේපාලයේ සන්දීප් ලෙමචන් නම් කර ඇති අතර වේගපන්දු යවන්නන් වශයෙන් මිචෙල් මැක්ලරගන් හා සෑම් කරන් නම් කර ඇත.

ක‍්‍රීඩා කල හැකි යැයි අනුමාන කළ හැකි ලෝක කණ්ඩායම- Tamim Iqbal, Luke Ronchi (wk), Shoaib Malik, Dinesh Karthik, Sam Billings, Shahid Afridi (c), Thisara Perera, Rashid Khan, Sandeep Lamichhane, Mitchell McClenaghan, Sam Curran

ලෝක කණ්ඩායමට එරෙහිව බටහිර ඉන්දීය කොදෙව්වන්ද ප‍්‍රබල කණ්ඩායමක් නම් කර ඇති අතර එහි නායකත්වය කාලෝස් බ‍්‍රත්වෙයිට් හට හිමිව ඇත.ක‍්‍රිකට් ලෝකයේ ප‍්‍රහාරාත්මකම පිතිකරුවන් ලෙස සැලකෙන ක‍්‍රිස් ගේල් හා එවින් ලුවිස් බොහෝ දුරට කොදෙව් ඉනිම ආරම්භක කිරීමට ඉඩ ඇති අතර ඇන්ඩ‍්‍ර ෆ්ලෙචර්,මාලන් සැමුවෙල්ස් ,රෝමන් පවෙල් හා දිනේෂ් රාම්දින් මැද පෙල පිතිකරුවන් ලෙස නම්කර ඇත.

තුන්ඉරියව් ක‍්‍රීඩකයන් ලෙස ඇන්ඩ‍්‍ර රසල් හා බ‍්‍රත්වෙයිට් ක‍්‍රීඩා කරනු ඇති අතර පන්දු යැවීමේ අංශය ශක්තිමත් කිරීමට සදහා ඇෂ්ලි නර්ස්,සැමුවෙල් බද්රී හා කෙස්රික් විලියම්ස් අද තරගයට ක‍්‍රිඩා කිරීමට ඉඩ ඇත.

ක‍්‍රීඩා කල හැකි යැයි අනුමාන කළ හැකි කොදෙව් කණ්ඩායම – Chris Gayle, Evin Lewis, Andre Fletcher, Marlon Samuels, Rovman Powell, Denesh Ramdin (wk), Andre Russell, Carlos Brathwaite (c), Ashley Nurse, Samuel Badree, Kesrick Williams

මේ අතර හෙට පැවැත්වීමට නියමිතව තිබෙන විස්සයි විස්ස තරගය සදහා නම් කර තිබෙන ලෝක කණ්ඩායමෙන් ඉන්දීය ක‍්‍රිඩක හර්දීක් පාන්ඩ්‍යා ඉවත්වීමට තීරණය කර තිබෙ.අයපහත් සෞඛ්‍ය තත්වය මත මෙම තීරණය ගෙන ඇති අතර ඔහුගේ ස්ථානය ඉන්දීය වේගපන්දු යවන ක‍්‍රිඩක මොහොමඩ් සමී හට හිමිව ඇත.

Source Link : ආටිකල් 14.news

කොදෙව් සංචාරය අදින් ඇරබෙයි. මහේල කණ්ඩායමට එක්වේ ඇන්ජලෝ ආබාදයෙන් පසු නැවත ක්‍රිඩා පිටියට

ශ්‍රී ලංකා කණ්ඩායමේ බටහිර ඉන්දීය කොදෙව් සංචාරය ආරම්භ කරමින් කොදෙව් ක්‍රිකට් සභාපතිගේ කණ්ඩායම සහ සංචාරක ශ්‍රී ලංකා කණ්ඩායම සහභාගි අතර තුන්දින ක්‍රිකට් තරගය අද ට්‍රිනිඩ්ද්‍රාඩ් හි බ්‍රයන් ලාරා ක්‍රීඩාංගණයේදී පැවැත්වේ.

මෙම තරඟය ශ්‍රී ලංකා වේලාවෙන් අද රාත්‍රි 8.30ට පමණ ආරම්භ වීමට නියමිත අතර, තරඟාවලියේ ක්‍රීඩක දක්ෂතා පිරිස්සීමට ඇති එකම පුහුණු තරඟය වන මෙම තරඟය ශ්‍රී ලංකා කණ්ඩායමට වැදගත් තරඟයක් බවට පත්වී ඇත.

තරඟාවලියේ පැවැත්වෙන පළමු ටෙස්ට් තරගය ජුනි 6 වැනිදා සිට 10 වැනිදා දක්වාද, දෙවැනි තරගය ජුනි 14 වැනිදා සිට 18 වැනිදා දක්වාද, තෙවැනි හා අවසන් තරගය දිවා-රාත්‍රි තරගයක් ලෙස ජුනි 23දා සිට 27 වැනිදා දක්වාද පැවැත්වීමට නියමිත අතර තම පියාගේ අභාවය හේතුවෙන් කණ්ඩායමෙන් ඉවත් වූ ධනංජය ද සිල්වා වෙනුවට වෙනත් ක්‍රීඩකයකු කණ්ඩායමට එකතු කරනවාද නැද්ද යන්න පිළිබඳව තවමත් තීරණයකට පැමිණ නැතැයි ජාතික ක්‍රිකට් තේරීම් කමිටු සභාපති ග්‍රැහැම් ලැබ්රෝයි පවසා ඇත්තේ මේ වන විටත් ක්‍රීඩකයන් 16 දෙනෙකුම කොදෙව් බලා පිටත්වී ඇති තත්වයක් තුලය.

අද තරඟය සඳහා කොදෙව් සභාපත් වරයාගේ කණ්ඩායමට නායකත්වය ලබා දෙන්නේ ජාතික කණ්ඩායම නියෝජනය කරන කිරාන් පවෙල් වන අතර ඔහුට අමතරව කොදෙව් කණ්ඩායම නියෝජනය කල ක්‍රීඩකයන් කිහිප දෙනෙකුම කණ්ඩායමට ඇතුලත් කර ඇත.

කොදෙව් සභාපති වරයාගේ සංචිතය.
කිරාන් පවල් (නායක), සුනිල් අම්බ්‍රිස් ,ජර්මියන් බ්ලැක්වුඩ්,ෂාමාර් බෲක්ස්,ජෝන් කැම්බෙල්,රාඛීම් කෝන්වෝල්,මිගෙල් කුම්මීස්,ජෑම්මා හැමිල්ටන්,චන්ද්‍රපෝල් හෙම්රාජ්,කියොන් ජෝශප් රේමන් මහරීර්,විෂුවල් සිං,ජොමෙල් වොරිකන්

ශ්‍රී ලංකා සංචිතය
දිනේෂ් චන්දිමාල් (නායක), ඇන්ජිලෝ මැතිව්ස්, අකිල ධනංජය,,නිරෝෂන් දික්වැල්ල, අසිත ප්‍රනාන්දු, ළහිරු ගමගේ, සුරංග ලක්මාල්, කුසල් මෙන්ඩිස්, දිල්රුවන් පෙරේරා, කුසල් ජනිත් පෙරේරා, කසුන් රාජිත, රොෂේන් සිල්වා, මහේල උඩවත්ත, ජෙෆ්රි වැන්ඩර්සේ

Source Link : ආටිකල් 14.news

‘අපි ගොඩක් තරග දින්නේ පන්දු යවන්නන් නිසා. ඒක කලේ මුරලි සර්’ හයිද්‍රාබාද් හා නවසිලන්ත කණ්ඩායම් නායක මුරලිට දුන් සහතිකය

සන්රයිසස් හයිද්‍රබාද් කියන්නේ IPL ඉතිහාසයේ නවතම කණ්ඩායමක්. Sunrises කියලා කණ්ඩායමක් මුලින්ම ස්ථාපිත වන්නේ IPL ආරම්භ කර වසර 6 කින්. ඒ කියන්නේ 2013 දී. මෙසේ පැමිණෙන Sunrises පිල 2016 දී IPL කුසලානය හිමි කරගන්නවා.

කෙසේ නමුත් ඉන් වසර දෙකකට පසු, එනම් 2018 වසරේ අවසන් මහා තරඟයට Sunrises පිල සුදුසුකම් ලබන්නේ ප්‍රසාද ලකුණු සටහනේ වැඩිම ලකුණු හිමිකරගත් කණ්ඩායම ලෙසින්. කෙසේ නමුත් චෙන්නායි සුපර් කිංග්ස් කණ්ඩායම සමග අවසන් මහා තරඟය ක්‍රීඩා කරන Sunrises පිල වොට්සන් හමුවේ අසරණ වන්නේ තමන්ගේ දෙවන IPL කුසලාන සිහිනය බොඳ කරමින්.

කෙසේ නමුත් සන්රයිසස් පිල සාර්ථකයි. එසේ පවසන්නේ ඩේවිඩ් වෝනර්ට පැනවූ තරඟ තහනම නිසා සන්රයිසස් පිලේ නායකත්වයට හිමිකම් කි කේන් විලියම්සන්ය. මෙවර පැවති IPL තරඟාවලියේ Orange cap හෙවත්, වැඩිම ලකුණු ප්‍රමාණයක් රැස් කරපු ක්‍රීඩකයාට හිමි සම්මානය දිනාගන්නේද Sunrises පිලේ නායක විලියම්සන් ය.

කෙසේ නමුත් ඉන්දියානු මාධ්‍යකට වැඩි දුරටත් අදහස් දක්වමින් විලියම්සන් පවසා සිටියේ ” අපි තරඟ වැඩි ප්‍රමාණයක් ජයගත්තේ ලකුණු රැස් කරලා නෙවෙයි, අපේ පන්දු යවන්නන්ගේ දක්ෂතා මත. අපේ පන්දු යවන්නන් දක්ෂ ක්‍රීඩකයන් බව ඇත්ත. නමුත් ඔවුන්ගේ දක්ෂතා ඔප මට්ටම් කරලා අදාලා තරඟ හා තණතිලි වලට ඔචිත ලෙස ඔවුන්ව හදලා ගත්ත ලොකු පුජිත පුහුණුකරුවෙක් අපිට හිටියා. ඒ තමයි Legend මුත්තයියා මුරලිදරන් සර්.

Image result for murali in sunrises ipl

මේ තරඟාවලිය පුරාවටම හැම කණ්ඩායමකටම හිස රදයක් වුන පන්දු යවන්නා තමයි ඇෆ්ගනිස්ථාන දඟ පන්දු යවන රාශිඩ් ඛාන්. රාශිඩ්ට අන්තර්ජාතික තරඟ පුහුණුව තිබ්බත්, ප්‍රිමියර් ලිග් තරඟ වලට ඔහුව හැඩ ගැස්සුවේ මුරලි. මන් හිතනවා මුරලි හිටපු එකෙන් අපේ කණ්ඩායමේ පන්දු යවන්නන් ගොඩාක් දේවල් ඉගෙන ගත්තා පමණක් නොව අවසන් මහා තරඟයට අපි සුදුසුකම් ලැබුවේත් ඔහු නිසා. ලබන වසරේත් ඔහුගේ සහය අපේ කණ්ඩායමට ලැබෙයි කියලා අපි විශ්වාස කරනවා.” යැයි විලියම්සන් පැවසිය.

Image result for murali in sunrises ipl

දුකට කරුණ නම්, වෙනත් රටවල් වල සිටින ක්‍රීඩකයන් අපේ රටෙන් බිහිවූ ලෝක පුජිත ක්‍රීඩකයකු පිළිබඳව වරනනා කරද්දී සහ විදෙස් රටවල් වලින් ඔහුගේ සහය ගෙන ඔවුන්ගේ කණ්ඩායම් හා ක්‍රීඩකයන් පුහුණු කරන අවස්තාවක අපේ රටේ අපේ සම්පත් ප්‍රයෝජනයට නොගැනීමයි.

ශ්‍රී ලංකා කණ්ඩායම කඩා වැටීම හා ක්‍රීඩකයන්ගේ ශරීර යෝග්‍යතාවය පිළිබඳව බැන වැදීම පසෙක තබා, ශ්‍රී ලංකා කණ්ඩායමට අවශ්‍ය කුමක්ද සහ, එය ගැනීමට පහසු මග කුමක්ද යන්න අප සොයා බැලිය යුතු නොවේද ?

විදෙස් පුහුණුකරුවන් සඳහා ඩොලර් මිලියන ගණන් ගෙවා මෙරටට ගෙන්වා අප ලද දෙයක් නැත. ශ්‍රී ලංකා ක්‍රිකට් ආයතනය ඩොලර් මිලියන ගණන් ලාබා ලැබුවත්, එම ලැබ ලබන මුදල් ශ්‍රී ලංකාවේ ක්‍රිකට් දියුණුව සඳහා වැය කර, මුරලි, සංගා, මහේල වැනි ලෝක පුජිත ජේෂ්ඨ ක්‍රීඩකයන්ගේ දැනුම හා පරිණත භාවය අප කණ්ඩායම සමග බෙදාගැනීමට ඔවුන්ව නැඹුරු කිරීමට කටයුතු කරනවා නම් එළඹෙන ලෝක කුසලානය වන විට අපට ශක්තිමත් කණ්ඩායමක් බිහිවනු ඇත.

Source Link : ආටිකල් 14.news