චන්දිමාල්ගේ උපන්දින සාදයේ දාපු Dance මොනවද? බලන්න මේ ටික.

ඔයාලට මතක ඇති පසුගිය කාලේ චන්දිමාල් ගේ උපන්දින සාදයේදී Dance කරන වීඩියෝ කිහිපයක් අන්තර්ජාලයේ හෝමාරු වුනා. ඒ වගේම බොහෝ දෙනා එම අවස්ථාව ගැන එක එක අදහස් දැක්වුවා. චන්දිමාල් ගේ උපන්දින සාදයට සහභාගී වූ කිහිපදෙනෙක් ඇතුළුව ලංකාවේ මේ දිනවල සමාජ ජාලා වෙබ්අඩවි වල ප්‍රසිද්ධ නිරූපණ ශිල්පිනියන් කිහිපදෙනෙක් සරාගී නර්තනයක යෙදෙන අවස්ථාවක් දැක්වෙන වීඩියෝ කිහිපයක් මේ වන විට අන්තර්ජාල සීග්‍රයෙන් හෝමාරු වෙනවා.

එම වීඩියෝව පහතින් නරඹන්න,

The post චන්දිමාල්ගේ උපන්දින සාදයේ දාපු Dance මොනවද? බලන්න මේ ටික. appeared first on Gossip News | Rajagossip | Latest Gossip | ගොසිප් | rajagossip.lk - Raja Gossip.

Source Link : Gossip – Gossip News | Rajagossip | Latest Gossip | ගොසිප් | rajagossip.lk – Raja Gossip

උමාලි සම්මාන උළෙලේදී ගැයූ ගීතය කා වෙනුවෙන්ද?

උමාලි මෙවර දෙරණ සිනමා සම්මාන උළෙලේදීත් සම්මානනීය නිළියක් බවට පත්වුණා.

ඔව්. ඒ ගැන ලොකු සතුටක් තිබෙනවා. ව්ඪදධ තඪමඥ සහ ඒ ලෙවල් චිත්‍රපටවල කණ්ඩායමේ පිරිස එක්ක සතුටින් වැඩ කළා. ඒ සතුටෙ දිගුවක් ලෙස සම්මානනීය ඇගයුම් ලැබිලා තිබෙනවා. හොඳම සහාය නිළිය සහ ජනප්‍රියම නැඟී එන නිළිය කියන සම්මාන හිමිවීම ගැන සතුටින් ඉන්නේ.

ඔබට පළමු වතාවට තමයි ජනතා සම්මානයක් ලැබෙන්නේ?

ඔව්. මම කාලයක් ලංකාවේ හිටියෙත් නෑ. නිර්මාණවලින් විතරයි ප්‍රේක්ෂකයන්ට මාව දකින්න ලැබුණේ. බාහිර වැඩවලට සම්බන්ධ වුණෙත් නෑ. සමාජය සමඟ ගනුදෙනු කළෙත් නෑ. මගේ රංගනය අගය කරන අය තමයි මට මනාප පළ කරන්න ඇත්තේ. මාව මතක තියාගෙන මට මනාප පළ කළ ප්‍රේක්ෂකයන්ට මම ස්තුතිවන්ත වෙනවා.

ඒ නිර්මාණ නිසා මෙවරත් සම්මානනීය ඇගයුම් ලැබෙයි කියලා බලාපොරොත්තු සහිතවද හිටියේ?

මම සම්මාන බලාපොරොත්තුවෙන් වැඩ කරන්නේ නැහැ. සම්මානයක් හිමි වෙන්නේ අපි කළ දේ තුළ යම් ගුණාත්මක මට්ටවක් තිබෙන නිසා. රංගනයෙන් සම්බන්ධ වෙන චරිතය මම ඉගෙන ගත්ත දේවලුත් එකතු කරගෙන උපරිම ලෙස කරන්න මම උත්සාහ කරනවා. ඒ උත්සාහයට, ඒ කැප කිරීමට සම්මානයක් ලැබෙද්දී සතුටුයි.

සම්මාන උළෙල නිසාමද උමාලි ලංකාවට ආවේ?

නෑ. තවත් වැඩ කටයුතු කිහිපයක් නිසා මම කලින්ම ලංකාවට ඇවිත් හිටියේ.

උමාලිට පසුගිය වසරෙත් සම්මානීය ඇගයුම් කිහිපයක් ලැබුණා. අඩු වයසකදී පිට පිට සම්මානනීය ඇගයුම් ලැබීමත් ලොකු වටිනාකමක් නේද?

මාව මුලින්ම කැමරාවක් ඉස්සරහට ගෙනාවේ උදයකාන්ත වර්ණසූරිය මහත්මයා. ඒ 2000දී. මට පළමු ඇගයීම ලැබුණේ 2010දී. ඒ ෂර්ලි පී. දෙලංකාවල මහත්මයාගේ පූජාසනය නිර්මාණයේ “සඳලි” කියන චරිතයට. අරුංගල් ටෙලි නාට්‍ය වෙනුවෙන් මට හොඳම නිළිය සම්මානය ලැබුණා. මම විදේශගත වෙලා රංගනය ගැන ඉගෙන ගෙන ලංකාවට ආවට පස්සේ ප්‍රධාන චරිතයක් කළ පළමුවැනි නාට්‍ය බොහිමියානුවා. මට හොඳම නිළිය ලෙස ගිය වසරේ සම්මාන 3ක් ලැබුණා. ඒ ලෙවල් චිත්‍රපටය කළෙත් විදේශගත වෙලා ඉඳලා ලංකාවට ආවට පස්සේ. රංගනයේ බරපතළකමක් දැනිලා තිබුණේ නැති කාලයක තමයි ව්ඪදධ තඪමඥ චිත්‍රපටයට සම්බන්ධ වුණේ. ඉතිං ඒ නිර්මාණවලින් සම්මානනීය වීමට ලැබීම ලොකු අවස්ථාවක්.

උමාලිගේ තෝරා ගැනීම් මේ ඇගයීම්වලට හේතුවක් වුණා කියලා හිතෙන්නේ නැද්ද?

මම නිර්මාණ තෝරා ගන්නවට වඩා නිර්මාණ මාව තෝරගත්තා කිව්වොත් හරි. චරිතයට වුවමනා යමක් මං ළඟ තිබ්බ නිසානේ ඒ චරිතයට මාව තෝර ගන්නේ. මමත් තෝරා ගැනීම් කරනවා. නිර්මාණය තුළ කරන්න තිබෙන දේ ගැන මම බලනවා. මම නිර්මාණ තෝරා ගත්තා කියනවට වඩා මම කැමැතියි නිර්මාණ මාව තෝරාගත්තා කියනවට. ඒ ටීම් වර්ක් එක ඇතුළේ හැමෝගෙම සහයෝගය එක්ක ඒ නිර්මාණ සාර්ථක වුණා. ඒ වගේම මගේ කාර්යයත් උපරිමයට කරන්න පුළුවන් වුණා.

මේ සම්මානනීය ඇගයීම් ඔබේ හැකියාවටම පමණක් ලැබුණ දේවල්ද?

රංගනය කියන්නේ ලේසියෙන් පහසුවෙන් කරන්න පුළුවන් දෙයක් නෙමෙයි. මම රංගනය හැදෑරුවේ රංගනයට ඒ තුළින් යම් ශක්තියකුත් ලැබෙන නිසා. මගේ රංගන ජීවිතය ඇතුළේ මට හොඳ අධ්‍යක්ෂවරුන්, නිෂ්පාදකවරුන් හම්බවුණා. කරන්න ලැබුණ නිර්මාණ කිහිපයෙදි වුණත් මට ලැබිච්ච අත්දැකීම් වගේම මාත් එක්ක හිටපු ජේ‍යෂ්ඨ ශිල්පීන්ගෙන් ලැබුණ ගුරුහරුකම් මට වැදගත් වුණා. මම අලුත් කෙනෙක් කියලා කවදාවත් ඔවුන් මාව කොන් කළේ නෑ. එදත් අදත් මට ඔවුන්ගේ ආශීර්වාදය ලැබෙනවා.

ඒ කියන්නේ උමාලිට මේ වගේ සම්මානනීය ඇගයුම් ලැබෙද්දි හැමෝම සතුටු වෙනවා ඇතිද?

මගේ පවුලේ අය, නෑදෑයෝ, යහළුවෝ කොහොමත් සතුටු වෙනවා. මම නිරූපණය කළ චරිතය දැනුණා නම් අනෙක් අය නියම ලෙස මේ ඇගයීම් ගැන සතුටු වෙනවා ඇති. මට නම් සම්මානයකට නිර්දේශ වීමත් සතුටක්. ක්ෂේත්‍රයේ ඕනම කෙනෙක්ට සම්මානයක් ලැබෙද්දී මට සතුටුයි. අනෙක් අයත් එහෙම සතටු වෙනවා ඇති කියලා මම හිතනවා.

උමාලි සම්මාන ලැබුවට පස්සේ සම්මාන උළෙලේදී ගායනා කරන ගීත කොටස ගැන බොහෝ අය බොහෝ දේ කියන්න ගත්තා. ඇත්තටම ඒ ගීත කොටස් ගැයුවේ කා වෙනුවෙන්ද?

අපි නිර්මාණයක් තෝර ගන්නේ ඒක හැඟෙන දැනෙන නිසා. ඒ ඇතුළේ අපි ජීවත් වෙනවා. මට කාවැදිච්ච ගීත කොටසක් තමයි මම රයිගම් ටෙලි සම්මාන උළෙලේදී ගායනා කළේ. බොහිමියානුවා නිර්මාණයේ කණ්ඩායම වෙනුවෙන් මම එදා ඒ ගීතය ගායනා කළා. මම ඒ නිර්මාණයට දායක වෙලා උළෙලට සහභාගි වුණා. මට දැනෙන දේ මම කිව්වේ. ඒක එක එක අය එක එක විදියට ගන්න පුළුවන්. මට අදාළ නැහැ. ඒ වගේමයි මට ව්ඪදධ තඪමඥ චිත්‍රපටයත් හරි විශේෂයි. ඒ චිත්‍රපටයෙදි “ඔබේ ආදරේ සොයා යන්න” කියන ගීතය මම සංඛ දිනෙත් එක්ක ගායනා කළා. ඒ නිර්මාණයේ හැමෝම වෙනුවෙන් ඒ නිර්මාණය ඉස්මතු කරන්න තමයි මම දෙරණ සිනමා සම්මාන උළෙලේදී ඒ ගීතය ගැයුවේ. මට ගායන හැකියාවක් තිබෙනවා. මට හැඟිච්ච නිසා එය ඉදිරිපත් කළා. අනෙක් අය ඒක මොන විදියට හිතුවත් ‍ෙදාස් කියන්න බෑ.

උමාලි පහුගිය කාලේ ලංකාවේ හිටියේ නැත්තේ?

මම දැන් තාත්තාගේ වැඩවලට උදවු වෙනවා. ඉතිං ඒ වැඩවලදි නේපාලය, ජපානය, ඉන්දුනීසියාව, මැලේසියාව වගේ රටවල් කිහිපයක සංචාරය කරන්න වුණා. ඒකයි එක දිගට ලංකාවේ රැඳෙන්න කාලය නැති වුණේ.

ඔය වැඩ කටයුතුත් එක්ක රංගනයට වෙන් කරන්න උමාලිට කාලය තියෙනවද?

ඔව්. ඒ වැඩ කටයුතු එක්ක කතාබහ කරලා රංගන කටයුතුවලට වෙන් කරන්නත් කාලය තියෙනවා.

අලුත් නිර්මාණවලට ආරාධනා ලැබුණද?

ආරාධනා ලැබිලා තියෙනවා. නමුත් ඒවා තවම සාකච්ඡා මට්ටමෙන් තියෙන්නේ.

උමාලිගේ ගායන හැකියාවෙන් අලුත් නිර්මාණයක් කළේ නැද්ද?

මෙදා සැරේ ලංකාවට ආවට පස්සේ නවරත්න ගමගේ සර් සංගීතවත් කළ කුමාර ලියනගේ මහත්මයා ලිව්ව ගීත දෙකක් මම ගායනා කරලා පටිගත කළා. මම ඒ ගීත කළේ මගේ තාත්තගේ ආසාවට. මගේ සින්දු අහන්න ගෙදර අය ආසයි. නිර්මාණ කටයුත්තක් ළඟදී කළේ නැති නිසා තමයි මේ ගීත දෙක පටිගත කළේ. හෙමින් සැරේ ගීතවල රූපරචනා කරනවා.

පෞද්ගලික ජීවිතේ අලුත් වෙනස්කම්, සැලසුම් තියෙනවද?

සැලසුම් කරපු දේවල් නම් නෑ. ධර්මානුකූලව ජීවිතය ගත කරනවා. ධර්මයෙන් මට ලැබුණ පිටිවහල අසීමිතයි. පුළුවන් තරම් හිත සැහැල්ලුවෙන් ජීවත් වෙනවා.

පහුගිය කාලේ උමාලිගේ පෞද්ගලික ජීවිතයට විවිධ විවේචන එල්ල වුණා. ඒ විවේචන ගැන උමාලිට මොකද හිතුණේ?

විවේචනය කියන දේ සමාජයේ පොදු දෙයක්. විවේචන අපි හැමෝටම එල්ල වෙනවා. කලා ශිල්පීන් කියන්නේ මිනිස්සු අතරට වැඩිපුර ගිය පිරිසක්. ඒ අය ගැන විවේචන වැඩියි. ඒ විවේචන එල්ල කරද්දි වටින් ගොඩින් එල්ල කරනවට වඩා කෙළින්ම කියන්න ඕන කෙනාට කියන්න ඕන. එක එක අය එක එක විදියයි. ඒ අය කියන දේවල් මට අදාළ නැහැ. මම ඒ දේවල් පස්සේ යන්නෙත් නෑ. ඒවා බල බල දේවල් හැඩ ගස්ස ගන්න ගියෙත් නෑ. මගේ ඉස්සරහට ඇවිත් කවුරු හරි මාව විවේචනය කළොත් මම ඒවට ප්‍රතිචාර දක්වනවා. නැත්නම් මට ඒ විවේචන අදාළ වෙන්නේ නෑ.

ඒ විවේචනවලින් උමාලිට හානියක් නැද්ද?

නෑ. මගේ හිත ශක්තිමත් වෙනවා. අටලෝ දහම කාටත් පොදුයි. මේ කිසිම දේකින් සිත නොසැලී තියාගන්න ප්‍රගුණ කළ යුතුයි. ඒක මට උපරිම පුහුණු කරන්න ඒ වාතාවරණය රුකුලක් දෙනවා.

තිළිණි කෞශල්‍යා විජේසිංහ

Source Link : Bro – බ්‍රෝ

ගත්ත කෝල් 2ම busy ..තුන් වෙනියාට එක SMS එකකින් මිලියන 2ක් ලැබුණ හැටි.. ! (video)

ඊයේ සිරස උපන්දින සාදයේදී හොඳම ප්‍රේක්ෂකයාට මිලියන 20ක් දෙන්න නියමිත වී තිබුනි. දිනපතා ටෙලිනාට්‍ය ඇසුරින් අහන ප්‍රශ්න වලට නිවරදි පිලිතුර SMS එවූ ප්‍රේක්ෂකයින් අතරින් අහඹු ලෙස ජයග්‍රාහකයා තෝරා පත්කරගත්තේ මාධ්‍ය ජාලයේ ප්‍රධාන විධායක නිළධාරී නීතීඥ සුසාර දිනාල් මහතායි.

ඔහු තෝරාගත් පළමු අංකය හිමි වාසනාවන්තයාට සජීවීව ඇමතුමක් ලබාගත්තත් එම අංකය කාර්යබහුල වුනි. ඒ අනුව දෙවැනි අංකය තෝරාගත් අතර ඒ වාසනාවන්ත අංකත් කාර්යබහුල වීම නිසා අවස්ථාව මගහැරුනු අතර පසුව තුන්වන අවස්තාවේ ලබාගත් ඇමතුමෙන් මිලියන 2ක සුපිරි ත්‍යාගය දිනාගන්නට කොළොන්නාව ප්‍රදේශයේ ප්‍රැක්ටීසියා මහත්මියට වාසනාව ලැබුණා.

ඊයේ දිනයේ සුපිරි ත්‍යාගය වෙනුවෙන් දහස් ගණනක් SMS ලැබී තිබූ බවත් ප්‍රේක්ෂක ජනතාවට තමන් සමග රැදීසිටීම වෙනුවෙන් ලබාදිය හැකි හොඳම කෘතගුණ දැක්වීම මෙය බවයි සුසාර දිනාල් මහතා පවසා සිටියේය.

Source Link : Bro – බ්‍රෝ

කෝටි 5 කට වැඩිය වියදම් කරමින් සාදයට පැමිණි හැමෝටම බැංකොක් යන්න ටිකට් දුන්න බර්ත් ඩේ පාටි එක…!

Royal Party එකක් ගැන පහුගිය දවස් වල හැම තැනම කතා වුණා. Party එකටත් වඩා ගොඩක් අය ඒකේ ඇඳුම් පැළදුම් විවේචනයට ලක්කලා.ඒ Party එක Royal වුණේ ඇඳුම් පැළදුම් වලින්.හැබැයි මේ Party එක රෝයල් වුණේ දීපු තෑගි වලින්. උපන්දින සාදයක් වුනත් මේක තරමක වෙනස්. හේතුව මේක සැමරුවේ ලංකාවේ රූපවාහිනී නාලිකාවක්.

සුපිරි ත්‍යාගය වෙනුවෙන් රුපියල් කෝටි 2ක වටිනාකමකින් යුක්ත සුපිරි Mercedes-Benz CLA රථයක් සූදානම් කර තිබුනා. ඊට අමතරව සහභාගී වූ සියළුම දෙනාට බැංකොක් යන්න ගුවන් ප්‍රවේශ පත්‍ර ලබාදීලා තිබුණා.

500 ක පමණ සීමිත පිරිසක් මෙයට ආරාධනා ලැබ තිබුණා.තම නාලිකාව නරඹන ප්‍රේක්ෂකයින් වෙනුවෙන් නුදුරු දිනයක සිට ලබාදෙන තෑගි බෝග ගැනත් නවතම ටෙලිනාට්‍ය සහ වැඩසටහන් පෙළ ගැනත් මෙහිදී සඳහන් කර තිබුනා.

මේ ඒ Party එකේ ඡායාරූප පෙලක් ..

Source Link : Bro – බ්‍රෝ

කිසි කෙනෙක්ට මං බය නෑ, ලබන අවුරුද්දෙත් මීට වඩා හොඳට උපන්දිනේ සමරනවා – චන්දිමාල් (video)

රූපලාවන්‍ය ශිල්පියෙකු වූ චන්දිමාල් ජයසිංහ ඔහුගේ උපන්දිනය රාජකීය අයුරින් පසුගියදා සමරනු ලැබුවා. මේ සඳහා කලාකරුවන් රැසක් සහභාගී වී සිටි අතර අන්තර්ජාලයේ එහි ඡායාරූප පලවීමත් සමඟින් මේ පිළිබඳව බොහෝ දෙනෙකු අතර කතාබහක්ද ඇතිව තිබුණා.

අතැමුන් ඔහුගේ ක්‍රියාවට දෝෂාරෝපණ එල්ලකර සිටි අතර තවත් පිරිසක් ඔහු උපයූ මුදලින් ඔහුට රිසි සේ උපන්දිනය සමරන්නේ නම් එය ප්‍රශ්නයක් නොවන බවද පවසා සිටියා.

මේ වන විට එලෙසින් එල්ල වූ විවිධ චෝදනාවලට මෙන්ම ප්‍රසංශාවන්ට චන්දිමාල් පිළිතුරු ලබා දී තිබෙනවා. ඔහු පවසා සිටින්නේ තමන් වියදම් කරන්නේ ඔහු විසින් දුක් මහන්සියෙන් හම්බකළ මුදල් නිසා එය කිසිවෙකු ප්‍රශ්නයක් කරගත යුතු නැති බවයි.

ඔහුගේ කතාව ඇතුලත් වීඩියෝව පහතින්……

Source Link : Bro – බ්‍රෝ

හනිමූන් යද්දි වෙඩින් ඇල්බම් එකත් අරන් යන්න දෙන ලංකාවේ එකම ස්ටූඩියෝ එක – Photos

වෙඩින් එක කියන්නේ තරුණයෙකුගේ වගේම විශේෂයෙන්ම තරුණියකගේ ජීවිතයේ වැදගත්ම දවසක්. බොහෝ දෙනෙක් ජිවිතේ හරිම අමාරුවෙන් හරි හම්බ කර ගත්තු ඔක්කොම මිල මුදල් ටික වැය කරලා තමන්ගේ විවාහ මංගල්‍යය කරන්න උත්සහ කරනවා. මොකද ජීවිතේටම එකම එක පාරයිනේ මගුලක් කන්නේ, එදාට පුළුවන් උපරිමයෙන් ලස්සනට , හැමෝටම පෙන්න, හැමෝගෙම කතාබහට ලක් වෙන්න වෙඩිමක් ගන්න ඕනේ කියලා තමයි හැමෝගෙම හිත්වල තියෙන්නේ. ඔන්න ඔය නිසාම තමයි ගොඩක් අය හොඳ හැටියට ජයටම මගුල් කන්නේ. පස්සේ තමයි විවාහේ විය හියදම් ගැන ලතැවෙන්නේ.

අනේ අපිට මෙන්නේ මේක මේ විදිහට කරගන්න තිබුනා නේද? මේ වියදම් ටික තව චුට්ටක් කල්පනා කළා නම් තව ගොඩාක් අඩු කරගන්න තිබ්බා නේද කියලා හිතෙන්නේ කසාදෙන් ටික කාලෙකට පස්සේ. අම්මලා තාත්තලා වෙඩින් එක කරලා දුන්නත් ,මනාල ජෝඩුව එකතු වෙලා වෙඩින් එක කරගත්තත් වියදම් වියදමම තමයි. හැබැයි ඉතින් මොන විදිහට වියදම් ගිහින් ගැටළුවක් ආවත් නැතත්, හැමදෙනාම වගේ සතුටු වෙන්නේ වෙඩින් එකේ ෆොටෝස් දකිද්දී. මොකද ලංකාවේ වෙඩින් එකක තියෙන වැඩ ගොඩත් එක්ක, විවාහ දවසේ මනාලයාට මනාලියව හරියට දකින්න වෙන්නෙත් නැහැ. මනාලියට මනාලයාව හරියට දකින්න වෙන්නෙත් නැහැ. දෙන්නම තමන්වම හරියට දැකලත් නැහැ. ඒ තරම් වැඩ ගොඩාක් එක දවසක, පැය දෙක තුනක් අතරේ සිද්ධ වෙනවානේ.

ඔන්න ඔය වෙලාවට තමයි වෙඩින් එකේ ෆොටෝස් වල වටිනාකම තියෙන්නේ. ඇත්තටම තමන්ගේ වෙඩින් එක දවසේ, මනාල ජෝඩුව කොහොමද හිටියේ, අම්මලා තාත්තලා කොහොමද කියලා හරියටම බලාගන්න තියෙන එකම පුළුවන්කම තමයි වෙඩින් ෆොටෝස්. ඒ නිසාම තමයි හැමෝම වගේ කියා ගියත් කමක් නැහැ හොඳට වෙඩින් එකේ ෆොටෝස් ටික කරගන්න ඕනේ කියලා වෙඩින් ෆොටෝස් වෙනුවෙන් ලොකු ගානක් වියදම් කරන්නේ.

එක එක්කෙනා එක එක විදිහට වෙඩින් ෆොටෝස් ගන්නවා. ඒ වගේම තමයි වෙඩින් ෆොටෝ වලට ලොකු ඉල්ලුමක් තියෙනවා කියලා දන්නා නිසාම,වෙඩින් ෆොටෝ වෙනුවෙන්ම ගොඩ දෙනෙක් දැන් තමන් ප්‍රසිද්ධයි කියලත් කියනවා. ඒ වෙනුවෙන් ලොකුවට ගෙවිමුත් බලාපොරොත්තුවෙනවා.

මේ කාරණා කොහොම වුනත් ගොඩ දෙනෙක් ට තමන්ගේ වෙඩින් ඇල්බම් එක ලැබෙන්නේ, පලවෙනි බබාත් හම්බවුනායි පස්සේ. වෙඩින් එකෙන් පස්සේ දින,සති ,මාස ගානක් ගිහිල්ලත්, තමන්ගේ වෙඩින් එකේ ෆොටෝස් වෙලාවට කලාවට ලැබෙන්නේ නැති එක නම් ඇත්තටම ගැටළුවක් තමයි. මේ අත්දැකීමටත් ලංකාවේ ගොඩ දෙනෙක් මුහුණ දීලා ඇති. කව්රු වුනත් කැමතිනේ තමන්ගේ ජිවිතේ ලස්සනම දවසේ, තමන් කොහොමද හිටියේ,අමාරුවෙන් ,එක එක විදිහට රඟපාලා ගත්තු ෆොටෝස් ටික හොඳට තියෙනවාද? කියලා බලා ගන්න. ඊටත් වඩා, වෙඩින් එක ගැන ලොකුම උනන්දුව තිබ්බ අල්ලපු ගෙදර ඇන්ටි කොහොමද තමන්ගේ වෙඩින් එකේ හිටියේ කියලා බලාගන්නත් එපැයි.

ඉතින් ඒ හැම දෙයක්ම බලාගන්න පුලුවන් වෙන විදියට වෙඩින් එක ඉවරවෙලා හනිමූන් එකට යද්දිම ෆොටෝ ඇල්බම් එක ඔයාගේ ළඟටම දෙන නියම වැඩක් ගැන තමයි මේ කියන්න යන්නේ. ලංකාවේ ප්‍රථම වතාවට හඳුන්වාදෙන මේ සේවාව ඔයාට ලබාගන්න පුලුවන් STUDIO U එකෙන් විතරයි. ඉහළම තාක්ෂණය උපයෝගී කරගෙන ඔවුන් කරන මේ වැඩේදී ජීවිතේ අමතකම නොවන දිනයේ රසමුසු තැන් ඔයාට පැය 48ක් ඇතුලත බලාගන්න ලැබෙනවා කියන්නේ හීනයක් වගේ දෙයක්.

ඒ වගේම ඉතින් හනිමුන් එකට යද්දීම දෙන්නගේ ෆොටෝ ඇල්බම් එක ලැබෙනවා කියන්නේ නිවාඩු පාඩුවේ තමන්ගේ බිරිඳ නැත්තම් සැමියා එක්ක විවාහයේ සොඳුරුතම තැන් ආයෙත් මතක් කරගන්න පුලුවන් කියන එක. තාක්ෂණය අතිනුත් STUDIO U කියන්නේ ලංකාවේ සුපිරිම බඩු වලින් වැඩ කරන ටීම් එකක් කියලා කීවොත් හරියටම හරි. විවාහ මංගල ඡායාරූප කළාවේ ප්‍රවීනයින් වුණු STUDIO U මේ වෙද්දි කාගෙත් තේරීම බවට පත්වෙලා තියෙන්නේ අන්න ඒ විශේෂත්වයන් හින්දා. කොටින්ම කීවොත් ලංකාවේ ඉන්න වැඩ්ඩෝ ටික ඉන්නේ මේකේ. වෙඩින් ඇල්බම් එකක් කරලා හනිමූන් එකට කලින් ඇල්බම් එක දෙනවා කියන්නේ ලේසි වැඩක් නෙවෙයි කියලා ඕනි කෙනෙක් දන්නවනේ.

කාලයක් තිස්සේ ඉඳන් ප්ලෑන් කරලා, ලොකු වියදමක් දරලා, ලොකු කැපවීමකින් ගන්න වෙඩින් එක ලස්සන කරගන්න හැමෝටම ඕනේ. ඒ වගේම තමන්ගේ ජිවිතේ වැදගත්ම දවසේ ඉතුරු වන මතකයත් ගොඩාක් වටිනවා. ඉතින් මංගල දවසේ මතකය ඉතුරු කරන ෆොටෝස් හරි තැනකින් කරගන්න හැමෝම වගේ උත්සහ කරන එකේ කිසිම වරදක් නැහැ. ඒ වගේම තමන්ව විශ්වාසයෙන් තමන් ලඟට එන අයට හොඳ සේවාවක් දෙන්නත් වෙඩින් ෆොටෝ කරන අය තමන්ගේ වගකීමක් කර ගන්න ඕනේ. ඒ වගකීම හරියටම ඉටු කරනවා කියලා කිසිම බයක් සැකයක් නැතිව සහතික වෙන්න පුළුවන් ආයතනයක් ,තැනක් විදිහට STUDIO U හඳුන්වන්න පුළුවන්.

තමන්ගේ ජිවිතේ ලස්සනම දවස තවත් ලස්සන කර ගන්න ,දෙන්නත් එක්ක කතා බහ කරලා හරි තීරණ ගන්න.හරි ආයතන වලට,හරි පුද්ගලයින්ට වෙඩින් එකේ වගකීම් පවරන්න කියලා හොඳින්ම මතක තබා ගන්න කියලත් සටහන් කරන්නම ඕනේ.

ඔයාලට STUDIO U එක ගැන වැඩි විස්තර දැනගන්න ඕනි නම් ඔවුන්ගේ නිල ෆේස්බුක් පිටුවට මෙතැනින් පිවිසෙන්න පුලුවන්.
ඒ වගේම වෙඩින් එක ගැන කතාකරගන්න මේ දුරකථන අංකත් ඔබට පාවිච්චි කරන්න පුලුවන්

011 4 319596

Source Link : Bro – බ්‍රෝ

ලංකාවේ කොල්ලෙක් බෝඩිමේ ඉන්න ගමන් ගහපු ෆොටෝ ටිකක් පැය ගණනින් අන්තර්ජාලය වැළඳගත් හැටි

ලංකාවේ එක එක ක්ෂේශ්ත්‍ර වල දක්ෂයෝ රාශියක් හිටියත්, සමාජයට ඔවුන්ගේ නම් හා චරිත එන්නේ ඉතා කළා තුරකින්. එයට හේතුව ඔවුන්ගේ දක්ෂතා සමාජයට ඉස්මතු කර පෙන්වීමට ඔවුන්ට ආර්ථිකමය වශයෙන් පහසුකම් නොමැති වීම, නැති නම් රජයෙන් ඔවුනට අවශ්‍ය ප්‍රතිපාධන ලබා නොදීම ආදිය මුලික කරුණු වේ.

මේ කියන්නේ යන්නේ සමාජයේ ලොකු නමක් හෝ නාමයක් දරන පුද්ගලයකු ගැන නෙමෙයි. හැබැයි ඔහු සැඟවුණු දක්ෂතා වලින් පිරිපුන් චරිතයක්. ඔහු කරපු සහ කරන සියලු වැඩ අපි මෙතන කියන්න යන්නේ නැහැ. නමුත් පසුගිය දවසක ඔහු පින්තුරුගත කල රූප රාමු පෙළක් ගැන මේ වන විට අන්තර්ජාලයේ කතා බහට ලක්වී ඇත. එයට හේතුව නම් එහි තිබෙන තාත්වික බව හා නිර්මාණශීලිත්වය හේතුවෙනි.

එහි ඇති අපුරුත්වය ගැන අප කියනවට වඩා ඔබම එම රුප රාමු බලා තීරණය කරන්න, ඔහු නමින් Thilina Kaluthotage යි, මේ ඔහු තැබූ ෆේස්බුක් සටහන සහ එම පින්තුරු සමුහය,

” කම්මැලිකමට කරපු වැඩක්.
ගෙදර ඉන්න දවසෙ කොහෙවත් ගියේ නැති එකේ කරා පොඩි වැඩක්. බෝඩ් වෙලා ඉන්න නිසා ගෙවත්තක් නෑ මේක කරන්න. ඒක නිසා ඉන්න ගෙදරම පැසේජ් එකේ කෘතිම තැනක් හදාගෙන තමා කරන්න උනේ. කරපු විදිහ අන්තිම Photo එකේ. ”

Source Link : Bro – බ්‍රෝ

දෙරණින් සිරසට සම්මාන – මෙරට සම්මාන උළෙලක කිසි දිනක නොවු දෙරණ සන්සිල්ක් සම්මාන උළලේදී සිදු වූ දේ

දෙරණ සන්සිල්ක් සිනමා සම්මාන රාත්‍රිය නෙළුම් පොකුණ රඟහලේ දී අති උත්කර්ෂවත්ව පැවැත් විණි. ශ්‍රී ලාංකේය සිනමාවට වසර 71 ගතව තිබිය දී සිනමා රාජිණියන් උදෙසා පෙළගැස්වුණු දෙරණ සන්සිල්ක් සිනමා සම්මාන උළෙල සඳහා 2017 වසරේ දී විකාශය වූ චිත්‍රපට 23ක් සලකා බැලිණි.

ආලෝකෝ උදපාදී, රන් සයුර, ප්‍රේමය නම්, සුළඟ ගිනි අරන්, කොටඋඩ එක්ස්ප්‍රස්, බන්ධනය, නිලංජනා, පැණි මකුළුවෝ, 28, අලි කතාව, නිම්නයක හුදෙකලාව, නිනෝ ලයිව්, හීන හොයන සමනල්ලු, ධර්ම යුද්ධය, අප්පටසිරි, ස්වරූප, දේදුණු ආකාසේ, කාල, සීමා නෑ ආකාසේ, පහ සමත්, ඩොක්ටර් නවරියන් සහ ඒ ලෙවල් යන චිත්රනපට සම්මාන සඳහා සලකා බැලිණි.

ඒ අනුව වසරේ හොඳම චිත්‍රපටයට හිමි සම්මානය දිනාගත්තේ 28 චිත්ර පටය යි. එම චිත්‍රපටය වෙනුවෙන් ප්‍රසන්න ජයකොඩි හොඳම අධ්‍යක්ෂණයට සහ හොදම තිර රචනයට හිමි සම්මාන ද්විත්වය දිනා ගත්තේය.

මෙම සම්මාන රාත්‍රීයේ සිදු වූ තවත් සුවිශේෂි සිදුවීමක් වන්නේ සිරස මාධ්‍ය ආයතන විසින් නිර්මාණ දායක්වත්වක් ලබා දුන් ධර්ම යුද්දය චිත්‍රපටය සම්මාන රැසකට පාත්‍ර වීමයි.

සම්මාන උළේලෙදී 2017 වසරේ ජනකාන්ත චිත්‍රපටය වුයේ ධර්මය යුද්ධය චිත්‍රපටය යි. එම චිත්‍රපටයේ රංගනය වෙනුවෙන් ජැක්සන් ඇන්තනී සහ දිල්හානි ඒකනායක හොඳම රංගන ශිල්පියා සහ ශිල්පිනියට හිමි සම්මාන දිනාගත්තේය.

ධර්ම යුද්ධය චිත්‍රපටයේ රඟ පෑ කුමාර තිරිමාදුර හොඳම සහය නළුවාට හිමි සම්මානයත් ඒ ලෙවල් චිත්‍රපටයේ රගපෑ උමාලි තිලකරත්නට හොඳම සහය නිලියට හිමි සම්මානයත් හිමි විය.

ජනප්‍රියම නැගී එන රංගන ශිල්පිනිය වුයේ ද උමාලි තිලකරත්නයි.

ජනප්‍රියම හස්ය උත්පාදක රංගනය වෙනුවෙන් ටෙනිසන් කුරේටත් ජනප්‍රියම ප්‍රතිවීර චරිතය වෙනුවෙන් ධර්මන් ධර්මරාජ්ටත් සම්මාන හිමි විය. ජනප්‍රිය චිත්‍රපට ගීතය වුයේ දේදුණු ආකාසේ චිත්‍රපටයේ මල්කළඹ ළඟ නමැති ගිතය යි.

06 වන දෙරණ සන්සිල්ක් සිනමා සම්මාන උළෙලේ ජනප්‍රියම රංගන ශිල්පියාට හිමි සම්මානය දිනා ගැනීමට හේමාල් රණසිංහ සමත් වූ අතර ජනප්‍රියම රංගන ශිල්පිනිය ලෙස යුරේනි නොෂිකා සම්මානයට ලක් විය.

හෙළ සිනමා විජිතයේ රාජිණිය ලෙස සැලකෙන මාලනී සෙනෙහෙලතා ෆොන්සේකා මහත්මියට ජීවිතයේ එක්වරක් පමණක් පිදෙන යාවජිව සම්මානය හිමිවිය.

ආචාර්ය ලෙස්ටර් ජේම්ස් පීරිස්, ආචාර්ය ධර්මසේන පතිරාජ යන සිනමා කලාකරුවන් දෙදෙනා වෙනුවෙන් තත්ත්පර 30ක නිහඞතාවක් පවත්වා ගෞරව දැක්වීම සිනමා උළෙලේ කැපීපෙනෙන අවස්ථාවක් විය.

මතු ප්‍රර්තනා චිත්රකපට අංශය යටතේ සම්මාන කිහිපයක් පිරිනැමීම මෙවර සම්මාන උළෙලේදී ද සිදුවිය.ඒ අනුව හොඳම මතු ප්‍රර්ථනා සපිරි අධ්‍යක්ෂවරයා ලෙස චින්තන ධර්මදාස සම්මාන දිනාගත්තේය.

Source Link : Bro – බ්‍රෝ

ඉතාලියේදී අතිනත ගත් දුෂ්‍යන්ත්, ස්ටේෆනීගේ විවාහයේ නොදුටු ඡායාරූප මෙන්න – (Photos)

ගායනයෙන්, නර්තනයෙන් තාරුණ්‍ය වශි කරවූ ජනප්‍රිය තරුව දුෂ්‍යන්ත් වීරමන් ඊයේ දින ඉතාලියේදී යුග දිවියට පිවිසුනා. ඔහු අතිනත ගත්තේ වරක් ශ්‍රී ලංකාව නියෝජනය කරමින් මිස් යුනිවර්ස් තරගයට සහභාගීවූ නිරුපිකාවක් වන ස්ටේෆ්නි සිරිවර්ධනවයි.

ඉතාලියේ CIVITA DI BANGNOREGIO VITERBO හි SAN DONATO දෙව් මැදුරේදී පැවැත් වූ විවාහ උත්සවයට දුෂ්‍යයන්ගේ සහෝදරයා වන ජනප්‍රිය ගායක සංතුෂ් වීරමන් ඇතුළු පවුලේ සමීපතයින් සහාභාගී වුනා. ඉතාලි SAN DONATO දෙව් මැදුරේ සිදු වූ දුෂ්‍යන්ත් – ස්ටෙෆනි විවාහ උත්සවයේ ඡායරූප එකතුවයි මේ.

Source Link : Bro – බ්‍රෝ

දුෂ්‍යන්ත් වීරමන් හා ස්ටේෆ්නි සිරිවර්ධන යුග දිවියට (photos)

මිස් යුනිවර්ස් ශ්‍රී ලංකා කිරුල හිමි කරගත් ශ්‍රී ලංකා – ලෙබනානු නිරුපිකාවක් වන ස්ටේෆ්නි සිරිවර්ධන හා ශ්‍රී ලංකාවේ දක්ෂ නර්තන ශිල්පියකු මෙන්ම ගායකයකු වන දුෂ්මන් වීරමන් හා විවාහ වී තිබෙනවා. ඒ ඊයේ දිනයේදේ ඉතාලියේදීය. මෙම උත්සවයට ඔවුන්ගේ පවුලේ දැන හඳුනන සීමිත පිරිසක් හා ඉතාලියේ සිටින ඔවුන්ගේ යහළුවන්ගේ සහභාගිත්වයෙන් ඉතා චාම්ව පැවැත්විණි.

එම විවාහයට අදාළ පින්තුරු කිහිපයක් පහතින්,

Source Link : Bro – බ්‍රෝ