අපිට වඩා දුප්පත් රටක් වන ඉතියෝපියාවේ දුම්රිය සේවය මෙන්න

ඔබට හිතාගන්නවත් පුලුවන්ද මොකද්ද මේ රට කියලා. ටිකක් ඉන්ටර්නෙට් එකේ සැරිසරද්දී විස්තර ටික හොයා ගන්න පුලුවන් වෙයි. ඇත්තටම ඔව් අපි සමච්චලයට ලක් කරන රටක දුම්රිය සේවය තමයි මේ. අපි රටක් විදියට අපේ රටේ හැමෝම එක එක අය සහ දේවල් සමච්චලයට ලක්කරන්න හරිම ශුරයි. අපි කෑම බිම නැති අන්ත දිළිඳු රටක් විදියට හංවඩු ගහලා තියෙන ඉතියෝපියාවේ තමා මේ දියුණු දුම්රිය සේවය තියෙන්නේ.

ඇත්තටම අපේ රට කොතැනද කියලා තේරෙනවා පහලින් තියෙන වීඩියෝ ටික බැලුවහම,

අපි උදේට රැකියාවට එන්න බස් එකේ කෝච්චියේ කොච්චරනම් කට්ටක් කනවද කියලා හැමෝටම අත්දැකීම් තියෙනවා. අපි අපේ රට ගැන කොච්චර පම්පෝරි ගැහුවත් අපේ රටේ තියෙන දුම්රිය සේවය සහ මාර්ග පද්ධතිය කොච්චරනම් පරණද කියන එක කියන්න ඕන නැහැනේ. ලෝකයේ තාක්ෂනය කොයි තරම් ඉස්සරහට ගිහිල්ලද? අපේ දුම්රිය සේවයේ තවමත් තියෙන්නේ සුද්දා අපිට දීලා ගියපු තාක්ෂනය විතරයි. ඉන් එහාට අපි යන්නේ කවදාද???

රටම ණය කරන සුදු අලි ව්‍යාපෘති වෙනුවට බොහෝ පිරිසකට සේවාවක් සපයන දුම්රිය සේවය දියුණු කලොත් ඒක ලොකු පියවරක් වේවි. පසුගිය දවසක වාර්තා වුණා විදුලි දුම්රිය සේවයක් ආරම්භ කරන්න කටයුතු සුදානම් කියලා ඇත්තටම එම දුම්රිය සේවාව ඉදි වන තුරු රටක් විදියට අපේ බොහෝ පිරිසක් බලන් ඉන්නවා නොඅනුමානයි හේතුව දැන් තියෙන ප්‍රවාහන ක්‍රමය ජනතාවට තිත්ත වෙලා තියෙන නිසා.

ඉතියෝපියාවේ දුම්රිය සේවයේ පින්තුරු කිහිපයක් පහතින්,

Source Link : Bro – බ්‍රෝ

ජනමතයට හිස නමා ජනපති-අගමැති ඉල්ලා අස්වෙයි !.. රූපවාහිනිය ඔස්සේ විශේෂ ප්‍රකාශයක්

ආණ්ඩුපක්ෂය පළාත් පාලන මැතිවරණයෙන් පාරජයට පත්වීම නිසා මෙරට දේශපාලන පිටිය දැඩි කැළඹීමකට ලක්ව පවතිද්දී, ජනාධිපතිවරයා සහ අගමැතිවරයා සිය ධුරවලින් ඉල්ලා අස්වූ පුවතක් අප්‍රිකානු රටවල් දෙකකින් වාර්තා වනවා.

ඒ දකුණු අප්‍රිකාවෙන් සහ, ඉතියෝපියාවෙන්.

ඉල්ලා අස්වන්නැයි පාලක පක්ෂයෙන් එල්ලවූ දැඩි බලපෑම මත දකුණු අප්‍රිකානු ජනාධිපති ජෙකොබ් සූමා සිය ධුරයෙන් ඉල්ලා අස්වී තිබෙනවා. ජාත්‍යන්තර මාධ්‍ය වාර්තා කර ඇත්තේ, ජනාධිපතිවරයාට එල්ලවූ දූෂණ චෝදනා හේතුවෙන් ඔහුට එරෙහිව රටතුළ දැවැන්ත විරෝධයක් මතුව පැවති බවයි.

අප්‍රිකානු ජාතික කොංග්‍රසය සූමාට ධුරයෙක් ඉවත්වන්නැයි බලකළත්, චෝදනා වලට අභියෝග කරමින් ජනපතිවරයා දිගටම බලයේ රැදී සිටීමට උත්සහා කළ අතර, එහෙත් එම උත්සාහය අසාර්ථක වීම නිසා, එරට රාජ්‍ය රූපවාහිනිය ඔස්සේ විශේෂ ප්‍රකාශයක් කරමින් සිය ධුරය අතහරින බව ජනාධිපතිවරයා ප්‍රකාශ කර ඇත.

ඉතියෝපියානු අගමැතිත් ඉල්ලා අස්වෙයි. මේ අතර ඉතියෝපියානු අගමැතිවරයා වන හෙයිල්මරියම් ඩිසැලින් ද සිය ධුරයෙන් ඉල්ලා අස්වී තිබේ.

රාජ්‍ය රූපවාහිනිය ඔස්සේ විශේෂ ප්‍රකාශයක් කරමින් ඔහු සඳහන් කළේ, රට තුළ තිරසර සාමය ස්ථාපිත කිරීම සහ ප්‍රජාතන්ත්‍රවාදය කරා ගෙන යා හැකි ප්‍රතිසංස්කරණවලට ඉඩ ලබා දෙමින් තමා ඉල්ලා අස්වන බව ය.

හෙයිල්මරියම් ඩිසැලින් ඉතියෝපියාවේ අග්‍රාමාත්‍ය ධූරයට පත් වුණේ 2012 වසරේ අගෝස්තු 20 වන දා ය. එහෙත් ඔහුගේ පාලන කාලය තුළ පැවති ආණ්ඩු විරෝධී උද්ඝෝෂණ හේතුවෙන් සිය ගණනක් ජීවිතක්ෂයට පත්ව තිබේ.

Source Link : Bro – බ්‍රෝ

තමන් කල වරද පිළිගෙන රු.40,000 කට ආසන්න දඩයක් රජයට ගෙවූ ආදර්ශමත් ඕස්ට්‍රේලියානු අගමැති

ඕස්ට්‍රේලියානු අගමැති මැල්කම් ටර්න්බුල් පසුගියදා සිය නිවස ආසන්නයේ සිඩ්නි නුවර ජලාශයකදී ජීවිතාරක්ෂක ජැකට් නොපැළඳ බෝට්ටුවක් පදවායාමේ වරදට එරට නාවුක අධිකාරිය වෙත ඩොලර් 250 ක දඩයක් ගෙවා තිබේ.

ඔහු බෝට්ටුවේ ගමන් කරමින් සිටින අයුරු දුටු පුද්ගලයෙකු ඡායාරූපයක් ලබාගෙන තිබුණ අතර එය පසුදින The Australian පුවත්පතේ පළව තිබුණි. මෙම සිද්ධිය පුවත්පතේ වාර්තාකර තිබුනේ ඔහු ජීවිතාරක්ෂක ජැකට්ටු පළඳා නොතිබීම වැරදි පූර්වාදර්ශයක් බවද සඳහන් කරමිනි.

මේ පුවත දුටු අගමැතිවරයා එදිනම තමන් කළ වරද ගැන සමාව ඉල්ලමින් සිය නිල ෆේස් බුක් පිටුවේ සටහනක් පළ කර තිබුණ අතර ඔහු විසින්ම නාවුක අධිකාරිය වෙත ඇමතුමක් ලබාගෙන තමන් කළ වරදට අදාළ දඩය ගෙවන්නට සූදානම් බව දන්වා ඇත.

ඉතා කෙටි දුරක් පදවා යායුතු බෝට්ටුවක් වූ බැවින් ජැකට්ටුව පැළඳීම තමා අමතක කර දැමූ බවත් එය තාක්ෂණික වශයෙන් නීතිය නිවැරදි වුවත් එවෙලේ ප්‍රායෝගික පහසුව සැලකූ බවත් දන්වා තිබෙන අගමැතිවරයා කෙසේ වෙතත් තමා කළේ වරදක් බැවින් එයට නියමිත දඩය ගෙවීමට තමා බැඳුණ බව දන්වා තිබුණි.

Source Link : Bro – බ්‍රෝ

ස්ටක් වන අයිෆෝන් දුරකථනවල බැටරි මාරු කර දෙන බවට ඇපල් සමාගම පොරොන්දු වෙයි

ඇපල් සමාගම විසින් සිය පැරණි මාදිලිවල iPhone දුරකථනවල ක්‍රියාකාරීත්වය හිතාමතා අඩාල කරමින්, ඉහළ තත්ත්වයේ දුරකථනවලට යොමුවීම සඳහා පාරිභෝගිකයන් පොළඹවන ක්‍රියාවක නිරත වන බවට කාලය පටන් නැඟෙන චෝදනාව යළිත් කරළියට පැමිණ තිබේ.

ඒ අනුව, ඇතැම් පැරණි iPhone මාදිලිවල ක්‍රියාකාරීත්වය චේතනාත්මකව අඩුකර ඇති බවට නැඟෙන චෝදනාව අවසන් වශයෙන් පිළිගැනීමට ඇපල් සමාගමට සිදුව ඇති අතර, ඉන් නොනැවතී ඒ සම්බන්ධයෙන් සමාව ගැනීමටද සිදුව ඇති බව විදෙස් වාර්තා පවසයි.

කෙසේ වෙතත්, මෙසේ ක්‍රියාකාරීත්වය අඩු දුරකථනවල බැටරි මාරු කරන බව පවසන ඇපල් සමාගම 2018 නව මෘදුකාංගය නිකුත් කරන බවත්, ඒ අනුව පාරිභෝගිකයන්ට සිය දුරකථනවල බැටරි තත්ත්වය පරීක්ෂා කිරිමට හැකියාව ලැබෙන බවත් පවසා සිටී.

එමෙන්ම, මේ ආකාරයෙන් පැරණි බැටරි සහිත ඇතැම් දුරකථනවල ක්‍රියාකාරීත්වය අඩු කිරීමට කටයුතු කළේ එම දුරකථනවල ජීව කාලය දිගු කිරීමට බවද ඇපල් සමාගම තමන් වෙත එල්ල වන චෝදනා සාධාරණීකරණය කරමින් පවසා තිබේ.

මේ තත්ත්වය තුළ iPhone 6 හෝ ඊට පසු දුරකතනයක් ඇති ඕනෑම කෙනෙකුට වගකීමකින් තොරව සිය බැටරි මාරු කිරීමක මිල ඇ.ඩො.79 සිට 29 දක්වා අඩු කරන බව ඇපල් සමාගමේ වෙබ් අඩවිය වැඩිදුරටත් පවසයි.

Source Link : Bro – බ්‍රෝ

බ්‍රිතාන්‍යයේ හැරි කුමරු විවාහ වීමට යන ඇමරිකාවේ ටෙලිනාට්‍ය නිළිය මෙන්න

බ්‍රිතාන්‍යයේ හැරි කුමරු (33) සහ ඇමරිකාවේ ටෙලිනාට්‍ය නිළියක් වන Meghan Markle (36) ඊයේ(නොවැම්බර් 28) දිනයේ විවාහ ගිවිසගත් බව බ්‍රිතාන්‍යය මාධ්‍ය වාර්තා කර තිබේ.

විවාහයට රැජිනගේ අවසරය හිමිව තිබෙන අතර දෙපලගේ විවාහය ලබන වසරේ මුල භාගයේදී සිදුවිමට නියමිතය. Meghan Markle මීට පෙර විවාහා වී සිටියේ ඇමරිකානු චිත්‍රපට නිෂ්පාදකයෙකු වන Trevor Engelson සමගයි.

බ්‍රිතාන්‍යයේ හැරී කුමරු මිට පෙර බ්‍රිතාන්‍යය නිළියක වන Cressida Bonas සමග සහ Chelsy Davy සමග සම්බන්ධතා පැවැත්විය.

Source Link : Bro – බ්‍රෝ

අපේ මිනිස්සු ගාව අපේ මිනිස්සුන්ට නැති මනුස්සකම නවසීලන්තයේ ප්‍රාන්තයකින් ආපු හැටි

නවසීලන්තයේ අවුරුදු හතක් පමණ පදිංචිව සිටි දැනට රෝගී තත්වයෙන් පසුවන දිනේෂා අමරසිංහ , ඇයගේ ස්වාමිපුරුෂයා වන සැම් විජේරත්න සහ ඔවුන්ගේ දරුවන් තිදෙනා වීසා ප්‍රශ්නයක් මත නවසීලන්තයෙන් ලංකාවට පිටුවහල් කිරීමට උත්සහ කර තිබෙනවා.

ඊට විරුද්ධව ඔවුන් පදිංචිව සිටි Queenstown ග්‍රාමයෙ වැසියන් සහ ප්‍රාදේශීය මන්ත්‍රීවරුන් ඇතුලුව 400 ක් පමන දෙනා කඳුළු පිරි දෙනෙතින් යුතුව වීදී පුරා විරෝධතාවයක් දියත් කර ඇත . කිසිදු පිළිසරණක් නොමැතිව අසරණ වූ දිනේෂාගේ පවුලට වෙනුවෙන් ඉදිරිපත් වෙමින්  Queenstown ග්‍රාමයෙ වැසියන් සිදු කළ මෙම අපූරු ක්‍රියාව සැමට ආදරශයක් සපයයි.

Source Link : Bro – බ්‍රෝ

ප්‍රියංකා චෝප්රාට පසුව ඉන්දියාවේ බිහිවූ සුරුපිණි තරුණිය ලොව ජයගත් හැටි

ඉන්දියාවේ හර්යානා ප්‍රාන්තයේ 20 හැවිරිදි වෛද්‍ය ශිෂ්‍යාවක වන මනුෂි චිල්ලාර් මෙවර ලෝක රූ රැජින ලෙසින් කිරුළ හිමිකරගත්තා. චීනයේ සන්‍යා හි ඊයේ පැවති ලෝක රූ රැජින අවසන් තරගයේදී ඇය මෙම කිරුළ හිමිකරගත් අතර, අනු ශූරතාව මෙක්සිකෝ රූ රැජින ඇන්ඩ්‍රියා මීසාටත්, තුන්වන ස්ථානය එංගලන්ත රූ රැජින ස්ටෙෆනි හිල්ටත් හිමිවුණා.

ඉන්දියානු තරුණියක මෙලෙස ලෝක රූ රැජින කිරුළ හිමිකරගත්තේ ප්‍රියංකා චොප්රා 2000 වසරේ ලෝක රූ රැජින වී වසර 17 කට පසුවයි.

මෙවර ලෝක රූ රැජින කිරුළ හිමිකරගත් මනුෂි චිල්ලාර් හෘද ශල්‍ය වෛද්‍යවරියක වීමට අපේක්ෂා කරන අතර, ඉන්දියාවේ ග්‍රාමීය ප්‍රදේශවල ලාභ අපේක්ෂා නොකරන රෝහල් ඉදිකිරීමටද බලාපොරොත්තු වන බව සඳහන්.

Source Link : Bro – බ්‍රෝ

පාපන්දු ඉතිහාසයේ දැවැන්තම පාරජයකින් පසු ඉතාලිය විසිවෙයි (video)

වසර 60 කට පසුව පාපන්දු ලෝක කුසලාන තරගාවලියෙන් ඉතාලිය ඉවතට විසිවී තිබෙනවා. ඒ ස්වීඩන් පිලට එරෙහිව ඉතාලියේ මිලාන් නුවරදී පැවැති ලෝක කුසලාන සුදසුකම් ලැබීමේ තරගය ගෝල 0-0 ක් ලෙසින් අවසන් වීමත් සමගින්.

මේ හේතුවෙන් ස්වීඩන් කණ්ඩායම 2018 දී රුසියාවේදී පැවැත්වෙන ලෝක කුසලාන තරගාවලියට සුදසුකම් ලැබූ අතර ලෝක කුසලාන පාපන්දු තරග ආරම්භ වූ 1930 තරගාවලියේදී සහ 1958 දී හැරෙන්නට අන් සියලුම අවස්ථාවන්හිදී ඉතාලිය පාපන්දු ලෝක කුසලාන තරගාවලියට ක්‍රීඩා කර තිබෙනවා.

1930 දී ක්‍රීඩා නොකළ නමුත් 1934 දී සහ 1938 දීත් පසුව 1982 දී සහ 2006 දීත් ජූල්ස් රිමේට් කුසලානය තමන් සතුකරගන්නට ඉතාලියානුවෝ සමත් වුණු අතර පසුගිය 13 වනදා පැවති තරගය ජයගත නොහැකි වීමෙන් පසුව කඳුළු පිරි දෙනෙතින් ක්‍රීඩාංගණයෙන් පිටව ගිය ඉතාලි පාපන්දු නායක ගියන්ලුයිජි බෆන් අන්තර්ජාතික පාපන්දු ක්‍රීඩාවෙන්ද සමුගෙන තිබෙනවා.

වසර 2006 දී ලෝක කුසලාන දිනාගත් නමුත් ඉන් පසුව පැවැති ලෝක කුසලාන තරගාවලි දෙකේදීම (2010 සහ 2014) ඉතාලිය පළමු වටයෙන්ම ඉවතට විසිවිය. මෙවර අවසන් කණ්ඩායම් 32 අතරට එක්වීමට නොහැකිවීම ඉතාලි පාපන්දු ක්ෂේත්‍රයේ දැවැන්ත අර්බුදයක් ලෙස සැලකෙනවා.

“පසුගිය අවුරුදු 60 පුරාම ඉතාලියේ ක්‍රීඩාව මුහුණ දුන් බරපතළම කඩාවැටීම මෙයයි. ඒත් මේ සම්බන්ධයෙන් පුහුණුකරුවාට විතරක් දෝෂාරෝපණය කරන්න බෑ” යයි රෝමයේ හිටපු නාගරාධිපතිවරයෙක්ද පවසා තිබෙනවා.

ඉතාලි පාපන්දු කණ්ඩායමේ නායක ගියන්ලුයිජි බෆන් පවසන්නේ එය තමන්ගේ පෞද්ගලික පරාජයකට වඩා ජාතික ව්‍යසනයක් බවයි.

මේ අතර ඉතාලි පාපන්දු පිලේ කළමණාකරු ගියාන් පියරෝ මහතා තමන්ගේ අනාගතය පිළිබඳ කල්පනා කරමින් සිටී. “මට මුකුත් හිතාගන්න බෑ. මේක දරාගන්න පුළුවන් ප්‍රතිඵලයක් නෙමේ” යයි ඔහු පවසා තිබේ.

තමන්ගේ කණ්ඩායම නොමැතිව මොන හිතකින් ලෝක කුසලාන තරගාවලිය නරඹන්නද යි ඉතාලි වැසියෝ විමසමින් සිටියි.

Source Link : Bro – බ්‍රෝ

දෙමව්පියන්ව තුට්ටුවකට ගණන් ගන්නේ නැති සමහර ළමයින් අතරේ වකුගඩුවක් දන් දුන් උතුම් දියණියක්

අම්මා, තාත්තා කියන්නේ අපේ ජීවිතයේ වටිනාම පුද්ගලයින්, අපිව මේ ලොකේට බිහි කරලා නොයෙකුත් දුක් විදලා අපේ අනාගතය හදන්න ඔවුන් කරන කැපවීමට මේ ලොකේ මිලක් නියම කරන්න බෑ, ඔවුන් ඒ දෙවල් කරන්නේ දරුවන්ට තියෙන ආදරය නිසා ඔවුන් කුසගින්නේ සිටියත් කිසිඳු දවසක දරුවන්ව කුස ගින්නේ තියන්නේ නෑ, ඒ හැමදේම ඔවුන් කරන්නේ දරුවන්ගෙන් කිසිදු දෙයක් බලාපොරොත්තුවෙන් නෙවෙයි

නමුත් අද සමාජයේ දෙමව්පියන්ට දරුවන්ගෙන් ලැබෙන්නේ ඉතාම අඩු සැලකිල්ලක් , සමාජයේ ඉහළ තැනකට ගියාම හොඳ රස්සාවක් ලැබුනාම  දෙමව්පියන් ගැන දරුවන් සැලකිල්ලක් දක්වන්නේ නෑ ඔවුන්ට අත් වන්නේ මහළු මඩම පමණයි. එසේ කරන දරුවන් අතරේ තම පියා වෙනුවෙන් තම ජීවිතයම කැප කරමින්  රූමත් දියණයක් වකුගඩුවෙන් කොටසක් දන් දුන්න පුවතක් ඉන්දියාවෙන් වාර්තා වෙනවා, වකුගඩු රෝගයකින් අසාධ්‍ය තත්වයෙන් සිටි තම පියා බේරා ගැනීමට මෙම තරුණිය සිය අක්මාවෙන් කොටසක් දන් දී තිබෙනවා.

පියා වෙනුවෙන් අක්මාවෙන් කොටසක් දන් දුන්න පුජා බිජර්නියා ගැන මේ වන විට මුළු ලොකයේම කතා බහට ලක් වෙනවා ඇයට නිර්භීත දියණිය නැමති නාමයද පට බැදී අවසානයි, සැමට ආදර්ශයක් දුන් පුජා බිජර්නියා සහ ඔහුගේ පියා ගේ ඡායාරූප කිහිපයකි මේ

Source Link : Bro – බ්‍රෝ

පියාගේ ජීවිතය බේරාගැනීමට අක්මාවෙන් කොටසක් දන් දුන්න අපූරු දියණිය

අම්මා, තාත්තා කියන්නේ අපේ ජීවිතයේ වටිනාම පුද්ගලයින්, අපිව මේ ලොකේට බිහි කරලා නොයෙකුත් දුක් විදලා අපේ අනාගතය හදන්න ඔවුන් කරන කැපවීමට මේ ලොකේ මිලක් නියම කරන්න බෑ, ඔවුන් ඒ දෙවල් කරන්නේ දරුවන්ට තියෙන ආදරය නිසා ඔවුන් කුසගින්නේ සිටියත් කිසිඳු දවසක දරුවන්ව කුස ගින්නේ තියන්නේ නෑ, ඒ හැමදේම ඔවුන් කරන්නේ දරුවන්ගෙන් කිසිදු දෙයක් බලාපොරොත්තුවෙන් නෙවෙයි

නමුත් අද සමාජයේ දෙමව්පියන්ට දරුවන්ගෙන් ලැබෙන්නේ ඉතාම අඩු සැලකිල්ලක් , සමාජයේ ඉහළ තැනකට ගියාම හොඳ රස්සාවක් ලැබුනාම  දෙමව්පියන් ගැන දරුවන් සැලකිල්ලක් දක්වන්නේ නෑ ඔවුන්ට අත් වන්නේ මහළු මඩම පමණයි. එසේ කරන දරුවන් අතරේ තම පියා වෙනුවෙන් තම ජීවිතයම කැප කරමින්  රූමත් දියණයක් වකුගඩුවෙන් කොටසක් දන් දුන්න පුවතක් ඉන්දියාවෙන් වාර්තා වෙනවා, වකුගඩු රෝගයකින් අසාධ්‍ය තත්වයෙන් සිටි තම පියා බේරා ගැනීමට මෙම තරුණිය සිය අක්මාවෙන් කොටසක් දන් දී තිබෙනවා.

පියා වෙනුවෙන් අක්මාවෙන් කොටසක් දන් දුන්න පුජා බිජර්නියා ගැන මේ වන විට මුළු ලොකයේම කතා බහට ලක් වෙනවා ඇයට නිර්භීත දියණිය නැමති නාමයද පට බැදී අවසානයි, සැමට ආදර්ශයක් දුන් පුජා බිජර්නියා සහ ඔහුගේ පියා ගේ ඡායාරූප කිහිපයකි මේ

Source Link : Bro – බ්‍රෝ