ඕනෑම දෙයක් පහසුවෙන් මතක තබාගැනීමේ විශ්වීය සුත්‍රය

අපි ජීවිත කාලයේදී මොනතරම් දේවල් ප්‍රමාණයක් ඉගෙන ගන්නවාද? එත් අපිට ඒ හැම දෙයක්ම මතක නෑ. මොකද අපිට ඒවායින් වැඩි ප්‍රමාණයක් අමතක වෙනවා. ඇයි මෙහෙම අමතක වෙන්නේ.

අපි බලමු ඇයි අපිට අමතක වෙන්නේ වෙන්නේ කියලා. ඒ එක්කම හොයමු කාර්යක්ෂමව තොරතුරු මතක තියාගන්නේ කොහොමද කියන එක පිළිබඳව. ජර්මන් ජාතික මනෝ විද්‍යාඥයෙක් වන හර්මන් ෂි එබින්ගස් හොයාගෙන තිබෙනවා මතක තබා ගැනීමට උපකාරී වන විශ්වීය සුත්‍රයක්. ඉතින් ඒ ගැනත් ඔබට කියා දෙන්න මේ ලිපියෙන් අපි බලාපොරොත්තු වෙනවා.

ඇයි අපිට අමතක වෙන්නේ

අපේ මොළය, ඔලුවට අනවශ්‍ය දේවල් පිරෙන එක නවත්තනවා. අන්න ඒ නිසයි ලැබෙන හැම අලුත් තොරතුරක්ම කෙටි කාලීන මතකයක ගබඩා වෙලා ඒ තොරතුරු නැවත පාවිච්චි කළේ නැත්නම් මැකිලා යන්නේ. හැබැයි කෙටි කාලීන මතකයේ තිබිලා අපි භාවිතා කරපු තොරතුරු, ආවර්ජනය කළ දේවල් දිගු කාලීන මතකයේ ගබඩා වෙනවා.

එබින්ගස්ගේ අමතක වීමේ වක්‍රය

මේක “එබින්ගස්ගේ අමතකවීමේ වක්‍රය” උනාට එබින්ගස් විතරක් නෙවෙයි අපි හැමෝටම අදාළයි. මේ වක්‍රයෙන් කියවෙනවා අපි දෙයක් අළුතෙන් ඉගෙන ගෙන මොළයට ඇතුල් කළත් නැවත පැයක් ඇතුළත අළුත් කළේ නැත්නම් අපිට ඒ තොරතුරෙන් භාගයකට වැඩි ප්‍රමාණයක් අමතක වෙන බව. සතියකට පසුව අපිට මතක තිබෙන්නේ ඉගෙනගත් දෙයින් 20%ක් වගේ අඩු ප්‍රමාණයක්.

හැමදේම මතක තියාගන්නේ කොහොමද

වේගවත් පාඩම් කිරීමේ ක්‍රමය – ඉක්මනින් මතක තබා ගැනීමට

පළමු පාඩම් කිරීම ඉගෙනගත් වහාම
දෙවන පාඩම් කිරීම විනාඩි 15- 20කට පසුව
තුන්වන පාඩම් කිරීම පැය 6 – 8කට පසුව
හතරවන පාඩම් කිරීම පැය 24කට පසුව

වේගවත් පාඩම් කිරීමේ ක්‍රමය – දිගුකල් මතක තබා ගැනීමට

පළමු පාඩම් කිරීම ඉගෙනගත් වහාම
දෙවන පාඩම් කිරීම විනාඩි 20 – 30කට පසුව
තුන්වන පාඩම් කිරීම දිනකට පසුව
හතරවන පාඩම් කිරීම සති 2, 3කට පසුව
පස්වන පාඩම් කිරීම මාස 2, 3කට පසුව

තොරතුරු, වැඩි කාලයක් අපේ මතකයේ තබා ගැනීමට අවශ්‍යනම් අපි එම තොරතුරු දිගු කාලීන මතකයට ඇතුළත් කරගත යුතු වෙනවා. නමුත් බලෙන් පාඩම් කිරීම හෝ කරවීම සාර්ථක ක්‍රමයක් නොවේ. මොකද ඉක්මනින් තොරතුරු සමඟ සන්නිවේදනය හදාගෙන ඒවායේ දත්ත හා හැඩය සමඟ සම්බන්ධයක් ගොඩ නගන්නට අපේ මොළයට හැකියාවක් නෑ.

ඔබට අවශ්‍යනම් දිගු කාලීන තොරතුරු මතක තියාගන්න, පාඩම් කරන දේවල් ආවර්ජනය කරන්න. එවිටයි නැවත එම තොරතුරු මතකයට නංවා ගත හැක්කේ. මෙයට ගතවෙන කාලය දින ගණනාවක් හෝ මාස ගණනාවක් වෙන්න පුළුවන්. එහෙම නැත්නම් ඔබට පුළුවන් ඔබ විසින්ම නිර්මාණය කරගත් කාඩ්පත්, කෙටි සටහන් හා දෘශ්‍යධාර උපයෝගී කරගෙන පාඩම් කරන්න. එහෙමත් නැතිනම් Anki (Android, ios) හා Supermemo (Android) වැනි මෙවලම් යොදාගෙන සැලැස්මකට අනුව පාඩම් කරන්න.

මතක තබා ගැනීමට වැදගත් වන ක්‍රම 12

01. ඉගෙනගන්න දේ තේරුම් ගන්න අපි ඉගෙනගත් දේ තේරුම් ගෙන සිටියහොත් ඒවා හිතෙන් හෝ නැවත නැවත කියවීමෙන් ධාරණය කරගන්න පුළුවන්. අන්න එහෙම තේරුම්ගෙන මතක තබා ගත් තොරතුරු අනෙක්වාට වඩා නව ගුණයකින් මතක් වීමේ හැකියාවක් පවතිනවා.

02. අත්‍යවශ්‍ය තොරතුරු පමණක් ඉගෙන ගන්න ඉගෙන ගැනීමේදී වැදගත් පිළිවෙල අනුව ඒ ඒ තොරතුරු වලට ප්‍රමුඛතාවය ලබා දෙන්න.

03. යම් සටහනක මුලින් හා අගින් ඇති තොරතුරු මතකයේ රැදීමේ හැකියාව වැඩියි. පාඩම් කිරීමේදී ඒ පිළිබඳව ඔබ සැලකිලිමත් වීම වටිනවා.

04. එකවරම අවධානය එක මාතෘකාවක සිට තවත් මාතෘකාවකට මාරු කරන්න. හැබැයි මතක තියාගන්න සමාන මතකයන් කවලම් වෙලා විකාරයක් වෙන්න පුළුවන්.

05. ප්‍රතිවිරුද්ධව ඉගෙනගන්න උදාහරණයක් ලෙස ඔබ විදෙස් භාෂාවක් ඉගෙන ගන්නවා නම් උදේ හා සවස ආවර්ජනය කරන්න. විරුද්ධ දේවල් මතක තබා ගන්න ඉතා ලේසියි.

06. ඔබේ “මතක මන්දිරය” තනා ගන්න අපේ මතකය සෑම විටම වටපිටාව සමඟ බැදිලයි තිබෙන්නේ. උදාහරණයක් විදිහට කාමරයේ සිට පාඩම් කරනකොට විෂය කරුණු කාමරයේ තිබෙන දේවල් සමඟ සම්බන්ධ කරගන්න පුළුවන්. නැවත නැවත ඒ පිළිවෙලට එම කරුණු මතක් කිරීම වටිනවා. පසුව ඔබට පුළුවන් කාමරයේ තිබුණු දේවල් මතකයට නගාගෙන විෂය කරුණු මතක් කර ගන්න.

07. “ඇමිණුම් වචන” භාවිතා කරන්න මේ ක්‍රමයෙන් කියවෙන්නේ ඉගෙනගත්ත දෙයක් තවත් ඉගෙනගත්ත දෙයකට අමුණන්න එකයි. එවිට එක දෙයක් මතක් කරනකොට අනෙක් දේ ඉබේම ඔබට මතක් වේවි.

08. අලුත් වචන, හොදින් දන්නා වචන එක්ක සම්බන්ධ කරගන්න භාෂාවක් ඉගෙනගන්නා විට පහසුම දේ තමයි සමාන වචන එකට මතක තියාගන්න එක. පොකුරු විදිහට. දන්නා දෙයකින් නොදන්නා දෙයක් ඉගෙනගැනීම එවිට ඔබට ඉතා පහසු වෙනවා.

09. ඔබට කැමති ආකාරයට කතාන්දර නිර්මාණය කරන්න ඔබට තොරතුරු ගොඩක් එකවර මතක තියාගන්න අවශ්‍යනම් ඒවා එකකට එකක් පිළිවෙලින් සම්බන්ධ කරලා කතාවක්, ගැලපීමක් හදා ගන්න. හැමදෙයක්ම එකිනෙකට බැඳුණාම මතක තියා ගන්න ගොඩක් පහසුයි.

10. ටේප් රෙකෝඩරයක් භාවිතා කරන්න ඉගෙනගන්නා දේවල් ටේප් රෙකෝඩරයකින් පටිගත කරගන්න. කිහිපවතාවක් සවන් දෙන්න. ගීත හා අනෙකුත් ශ්‍රව්‍ය මාධ්‍යට ප්‍රියකරන අයට සුදුසුම ක්‍රමය තමයි මේක.

11. රූප මවා ගන්න ඉගෙනීමේදී ඉරියව්, ඉඟි හා ශරීර භාෂාව භාවිතා කරන්න. තමන්ට ආවේනික ආකාරයට රූප මවාගන්න.

12. හොදම දේ තෝරන්න කල් පැනපු, යාවත් කාලීන නොවූ පොත් හා ඉගෙනුම් ක්‍රම භාවිතය වහාම නවත්වන්න. ඔබ භාවිතා කරන්නේ යම් පොතක ඉතා පැරණි මුද්‍රණයක් නම්, පොතේ සදහන් බොහෝ කරුණු හා සිද්ධාන්ත වර්තමානයේදී වෙනස් වී තිබෙන්න පුළුවන්. ඒ හේතුවෙන් වැරදීමට ඉඩ ඇති දේවල් මත ඔබේ කාලය කා දමන්න එපා.

ඉතින් මේ දේවල් වලින් ඔබ යමක් ඉගෙන ගත්තා නම් ඔයාගේ යාළුවන්ටත් බලන්න ශෙයා කරන්න. ඔබට සුභ දවසක්!

Source Link : Wishma Lokaya

රටම කම්පා කල ලංකාවේ සිදු වූ බිහිසුණු මිනීමැරුම් 4ක්

කතරගම රූමතිය වූ මනම්පේරි ඝාතනය

කතරගම රූමතිය ලෙස අභිෂේක ලද ප්‍රේමවතී මනම්පේරි ඝාතනයට එළඹෙන අප්‍රේල් 17 වැනි දිනට හරියටම වසර 47 ක්‌ සම්පූර්ණ වේ. එවකට අගමැතිනියව සිටි සිරිමාවෝ බණ්‌ඩාරනායක මැතිනිය නොවන්නට මේ සිද්ධිය කාලයේ වැලිතලාවෙන් වැසී යන්නට හොඳටම ඉඩ තිබිණි. එසේම එකල මෙම සිද්ධිය රටට අනාවරණය කිරීමට අභීතව ඉදිරිපත් වූයේ බී. ඒ. සිරිවර්ධන මහතා කර්තෘත්වය දැරූ ‘ඇත්ත’ පුවත්පත පමණි.

‘ඇත්ත’ පුවත්පත මේ සිද්ධිය පළ කළේ එවක ඉංග්‍රීසි පුවත්පතක කර්තෘවරයකුට කතරගම ප්‍රදේශයෙන් ලැබී තිබුණු නිර්නාමික පෙත්සමක ප්‍රතිඵලයක්‌ වශයෙනි. කෙසේ හෝ මේ සාහසික අපරාධය හෙළි කරමින් ‘ඇත්ත’ පළකළ අභීත විලාසයත් එයට දායක වූ ප්‍රවීණ මාධ්‍යවේදී ස්‌ටැන්ලි සමරසිංහ හා මමත් මුහුණ දුන් අත්දැකීම්වලින් බිඳක්‌ විස්‌තර කිරීම මේ ලිපියේ අරමුණයි.

එසේම ප්‍රේමවතී මනම්පේරිට එවන් දුක්‌ඛදායක ඉරණමක්‌ අත්වීමට තුඩු දුන් දේශපාලන හා සමාජ කරුණු මෙන්ම එම සිද්ධිය පසුකලෙක දේශපාලන වේදිකාවල භාවිත කළ ආකාරය ද විමසා බැලීම ලියුම්කරුගේ අරමුණයි. සත්‍යය තරමටම අසත්‍ය තොරතුරු වලින් පිරුණු එම සිදුවීම්වල අප දන්නා සත්‍යය හෙළිකිරීම අප කළ යුතු සමාජ මෙහෙවරක්‌ ලෙස සලකා මෙම ලිපිය ඉදිරිපත් කරන බව සැලකුව මැනවි.

රට පුරා මහත් ආන්දෝලනයට හේතුවූ කතරගම ප්‍රේමවතී මනම්පේරි තරුණිය ඝාතනය කිරීමේ සිද්ධියට වසර 43 ක්‌ සම්පූර්ණ වූයේ පසුගිය අප්‍රේල් 17 දාය. 1971 අප්‍රේල් කැරැල්ල ගැන සඳහන් කරන විට ප්‍රේමවතී මනම්පේරි නාමයද නිතැතින්ම කියෑවෙන්නේ ඇය හමුදා නිලධාරියකු විසින් නිරුවත්කොට මහමග ඇවිද්දවා ඉතාමත් කෲර අන්දමින් වෙඩි තබා ඝාතනය කිරීම නිසාය.

කතරගම නගරයේ දෙනෝදාහක්‌ ඉදිරියේ සිදුවී ඇති මෙම සාහසික අපරාධය එකල තිබූ කිසිදු පුවත්පතක පළ නොවීය. එයට හේතු වන්නට ඇත්තේ කතරගම ප්‍රදේශයේ පුවත්පත් වාර්තාකරුවන් හමුදාවට ඇති බිය නිසා මේ සිද්ධිය වාර්තා නොකිරීමයි.

මේ වන විට මා සේවය කළේ “ඇත්ත” පුවත්පතේ කර්තෘ මාණ්‌ඩලිකයකු වශයෙනි. “ඇත්ත” කර්තෘ වූයේ අදීන මාධ්‍යවේදියකු වූ බී. ඒ. සිරිවර්ධන මහතාය. ඔහු වෙනත් පුවත්පත් ආයතනවල සේවය කළ මාධ්‍යවේදින්ගේද මිතුරකු විය. ඒ නිසා ඇතැම් පුවත්පත් කතුවරු ඔහු හමුවීමට “ඇත්ත”ට පැමිණියහ.

දිනක්‌ සවස එක්‌තරා ප්‍රධාන පෙළේ ඉංග්‍රීසි පුවත්පතක කර්තෘවරයකු සිරිවර්ධන මහතා හමුවීමට පැමිණ කිසියම් ලිපියක්‌ ඔහුට දී ඒ ගැන සාකච්ඡා කළ අයුරු අසල මේසයක වැඩකරමින් සිටි මට දැකගත හැකිවිය. “සිරා මේක මාර කතාවක්‌. හැබැයි අපට මේක පාවිච්චි කරන්න විධියක්‌ නැහැ. පුළුවන්නම් මොනව හරි කරන්න බලන්නැයි” සිරිවර්ධන මහතාට පැවසූ එම කතුවරයා අප සමගද වචනයක්‌ දෙකක්‌ කතාකොට පිටවී ගියේය.

ඉංග්‍රීසි පුවත්පත් කතුවරයා සිරිවර්ධන මහතා අතට පත්කොට තිබුණේ කතරගම ප්‍රදේශයේ පුද්ගලයකු විසින් එවා තිබූ නිර්නාමික ලිපියකි. අප්‍රේල් කැරැල්ලේ කතරගම ප්‍රදේශයේ නායිකාවක ලෙස සැකකොට යුද හමුදාව විසින් අත්අඩංගුවට ගෙන සිටි රූමත් තරුණියක්‌ නිරුවත්කොට මහ පාර දිගේ ඇවිද්දවා පසුව ඇයට වෙඩි තබා ඇය මිය යැමට පෙර වළ දැමූ බවත් එහි සඳහන්කොට තිබුණි.

එහෙත් මෙය එකවරම පත්‍රයේ පළ කළ නොහැක. සිරිවර්ධන මහතා ප්‍රවෘත්ති කර්තෘ නිව්ටන් සෙනෙවිරත්න මහතා සහ මාණ්‌ඩලික වාර්තාකරුවන් වූ බෙනට්‌, ස්‌ටැන්ලි හා මා ඇතුළු කිහිප දෙනකු සමඟ සාකච්ඡා කළේය. අන්තිමේදී ස්‌ටැන්ලි සමරසිංහට කතරගම ගොස්‌ මේ සිද්ධිය පිළිබඳ තොරතුරු සොයන ලෙස සිරිවර්ධන මහතා දැනුම් දුන්නේය.

ඒ අනුව පසුදාම කතරගම ගිය ස්‌ටැන්ලි දින දෙකකට පසු පැමිණියේ ප්‍රේමවතී මනම්පේරි නමැති එම තරුණිය ඝාතනය කිරීමේ සිද්ධියේ සියලු තොරතුරුද රැගෙනය. ඔහු කතරගම නගරයේ එම සිද්ධිය ඇසින් දුටු අයගෙන් තොරතුරු ලබාගෙන තිබුණි.

පොලිසියේ සමහර නිලධාරීන්ද ස්‌ටැන්ලිට රහසිගතව තොරතුරු ලබාදී තිබූ අතර ඔහු දෙටගමුවේ ප්‍රේමවතී මනම්පේරිගේ නිවෙසටද ගොස්‌ ඇගේ මව හා පවුලේ අය මුණගැසී තිබිණි. එම නිවෙසේ තිබූ ප්‍රේමවතී මනම්පේරිගේ සියලුම පින්තූරද ස්‌ටැන්ලි රැගෙනවිත් තිබුණි. ඇය පාසල් නිල ඇඳුමින් සැරසීගත් ඡායාරුපයක්‌ද කතරගම අවුරුදු කුමරිය ලෙස කිරුළු පැළඳි ඡායාරූපද ඒ අතර විය.

කතරගම ප්‍රදේශයේ ප්‍රසිද්ධ රහසක්‌ව තිබූ, එමෙන්ම මුළු රටටම රහසක්‌ වූ ප්‍රේමවතී මනම්පේරි ඝාතන සිද්ධිය මුල් වරට” ඇතත් ප්‍රධාන පුවතක්‌ මගින් ලොවට හෙළිකළේය. පුවත පත්‍රයේ පළවීමෙන් පසු ඒ ගැන රට පුරා විශාල කතාබහක්‌ ඇති වූ අතර කැබිනට්‌ මණ්‌ඩලයේද මේ ගැන සාකච්ඡා වී තිබුණි.

මෙම පුවත දුටු අගමැතිනි සිරිමාවෝ බණ්‌ඩාරනායක මැතිනිය මෙම සිද්ධිය ගැන පූර්ණ පරීක්‍ෂණයක්‌ පවත්වා එයට වගකිව යුත්තන්ට විරුද්ධව නීති මගින් කටයුතු කිරීමට පියවර ගන්නැයි පොලිස්‌පතිවරයාට නියෝග කළාය.

අනතුරුව රහස්‌ පොලිස්‌ නිලධාරීන් කණ්‌ඩායමක්‌ කතරගම ප්‍රදේශයට ගොස්‌ පරීක්‍ෂණ පවත්වා එහි වාර්තාවක්‌ පොලිස්‌පතිවරයා මගින් නීතිපතිවරයා වෙත භාර දුන්නේය.

ඒ අනුව ප්‍රේමවතී මනම්පේරි තරුණිය නිරුවතින් මහ මග ඇවිද්දවා ඇයට වෙඩි තැබූ කතරගම ප්‍රදේශයේ හමුදා කඳවුර භාරව සිටි ලුතිනන් ඒ. විඡේසූරියට සහ ඔහුට සහාය දුන් සැරයන් රත්නායකට එරෙහිව හම්බන්තොට මහෙස්‌ත්‍රාත් උසාවියේ නඩු පවරනු ලැබීය.

මෙම නඩුව වාර්තා කිරීම සඳහා හම්බන්තොට මහෙස්‌ත්‍රාත් උසාවියට ගිය “ඇත්ත” මාණ්‌ඩලික වාර්තාකරු ස්‌ටැන්ලි සමරසිංහට යුද හමුදා සෙබළුන් පිරිසකගේ තර්ජන පවා එල්ලවී තිබිණි. පසුව මහෙස්‌ත්‍රාත්වරයා විසින් ඔහුට ආරක්‌ෂාව සපයන්නැයි නඩු විභාගයට පැමිණ සිටි රහස්‌ පොලිස්‌ නිලධාරීන්ට දන්වා තිබුණි.

පසුව මෙම නඩුව හම්බන්තොට මහෙස්‌ත්‍රාත්වරයා විසින් ගාල්ලේ අපරාධ නඩු අධිකරණය වෙත යොමු කරන ලදී. ඒ අනුව මෙම නඩුව විභාග කරනු ලැබුවේ ශ්‍රේෂ්ඨාධිකරණ විනිසුරුවරයකු වූ ඩී. කිව්. ඇම්. සිරිවර්ධන මහතා විසිනි. පැමිණිල්ල මෙහෙයවූයේ රජයේ නීතිඥ කෙනත් සෙනෙවිරත්න මහතාය.

මෙම නඩුව වාර්තා කිරීමට පැවැරුණේ ස්‌ටැන්ලි සමරසිංහට හා මටය. මගේ ගම ගාල්ලේ ගිංතොට බැවින් අප දෙදෙනා ගිංතොට අපේ ගෙදර නතර වී එහි සිට උසාවි ගියෙමු. ගාල්ලේ කොටුවේ පිහිටි අපරාධ නඩු අධිකරණය වෙත ගිය අපට එහි වාඩිවීමට පුටුවක්‌ වත් ලැබුණේ නැත.

එහි වාර්තාකරුවන් සඳහා පුටු 3 ක්‌ පමණක්‌ තිබූ අතර ඒවා ලංකාදීප, දිනමිණ හා දවස වාර්තාකරුවන් සඳහා විය. ස්‌ටැන්ලිත් මාත් නඩු විභාග නැරඹීමට එන මහජනයා සඳහා තිබූ බංකුවක වාඩි වී අපේ රාජකාරි ආරම්භ කළෙමු.

නඩුවේ සාක්‌කි විභාගය අප දෙදෙනා ඒ මොහොතේම සෘජු වාර්තා ලෙස ලියා ගත්තේ සටහන් ලියාගෙන ඒවා පසුව යළි ලිවීමට කාලයක්‌ නොතිබූ හෙයිනි. අනිකුත් වාර්තාකරුවන් තිදෙනාගෙන් එක්‌ අයකු ටයිකෝට්‌ හැඳ සිටි අතර අනිත් දෙදෙනා ටයි පටිවලින් සැරසී සිටියහ. නිකම්ම කලිසම හා කමිසයෙන් සැරසී සිටි බැවින්දෝ ඔවුන් අප ගණන් ගත්තේ වත් නැත.

මේ වන විට විදුලි සංදේශ දෙපාර්තමේන්තුව මගින් දිවයිනේ ප්‍රධාන නගරවලට සෘජු දුරකථන පහසුකම් සපයා තිබිණි. ගාල්ලේද සෘජු දුරකථන පහසුකම් සපයා තිබුණද ඒවා තිබුණේ අත්හදාබැලීමේ අවස්‌ථාවේය. විදුලි සංදේශ දෙපාර්තමේන්තුවේ වෘත්තීය සමිතියක අපේ මිතුරකු මගින් ගාල්ලේ විදුලි සංදේශ හුවමාරුවේ සිට කොළඹට සෘජු ඇමතුම් ලබා ගැනීමට අවස්‌ථාව උදාකර ගැනීමට අපට හැකි විය.

ඒ අනුව නඩු විභාගයේ පළමු පැය දෙකින් වාර්තාව ලියාගත් මා ගාල්ලේ වක්‌වැල්ල පාරේ පිහිටි විදුලි සංදේශ හුවමාරුව වෙත ගොස්‌ එහි සිට මගේ වාර්තාව දුරකථන මගින් කාර්යාලයට ලබා දුනිමි. එය ලියා ගත්තේ “ඇත්ත” උප කතුවරයකු වූ සුනිල් සී. ද සිල්වා විසිනි.

මා යළි අධිකරණයට පැමිණි පසු ස්‌ටැන්ලිද එහි ගොස්‌ ඔහුගේ වාර්තාව ඒ අයුරින් කාර්යාලයට ලබා දුන්නේය. පස්‌වරු 2.30 ට පමණ දිනයේ නඩු විභාගය අවසන් වන විට අපගේ වාර්තා “ඇත්ත” ට ලැබී තිබුණි.

පසුදින “ඇත්ත” පත්‍රයේ ප්‍රධාන පුවත ලෙස පළකොට තිබුණේ මනම්පේරි නඩු විභාගය පිළිබඳව අප යෑවූ වාර්තාවය. එයට ප්‍රේමවතී මනම්පේරිගේ ඡායාරූප ද ඇතුළත් කොට තිබුණි. එදින ගාල්ලේ බොහෝ දෙනා “ඇත්ත” පත්‍රය ගත්තේ පොරකමිනි.

අප දෙදෙනා පසුදින යළි උසාවියට යැම සඳහා ගිංතොට හන්දිය අසල බස්‌ නැවතුම් පළේ සිටියදී කොළඹ දෙසින් පැමිණි මෝටර් රථයක්‌ අප ඉදිරියේ නතර විය. එහි සිටියේ රජයේ නීතිඥ කෙනත් සෙනවිරත්න මහතාය. ඔහු ජ්‍යෙෂ්ඨ අධිකරණ වාර්තාකරුවකු වූ ස්‌ටැන්ලිගේ මිත්‍රයෙකි.

අප දෙදෙනා ඔහුගේ රියට ගොඩවීමු. ස්‌ටැන්ලිත් මාත් රජයේ නීතිඥවරයාගේ මෝටර් රථයෙන් උසාවියට පැමිණෙනු දුටු ගාල්ලේ අනිත් පුවත්පත්වල වාර්තාකරුවන්ගෙන් ඉන්පසු අපට මහත් සැලකිලි ලැබුණි. ඔවුහු අධිකරණයේ ලේඛකාධිකාරීට කියා අප දෙදෙනාටද පුටු දෙකක්‌ ලබාදීමට උත්සුක වූහ.

එම වාර්තාකරුවන් පුරුදු වී තිබුණේ නඩු විභාගයේ සටහන් ලියාගෙන ඒවා පසුව වාර්තා ලෙස සකස්‌කොට තැපැල් මගින් හෝ පුවත්පත් ප්‍රවාහනය කරන වෑන් රථ මගින් කාර්යාල වෙත යෑවීමටය. අපගේ වාර්තාව පසුදින “ඇත්ත” පුවත්පතේ ප්‍රධාන පුවත ලෙස පළවීම ඔවුන්ට ගැටලුවක්‌ වී තිබුණේ එම වාර්තාව එදිනම පුවත්පතට ලැබී තිබීම නිසාය.

“ඇත්ත” පුවත්පත ප්‍රේමවතී මනම්පේරි නඩු විභාගය ප්‍රධාන පුවත ලෙස පළ කිරීමත් එයින් පුවත්පතේ අලෙවිය විශාල ලෙස ඉහළ යැමත් නිසා සෙසු පුවත්පත්වලට මේ පිළිබඳව දැඩි අවධානයක්‌ යොමු කිරීමට සිදුවිය.

“දවස” පුවත්පත එහි ගාල්ල වාර්තාකරුවන්ට නඩු වාර්තාව දිනපතා සවස 4 ට ගාල්ලෙන් පිටත්වන දුම්රියෙන් එවන ලෙස දන්වා තිබුණේ ඒ අනුවය. එය කොළඹට ලැබෙන විට රාත්‍රි 9 පමණ වූ බැවින් නඩු වාර්තාව “දවස”ට පළකළ හැකිවූයේ කොළඹ මුද්‍රණයේ පමණි.

නඩු විභාගය අවසානයේදී පළමු විත්තිකාර ලුතිනන් ඒ. විඡේසූරිය හා දෙවැනි විත්තිකාර සැරයන් රත්නායක චෝදනාවන්ට වරදකරුවන් වූ අතර ඔවුන්ට වසර 16 ක සිර දඬුවමක්‌ නියම විය. පසුව ඔවුන් එම තීන්දුවට එරෙහිව අපරාධ අභියාචනාධිකරණය වෙත අභියාචනයක්‌ ඉදිරිපත් කළේය. ඒ . සී. අලස්‌ (සභාපති) වී. නාමෝදරම් හා ඩී. විමලරත්න යන ශ්‍රේෂ්ඨාධිකරණ විනිසුරුවරුන් හමුවේ එය විභාගයට ගනු ලැබූ අතර ‘ඇත්ත’ වෙනුවෙන් එය වාර්තා කළේ ද ස්‌ටැන්ලිය. එහිදී කලින් තීන්දුවම අනුමත වූ අතර සිර දඬුවම්වල වෙනසක්‌ නොවීය.

වසර 16 ක සිර දඬුවමක්‌ විඳිමින් සිටි විඡේසූරිය ඊට වසරකට පසු බන්ධනාගාරයේදී හෘදයාබාධයකින් මිය ගියේය. සිර දඬුවම් විඳ නිදහස්‌ වී පැමිණි රත්නායක දෙවිනුවර සිය නිවසේ සිටියදී 1988 – 89 භීෂණ සමයේදී ජ. වි. පෙ. සාමාජිකයන් විසින් පිහියෙන් ඇන ඝාතනය කළ බව වාර්තා විය.

1971 අප්‍රේල් කැරැල්ල සමයේ සිදු වූ මෙම සිද්ධිය “ඇත්ත” මගින් හෙළි නොකළේ නම් එය තවත් “එක්‌ සිදුවීමක්‌” පමණක්‌ වීමට ඉඩ තිබුණි. එදා අද මෙන් මානව හිමිකම් සංවිධාන නොවීය.

හමුදාවේ ධෛර්ය හීනවන බව කියමින් මෙවැනි ඝාතන පිළිබඳ පරීක්‍ෂණ පැවැත්වීමට ඇතැම් බලධාරීන් පසුබට වුවද එදා අගමැතිනි සිරිමාවෝ බණ්‌ඩාරනායක මැතිනිය ප්‍රජාතන්ත්‍රවාදී නායිකාවක වශයෙන් ප්‍රේමවතී මනම්පේරි ඝාතනය ගැන සම්පූර්ණ පරීක්‍ෂණයක්‌ කොට ඊට වගකිවයුත්තන් නීතිය හමුවට ගෙන එන ලෙසට දුන් එඩිතර නියෝගය මුළු ලෝකයේම පැසසුමට ලක්‌විය.

සමන් කුමාර ඝාතනය

තිලක නයන ස්ටෝර්ස් හි හොඳ මුදලාලි කඳුළැලි’ සලනවා වහගෙන දොරලෑලි’. එම ශෝකාන්තය ඇතුළත් කවි කොළ සහ කැසට් පට රටපුරා බෙදා හැරුණේ මීට වසර 26 කට පෙර එනම් 1984 අප්‍රේල් 5 වැනි දා රටක් කම්පාවට පත්කළ මහා ඛේදවාචකයක් වූ මතුගම සමන්කුමාර ඝාතන සිද්ධියේදී ය.

අලුත් අවුරුද්දට පාසල් නිවාඩු දෙන දිනය වූයේ අප්‍රේල් 8 වැනිදායි. 14 හැවිරිදි සමන් කුමාර සිසුවා එදින උදේ පාසල් යන අතරතුර යම් කිසි පුද්ගලයකුගේ පැහැරගැනීමට ලක්විය. දින තුනකට පසුව සමන් කුමාරගේ මළ සිරුර මතුගම බෝපිටිය රබර් වතුයායේ කඳු මුදුනේ තිබී සොයා ගැනිණි.

මතුගම ධනවත් ව්‍යාපාරිකයකු ලෙස ප්‍රසිද්ධියට පත්ව සිටියේ තිලක නයන ස්ටෝර්ස් වෙළඳසල හිමි තිලකරත්න මහතාය. පිරිමි දරුවන් තිදෙනකු සහ දියණියන් දෙදෙනකුගෙන් සමන්විත එම පවුලේ බාල පුතා වූයේ සමන් කුමාරය. 1984 වර්ෂයේ දී මතුගම මධ්‍ය මහා විදුහලේ අධ්‍යාපනය හැදෑරු සමන් කුමාර අද ජීවත්ව සිටියා නම් වයස අවුරුදු 40ක පුද්ගලයෙකි. මවුපියන්ට පවුලට යෝධ ශක්තියක් වීමට සිටි දරුවෙකි.

එහෙත් අකාලයේ මේ දරුවාගේ ජීවිතය මිලිනව ගියේ මුදලට, ධනයට, කෑදර මනුෂ්‍ය වෙස්ගත් අමනුෂ්‍ය ම්ලේච්ඡ මිනිසකුගේ ක්‍රියා කලාපය නිසාය. සමන්ගේ පියාගේ ව්‍යාපාරික ස්ථානය මතුගම නගරයේ පිහිටා තිබිණි. පියා මෙන් ම වැඩිමල් දරුවෝ ව්‍යාපාරික කටයුතුවල නිරත වූ අය වෙති. එම පවුලේ වැඩිමහල් පුතුගේ හිතවත් තරුණයෙක් විය.

ඔහු නමින් ධර්මසිරිය. ධර්මසිරි එම පවුලේ තවත් දරුවකු තරමට පවුලට සමීපව සිටි අයෙකි. මතුගම නගරයට ආසන්නයේ කුඩා වෙළඳසැලක් පවත්වාගෙන ගිය ධර්මසිරි ඊට අවශ්‍ය බඩු බාහිරාදිය ලබාගත්තේ් තිලකරත්න මුදලාලිගෙනි.

එම පවුලට සමීපව සිටි ධර්මසිරි ගේ යටි සිත තුළ කුරිරු අදහස් පවතින බව එම පවුලේ කිසිවකුත් දැන සිටියේ නැත. කුමන හෝ හේතුවක් මත සමන් කුමාරව පැහැරගෙන ගොස් කප්පම් මුදලක් ලබා ගැනීමට ධර්මසිරි යටි සිතින් සැළසුම් කළේ කිලකරත්න නිවසෙන් ලැබෙන ආහාර පාන සහ වෙනත් උවමනා එපාකම් භුක්ති විඳිමින්ය.

සමන් කුමාර තම ගොදුරට හසුකර ගැනීමට හේ කළ සැළසුම ක්‍රියාත්මක කරන දිනය ක්‍රමයෙන් ළඟා වෙමින් තිබිණි. ඔහු ඒ සඳහා යොදා ගත්තේ පාසල් නිවාඩු දෙන දවසයි. එදින ඔහු තිලකරත්න නිවසට ගොස් පා පැදිය ඉල්ලා ගත්තේ ය. අනතුරුව ඔහු සමන් කුමාර පාසල් යාමට නිවසින් එළියට බසින තෙක් ඉවසිලි නැතිව බලා සිටියා විය හැකිය.

තමාගේ ජීවිතයට එදින මහා අනතුරක්වේ යැයි සිහිනෙකුදු නොසිතූ සමන් කුමාර පාසල් යන්නට නිවසින් පිටවිය. එසේ යන අතරතුර සමන් කුමාරගේ මාරයා වූ ධර්මසිරි ඔහු වෙත ළඟාවිය. ධර්මසිරි බොරුවක් පවසා සමන් කුමාර බයිසිකලයට නංවාගෙන තිබිණි. පොලීිසිය පවසන්නේ සැකකරු ගැන සැකයක් නොසිතූ සමන් තම නිවසේ පා පැදියත් ධර්මසිරි අත තිබූ නිසා ඔහු කියූ දේ විශ්වාස කර පිටත්ව යන්නට ඇති බවයි.

ධර්මසිරිගේ අපරාධ සැළසුමට සහාය වූ අනෙක් පුද්ගලයා කලවාන ප්‍රදේශයේ ඔහුගේ ම මිත්‍රයෙකි. සමන් කුමාර රැගෙන එන තෙක් ඔහු මඟ බලා සිට ඇත. බෝපිටිය කඳු මුදුනට ගිය විට දුර ඈත පළාත් කඳු වැටි මුහුද දැක ගැනීමට ලැබෙයි.

ඔවුන් සමන් කුමාරට එවැනි දේ පෙන්වීමට යැයි බොරු කියා රැගෙන යන්නට ඇති බව පොලිසියේ විශ්වාසයයි. කෙසේ හෝ සමන් කුමාර රැගෙන එතැනට ගිය ඔවුන් ගේ හැසිරීම පිළිබඳව සැක කළ මේ අහිංසක දරුවා ඔවුන්ගෙන් බේරී පලා යාමට උත්සාහ කර ඇත.

එහෙත් තරුණයන් දෙදෙනකු සමඟ සටන් කර එතැනින් පලා යාමට මෙවැනි දරුවකුට හැකියාවක් නැත. සමන්ගේ අත් පා ගැටගැසූ ධර්මසිරි සහ සෙසු තරුණයා සමන් කුමාරගේ මේස් ගලවා කටේ ඔබා තිබිණි. අනතුරුව මිතුරා එහි නවතා මතුගමට පැමිණ ඇති වීරසිරි ඔහුගේ අත් අකුරින් සමන් කුමාර පැහැර ගත් බවත් රුපියල් ලක්ෂ එකහමාරක් දුන්නොත් ඔහු නිදහස් කරන බවට ලිපියක් ලියා තිලකරත්න මහතාගේ ව්‍යාපාරික ස්ථානයට යවා තිබේ.

එම ලිපිය දුටු තිලකරත්න මහතා එය විහිළුවක් යැයි සිතා කොයිදේටත් පුතා පාසලට පැමිණියේ දැයි සොයා බැලීය. ඒ වන විට වෙලාව දහවල් 12.30 ට පමණ විය. සමන් කුමාර පාසලට පැමිණ තිබුණේ නැත. තිලකරත්න මහතාත්, හිතවතුන්, පවුලේ උදවිය, ගම්වාසීන් සියලු දෙනාම එක්ව සමන් කුමාර සෙවීමට පටන් ගත්හ. ඒ අතර ධර්මසිරි ද පැමිණ සමන් කුමාර සෙවීමේ කටයුතුවල නිරත විය.

පස්වරුවේ යළිත් දුරකතන ඇමතුමක් මගින් කප්පම් මුදල් ඉල්ලා . පොලීිසියට කිවහොත් දරුවා මරණ බවට ද තර්ජනය කර තිබිණි. දවසක් දෙකක් ගතවිය. එහෙත් දරුවා පිළිබඳ තොරතුරක් නොවීය. සමන් කුමාර පැහැර ගත් ධර්මසිරි රැවුල වවාගෙන සිටි අයෙකි. එහෙත් සමන් පැහැරගත් දින දහවල් ඔහු රැවුල සම්පූර්ණයෙන් ම කපා දමා ඔහුගේ පෙනුම ද වෙනස් කර ඇත.

තිලකරත්න මහතා ඍජුවම පවසා සිටියේ තම පුතා පැහැරගෙන යන්නට ඇත්තේ තම පවුලට හිතවත් අයකු විසින් බවය. ඊට හේතුව සමන් කුමාර පවුලේ හෝ පවුලට හිතවත් අයකු සමඟ මිස නාඳුනන අයකු සමඟ කතා බහ නොකරන දරුවකු නිසාය. දැන් මතුගම ප්‍රදේශයම සමන් කුමාරගේ අතුරුදන්වීමෙන් කැළඹීමට පත්ව ඇත. මේ අතර එක් කුඩා පාසල් සිසුවියක පවසා තිබුණේ යම් පුද්ගලයකු සමන් කුමාර බයිසිකලයක තබාගෙන යන බව තමා දුටු බවයි.

මතුගම පොලීිසියේ ස්ථානාධිපතිවරයා ලෙස එවකට කටයුතු කළේ බරණගල මහතාය. පොලිස් පරීක්ෂක ඉන්දු කරුණාරත්න මහතා අපරාධ අංශයේ ස්ථානාධිපතිවරයා ලෙස කටයුතු කළේය. පොලීසිය කණ්ඩායම් කීපයක් යොදා සමන් කුමාරගේ අතුරුදන්වීම පිළිබඳව ඒ වන විට පරීක්ෂණ ආරම්භකර තිබිණි. ඉහත කී පාසල් දැරියගේ ප්‍රකාශය කෙරෙහි ද පොලීිසිය දැඩි අවධානය යොමු වී තිබිණි.

දවස දෙක ගෙවී යද්දී නැවත නැවතත් කප්පම් මුදල් ඉල්ලා ලැබෙන ඇමතුම් සහ ලිපි ද වැඩි වෙන්නට විය. “දරුවා දීපන්; දරුවා නැතුව කොහොමද සල්ලි දෙන්නේ? තිලකරත්න මුදලාලි ගෙන් දුරකථන ඇමතුම්වලට ලැබුණ පිළිතුර විය. තවත් අවස්ථාවක ඔහු ගේ පිළිතුර වූයේ කප්පම්කාරයන්ට දරුවා වෙනුවෙන් තමා සතයක්වත් නොදෙන බවයි.

සමන්ගේ පවුලේ ඥාතීන් සමඟ එක්ව සමන් සෙවීමේ කටයුතුවල නිරතව සිටි සමන්ගේ මාරයා වූ ධර්මසිරි පිළිබඳව සැකය ඇති වූයේ කරුණු කාරණා ගණනාවක් හේතු කොටගෙනය. පොලිස් පරීක්ෂකවරුන් වන බරණගල, ඉන්දු කරුණාරත්න මහත්වරුන්ගේ සැකය ස්ථිර කරමින් අත්අඩංගුවට පත් ධර්මසිරි සමන් කුමාරගේ පැහැරගැනීමේ තොරතුරු වැමෑරුවේය.

සමන් කුමාර පැහැර ගෙන ගිය ස්ථානය වූ බෝපිටිය කඳු මුදුනට ගිය විට පොලීිසියටත් දහස් සංඛ්‍යාත ජනතාවටත් දැක ගැනීමට ලැබුණේ ඒ අහිංසක දරුවා අමානුෂික ලෙස ඝාතනය කර තිබූ ආකාරයයි.

සමන්ගේ සපත්තුවේ ලේස් පටියෙන් ගෙල හිර කර මරා දමා තිබිණි. ඒවන විටත් ඔහු මරා දින තුන ඉක්ම වී තිබූ බව පෙනී ගිය අතර සැකකාර සමන් කුමාර ඝාතනය කර තිබුණේ පැහැරගෙන ගිය දිනයේදීමය. දරුවා ඝාතනය කර ඊට පසු මොහු කප්පම් ඉල්ලීම සිදුකර තිබිණි. කප්පම් දුන්නත් තිලකරත්න මුදලාලිට ලැබෙන්නට සමන් ඒ වන විටත් ජීවතුන් අතර සිටියේ නැත.

දිවයිනේ දරුවකු පැහැර ගෙන ගොස් ඝාතනය කළ ප්‍රථම සිද්ධිය වූ සමන් කුමාර ඝාතන සිද්ධියෙන් මතුගම කළුතර ප්‍රදේශ පමණක් නොව මුළු රටම කම්පා වූහ. සමන් කුමාර නැමැති නම ගැසූ තිලකරත්න මහතාගේ ලොරියෙන් ම තම පුතුගේ මළ සිරුර බොරැල්ල මෘත ශරීරාගාරය වෙත ගෙන එද්දී දහස් සංඛ්‍යාත ජනතාව මග දෙපස රැදී සිටියහ. අපරාධකරුවා දැක බලා ගැනීමට මතුගම උසාවිය අසලට මහ සෙනග එක් රොක් වී සිටියහ.

ළමාවිය ද නොයික්ම වු මේ අහිංසක දරුවාගේ වියෝවෙන් පියා, මව, ඇතුළු සොයුරි සොයුරියන් දැඩි කම්පාවටත් පීඩනයටත් පත්වූහ. මෙම ඝාතනය සිදුවී වසර 26ක් ගෙවී ඇතත් දුක තවමත් එලෙසමය. සාක්කිකරුවන් 35 දෙනකුගෙන් සාක්කි විමසනු ලැබිණි. සමන් කුමාර ඝාතනය කිරීමේ අපරාධ චෝදනාවට වැරදිකරු වූ ධර්මසිරි එල්ලුම් ගසට නියම විය.

තම පුතුගේ වියෝවෙන් සදාකාලික වියෝ වේදනාවක් උරුම වූ සමන් කුමාරගේ මව අද මේ වන විට දැඩි ඔත්පල තත්ත්වයේ පසුවෙයි. පියා මීට අවුරුදු කිහිපයකට පෙර මියගොස් ඇත. ඔවුන් පදිංචිව සිටි නිවස විකුණා ඇත. වැඩිමල් සොයුරු විදේශගතව සිටියි. එක් සොහොයුරෙක් පමණක් පියාගේ ව්‍යාපාරය කරගෙන යයි. අප ඔහු මුණගැසුණු අවස්ථාවේ පැවසුවේ මල්ලී අද හිටියා නම් අවුරුදු 40ක පුද්ගලයෙක් බවය.

“එයාගේ නැතිවීමෙන් අපේ පවුල වැටුණා. ඒ දුක ඒ සිද්ධිය කොහොම අමතක කරන්නද? ඔහු පවසයි”.

සියල්ල එසේ සිදුවෙද්දී එදා සමන් කුමාර නඩුවේ සාක්ෂි දුන් ප්‍රධාන සාක්කිකාර දැරිය අද පොලිස් කාන්තාවකි. පරීක්ෂණ පැවැත් වූ පොලිස් ස්ථානාධිපතිවරයා අද ජීවතුන් අතර නැත. අපරාධ අංශයේ ස්ථානාධිපතිවරයාව සිටි ඉන්දු කරුණාරත්න මහතා ජ්‍යෙෂ්ඨ පොලිස් අධිකාරීවරයෙකි.

සියල්ල එසේ සිදුවී වසර 26ක් ගත වෙද්දී මරණ දඬුවමට හිමිකම් කියූ සමන් කුමාරගේ ඝාතන අපරාධකරු ධර්මසිරි 20 අවුරුදු සිරදඬුවම් ලබා නිදහස් ව පැමිණ සිටියි. අහිංසක දරුවකුට අමානුෂික වධ හිංසා පමුණුවා ඝාතනය කළ මේ අපරාධකරුට විසි වසරකට පසු හෝ සමාව ලැබුණත් මාපිය ඥාතීන්ට පමණක් නොවේ රටටම අහිමි වූ ඒ පුත්‍ර රත්නයට යළි පණදිය හැකි ද?

විඩාපත් හිරු කඩා වැටුණු තල්කරටි අතරින් හෙමිහිට මෑත්වෙමින් අවරගිරින් පල්ලම් බසිමින් තිබුණේය. පස්වරුවෙහි හිරුකිරණ දැඩිව මිහිමත විසුරුවා දමා තිබිණි. මරණයේ සෙවනැලි දස අතින් නැගෙන අවිචාර අඩවියක වෙඩි හඬක් නෑසුණු නිමේෂයක් වේ නම් එය ආශ්චාර්යයකි.

ජීවිතයට වඩා මරණය සුලභ සංග්‍රාම අඩවියේ ගහකොළක් සුළඟට ඇඹරී නඟන කෙඳිරිය පවා හදවත්වලට දැනවුයේ තිගැස්මකි. වන ලැහැබක, ළඳු කැලෑවක වුව මහපොළොව බදා වැළැඳ ජීවිතය හැරගිය වුන්ගේ ශේෂ වූ සුන්බුන් නෙත ගැටීම අරුමයක් නොවේ. එහෙත් මිනිසුන් ජීවත්විය යුතුය. ජීවිතය කිසිවිටෙකත් අතහැර දමා යාමට නොහැකිය. මරණයේ කඩඉම අද්දර මාරයාගේ දත් අතර සැරිසරමින් වුව ජීවිතයට බලාපොරොත්තු එක්වීම නතර කළ නොහැකිය.

වෙනදාමෙන් උදාවූ අලුත් දවසේ යාපනයේ චෙම්මනි ප්‍රදේශයේ ගම්වැසියෝද තම ජන ජීවිතය වෙනදාමෙන් ඇරැඹුවේ බලපොරොත්තු දල්වාගෙනය. 18 හැවිරිදි ක්‍රිෂාන්තිද එදින පාන්දරින්ම පිටත්ව ගොස් තිබුණේ එම වසරේ පැවැති අ.පො.ස. (උ/පෙ) විභාගයට පෙනී සිටීමටය. ඒ 1996 වසරේ සැප්තැම්බර් මස 07 වැනිදාය. විභාගයට පෙනී සිටි සිසු සිසුවියෝ හනි හනික තම නිවෙස් බලා පියවර මනිමින් සිටියහ. එදා පැවැති රසායන විද්‍යා ප්‍රශ්න පත්‍රයට සාර්ථකව පිළිතුරු සැපයූ ඇයද මේ දරු දැරියන් අතර දැවැටී තම අනාගත සිහින එකිනෙක පොදි ගැසූවාය.

රාත්‍රිය පුරා නිදිවරා වනපොත් කළ ශිල්ප සතර පිළිවෙලකට සිත්පුරා පෙළ ගැසුවාය. විභාග කඩඉම ජයගෙන ජීවිතයේ ජයග්‍රාහි මංපෙතට අවතීර්ණ වන්නට අපමණ සිහින මවමින් තම පා පැදියේ නැගී යෙහෙළියක හා ඉදිරියට ගමන් කළේ හැමදා හුරුපුරුදු නිවෙසට යන පාර දිගේය. ඇයට නිවෙසට යාමට පෙර කයිතඩි හමුදා මුරපොළ පසුකළ යුතු විය. එහි සිටින්නේ සැමදාම දකින සෙබළුය. ඇය වෙනදා මෙන්ම කයිතඩි මුරපොළ අසලින් යන්නට ආවාය.

ඇතැම් දිනෙක මෙම සෙබළුන් ඇයට උසුළු විසුළු කරන්නටද පෙළැඹුණාය. මද සිනහවකින් පිළිතුරු දෙමින් ඇය වහා මුරපොළ පසුකර එන්නීය. එහෙත් එදින ඇගේ ජීවිතයේ ඉරණම් ගමන තීන්දු කළේ මෙම දෛවෝපගත සන්ධිස්ථානයමය.

රට හෙල්ලූ ක්‍රිශාන්ති කුමාරස්වාමි ඝාතනය

කුසගින්නද දැනෙමින් තිබූ නිසා ඇය තවත් ඉක්මනින් නිවෙසට යාමට සිතුවාය. කයිතඩි මුරපොළ අසලදී මුර සෙබළුන් විසින් ඇය නවතනු ලබන්නේ මේ මොහොතේය.

“මොනවද ඔය පොත් කොහෙද යන්නේ. අපිට ඔයාව චෙක් කරන්න ඕනෙ. කෝ… අයිඩෙන්ටි එක…”

ඇය මදක් සසල වූවාය.

“මම එග්සෑම් ලියන්න ගියා.”

“මට යන්න ඕනෙ. කරදර කරන්න එපා.” ඇගේ දෙනෙතින් කඳුළු ගලන්නට ආසන්නය. එහෙත් කඳුළුවලට ඒ මොහොතේ ඉඩක් නොමැත. මුරපොළේ ප්‍රධානියා ලෙස කටයුතු කළ කෝප්‍රල්වරයාගේ අණකිරීම මත ඇය කඳවුර තුළට රැගෙන ආවේය. මනුෂ්‍යත්වයේ මායිම් ම්ලේච්ඡත්වය විසින් දරුණු ලෙස ආක්‍රමණය කර තිබිණි. කුසගින්නේ නිවෙස බලා ගිය 18 හැවිරිදි පාසල් සිසුවිය රැගෙන ගොස් කඳවුරේ බිත්ති හතරක් තුළ හුදකලා කර දමන්නේ ඉන්පසුවය. සෙසු ලෝකයෙන් වහන් වූ ජුගුප්සාජනක හෝරාවක ඉන්පසු සිදුවූයේ කුමක්ද යන්න දන්නේ සතර අතින් වටවුණු බිත්ති හතර පමණි.

ඒ මනුෂ්‍යත්වය ඒ තරමටම ජරාජීර්ණව කුඩුපට්ටම් වී ගිය මොහොතය. අනාගත සිහිනය හිස දරා පැහැබර අනාගතයක අරුණලු බලන්නට පෙරුම් පිරූ හිරිමල් යුවතිය මේ හැඩිදැඩි මිනිසුන් හමුවේ ඉකිබිඳ හැඬුවේ කිසිදු හව්හරණක් නොමැතිවය. ඇය දන්නා සිංහලෙන් යදිමින් නොවඳිනා වැඳුම් වඳින්නට ඇත. එහෙත් ඒ ගොරෝසු කබාය තුළ සැඟවුණු බිඳක් වුව මනුස්ස කමේ ළතෙත් බව තමන්ගේම සොයුරියක් ලෙස සිතන්නට උණුසුම් හදවතක්… තිබුණද යදම් පුපුරා සුන්නද්දූලි වූ මිනිසත් බව ඉකිබිඳ හඬා වැටුණේ වේදනාවේ කඳුළු උල්පත් ගලා යමින් ඒ ගෙබිම පොළෝ තලය තෙතබරිත වෙද්දීය.

කාමෝන්මාදයෙන් වියරු වැටුණු හත් අට දෙනකුගේ ග්‍රහණයට හසුව වේදනාවෙන් ඇය නැගූ කෙඳිරිය පණ ඇති කිසිවකුට ඇසුණේ නැත. ඇයට තම මව නිවෙස සිහිවන්නට ඇත. මා කළ වරද කුමක් ද? යන්තම් ප්‍රාණය තවමත් ඉතිරිව තිබියදී මා විනාශකර තලා පෙළා දැම්මේ ඇයි? වගවලසුන් රෑනකට කොටු වු මුව පොඩිත්තියක ලෙස ඇය සීතල පොළොවේ උඩුකුරුව වැතිර සිටියාය.

ජීවිතයක් තලා හපකරමින් තම තිරිසන් වියරු සීමා මායිම් නැති කාමාශාවන් සපුරාගත් මෘගයන් නැගූ වියරු සිනා හඬ ඇයට ඇසුණේ නැත. ඇය වැතිර සිටියේ ජීවිතයත් මරණයත් අතර එළිපත්ත මතය. ඇයට දිය පොදක් දෙන්නට තරම් ළතෙත් බවක් ඒ නොමිනිසුන් ළඟ නොතිබුණු බව සැබෑය. තවමත් පණ ගැහෙන ගොදුර දෙස බලමින් තෘප්තිමත් වූ නොමිනිසුන්ට තවත් කළ නොහැක්කේ කුමක් ද?

එදා සවස 4.30 පසුවීත් තවමත් නිවෙසට නොපැමිණි දියණිය පිළිබඳ රාසම්මා බලවත් සේ බියට පත්වුවාය. ඇය දෙවියන් යදිමින් හඬා වැටෙමින් පෙරමඟට යන්නට වූයේ තම දියණියට කරදරයක් නම් නොවේවායි හදපුරා දැල්වෙන ගින්න මඳකට නිවාදමන්නට තැත් කරමින්ය.

ඇගේ ගමනට ඇගේ බාල පුතු වූ 16 වියැති පුතනුවන් ද එක්වුණහ. ඇය වේදනාව හදපුරා පුපුරා ගසද්දී ළමැදට අත්ගසමින් ඉදිරියට දිව ආවාය. ඇය මුලින්ම දිව ගියේ කයිතඩි හමුදා මුරපොළ වෙතය.

“මගේ දුව කෝ ” ඇය සෙබළුන්ගෙන් විමසුවාය. “තමුන්ගේ දුව අපිගාව නැහැ. අපි දන්නේ නැහැ” ඒ ඇයට ලැබුණු පිළිතුරයි. ඉන් සෑහීමකට පත්නොවුණු ඇය

“මගේ දුව දෙනතුරු මම මෙතැනින් හෙල්ලෙන්නේ නැහැ” විලාප නගමින් හැඬුවාය.

සියල්ල රහසින් සඟවා තබන්නට සිතූ ඔවුහු රාසම්මා සහ පුතු කඳවුර තුළට ඇදගෙන ගොස් දෑත් දෙපා ගැට ගසා කඳවුරේ විවේකාගාරයට පිටුපසින් ඇති කාමරයකට ඇද දැම්මේ දෙවරක් නොසිතාය. ඔවුන් දෙදෙනාගේ පැමිණීම ප්‍රමාද වූ නිසාම බියට පත් වූ සිදම්බරම් ද තවත් ප්‍රමාද නොවීම කයිතඩි මුරපොළ වෙතට දිව ගියේ තම අසල්වැසියාගේ දුකෙහි දී කළ යුතු යුතුකම් කොටස ඉටුකිරීමටය. එහෙත් සිදම්බරම් ටද උරුම වුයේ රාසම්මාට සහ තම පුතුට අත්වූ ඉරණම ය.

රාත්‍රිය නිහඬවම පිනිකඳුළු බිමට පතිත කරමින් ඉකිබිඳ හැඬුවා පමණි. එහෙත් මේ අහිංසකයින් වෙනුවෙන් කළ හැකි කිසිවක් ඉතිරිව නොතිබිණි. ලෝගුවෙන් ගත වැසුණු ද මනුෂ්‍ය ආත්මයක් ඔවුන් තුළ ඉතිරිව නොමැති බව විදහාපාමින් මෙන් තමන් යටතේ සිටින වියපත් ගැහැනියත්, ඇගේ පුතුත් අසල්වැසියාත් මරා දැමීමට සෙබළු තීරණය කළහ. කාලය තවත් ප්‍රමාද නොකරම ඔවුන් තිදෙනාගේම ගෙල ලණුවලින් ගැට ගසා සිරකර අමානුෂික ලෙස ඝාතනය කර දැමීමට සෙබළුන් පසුබට වූයේ නැත.

රාත්‍රී 10.00 පමණ වනවිට අමානුෂික සාපරාධී මිනිස් සංහාරයක යෙදුණු සෙබළු රාත්‍රී 2.30 පමණ වනතෙක් එතෙක් පණනළ සතුව සිටි ක්‍රිශාන්තිගේ අඩපණ වූ සිරුර ද මුළුමනින්ම නිසල කිරීමට කථිකා කර ගත්හ. මැසි මදුරුවන් මෙන් ජීවිත 04 ක් සාපරාධී ලෙස මරා දමා ඔවුහු එම සිරුරු වළ දැමීමටද තීරණය කළහ. ඒ ඔවුන් තුළ කිසිදු මනුස්සකමක් නැති බවට ලෝකය හමුවේ ඔප්පු කරමිනි.

මුරපොළට මදක් ඈතින් වු සොහොන් පිටියකි. මිනී වළවල් 3 ක් කැපූ සෙබළු එක්වළක ක්‍රිශාන්තිගේ මවද අනෙක් වළෙහි සොයුරාගේ ඇඳුම් හා අසල්වැසියාගේ ඇඳුම් ද වළ දැමූ පසු ඉතිරි වළෙහි ඇගේ සොයුරා සහ අසල්වැසියාගේ සිරුර වළ දමන ලදී. මරා දමනු ලැබු ක්‍රිශාන්තිගේ සිරුර මුරපොළට නුදුරින්ම වළ දැමිණි.

සිත්පිත් නැති, ලේ සුවඳ ගලා ගිය අප්‍රසන්න රාත්‍රියක් ගෙවී ගියේ මුළු රටටම හොර රහසේය. සියල්ල මිහිකත යට සදාකාලික ලෙස සැඟවී ගියේ යැයි සිත සනසාගත් සෙබළුන් පසු දින හිරු නැගෙනවිට තම රාජකාරියට සූදානම් වූහ. මහපොළොව නුහුලන, සංවේදී හදවත් මොහොතකට නතරවන, ශිෂ්ට සම්පන්න සමාජයක සිදුවු මේ මහා ඉසිලිය නොහැකි කඳුළු කතාව ඉරට හඳට රහසින් මසකට අධික කාලයක් ලෝකයෙන් සැඟවී තිබුණේය.

ක්‍රිශාන්ති කුමාරස්වාමි නම් 18 හැවිරිදි පාසල් යුවතිය අමානුෂික ලෙස ඝාතනය කර මරා දමනු ලැබුවේ ඇයගේ මවත් සොයුරාත් අසල්වැසියකුද සමඟින් 1996 සැප්තැම්බර් මස 07 වන දිනදී යාපනයේ චෙම්මනි නම් ප්‍රදේශයේදීය. මියගියවුන් හොර රහසේම නිසලව මිහිමඬල තුළ සැඟවී ගියද අපරාධය වසං කිරීමට ඉඩක් නොලැබිණි.

එම වසරේ ඔක්තෝම්බර් 20 වැනි දින අසල්වැසියන්ගෙන් ලැබුණු හෝඩුවාවක් අනුව පොලිසියත්, යුද හමුදාවත් එක්ව වැඩිදුර පරීක්ෂණ ආරම්භ කරන්නට විය. කන්කසන්තුරේ මූලස්ථාන පොලිස් පරීක්ෂක හිල්මන් පෙරේරා සහ යාපනය පොලිසියේ උප පොලිස් පරීක්ෂක සිල්වා යන මහත්වරුන්ගේ මුලිකත්වයෙන් විමර්ශන ආරම්භ කළේ මසකට අධික කාලයක් තුළ සැඟව තිබු අපරාධයක සුලමුල සෙවීමටය.

පොලිසියත් හමුදාවත් ඒකාබද්ධව පරීක්ෂණ මෙහෙයවූ මෙම අපරාධයේ තොරතුරු සොයා යාමේදී ඔවුන් මුලින්ම කළේ මෙම හමුදා මුරපොළේ සෙබළකු අත්අඩංගුවට ගෙන ප්‍රශ්න කිරීමය.

එහිදී සොයාගත් වැදගත් තොරතුරු අනුව යාපනය මහේස්ත්‍රාත්වරයාගෙන් ලබාගත් අවසරය මත චෙම්මනි සොහොන්පිටිය ආශ්‍රිතව වළ දමා තිබූ ක්‍රිෂාන්ති කුමාරස්වාමි නමැති 18 හැවිරිදි පාසල් සිසුවියගේ හා අනෙක් සිරුරු 03 ක්ද සොයා ගැනීමට පොලිසියට හැකිවූයේ වැළලී ගිය ඛේදවාචකයක අනුවේදනීය සත්‍ය කතාවක් මුළු මහත් රටපුරාම ප්‍රචලිත වෙද්දීය.

සෙබළුන් පිරිසක් අතින් සිදුවූ මෙම අමානුෂික අපරාධය ජාත්‍යන්තර වශයෙන්ද යම් ප්‍රසිද්ධියක් ලැබීම නිසා මහත් බරපතළ ගැටලු ද මතුවන්නට එය හේතු වී තිබිණි.

ඔක්තෝබර් මස 22 වැනි දින මෙම වළවල් හාරා සිරුරු ගොඩගන්නා විට ක්‍රිශාන්තිගේ සිරුර මුළුමනින්ම නරක් වී තිබුණු අතර එම වළවල් වල ජලය පිරී තිබීම නිසා ගැටලු ඇති විය. ක්‍රිශාන්තිගේ අසල්වැසියා වු සිදම්බරන්ගේ සිරුරද බොහෝදුරට නරක් වී තිබුණු අතර ඔහුගේ සිරුරේ ඉලඇට කිහිපයක් බිඳී තිබු බව පරීක්ෂණවලදී හෙළිවිය.

බොහෝ ද්‍රවිඩ දේශපාලන සංවිධානවල දෝෂ දර්ශනයට මෙම සිද්ධිය කතාබහට ලක්වුවද ආණ්ඩුව වැරදි කරුවන්ට දඬුවම් දීමට අපක්ෂපාති පියවරක් ගැනීමට කටයුතු අප්‍රමාදව කළේය. ආණ්ඩුව මෙම අපරාධය සිවිල් නීතිය යටතේ සලකා බලා කොළඹ මහේස්ත්‍රාත් අධිකරණය හමුවේ නඩු පැවරුවේය. නීතිපති දෙපාර්තමේන්තුව පැමිණිලි පාර්ශ්වය වශයෙන් පෙනී සිටියේය.

ක්‍රිෂාන්ති ඇතුළු සිවුදෙනකු අමානුෂික ලෙස ඝාතනය කර වළ දැමීමේ චෝදනාව මත එවකට කයිතඩි හමුදා මුරපොළට අනුයුක්තව සේවය කළ සෙබළුන්ට එරෙහිව නඩු පැවරීමට නොපමාව කටයුතු කෙරිණි. යුද හමුදාවේ ලා.කො. රාජපක්ෂ දේවගේ සෝමරත්න, සා.සෙබළ ජේ. එම්. ජයසිංහ, ජී. පී. ප්‍රියදර්ශන, සා.සෙබළ ඒ. එස්. ප්‍රියශාන්ත පෙරේරා සහ කෝප්‍රල් ඩී. එම්. ජයතිලක යන සෙබළු පස්දෙනකුට විරුද්ධව නඩු පවරා තිබිණි. කොළඹ මහේස්ත්‍රාත් අධිකරණයේදී විත්තිකරුවන්ට මරණ දඬුවම නියම වූ අතර එක් අයකු චෝදනාවලින් නිදොස් කොට නිදහස් කරන ලද්දේ ඔහුට විරුද්ධව චෝදනා ඔප්පු කළ නොහැකි වු බැවින්ය.

පැහැරගෙන යාමේ චෝදනාවලට විත්තිකරුවන්ට බරපතළ වැඩ ඇතිව වසර 10 ක සිරදඬුවම් නියම වූ අතර දූෂණය කිරීමට වසර 20ක සිර දඬුවම් නියම කරන ලදී. ක්‍රිශාන්ති කුමාරස්වාමි සහ ඇගේ මව, සොහොයුරා හා අසල්වැසියා මරා දැමීමේ චෝදනාවට මරණ දඬුවම පනවන්නට ද විනිසුරුතුමන් නියම කළේ ඒ සියල්ල සලකා බලා ය.

ක්‍රිශාන්ති යාපනය චුණ්ඩිකුලම් මැදි මහ විදුහලේ පැවැති උසස් පෙළ විභාගයේ රසායන විද්‍යාව ප්‍රශ්න පත්‍රයට පිළිතුරු ලියා ආපසු එමින් සිටියදී මෙම ඛේදවාචකයට ගොදුරු වුවාය. ඒ වනවිට ඇය අ.පො.ස. (සා.පෙළ) විභාගයෙන් විශිෂ්ට සම්මාන 7 ක් සමඟ සා.පෙළ සමත්ව සිටියාය. ඇගේ මව රාසම්මා යාපනයේ විදුහලක විදුහල්පතිනියක ලෙස සේවය කරමින් සිටියාය.

රාසම්මා මරා දමන විට ඇගේ ගෙල බැඳි ‘රන් තැල්ල’ පළමුවැනි විත්තිකරුගේ සහෝදරියට දී උකස් කර තිබියදී පසුව සොයාගන්නා ලදී. පළමුවැනි විත්තිකරු වෙනුවෙන් ජනාධිපති නීතිඥ රංජිත් අබේසූරිය නීතිඥ තනූජා රුද්‍රිගු යන නීතිඥවරුන් පෙනී සිටියහ. 2, 3, 4, 5 විත්තිකරුවන් වෙනුවෙන් ජ්‍යෙෂ්ඨ අධිනීතිඥ ආචාර්ය රංජිත් ප්‍රනාන්දු, හෂිනි ගුණරත්න, හිමාලි කුලරත්න යන නීතිඥ මහත්ම මහත්මීන් පිරිසක් පෙනී සිටියහ.

ඇසින් දුටු සාක්ෂි කිසිවක් නොවුණද ඉදිරිපත් වු වෙනත් සාක්ෂි මත විත්තිකරුවන්ට මරණ දඬුවම පැනවීමට විනිසුරුමඬුල්ල තීරණය කළහ. ක‍්‍රිශාන්තිගේ මුළු පවුලත් අසල්වැසියාත් මරා දමා මරණීය දඬුවමට ලක් වු විත්තිකරුවන් විසින් මරණ දණ්ඩනයට එරෙහි අභියාචනාවක් ඉදිරිපත් කරන්නට කටයුතු කරන ලදී. ඒ අනුව ඇපිල් උසාවියේ පවරන ලද නඩුව අභියාචනාධිකරණයේ විභාග වූ අතර එම අභියාචනය නිෂ්ප්‍රභා කොට කලින් දී තිබු මරණ දඬුවම ම යළිත් තහවුරු කිරීමට එම විනිසුරු මඬුල්ල තීරණය කළහ.

ආචාර්ය ශිරාණි බණ්ඩාරනායක (සභාපති), පී. එදුස්සුරිය, හෙක්ටර් එස්. යාපා, ජේ. අශෝක ද සිල්වා සහ නිහාල් ජයසිංහ යන විනිසුරුවරුන්ගෙන් සමන්විත විනිසුරුමඬුල්ලක් විසින් අභියාචනය විභාගයට ගන්නා ලදී. සෙසු විනිසුරුවරුන්ගේ පුර්ණ එකඟත්වය මත ආචාර්ය බණ්ඩාරනායක මහත්මිය විසින් පෙත්සමේ තීන්දුව ප්‍රකාශයට පත්කරන ලදී.

කල්ප ගණනක් පුරා ගෙවා අවසන් කළ නොහැකි තරමේ රුදුරු පාපයක හවුල්කරුවන් වීමට විත්තිකරුවන්ට සිදුවිය. රුදුරු යුද බිමේ රැකවලෙහි සිටි සෙබළුන්ගෙන් එවන් නපුරක් වේයැයි ඇය කවදාවත් සිතන්නට නැත. එහෙත් දෙවිදේවතාවන් බඳු මිනිසුන් අතර වනසිවුපාවුන් වැනි මිනිසුන්ද ජීවත් වේ. අවාසනාවකට මෙන් ක්‍රිශාන්තිගේ ඉරණම වැටී තිබුණේ ඒ වන මෘගයන් අරක්ගෙන සිටි මාවතේ ය.

ශිවලෝගනාදන් විද්‍යා ඝාතනය

ශිවලෝගනාදන් විද්‍යා දියණියද තිස්‌ වසරක්‌ පුරා පැවති කුරිරු යුද්ධයේ වෙඩි හඬ මැද උපන් එකියකි. ඇය ඉපදුණදා කයිට්‌ස්‌ ප්‍රදේශය මහා යුධපිටියකි. ඒ එක්‌දහස්‌ නමසිය අනූහත (1997) වසරයි. ඇයට එදා සිට ඇසුණේ කුරිරු යුද්ධයේ බිහිසුණු හඬවල් සහ මරළතෝනිය දශකයකටත් වඩා වැඩි කාලයක්‌ පුංචි විද්‍යා දියණිය එලෙස අපා දුක්‌ වින්දාය.

දෙදහස්‌ නමය (2009) වසරේ ප්‍රභාකරන් ඇතුළු පිරිස මරා දමා යුද්ධය අවසන් කළ පසු උතුරත්, දකුණත් වෙළාගෙන සිටි යක්‍ෂයා අතුරුදන් වී විද්‍යා ඇතුළු සියලු පිරිසට නවලොවක අපූර්වත්වය බලන්නට ඉඩ ලැබුණහ. ඉන්පසු විද්‍යා ඇතුළු දරුවන් පුන්කුඩුතිව් මහා විද්‍යාලයේ ඉගෙන ගන්නට ගියේ සිතේ තිබූ සියලු බිය සැක අතහැර දමමිනි.

අපොස සාමාන්‍ය පෙළ සමත්වූ ඇය, උසස්‌ පෙළ හදාරන්නට පටන් ගත් විට ලෝකය මොන තරම් මනරම් දැයි තේරුම් ගැනීමට හැකිවී තිබුණි. වෙඩි හඬ මැද සා පැටවුන් සේ ගුලිවී ජීවත් වූ යුගයත්, සාමකාමී පරිසරයක්‌ මැද ගෙවන ජීවිතයත් අතර මොනතරම් වෙනසක්‌ ඇත්දැයි ඇයට කල්පනා වූ වාර ගණන අපමණය.

යාපනයේ වෙසෙන අන් දැරියන් බොහෝ දෙනෙකු මෙන්ම විද්‍යා දියණිය ද පාසල් ගියේ පාපැදියෙනි. සුපුරුදු පරිදි දෙදහස්‌ පහළොවේ (2015) මැයි මස තුන්වැනිදා සුදු ගවුමින් සැරසී පොත් බෑගයද රැගෙන ඇය පාසල් යැමට නිවසින් පිටත් වූවාය. එය ඇය නිවසින් පිටවන අවසන් දිනය බව දැන සිටියේ කකුල් දෙකේ තිරිසනුත් කිහිප දෙනකු සහ මාරයා පමණි.

විද්‍යා පාසල් අධ්‍යාපන කටයුතු කළේ දැඩි කැපවීමකිනි. ජීවන ගමනේ අනාගත සුබ සිහින සැබෑ කර ගැනීමට නම් අධ්‍යාපන කටයුතු නිසි පරිදි පිළිවෙළකට කළයුතු බව ඇයට කුඩා කළ සිටම අවබෝධ වූවාය. ඒ අනුව ඇය සියලු වැඩ කටයුතු සිදු කළාය. එමනිසා විද්‍යා දියණිය පාසලේ දීප්තිමත් සහ දක්‍ෂ සිසුවියක වූවාය.

ඒ අතරතුර තල්රුප්පා මැද ගංජා උරමින් සිටි කරුණයෝ පිරිසක්‌ සිහි විකලෙන් මෙන් යමක්‌ සැලසුම් කරමින් සිටියහ. ඒ එකම පවුලේ සහෝදරයන් තිදෙනකු සහ තවත් හය දෙනෙකි. එදින එම පාපතරයන්ගේ අරමුණ වූයේ විද්‍යා දියණිය දූෂණය කර මරා දැමීමටයි. ඒ සඳහා එම පාපතරයෝ මාස කිහිපයක සිට සැලසුම් සැකසූහ.

විද්‍යා දියණිය තල්රුප්පා ලඳු කැළෑ ප්‍රදේශ පසු කරමින් ඉදිරියට පැමිණියාය. තල් රුප්පාවේ අතු ඉති වේගයෙන් සෙලවෙන හඬට අමතර ශබ්දයක්‌ අවටින් නැඟුණි. විද්‍යා දියණියට යැමට හැකිවූයේ තවත් මීටර් කිහිපයක්‌ පමණි. ළඳු පඳුරු අතරින් මතුවුණ ඉහත සඳහන් කළ පාපතරයෝ විද්‍යා දියණිය හැඳින පාපැදිය නවතා ඇය බලහත්කාරයෙන් කැලය තුළට රැගෙන ගියහ. ඉන් අනතුරුව එම තිරිසනුන් තම සිතේ තිබූ පහත් ආශාවන් විද්‍යා දියණියගෙන් ඉටු කරගන්නේ ඒ සියලු දේවල් වීඩියෝ කරමින්ය. අවසානයේ සිත්පිත් නැති එම පාපතරයෝ සිහිසුන්ව සිටි විද්‍යා දියණියගේ ගෙල සිරකර මරා දැමූහ.

පසුව විද්‍යා දියණියට සිදුවූ එම අපරාධය පිළිබඳ රටම දැනගෙන ජාති භේදයකින් තොරව සැවොම කම්පාවට පත්වූහ. අවසානයේ එම අපරාධය කළ සියලු දෙනාම අත්අඩංගුවට ගැනීමට පොලිසියට හැකිවිය. ඒ අතර ඇය උගත් පාසලේ ශිෂ්‍ය විරෝධතා සංවිධානය විය. සැකකරුවන් උසාවිය වෙත පමුණුවද්දී “උන්ටික අපිට දියව්” කියමින් දෙදහසකට අධික පිරිසක්‌ පොලිසියට සහ අධිකරණයට ගල්මුල් ප්‍රහාර එල්ල කළහ.

කෙසේ හෝ විද්‍යා දියණිය සමූහ දූෂණයට ලක්‌ව අවසානයේ දී ඒ මුග්ධයන්ගේ අතින් ඝාතනයට ලක්‌වීම අපේ රටේ ජීවත්වන සිංහල, දෙමළ, මුස්‌ලිම් ආදී සෑම ජන කොටසකගේම හදවත පාරවා හමාරය. ඒ අපරාධය කළ මුග්ධම මුග්ධ අධමයන් පිරිසට දැන් නීතිය ක්‍රියාත්මක වෙමින් පවතී. මෙම සිද්ධිය සම්බන්ධයෙන් අත්අඩංගුවට ගත් සැකකරුවන් දොළොස්‌ දෙනා අතුරින් නම දෙනකුට එරෙහිව පුරා දින හයක්‌ නඩුව විභාගයට ගනිමින් තීන්දුව දීමට නියමිතය. ඒ අනුව පසුගිය විසිඅට වැනිදා සිට එම නඩුව විභාග කෙරුණි.

නඩුව විභාගයට ගත් පළමු දිනයේ දී වැඩබලන නීතිපති දප්පුල ද ලිවේරා මහතා යාපනය මහාධිකරණය හමුවේ පවසා සිටියේ “යාපනය පුන්කුඩිතිව් මහා විද්‍යාලයේ ඉගෙනුම ලැබූ ශිවලෝගනාදන් විද්‍යා සිසුවිය ගේ ඝාතනය සැලසුම් සහගතව සිදුකළ අපරාධයක්‌ බවත්, සිසුවිය අපයෝජනය කරන අයුරු රූගත කර විකුණා විශාල මුදලක්‌ රැස්‌ කිරීමට සැලසුමක්‌ තිබූ බවත්ය.”

වැඩිදුරටත් අදහස්‌ දැක්‌වූ වැඩබලන නීතිපති දප්පුල ද ලිවේරා මහතා ත්‍රිපුද්ගල විනිසුරු මඬුල්ල හමුවේ මෙසේද පැවසුවේය.

“ලංකා ඉතිහාසයේ ප්‍රථම වරට යාපනයේ ත්‍රිපුද්ගල විනිසුරු මඬුල්ලක්‌ ඉදිරියේ නඩු විභාගයක්‌ පවත්වන්නේය. සැලසුම් සහගතව පැහැරගෙන ගොස්‌ අපයෝජනය කර විද්‍යා සිසුවිය ඝාතනය කර තිබෙනවා. මෙම ඝාතනය සිදුකර ඇත්තේ 2015 වසරේ මැයි මස 13 වැනිදා. මෙය යාපනය පමණක්‌ නොව මුළු දිවයිනම කම්පාවට පත් කරන සිද්ධියක්‌ බවට පත්වුණා. ඝාතනය සම්බන්ධයෙන් පොලිසියත්, අපරාධ පරීක්‍ෂණ දෙපාර්තමේන්තුවත් පරීක්‍ෂණ සිදු කරනු ලැබුවා. ඒ අනුව මේ අපරාධය සිදුකළ නවදෙනා හඳුනා ගත්තා. අපරාධ පරීක්‍ෂණ දෙපාර්තමේන්තුවට මෙම අපරාධය සම්බන්ධයෙන් පරීක්‍ෂණ සිදු කිරීමට නීතිපතිවරයා පූර්ණ සහායක්‌ ලබා දුන්නා. අපරාධ පරීක්‍ෂණ දෙපාර්තමේන්තුව විමර්ශන කළ ආකාරය පැසසිය යුතුයි.”

“මෙම අපරාධයට සම්බන්ධ පිරිස්‌ ආරක්‌ෂා කර ගැනීමට සමහර පිරිස්‌ උත්සාහ දරනවා. ඒ පිළිබඳවත් විමර්ශන සිදුකළා. ඒ අනුව ඔවුන්ට එරෙහිව අපි නීතිමය පියවර අර ගන්නවා. මෙම අපරාධය සාමාන්‍ය මිනීමැරුමක්‌ හෝ දූෂණයට ලක්‌ කිරීමක්‌ නොවෙයි. මෙය කලකට පෙර සිටම සැලසුම් කර සිදුකළ අපරාධයක්‌. මීට ජාත්‍යන්තර වශයෙන් සැලසුමක්‌ තිබුණා. මේ නිසා මේක ජාත්‍යන්තර අපරාධයක්‌ විදිහටත් කියන්න පුළුවන්. මෙය මෙරට කීර්ති නාමයට බලපෑම් එල්ල කරන්නට හැකි සිද්ධියක්‌.”

“මේ අපරාධය සම්බන්ධයෙන් හමුවූ නඩු භාණ්‌ඩත්, කොන්දේසි සහිතව නීතිපතිවරයා විසින් පොදු සමාව ලබාදුන් අයගේ සාක්‍ෂිත් තිබෙනවා. මේ අනුව මෙකී අපරාධයේ සැලසුම්කරු වශයෙන් ඝාතනයේ නමවැනි සැකකරු හඳුනා ගන්න පුළුවන් වුණා. සිසුවිය අපයෝජනය කිරීම වීඩියෝ කර ජාත්‍යන්තර වෙළෙඳපොළට විකිණීමට උත්සාහ දරා තිබෙනවා. ඔහු මෙරට උපන් අයකු වුවත් ස්‌විට්‌සර්ලන්තයේ සිටිමින් ඝාතනයේ සැකකරුවන් හයදෙනකු සමගින් සම්බන්ධ වී මේ අපරාධය සැලසුම් කර තිබෙනවා.”

“දකුණු ආසියා රටවල දැරියන් හා තරුණියන් ලිංගික අපයෝජනයට ලක්‌කර ඒවා වීඩියෝ කරමින් අධික මිලකට අලෙවි කරනවා. මෙම ඝාතනයේ 2, 3, 5 සහ 6 වැනි විත්තිකරුවන් සිසුවිය දූෂණය කර තිබෙනවා. ඔවුන් මාරුවෙන් මාරුවට මෙම සිසුවිය දූෂණය කර තිබෙනවා. 5 සහ 6 වැනි සැකකරුවන් සිය ජංගම දුරකථනවලින් එය පටිගත කරගෙන තිබෙනවා. පසුව එය විදේශිකයකුට විකුණලා තියෙනවා. එම වීඩියෝව විමර්ශන සඳහා ලබා ගැනීමේ උත්සාහය ව්‍යර්ථ වුණා. නමුත් මෙකී වීඩියෝව විකිණූ බව සනාථ වන සාක්‍ෂි සොයා ගැනීමට හැකිවුණා.”

“ඝාතනයේ 2, 3, 5 සහ 6 සැකකරුවන් සිසුවිය පාළු නිවෙසකදී දූෂණය කර තිබුණා. අනතුරුව සිසුවියගේ සිරුර හමුවූ ස්‌ථානයට ඔසවාගෙන විත් සිසුවියගේ අත් පා බැඳ ඇයගේ ගෙල මිරිකා හුස්‌ම සිරකර ඝාතනය කර තිබෙනවා. සිසුවියගේ හිස ප්‍රදේශයේ තුවාල සිදුවී තිබෙනවා.”

“මෙම අපරාධයට නීතිය ඉදිරියේ හැකි උපරිමයෙන් දඬුවම් දිය යුතුයි. මෙවන් දෑ සමාජය තුළ මතු නොවන ආකාරයේ තීන්දුවක්‌ ලැබේවි යෑයි විශ්වාස කරනවා.”

විද්‍යා සිසුවියගේ මව වන ශිවලෝගනාදන් සරස්‌වතී මහත්මිය අධිකරණය හමුවේ සාක්‍ෂි දෙමින් මෙසේ පැවසුවාය.

“පෙරුම්බාල් කියන්නේ මාගේ පුතා. ඔහුයි වැඩිපුරම විද්‍යාව පාසල් ගෙන යන්නේ. සමහර වෙලාවට ඔහුට වැඩක්‌ තියෙනව නම් දුව ඇයගේ එකට ඉගෙන ගන්න යාළුවෝ එක්‌ක පාසල් යනවා. මගේ සැමියා අංශභාග රෝගයෙන් පෙළෙනවා. ඔහු ඉන්නේ ඔත්පලවයි. මේ නිසා පුතා අතරමගදී පාසල් අධ්‍යාපනය නතර කර වැඩට යන්න පටන් ගත්තා. නිවසේ සිට පාසල් යන මාර්ගය කැලෑවෙන් හා පාළු ගෙවල්වලින් යුක්‌තයි. මාර්ගය අබලන්. වැහි කාලෙට ඒ මාර්ගය භාවිතා කරන්නත් අමාරුයි”

“මේ සිද්ධිය සිදුවූ දින උදෑසන විද්‍යා දියණිය පාසලට පිටත් වුණේ උදෑසන 7.30 ට. මමයි ඇයව පාරට ඇරලුවෙත්. එදින ඇය හා එකට ඉගෙන ගන්න දැරියක්‌ එක්‌ක පාසල් යන බව කිව්වා. එම සිසුවිය නොපැමිණි නිසා විද්‍යා තනියම පාසලට ගියා. පාසල් ගිය විද්‍යා නිවසට එන සුපුරුදු වේලාව පසුවීයැම නිසා ඇය ගැන සොයා බලන්නැයි කියලා මං පුතාව පාසලට යෑව්වා. එයා ගිහින් පාසලේ කවුරුවත් නැහැ, පාසලත් වහලා කියලා දුරකථනයෙන් කිව්වා. ඉන් පස්‌සේ පුතයි මායි විද්‍යාව සොයාගෙන ඇවිද්දා…”

“රෑ අටට විතර කයිට්‌ස්‌ පොලිසියට ගියා පැමිණිල්ලක්‌ දාන්න. මේ වයසේ ගෑණු ළමයි කොහේ වුණත් යයි. ආයේ එයි කියලා පොලිසිය කිව්වා. පස්‌සේ අපි කිව්වා අපේ දැරිය එහෙම කෙල්ලෙක්‌ නොවෙයි කියලා. පසුවයි අපේ පැමිණිල්ල ඔවුන් සටහන් කර ගත්තේ…”

“පොලිසියට ගියේ අපි ත්‍රිරෝද රථයක්‌ හයර් කරගෙන. ඒකෙ රියදුරු අපිට කිව්වා වෙනදාට උදේ 7.30 ට පමණ විද්‍යාව එයා දකිනවා කියලා. ඒත් සිද්ධිය වුණ දවසේ ඔහු විද්‍යාව දැකලා නැහැ. එලෙස එන ගමනුත් අපි විද්‍යාව සෙව්වා. ඒත් හම්බ වුණේ නැහැ. රෑ වීමත්, වැසි වැඩිවීමත් නිසා එදින අපි විද්‍යාව හොයන එක නතර කළා.”

“පසුදින පුතයි මමයි නැවතත් විද්‍යාව සොයන්න පටන් ගත්තා. එකපාරටම පුතයි, පුතාගේ යාළුවෙකුයි අම්මා… විද්‍යා කියලා මහ හයියෙන් කෑගහනවා ඇසුණා. ඒ සද්දෙන් මාත් ඒ දෙසටම දිවගියා. අම්මා අපේ විද්‍යා කියලා පුතා නැවත නැවතත් කෑගසා අඬද්දී මාත් සිහිසුන් වුණා. මම විද්‍යාගේ මළසිරුරට මීටර් 20 ක්‌ විතර ඈතින් ඉඳලා තමයි දැක්‌කේ… ළඟට යන්න තරම් ශක්‌තියක්‌ තිබුණේ නැහැ. පුතත් සිහිසුන්ව ඇද වැටුණ නිසා එයාවත් රෝහල්ගත කළා. අනතුරුව උදේ 10 ට පමණ කයිට්‌ස්‌ පොලිසිය පැමිණ දේහය රෝහල වෙත ගෙන ගියා.”

මහාධිකරණ විනිසුරු බාලේන්ද්‍රන් ශෂි මහේන්ද්‍රන්, යාපනය මහාධිකරණ විනිසුරු එම්. ඉලංෙච්ලියන් සහ ත්‍රිකුණාමලය මහාධිකරණ විනිසුරු අන්නාලිංගම් ප්‍රේමශංකර් යන ත්‍රිපුද්ගල විනිසුරු මඬුල්ල මෙම නඩුව විභාග කරති.

මෙම ඝාතන නඩුවේ සැකකරුවෝ වන බුබාලසිංහම් ඉන්ද්‍රකුමාර්, බුබාලසිංහම් යෝගකුමාර්, බුබාලසිංහම් තවක්‌කුමාර්, මහාලිංගම් ශෂිදරන්, කිල්ලේනාදන් චන්ද්‍රකාන්ත්, ශිවදේවන් දුෂාන්ත්, පලනි රූපසිංහම් කුගනාදන් ජෙයකරන්, කෝකිලන් සහ මහාලිංගම් ශිෂිකුමාර් හෙවත් ස්‌විස්‌ කුමාර් අධි චෝදනා ලැබූ විත්තිකරුවන් වෙති.

නියෝජ්‍ය සොලිසිටර් ජනරාල් කුමාර් රත්නම් මහතා සහ තවත් රජයේ ජ්‍යෙෂ්ඨ නීතිඥවරු සිව් දෙනෙක්‌ පැමිණිල්ල වෙනුවෙන් පෙනී සිටියහ. මෙහිදී 1, 2, 3, 4 හා 6 වැනි විත්තිකරුවන් වෙනුවෙන් ජනාධිපති නීතිඥ මහින්ද ජයවර්ධන මහතා ද, 5 වැනි විත්තිකරු වෙනුවෙන් නීතිඥ ආරුමුගම් රගුපතිපිල්ලේ මහතාද, 4, 7, 8 සහ 9 යන විත්තිකරුවන් වෙනුවෙන් නීතිඥ එස්‌. කේදීස්‌වරන් මහතාද පෙනී සිටියහ. ඊට අමතරව 9 වැනි විත්තිකරු වෙනුවෙන් රජයේ නීතිඥ විග්නේෂ්වරන් නේසන්තා මහතා පෙනී සිටියේය.

නඩුවේ චෝදනා පත්‍රවල යම් යම් සංශෝධනයන් සිදුකළ යුතු බවත්, නඩු භාණ්‌ඩ ලැයිස්‌තුවේ තවත් භාණ්‌ඩ පහක්‌ ඇති බවත්, තවත් සාක්‌ෂි 12 ක්‌ එක්‌ කිරීමට අවසර ලැබිය යුතු බවත් වැඩබලන නීතිපති දප්පුල ද ලිවේරා මහතා අධිකරණයෙන් ඉල්ලා සිටි අතර ඊට අධිකරණය අවසර ලබා දුන්නේය. ඉන් අනතුරුව සංශෝධනය කළ චෝදනා පත්‍රය සැකකරුවන්ට කියවා දුන් අතර එම චෝදනා සැකකරුවෝ ප්‍රතික්‌ෂේප කළහ. මෙම නඩුව 3, 4, සහ 6 යන දින දක්‌වා එක දිගට විභාග කිරීමට නියමිතය.

සිංහල, දෙමළ, මුස්‌ලිම්, බර්ගර් ආදී කෝටි දෙකකට ආසන්න ජනතාවක්‌ නුඹට සාධාරණය ඉටුවන තුරු බලා සිටින බව ශිවලෝගනාදන් විද්‍යා දියණියේ… ඔබ නොදන්නවා විය යුතුයි.

ලිපි මුලාශ්‍ර – පුවත්පත් වාර්තා

Source Link : Wishma Lokaya

පුංචි ඇගිල්ලේ දිග ප්‍රමාණය අනුව ඔබේ ජීවිතයම කියවෙනවා – ඔබ ගැන මේ තොරතුරු නිවැරදිද බලන්න

ඔබේ අතේ ඇඟිලි වල දිග ප්‍රමාණය අනුව පෞරුෂය පිළිබඳ පැවසිය හැකි වැදගත් තොරතුරු

යම්කිසි පුද්ගලයෙකුගේ සුළඟිල්ලේ දිග ප්‍රමාණය අනුව එම පුද්ගලයා පිළිබඳ බොහෝ දේ පැවසිය හැකි බව ඔබ මීට පෙර දැන සිටියාද? මෙය විශ්වාස කිරීමට තරමක් අපහසු වුවත් මෙම කරුණු කෙතරම් දුරට නිවැරදි වනවාද යන්න මෙම ලිපිය කියවූ පසු ඔබටම සොයා ගැනීමට හැකියි. පහත රුපයේ දැක්වෙන ආකාරට A, B සහ C ලෙස දක්වා ඇති අවස්ථා වල සුළඟිල්ලේ දිග ප්‍රමාණය අනුව පුද්ගලයෙකුගේ පෞරුෂත්වය පිලිබඳ කියවෙන වැදගත් කරුණු කිහිපයක් ඔබ වෙත ගෙන ඒමටයි අද විශ්ම ලෝකය අපි සූදානම් වන්නේ.

පහත සඳහන් වන කරුණු නිසි ලෙස අධ්‍යයනය කර ඔබේ පෞරුෂත්වය කෙසේදැයි විමසා බලන්න.

A කණ්ඩායම

ඔබ එතරම් විවෘත නොවන ඔබේ හැඟීම් වෙනත් අය සමග බෙදා නොගන්නා පුද්ගලයෙක්. ඔබ දැනට සිටින තත්වයට වඩා ඔබ තනි සහ ශක්තිමත් පුද්ගලයෙක් බව අනෙත් පුද්ගලයින්ට හැඟෙන්නට සලස්වනු ලබනවා.

හැඟුම්බර පුද්ගලයෙක් වන ඔබට සමීපතම පුද්ගලයන් සමග කල් ගත කිරීමේදී පමණක් යම් විවෘත ස්භාවයක් පෙන්නුම් කරනවා.

ඔබ සෑම විටම බොරුව, වංචාව සහ කුහක කම හෙළාදකින පුද්ගලයෙක්.

ඔබ ඔබේ චිත්තවේගයන් අනෙත් පුද්ගලයින්ට පෙන්නිමේදී ශාන්තව සහ ශක්තිමත්ව සිටීමට අවශ්‍ය වනවා.

ඔබ තරමක් අහංකාර පුද්ගලයෙක් වන අතර ඔබ එතරම් ඉවසිලිවන්ත පුද්ගලයෙක්ද නොවෙනවා.

අනුනට උපකාර කිරීමට නොපැකිලෙන හදවතක් ඔබට තිබෙන අතර ඔබට සිදු කිරීමට ලැබෙන ඕනෑම දෙයක් ඔබ එයට අකමැති වුවත් නිම කිරීම සිදු කරනවා.

සිනහවෙන් සතුටට පත්වන ඔබ සිදු කරන ඕනෑම ක්‍රියාවකින් සිනහාවන්නට පුළුවන්. සිනහවට ලක්විය යුතු කරුණ හාස්‍යජනක නොවුනත් ඔබට ඔබ සතුව ඇති සිතුවිලි මගින් සිනහවී සතුටින් සිටින්නට පුළුවන්.

ඔබට ඉතා සමීප නොවන පුද්ගලයින් සමග වුවත් සුහඳව කටයුතු කරන අතර ඔබේ පවුලේ උදවිය සහ මිතුරන්ට ඔබ වඩාත් සංවේදී පුද්ගලයෙක් වනවා.

B කණ්ඩායම

පළමුව කෙනෙකු වෙත ලඟා වීමට හෝ යම් කිසි ක්‍රියාවක් සිදු කිරීමට ඔබ අකමැතියි.

ඔබ පක්ෂපාතී සහ ලැදියාව ඇති පුද්ගලයෙක් වන අතර ඔබ යම් අයෙකුට ආදරය කිරීම ආරම්භ කල විට ඔබ එම තැනැත්තාට සෑම විටම අවධානය යොමු කර එම පුද්ගලයා පිළිබඳව නිතරම සිතනු ලබනවා.

ඔබ තුල ඇත්තේ ඉතා සංවේදී ආත්මයක්. ඔබ වෙතත් අයෙකුගේ හැඟීම් ආරක්‍ෂා කිරීම සඳහා සිදු වන දෑ නොදන්නා ලෙස සිටිනා නිසා වෙනත් පුද්ගලයින් ඔබ පිළිබඳ වැරදි අදහස් දරනවා.

ඔබ යමක් කිරීමට ඔබේ සිත තුල අදහසක් ඇති කර ගත් විට ඒ පිළිබඳවම කැප වෙමින් කෙසේ හෝ එම කාර්යය ඉටු කර කාර්යය නිමකරනු ලබනවා.

ඔබ වේදනාවන් ලැබීම සඳහා බිය වන අතර ඔබට කිසිවෙක් එපා යැයි හැඟීමක් වෙනත් පුද්ගලයින් තුල මැවීමට ඔබට අවශ්‍ය වුවත් ඔබ ඔබට සරිලන සහකාරියක් හෝ සහකාරයක් සිතින් පතමින් සිටිනවා.

ඔබ ඔබට යම් අපහසුකාරී තත්වයක් දැනුනු අවස්තාවක පවා ඔබ සන්සුන්ව සිටිනා පුද්ගලයෙක්.

C කණ්ඩායම

ඔබේ සිත අවුල් කිරීමට සමත් වන සියල්ල ඔබ ඉක්මණින් අමතක කර දමන අමනාපකම් සිතේ දරා නොසිටින පුද්ගලයෙක්.

නොදන්නා දෙයක් සමග කටයුතු කිරීමට සිදුවූ අවස්තාවක එය ඔබ දකින්නේ මහත් පීඩාකාරී කරුණක් ලෙසයි.

ඔබ අනුන්නගේ අදහස් වලට සෑම විටම ගරු කරන පුද්ගලයෙක්.

ඔබ වෙනත් අයෙක් සමග වාද කරනා විට වාදය ඔබේ පැත්තට හරවා එය ජය ගැනීමට සමත් වන පුද්ගලයෙක්. නමුත් පළමුව සමාව අයදීම සිදු කරන්නෙත් ඔබමයි.

ඔබට යම් කිසි ගැටළුවක් සහ ඔබට පීඩා ගෙන දෙන මානසික සිතුවිල්ලක් පැමිණි විට එය අනෙත් පුද්ගලයින් සමග බෙදා ගැනීමට පැකිලෙන පුද්ගලයෙක් වන ඔබ එවන් දෑ ඔබේ සිත තුලම සිටකර තබා ගනු ලබනවා.

ඔබ කෙලින් වැඩ කරන පුද්ගලයෙක් වන අතර ඔබ කැමති අකමැති දෑ පිළිබඳ ඔබ මනාව දැනුවත් වී සිටිනවා. ඔබව විශ්වාස කරන පිරිසක් සහ ඔබෙන් යැපෙන්නන් සිටීම පිළිබඳව ඔබ සතුටට පත් වනවා.

Source Link : Wishma Lokaya

ලෝකයේ විල් ගැන ඔබ නොදන්නා බොහෝ තොරතුරු මෙන්න

විලක් යනු ගොඩබිමින් වටවූ විවිධ වූ විශාලත්වයෙන් යුතු වන මිරිදිය හෝ කරදිය පිරුණු ද්‍රෝණියකි. එසේම පිටාර ගලන වැසි දිය හෝ අපද්‍රව්‍ය ‍රැස් කිරීමට තනන ලද ජලාශයක් ලෙස පටලවා නොගත යුතුය. විල් පිහිටන්නේ බොහෝවිට රටක අභ්‍යන්තරයේ ය. එය මුහුදක හෝ සමුද්‍රයක කොටසක් වන්නේත් නැහැ. ඒවා පොකුණු වලට වඩා බෙහෙවින් ගැඹුරුයි, විශාලයි.

ගංගාවක දිය කඳුරක මෙන් විල් ජලය නිතර ගලා බසින්නක් නොවේ. එසේ වුවත් බොහෝ විල් වලට ජලය ලැබෙන්නේත්, ඉවතට යන්නේත් කුඩා දිය දහරාවක් මඟිනි. විටෙක ගංගාවක මූලය වන්නේ එවන් විලකින් ආරම්භ වන දිය දහරාවකි. නයිල් ගඟේ එක් මූලොප්පත්තියක් වන්නේ වික්ටෝරියා විලයි. ටිබෙට් සානුවේ මානසරෝව විල ගංඟා කිහිපයකටම මූලය වනවා.

ස්වභාවික විල් අපට හමු වන්නේ කඳුකර පෙදෙස් වලින් හෝ ග්ලැසියර් ක්‍රියාකාරිත්වයට නිතරම භාජනය වන හෝ අතීතයේ ග්ලැසියර් පිහිටා තිබූ ප්‍රදේශ වලය. විශාල ගංගා ගලාබසින ගමන් මඟ ආශ්‍රිතවද බොහෝ විල් ස්වභාවිකව පිහිටා තිබේ. මිදී ගිය අයිස් වලින් මිහිතලයට උරුම කර දුන් අක්‍රමවත් දිය බස්නා ගනනාවකින් පමනක් වුවත් සමහර විල් නිර්මාණය වී තිබේ. විල් වලට පොදු එක් සාධකයක් නම් ඒවා සදාතනික නොවීමයි. අවටින් නිරතුරුව ගලා එන පස් හා බොරලු වලින් විල් පතුල කාලයාගේ ඇවෑමෙන් පිරී යනවා. විටෙක එහි ජලය උතුරා යයි. විල් බැමි කඩා වැටී විල් ඉවුර ක්‍රමයෙන් පලල් වී සිඳී යනවා.

පානීය මෙන්ම කෘෂිකාර්මික අවශ්‍යතා සඳහාද පානීය ජලය සහ කුඩා ජල විදුලි ව්‍යාපෘති ක්‍රියාත්මක කිරීම සඳහාද කෘත්‍රිම විල් නොයෙක් රටවල තිබේ. යම් ප්‍රදේශයක කලාත්මක අගය වැඩි කිරීමට සුන්දර සුවදායි විනෝදාත්මක පරිසරයක් නිර්මාණය කිරීමටත් කෘත්‍රිම විල් නිර්මාණය කෙරේ. විලක් ඇතිවිට පරිසර චමත්කාරය වැඩි වෙනවා. විල යන වචනය බෞද්ධ සාහිත්‍යයට ඉතා සම්බන්ධ වේ.විල්ගොමුව, විල්බැඳි දනව්ව යන වචන ඇසුනු විට අපූරු පරිසරයක් සහ සංස්කෘතියක් මතකයට එනවා.

බෞද්ධ සාහිත්‍ය පුරා අනෝතප්ත විල, මුචලින්ද විල, පාරිලේය විල යනාදි සමූහයක් සටහන් වෙනවා. ටිබෙට් සානුවේ හිමාල කඳුවැටියේ පිහිටි මාන්සරෝව විල හින්දු ආගමික පුරා වෘතයන්ට අනුව ශුද්ධ වූ ජල දේහයකි. ලෝකයේ අනෙකුත් විශාල විල් සඳහාද මෙවැනිම වූ මතිමතාන්තර තිබෙනවා. ඒවා බැඳුනු මානව සංස්කෘතියක්ද බිහි වී තිබෙනවා.

විල් සහ අනෙකුත් මිරිදිය ජලාශ වල භෞතික සංසිද්ධිය අධ්‍යනය කිරීම හඳුන්වන්නේ නිම්නවජ්‍ය වශයෙනි. ඒ අනුව විලක් කලාප තුනකට බෙදන්න පුලුවනි.

ඉවුර අසබඩ කලාපය

ජල පෘෂ්ටය අයත් කලාපය – හිරු එලියට වඩාත් විවර වන කලාපය

ගැඹුරු දිය කලාපය – එක එල්ලේ හිරු එලිය නොවැටෙන විසරණය මඟින් හිරු එලිය ලබන කලාපය

ජලය තුලට හිරු එලිය ගලායෑමේ තීවුරතාවය තීරණය වන්නේ විල් ජලයේ බොර ගතිය අනුවයි. බොර ගතියට හේතුව ජලය තුල අවලම්බනය වී ඇති අංශු පැතිර පැවතීමයි. මෙම අංශු හේතුවෙන් විල් ජලයේ පැහැයද වෙනස් වේ. කුණු වී ගිය ශාක ඇති ජලයේ පැහැය කහවන් හෝ දුඹුරුවන් වේ. ඇල්ගී ශාක බහුල විල් වල ජලයේ පැහැය කොල පාටක් ගනී. ගැඹුරු අඩු විල් වල පැහැය රතුවන් දුඹුරු පැහැයක් ගන්නේ පතුලේ ඇති බොර සමඟ යකඩ ඔක්සයිඩ් අඩංගු වන නිසයි. නැතිනම් මලකඩ සහිත වන නිසයි.

දිවා කාලයේ විල් ජලය අවට පරිසරයේ තාපය උරා ගැනීම නිසා පරිසරයේ සිසිල් බවක් ඇති වෙනවා. රාත්‍රියේදී එසේ උරාගත් තාපය නැවත පරිසරයට මුදා හරිනවා. එම නිසා විල් අවට රාත්‍රියේ උණුසුම් බවක් පවතී.විල් ජලයේ බොහෝ විට පිරී ඇත්තේ මිරිදිය යි.

ඉන් බොහොමයක් විල් පිහිටා ඇත්තේ උතුරු අර්ධ ගෝලයේ උස් කඳු වලයි. ලෝකයේ විල් වලින් 60% ක්ම ඇත්තේ කැනඩාවේ ය. එයට හේතුව ජලය බැස යන අක්‍රමවත් ආකාරයයි. ‍ෆින්ලන්තය කියන්නේ දහසක් විල් තිබෙනවා යන්නයි. එම රටේ කුඩා සහ විශාල විල් වල එකතුව පුදුම එලවන සුලුයි. එනම් 187,888 කි. ඉන් විශාල විල් වන්නේ 60,000 ක් පමණි. ඇමරිකාවේ මිනිසෝටා ප්‍රාන්තයද දහසක් විල් ඇති ප්‍රදේශයකි. එහි විල් 10,000 පමණ වේ. කැනේඩියානු ප්‍රාන්තයක් වන මනිටෝබා හිද දස දහස් ගණනක් විල් පවතී.

සමහර විල් වල පිටතට ඇදී යන එකදු ජල දහරාවක් වත් නැත. එම විල් වල ජලය අඩු වන්නේ වාෂ්පීකරණය මඟින් හෝ විල් පතුලට ජලය කිඳා බැසීමෙනි. එවැනි විටෙක විල් ඒවාටම ආවේණික ලක්ෂණ වලින් යුක්ත වේ. ගෝලීය වශයෙන් විල් වලට වඩා පොකුණු ගණන අධිකයි. එසේම විශාල විල් වලට වඩා කුඩා විල් ගණනද වැඩිය. විල් සෑදීමට පාදක වන ස්වභාවික ක්‍රියාවලි ‍රැසක්ම පවතී. පොලව ඇතුලේ භූ තැටි චලනය වී කඳු නිම්නයක් එසවී ගියවිට ඒ අවට ප්‍රදේශයේ ද්‍රෝණි සෑදීය හැකිය. ඒවා තුලට ජලය එක්

රැස් වෙනවා. ග්ලැසියර් ක්‍රියාකාරිත්වය හේතුවෙන්ද එවැනි පෘතිවි අවපාත අක්‍රීයව ඇති වන්නට පුලුවන. එම අවපාත වලට ජලය පිරී යයි. ස්කැන්ඩිනේවියානු රටවලද, සයිබීරියාවේ සහ කැනඩාවේද මෙවැනි විල් දැකිය හැකිය.උතුරු ඇමෙරිකාවේ පංච මහා විල්ද එක්තරා යුගයක සිදුවූ ග්ලැසියර් ක්‍රියාකාරිත්වය හේතුවෙන් ඇති වූ බවට පිලිගැනීමක් ඇත. ඝණත්වයෙන් මේ ග්ලැසියර් තට්‍ටු බොහෝ පෙදෙස් වසා පැතිරෙමින් ඉදිරියට යයි.

යලිත් මෙම ග්ලැසියර් ආපස්සට ඇදෙන විට භූ තලය මත බොහෝ වෙනස්කම් අක්‍රමිකතාවන් ඇති වේ. විටෙක ග්ලැසියර් දිය වීම නිසා මහා ගංවතුර තත්වයක් ඇති වූවා විය හැකිය. ඒ සමඟ භූ ඛාදනය ද සිදුවේ. භූමියේ අවපාතන ජලයෙන් පිරී යයි. අයිස් යුගය අවසන් වන විට ලෝ පුරාම සහසක් විල් නිර්මාණය විය.

විලකින් ජලය ගලන්නට මඟක් නොමැති විටෙක එම ජලය මදින් මද ලාවණික ගතියකට හැරවේ. ජලය වාෂ්ප වන විට ඉතිරි ජලයේ ලාවණික ගතිය තවත් සාන්ද්‍ර වේ. අවට පසෙහි ලාවණික ගතිය වැඩී නම් එම ජලයද අනුක්‍රමයෙන් විල් ජලයට ඇදී යයි. එසේ අධික ලවණ සහිත විල් වලට උදාහරණ ලෙස ග්‍රේන් සොල්ට් ලේක්, ඒරල් මුහුද හා මළ මුහුදයි. ගිනිකඳු ආශ්‍රිත ප්‍රදේශ වල ආවාට හා යමහල් විවර වැසි ජලය එක් ‍රැස් වී පිරී යයි. වාෂ්පීකරණය නිරතුරුව සිදුවුනත් ඊට වඩා වැසි ජලය එම කඳු මුදුන් වලට ඇද හැලෙනවා.

මෙවැනි ආවාට හා විවර වල ජලය ‍රැස් වූ විල් හඳුන්වන්නේ ආවාට හෝ යමහල් විවර විල් ලෙසයි. ඇමරිකාවේ ඔරිගන් ප්‍රාන්තයේ මසාමා කන්ද මුදුනේ මෙබඳු ආවාට විලක් නිර්මාණය වී තිබෙනවා. මසාමා ගිනි කන්ද ඉතා ප්‍රබල ලෙස විදාරණය වූයේ ක්‍රි.පු 4860 දී පමණය. එම පුපුරා යාම කෙතරම් ප්‍රබල වූයේද යත් එම ගිනිකන්ද මේ නිසා ගිලා බැස තිබෙනවා. ගිලා බැසි තැන ජලය පිරී ගොස් මසාමා විල නිර්මාණය වී තිබේ.

ලෝකයේ විශාලම ග්ලැසියර් ආශ්‍රිත විල වන්නේ ඇන්ටාටිකාවේ පිහිටි වොස්ටොක් විලයි. එය ඝණ අයිස් තට්‍ටු වලින් වැසී තිබෙනවා. එම විලෙහි ජලය පවතින්නේ මතුපිට මහා තෙරපුමකින් යුක්තය. යම් හෙයකින් එම අයිස් තට්‍ටුව සිදුරු කර බැලුවේ නම් එහි ජලය මහා දිය කඳක් ලෙස උඩට විදීමට ඉඩ තිබෙන බව විශ්වාස කෙරේ. භූ ඉතිහාසයේ ඉපැරණි විල් බොහෝ සෙයින් ගොඩ වී තිබේ. ඒ භූමි ඛාදනය හා බොර එකතු වී පතුල පිරී යාම නිසයි.

දැනට දක්නට තිබෙන ජලය පිරී ගිය බොහෝ විල් භූ විද්‍යාත්මකව තරුණ අවධියේ පවතී. එහෙත් මහ විල් පැල්ම සහිත ප්‍රදේශයන්හි පිහිටි විල් පාංශු ඛාදනය වන්නේ නැත. එවැනි විල් ලෙස බයිකල් විල හා ටැන්ගනිකා විල නිදසුන් ලෙස ගත හැක. පෘථුවි අභ්‍යන්තරයේ භූ තැටී ගැටී එසවී යලි ගිලා බැසීම නිසා සෑදුනු මහා විවරයන්හි මේ මහා විල් පිහිටා තිබේ. එම විල් ඉතා තරුණයි. ඒවායෙහි ඉවුරු ඛාදනය වන්නේත් නැත.

ඒවා විශාල ගැඹුරකින් යුක්තයි. බයිකල් විල වසර මිලියන 30 දක්වා පැරණි බව සැලකෙනවා. එය තවත් ගැඹුරු වේවි. එය කිසි විටෙක මුහුදක් සමඟ එක් නොවේ. රතු මුහුද හට ගත්තේද පෘථිවි භූ තලයේ චලනය වීමෙන් ඇති වූ ගැඹුරු විවර නිම්නයක් ජලයෙන් පිරී යෑමෙනි.

මතුපිට පෘෂ්ටයේ විශාලත්වය අනුව පංච මහා විල් වල මිචිගන්-හියුරන් විල ප්‍රමුඛ වේ. එහි මතුපිට පෘෂ්ටය වර්ග කිලෝ මීටර් 117,350කි. එහි ඉවුරේ පලල 8,790 km වේ. මිචිගන් සහ හියුරන් විල් දෙකක් ලෙස ගත් විට විශාලතම විල වන්නේ සුපීරියන් විලයි. එහි මතුපිට පෘෂ්ටය වර්ග කිලෝ මීටර් 82,414කි. ලෝකයේ කුඩාම මුහුද වන කැස්පියන් මුහුදේ මතුපිට පෘෂ්ටය ලෝකයේ විශාලම විල් හයක මතුපිට පෘෂ්ටයන්හි එකතුවටත් වඩා වැඩියි. ලෝකයේ විශාලතම විල කැස්පියන් මුහුද සලකයි.

රුසියාවේ වොල්ගා නදිය කෙලවර වන්නේ මේ විලෙනි. සයිබීරියාවේ බයිකල් විල ලෝකයේ වඩාත්ම ගැඹුරු විලයි. එම ගැඹුර මීටර් 1,637කි. ජල පරිමාව අතින්ද විශාල වන්නේ එයයි. ලෝකයේ දිගම විල වන්නේ ටැන්සානියාවේ ටැන්ගනිකා විලයි. එහි දිග කිලෝමීටර් 660කි. ගැඹුර අනුව එය බයිකල් විලට පමණක් දෙවැනි වේ. ඉපැරණිකම අතින් මුල් තැන ටැන්ගනිකා විලට හිමිවේ.

එය නෞකා ගමනාගමනයට පහසුකම් සලසන නිසා ආර්ථික වශයෙන් වඩා වැදගත් වේ. ලෝකයේ ඉතාම වැඩි උසක පිහිටා ඇති විල වන්නේ ටිබෙට් සානුවේ ඇති මානසරෝව විලයි. ලෝකයේ ඉතා පහලම මට්ටමක ඇති විල වන්නේ මල මුහුදයි. එය ඊශ්‍රාලයට හා ජෝර්දානයට මායිම්ව පිහිටා තිබේ. එය මුහුදු මට්ටමෙන් 418m පහල මට්ටමෙන් පිහිටා තිබේ. එහි ජලයේ අධික ලවණතාවයක් පවතී.

බොහෝ විල් විශාල වැඩිවත්ම ඒවායේ දූපත් ද ඇතිවේ. විලක් තුල ඇති විශාලතම දූපත වන්නේ හියුරන් විලේ ඇති මනිටෝලින් දූපතයි. එම දූපත තුල මනිටෝලින් නම් මිරිදිය විලක් පිහිටා තිබේ.ලෝකයේ විශාලතම ගිනිකඳු විවරයක පිහිටි විලක් වන්නේ සුමාත්‍රා දූපතේ ඇති සෝබාර් විලයි. ඩොමිනිකන් රිපබ්ලික් රාජ්‍යයේ පිහිටි එන්රිකියුලෝ නම් ලාවණික විල කිඹුලන්ගෙන් ගහන එකම ලාවණික විලයි. ඕස්ට්‍රේලියාවේ විශාලතම විල අයර් විල වන අතර එය ලාවණික ගතියෙන්ද යුක්තයි.

අප්‍රිකාවේ ඇති වික්ටෝරියා විල ලෝකයේ තෙවන විශාලම විලයි. දකුණු ඇමරිකාවේ පේරු හා බොලිවියා රාජ්‍යයට මායිම් වන ටිටිකාකා විල මුහුදු මට්ටමින් මීටර් 3,822ක් ඉහලින් පිහිටා ඇත. මෙම විල නෞකා ගමනා ගමනයට ද සුදුසු නිසා ඒ රටවලට ආර්ථික සම්පතකි. ඇමෙරිකාවේ කියාරා නෙවාඩා හි 1,897m ක මුහුදු මට්ටමක ඇති දැකුම්කලු විලක් තිබේ. එය තාහෝර් විලයි. ලෝකයේ ඇති සුපිරිසිදු ජලය තිබෙන්නේ මෙම විලෙහි යැයි ජනප්‍රවාදයක් පවතී. එම විල මීටර් 501ක් ගැඹුරුය. මීට වසර මිලියන 2කට උඩදී උපත ලද බව කියන මේ විල නිසා දහස් ගණන් සංචාරකයන් ආකර්ශණය කර ගනී.

Source Link : Wishma Lokaya

අලුතෙන් ගෙයක් හදද්දී ඔබ වඩාත් පරිස්සම් විය යුතු බාසුන්නැහේලාගේ කපටි උපක්‍රම 9ක්

දවස පුරා මහන්සි වෙලා වැඩ කරන අපිට දවස අවසානයේ නිවි සැනසිල්ලෙ පැදුරක වැටිල හරි නිදාගන්න තමන්ගෙම කියල නිවසක් තියෙනව නම් ඒක තමා සතුට. නිවසක් ගොඩ නගාගනිද්දි හිතන්න ඕන කාරණා ගැන අපි මීට කලින් කතා කලා මතක ඇති. මේ කියන්න හදන්නෙ ඒ කාරණාත් එක්කම මතක තියාගන්න ඕන බාස්ල කරන හොර වැඩ කීපයක් ගැන. මේ දේවල් ගැන සැලකිලිමත් උනොත් තමන්ගේ නිවස හදන්න වැය වෙන මුදලෙන් සෑහෙන කොටසක් ඉතිරි කරගන්න ඔයාලට පුලුවන් වේවි.

හැබැයි හැම බාස්ම මක බාස් කෙනෙක් නෙවෙයි වගේම හැම බාස් කෙනෙක්ම හොර බාස් කෙනෙකුත් නෙවෙයි කියලත් මතක තියාගන්න. අපි මේ දේවල් කියන්නෙ ඔයාලව දැනුවත් කරන්න. දැනුවත් උනා කියල බාස්ලා දිහා හොරෙක් ගාණට බලන්න යන්න එපා. සැලකිල්ලෙන් ඉන්න. මොකද ජීවිත කාලෙම ඉන්න හිතන් ගේ හදන මනුස්සයව තරහ කරගත්තොත් ඒක ඊට වඩා පාඩුවක්. තමන් නිතර කන්න ගන්න හෝටලේ එක්ක සුහදව ඉන්න ඕන වගේම මේ වගේ කාරණා වලදිත් වැඩ කරන අය එක්ක හිත් අමනාපකම් ඇති කරගන්න එකේ පාඩුව තමන්ටමයි.

1. ගණන් හිලව්

බාස් කෙනෙක් එක්ක කට වචනෙන් නම් ගණන් හිලව් කතා කරන්න යන්න එපා. ගේ හදාගෙන යද්දි මුලින් කියපු ගාණට නම් දැන් අමාරුයි මහත්තයො හැම තැනම දැන් මේ ගාණ තමා කියල රුපියල් 5කින් 10කින් ගණන් වැඩි කරන එක සමහරුන්ගෙ හැටියක්. ඒ නිසා අනිවාර්යෙන් ලිඛිතව අදාල මිල ගණන් සියල්ල ලබාගන්න.

2. වර්ග අඩි සහ දික් අඩි

අපි හැමෝම මේ බිත්ති බැඳිලි උළුවහු තිවිලි වගේ දේවල් ගැන ලොකුවට දන්නෙ නෑනෙ. අන්න ඒ නොදැනුවත්කම බාස්ල ප්‍රයෝජනේට ගන්න අවස්ථා වැඩියි. ලිඛිත සටහනේ දික් අඩියට මිල ගණන් සඳහන් කරපු තැන් බිල හදන කොට වර්ග අඩි ගාණට මාරු වෙනව. මේ නිසා ලිඛිතව දෙන මිල සටහනේ උනත් ඔබට අපැහැදිලි තැන් තියෙනව නම් ඒ දේවල් අහල පැහැදිලි කරගන්න එක වඩාත් සුදුසුයි.

3. හාඩ්වෙයාර් කොමිස්

මේ ගැන අපි කලින් ලිපියෙත් සඳහන් කලා. ගෙයක් හදන්න බාස් කෙනෙක් හොයාගත්තට පස්සෙ බාස් කියන තැන් වලින් බඩු ගන්න යන්න එපා. ඊට කලින් තමන් හාඩ්වෙයාර් එකක් එක්ක කථා කරගෙන මිල ගණන් දැනගන්න. හුඟක් වෙලාවට බාස්ල කොමිස් මුදලක් බඩු වලින් තියාගන්නව. ඔබම ගිහින් ගණන් කථා කරගත්තොත් හාඩ්වෙයාර් වලින් ලැබෙන ඩිස්කවුන්ට් එක වාසිය ඔබට ගන්න පුළුවන්. නැත්නම් ඒක යන්නෙ බාස්ගෙ සාක්කුවට.

4. අනවශ්‍ය අවශ්‍යතා

මේ මොකක්ද මේ? මෙහෙමයි. ඔබ නිවහනක් ගොඩ නගන්නෙ යම්කිසි සැලැස්මකට අනුවනෙ. නමුත් හදාගෙන යද්දි තමන්ටම පේන්න ගන්න යම්කිසි අඩු පාඩු තියෙනව නම් ඒ දේවල් සකස ගන්නව. අපි මේ කියන්නෙ ඒ ගැන නෙවෙයි. වැඩ කරගෙන යද්දි බාස්ල විසින් ඔබට අනවශ්‍ය දේවල් වලට අවශ්‍යතාවයක් මතු කරල ඔවුන්ගේ වැඩ වැඩි කරගන්න අවස්ථා එන්න පුළුවන්. උදාහරණෙකට කිව්වොත් ටයිල් කරද්දි ඔබට ස්කර්ටින් එකක් අවශ්‍ය නැති තැනකට ස්කර්ටින් එකක් අල්ලුවම තවත් ලස්සනයි වගේ දෙයක් කියන්න පුළුවන්. මේ නිසා ඔබේ අවශ්‍යතාවයන් ඔබම හඳුනාගන්න. ඒ අනුව වැඩ කරගන්න. මොකද පොඩි වෙනසක්නෙ කියල හිතුවට ඒ දේවල් වර්ග අඩි, දික් අඩි වෙලා එද්දි අවසානෙදි අමතර ලොකු මුදලක් වැයවෙලා තියෙන්න පුලුවන්.

5. මැනිල්ල ගැන දැනගන්න

බාස්ල අන්තිම මොහොතෙ කරන හොර වැඩක් මේක. හුඟක්ම වෙන්නෙ බිත්ති මැනිල්ලෙදි. බාස් දෙන ගණන් ටික ඒ විදියටම භාර නොගෙන නිවාඩුවක් දාල හරි ආපහු තමන්ම බිත්ති ටික මැනල බලන්න. එහෙම මනින කොට තමා තේරෙන්නෙ ගේ ඇතුලේ නැති බිත්තිත් බිලේ තියෙනවනේ කියල. ඒ නිසා මේ නැවත මැනිල්ල අනිවාර්යෙන්ම කරන්න. මොකද ගෙයක් හදාගන්නෙ විසිකරන්න සල්ලි තියෙනවට නෙවෙයිනෙ. මහන්සියෙන් හම්බ කරන රුපියල හරි වටින්නෙ තමන්ට.

6. බාස්ගෙ රෙකමන්ඩේෂන්

දැන් ඔය බිත්ති ටික බඳින්න එන බාස් ඒ ගමන් කියනව මං දන්න හොඳ ඉලෙක්ට්‍රික් බාස් කෙනෙක් ඉන්නව එහෙමත් නැත්නම් ටයිල් බාස් කෙනෙක් ඉන්නව වගේ දේවල්. මේ වගේ වෙලාවල් වලදි වටෙන් පිටෙන් ගණන් අහල දැනුවත් වෙන්න. මොකද ඔහොම කථා කරල දෙන්නෙ කොමිස් මුදලකුත් තියාගෙනමයි බොහෝ වෙලාවට. 30ට කරගන්න පුළුවන් වැඩේ 32ට හරි 35ට හරි කරගන්න ඕන නෑනෙ.

7. ගේ හදන්නෙ ළඟ තැනක නෙවෙයිද?

ඔබට නිතර රැඳෙන්න හෝ වැඩ පල බලන්න විශ්වාසවන්තයෙක්ව රඳවන්න හැකියාවක් නැත්නම් ඔබට මේ ගැන සැලකිලිමත් වෙන්නම වෙනව. මේක නම් හුඟක් වෙලාවට බාස්ට වඩා ගෝලයන් අතින් තමා වෙන්නෙ. සිමෙන්ති කොට්ට, කම්බි රෝල්, කළුගල් වගේ දේවල් අඩු ගාණකට හොරෙන් විකිණීම වැඩ බලන්න කෙනෙක් නැති තැන් වල සිද්ධ වෙනවමයි. ඒ නිසා දවසකට වැඩ කරන පැය ගාණට බඩු වල ක්ෂය වීම බලන්න කෙනෙක් ඉන්නව නම් මෙහෙම දේවල් අවම කරගන්න පුළුවන්.

8. වැලි වලට යට කරන සිමෙන්ති

හවස 5 වෙද්දි වැඩ ඉවර කරන්න බලාගෙන තමා හුඟක් බාස්ල ඉන්නෙ. එහෙම වෙලාවට අනාගත්තු සිමෙන්ති බදාම ටික එහෙමත් නැත්නම් කොන්ක්‍රීට් බදාමය ඉතුරු නම් කරන්නෙ ඒ ටික වැලි ගොඩක් යට ගහල වැඩ ඉවර කරන එක. මේ දේවල් හුඟක් වෙලාවට ඔබට අහු වෙන්නෙ ගේ හදලත් ඉවර වෙලා මිදුල අස් පස් කරද්දි. දන්න කෙනෙක් ගරාජ් එකක් හදල මාස ගාණකට පස්සෙ ගරාජ් එක පිටි පස්සෙන් මිරිස් පාත්තියක් හිටවන්න පොළව කොටද්දි දිය කරල හංගපු සිමෙන්ති කොට්ට බාගයක් විතර හම්බෙලා තිබ්බ. ඔහොම වැඩ වලින් පාඩුව කාටද කියල ආයෙමත් මතක් කරන්න ඕනෙ නෑනෙ.

9. ඇඩ්වාන්ස් දෙන ගාණ ගැන හිතන්න

වැඩ කරන අතර තුර වැඩේට ඇඩ්වාන්ස් එහෙමත් නැත්නම් අත්තිකාරම් හැටියට සැරින් සැරේට බාස්ල අපෙන් මුදල් ඉල්ලගන්නවනෙ. මෙහෙම මුදල් දෙන කොට සාමාන්‍යයෙන් වැඩේට යන මුළු මුදල ගැන ඔයාල දැනුවත් වෙලා ඉන්න ඕනෙ මුලින්ම. මොකද මෙහෙම ගන්න අත්තිකාරම අපි නොදැනුවත්වම දැනට සම්පූර්ණ කරල තියන වැඩේට වඩා වැඩි මුදලක් වෙන්න ඉඩ තියෙනව. එහෙම උනාම එක්කො බාස් වැඩේ කර අරිනව එහෙමත් නැත්නම් අර ගත්තු වැඩි පුර මුදල නොදී හැංගෙනව. ඔහොම දේවල් නම් අනන්තවත් වෙලා තියෙනව ගෙවල් හැදිල්ලෙදි හුඟක් අයට.

සැලකිය යුතුයි – අපි නැවත ඔබට මතක් කරනවා. ලංකාවෙ ඉන්න හැම බාසුන්නැහේම, කොන්ත්‍රාත්කරුවාම මෙහෙම නෑ. අවකව, මහන්සියෙන් මුදල් උපයන අය ඕනෑ තරම් ඉන්නවා. මේ කියන්නෙ ඒ අයටත් නරක නාමයක් ගෙනදෙන සමහර බාස්ලා ගැන විතරයි.

උපුටා ගැනීම – Aniwa.lk

Source Link : Wishma Lokaya

50% කින් ඩේටා ඉතුරු කරගෙන ෆෝන් එකෙන් ඉන්ටර්නෙට් යන්නේ මෙහෙමයි

මාසික උපරිම දත්ත භාවිත සීමාව සැකසීම

මසකට භාවිතා කිරීමට අපේක්ෂා කරන දත්ත ප්‍රමාණය සීමාවක් ලෙස ඔබේ ජංගම දුරකතනයේ පිහිටුවිය හැකියි. උදාහරණයක් ලෙස ඔබට මසකට භාවිතා කිරීමට හැකියාව ඇත්තේ 2GB දත්ත ප්‍රමානයක් පමණක් නම් එය ඔබේ දුරකතනයේ Data Usage>>Billing Cycle>>Data limit and billing cycle යන මාර්ගය ඔස්සේ ගොස් ඇතුලත් කරන්න. ඔබ එසේ ඇතුලත් කල දත්ත සීමාව සම්පුර්ණ වූ විගස අන්තර්ජාල සම්බන්ධතාවය ස්වයංක්‍රියව විසන්ධි වීමක් සිදු වෙනවා. මෙමගින් ඔබ නොදැනුවත්ව අමතර දත්ත වැය වී ඔබේ මුදල් අනවශ්‍ය ලෙස නාස්ති වීම වළක්වා ගන්නට පුළුවන්

සෑම විටම අන්තර්ජාලයට සම්බන්ධ වී සිටින ඇප්ස් හදුනා ගැනීම

අප දුරකථන වලට ස්ථාපිත කර ඇති සමහර ඇප්ස් , අප ඒවා භාවිතයට නොගන්න අවස්ථා වලදී පවා ඔබේ අන්තර්ජාල දත්ත පාරිබෝජනය කරමින් සිටිනවා. Settings >> Data Usage ඔස්සේ ගිය විට ඔබට සියලුම ඇප්ස් හා ඒවා විසින් භාවිතා කරන ලද දත්ත ප්‍රමාණය දැක ගත හැකියි. මෙම ඇප්ස් ලැයිස්තුවේ එක් ඇප් එකක් උඩ ස්පර්ශ කල විට එය භාවිතා කරන ලද දත්ත ප්‍රමාණය කොටස් 2කට බෙදා පෙන්වාවි. ඒ අදාළ ඇප් එක ක්‍රියාකාරිව භාවිතා කල අවස්ථාවේ වැයවී ඇති දත්ත ප්‍රමාණය හා භාවිතා නොකළ අවස්ථා වලදී පසුබිමේ රන් වීම නිසා වැයවී ඇති දත්ත ප්‍රමාණය ලෙසයි.

භාවිතා නොකරන ලද අවස්ථා වලදී විශාල ලෙස දත්ත වැය වී ඇති ඇප්ස් වලට පුංචි සැකසීමක් කිරීම මගින් ඔබට විශාල දත්ත ඉතුරුවක් කර ගත හැකියි. සමහර ඇප්ස් ඔබේ දුරකථනය ප්‍රශස්ත මට්ටමකින් පවත්වා ගැනීම සදහා අතවශ්‍ය නිසා දත්ත භාවිතය වැඩි වුවත් Unstall කිරීම සුදුසු වන්නේ නෑ. එවැනි ඇප්ස් වලට Restrict app background data යන විසදුම ලබා දෙන්න.

ගුගල් ක්‍රෝම් හි දත්ත සම්පිණ්ඩන පහසුකම භාවිතා කිරීම

ගුගල් ක්‍රෝම් යනු Android මෙහෙයුම් පද්ධති සදහා භාවිත කරන ලොව ප්‍රචලිතම අන්තර්ජාල සෙවුම් යන්ත්‍රයයි. දත්ත භාවිතයෙදී අනවශ්‍ය නාස්තිය වලක්වා ගැනීම සදහා සුවිශේෂී වූ පහසුකම් රැසක් ඇතුලත් කරමින් මෙය නිපදවා තිබෙනවා. දත්ත සම්පිණ්ඩනය කර ඔබට ලගා කරවීම ඒවා අතරින් ප්‍රධානම එකක් ලෙස හදුන්වා දෙන්නට පුළුවන්

ඔබ ගුගල් ක්‍රෝම් හි දත්ත සම්පිණ්ඩනය ක්‍රියාත්මක කල විට සිදු වන්නේ ඔබ සිදු කරනා සියලුම සෙවුම් විස්තර හා වෙබ් පිටු ඔබ වෙත ඍජුවම ලබා නොදී ප්‍රොක්සි සර්වරයක් හරහා සම්පිණ්ඩනය කර එනම් දත්ත ප්‍රමාණය අඩු කර ඔබ වෙත ලබා දීමයි.

මෙම පහසුකම ස්ථාපිත කිරීම සදහා ගුගල් ක්‍රෝම් හි දකුණු පස ඉහලින් ඇති ඩොට් 3 ඔබන්න. ලැබෙන මෙනුවේ settings ඔබන්න. එහි data saver තෝරා ක්‍රියාත්මක කරන්න. මෙය ON කල පසු ඔබට ලැබෙන තවත් වැදගත් වාසියක් වන්නේ හානිකර වැඩසටහන් (malware and harmful content) වලින්ද ඔබට විශේෂ ආරක්ෂාවක් ගුගල් වෙතින් සැපයීමයි

මෙලෙස දත්ත සම්පිණ්ඩනය මගින් ඔබට විශාල දත්ත ප්‍රමාණයක් (20%කින් පමණ ) ඉතුරු කර ගැනීමට හැකියාව තිබෙනවා

වයි-ෆයි ඔස්සේ පමණක් ඇප්ස් යාවත්කාලින කිරීම

අන්තර්ජාල දත්ත ඉතුරු කර ගැනීම සදහා ස්ථාපිත කල හැකි තවත් ප්‍රයෝජනවත් සැකසීමක් වන්නේ දුරකථනය තුල දැනට ස්ථාපිත කර ඇති Apps ස්වයංක්‍රියව යාවත්කාලීන වීම (Automatic Update) ක්‍රියා විරහිත කිරීමයි . Menu>>Settings >>Auto-update apps ඔස්සේ ගොස් Auto-update apps over Wi-Fi only ලබා දෙන්න. එවිට ඔබ Wi-Fi සබදතාවයකට සම්බන්ධ වූ විගස ස්වයංක්‍රියවම Apps සියල්ල යාවත්කාලින වීම සිදු වෙනවා.

(බෝනස් එකක් – ඉදහිට Wi-Fi සබදතාවයක් ඇති මිතුරෙකුගේ නිවසට පොඩි වේලාවකට ගොඩ වැදී ඔහුගේ සුව දුක් සොයා බැලීමට කටයුතු කිරීම මේ සදහා සුදුසුම ක්‍රමයයි.පළමු දිනයේ පමණක් ඔබට Wi-Fi Password එක ඉල්ලීමට සිදු වේවි. Wi-Fi Password එක එක් වරක් ඇතුලත් කිරීමෙන් පසු නැවත නැවත ඇතුලත් කල යුතු නැත. එම නිසා දෙවන දිනයේ සිට ස්වයංක්‍රියවම ඔබේ දුරකතනය Wi-Fi ජාලයට සම්බන්ධ සම්බන්ධ වී කිසිදු හසුවීමකින් තොරව ඔබගේ කාර්ය ඉටු කර ගැනීමට පුළුවන්. මිතු දමද වඩවා ගැනීමට පුළුවන් )

අන්තර්ජාලය ඔස්සේ වීඩියෝ නැරඹීම හා සංගීතයට සවන් දීමේදී සීමා පනවා ගැනීම

ඔන්ලයින් වීඩියෝ නැරඹීම හා සංගීතයට සවන් දීම යනු විශාල දත්ත ප්‍රමානයක් නාස්ති වෙන ක්‍රියාවක්. නමුත් විනෝදයෙන් කාලය ගත කිරීමට එය අතවශ්‍ය කටයුත්තක් නිසා දත්ත ඉතුරු වන අයුරින් එය සිදු කරනා ආකාරය විශ්ම ලෝකය ඔබට කියා දෙන්නම්.

ඔබ නිතර නිතර සවන් දෙන හා නරඹන සින්දු / වීඩියෝ දුරකතනයේ ස්ථාවර මතක පතට Save කර තබා ගන්න. තවද Youtube හි වීඩියෝ නරඹන විට ඉහලම වීඩියෝ ගුණාත්මකතාවයෙන් (Video Quality) නරඹනවා වෙනුවට මධ්‍යස්ත මට්ටමක් තෝරා ගැනීම ද හොද විසදුමක්.

ඔබ භාවිතා කරන ඇප්ස් පිළිබද හොද අවධානයකින් සිටීම

ඔබේ අන්තර්ජාල දත්ත අනවශ්‍ය ලෙස කා දමන ඇප්ස් පිළිබද නිරතුරු හොද අවධානයකින් සිටිම ඉතා වැදගත්. උදාහරණයක් ලෙස Google Photos App එකේදී ඔබ ෆොටෝ එකක් මත ක්ලික් කරන සෑම අවස්තාවකදීම එය පසුබිමින් ඔබට syncing වීමක් සිදු වෙනවා.

තවද ෆේස්බුක් , ඉන්ස්ටා ග්‍රෑම් , ටුවිටර් වැනි සමාජ ජාල ප්‍රවේශ ඇප්ස් ද විශාල දත්ත ප්‍රමාණයක් හා බැටරි ආයු කාලයක් කා දමනවා. මෙවැනි ඇප්ස් හදුනා ගෙන ඒවාට විකල්ප භාවිතා කිරීම සිදු කරන්න. ෆේස්බුක් ඇප් එක සදහා Facebook Lite App එක යොදා ගැනීමට හැකි අතර ටුවිටර් වෙනුවට TweetCaster භාවිත කිරීමට ඔබට පුළුවන්. මෙවැනි විකල්ප ඇප්ස් භාවිතය මගින් ඔබේ රස වින්දනයට කිසිදු බාධාවක් නොවන අතර දත්ත විශාල ප්‍රමාණයක් හා බැටරියේ බලය දිගු කාලයක් පුරා සුරැකිව තබා ගත හැක

Off Line භාවිතය සදහා ගුගල් මැප් Cache ලෙසින් පවත්වා ගැනීම

අපට නිතර දෙවේලේ අවශ්‍ය වන දෙයක් තමයි ගුගල් මැප් එක කියන්නේ. නමුත් මෙය වරක් භාවිත කල පසු අපට නැවත එය Offline සිටින මොහොතක පවා නැරඹීමට හැකි වන පරිද්දෙන් Cache ලෙසින් Save කර තබා ගැනීමට පුළුවන් බව ඔබ දැන සිටියාද ? මෙමගින් ඔබට කාලය හා දත්ත යන දෙකම ඉතුරු කර ගැනීමට පුළුවන්. ඒ වගේම ඔබ නිතර දෙවේලේ ගමන් කරන මාර්ගයන් හා ස්ථාන වල සිතියම download කර තබා ගැනීම මගින් හදිසිස්යේ ඇති වන සිග්නල් ඇන හිටීම වැනි තත්වයන් නිසා ගමනට බාධා ඇති වීම වළක්වා ගත හැකියි. මෙය සිදු කරන්නේ මෙහෙමයි

Wi-Fi සබදතාවයකට ඔබේ දුරකතනය සම්බන්ධ කර ගුගල් මැප් වෙත ප්‍රවේශ වන්න. දැන් එහි මෙනුවට ගොස් එහි ඇති Offline Maps තෝරා Select your own map තෝරන්න. ඔබට භාගත කර ගැනීමට අවශ්‍ය ප්‍රදේශය තෝරා Download විධානය ලබා දෙන්න

Auto-sync වීම ප්‍රශස්ත කිරීම

දුරකතනයේ විවිධ ඇප්ස් auto-sync වන ලෙස Default Settings සටහන් වී ඇත. මෙම නිසාවෙන් ෆේස්බුක් , ගුගල් ප්ලස් වැනි Data වැඩි වශයෙන් කා දමන ඇප්ස් නිරතුරු ඔබේ දුරකතනයට Sync වීම සිදු වේ. තවද ඔබ දුරකතනයේ සුළු වෙනස් කමක් සිදු කල පමණින් වත් සියලු දත්ත auto-sync වීම සිදු වේ. බොහෝ අවස්ථා වල මෙම ක්‍රියාව සැබැවින්ම අනවශ්‍ය දත්ත නාස්ති වන එකකි. විවිධ ඇප්ස් සදහා ඔබට අවශ්‍ය දේවල් පමණක් auto-sync වන ලෙස සැකසීම සදහා Settings>>Accounts ඔස්සේ ප්‍රවේශ වන්න.

උදාහරණයක් ලෙස ගුගල් හි Sync වීම් ප්‍රශස්ත කිරීම සදහා ගුගල් ඇප් අයිකන් එක මත ක්ලික් කර එහි auto-sync වීම අනවශ්‍ය දෑ ඉවත් කරන්න. මා හට Google Fit data, Google Play Movies, and Google Play Music වැනි දෑ අනවශ්‍ය අතර මා එය මෙලෙසින් auto-sync වීම නවතා දැමුවා.

බෝනස් ටිප්ස් කිහිපයක්

ප්‍රමාණයෙන් විශාල ගොනු download කිරීම සදහා Wi-fi සබදතාවයක් භාවිතා කරන්න

දුරකතනයේ Cache පවිත්‍ර කිරීම දුරකතනයේ මතක පතේ ඉඩ නොමැති නම් පමණක්ම සිදු කරන්න

භාවිතා නොකරන අවස්ථා වල Mobile data විසන්ධි කර තබන්න

ඇප්ස් වලින් නිතර notifications පැමිණීම ඔබට අවශ්‍ය ඒවාට පමණක් On කර තබන්න. අනෙක් ඒවා වල notifications අක්‍රිය කරන්න.

නිතර නිතර යාවත්කාලින වන home screen widgets වැනි දෑ දීර්ඝ කාලයකට වරක් යාවත්කාලින වන ලෙස සැකසුම් සකස් කරන්න

ඉතින් යාලුවනේ මෙම ක්‍රම 8 භාවිතා කර ඔබේ දුරකථනයේ දත්ත 50% ප්‍රමාණයකින් ඉතුරු කර ගැනීමට ඔබට පුළුවන් වේවි කියා විශ්ම ලෝකය බොහෝම විශ්වාසයෙන් කියනවා. අපට කරන දිරි ගැන්වීමක් ලෙස මෙම වටිනා ලිපිය ඔබේ මිතුරන් අතරේ බෙදා හැරීමට කාරුණික වන්න. ඔබට සුබ දවසක්.

Source Link : Wishma Lokaya

ඔබේ ජංගම දුරකතනයේ සැඟවුණ තොරතුරු හොයා ගන්න මේ Code ටික මතක තියා ගන්න.

Mobile Phone එකක් කියන්නේ දැන් හැමෝම ලඟ තියෙන දෙයක්. ගොඩක් අය Mobile Phone එකක් ගනිද්දී බලන්නේ, දැනට තියෙන හොඳම Performance තියෙන Mobile Phone එක ගන්න. එත් හැම Mobile Phone එකකම පෙනෙන පැත්තක් සහ නොපන පැත්තක් තියෙනවා තියෙනවා කියලා ඔබ දන්නවද? අපි ගොඩක් වෙලාවට Mobile Phone එකේ දැකුම්කළු බව, වේගය ආදී දේවල් විතරයි. එත් Mobile Phone එකක හැංගිලා තියෙන දේවල් ගැන ගොඩක් දෙනෙක් දෙනෙක් දන්නේ නැහැ. ඒ වුනත් මේ හැංගුන රහස්වලින් ගන්න පුළුවන් ප‍්‍රයෝජන නම් බොහොමයක් තියෙනවා. අද කතා කරන්න යන්නේ Mobile Phone, විශේෂයෙන්ම Smart Phone භාවිත කරන අයට ප‍්‍රයෝජනවත් වන විදියේ රහස් කිහිපයක් ගැන.

මේ හැම රහසක්ම අනාවරණය කරගන්නට ඕන වෙන්නේ ඔබගේ Mobile Phone එකේ Dial Pad එක බව මුළින්ම කියන්න ඕන. මේවා හඳුන්වන්නේ ‘රහස් කේත’ නමින්. ඔබගේ Dial Pad එකෙන් මේ Codes ඩයල් කිරීමෙන් මේ රහස් හෙළිදරව් කරගන්නට පුළුවන්.

1. #31#

මෙය ඩයල් කිරීමෙන්, ඔබ ලබා ගන්නා ඇමතුම්වල ඔබගේ අනන්‍යතාව හංගන්න පුළුවන්. එ් කියන්නේ අනෙක් පැත්තේ පුද්ගලයාට ඔබගේ අංකය මොකක්ද කියලා පෙන්වන්නේ නැහැ. කොහොම වුනත් ඔබ භාවිත කරන ජංගම දුරකතන ජාල පද්ධතිය (Network Connection) මේ සඳහා අවසර දීලා තියෙනව නම් විතරයි මෙය ක‍්‍රියාත්මක වෙන්නේ.

2. *#06#

මේක ඉතා වැදගත් කේතයයක්. ඔබගේ හැඳුනුම්පත් අංකය වගේම ඔබගේ දුරකතනයටත් හැඳුනුම් පත් අංකයක් තියෙනවා. ජංගම දුරකතන ජාල පද්ධතිය ඔබගේ දුරකතනය හඳුනාගන්නේ මේ අංකයෙන්. අපි සාමාන්‍යයෙන් කට වචනයට මෙයට කියන්නේ ‘ඉමි’ (IMEI) අංකය කියලා. එ් වචනය හැදිලා තියෙන්නේ International Mobile Equipment Identity කියන වචනවල මුල් අකුරු එකතු වීමෙන්. මේ කේතය ඕනෑම ජංගම දුරතනයක ඩයල් පෑඞ් එකෙන් ඩයල් කිරීමෙන් ඔබගේ ඉමි අංකය පරීක්ෂා කරන්න පුළුවන්. යම් විදියකින් ඔබගේ ජංගම දුරකතනය නැති වුනොත් පොලීසියේ සහ විදුලි සංදේශන නියාමන කොමිසමේ පැමිණිල්ලක් දාන්න ඕන මේ අංකයත් එක්ක. එ් නිසා මේ අංකය බලලා විතරක් මදි. කොහේ හරි මතක තියෙන තැනක ලියා තියාගන්නවා නම් තවත් හොඳයි.

3. *#30#

ඔබ ඇමතුම ලබා ගන්නා පුද්ගලයාට ඔබගේ අංකය හංගන්න මේ කේතය භාවිත කරන්න පුළුවන්. එත් අපි කලින් කිව්වා වගේම මේ පහසුකම ලබා ගන්න පුළුවන් වෙන්නේ ජංගම දුරකතන ජාල පද්ධතිය හිමි සමාගම එයට අවසර දෙනවා නම් විතරයි.

4. *33*#

ඔබට හොරෙන් කවුරුන් හෝ ඔබගේ ජංගම දුරකතනයෙන් ඇමතුම් ලබා ගන්නවා කියා සැක පහළ වුණොත් මේ කේතය ඔබට ප‍්‍රයෝජනවත්. මේකෙන් පුළුවන් ඔබගේ දුරකතනයෙන් පිටතට ගන්නා ඇමතුම් අවලංගු කරන්න. එත් ඔබට ඇමතුමක් ගන්න ඕන වුනොත් *33*#PIN# ඩයල් කරලා පිටතට ඇමතුම් ලබාගන්න පුළුවන්. මෙහිදී PIN කියන්නේ ඔබගේ ජංගම දුරකතනයට අදාළ PUK කේතයයි. එය ජංගම දුරකතන සමාගමින් දැනගන්න පුළුවන් කේතයක්.

5. *3370#

Mobile Phone එකක තියෙන පහසුකම් ලබා ගන්නේ ජංගම දුරකතන තරංග ඔස්සේ. සමහර පළාත්වලට මේවා ලැබෙන්නේ දුර්වල මට්ටමින්. ඒ නිසා ලබාගන්නා ඇමතුම් පැහැදිලි මදි. එත් මේ තත්වය යම් තරමකින් වර්ධනය කරගන්නට නම් ජංගම දුරකතනයේ ඇති EFR කියන පහසුකම ක‍්‍රියාත්මක කරගන්න ඕන. ඉහත Code එක ඩයල් කිරීමෙන් මෙම පහසුකම ලබා ගන්නට පුළුවන්.

6. *#5005*7672#

ජංගම දුරකතනයකින් කෙටි පණිවිඩ යවද්දී වැදගත් ම දෙයක් තමයි අපට සේවා සපයන සමාගමේ සේවා අංකය. සාමාන්‍යයෙන් සිම් පතක් Phone එකට දැමූ විට මේ අංකය අදාළ ස්ථානයට පිටපත් වීම සිදු වෙනවා. එත් මොකක් හරි දෝෂයක් වෙලා මේ අංකය මැකුනොත්, ඒ Number එක හොයා ගන්න ඉහත අංකය ඩයල් කරන්න.

7. *3001#12345#*

සාමාන්‍යයෙන් ජංගම දුරකතනය සංඥා පෙන්වන්නේ සිරස් අතට ඇති තීරු ආකාරයෙන්. එත් මේ Code එක ඩයල් කරාම ඒවා අංක විදිහට බලාගන්න ඔබට හැකියාව තිබෙනවා.

Source Link : Wishma Lokaya

ස්වයං රැකියා කරන හෝ කිරීමට අපේක්ෂා කරන පුද්ගලයන්ට නර්ඩ් ආයතනයෙන් ගත හැකි ප්‍රයෝජන අතිවිශාලයි

නර්ඩ් එහෙමත් නැතිනම් National Engineering Research and Development Centre (NERD) එක කිව්වම අපි ඒ ගැන මොනවද දන්නේ? ‘නර්ඩ්’ කියලා ආයතනයක් තියෙනවා කියලා දන්නෙත් කීයෙන් කී දෙනාද? ඒත් නර්ඩ්-එක අපේ රටට කොතරම් නම් සේවයක් කරනවාද? ඇත්තටම නර්ඩ්-එක ගැන හොයලා බැලුවම පුදුම හිතෙනවා, අපේ රටේ මෙතරම් විශ්වකර්ම වැඩ කරන ආයතන තියෙනවද කියලා.

අපේ රටට පිටරටවලින් ඇවිත් පැළපදියම් වුණු මැක්ඩොනල්ඩ්ස් වගේ කෑම කඩ, තවත් ජනප්‍රිය ඇඳුම් සාප්පු, විනෝද මධ්‍යස්ථාන… මේවා ගැන අහන පරක්කුවෙන් විස්තර කියන්න බොහෝ දෙනෙක් ඉඳියි. ඒත් ඒවායෙන් ඔබ ගන්න ප්‍රයෝජන මොනවාද? ඒ වෙනුවට මේ වගේ ආයතන ඔබගේ අතේ තියෙන තුට්ටු දෙකත් වියදම් කරවයි.

ඒත් ඔබගේ මුදලත් ඉතිරි කරවලා, ඔබට වඩාත් හොඳ විශ්වසනීය සේවයක් සලසා දෙන ආයතන ඔබ වෙනුවෙන්ම රටේ ස්ථාපිත වෙලා තියනවා. නර්ඩ් ආයතනයත් ඒ අතරින් එකක්. අපේ රටට අගනා මෙහෙයක් කරන නර්ඩ් ආයතනය ගැන තමයි අද අපි ඔබට මේ විස්තර කියන්නේ.

‘නර්ඩ්’ කියලා කෙටියෙන් කිව්වට මේ ආයතනයේ නාමය ‘ජාතික ඉංජිනේරු පර්යේෂණ සහ සංවර්ධන මධ්‍යස්ථානය’ යි. නමේ හැටියටම මේ ආයතනයෙන් කරන්නේ අපේ රටේ ඉංජිනේරු කර්යයන් සම්බන්ධව පර්යේෂණ පැවැත්වීම, ඒ ඔස්සේ නවෝත්පාදන බිහි කිරීම සහ ඉන් පසු ඒ දැනුම රටට බෙදා දීමයි.

ඉතින් මේ සරල හැඳින්වීමෙන්ම වැටහේවි නර්ඩ්-එක හෙවත් ජාතික ඉංජිනේරු පර්යේෂණ මධ්‍යස්ථානය අපේ රටට කොතරම් අත්‍යවශ්‍ය සේවයක් ඉටු කරන ආයතනයක්ද කියලා.

මේ ආයතනය සතුව අපේ රටින්ම බිහි වුණු දක්ෂ ඉංජිනේරුවන් රාශියක් ඉන්නවා. ඔවුන්ගේ මූලික කාර්යය තමයි නොයෙක් අංශ යටතේ පර්යේෂණවල නිරත වීම. ඒ අංශ සිවිල් ඉංජිනේරු, කෘෂිකාර්මික, පුනර්ජනනීය බලශක්ති, පාරිසරික, මැකෑනිකල් සහ ඉලෙක්ට්‍රොනික් යනාදි වශයෙන් විවිධ අංශ යටතේ සේවය කරනවා. ඒ අතර තියෙන සුවිශේෂ අංශයක් ලෙස තාක්ෂණික අලෙවි අංශයත් සඳහන් කළ යුතුමයි.

නර්ඩ් ආයතනයේ ආරම්භය සටහන් වන්නේ 1978 වර්ෂයේදී. රටේ සංවර්ධනයට උර දීම සඳහා මෙවැනි ආයතනයක් අත්‍යවශ්‍යයි කියලා හඳුනාගත් බලධාරීන් මේ ආයතනය ස්ථාපිත කරන්න කටයුතු කළා. මෙහි ආරම්භක සභාපතිවරයා වූයේ කේකේවයිඑන් පෙරේරා මහතායි. ඒත් වැඩියෙන්ම රටේ ප්‍රසිද්ධියක් අත් කරගත්තේ, ඒ වගේම දැනට වැඩිම කාලයක් සභාපතිත්වය දරා ඇත්තේත් රටම දන්න අතිදක්ෂ ඉංජිනේරුවකු වූ ආචාර්ය කුලසිංහ මහතා. අපේ රටේ විතරක් නෙමෙයි, ලෝකයේ බොහෝ රටවල ඉදිකිරීම් ක්ෂේත්‍රයේ පෙරළියක් කිරීමට සමත් වූ කොන්ක්‍රීට් නිමැවුම් ක්‍රම ආචාර්ය කුලසිංහගේ සංකල්පයක් ඔස්සේ නර්ඩ් ආයතනය විසින් ලොවට හඳුන්වා දුන් තවත් අගනා පර්යේෂණ ප්‍රතිඵලයක් බව අමතක නොකළ යුතුයි.

නර්ඩ් ආයතනයේ වර්තමාන සභාපතිවරයා ශවේන්ද්‍රනාත් ප්‍රනාන්දු. ඔහු විදුලි ඉංජිනේරුවෙක්. ඔහු රටේ ජනතාවට පවසන අතිශයින් වැදගත් කාරණයක් තියෙනවා. ඒ “නර්ඩ්-එකෙන් වැඩ ගන්න” කියලයි. ඇත්තටම නර්ඩ් වගේ අායතනයකින් අපේ රට වැඩ ගන්නවා මදි. එතරම් සම්පත් ප්‍රමාණයක් එහි අන්තර්ගතයි. ඒ අතුරින් මානව සම්පත ඉදිරියෙන්ම සිටිනවා.

අපේ රටෙන් බිහි වුණු අතිදක්ෂ ඉංජිනේරුවන් නර්ඩ් ආයතනයේ සේවයට බඳවාගන්නේ විශේෂ පරීක්ෂණ කිහිපයකින්ම සමත් වූවාට පසුවයි. එතනදී තමන් විශේෂ දක්ෂතා දක්වන ක්ෂේත්‍රයකට එක් වන්න ඔවුන්ට අවස්ථාව ලැබෙනවා. එතැන් සිට ඔවුන් කළ යුත්තේ තමන්ගේ දැනුමෙන් ර‍ටේ අනාගතයට දායක කළ හැකි සුවිශේෂ යමක් නිපදවීමට උත්සාහ දැරීමයි. ඒ ඔස්සේ නිපදවෙන දේ රටේ ජනතාව අතරට ගෙන යෑමටත් නර්ඩ් ආයතනයේ විශේෂ ඒකකයක් තියෙනවා. ඒ වගේම මෙවැනි ක්‍රියාදාමයක් යටත‍ේ බිහි කෙරුණු නවෝත්පාදන රාශියක් නර්ඩ් ආයතනය සතුයි. අපේ රටේ ජනතාව කළ යුත්තේ මේ සම්බන්ධව දැනුම්වත් වෙලා එවැනි දෙයින් ප්‍රයෝජන ගැනීමයි.

උදාහරණයක් විදිහට අපි සලකමු නර්ඩ් ආයතනයේ සිවිල් ඉංජිනේරු ඒකකය. මේ ඒකකයේ ප්‍රධාන අරමුණ තමයි රටේ ජනතාවට තමන් වැය කරන මුදලට සරිලන වටිනාකමක් සහිත ඉදි කිරීම් කරගැනීමට තාක්ෂණික දැනුම සැපයීම. ඒ සඳහා මුදල් පිරිමහන ගොඩනැගිලි කර්මාන්තයේ නව නිපැයුම් රාශියක් ඔවුන් සතුයි. නර්ඩ් පිරිමැසුම්දායක තලාද හෙවත් ස්ලැබ් ක්‍රමය මේ සඳහා හොඳම උදාහරණයක්. ඒ විතරක් නොවෙයි; නිවෙසක් ඉදි කිරීමේදී අවශ්‍ය කරන කොන්ක්‍රීට් පෙරනිමි පියගැට, උළුවහු ඇතුළු තවත් බොහෝ දේ නර්ඩ් ආයතනය සතුයි. තමන්ගේ නිවෙස නර්ඩ් තාක්ෂණය යටතේ ඉදි කරවාගැනීමට අපේක්ෂා කරනවා නම් ඒ සඳහා ඉංජිනේරු උපදෙස් ඔබට ලබා දෙන්නත් නර්ඩ් ආයතනය බොහොම කැමැත්තෙන් ඉදිරිපත් වෙනවා. ඔබට තියෙන්නේ ජාඇළ පිහිටි නර්ඩ් ආයතනයට ගිහින් ඔවුන් සමග කතාබහ කිරීම පමණයි.

මේ විතරක් නෙමෙයි නර්ඩ් ආයතනයේ විද්යුත් සහ විදුලි ඉංජිනේරු ඒකකය මගින් මේ රටට තිළිණ කර ඇති දේ බොහෝමයි. යන්ත්‍රෝපකරණ රාශියක්ද ඒ අතරට ඇතුළත්. සමස්ත බල ශක්තිය ඉතිරි කරන පිරිමැසුම්දායක ක්‍රම බලශක්ති කළමනාකරණය, පුරෝකථන සහ පරීක්ෂණ කටයුතුද ඔවුන් සිදු කරනවා. ඒ බලශක්ති සහ පරිසර ඉංජිනේරු අංශයෙන්. කෘෂි සහ පශු අස්වනු ඉංජිනේරු අංශයත් කෘෂිකාර්මික රටක් වන අපේ රටේ ඉදිරි ගමනට ඇවැසි වන බොහෝ නවෝත්පාදන සිදු කර ඇති සහ සිදු කරමින් පවතින අංශයක්.

නර්ඩ් ආයතනයට ගියාම එහි කාර්යාල අංශය විතරක් නොවෙයි; ප්‍රදර්ශන අංශයත් දැක-බලාගන්න හැකියාව ලැබෙනවා. මේ ප්‍රදර්ශන අංශයේ තිබෙන නොයෙක් ප්‍රදර්ශන භාණ්ඩ අතරේ ඇවිද ගියාම නර්ඩ් ආයතනය ගැන සරල අදහසක් ඇති කරගන්න හරිම ලේසියි. ඒ විතරක් නොවෙයි; දූදරුවන්ට මේ ප්‍රදර්ශන භාණ්ඩ පෙන්වීමෙන් ඔවුන්ට තමන්ගේ අනාගතය ගැන ඉලක්කයක් ඇති කරගන්න අදහසක් ලබා දෙන්නත් හැකියාව ලැබේවි.

මේ අංශයේ එක් ප්‍රදේශයක සම්පූර්ණයෙන් ඉදි කෙරුණු නවීන නිවහනක්. මේ නිවහන ඉදි කරලා තියෙන්නේ නර්ඩ් තාක්ෂණය සම්පූර්ණයෙන් භාවිත කරමින්. ඒ විතරක් නොවෙයි; ප්‍රදර්ශන භූමියේ තවත් කෙළවරක පොල්තෙල් හිඳින යන්ත්‍රයක්. තවත් කෙළවරක ජෛව ස්කන්ධවලින් ක්‍රියාත්මක බේකරි උදුන්. එහි තවත් පසෙක තියෙන විජලන යන්ත්‍ර. මේ යන්ත්‍ර මගින් එළවුළු සහ පලතුරු වියළීමට හැකියි.

එහෙත් මේ යන්ත්‍ර සාමාන්‍යයෙන් ඒ සඳහා භාවිත කරන යන්ත්‍රවලට සාපේක්ෂව මිලෙන් ඉතා අඩුයි. එහෙමත් නැත් නම් එකවර යෙදිය හැකි ධාරිතාව විශාලයි. යෝගට් නිපදවීමේ කර්මාන්තයක් ආරම්භ කිරීමට ඔබට අවශ්‍ය නම් රුපියල් 30,000ක මුදලකට යෝගට් ඉන්කියුබේටරයක් මිල දී ගැනීමට පුළුවන්. පාර දිගට විකුණන්න තියෙන පෙති කපලා‍ තෙලෙන් බැදපු මඤ්ඤෝක්කා කන්න කවුරුත් ආසයි. ඒ නිසාම ඔබට හිතෙනවා නම් එවැනි ව්‍යාපාරයක් කරන්න, රුපියල් 35,000කට ඒ සඳහාම නිපදවා ඇති මඤ්ඤොක්කා පෙති කපන යන්ත්‍රයක් මිල දී ගත හැකියි.

මේ යන්ත්‍රයේ ඇති සුවිශේෂත්වය වෙන්නේ එය පැයකට කිලෝග්රෑම් 100ක මඤ්ඤොක්කා පෙති කැපීමට සමත් වීමයි. ආයුරේවේද වෛද්‍ය ක්‍රමයේදී භාවිත කෙරෙන බෙහෙත් වර්ග පහසුවෙන් නිපදවාගැනීමට හැකි යන්ත්‍ර, කුරුඳු වගාකරුවන්ට පහසුකම් සපයන එමෙන්ම ලාබ ලබාදෙන කුරුඳු තෙල් හිඳින යන්ත්‍ර අතර විශේෂයෙන්ම සඳහන් කළ යුතු පිරිසුදු පොල් තෙල් ලබාගත හැකි යන්ත්‍රයත් ගෘහස්ථව භාවිතයට ඉතා යෝග්‍ය බව මෙහිදී සඳහන් කළ යුතුමයි.

මේ සඳහන් කර ඇත්තේ නර්ඩ් ආයතනයෙන් දැනට සිදු කර ඇති පර්යේෂණ සහ එහි ප්‍රතිඵල සම්බන්ධව පමණයි. මේ ගෙවී යන මොහොත වන විටත් නර්ඩ් ඉංජිනේරුවන් අපේ රටේ ජනතාව වෙනුවෙන් තවතවත් පර්යේෂණ රාශියක නිරත වෙමින් සිටිනවා. ඔවුන්ගේ බලාපොරොත්තුව ඒ නවොත්පාදන මගින් රටේ ජනතාවගේ ජීවන තත්ත්වය නංවාලීමයි. ජලජ පැළෑටි ඉවත් කිරීමේ ක්‍රම, උළු කර්මාන්තයේ යෙදෙන්නන්ට උළු වියළීමේ තාක්ෂණික ක්‍රම, කෘෂි කර්මාන්ත ඉංජිනේරු අංශයෙන් පොල් ලෙලි ගහන යන්ත්‍ර, පෝර දැමීමේ යන්ත්‍ර ඉදිරියේදී අපේ රටේ ජනතාව වෙත තිළිණ වීමට නියමිතයි.

නර්ඩ් සභාපතිතුමා අවධාරණය කරන අන්දමට නර්ඩ් ආයතනයේ ප්‍රධාන කාර්යයන් දෙකක් සිදු කිරීමට බැඳී සිටිනවා. ඒ අතරින් එක දෙයක් තමයි තව තාක්ෂණය සොයා පර්යේෂණ පැවැත්වීම. ඒ ගැන තමයි අපි මෙතෙක් වෙලා කතා කළේ. දෙවැනි කාරණය තමයි එසේ සිදු කරන පර්යේෂණවල ප්‍රතිඵල සේවාවක් ලෙස ජනතාවට ලබා දීම. අන්න එතනදී තමයි ජනතාව දැනුම්වත් වෙන්න අවශ්‍ය වන්නේ නර්ඩ් අායතනය ගැන. නර්ඩ් ආයතනය වැඩියෙන්ම උදවු කරන්නේ පොඩි මිනිස්සුන්ට. විශේෂයෙන්ම

නර්ඩ් ආයතනයේ එකොළොස්වැනි සභාපතිවරයා ලෙස වර්තමානයේ එහි සේවය කරන ශවේන්ද්‍රනාත් ප්‍රනාන්දු මහතාත් එහි අධ්‍යක්ෂ ජනරාල් ආනන්දනාම මහතාත් පැහැදිලිව අපේ රටේ මහජනතාවට කියන්නේ නර්ඩ් ආයතනයට ඇවිත් එහි කාර්යභාරය ගැන දැනුම්වත් වී, එයින් තාක්ෂණික දැනුම ලබාගෙන සාර්ථක ස්වයං රැකියා නියුක්තිකයකු වන ලෙසයි.

National Engineering Research and Development Centre of Sri Lanka.
2P/17B, IDB Industrial Estate, Ekala,
Ja-Ela , Sri Lanka.
011-2236284 / 011-2236384 / 011-2236307 / 011-5354597
E-mail Address nerdcentre@nerdc.lk

Source Link : Wishma Lokaya

ඇමරිකාව අපෙන් සඟවන Area 51 අභිරහස ගැන සත්‍ය කතාව

මෙතෙක් රහසක්ව පැවති මේ දෙවල් හෙලිකරනුයේ බුද්ධ ධර්මය උන්නතිය සදහාය – Area 51 හි අබිරහස.

සමහර විට මීට පෙර ඔබ මෙම ලිපිය කියවා ඇති. නමුදු තවත් වරක් කියවිය යුතු තරම් වටිනා කරුණු රැසක් මෙම ලිපියේ අන්තර්ගත යැයි මට සිතුනු බැවින් අද දවස තුල මෙම ලිපිය පලකල යුතු යැයි මට සිතුණි. සියලු හිමිකම් මෙම ලිපියේ මුල් අයිතිකරු සතු වේ. ඔබ සැමට තෙරුවන් සරණයි.

කළු කුහර හා ආකාශ වස්තූන් පිළිබඳව අති විශේෂඥ මහාචාර්ය ස්ටීවන් හෝව්කින්ස් මහතා පවසන අන්දමට මේ ග්‍රහ ලෝකයෙන් පිට, මේ සෞර ග්‍රහ මණ්ඩලයෙන් පිට, මේ චක්‍රාවාටයෙන් පිට අපට වඩා නැණින්, ඛෙලෙන් දියුණු ජීවිහු සිටින බව සනාථ වී තිබේ. මේ නව සොයා ගැනීම් ඔස්සේ ලද, ඇමරිකා එක්සත් ජනපදය ලොවට හෙළි නොකරන, ඔබගේ කෙස් කෙළින් සිටුවිය හැකි රහසක්ද ඇත.

ඇමරිකා එක්සත් ජනපදයෙහි, නෙවාඩා ප්‍රාන්තයෙහි,ලාස්වේගාස් අග නගර බල ප්‍රදේශයෙහි, මොජාවේ නම් මරු කතරක ඇති අතිශය සංකීර්ණ එක්සත් ජනපද ගුවන් හමුදා කඳවුරු සංකීර්ණයකි, එඩ්වර්ඩ්ස් ගුවන් හමුදා කඳවුර” මෙම ගුවන් හමුදා කඳවුරෙහි සේවක සංඛ්‍යාව මේ වනවිට 3,000-3,500 ත් අතර වෙතැයි ගණන් බලා තිබේ. මේ සේවකයන් සියළු දෙනා එක්සත් ජනපදයට ඉතා තදින් ආදරය කරන දේශ ප්‍රේමීන් අතුරින් තෝරා ගත්තවුන් වන අතර ඔවුහු, ඔවුන්ගේ දරු පවුල් සමගම මෙම කඳවුරෙහිම වෙසෙති. ඉන් පිටව යාම ඔවුන් බහුලව නොකරන අතර එම කඳවුරෙහි සේවයට බැදෙන්නෝ සිය නෑ, හිත මිතුරන්ගෙන්ද වෙන්ව තම පවුලටම පමණක් සීමා වූ ගුප්ත ජීවිත ගත කරති.

මෙම කඳවුරට එහි පනස් පස් වසරක ඉතිහාසය පුරා පට බඳින ලද අනවර්ථ නාමයන් ගණන 27 ක් පමණ වේ. එනමුත් වැදගත් වන්නේ ඉන් එකදු නාමයක් වත් නොවේ. ඊට ඔබ අප කවුරුත් හොඳින් දන්නා සුප්‍රකට අනවර්ථ නාමයක් ඇත. ඒ 51 වැනි කළාපය” නොහොත් ඒරියා 51 යන නාමයයි. ( Area 51)

ඒරියා 51 යනු හුදෙක් ජනප්‍රිය චිත්‍රපට හෝ මාලා නාටක වල එන සංකේතමය වටිනා කමක් ඇති මුසාවක් වත්, නොඑසේ නම් විශ්ව රහස් පසු පස යන දැනුම පිපාසිතයන්ගේ සිත්හි මැවෙන ෆැන්ටසියක් වත්, ජනප්‍රිය සංස්කෘතියේ නව නිර්මාණ ලක්ෂයක් වත් නොවේ. සැබවින්ම ඇමරිකානු යුධ කේන්ද්‍රස්ථාන අතර ප්‍රමුඛ මෙහෙයුම් කේන්ද්‍රයක් ලෙස එවැන්නක් පවතියි. මෙය ඇමරිකානු අභ්‍යාවකාශ ආඥා දායකයේ නියෝග මත තහනම් ගුවන් කළාප අංක 4808 ලෙස සිවිල් හෝ සාමාන්‍ය ත්‍රිවිධ හමුදා ගුවන් යානා වලට පිවිසුම ඇසිරූ කළාපයක් කොට ඇත.

මා මෙම කඳවුර ගැන සැකෙවින් ඔබට විස්තරයක් ගෙන ආවේ පෙර කී කෙස් කෙළින් සිටුවන රහස මෙම කඳවුර තුළම ලොවින් සගවා ඇත්තක් බැවිනි. එහෙත් අනෙක් සෑම ශිෂ්ඨාචාරය සොලවන රහසක් මෙන්ම මේ රහසද සියළු විදුලි ආරක්ෂක පද්ධතීන්, සියළු ක‍ක‍ඔඪ කැමරා, සියළු ඵ16 රයිෆල, සියළු පරිගණක නිරීක්ෂණ පද්ධතීන්, මැඩගෙන මහජන සවනට කාන්දු වී තිබේ. එවැනි රහස් සගවා තැබීම කිසි විටකත් සිදුකළ නොහෙන්නේ ඇයි දැයි ඔබට මෙය කියවන විට වැටෙහෙනු ඇත..

මෙකී රහස් කඳවුර තුළ පිටසක්වළ අතිශය බුද්ධිමත්, තාක්ෂණයෙන් අපට වඩා ගව් ගණනක් ඉදිරියෙන් සිටින ජීවී වර්ග හා ඇමරිකානු රාජ්‍යාධිකාරීන් මුණ ගැසෙන බව සැබෑවකි. හිටපු මධ්‍යම රහස් ඔත්තු සේවා අධිපතීහු පවා මේ ගැන සිය විශ්‍රාමික දිවිය අතර තුර සමීපතමයන්ට හෙළි දරව් කොට තබා මෙලොවින් නික්ම යන්නට වග බලාගත්හ. මෙවැනි හමු වළදී හෙළිදරව් වූ විශ්ව රහස් දහස් ගණනක් වුවද ඉන් ඔබට වැදගත්ම රහස වන්නේ මෙයයි.

පිටසක්වළ ජීවිහු අතර දුර බැහැර ග්‍රහ ලොවක ඉපිද, ජීවන චක්‍රය හා ඉන් මිදීම ගැන මාර්ගෝපදේශකත්වය දුන් මහාපඬි රුවණක් සරණ ගිය කොට්ඨාශයක් වෙති. ඔවුහු අසම සම මානසික ශක්තීන් අතිශයින් බලසම්පන්න ජීවිහු වෙති. සිය දේශක නායකයාට ඔවුහු තත්ථාගහ්” සහ නීදෝක් යන නාමයන්ගෙන් අමතති

මේ කියන්නේ මේ චක්‍රාවාටයෙන් ඔබ්ඛෙහි ග්‍රහ ලෝක වල සිටින බුදුන් සරණ ගිය විශ්ව බෞද්ධ ප්‍රජාවක් ගැන නොවේද? ( ඒරියා 51 වෙතින් හෙළි වූ ආර්ථික, තාක්ෂණික රහස් සිය ගණනක් ඇතත්, මෙවැනි ආගමික රහසක් ඒරියා 51 වෙතින් පිටතට කාන්දු වී බොහෝ රහස් අතර වෙනත් නැත. වෙනත් කිසිදු පෘථිවි ආගමික දර්ශණයක් තමන් හඳුනතැයි ඔවුන් පවසා නැත. මේ එවැනි රහසක් ලොවට කාන්දු වූ පළමු අවස්ථාවයි.

බුදු පියාණන්ගේ විශ්වනීයත්වය

තථාගත යනු සිදත් සගරා ඇජරනට අනුව යථා ගත හෙවත් සත්‍ය ගාමී වූ යන්නය. නො එසේ නම් සත්‍ය මග පිළිපන් යන්නය. බුදු පියාණෝ දෙවියන් උදෙසා, බඹුන් උදෙසා, අමනුෂ්‍යයෝ උදෙසා මෙන්ම සකළ විධ විශ්ව ජීවීහු උදෙසා කරන ලද සූත්‍ර දේශානායෙහි බොහෝ කොට තමන් වහන්සේ හඳුන්වා ගත්තේ මේ තථාගත” යන නාමයෙනි. උදා- අමනුෂ්‍ය බලපෑමෙන් වේශාලිය මුදවාගනු වස් කළ රතන සූත්‍රයෙහි තථාගතන්දේව මනුස්ස පූජිතං යනුයෙන් සඳහනක් කළ සේක.

තවද මේ නමින් උන්වහන්සේ විශ්ව ප්‍රචලිත බවට කදිම නිදසුන් වන්නේ ධජග්ග පරිත්තයෙහිද, ආටානාටිය පරිත්තයෙහිද, මහා මංගල සූත්‍රයෙහිද, අනාගත වංශ දේශනායෙහිද බණවර කථායෙහි සක්දෙව් රජු, සහම්පතී මහ බඹු, වෙසමුණියක් රජු, සතරවරම් දේවතාවෝ ඇතුළු බොහෝ භගවත් ඇසුර ලද නොමිනිස් ජීවිහු උන් වහන්සේ ඇමතීමටද තථාගත නාමයම යොදා ගෙන තිබීමය.

එසේනම් තථාගත නාමය මේ සක්වා තළයෙන් බැහැර වෙසෙන ජීවින් සිය මහා ගුරුවරයා හඳුන්වනු ලබන තථාග්ගහ නාමයමය. අප බුද්ධ ලෙසින් අමතන විශ්ව ගුරුවරයාණන් ගේ පිට සක්වළ සිසූහු උන්වහන්සේ හඳුනන්නේ මෙපරිද්දෙන් විය හැක.

දැන් නිදෝක් නාමය ගෙන බලමු.

බුදු පියාණන්ට ඇති සමානාර්ථ නාම 1018 අතුරින් තවත් අතිශය ජනප්‍රිය නාමයකි නිදුක්ඛ යන නාමය. අප බුදුරදුන්ට නිදුකාණන් වහන්සේ යැයි අමතන්නේද මෙහෙයිනි. පාලි බසට සහ සිදත් සගරා විවරණයට අනුව නි නම් වැරූ හෙවත් වැනසූ යන්නය. දුක්ඛ යන්න එහි අර්ථයටම යෙදේ. එනයින් නිදුකාණෝ යනු දුක විනාශකර දමා ජයගත් තැනැත්තාණන් වහන්සේය.

දැන් ආටානාටිය බණවරය ගෙන බලන්න. එහිදී වෛශ්‍රවණ දිව්‍ය රාජයා තිලෝගුරු පාද මූලයෙහි සිට උන්වහන්සේව මෙලෙස අමතයි.
නිදුකාණන් වහන්ස, ඒ රජ හට ආකාශ තලයේ ආටානාට, කුසිනාට, පරකුසිනාට, නාටපරිය, පරකුසිතනාට නම් පුරවරයෝ වෙති. නිදුකාණන් වහන්ස, කුවේරනම් රජහු ගේ විසාණා නම් රාජධානියක්ද ඇති.

නිදුකාණන් වහන්ස, රෞද්‍ර නපුරු ගති ඇති, එකට එක් කරන්නාවූ අමනුෂ්‍යයෝ ද ඇත්තාහුය.

නිදුකාණන් වහන්ස, මේ ආටානාටිය ආරක්ෂාව වනාහි භික්ෂු, භික්ෂුන්ගේද, උපාසක, උපාසිකාවන්ගේද, ආරක්ෂාව පිණිසද, නොවෙහෙසීම පිණිසද, සුවසේ විසීම පිණිස ද පවත්නේය.

වෛශ්‍රවණ නම් බල සම්පන්න පිටසක්වළ ජීවි නායකයා තිලෝගුරු බුදු පියාණන් අමතා ඇත්තේද නිදුකාණන් වහන්සේ යන නාමයෙනි.

බෞද්ධ ආකාශ වස්තු විද්‍යාවට අනුව මේ දිව්‍ය ලෝක තලයන්ගේ ආයු කාලය මිනිස් ලොව ආයු කාලය මෙන් සිය දහස් ගුණයකි. කාලය ඇල්බට් අයින්ස්ටයින් මහ ඇදුරාට අනුව අප විසින් ගොඩ නගා ගත් හුදු මනං කල්පිතයක් පමණක් නොවේ. විශ්වයේ සෑම භෞතිකයක්ම වටා ක්‍රියාත්මක ජීව ඔරලෝසුවක් ඇත. එනයින් මිනිස් ලොව කාලය සහ විශ්ව කාලය එක කුඩා පොදු ගුණාකාරයකට ගෙන බලන කල වෛශ්‍රවණ දිව්‍ය රාජයාරජ කරන චාතුර් මහා රාජික දිව්‍ය ලෝකයෙහි ආයුෂ මනුෂ්‍ය ලෝක කාළයෙන් වර්ෂ මිලියන 9.4 ක් වේ. (වසර අනූ හතර ලක්ෂයක් 9.4 පස). (මෙම ගණනය පුරාණ ඉන්දීය සර්වාස්ථිවාද සංකල්පයන්ට අනුව සිදු කොට ඇත.)

බුදුපියාණන් වහන්සේ පිරිනිවන් පා වදාළා අපේ මිනිස් කාලයෙන් තවම ගත වී ඇත්තේ වසර 2550 ක පමණ කාළයක් පමණි. එය විශ්ව ඔරලෝසුවට අනුව නම් ඉතාම සුළු කාලයකි. චාතුර් මහා රාජික ඔරලෝසුවට අනුව තප්පර ගණනකි.

මේ අනුව අපට නිගමනය කළ හැක්කේ එදා බුදු පියාණන් සෙවණේ ආටානාටිය විමසූ දිව්‍ය, යක්ෂ, කුම්භාණ්ඩ, රාජයන්ට තවමත් බණ අසා ගොස් වැඩි වේලාවක් ගතවී නොමැතිබවයි.

එසේනම්, එදා ගෞතම බුදුසරණ ගිය ඒලියන් උපාසක, උපාසිකාවන් මෙන්ම එදා බුදු පා සෙවණේ ආර්‍ය සත්‍ය අවබෝධ කරගත් ඒලියන් සෝතාගාමීන්, රහතුන් මේ මොහොත වන විටත් හබල් දුරේක්ෂයට නොපෙනෙන චක්‍රාවාටවල සිට නමෝ බුද්ධාය කියනවා විය යුතුය.

මහාචාර්ය ස්ටීවන් හෝව්කින්ස් පවසන අන්දමට පිට සක්වළ ඉතා බලසම්පන්න දියුණු ජීවීන් සිටින මුත්, ඔවුන් අප ගැන හොඳින් දන්නා මුත්, ඔවුන් අප ආක්‍රමණය නොකර සිටින්නේ ඇයිද? යන්න ඔහුට බලවත් ප්‍රහේළිකාවකි. ඔහුට එය ප්‍රහේළිකාවක් වුවත් එය මා හට ඔහු යම් දිනෙක පුද්ගලිකව හමු වෙතොත් ( මා බඳු කුඩා මිනිසෙකු එතුමා පුද්ගලිකව හමුවන්නට තරම් භාග්‍යවන්ත යැයි නොසිතමි. )

මට මෙසේ පහදා දිය හැක

අදටත් ඔවුහු මහ පොළවේ ඔවුන් හා සන්නිවේදනය කර හැකිවුන් සමග බුදු දහම ගැන යමක් පවසනවා නම් එය අරුමයක් විය නොහැක. මිනිස් ලොවෙන් පිටතත් දන්නා එකම මිනිස් දහම බුදු දහමයි. ඒ පිළිබඳව කිසිදු සැකයක් තිබිය යුතු නැත. ඔවුහු පෘතුවි ජීවින්ට වඩා ඛෙහෙවින් බලසම්පන්න වුවත් ඔවුහු අප ආක්‍රමණය නොකරන්නේ බුද්ධොත්පාද ග්‍රහලෝකය ඔවුහු පූජනීය කොට සලකන නිසාම විය යුතුය.

මාගේ ධර්මය ඒ දිවයින්හි සුරැකෙන්නේය යන බුද්ධ විවරණය ලබා බුදු දහම රකින එක්තරා ජාතියකට එරෙහිව මුළු මහත් ලෝකයක් පැමිණියත්, මොන තරම් දියුණු ත්‍රස්ත ජාල, මොන තරම් ධනවත් රටවල් සමග ආවත් මේ අල්ලක් පමණ වූ කුඩා දූපතක සිටින එම ජාතිය සමූල ඝාතනය කිරීමට ඔවුහු අසමත්වන්නේත් උක්ථ බලවත් සක්වළ ජීවින්ගේ රැකවරණය නිසාම විය නොහැකිද?

එසේ නම් මේ ග්‍රහලෝකය රැකෙන්නේ අවිවාදයෙන්ම බෞද්ධයන් නිසාම වියයුතු නොවේද?

ඒ රැකවරණය මේ ලොවට ගෙනදුන් මහා මිනිස් වීරයන් වහන්සේ බුදුපියාණන් වහන්සේ මිස අන් කවරෙක්ද?

බුද්ධ ජීවි විශේෂය

ස්වාමීනි, ඔබ වහන්සේ දෙවියෙක්ද?
නැත බමුණ මා දෙවියෙකුදු නොවෙමි
ස්වාමීනි ඔබ වහන්සේ මනුෂ්‍යයෙකුද, දෙවියෙකුදු, යක්ෂයෙකුදු නොවෙත් නම් ඔබ වහන්සේ කවරෙක්ද?

කළලේ උපන සියපත ඉන් නික්ම, එහි නොගෑවී පිපී ලෙලෙන්නේ යම් සේද, මමද මිනිසුන් අතර ඉපිද, මිනිසුන් අතර හැදී වැඩී චතුරාර්ය සත්‍යාවබෝධයෙන් කෙළෙසුන් නසා නිර්වාණය ලදිමි. එසේ හෙයින් බමුණ මා බුද්ධ යැයි දනුව.

මේ වූ කලී බුදු පියාණන් වහන්සේ සහ ද්‍රෝණ නම් බමුණු තෙම අතර ඇතිවූ සංවාදයකි. තිලෝගුරුන් තමන් වහන්සේව මෙහිදී හඳුන්වා දුන් ආකාරය ගැන මඳක් අවධානය යොමු කරන්න…

චාර්ල්ස් ඩාර්වින් හා ඔහුගේ සත්ව පරිණාමවාදය ගැන ඔබ අසා ඇති ඉක්වදෝරය අසල ගැලෆගෝස් දූපත් ආශ්‍රිතව සිදුකල පරීක්ෂණ තුළින් ලොවට, මැවුම් වාදය ප්‍රතික්ෂේප කරන ජීව විද්‍යානයක් ඔහු හඳුන්වා දුන් නිසා අප ඔහු පරිණාම වාදයේ පියා ලෙස පොත් පතින් හඳුනා ගතිමු.

ඩාර්වින් සැබවින්ම පරිණාම වාදයේ පියාද? නැතහොත් ඔහු පරිණාම වාදයෙන් අර්ධයක් පමණක් වටහා ගත්තෙකුද?

ඉතිරි අර්ධය කුමක්ද? – සම්පූර්ණ පරිණාම වාදය දෙසුවේ කවුරුන්ද?

දැන් නැවතත් ද්‍රෝණ බමුණාට බුදුරදුන් තමන් වහන්සේ හඳුන්වා දුන් ආකාරය සිහිපත්කර ගන්න කළලේ පිපී ඉන් නික්ම කළලේ නොගෑවී මිනිසුන් අතර ඉපිද, හැදීවැඩී එසේ හෙයින් මා බුද්ධ යැයි දනුව මා මනුෂ්‍යයෙකුද නොවෙමි..

එසේ නම් සම්බුදුන් දෙසූ පරිණාමය කොටස් දෙකකි. මනෝ පරිණාමය හා කාය පරිණාමය.ඩාර්වින් අල්ලා ගත්තේ මෙයින් එක කොටසක් පමණි. එනම් කායික පරිණාමය පමණි. එහි අනිත් කොටස ඔහු දැක නැත. එසේ නම් අංග සම්පූර්ණ පරිණාමවාදය දෙසා ඇත්තේ ඩාර්වින් නොව තිලෝගුරු බුදු රජාණෝමය. එමතු නොව ඩාර්වින් වටහා ගත්තේ පෘතිවි පරිණාමයේ එක් කොටසක් පමණි සම්බුද්ධ පරිණාමවාදය මුළු මහත් විශ්වයේම ජීවි පරිණාමය විස්තර කරයි.

මනස පෙර ගමන් යයි. මනෝ පුබ්බං ගමා ධම්මා මනස අනුව කය සැකසෙයි. ඔබ මනසින් තිරිසනෙකු වන්නේ නම්, ක්‍රමයෙන් ඔබේ මතු භවයේඳ ඒ අනුව සැකසේ. ඔබ මනසින් දෙවියෙකු වන්නේ නම්, ක්‍රමයෙන් ඔබේ මතු භවයේ කය දේව කයකට පරිණාමය වේ. ඔබේ මනස මුලින් පරිණාමය වන ස්වරූපයට ක්‍රමයෙන් ඔබේ කායික පරිණාමය සිදුවේ. මේ සම්මා සම්බුද්ධ පරිණාමවාදයයි. මුළු මහත් සංසාරයේම අප යන්නේ මේ පරිණාමය ඔස්සේය. පුනර්භවය සැකසෙන්නේද මේ අනුවය. මනස මුලින් පරිණාමය වන තැනට කය පරිණාමය වේ. මේ සංසාරගමනයි.

එසේ නම් සාර සංඛෙ‍ය කල්ප ලක්ෂයක් ඔස්සේ පාරමිතා දහය පිරීම යනු, ක්‍රමානුකූල මානසික පරිණාමයකි සම්මා සම්බුද්ධත්වය ලැබීම යනු මිනිස් හෙවත් හෝමෝ සේපියන් අප දන්නා ජීවි විශේෂයේ ඉපිද හැදී වැඩී, අතීත මානසික පරිණාමයේ (පෙරුම්දම් පිරීමේ) ශක්තිය කැටි කොට මිනිස් ජීවී විශේෂයේ සිට විශ්වයේ එක්වරකට, එක කල්පයකට එක් අයෙකු පමණක් පහළ වන්නාවූ අති ශ්‍රේෂ්ඨ සුපිරි ජීවි විශේෂය වන සම්මා සම්බුද්ධ ජීවි තලයට කරන මහා මානසික පරිණාමික පිම්මයි (කළලේ ඉපිද කළලේ හැදී වැඩී ඉන් නික්ම)

ඇසට නොපෙනෙන තරම් ක්ෂුද්‍ර බැක්ටීරියා, ඇමීබා ජීවි විශේෂ වල ජීවින් ගණන ක්වෝ ඩ්‍රිලියන ගණනකි. කුඩා නොදියුණු කෘමි සත්ව ජීවි විශේෂයන්ගේ පහළ වන ජීවින් ගණන ට්‍රිලියන ගණනකි. ඊට වඩා සංකීර්ණ සත්ව විශේෂ වල බිලියන ගණනක් පහළ වෙති. මිනිස් ජීවී විශේෂයේ සත්ව සංඛ්‍යාව බිලියන 7 කි. ඊටත් වඩා දියුණු දේව ජීවි විශේෂයේ ගණන මිලියන ගණනක් විය හැක. ඊටත් ඉහළට යන්නට, යන්නට ඒ ඒ විශේෂයේ ජීවින් ගණනතව තව අඩුවිය හැකග

අනාගාමී වූවන් උපදින ආකණිෂ්ඨ තලයේ ශුද්ධ වාසබ්‍රහ්ම ලෝක වල එක වරකට ඇත්තේ ඉතාම සුළු අතළොස්සකි

එනමුත් මානසික පරිණාමයෙන් පමණක් යා හැකි සම්මා සම්බුද්ධ නම් අති සුපිරි, සියල්ල අවබෝධ කරගත් මහා ශ්‍රේෂ්ඨ ජීවිතළයේ මුළු කල්පයකටම විශ්වයේ එකවරට පහළ වන්නේ එක් අයෙකුම පමණකි. ඒ තැනැත්තාණන් වහන්සේට සියළු විශ්ව ජීවීහු බුදු රජාණන් වහන්සේ ලෙස අමතති.

Source Link : Wishma Lokaya

ෂෙඩ් එකෙන් වාහන වලට තෙල් ගහනකොට හොර කරන විදිය මෙන්න

ලංකාවේ ඇති ඉන්ධනහල් වලින් අප ගෙවූ මුදලට සරිලන නියම ඉන්ධන ප්‍රමාණය එහි ඇති ඉන්ධන ‍පොම්පය හරහා අපට ලැබෙනවාද යන්න කාලයක සිට මෙරට බොහෝ දෙනකුගේ සිතේ පැසවන කුකුසකි.

ඉන්ධන ලබාගැනීමට ඉන්ධනහලට ගිය විට ඉන්ධන ‍පොම්පය දෙස අප ඇසිපිය නොබලා බලා සිටින්නේ ඒ නිසාය. ඉන්ධන ලබාගැනීමට මුදල් ගෙවූ පසු ඉන්ධන ‍පොම්පයේ ඉහළ ඩිජිටල් තිරයේ අප ගෙවූ මුදලත් ගෙවූ මුදලට ලබාදිය යුතු ඉන්ධන ප්‍රමාණයත් නිවැරදිව සටහන් වේ.

‍පොම්පකරු ඉන්ධන ‍පොම්පය ක්‍රියාත්මක කළ විට ඉලක්කම් කැරකී අප ගෙවූ වටිනාකමට ලැබිය යුතු ඉන්ධන ප්‍රමාණය අපට ලැබේ. මේ ක්‍රියාවලිය මුල සිට අගට නිරීක්ෂණය කරන අපට සැක සිතිය යුතු තැනක් අල්ලාගත හැකිද? සැබැවින්ම නොහැකිය. එසේ වූවා කියා අප ගෙවූ සම්පූර්ණ මුදලට නියමිත ඉන්ධන ප්‍රමාණය ඔබට ලැබුණා කියා ඔබ සිතනවාද?

‘ඔව්’ කියා ඔබ සිතුවත් නිසැක වශයෙන්ම ඔබ සිටිනා ස්ථාවරය නිවැරදි නොවේ. මන්ද මෙරට ඇති ඉන්ධන ‍පොම්ප බොහෝමයකින් අප ගෙවූ මුදලට නියම ඉන්ධන ප්‍රමාණය අපට ලැබෙන්නේ නැති නිසාය. අප මෙය ස්ථිරවම කියනුයේ මේ පිළිබඳ සොයා බලා කරුණු අධ්‍යයනය කිරීමකින් අනතුරුවය.

වසර තිහකට අධික කාලයක් ඛනිජ තෙල් ක්ෂේත්‍රයේ අත්දැකීම් ඇති මේ විධායක ශ්‍රේණියේ නිලධාරියා කියන කතාව අසමු. එවිට මේ කතාවේ ඇත්ත නැත්ත ඔබටම පසක් වනු නොඅනුමානය.

“ඔබේ ප්‍රශ්නයට කෙටියෙන්ම උත්තර දුන්නොත් ඔව්, ලංකාවේ පිරවුම්හල්වල තියෙන බොහෝමයක් ඉන්ධන ‍පොම්පවලින් ඔබ ගෙවන මුදලට ලැබිය යුතු ඉන්ධන ප්‍රමාණය ලැබෙන්නේ නෑ. මං වැඩ කරන ක්ෂේත්‍රය වුණත්, කතාව තිත්ත වුණත් ඇත්ත ඕක තමයි.”

ඔහු කිසිදු පැකිළීමකින් තොරව කතාව පටන්ගත්තේය. ඔහුට බාධා නොකර මම නිහඬ වීමි.

“පෙටේ‍රා්ලියම් එකේ පෙට්‍රල් ෂෙඩ් තියෙනවා 1200කට ආසන්න සංඛ්‍යාවක්. ඉන් වැඩිම ප්‍රමාණයක් ඉන්ධනහල් තියෙන්නේ බස්නාහිර පළාතේ. ෂෙඩ් 285ක් හෝ 290ක් බස්නාහිර තියෙනවා. මෙරට ඉන්ධන පාරිභෝජනයෙන් සියයට පනහකට ආසන්න ප්‍රමාණයක් භාවිත කරන්නේ බස්නාහිර පළාතේ උදවිය. දැන් පාරිභෝගිකයන් වන අපට තියෙන ප්‍රශ්නය තමයි අපේ වාහනේට දුන්නු මුදලට නියමිත තෙල් ප්‍රමාණය ‍පොම්පෙන් ටැංකියට වැදුණද කියන එක. මේ ගැටලුවට පේන විසඳුමක් නෑ. ගොඩක් අයගේ හිතේ තියෙන්නේ සැකයක්.

මේ ක්ෂේත්‍රයේ ඉන්න නිලධාරියෙක් හැටියට මම දන්නවා සමහර ෂෙඩ්වලින් තෙල් අඩුවෙන් ගහන බව. එතකොට මේකට වගකියන්න ඕන කවුද? මගේ අදහස නම් මේකට ප්‍රධාන වශයෙන්ම වගකියන්න ඕන මිනුම් ඒකක ප්‍රමිති හා සේවා දෙපාර්තමේන්තුව. කෙටියෙන් කීවොත් කිරුම් මිනුම් එක. ඒ වගේම තෙල් සංස්ථාවේ ප්‍රාදේශීය පරිපාලනය වගේම සංස්ථාව ගත්තු සමහර වැරදි තීරණ.”

වසර තිහකට අධික කාලයක් ඛනිජ තෙල් ක්ෂේත්‍රයේ අත්දැකීම් ඇති මේ විධායක ශ්‍රේණියේ නිලධාරියා කියන කතාව අසමු. එවිට මේ කතාවේ ඇත්ත නැත්ත ඔබටම පසක් වනු නොඅනුමානය.

ඉන්ධන ‍පොම්පවලින් කෙරෙන තෙල් ජාවාරමට කිරුම් මිනුම් දෙපාර්තමේන්තුව වගකිවයුත්තේ ඇයි? ඒ ගැටලුව ඔහු නිරාකරණය කළේ මෙසේය.

“ලංකාවට ගේන ඕනෑම ‍පොම්පයක් ඉන්ධනහලක මිනුම් ඒකකයක් ලෙස පාවිච්චි කරන්න අවසර දෙනවා නම් මාදිලි අනුමැතිය ගන්න ඕන. මේ අනුමැතිය දෙන්නේ කිරුම් මිනුම් දෙපාර්තමේන්තුව මගින්. කිරුම් මිනුම් දෙපාර්තමේන්තුවේ සීල් එක නැතුව කිසිම ඉන්ධන ‍පොම්පයකින් තෙල් නිකුත් කරන්න බෑ. ඒක නීතියෙන් තහනම්.
නමුත් ගොඩක් ‍පොම්පවල කිරුම් මිනුම් සීල් එක නෑ. ඒකට හේතු කීපයක් තියෙනවා.

එකක් තමයි 2002 ඉන්දියන් ඔයිල් සමාගම ලංකාවට ආවට පස්සේ ෂෙඩ්වලට ඕන කරන සියල්ල ඒ අය දුන්නේ නොමි‍ලේ. ඔන්න තරගයක් ඇතිවුණා. අපේ තෙල් සංස්ථාවට මුදල් තිබුණේ නෑ ඉන්දියන් ඔයිල් එකත් එක්ක හැප්පෙන්න. අවසානයේදි සංස්ථාව කළේ අපිත් අපේ ඉන්ධනහල් හිමියන්ට මොනවා හරි කරන්න ඕන කියලා චීනෙන් අඩු මුදලට බාල ‍පොම්ප ගෙන්නලා නොමි‍ලේ ෂෙඩ්වල හයි කළා. ඇත්තටම මේවා සෙල්ලම් බඩු වගේ. මෙන්න මේ ‍පොම්ප එකක්වත් සීල් කරලා නෑ.

මොකද මේ ‍පොම්ප එකක්වත් මාදිලි අනුමැතියට දැම්මේ නෑ. තවත් එකක් කිරුම් මිනුම් දෙපාර්තමේන්තුවෙන් සීල් කළත් ඒක සංස්ථාවේ නිලධාරීන් අතින් ගැලවෙන්න පුළුවන්. එහෙම වුණු හැම වෙලාවකම කිරුම් මිනුම් නිලධාරීන් ෂෙඩ්වලට ඇවිත් ‍පොම්ප සීල් කරන්නේ නෑ. මොකද හේතුව නිලධාරීන් ඉන්නේ ටිකයි. වාහන හිඟයි. නමුත් එහෙම කියලා කිරුම් මිනුම් දෙපාර්තමේන්තුවට තමන්ගේ වගකීමෙන් නිදහස් වෙන්න බෑ.”

අප සොයාගත් තොරතුරුවලට අනුව අද වනවිට ඉන්ධනහල්වලද තෙල් ජාවාරම මහා පරිමාණව සිදුවන්නේ තෙල් සංස්ථාවේ නිලධාරීන්ගේ ආශිර්වාදයෙනි. මීට අමතරව එහි සේවයේ නියුතු ‍පොම්ප ක්‍රියාකරවන්නන් ඉන්ධන ලබාගැනීමට පැමිණි පුද්ගලයන්ගේ ඇස වසා කරන සමහර දේ ඇතත් ඒවා සංවිධානාත්මක අයුරින් සිදු නොවන පුද්ගලයාගෙන් පුද්ගලයාට වෙනස් වන වංචා සහගත ක්‍රියාවන්ය. නමුත් මහා ජාවාරම සිදුවන්නේ ඉන්ධනහල් අයිතිකරුගේ හා තෙල් සංස්ථාවේ ප්‍රාදේශීය කළමනාකරු හා ප්‍රාදේශීය පරීක්ෂකගේ එකතුවෙනි.

“ඔය තෙල් ‍පොම්ප කොටසක් තියෙනවා ප්‍රමාණ ශෝධන ඒකකය කියලා. අපි කියන්නේ ‘කැලිබරේට්’ කරනවා කියලා. මේ කොටසින් තමයි මිනුම් නිවැරදිව සකස් කරන්නේ. ඒක අඩු වැඩි කරන්න පුළුවන්. ඔන්න ඔය කොටස පාවිච්චි කරලා තමයි මේ හොර වැඩේ කරන්නේ. උදාහරණයක් හැටියට ඉන්ධන ලීටර් හතර හමාරක් එළියට යනකොට මීටරේ ඉන්ධන ලීටර් පහක් පෙන්වන්න හදන්න පුළුවන්. මේ කැලිබරේෂන් යුනිට් එක තියෙන්නේ ‍පොම්පෙ ඇතුළේ. මෙන්න මේ කොටසයි සීල් කළ යුත්තේ.

මේක සීල් කරන්නේ කිරුම් මිනුම් දෙපාර්තමේන්තුවයි, තෙල් සංස්ථාවටයි. කිරුම් මිනුම් සීල් එක අනිවාර්යයි. මේ සීල් එක නැතුව ඉන්ධන නිකුත් කරන්න බෑ. නමුත් ප්‍රධාන බලධාරීන්ගේ මුද්‍රාව නැතිව තෙල් නිකුත් වෙනවා. ඒක තමයි ඛිෙදවාචකය. මම මුලින් කිව්වා වගේ ගොඩක් ‍පොම්පවල මේ කොටස සීල් කරලා නෑ.

තෙල් සංස්ථාවේ ප්‍රාදේශීය කාර්යාල නවයක් තියෙනවා. ඒවයේ වෙන වෙනම ප්‍රාදේශීය කළමනාකරුවන් ඉන්නවා. ඔවුන් යටතේ තවත් නිලධාරීන් දෙන්නෙක් ඉන්නවා. මේ නිලධාරීන් හැම මාසෙකම මේ ‍පොම්ප චෙක් කරන්න යනවා. ඔය අතරේ ෂෙඩ් අයිතිකාරයින්ගෙන් පැමිණිලි එනවා වැඩිපුර තෙල් යනවා කියලා. ඔන්න එතකොට සංස්ථා අර නිලධාරීන් සීල් කඩලා අර ‘කැලිබරේට්’ යුනිට් එක ඇජෙස් කරනවා. ඔය දේවල් එහෙම සිද්ධ වෙන අතරේ තිරෙන් එහා වෙනත් කතා යනවා.”

සොයා දැනගත් ආකාරයට ඉන්ධනහල් හිමියන් ප්‍රාදේශීය කළමනාකාර හා ඔහු යටතේ සිටිනා නිලධාරීන් සමග සුහද ගනුදෙනුවක් පවත්වාගෙන යමින් ඔවුන් සතුටු කිරීමට උනන්දු වේ. ප්‍රාදේශීය කළමනාකරු අමනාප කරගතහොත් ඉන්ධනහල් අයිතිකරුවාට සිදුවන්නේ මහත් අලාභයකි. ඉන්ධනහල් හිමියාට කොතරම් ලාභයක් ලබාදෙනවාදැයි තීරණය කරන්නේ සංස්ථාවේ ප්‍රාදේශීය කළමනාකාරවරයා හා පරීක්ෂකවරයාය. ඉන්ධනහලකින් ඉන්ධන අඩුවෙන් නිකුත් කරන්නේ යැයි යම් සැකයක් පාරිභෝගිකයකුට ඇති වුවහොත් එය පරීක්ෂා කිරීමට ඉන්ධනහ‍ලේ සම්මත මිනුම් ඒකකයක් තිබේ.

“ඒක සුදු යකඩෙන් හදපු කෑන් එකක්. ඒකෙන් ලීටර් පහක් මනින්න පුළුවන්. ඒකට කියන්නේ ටෙස්ටින් කෑන් කියලා. උඩට හෝ පහළට දශම දෙකයි පහක් විතරයි වෙනස් වෙන්නෙ. හැබැයි අමාත්‍යාංශයට ලැබි ඇති තොරතුරුවලට අනුව ඉන්ධනහල් බොහොමයක මේ පරාසය -.5 සිට -.1 දක්වා පරාසයක තියෙනවා.”

අපි මුලින් සඳහන් කළ සම්මත ඒකකය සෑම ඉන්ධනහලකම තිබිය යුතු වුවත් බොහෝ තැන්වල එහෙම මිනුම් උපකරණයක් දකින්නට නැත. තිබුණත් ඇත්තේ ව්‍යාජ එකකි. එය පතුලෙන් උඩට ඔසවා ඇත. උඩට ඔසවා ඇති ප්‍රමාණය ඉන්ධන ‍පොම්පයෙන් සමබර කර සකසයි. ඒ නිසා ඔබ එවැනි පරීක්ෂාවකට යන්නේ නම් පතුලෙන් උඩට නොඑසවූ සුදුපාට තද ලෝහයෙන් නිම කළ සම්මත ඒකකය ඉල්ලා සිටින්න.

“ඉස්සර තිබුණේ මේ සුදු යකඩ මිනුම ‍නෙවෙයි රතුපාට සාමාන්‍ය ලෝහයෙන් හදපු එකක්. ඒක පතුලෙන් උඩටම තළනවා. හැබැයි සුදු යකඩ එක තළන්න බෑ. මේ සුදු යකඩ මිනුම් භාජනය සෑම ඉන්ධනහලකම තිබිය යුතුයි. නමුත් ඒක සෑම තැනකම නෑ. ඒක බරපතළ ප්‍රශ්නයක්.”

එයට හේතුව සම්මත ප්‍රමාණයට වඩා දෙගුණයක් අඩුවෙන් යන තත්ත්වයක් අද දකින්න පුළුවන්” මුලින් චීනෙන් ගෙනත් සවි කළ ‍පොම්ප සවි කළේ අවුරුදු පහකට. නමුත් දැන් ඒ වගේ කාලය අවුරුදු පහළොව ඉක්ම ගිහින්.

වෙනස් කළත් නැතත් ‍පොම්ම පරණ නිසා මේ ‍පොම්පවලින් තෙල් යන්නේ අඩුවෙන්. ඒක බරපතල ප්‍රශ්නයක්. ඒ නිසා කිරුම් මිනුම් දෙපාර්තමේන්තුව කියලා තිබුණා 2015 ජනවාරි වන විට හොඳ ‍පොම්පයක් සවි කරන්න එහෙම නැත්නම් සංස්ථා ‍පොම්ප සීල් කරන්නේ නෑ කියලා. කිරුම් මිනුම් දෙපාර්තමේන්තුව කළ අනතුරු ඇඟවීමට ඛනිජ තෙල් සංස්ථාව කෙබඳු ප්‍රතිචාරයක් දැක්වූවාදැයි අප සොයා බැලීමු. තෙල් සංස්ථාව අමාත්‍යාංශයත් සමග එකතුවෙලා මේකට විසඳුමක් දෙන්න උත්සාහ කළා.

2012 වන විට මේ බාල ‍පොම්ප මොනවද කියල බලන්න කමිටුවක් පත්කළා. (D.M.P.C.)මේ කමිටුවෙන් ‍පොම්ප තෝරලා ‍පොම්ප 500ක් ගේන්න සූදානම් කළා. නමුත් 2015 ජනවාරි09 පස්සේ කිසියම් පුද්ගලයෙක් අමාත්‍යංශය හරහා බලපෑම් කළා “මගේ ‍පොම්ප ටික ගන්න” කියලා. එතැනින් ඒ වැඩේ හමාර වුණා. තෙල් සංස්ථාවට අද වෙනකම් බැරි වෙලා තියෙනවා හොඳ ‍පොම්පයක් ලබා දෙන්න. බරපතළ අවුලකයි සංස්ථාව ඉන්නේ. 2014 හිටපු කළමනාකාර අධ්‍යක්ෂවරයා තෙල් සංස්ථාවේ කමිටුවක්ද පත්කරලා ඉන්ධන ‍පොම්ප 495 අහඹු ලෙස පරීක්ෂා කරලා තියෙනවා.

ඔහු ඊට පසුව අමාත්‍යංශ ‍ලේකම්ට වාර්තාවක් දෙනවා ‍පොම්පවලින් 40ක ඉන්ධන නිකුත් කරන්නේ නියමිත ප්‍රමාණයට වඩා අඩුවෙන් කියලා. ඉහළ නිලධාරීන් සියල්ල දන්නවා සංස්ථාව තියෙන්නේ අර්බුදයක කියලා.

ලංකා ඛනිජ තෙල් නීතිගත සංස්ථාව යටතේ ඇති ඉන්ධන ‍පොම්පවලින් විශාල ප්‍රමාණයක් කල්ඉකුත් වූ ඒවාය. මේ ඉන්ධන ‍පොම්ප හරහා පාරිභෝගිකයාට බරපතළ පාඩුවක් සිදුකරන්නේය. එසේම 1995 අංක 35 දරන මිනුම් එකක ප්‍රමිති හා සේවා පනතේ 22 වගන්තිය ප්‍රකාරව ‍පොම්ප පරීක්ෂා කර බලා මුදා තැබිමේ සම්පූර්ණ අයිතිය පැවරෙන්නේ කිරුම් මිනුම් නිලධාරීන්ටය. ඛනිජ තෙල් නීතිගත සංස්ථාවේ නිලධාරීන්ට එවැනි බලයක් හිමි නොවේ.

නමුත් අද වන විට ඔවුන් දැන හෝ නොදැන තමන් වෙත නැති නීතියක් ආරෝපණය කරමින් මහා වංචාවක යෙදේ. කිරුම් මිනුම් දෙපාර්තමේන්තුව මගින් සීල් තබන ලද ඉන්ධන ‍පොම්පයක සීල් කඩා ජාවාරමේ යෙදීමට කටයුතු කරන තෙල් සංස්ථා නිලධාරීන්ට එරෙහිව වහා බලධාරීන්ගේ අවධානය යොමු විය යුතුය.

යම් ඉන්ධන ‍පොම්පයක අලුත්වැඩියාවක් කළයුතු නම් මේ දෙපාර්ශ්වයටම ඊට සහභාගි වී ඒ අලුත්වැඩියාව කළ යුතු තැනට නීතිය සංශෝධනය විය යුතුය. එසේ නොවුණහොත් ජනතාවගේ ඇසට වැලි ගසමින් දූෂිත තෙල් සංස්ථා නිලධාරින් ගෙන යන මේ මහා වංචාවට තිත තැබිම අසීරු වනු ඇත.

Source Link : Wishma Lokaya