සංසාරයේ සිට පැමිණෙන ඔබේ ආත්මිය සහකරු හදුනාගන්නේ මෙන්න මෙහෙමයි

ඔබට තවමත් බඔා කෙටු කෙනා හමුවුයේ නැද්ද ? විවාහ ලාභි දරුවන් සිටන දෙමවි පියන් නිතර පවසන දෙයක් තමයි. අපි කොචිචර හෙවිවත් හරියන්නේ නැහැ. ඉතින් පතාගෙන් ආපු කෙනා එන්න එපැයි කවිද මෙි බඔා කෙටු කෙනා ? කවුද මෙි පතාගෙන එන කෙනා ? එයා තමයි ඔබෙි ආත්මිය සහකරුවා (Soul Mate)

අපට සිරුරු දෙකක් තිබෙනවා. එනමි භොතික සිරුර සහ ආත්මිය සිරුර අප මිය යන විට මෙම භොතික ශරිරය අත්හරිනවා. නමුත් අපේ ආත්මිය සිරුර සංසාරයේ ආත්ම ගණනාවක් අපේ උත්පත්තිය කෙලවර වන තෙක් නැත්නමි නිවන් දක්නා ජාති දක්වා අප සමග පවතිනවා. අප මොන ආගමක හෝ ඇදහිමක සිටියත් අප සියලු දෙනාම විශ්ව නිතියට යටත්. එනමි අප වපුරන දෙය තමයි අප නෙලා ගන්නේ. අප කරන යහපත් දේට අපට යහපත් කර්ම එක්රැස් වෙනවා අයහපත් දේට අයහපත් කර්ම එක් රැස් වෙනවා. ඒ අනුව අප මියගිය විට අප කරන ලද හොද නරක අනුව නොයෙක් තලයන්හි උත්පත්තිය ලබනවා. මනුෂ්‍යය ආත්ම ලබන අප බොහෝ දෙනෙක් නැවත උත්පත්තිය ලබන විට අප හා සංසාරයේ සැරි සැරු අපගේ ඥාති මිත‍්‍රාදින්ද අප සමග එකටම උත්පත්තිය ලබන බව තහවුරු වි තිබෙනවා. මෙි අය ආත්මිය සගයන් ලෙස හදුන්වන්න පුලුවන්. නමුත් ඔබෙි ආත්මිය සහකරුවා වන්නේ සංසාරයේ ආත්ම ගණනාවක් මෙලෙෂ ඔබත් සමග පැමිණි කෙනෙක්. සංසාරයේ ඔබත් සමග එකට ආදරයෙන් ජිවත් වන්නට පතාගෙන ආ කෙනෙක්. සමහර ආත්මිය සහකරුවන් තමන්ට වු යමි සිද්ධියක් නිසා ඔබගෙන් පලිගැනිමට ද පැමිණෙන්න පුලුවන්. එහෙමත් නැත්නමි ඔබට යහ මග පෙන්වන්නට ආ ආත්මිය මග පෙන්වන්නෙක් (Spiritual Guide) වන්නත් පුලුවන්.

යශෝධරා දේවිය සිදුහත් කුමරා ගේ සංසාරික ආත්මිය සහකාරිය බව බෙෘද්ධ ඉතිහාසයෙහි සදහන් වනවා ඔවුන් සංසාරයේ ආත්ම ගණනාවක අඔු සැමියන් වශයෙන් ඉපදි තිබෙනවා. ඒ වගේම සිතා රාමා රාධා කි‍්‍රෂ්ණා රෝමියෝ ජුලියටි ක්ලියෝපැටිරා මාක් ඇන්තනි වැනි වෘතාන්ත මෙම සංසාරික හමුවිමි ලෙස සැලකෙනවා.

මෙලොව ජිවිතයේදි අප සැමටම විශේෂ වු පුද්ගලයන් කෙනෙක් හෝ කිපදෙනෙක් සිටිනවා මෙි අය අපේ දෙමවිපියන් සහෝදරයන් කල්‍යාන මිත‍්‍රයන් ඥාති හිතමිත‍්‍රාදින් වන්නට පුලුවනි. මෙි අය සංසාරයේ ආත්ම ගණනාවක් අප සමග සිටි අයයි . අප මෙි අය හදුනා ගන්නේ කෙසේද එය එතරමි පහසු නැහැ නමුත් මෙම හැගිම ඉංගි‍්‍රසි බසින් Dejavu ලෙස හදුන්වනවා. එනමි සමහර අවස්ථාවල අප ජිවිතයේ ප‍්‍රථම වතාවට හමුවු පුද්ගලයින් පිළිබදව අපට ඉතා හුරු පුරුදු සමිප ලෙන්ගතු හැගිමක් ඇතිවනවා. මෙි අය අප සමග සංසාරයේ එකට පැමිනි අපේ දෙමවිපියන් සහෝදර සහෝදරියන් ඥාති මිත‍්‍රාදින් විය හැකියි පුනරුත්පත්තිය කියන පුද්ගලයන් පෙර භවයන්හි ඔවුන් සමග සිටි අය මෙි භවයේදිද තමන් සමග සිටින බව පවසා තිබෙනවා. ඒ වගේම අතිත ආවර්ජනය කරන මෝහන කි‍්‍රයාවලියන්හිදිද මෙි බව තහවුරු කර තිබෙනවා.

ඔබ පෙමි සබදතාවකින් විවාහ වුවත් යෝජනාවකින් විවාහ වුවත් බොහෝ විට ඔබෙි ආත්මිය සහකරු වන්නේ සංසාරයේ ඔබ සමග පැමිණි කෙනෙක්. මෙම ආත්මිය සහකරුගේ හමුවිම අපට Love at first sight නැත්නමි දුටු සැනින් ඇතිවන ආදරයක් ලෙසද හදුන්වන්න පුලුවන්. මෙය ඔබ බොහෝ දෙනෙක් ලැබු අත්දැකිමක්. මෙහිදි ඇතිවන්නේ පුදුමාකාර හැගිමක්. අපට කවදාවත් හමු නොවුනු පිටස්තරම කෙනෙකුට මෙතරමි බලගතු ආදරයක් ඇතිවන්නෙ ඇයි ? මෙි ආදරය හමුවේි හැදු වැඩු දෙමවිපියන් සහෝදර සහෝදරියන් දේපල පමණක් නොවෙි. රජකම පවා පයට පැගෙන දුවිල්ලක් තරමි නොවටිනා බව හැගෙන්නේ ඇයි ? ඒ ඔහුට හෝ ඇයට ඇති සංසාරික බැදිම නිසාමයි ඔහුගේ රුව ඔබට අමාදසුනකි. ඔහුගේ වදන් ඔබට අමාමිහිරකි. ඔහුගේ එක ස්පර්ශයක් විදුලි සැර වැදුනාක් මෙන් ඔබ අවදිකරයි මෙි හැගිමි වචනයෙන් විස්තර කල නොහැකියි. එතරමි සුන්දරත්වයක් ප්‍රීතිමත් හැගිමක් තවත් ලොව නැහැ. එය හරිහැටි දැනෙන්නේ එවැනි අවසථාවකට මුහුණ දුන් අයට පමණයි. ජ්‍යෝතිෂ්‍ය අනුව වුවද අපට අපේ සහකරුවන් ගැන යමක් දැනගන්නට පුලුවන්. ඔවුන් කුමන ප‍්‍රද්ශයකින්ද රැකියාව යනාදිය කෘතහස්ත දෛවඥයෙකුට පැවසිය හැකියි. ඒ වගේම මෙම ආත්මිය සහකරුවන්ගේ පොරොන්දමි ද මැනවින් ගැලපෙනවා. බොහෝ විට එකම සුභ නැකතින් ඉපදිසිටින්නට පුලුවන් ඒ කියන්නේ පොරොන්දමි 20 න් 20 ම ගැලපෙනවා කියන එකයි.

දැන් ඔබ නොඉවසිල්ලෙන් ඇති කෙසේද ඔබෙි ආත්මිය සහකරු හදුනා ගන්නේ කියල. ඔහු හෝ ඇය හමු වු විට එය ඔබෙි හදවතට මනසට යලි හමුවිමක් ලෙස දැනෙනවා. ඔබෙි ආත්මිය සහකරු හෝ සහකාරියගේ අදහස් උදහස් බොහෝවිට සමානයි. නිදසුනක් වශයෙන් ගතහොත් ඔබ සංගිතය කියවිම පි‍්‍රය කරන්නෙක් නමි ඔහුද ඒවා ප‍්‍රියකරන්නෙක්. ඔබ දෙදෙනා අතර ටෙලිපති සමිබන්ධතා එනමි එකම අවස්තාවක එකම සිතුවලි ඇතිවිමෙි ස්වභාවයක් ඇතිවෙනවා. ඔබ දෙදෙනාම ප‍්‍රිය කරන පුද්ගලයන්ද සමාන වනවා . ඔබ දෙදෙනාගේ ආදර සමිබන්ධයද ඉතා ආශ්වාදජනක එකක් වනවා . ඔබට සහ ඇයට මෙම එක්විම ඉතා සුරක්ෂිත බවක් ගෙනදෙනවා.. දුකේදි සහ සැපේදි කිසිදනක වෙන් නොවන වැනි හැගිමක් ඇතිවනවා. මෙවැනි හමුවිමක් ඉතා වාසනාවන්ත සංසාරික හමුවිමක් .

සමහර විට ඔබට ආත්මිය සහකරුවන් කිහිප දෙනෙක් සිටින්නට පුලුවන්. සංසාරයේ දිගටම එකම ආත්මිය සහකරුවකු සිටිම විරල අවස්ථාවක්. එවැනි අවස්ථා උදාවන්නේ අධ්‍යාත්මක වශයෙන් ඉතා දියුනු ආත්මවලට පමණයි. නිදසුනක් ලෙස සිදුහත් යශෝධරා ගත හැකියි. ඔවුන් ගේ පුණ්‍ය ශක්තිය සහ දැඩි භක්තිය අධිෂ්ඨානය එයට බලපාන්නට ඇති.

සමහර අවස්ථාවල ඔබෙි ආත්මිය සහකරු ඔබට හමුවන විට ඔහු හෝ ඇය වෙනත් බැදිමකට යොමුවි තිබෙන්න පුලුවන්. එවිට ඔබට හෝ ඇයට කල යුතු දෙයක් නැහැ කිමද පවුල් කඩාකප්පල් කිරිමෙි කර්මය ඔබ කරගහගත යුතු නැහැ එබැවින් එවැනි අවස්ථාවල් අසිරුවෙන් හෝ මග හැරිය යුතු වෙනවා. සමහර අවස්ථාවල ආත්මිය සහකරු හමු වුවත් ඔහු හදුනා ගැනිමට සැහෙන කලක් ගත විය හැකියි සමහර විට ඔබ ඔහු හදුනාගත්තත් ඔහු ඔබ හදුනා නොගන්නට පුලුවන්. මෙය වෙිදනාකාරි තත්වයක් නමුත් මෙහිදි ඔබට කල හැකි දෙයක් නැහැ. එය දෛවයට භාර දි නිහඩ විය යුතු වෙනවා. තවත් සමහර අවසථාවල ලිංගික ආකර්ශනය අනුව ආත්මිය සහකරුවා වරදවා හදුනාගන්න පුලුවන්. මෙය අද සමාජයේ ඉතා සුලභ දෙයක් නමුත් ආත්මිය සහකරු හදවතින් මිස ලිංගික ආකර්ශනයෙන් හදුනාගත නොහැකියි.

සමහර අවස්ථාවල මෙම ආත්මිය සහකරුවන් සංසාරයේ දිගටම ඔබෙන් පලිගැනිම සදහා පැමිණි අයෙක් නමි ඔහු ඔබ සමග විවාහ වි ඔබෙි ජිවිතය මිහිපිට අපායක කල හැකියි. එවැනි අවස්ථා අද සමාජයේ බොහෝ සේ දක්නට ලැබෙනවා. සැමියන් බිරින්දැන් දරුවන් වදදි මරා දමනවා. මෙි ඒ ඒ අය කරන ලද කර්මයන් හා බැදි තිබෙන දේවල් ඒ වගේම සමහර සංසාරයේ අප සමග එන ආත්මයන් දරුවන් සොහොයුරු සොහොයුරියන් ලෙස ඉපදි අපගෙන් පලි ගන්නවා . තවත් අවස්ථා තිබෙන්න පුලුවන් ඔබෙි ආත්මිය සහකරුවා මෙම ආත්මයේදි මෙලොවට බිහිවි නොවි සිටින්නට පුලුවන්.

සමහර විට ආත්මිය සහකරුවන් මෙම ආත්මයේ විවාහ ජිවිතයට ඇතුලත් නොවි සිටින්නට පුලුවන්. ඔවුන් මිතුරු මිතුරියන් ලෙෂ එකට සිටින්නට පුලුවන් ඒ ඔවුන්ට මෙම ආත්මයේ වෙනස් න්‍යාය පත‍්‍රයන් තිබෙන නිසා වෙන්න පුලුවන් ඔවුන් ගේ අධ්‍යාත්මක වර්ධන රටා වෙනස් වන්න පුලුවන් අද සමාජයේ සමහර යුවති යුවතියන් මෙලෙස කල් ගෙවනවා දකින්නට පුලුවන්. ඔවුන් විවාහ ජිවිතය ප‍්‍රිය කරන්නේ නැහැ. සමහර විට ඔබෙි ආත්මිය සහකරු හමු වු පසු ඔබට හිතෙන්න පුලුවන්. දැන්ම මට මට විවාහ වන්න බැහැ. මට තව වයස තියෙනවා එසේත් නැත්නමි ඇය හෝ ඔහු වෙනත් ජාතියක ආගමක කුලයක ඒ නිසා මට ගැලපෙන්නේ නැහැ මෙි සියල්ල ඔබ ඔබටම නිදහසට කරුණු ලෙස දක්වන්න පුලුවන් නමුත් ආත්මිය සහකරු හෝ සහකාරිය තෝරා ගැනිමෙිදි මෙි කිසිවක් බලපාන්නේ නැහැ.

මතක තබා ගන්න. ඔබට ජිවිතයේ ඔබෙි ආත්මිය සහකරු හමුවන්නේ සමහර විට එකම වතාවක් පමණක් වන්න පුලුවන්. ඔබ එම අවස්ථාව මග හැරිය හොත් නැවත කිසි දිනක එය උදා නොවන්නට පුලුවන්. ඔබ අසාතිබෙනවාද කියමනක් “වාසනාව කියන්නේ හිසේ එක කෙස් ගසක් පමනක් ඇති මහලු කාන්තාවක් ඇය ඔබ අසලින් යන්නේ ඉතා කලාතුරකින් ඇය එසේ ඔබ අසලින් යනවිට වහාම ඒ එක කෙස් ගසේන් දැඩි ලෙස අල්ලා ගත යුතුයි නැතහොත් ඔබට එම වාසනාව හිමිවන්නේ නැහැ” ඔබෙි ආත්මිය සහකරු හමුවිම අහභු සිදුවිමක් දෛවෝපගත සිදුවිමක්. එය කොතැනද කවදාද කවර අන්දමින්ද කියන එක කියන්න බැහැ. ඒ වගේම ඔබට ඒ හමුවිම බලෙන් ඇති කර ගත හැක්කක් ද නොවි. එය ඔබ දෙදෙනාගේම දෛවය නැත්නමි කර්මය සහ සමිබන්ධ වුවක් වගේම දෙදෙනාගේම නිදහස් අදහස් අනුව සිදුවිය යුතු හමුවිමක් .

ඔබෙි ආත්මිය සහකරු හදුනාගත් විට හෝ හමුවුවිට ඔබෙි හදවතට එකගව කටයුතු කිරිම ඉතා වැදගත් අනෙකුත් අයගේ නොයෙකුත් බලපැමි හමුවෙි ඔබ ඔහු හෝ ඇය අහිමි කර ගතහොත් ඔබෙි ජිවිතය අසාර්ථක වන්න පුලුවන්. ඔබෙි දෙපතුලටම දෛවය විසින් ගෙනවිත් දෙන මෙම සංසාරික ත්‍යාගය ඔබ ප‍්‍රතික්ෂෙප කල හොත් මුලු ජිවිත කාලයේම ඔබ පසුතැවෙන්න පුුලුවන්.

ශි‍්‍රයානි ද සේරමි (ආචාර්ය බ‍්‍රයන් වයිස් ගේ “Love is Real” ඇසුරෙනි)

Source Link : Wishma Lokaya

එක මිනිසෙක් පමණක් ජිවත් වන ලංකාවේ ගමක් – දන්දෙණියාව ගමේ නමයි – හීන් බණ්ඩා එකම කෙනයි

අප හෙළ රජ දවසට අදටත් පෙම් බඳින්නේ අපගේ ඵෙතිහාසික උරුමයත්, පැවැත්මත් එ දවස සිට ලියෑවී , රුධිරය හා බද්ධ වී ඇති නිසාය. එබැවිනි ඒ දවස පැවැති උරුමයන් සියෑසින් දැක සනහාලන්නට තැන තැන සරන්නේ. රජරට රාජධානියේ සිට රෝහණ රාජ්‍යය වෙත යන මාර්ග වැටී තිබුණු දන්දෙණියාව, මහනුවර හා මාතලේ සීමාවේ ඇති සුන්දර ගම්මානයකි . වචනයේ පරිසමාප්ති අරුතින්ම ගම්මානයක සිරියාව ගෙන එන මේ ගම්මානයේ අපූර්වත්වය වඩාත් තීව්‍ර වන්නේ, ගම්මානයේ අදට වසන එකම එක මිනිස්‌ පුළුට මහගෙදර හීන් බණ්‌ඩා නම් පාරම්පරික වෙද මහතා වීමය. දන්දෙණිය නමින් රජකාලයේ පටන් පැවැති ගම අදටත් ආරක්‌ෂාවී තිබෙන්නේ හීන් බණ්‌ඩා වෙද මහතා නිසාය. දන්දෙණිය ගමේ අද වාසය කරන්නාවූ එකම පුද්ගලයා ඔහුය

කිලෝ මීටර අටක පමණ දුරක්‌ ගෙවා හීන් ගඟ මායිම ඔස්‌සේ නකල්ස්‌ රක්‌ෂිතයේ කොටසක්‌ද පසු කරමින් ඉදිරියට ගිය තැන මීමුරේ, ගලමුදුන, හෙට්‌ටිපොළ, සුළුගුණේ, ගොඩඋල්පත යන ගම්මාන වලින් වටවී තිබෙන දන්දෙණිය ගමට සුළු ගුණේ සිට ඒම සඳහා පැය තුනක්‌ පමණ ගතවන්නේය. රණමුරේ, මීමුරේ, දන්දෙණියාව, සුළු ගුණේ යන මේ ගම්මාන හුදෙකලා ගම්මාන ලෙස හැඳින්විය හැකිය.. රජ සමයේ ගබඩා ගම් ලෙස මේවා පැවතුණේ ය . දන්දෙණිය නාමය ඒදවස පටන් නිර්මාණය වී ඇත්තේ, එහි කුඹුරු යායේ අස්‌වැන්න දන් පිළිගැන්වීමේ කටයුතුවලට පමණක්‌ යොදා ගත් නිසාය. පෙර රජ දවස මෙම ගම්මානවල ජනයා විසූ බවට සාධක ඇති මුත්, කාලය ගෙවී යත්ම මිනිස්‌ අවශ්‍යතා සඳහා පහසුකම් අවම වීම මත, මිනිසුන් මේ ගම් අතැර ගොස්‌ ඇති බව හීන්බණ්‌ඩා වෙද මාමා කියන්නේය.

කිලෝ මීටර හතරකට එහා එක්‌ නිවසක්‌ හෝ දක්‌නට නොමැති දන්දෙණියාව කුරුල්ලන්ගේ ගී හඬ දසත පැතිරෙන්නේ ඝන කැලෑවක ඇති නිහඬතාවය සිහි ගන්වන්නේය. යන්තම් හෝ නිහඬතාවය බිඳ හෙළමින් හීන් ගඟ පහලට ගලා බසින්නේ, ගරු ගාම්භීරත්වය විදහාපාමිනි. ඒ දවස පටන් වැපුරූ කුඹුරු අක්‌කර දහස්‌ ගණනක්‌ පුරන්ව ගොස්‌ ඇති අයුරුත් , පුරන්වූ කුඹුරු වල තණ උලාකමින් දිවි ගෙවන මී හරක්‌ රෑන්වල නිදහස්‌ බව ජීවිතයේ සුන්දර බව අපට සිහි කෙළේය. මිනිස්‌ පුළුටක සුවඳ ආගන්තුකවූ නිසාම මී හරක්‌ රෑන අප දෙස විමතියෙන් බලා උන්හ

ගමක සිරියාව අසිරියෙන් නොදකින වත්මන් දුවා දරුවන් වෙනුවෙන් අපේ ගම තනවා ගමක අසිරිය දකින්නට වත්මන් බලධාරීන් කටයුතු කරන්නේ අදටත් නොනැසී පවතින සාම්ප්‍රදායික ගම ඔවුන් හෝ නොදැක ඇති නිසාය. හීන් බණ්‌ඩා වෙද මාමා වෙසෙන දන්දෙණිය , ඒ ආසන්නයේ ඇති රණමුරේ, මීමුරේ, සුළු ගුණේ යන ගම්මාන වල සැබෑ ගැමි සුවඳ හරි අව්‍යාජය. සතා සීපාවා පවා අදටත් එළිබසින්නේ සූර්යය උදාව හා බැසයාම හා බද්ධ වුණු කාල හෝරාවන්ට අනුගතවය.

“සතා සිවුපාවා ඉර නැග එනතුරුම මේ අහල පහල වෙසෙනවා ඒ නිසා මට තනියක්‌ නැහැ. හිටපු ගමන් අලි එනවා. මට උන්ගෙන් කරදරයක්‌ නැහැ .. උන් මාව දැක්‌කත් ළඟින් ගියත් නොදැක්‌ක ගාණට යනවා. මගෙන් හානියක්‌ නැහැ කියලා උන්ට දැනෙනවා ඇති. රෑ බෝ වෙද්දිත් සත්තු එහෙ මෙහෙ යනවා ඇහෙනවා … දැනෙනවා. ඒ නිසා මට කිසිම බයක්‌ සැකක්‌ නැහැ. මේ සොබා දහම තරම් සැපතක්‌ වෙන කොහෙද….?” හීන්බණ්‌ඩා වෙද මාමා කියයි.

හීන් බණ්‌ඩා මාමා වෙසෙන තැන අතිශය පවිත්‍රය. ගලා බසින ජලය හාත්පස විනිවිද පෙනෙන වීදුරු කැටයක්‌ බඳුය. ගහට කොළට නිය තුඩකින් හෝ හානියක්‌ සිදු කොට නැති, වැලි කැටයකට නොරිදෙන සේ පා තබමින් මිහිකත සනහාලන හීන්බණ්‌ඩා වෙද මාමා පාරම්පරික වෙදකම පිළිබඳව වූ දැනුමින් පොහොසත්ය. මනුසත්කම ඉහවහා ගිය ලෙන්ගතුකමින් යුතු වෙද මාමා , අතීත සිදුවීම්වලට ලොල් බඳින්නේය.

“මේ ගම්මාන රජකාලේ ඉඳලා පැවත එන ඒවා. එදා හිටි ගම්මු තම තමන්ගේ දියුණුව ගැන හිතලා නගරයට ගිහින්. ඒ කාලේ හිටි ගමේ වැඩිහිටි පිරිස අතර තිබුණ පාරම්පරික දැනුමත් ගමත් සමඟ අභාවයට ගිහින්. නොයෙක්‌ ඇදහිලි ක්‍රම, කෙම් ක්‍රම, ඖෂධ වට්‌ටෝරු, ශ්ලෝක මේ පාරම්පරික ගම්මානවල වැඩි හිටියන් දන්නවා. ඒවා කොහේවත් ලිඛිතව සුරක්‌ෂිතවී නැහැ. රටට වෙන බරපතළම හානිය මේ ගම්මාන සමඟම අපේ පාරම්පරික දැනුමත් අභාවයට යැමයි……” වෙද මාමා සිතේ උපන් සැබෑ වේදනාවෙන් කියා සිටින්නේ පාරම්පරික දැනුමෙහි ඇති බලය, යුතුකම් වගකීම් ඔස්‌සේ ඉදිරියට ගෙනයැමට දැන් මගක්‌ නැති බව දත් නිසාය.

දන්දෙණිය යන නාමය මෙරට ගම්මාන ලැයිස්‌තුවේ තවමත් නොමැකී තිබෙන්නේ හීන් බණ්‌ඩා වෙද මහතා නිසාවෙන් බව කීමට අටුවා ටිකා ටිප්පිනි අවශ්‍ය නැත… “මගේ දරුවෝ පදිංචි වෙලා ඉන්නේ මීමුරේ. මම උපන්නේ මේ ගමේ. මැරෙන්නෙත් මේ ගමේ. අහල පහලක මිනිස්‌ පුළුටක්‌ නැති වුණාට මේ ගස්‌වැල් මගෙත් එක්‌ක කතා කරනවා. හීන් ගඟ මගේ තනියට සින්දු කියනවා. තනිකම මහ අරුමයක්‌ නොවෙයි …. තනිකම මනස තවදුරටත් දැනුමෙන් පුරවනවා” හීන් බණ්‌ඩා වෙද මාමා පවසන්නේ ගමක මිනිසෙකු තනිවම ජීවත් වීම අපට අරුමයක්‌ වීම බිද හෙළමිනි.


“මම සතියකට විතර සැරයක්‌ මීමුරේ පුතාලගේ ගෙදර ගිහින් දවසක්‌ දෙකක්‌ ඉඳලා එනවා. ඊට වැඩිය එහේ ඉන්න මගේ හිත දෙන්නේ නැහැ. මගේ තාත්තා පාරම්පරික වෙදෙක්‌. ඒ වෙදකම තාත්ත ගෙන් මට උරුම වුණා. දැන් පුතාලත් වෙදකම් කරනවා. ඉස්‌සර මේ ගමේ පවුල් තිහක්‌ හතළිහක්‌ විතර ජීවත් වුණා. ගමට වාහනයක්‌ එන්න පාරක්‌ නැහැ. අපි අඩි පාරවල් දිගේ තමයි හැමදාම කඩපිළට ගියේ. හැතැප්ම අට දහය බඩු ඔළුවේ තියාගෙන තමයි ගමට ගේන්නේ. මීමුරේ ග්‍රාම සේවා වසමට තමයි මේ ගම අයිති. මෙහේ ඉඳලා මීමුරේට සැතපුම් පහක්‌ විතර තියෙනවා. මේ දුර දැනුත් අපි යන්නේ පයින්. මීමුරේ වසමට අයිති වෙලා තිබ්බ කැලේවත්ත, ඉළුක්‌හේන ගම් දැන් මිනිස්‌සු නැතුව පාළුවට ගිහින්. මම නැති දවසට මේ ගමට අත් වෙන්නෙත් ඒ ඉරණමම තමයි. දන්දෙණියේ ඉඳලා මීමුරේට යන්න දිඹිගොල්ල ඔය හරහා යන්න ඕන. මෙහේ ළමයි පාසල් යන්න ඕන මේ ඔය හරහායි. හැතැප්ම පහ හයක්‌ පයින් හැමදාම යන්න එන්න ළමයෙකුට අමාරුයි. අනිත් පැත්තෙන් වන අලි. වැස්‌ස කාලෙට ඔය උතුරනවා. එතකොට කොහොමත් යන්න බෑ. මේ හින්දා දරුවෝ පාසල් යන වයසට ළං වෙනකොට ගමේ අම්මාලා තාත්තලා ගම අත්හැරලා මී මුරේට හරි හෙට්‌ටිපොළ ගොඩඋල්පත හරි පදිංචියට ගියා. එක්‌කෙනා දෙන්නා මෙහෙම ගිහින් අන්තිමට මම විතරයි ඉතුරු වුණේ. දැන් අවුරුදු ගණනාවක්‌ මම මේ ගමේ තනියම………” හීන් බණ්‌ඩා වෙද මාමා පවසයි.

වයස අවුරුදු හැත්තෑවක්‌ වුවද ඔහු තවමත් තරුණයෙකු මෙන් ජව සම්පන්නය. වෙදකමට අමතරව මහ පොළව සමඟ පොර බදමින් කුඹුරු කළ හෙතෙම තම දූපුතුන් බලන්නට සතියකට වරක්‌ හෝ දෙවරක්‌ සැතපුම් පහ හයක්‌ පයින් යන නිසාම නගරයේ බහුලව දක්‌නට ලැබෙන රෝග ලැයිස්‌තුවේ රෝගවල ගොදුරක්‌ බවට ඔහු පත්ව නැත…

” මීමුරේ, සුළුගුණේ, ගලමුදුන කියන ගම්වල මිනිස්‌සු තාමත් අසනීපයක්‌ උනාම මාව හොයාගෙන එනවා. ඒ අයට යන්න බැරි නම් මම ලෙඩා ළඟට ගිහින් බෙහෙත් කරනවා. මේ අහල පහලක ඉස්‌පිරිතාලයක්‌ නැහැ. පොලිසිය උඩුදුම්බර. ඒකට යන්න හැතැප්ම තිහකට වඩා දුර යන්න ඕන. ඉස්‌සර මේ කුඹුරු වලින් පුදුම අස්‌වැන්නක්‌ ගත්තේ. යල මහ දෙකම වැඩ කළා. මේ පොළව ඒ තරමට සරුයි. අද කුඹුරක්‌ කරන්න කෙනෙක්‌ නැතුව අක්‌කර දහස්‌ ගාණක්‌ පුරන් වෙනවා.. ” වෙද මාමා එසේ කියා සිටියේ ශෝකය පිරි හඬකිනි.

“මාතලේ හෙට්‌ටිපොළ ගුරුවල ඉඳලා කිවුල මැඩියෙන් බතලවත්තට දැන් පාර කපලා තියෙන්නේ… ඒ පාර අපේ මේ ගම්මාන හරහා මීමුරේට සම්බන්ධ කරන්න තව හැතැම්ම පහක්‌ විතර තියෙන්නේ. මේ පර හැදුවොත් නුවරයි මාතලෙයි මේ පැත්තෙන් එකතු වෙනවා. අනිත් පැත්තෙන් ගමට පාරක්‌ ආවොත් ගිය මිනිස්‌සුත් ආයේ මේ ගමට එයි. මොකද එයාලගේ සින්නක්‌කර ඉඩම් තාමත් මේ ගමේ තියෙනවා. මම මැරෙන්න කලින් ඒ පාර හදයි කියලා මම බලාගෙන ඉන්නවා. එක මනුෂ්‍යයෙකුට යන්න එන්න පාරක්‌ මොකට කියලා බලධාරීන් අදටත් මගෙන් අහනවා… ඒ අයට තේරුමක්‌ නැහැ… මේ ඉතිහාසගත ගම් බිම්වල තියෙන වටිනාකම. මේවායේ අයිතිකරුවන්ට ඉතිහාසයත් එක්‌ක ලේ බැඳීමක්‌ තියෙනවා. ඒ නිසා මේවයේ උපන් එවුන් මේවා වනසන්නේ නැහැ. හීන්බණ්‌ඩා වෙද මාමා හිස්‌ අහස දෙස බලා කියා සිටියේය.

ලිපි මුලාශ්‍රය – දිවයින

Source Link : Wishma Lokaya

තරහ පාලනය කරගන්නේ කො‍හොමද. – ජිවිතයට ඉතාම වැදගත් ලිපියක් කියවන්න

1. කෙනකු ගේ ක්‍රියාවක්‌ නිසා කෝපය ඇති කරවන දෙයක්‌ සිදු වූ විට එකේ සිට දහයට ගනින්නට පටන් ගන්න. ඊට ගත වන කාලය ඔබේ තරහ නිවා දැමීමට උදව් කරයි.

2. කෝපය ඇති කරවන සාධකයෙන් හැකිතාක්‌ ඉක්‌මනින් ඈත් වන්න. ඔබට වරදක්‌ කළ පුද්ගලයකු අසලට වී සිටීමෙන් සිදු වන්නේ ඔබේ තරහ වැඩි වීමයි. එනිසා මෙවැනි සාධක වෙතින් වහා ඉවත් වන්න.

3. ඉහිල් වීමේ ක්‍රමයක්‌ අනුගමනය කරන්න. ගැඹුරු ලෙස හුස්‌ම ගන්න. නැතිනම් ඔබේ මනස ඉහිල් කරවන වදන් මුමුණන්න. “බුදු සරණයි”, “දෙවි පිහිටයි”, “ගණන් ගන්න එපා”, “අමතක කරන්න”, “සන්සුන් වන්න”, “ජීවිතයේ හැටි ඔහොම තමයි” වැනි දෙයක්‌ තමාට ම කියා ගැනීමෙන් ද ඉහිල් විය හැකියි.

4. කෝපය ඵලදායි දෙයකට හරවා ගන්න. මෙය ක්‍රම කීපයකට කළ හැකි ය. එකක්‌ නම් තම දැඩි කෝපය නිර්මාණයකට පරිවර්තනය කිරීමයි. ලොව ප්‍රකට චිත්‍ර ශිල්පීහු මෙසේ කෝපය චිත්‍ර මත සිතුවම් කර ඇත්තා හ. කෝපය ඇති වූ විට ඒ ගැන සටහනක්‌ තබා පසුව එය නිර්මාණයක්‌ සඳහා භාවිත කරන්නට ද පුළුවන.

5. කෝපය සාධාරණීකරණය කරන්නට එපා. ඔබ ගේ කෝපය සාධාරණ බව හිතන්නට උත්සාහ නො ගන්න. කෝපය පිට කිරීමෙන් පමණක්‌ ප්‍රශ්නය විසඳෙන්නේ නැති බව අවබෝධ කරගන්න. අනෙක එය සාධාරණීකරණය කළ විට සිදු වන්නේ දිගින් දිගට ම ඔබ තරහ ගැනීමයි. යම් කෙනකු ගේ වරදක්‌ නිසා ඔබට හානියක්‌ වන්නට ඉඩ තිබේ. එවිට ඔබට මෙසේ කිව හැකියි. “මා මෙයින් කළකිරුණා, වේදනාවට පත් වුණා. මට රිදුණා. ඔබ මෙය නො කළ යුතු දෙයක්‌. ඒත් මා තරහ ගන්නේ නැහැ. හැබැයි ඒ ඔබට ඇති බය නිසා නො වෙයි. තරහ නිසා මට ම හානි වන නිසා. එය ප්‍රයෝජනයට ගෙන මෙවැනි වැරැදි මින්පසු කරන්න එපා” එවිට සමහර විට වැරැද්ද කර ඔබ කෝප ගැන්වූ කෙනා ඔබ කී දේ පිළිගන්නට ඉඩ තිබේ. එසේ නො වී ඔහු ද කෝප වන්නට ඉඩ තිබේ. කෝප වී ප්‍රශ්න විසඳාගන්නට නොහැකි බව ඔහුට/ඇයට එවිට පහදා දෙන්න උත්සාහ ගන්න. ඔහු, ඇය එය නො පිළිගන්නේ නම් දීර්ඝ තර්කයකට නො ගොස්‌ ඉවත් වන්න.

7. ප්‍රශ්නයකට විසඳුම තරහ ගැනීම නො වන බව හිතට ගන්න. බොහෝ දෙනා තරහ ගන්නේ ප්‍රශ්නකාරී අවස්‌ථාවල ය. එනිසා ප්‍රශ්නවලට විසඳුම් සෙවීමේ දී සන්සුන්ව එය කරන්න. කවුරුන් හෝ ඔබට විවේචනය කරද්දී ඔබ ගේ ආරක්‌ෂාවට, නිවැරැදි බවට කරුණු පහදා දීම වරදක්‌ නො වේ. එහෙත් එය කළ යුත්තේ කෝපයෙන් නො වේ. දැඩි ලෙස කෝප ගන්නට ගිය හොත් ඔබ ගේ ආරක්‌ෂාවට කරුණු පහදා දීම පවා නිසි ලෙස කළ නොහැකි වනු ඇත.

8. විහිළුවේ උදව් ගන්න. තරහව පාලනයට විහිළුව/සරදම කදිමට උදව් කරගත හැකි ය.

කම්මැලි සේවකයකු ඔබගේ කාර්යාලයේ සිටින්නේ යෑයි සිතන්න. ඔබ කී දෙයක්‌ ඔහු වෙලාවට කර නො දෙයි. ඔහු ගේ මේ ප්‍රමාදයත් ඔබට බෙහෙවින් කරදර ඇති කරයි. ඔබට සිතෙන්නේ ම ඔහුට බැණ වදින්නට ය. ඔබට බැන වදින්නට සිතෙන්නේ ඔහු කෙතරම් අවවාද කළත් වේගයෙන් වැඩ නො කරන නිසා ය.

“ඔහේ මහ කම්මැලි මිනිහෙක්‌. මෙහෙම ඉබ්බෙක්‌ වගේ ඇවිදගෙන ගිහිං නම් බැහැ” යි කියා බැන වදින්නට ඔබට සිතේ. එහෙත් මේ වෙනුවට විහිළුවකින් නිර්මාණශීලී විහිළුවකින් ඔබේ කෝපය පහ කළ හැකි ය. මේ පුද්ගලයා ගේ මේසය මත ඉබ්බකු ගේ පිංතූරයක්‌ ඇඳ (ඉබ්බා ගේ පිටේ ලිපි ගොනුවක්‌ දෙකක්‌ ද අඳින්නට හෝ ඉබ්බා ගහක්‌ යට සිට ගිමන් හරින ස්‌වරූපයක්‌ අඳින්නට පුළුවන) තබන්නට පුළුවන. මේසය පුරා අපිළිවෙළට ද්‍රව්‍ය දමාගෙන සිටින කෙනකුට ඒ ගැන බැන වදිනවාට වඩා මෙවැනි පිංතූරයකින් විහිළුවක්‌ කරන්නට පුළුවන. කිතිකවනු ලැබූ විට අධික ලෙස කෝපයට පත් ව අසැබි වදනන් බැන වැදී කෑ ගසන අයකු මා දන්නා කාර්යාලයක සිටියේ ය. මිතුරෝ ඔහු අවුස්‌සාගනු පිණිස ම කිතිකැවූ හ. මහා පිරිස්‌ මැද ඔහු කුණුහරුපෙන් කෑගැසූ අතර අවසන ඉන් ලැඡ්ජාවට පත් වූයේ ඔහු ම ය. හිතවතකු ඔහුට හොඳ උපදෙසක්‌ දී තිබිණි. ඒ අනුව කෙනකු කිතිකැවූ විට කී අසැබි වචන වෙනුවට “දෙවි පිහිටයි” “ජය වේවා” වැනි වදනක්‌ කීමට ඔහු හුරු විය. ඉන්පසු මිතුරෝ ද ඔහුට කිතිකැවීම නතර කළ හ.

9. ප්‍රශ්න සාකච්ඡා කරන වෙලාව වෙනස්‌ කරගන්න. අඹුසැමියන් අතර බොහෝ ගැටුම් / කෝපගැන්වීම ඇති වන්නේ ප්‍රශ්න සාකච්ඡා කිරීම්වල දී ය. ඇතැම් භාර්යාවෝ සැමියා වැඩ ඇරී ආ විගස ප්‍රශ්න ඔහු ඉදිරියේ තබති. එවිට කෝපය මතු වන්නට ඉඩ වැඩි ය. භාර්යාව ආසාවෙන් නරඹන රූපවාහිනි වැඩසටහනක්‌ ඇරඹෙද්දී ම සැමියකු ඇය වෙත පැමිණ බැරෑරුම් ප්‍රශ්නයක්‌ ගැන විමසනවා යෑයි සිතන්න. එවිට ඇයට ද පහසුවෙන් කෝපය ඇති වේ. මෙවැනි අවස්‌ථා මඟහරවා ගන්නට නම් සුදුසු වෙලාව ගැන අවබෝධයක්‌ ලද යුතු ය. බොහෝ විට නිදන ඇඳේ දී ප්‍රශ්න සාකච්ඡාව සුදුසු බව කියෑවේ. මෙය සිත අවුලෙන් තොර වෙලාවකි. එහෙත් සාකච්ඡාවට බඳුන් වන දෙදෙනා ගෙන් කෙනකු හෝ මේ වෙලාව නුසුදුසු යෑයි සිතන්නේ නම් වෙලාව වෙනස්‌ කර ගන්න.

ඔබගේ දරු දැරියන් ඉදිරියේ කෝපය ප්‍රකාශ නොකරන්න. ඔවුන්ගේ පුංචි හිතින් තදින් රිදීමට එය හේතුවක්‌ වනු ඇත. විශේෂයෙන්ම දරුවකුගේ වරදකදී කෝප නොවී (කෝපය තිර ලෙස පාලනය කරමින් වරදා පහදා දෙන්න.

තමාට දැඩි කෝපයක්‌ ඇතිවු වුට එය පාලනය කර ගැනීමට අසීරු නම් ඔබගේ හොඳම මිතුරා, මිතුරිය, පෙම්වතිය, පෙම්වතා, බිරිය, සැමියා සමග මේ ගැන සාකච්ඡා කරන්න.

කෝපය නිවා ගැනීමට කළ හැකි තව සරල ක්‍රියාකාරකමක්‌ ඔබකියා දෙන්නම්. එය නම් දැඩි තරහක්‌ හිතට ආ විට සතුන් නැරඹීමට යාමයි. ගෙදර මාළු ටැංකියක්‌ ඇත්නම් වහාම එතනට ගොස්‌ මාළුන්ගේ චර්යා නිරීක්‌ෂණය කරන්න. ඔබේ ගෙදර සතුන්ට කෑම දෙන කෑම අයිනක්‌ ඇත්නම් එම කෑම කන කුරුල්ලන් ලේනුන් හා වෙනත් සතුන් නරඹන්නට යන්න. එක්‌කෝඑවැනි කෑම දෙන තැනක්‌ සකසන්න. ලීයක්‌ ගසා ඒ මත පිඟානක්‌ තබා ආහාර දැමීමෙන් මෙය කළ හැකියි.

කෝපය නිවා ගැනීමට කළ හැකි තව සරල ක්‍රියාකාරකමක්‌ ඔබකියා දෙන්නම්. එය නම් දැඩි තරහක්‌ හිතට ආ විට සතුන් නැරඹීමට යාමයි. ගෙදර මාළු ටැංකියක්‌ ඇත්නම් වහාම එතනට ගොස්‌ මාළුන්ගේ චර්යා නිරීක්‌ෂණය කරන්න. ඔබේ ගෙදර සතුන්ට කෑම දෙන කෑම අයිනක්‌ ඇත්නම් එම කෑම කන කුරුල්ලන් ලේනුන් හා වෙනත් සතුන් නරඹන්නට යන්න. එක්‌කෝඑවැනි කෑම දෙන තැනක්‌ සකසන්න. ලීයක්‌ ගසා ඒ මත පිඟානක්‌ තබා ආහාර දැමීමෙන් මෙය කළ හැකියි.

ඔබ ගෙදර බල්ලකු පූසකු මයිනකු වැනි සුරතලයට ඇති කරන්නේ ඔබේ තරහ ගැන ඔහු/ඇය හා කීමටද පුළුවන. එහෙත් කවදාවත් තරහ සුරතලා මගින් පහ කරන්නට එපා. සමහරු තරහා ආ විට ගෙදර බල්ලාට පහර දෙති. එය පහත් ක්‍රියාවකි. සංගීතයට සවන් දීම, රූපවාහිනිය නැරඹීම හෝ වෙනත් සරල ක්‍රියාකාරකමක යෙදෙන්න. එවිට තරහ අඩුවේ. කෝපය ක්‍රමයෙන් වැඩි වන්නට ඉඩ දෙන්න එපා. එය අඩු කරවන්නට බලන්න. එහිදී උත්සහ කළ යුතු වන්නේ අතීත වැරදි ගැන චෝදනා නැගීම නොව වර්තමානයේ සිට වැරදි නිවැරදි කරගන්නට උත්සහ ගැනීමය. ඔබ කෝප ගත්තේ ඵලදායි දෙයට දැයි ඔබෙන්ම අසා ගන්න. බොහෝ විට මිනිසුන් කෝපවන්නේ වැඩකට ඇති දෙයට නොවේ.

සංවේදනවලට අවනත වීම

හදිසි කෝපයකදී භාවනා කරන්නට යාමට වඩා ඵලදායි ක්‍රියාකාරකම් තිබේ. ඔබත් ඔබේ බිරිඳත් රණ්‌ඩු වනාව යෑයි සිතන්න. බිරිඳත් ඔබ දැඩි තරහ යන දෙයක්‌ කියයි. එතැනි භාවනාවක්‌ කරන්නට පහසුකමක්‌ නැත. ක්‌ෂණිකව ඔබට කළ හැකිදේ තිබේ. ඒවා කරන්නට ඔබට උදව් වන්නේ ඔබගේ සංවේදී ඉන්ද්‍රියයන්ය. ඔබට ඇස්‌ කන් නාස්‌ ඇත. ඔබට කන භාවිත කර ඉක්‌මන් සහනයකට යා හැකිය. උදා- සංගීතය ඇසීම, මල් ගොමුවක්‌ වෙත ගොස්‌ මල් නරඹන්නට, අත ගාන්නට (ස්‌පර්ශ සංවේදනය) හෝ සුවඳ බලන්නට පුළුවන. මේ කිසිවකින් සැනසෙන්නට බැරි තරම් රසවත් ආහාරයක්‌ කන්නට ද හැකිය. සමහරු තරහ ගිය විට කඩල රටකජු වැනි දේ හපති. මෙය අවධානය වෙනතකට යෑවීමට ද හේතුවේ. Daරන Cයදදක කෑම කෝපය/අසහනය මැඩලීමේ ක්‍රමයකි.

ඔබ තරමක්‌ මුදල් ඇති අයකු නම් ගෙදර සාලයේ පොකුනක්‌ ඉදිකරනන්. එවැනි තැනකට ගියවිටද සිත සැනසේ.

ජනෙල් විවර කොට ඈත පෙනෙන දර්ශන අහස්‌ නිරික්‌සීමද තරහ අඩු කිරීමේ මගකි.

සුවඳ ආඝ්‍රාහණයද කෝපය හා කලකිරීම දුරලීමේ මං ඔබ ප්‍රිය කරන සුවඳ වර්ගයක්‌ ගේ පුරා/කාමරයේ/ කාර්යාලයේ ඉසින්න. සුවඳ විලවුන් තවරා ගන්න. සුවඳ විහිදුවන ඉටිපන්දම් දල්වන්න. සුවඳ කැට කාමරයේ තබන්න. සුවඳ ඇතිරූ අතිරිලි පාවිච්චි කරන්න.

සමහරු තරහ ගිය විට ගෙදර බඩු පොළොවේ ගසති. බිරිඳට සැමියාට පහර දෙනවාට වඩා එය හොඳ දෙයකි. එහෙත් හැමදාම මෙලෙස තරහ පිට කරගන්න ගියහොත් හැම මාසයකට ඔබට ඒ බඩු මිලදී ගන්නට රැකියා දෙකක්‌ කරන්නට සුදවේ. එනිසා තරහ ගිය විට තරහ පිටකරන්නට ආතති පන්දුවක් (Stress ball එකක්‌) තබා ගන්න. තරහ ආ විට එය මිරිකන්න. ඔබේ කාර්යාලයේ කෙනෙකු ඔබ ගැන එහා පුටුවේ සිටින කෙනා සමග බැණ වදින්න විට (එය ඇසෙන්නනට ඉඩ ඇත) ඔහුට පහර දෙනවාඩ වඩා ඔබ ළඟ ඇති පෑන මිරීකීම හොඳය. එක්‌කෝ ඔහු බනින විට ඒ මිනිසාගේ බැනුම අමතක කොට තමා ආසා කරන දෙයක්‌ (බිරියගේ/සැමියාගේ ඡායාරූපයක්‌ වැනි) අතට ගෙන බලන්නට පුළුවන.

අනෙක්‌ අය තරහ ගිය විට කරන්නේ මොනවාදැයි නිරීක්‌ෂණය කරන්න. කෝප ගැන්වෙන තරම් දෙයක්‌ වු විටත් සන්සුන්ව සිටින අය ඇත. ඔවුන් එසේ සන්සුන්ව ඉන්නේ කෙසේදැයි විමසා බලන්න.

ඔබේ කාර්යාලයේ ඔබ සිටින ස්‌ථානයේ ඔබගේ පවුලේ අයගේ ඡායාරූපයක්‌ තමාට පමණක් පෙනන ආකාරයට තබා ගන්න.

ඔබ ආගමට ලැදි අයකු නම් ආගම් කර්තාවරයාගේ පිංතූරයක්‌ හෝ ආගමට සම්බන්ධ වෙනත් පිංතූරයක්‌ තබන්න. එසේම යම් පිරිතක්‌, සූත්‍රයක්‌, යාඥාවක්‌ මුද්‍රණය කර ළග තබා ගැනීම මානසික සහනයක් හා ආත්ම විහ්වාසයක් ඇති කර දෙනු ඇත.

මනෝඡ් රත්නායක විදුසරට ලියු ලිපියකි

Source Link : Wishma Lokaya

මොළයෙන් නිවැරදිව වැඩ ගන්න දැනගත යුතු කරුණු 9 ක් – මොළයෙන් වැඩ ගත්තොත් බුද්ධිමතෙක් වීම අපහසු නෑ

මිනිස් මොළය කියන්නේ හරිම අපුරු දෙයක්. මොළය හරියට භාවිතා කළොත් ඕනෙම දෙයක් කරන්න පුළුවන්. නමුත් මොළය කාර්යක්ෂමව භාවිතා කරන ආකාරය ගැන බොහෝ දෙනෙක් හරියටම දන්නේ නෑ. එම නිසා මෙම ලිපියෙන් අපි කතා කරන්නේ කළගෙඩියක් තරම් වුණු මොළ ගෙඩියෙන් නිවැරදිව වැඩ ගන්න ඔබ දැන සිටිය යුතුම කරුණු 9ක්.

1 – නින්ද අඩුවෙන් ලැබුණාම මතකය අඩු වෙනවා

කැලිෆෝනියානු සරසවියේ විද්‍යාඥයන් පිරිසක් විසින් කළ පර්යේෂණයක් අනුව තහවුරු වී තිබෙන්නේ අඩුවෙන් නින්දට යන විට මතකය අඩු වී යන බවයි. හොඳ නින්දක් ලැබුණාම අපේ මොළයේ තිබෙන විෂ සහිත රසායනික ද්‍රව්‍ය අයින් වෙලා යනවා. එතකොට අපි නැගිට්ටාම ආයේ හොඳ ක්‍රියාකාරීත්වයක් ලැබෙනවා. මේ සඳහා පැය හයක – හතක නින්දක් සාමාන්‍ය කෙනකුට අවශ්‍ය වෙනවා.

2 – මානසික ආතතිය නිසා මොළයේ ක්‍රියාකාරිත්වය නැති වෙනවා

ඉතා විශාල වශයෙන් මොළය ආතතියට ලක් වුණාම මතකය අඩුවීම, ඉගෙනීමට ඇති හැකියාව අඩුවීම, තමාට තමාව පාලනය කරගන්න බැරි වීම, නොරුස්සන බව සහ හිත එක තැනක තියාගන්න බැරි බව වගේ ගැටලු රැසක් ඇතිවෙනවා. මේ නිසා තමන්ට කරන්න තියෙන වැඩ ටික උදෙන් ම පිළිවෙළකට ලයිස්තුවක් විදියට හදාගත්තා ම ආතතියකින් තොරවම දවසේ වැඩ ටික ඉවර කරගන්න පුළුවන් වේවි.

3 – ආදරයයි වෛරයයි අතර ඇත්තේ කෙස් ගහක් අතර ප්‍රමාණයක් බව කියන කතාව ඇත්ත

බ්‍රිතාන්‍ය විද්‍යාඥයින් පිරිසක් සොයාගෙන තිබෙන ආකාරයට මොළයේ ආදරය සහ වෛරය ඇති වන්නේ ඉතා ආසන්න වශයෙන් සමාන ප්‍රදේශවලයි. හැබැයි ආදරය ඇති වී තිබෙන වෙලාවට මොළයේ තාර්කික බව නම් ටිකක් අඩු වී යනවා.

4 – මොළයේ ක්‍රියාකාරීත්වයට ජලය අත්‍යවශ්‍යයි

මොළයෙන් සියයට අසූවක්ම හැදිලා තියෙන්නේ වතුර වලින්. ඉතින් අපි වතුර පානය නොකර ඉඳලා සියයට දෙකක් පමණ අඩු වුණත් එය මතකයට සහ මොළයේ ඥානාත්මක ප්‍රදේශ වලට විශාල වශයෙන් බලපානවා. ඒ නිසා පිපිඤ්ඤා ගෙඩියක් වගේ තිබෙන මොළයට වතුර ටිකක් දෙන්න අමතක කරන්න එපා.

5 – ගර්භනී අවස්ථාවේදී මොළයේ ව්‍යුහය වෙනස් වෙනවා

විද්‍යාඥයින් තහවුරු කර තිබෙනවා ගර්භණී අවධියට පැමිණි කාන්තාවන්ගේ මොළයේ සමාජයීය ප්‍රදේශ සහ අනෙක් අය තේරුම් ගැනීමේ හැකියාව වැඩි කරන මොළයේ ප්‍රදේශ වල ව්‍යුහය තීව්‍ර වන බව. ස්වාභාවිකවම මෙලෙස සකස් වී තිබෙන්නේ ඇයට තම දරුවා අවබෝධ කරගැනීමේ හැකියාව වර්ධනය කිරීමටත්, අනතුරු වලින් වැලකීමට උපකාරී වීමටත් තමයි.

6 – ඕනෑවට වඩා සීමිත වන මොළයේ ක්‍රියාකාරිත්වයට බාධා ඇති වෙනවා

පැණි බීම වර්ග වල සෝස් වර්ග වල සහ විවිධ කෘත්‍රිම රස කැවිලි වල තිබෙන සීනි නිසා මොළයේ නියුරෝන වල ක්‍රියාකාරීත්වය අඩාළ වෙනවා. හැබැයි කෙසෙල් පිටි වැනි පලතුරු වල තිබෙන ෆෘක්ටෝස් අඩු වුණොත් නම් ඉගෙනීමට ඇති හැකියාව සහ අවධානය පවත්වා ගැනීමේ හැකියාව අඩු වී යනවා. ඔමේගා 3 මේද අම්ල තිබෙන මාලු, කජු වර්ග සහ මෝර තෙල් වගේ දේවල්වලින් සීනි නිසා මොළයේ ඇතිවෙන එම ආබාධ තත්වය යථා තත්ත්වයට පත් කරන්න ඉවහල් වෙනවා.

7 – ආදරය සහ සෙනෙහස ආසන්න වශයෙන් සමානයි

තමන්ගේ සහකරුවා හෝ සහකාරිය සමග ගත කරන වෙලාවේදී වෙනත් ඥාතියෙකු සමග ගත කරන කාලයේ දී මොළයේ ක්‍රියාකාරීවන ප්‍රදේශ ඉතා ආසන්න වශයෙන් සමාන බව දැන් සොයා ගෙන තිබෙනවා. මෙහි වෙනස ඇතිවන්නේ සහකරුවන් සමග සිටිමේදී ලිංගික ක්‍රියාකාරීත්වය සහිත ප්‍රදේශ සක්‍රීය වීමත්, ඥාතීන් සමග සිටිමේදී ඔවුන් වෙනුවෙන් හුදෙක් ස්නේහයක් ඇති වීමත් මගිනුයි.

8 – චිත්‍ර අඳිනකොට මොළයේ ක්‍රියාකාරිත්වය වැඩි වෙනවා

පර්යේෂණයක් හරහා තහවුරු කර තිබෙන ආකාරයට චිත්‍ර ශිල්පයේ යෙදෙන අයගේ මොළයේ ක්‍රියාකාරීත්වය වැඩි බවයි. වෙනත් කලාව සම්බන්ධ දේවල් කට පාඩම් කරනවට වඩා චිත්‍ර ඇඳීමේ නිරත වීමේදී මොළය ඉතා හොඳින් ක්‍රියාකරනවා.

9 – රූපවාහිනී නරඹනවාට වඩා පොත් කියවීමේදී මොළය හොඳින් ක්‍රියාකාරී වෙනවා

Oxford විද්‍යාඥයින් තහවුරු කර තිබෙනවා මොළයේ ඥානාත්මක ප්‍රදේශ පොත් කියැවීමේ දී වඩාත් හොඳින් ක්‍රියාත්මක වෙනවා කියලා. මොකද එම අවස්ථාවේදී අවධානය යොමුකිරීම සහ ඥානය වර්ධනය කරගැනීමේ ප්‍රදේශ වෙත ඉතා හොඳින් රුධිර වහනය වන නිසා එය මොළේ වර්ධනයට විශාල වශයෙන් බලපානවා. මෙය පරිගණක ක්‍රීඩාවක් කරනවට වඩා හෝ රූපවාහිනී නරඹනවාට වඩා වැඩි බවයි ඔවුන් තහවුරු කරන්නේ.

ඉතින් මේ දේවල් වලින් ඔබ යමක් ඉගෙන ගත්තා නම් ඔයාගේ යාළුවන්ටත් බලන්න ශෙයා කරන්න. ඔබට සුභ දවසක්!

පිටපත | තඹරු විජේසේකර

Source Link : Wishma Lokaya

සත්‍යය සිදුවීමකින් නිර්මාණය වූ සංවේදී ආදරයක් ගැන කියවෙන ” පලංචියේ ලී ඉරුවේ අපි එකට” ගීතයේ සැබෑ තේරුම

1981 වසරේ කොළඹ විශ්වවිද්‍යාලයෙන් විද්‍යා උපාධිධාරියකු ලෙස පිට වූ තරුණයෙක් විද්‍යා ගුරුවරයෙකු ලෙස වෘත්තීය ජීවිතය අරඹා වන රක්ෂණ දෙපාර්තමේන්තුවේ සහකාර වන රක්ෂකවරයකු ලෙස සේවයට පැමිණ එම තනතුර දැරූ තම මිතුරු නිලධාරියා සමග ජීප් රථයෙන් උදේ පාන්දර පිටත් වෙන්නේ කැලෑ තුළට රිංගීමටය.

රත්නපුරයේ සිට කිලෝ මීටර් 30ක් තරම් දුරින් පිහිටි බඹරබොටුව, නාහිටිය, වේවැල් කඳුර, දෙල්වල වළංකන්ද ආදි කැලෑ තුළට හිමිදිරියේම පින්න ඇඟේ වදිද්දී මේ දෙමිතුරන්ට ඉරුම්වාඩි හමුවෙයි. එක ඉරුම් වාඩියක පලංචියක් කුඩා වාඩියක්, කුඩා මුළුතැන්ගෙයක් ලී කඳන් නිමවා තිබුණි.

සෑම වාඩියකම දෙදෙනෙකු වෙයි. ඔවුන්ට කියන්නේ ‘‘ඉරුම් කුට්ටම්’’ කියාය. ඉරුම් කුට්ටම බොහෝ විට තරුණයන් දෙදෙනෙකු (තනිකඩයන්) ගෙන් සමන්විතය. එසේ බඳවා ගත්තේ ඈත පළාත්වල සිට පැමිණෙන මෙම පිරිමි උදවිය පවුල් බර ඇතිව පැමිණියොත් ඔවුන්ගේ සිතිවිලි, රාජකාරියට වඩා තම නිවස වෙත යොමුවන බැවිනි.

ඒ නිසා මෙම සගයන් දෙදෙනා උයා පිහා ගත්තේ එකටය. අහළ පහළ ඇති ගමේ හෝ කැලයට පහළින් ඇති නගරයට හෝ යන්නේ ජෝඩුවක් ලෙසය. සරොම් බැනියම් ආදිය මිලදී ගත්තේ එකම මෝස්තරයෙකි. බැරිවෙලාවත් උණක්, බඩේ අමාරුවක් සීතලක් හැදුණොත් රෝහලට හෝ ගමේ වෙද මහතා හමුවන්නට යන්නේ එක අයෙක් අනෙකා වත්තන් කර ගෙනය.

සැබැවින්ම ඔවුන් කුට්ටමකි. ජෝඩුවකි. එකට සිතන, එකට ජීවත්වෙන නිවුන් සොහොයුරන් බඳුය. කැලෑ රාජකාරියට යන නිලධාරින් දෙදෙනාද ඒ වාගේමය. මේ දෙදෙනාටම පෙම්වතියෝ නැත. ගේ දොර බො​ෙහා් ඈතය. ඔවුන් දෙදෙනාට ඔවුන් දෙදෙනා පමණි. ඔවුන් ද කුට්ටමකි. ජෝඩුවකි. මල් පැන් පොදක් රහ බැලුවෙත් එකටය.

සම්මානනීය ගීත රචක වසන්ත කුමාර කොබවක මේ කෑලෑ නිලධාරින් දෙදෙනාගෙන් කෙනෙකි. ඔහු ලියූ ‘‘පළංචියේ ලී ඉරුවේ අපි එකට’’ ගීතයට වස්තු බීජය ලැබුණේ මේ පරිසරයෙනි. ඔහු මේ ගැන කියන්නේ මේ කතාවය.

‘‘මේ ඒකාත්මික සගයන්ගේ රිද්මය එකක්. කියත ඉහළ පහළ යයි. උඩ සිටින සගයා නිවැරැදි ඉර දිගේ කියත යොමු කරනවා. පහළ සිටින්නා ලී කුඩු සැර විඳිමින් නැවත කියත පහළට ඇද ඉහළට යවයි. මේ රංගනය එකම තනුවකට එකට සිදුවෙන රැඟුමකි. රූස්ස කැලෑවේ අපි ඉන්නේ ඉහළය. වාඩිය මැද හරියෙ. ගම්මානය පහළින්ය. ඊළඟ දොළ පාර ළඟ වාඩියයි.

පහළින් ඇති ගමේ ළඳුන් මේ දොළ මායිම දිගේ ඉහළට එන්නේ බොහෝ විට දර කැඩීමටයි. චීත්ත රෙද්ද හැට්ටය හෝ චීත්ත ගවුම් ඇඳ එන යුවතියෝ කැලෑවට අලුත් හැඩයක් වර්ණයක් ගෙන එයි. මේ පාළු වන වියනට ඒ දසුන අප්‍රමාණ විශ්මයකි. ඔවුන් මිහිබට සුර ළඳුන් වැනිය. මේ දර්ශනයෙන් මගේ සගයා මහින්දට ප්‍රශ්නයක් ඇති වෙයි. දිනක් මගේ සගයා හා මම ඉරුම් සගයන් හා මල් පැණි බොමින් කතාවට වැටුනා.

සම්මානනීය ගීත රචක වසන්ත කුමාර කොබවක මේ කෑලෑ නිලධාරින් දෙදෙනාගෙන් කෙනෙකි. ඔහු ලියූ ‘‘පළංචියේ ලී ඉරුවේ අපි එකට’’ ගීතයට වස්තු බීජය ලැබුණේ මේ පරිසරයෙනි. ඔහු මේ ගැන කියන්නේ මේ කතාවය.

‘‘මේ ඒකාත්මික සගයන්ගේ රිද්මය එකක්. කියත ඉහළ පහළ යයි. උඩ සිටින සගයා නිවැරැදි ඉර දිගේ කියත යොමු කරනවා. පහළ සිටින්නා ලී කුඩු සැර විඳිමින් නැවත කියත පහළට ඇද ඉහළට යවයි. මේ රංගනය එකම තනුවකට එකට සිදුවෙන රැඟුමකි. රූස්ස කැලෑවේ අපි ඉන්නේ ඉහළය. වාඩිය මැද හරියෙ. ගම්මානය පහළින්ය. ඊළඟ දොළ පාර ළඟ වාඩියයි.

පහළින් ඇති ගමේ ළඳුන් මේ දොළ මායිම දිගේ ඉහළට එන්නේ බොහෝ විට දර කැඩීමටයි. චීත්ත රෙද්ද හැට්ටය හෝ චීත්ත ගවුම් ඇඳ එන යුවතියෝ කැලෑවට අලුත් හැඩයක් වර්ණයක් ගෙන එයි. මේ පාළු වන වියනට ඒ දසුන අප්‍රමාණ විශ්මයකි. ඔවුන් මිහිබට සුර ළඳුන් වැනිය. මේ දර්ශනයෙන් මගේ ‘‘ඈ මලයෝ උඹලා මේ තනි පංගලමේ ඉන්න කොට අර දර කඩන්න එන කෙල්ලෝ දැක්කම උන් ගැන හිතක් පහළ වෙන්නෙ නැද්ද බං. උඹලත් තනිව නෙ ඉන්නෙ. හරි උඹලා එක කෙල්ලකට වහ වැටුණොත්.’’

‘‘එහෙම වුණොත් ඉතින් එකාට එකා හොරෙන් බහ දෙනවා. කෙල්ල කැමති එකාටනෙ. අනිකට වෙන්නේ මරාගෙන මැරෙන්න. නැත්නම් වහ කන්න’’
‘‘ඉතින් මං එතකොට උඹලගේ ඔය ඉරුම් කුට්ටම් දීගෙත් ඉවරයි නෙ’’

‘‘ඔව් සර්. එහෙම වෙච්ච ඒවා තියෙනවා. එකෙක් ඉරුම් පිහි පාර කාලා අබ්බගාතයෙක් වුණා. අනෙකා මාස ගණනකට හිරේ ගියා.
මේ කතා අහගෙන හිටිය මගෙ මුවින් මේ පද වැල මිමිණුනා.

‘‘එක වාඩියේ කල් ඇරියෙත් හිත හොඳට ඇයි මස්සිනේ පෙම් කලෙ අපි එක මලට’’

මමත්, මහින්දත් කැලයෙන් එළියට ඇවිත් ජීප් රථයෙන් නවාතැනට පැමිණියා. දෙන්නම නිහඬයි කතා නැහැ. රෑ ඉක්මනට නින්දට ගියා. හරි හමන් නින්දක් නැහැ වගේ.සගයා මහින්දට ප්‍රශ්නයක් ඇති වෙයි. දිනක් මගේ සගයා හා මම ඉරුම් සගයන් හා මල් පැණි බොමින් කතාවට වැටුනා.

දොඩමළු කතා නැහැ අද වාඩියේ සෙවනේ – නිදි නැති රැය පුරා නුඹේ සුසුමයි ඇසුනේ

ටික කලකින් වන සංගණන ව්‍යාපෘතිය අවසන් වුණා. මා අතින් මේ ගීතය ලියවුණා. මම මේ ගීය ගායන ශිල්පී සුනිල් එදිරිසිංහට යොමු කළා. ඔහු මේ ගීතය රෝහණ අයියාට (ආචාර්ය රෝහණ වීරසිංහ) තනුව නිර්මාණය කරල සංගීතය නිමවන්න දුන්නා. මේ ගීතය පිරිමි යුගල ගායනයකට සුදුසු නේදැයි කීවේ රෝහණ අයියා ගීතයේ කවි ගායනා කොටස් හා වෙනත් රිද්ම කොටස ලෙස ගායනා කරන්නටත් සහාය ගායනයට ‘‘එඩ්වඩ් ජයෙකාඩි’ ව තෝරා ගන්නත් තීරණය කළේ රෝහණ අයියා. ඒ ඔහුගේ ඉන්ද්‍රජාලික තනු නිර්මාණ හැකියාව නිසාය.

සුනිල් හා එඩ්වඩ් ගායනා ලෝකයේ ගමන් සගයෝ (ඉරුම් සගයෝ කැලයේ සගයෝ වගෙ) නිසා ගායනයේ දි ඒකාත්මික වෙන්නට හැකි වුණා. සමාන්තරව සුගම ගායන හැකියාව නිසා’’ වසන්ත තම ගීතයේ පදරුක පැහැදිලි කළේය.

අද වෙන විට තෙත් කලාපීය කැලෑවල දැව හෙලීම් නතර වී ලී වලින් සිල්පර වෙනුවට සිමෙන්ති සිල්පර පැමිණීම නිසා ඉරුම් කුට්ටම් අතීතයට ගිහින් බවයි වසන්ත පවසන්නේ. දොළ පාරේ ඉහළට දර කඩන්නට එන ගෙදර ගැටිස්සින්ගේ දියණියෝ ගැමි ගෙදර වෙනස් කරලා බව ඔහු කියයි. මේ ගීතය ලිව්වේ. 1986 වසරේය. දැන් වසර 38 කට ඉහතය.

මේ ගීත​ෙය් තනු නිර්මාණය කළ ආචාර්ය රෝහණ වීරසිංහයන් ප්‍රකාශ කළේ ගීතය නිර්මාණය කිරීමේ දී කවියක හැඩයකින් ලියූ මේ රචනාවට ජන ගී ආශ්‍රතව තනුවක් යෙදූ බවය. එහෙත් ආරම්භය ඒ ජන ගී ආකෘතියෙන් මිදී ස්වාධීන තනුවකින් හැඩ කළ බවයි.

ඒ.ඩී. රන්ජිත් කුමාර

Source Link : Wishma Lokaya

කාර්යබහුල ජීවිතයකට පවුල් සැලසුම් ක්‍රම – පාලන ක්‍රම රැසයි – තමන්ට ගැළපෙනම ක්‍රමය තෝරාගන්න

ඇය ගැන ඔහුගේ සිත ආදරයෙන් බැඳුණු පසු ඇයගෙන් පිටවෙන සෑම වචනයක්ම (අණක් වුවත්) ඔහුට මිහිරි මීපැණි බඳුය. ඒ තෙපුල් ඔහුගේ දවස මෙහෙය වන්නේ ඉර හඳ වගෙයි. එහෙත් විවාහයෙන් පසු දෙදෙනාම එක් වී ගතයුතු තීරණවලදී පවා අණ දෙන නිලධාරියා වන්නේ ඔහුයි. පවුලට අවශ්‍ය දරුවන් ගණන තීරණය කිරීම තමන්ගේ අයිතියක් පමණක් කියා සිතන සැමියන් කොපමණ නම් සිටිනවාද?

එහෙත් එයින් අඳුරු වන්නේ දෙදෙනාගේ යුග ජීවිතයයි. වඩාත් අසරණ වන්නේ බිරියයි.නීති විරෝධී ගබ්සාවන් වැඩි ගණනක් සිදුකර ගන්නේ විවාහක කාන්තාවන්ය. සැලසුම් නො කළ ගැබ් ගැනීමක විත්තිකාරිය බිරිය බවට පත් කරන්නේ සැමියායි.

මෙසේ වන්නේ ඇයි?

ගැබ් ගැනීමක් සිදු වන්නේ කෙසේද? කවර කාලයක එක්වීමක් එයට බලපාවිද? එවැනි ගැබ් ගැනීම් වළක්වා ගන්නේ කෙසේද? කියා විවාහක ජෝඩු වැඩි ගණනකට අවබෝධයක් නැත.දරුවකු බලාපොරොත්තු නො වන අවස්ථාවකදී ගත යුතු පවුල් සැලසුම් ක්‍රම රාශියක් අද ඇත. පවුල් සංවිධාන ක්‍රමයක් භාවිත කළත්, නිවැරැදි උපදෙස් පිළිපදිමින් ඒ ක්‍රමය භාවිත නො කිරීම තවත් වරදකි. සමහරු භාවිත කරන්නේ තමන්ට ගැළපෙන ක්‍රම නො වෙයි.

සැලසුම් නොකළ ගැබ් ගැනීමක් නිසා යුග දිවිය පඹ ගාලක පැටලෙයි

දරුවා බිහි කිරීමට තීරණය කිරීම මෙහිදී යුවළකට ගතහැකි හොඳම තීරණයයි. එහෙත් වැඩි දෙනෙක් නීති විරෝධී ගබ්සාවන් කිරීමට පෙළඹෙති. මෙවැනි දරුවකු ඉපදුණත්, ඒ දරුවාට අනෙක් දරුවන්ට තරම් ආදරයක් මාපියන්ගෙන් නො ලැබෙන්නටත් ඉඩ ඇත. සූදානමක් නොමැති ගැබ් ගැනීම මවගේ කායික, මානසික සෞඛ්‍යයට ඇති කරන්නේ යහපත් බලපෑමක් නො වෙයි. පියාගේ යහපත් මානසිකත්වයට වුණත් ඉන් වන්නේ අවැඩක්මයි.

පවුලක් නිවැරැදි ලෙස සැලසුම්කර ගැනීමේ ප්‍රතිලාභ මොනවාද?

අනවශ්‍ය දරු පිළිසිඳ ගැනීම් වළක්වා ගැනීමට හැකි වීම.

දරුවන් අතර පරතරයක් තබා ගත හැකිවීම. මෙයින් මවගේත්, දරුවාගේත් සෞඛ්‍යයට සැලසෙන්නේ විශාල වාසියකි. දරුවාගේත්, මවගේත් පෝෂණය, සෞඛ්‍ය ඉහළ නැංවෙයි.

අඩු වයසින් ගැබ් ගැනීමත්, වැඩි වයසින් ගැබ් ගැනීමත් වළක්වාගත හැකියි. එයත් මව, දරුවා යන දෙදෙනාටම ලැබෙන විශාල සෞඛ්‍යමය වාසියකි.|

ප්‍රජනක පද්ධතිය ආශ්‍රිත පිළිකා සෑදීම අවම කරගත හැකි වීම.

අලුත උපන් සහ වයස අවුරුදු පහට අඩු දරුවන්ගේ මරණ සංඛ්‍යාව අවම කරගත හැකි වීම.

පවුල් සැලසුම් සේවාවන් ලබා ගත හැකි ස්ථාන මොනවාද?

1. සෞඛ්‍ය වෛද්‍ය නිලධාරී සායන (එම් ඕ එච්)

2. පවුල් සෞඛ්‍ය කාර්යාංශය (ෆැමිලි හෙල්ත් බියුරෝ), 231, ද සේරම් පෙදෙස කොළඹ 10. දු. අං: 2681309, 2681311, 2696677

3. රජයේ රෝහල්වල පවත්වන පවුල් සංවිධාන සායන

ප්‍රජනක සෞඛ්‍ය සායන / පවුල් සෞඛ්‍ය සායන
පවුලේ වෛද්‍යවරයා
පෞද්ගලික රෝහල්
ශ්‍රී ලංකා පවුල් සංවිධාන සංගමය දු: අං: 2554728, 2584153, 2584157

තාවකාලික පවුල් සංවිධාන ක්‍රම මොනවාද?

කොන්ඩමය

සාර්ථක තාවකාලික පවුල් සංවිධාන ක්‍රමයකි. මෙයින් සරු බවට ද බලපෑමක් සිදු නොවෙයි. නිසි අන්දමට භාවිතයෙන් 97% කට වැඩි සාර්ථක්වයක් බලාපොරොත්තු වීමට පුළුවන. මේ ක්‍රමයෙන් කායික සබඳතා මඟින් සම්ප්‍රේෂණය වන රෝගවලින් ආරක්ෂාවක් සැලසෙයි. අවශ්‍ය අවස්ථාවලදී පමණක් භාවිත කළ හැකියි.

ඇති විය හැකි එකම අතුරු ආබාධය මෙය නිපදවා ඇති රබර්, ලේටෙක්ස් හෝ එහි ලිහිසි ද්‍රව්‍යවලට කලාතුරකින් කෙනකු අසාත්මික විය හැකි වීමයි. එවිට වෙනත් කොන්ඩම් වර්ගයක් තෝරා ගැනීමට පුළුවන. දැන් සතුට වැඩි කරන කොන්ඩම් ද තිබේ.

මේවා ගබඩා කළ යුත්තේ හිරු එළියට නිරාවරණය නො වන පරිදි සිසිල් වියළි තැනකයි.

මිල දී ගැනීමට පෙර කල් ඉකුත්වන දිනය පරීක්ෂාකර බලන්න. භාවිතෙන් පසු දරුවන්ට, සතුන්ට, අනෙක් අයට අසු නොවන ලෙස වළලා දමන්න. එසේත් නැත්නම් පුළුස්සන්න.

කාන්තාවන්ට ද දැන් මේ උපත් පාලන ක්‍රමය භාවිත කළ හැකියි. පළමුවරට භාවිත කිරීමේදී පවුල් සෞඛ්‍ය නිලධාරිණියගෙන් උපදෙස් ලබා ගන්න.

හෝර්මෝන ක්‍රම

ගර්භණී භාවය වැළැක්වීමට යොදාගත හැකි හොඳම ක්‍රමයක්. මේ අතරින් වඩාත් ජනප්‍රිය පවුල් සැලසුම් පෙතියි.

උපත් පාලන පෙති ගැනීමෙන් සැලසෙන වාසි මොනවාද?

භාවිතයට පහසුයි. නැවත ඉක්මනින් සරු භාවයට පත්විය හැකියි. උපත් පාලනයට අමතරව සැලසෙන තවත් වාසියක් තිබේ. ඒ පියයුරු ඇතුළු ප්‍රජනක පද්ධතිය ආශ්‍රිත පිළිකා සෑදීමේ ඉඩකඩ අවම වීමයි. ආරක්ෂාවක් සැලසීමයි. හෝර්මෝන පෙති ඔසප් වීම ඇරැඹුණු පළමු දිනයේදීම ගැනීම වඩාත් සුදුසුයි. එසේත් නැත්නම් ඔසප් වීම ඇරැඹී පළමු දින පහ ඇතුළත පළමු පෙත්ත ගත යුතුයි.

ගැබ් ගෙන නැති බව තහවුරු කරගෙන පෙති ගැනීම ඇරැඹීමටත් පුළුවන. පෙති ගත් පළමු දිනයේ සිට දින 7 ක් යනතුරු සම්බන්ධයකදී කොන්ඩමයක් භාවිත කිරීම වඩාත් සුදුසුයි.

විවාහ වූ සැනින්ම දරුවකු පිළිසිඳ ගන්නවාට අකැමැති නම් විවාහයට මාසයකට හෝ මාස දෙකකට පෙර සිට පෙති ගන්න. දරු ප්‍රසූතියට පසු මවුකිරි දෙන මවක් නම් දරුවාට මාස හයක් පිරුණු පසු යළි පෙති ගැනීම ඇරැඹිය හැකියි. (එන්නත් ගන්නා කාන්තාවන්ට ද එන්නත් ගැනීම මෙසේම සිදු කිරීමට පුළුවන්).

උපත් පාලන හෝර්මෝන එන්නත් භාවිතකළ කාන්තාවක හෝ ගර්භාෂය තුළ තැන්පත් කරන ලූපයක් භාවිත කළ කාන්තාවක නම් ඔසප් වීම ඇරැඹී පළමු දින පහ ඇතුළතදී පෙති ගැනීම අරඹන්න. මෙහි සාර්ථක භාවය 99.99% ක්.

උපත් පාලන පෙති අවිවාහක තරුණියන්ට ද වෛද්‍යවරයා නිර්දේශ කරන අවස්ථා තිබේ. ඒ ඔසප් වීමේදී අධික ලෙස රුධිර වහනය වනවා නම්, ඔසප් චක්‍රය අක්‍රමවත් නම්, ඒ කාලයේදී අධික උදර වේදනාවක් ඇති වෙනවා නම්, ඔසප් වීම ප්‍රමාද කිරීමට අවශ්‍ය නම් උපත් පාලන පෙති ලබා දෙයි. ඔසප් ආසන්නයේදී ඇතිවන සාමාන්‍ය ශාරීරික අපහසුතා, කුරුලෑ හටගැනීම මේ පෙති ගැනීමේදී අඩු වේ.

දරුවකු අවශ්‍ය නම්

උපත් පාලන පෙති ගැනීම නවත්වා මාස තුනකට පමණ පසු යළි සුපුරුදු පරිදි සරු කාලය උදා වෙයි. එනම් මාස තුනකට පමණ පසු යළි ගැබ්ගත හැකියි.

අතුරු ආබාධ තිබෙනවාද?

සිරුරට හානි නො වන තාවකාලික ගැටලු ඇතැම් කාන්තාවන්ට ඇති විය හැකියිි. ඒවා පෙති ගැනීම අරඹා මාසයකට, දෙකකට පසුව නැති වී යයි. ඔක්කාරය, වමනය, හිසරදය, කරකැවිල්ල, පියයුරුවල වේදනාව, ඔසප්වීම් අතරතුර මඳ වශයෙන් සිදුවන රුධිර වහනය එම අතුරු ආබාධයි.

පවුල් සැලසුම් එන්නතෙන් ලැබෙන වාසි මොනවාද?

මෙය ඉතා සාර්ථක ක්‍රමයකි. ආර්තවහරණය සිදුවනතුරු වුණත් ආරක්ෂිතව භාවිතකළ හැකියි. භාවිත කළ යුතු වන්නේ මාස 3 කට වරක් පමණයි. මිලෙන් අඩු පහසුවෙන් ලබා ගත හැකි ක්‍රමයකි.

පවුල් සැලසුම් එන්නතෙහි අඩංගුව ඇත්තේ ප්‍රොජෙස්ටරොන් හෝර්මෝනයයි. එන්නත් කරනු ලබන මාංස පේශියේ සිට ක්‍රමයෙන් ටිකින් ටික රුධිරයට හෝර්මෝනය නිකුත් කරනු ලැබේ. මෙයින් ද උපත් පාලන පෙතිවලින් කෙරෙන දේම සිදු වෙයි.

එන්නත් ගැනීම ආරම්භ කළ යුත්තේ කවදා ද?

ඔසප් වීම ඇරැඹී පළමු දින 7 ඇතුළත ඇරැඹීම වඩාත් සුදුසුයි. ඒසේත් නැත්නම් උපත් පාලන පෙති ගැනීම අරඹන පරිදිම, එන්නත් ගැනීම ද ආරම්භ කළ හැකියි.

වෙනත් පවුල් සැලසුම් ක්‍රමයක්භාවිතකර එන්නත් භාවිතයට යොමු වනවා නම් ?

උපත් පාලන පෙති ගත්තා නම් ඕනෑම අවස්ථාවක එන්නත් ලබා ගැනීමට පුළුවන්. පෙති පැකැට්ටුව ගෙන අවසන් වූ පසු ලබා ගැනීම වඩාත් සුදුසුයි. සම යට තැන්පත් කරන හෝර්මෝන කරල් භාවිත කළේ නම්, ඒත් ඕනෑම අවස්ථාවක එන්නත් ගතහැකියි. ගර්භාෂය තුළ තැන්පත් කරන ලූපයක් භාවිත කළේ නම් ඔසප් වීම ඇරැඹී පළමු දින 5 තුළ ලබා ගත යුතුයි.

එන්නත ලබා ගත යුත්තේ ?

මාස තුනකට (දින 90 කට) වරක්. එන්නත ලබා ගත් පසු එම තැන සම්භාහනය කිරීමෙන් වළකින්න. මෙහි සාර්ථක භාවය 99.97% කි.

නියමිත දිනට එන්නත ලබා ගැනීමටනො හැකි වූවා නම් ?

නියමිත දිනය පසු වී සති 4 ක් ගතවන තුරු එන්නත ලබා ගැනීමට පුළුවන. එහෙත් උපත් පාලන ක්‍රියාවලිය අසාර්ථක වීම වැළැක්වීම සඳහා සෑම දින 90 කට වරක්ම එන්නත ලබා දෙන්න. සති හතරකට වඩා පමා වුණොත් ඉදිරි දින හත තුළ කොන්ඩමයක් භාවිත කරන්න. එසේ නැත්නම් අනාරක්ෂිත, හදිසි සබඳතාවකදී ගත යුතු පෙති ගන්න.

නැවත සරු භාවය ලබා ගත හැකි කාලය ?

එන්නත නතර කර නැවත ගැබ් ගැනීමට ගතවන කාලය පුද්ගලයාගෙන් පුද්ගලයාට වෙනස්වේ. සාමාන්‍යයෙන් එන්නත නතරකර මාස 7 – 12 ක් වැනි කාලයකදී යළි ගැබ් ගත හැකියි.

අතුරු ආබාධ මොනවාද?

ඔසප් චක්‍රය අක්‍රමවත්වීම (ඔසප් නතර වීම, බින්දු වශයෙන් රුධිර වහනය, අක්‍රමවත් රුධිර වහනය හෝ

කලාතුරකින් රුධිර වහනය වැඩි වීම වැනි), ආහාර රුචිය වැඩි වී සිරුරේ බර වැඩි වීම, හිසරදය, කරකැවිල්ල, මඳ වශයෙන් ඇතිවන පියයුරු වේදනාව හෝ විශාල වීම.

එන්නත වඩා සුදුසු වන්නේ කාට ද?

  • කිරි දෙන මවුරුන්
  • දරුවන් අවශ්‍ය ගණන සිටින හෝ දරුවන් ගණන සීමා කිරීමට අවශ්‍ය මවුවරුන්ට.
  • දරුවන් අතර නිසි පරතරයක් ඇතිකර ගැනීමට බලාපොරොත්තු වන මවුවරුන්ට.
  • ඊස්ට්‍රජන් හෝර්මෝන භාවිතය නුසුදුසු කාන්තාවන්ට.
  • එන්නත් භාවිතයෙන් බලපෑමක් සිදු විය හැකි රෝගී තත්ත්වයන් නොමැති වයස අවුරුදු 50 ට අඩු ඕනෑම කාන්තාවන්ට.

සම යට තැන්පත් කරන හෝර්මෝන කරල්

මේ දිගුකාලීන ක්‍රියාකාරිත්වයක් සහිත ප්‍රොජෙස්ටරෝන් පමණක් අඩංගු පවුල් සැලසුම් ක්‍රමයකි. විවිධ වෙළෙඳ නාමවලින් කරල් වර්ග ඇති අතර ඒවායේ ක්‍රියාකාරී කාලය වර්ගය අනුව වෙනස්වේ.

ඔසප් වීම ඇරැඹී ඇත්නම් පළමු සතියේදී හෝ කිරි දීම අරඹා සති හයකට පසුව හෝ මාස තුනට පසු ගබ්සාවක් වී ඇත්නම් පළමු සතියේ ද, ඊට වැඩි

මාස ගණනකදී ගබ්සා වී ඇත්නම් සති හතරකට පසුව ද හෝර්මෝන කරල් තැන්පත් කළ හැකියි. උපත් පාලන පෙති භාවිත කළා නම් ඕනෑම අවස්ථාවක ද, පවුල් සැලසුම් එන්නත් භාවිත කළේ නම් අවසාන එන්නත් කිරීමේ දින සිට දින 90 ක් ඇතුළත ද, ලූපයක් භාවිත කළේ නම්, ඔසප් වීම ඇරැඹී පළමු දින පහ ඇතුළත ද හෝර්මෝන කරල් තැන්පත් කිරීමට පුළුවන.

හෝර්මෝන කරල් 99.9% ක් සාර්ථකය. ඔසප් වී පළමු දින පහ ඇතුළත තැන්පත් කිරීමෙන් ඉතා ඉක්මනින් සාර්ථක ප්‍රතිඵල ලබා ගත හැකිය.

මේ කරල් පුහුණුවලත් පුද්ගලයකුට කියා විසබීජහරණය කළ පරිසරයකදී තැන්පත් කළ යුතුයි. තැන්පතුව ඉවත් කළ වහාම යළි සුපුරුදු පරිදි සරු බව ලැබේ.

වයසින් වැඩි කාන්තාවකට පවා මේ ක්‍රමය සුදුසුයි. හෘද කපාට ආශ්‍රිත රෝගී තත්ත්ව ඇති අයටත් තැන්පතු ක්‍රමය ගැළපෙයි. කරල් තැන්පත් කිරීම නිසා ඔසප් චක්‍රය අක්‍රමවත් වීම, හිසරදය, කරකැවිල්ල, ආහාර රුචිය වැඩි වීම, සිරුරේ බර වැඩි වීම වැනි අතුරු ආබාධ ද ඇතිවීමට පු‍්‍රළුවන.

ගර්භාෂය තුළ තැන්පත් කරන ලූපය

ලූපය ඔසප් වී පළමු දින 12 ඇතුළත තැන්පත් කළ හැකිය. දරු ප්‍රසූතියට පසු හෝ ගබ්සාවකින් පසු ලූපයක් භාවිත කරනවා නම් ප්‍රසූතියෙන් සති හතරකට පසු තැන්පත් කරන්න. වෙනත් පවුල් සැලසුම් ක්‍රමයක් භාවිත කළ කෙනකුට පවා පසුව මේ ක්‍රමය භාවිත කළ හැකියි. පුරා දස වසරක් ගැබ් නොගෙන සිටීමට මේ ක්‍රමය කදිමයි.

ලූපය ඉවත් කළ වහාම යළිත් සරු කාලය උදා වෙයි. සිරුරේ හෝර්මෝනවලට බල නොපාන නිසා කිරි දෙන මවුවරුන්ට ලූපය අපූරුවට ගැළපෙයි. ගර්භාෂය තුළ ලූපය තැන්පත් කළ මුල් පැය 24 – 28 දී උදරය මිරිකනවාක් වැනි වේදනාවක් ඇති වීම ස්වභාවිකය.

මුල් සති 3 – 4 දී යෝනි මඟින් සුළු වශයෙන් රුධිරය පිට වීමට ඉඩ තිබේ. සමහරුන්ට ඔසප් වීමේදී අසාමාන්‍ය ලෙස රුධිරය පිට වීමට ද පුළුවන.

මිරේනා ගර්භාෂයේ තැන්පත් කරන ලූපය වැනි තවත් උපකරණයකි. මෙයත් පුහුණුවලත් සෞඛ්‍ය නිලධාරියකු විසින් තැන්පත් කළ යුත්තකි. මේ තැන්පතුව නිසා පස් වසරක් ගැබ් නොගෙන සිටිය හැකියි. ආර්තවයේදී අධික රුධිර වහනයක් සිදුවන, නීරක්තියට ගොදුරුවීමේ අවදානමක් ඇති අයට මේ ක්‍රමය කදිමට ගැළපෙයි.

ස්ථිර උපත් පාලන ක්‍රමය

දරු පවුල සම්පූර්ණ නම්, තවදුරටත් දරුවන් අනවශ්‍ය නම් ස්ථිර උපත් පාලන ක්‍රමයකට යොමු විය හැකිය. දරුවා බිහිකර පළමු පැය 48 දී කාන්තාවට ස්ථිර උපත් පාලනය සඳහා සැත්කම කිරීමට පුළුවන. දරු උපතින් සතියකට, සති අටකට පසුව ද සැත්කම් කළ හැකිය.

සාමාන්‍ය කාන්තාවකට ඔසප් වී පළමු දින හතක් තුළ ද සැත්කම කිරීමට පුළුවන. එන්නත් හැර වෙනත් ඕනෑම ක්‍රමයක් භාවිත කළ කතකට ඕනෑම අවස්ථාවක වඳ සැත්කමට යොමු විය හැකියි. එන්නත ගත්තේ නම් අවසන් එන්නතේ සිට දින 90 කදී සැත්කම කිරීමට පුළුවන.

පිරිමියකු වඳ සැත්කමකර මාස 3 ක් යනතුරු උපත් පාලන ක්‍රමයක් භාවිත කළ යුතුයි. වඳ සැත්කම සාර්ථකදැයි බැලීමට මාස 3 කට පසු ශුක්‍ර තරලය පරීක්ෂා කිරීම අනිවාර්යයෙන් කළ යුතුයි.

අනපේක්ෂිත ගැබ් ගැනීම්වලින් රැකගන්නට

නොසිතූ® මොහොතක ඇතිවන සබඳතාවකදී ගැබ් ගැනීමක් සිදු නොවීමට නම් පොස්ටිනෝ පෙති ගත යුතුයි. මේ දිගට ගත යුතු උපත් පාලන ක්‍රමයක් නොවෙයි. අනපේක්ෂිත අවස්ථාවලදී පමණක් ගත යුතු පෙති වර්ගයකි.

පළමු පෙති මාත්‍රාව ගෙන පැය 12 කට පසු දෙවැනි පෙති මාත්‍රාව ගත යුතුයි. අවශ්‍ය නම් ඖෂධ මාත්‍රා දෙකම එකවර ලබා ගැනීමට පුළුවන.

ස්වභාවික උපත් පාලන ක්‍රම අවදානමය. ක්‍රමානුකූ®ල ආර්තව චක්‍රයකදී වුවත් දරුවන් අනවශ්‍ය නම් උපත් පාලන ක්‍රමයක් භාවිත කළ යුතුයි. බර, වයස, ආතතිය, ඖෂධ ආදී විවිධ හේතුන් නිසා අපේ හොර්මෝන වෙනස්වන නිසා ස්වභාවික ක්‍රම ගැන විශ්වාසය තැබීම අනුවණකමකි. කිරි දීමෙන් දරුවකු පිළිසිඳ ගැනීමක් සිදු නොවෙයි කියා සිතුවොත් එයත් වැරැදිය.

උපදෙස් – පවුල් සංවිධාන සංගමයෙන්

Source Link : Wishma Lokaya

වයස 77ක් වූ මේ පාසල් සේවිකාවගේ ජිවිතයේ කිසිවෙකු නොදත් කතාවක් තිබුණා – පුළුවන් නම් අඩන්නේ නැතුව මේ කතාව බලන්න

ෆ්රාන්සස් බසාර්ඩ් කියන්නේ වයස අවුරුදු 77ක් වූ ඇමරිකානු කාන්තාවක්. ඉතාම දුප්පත් ජිවිතයක් ගත කරන ඇය තම රැකියාව ලෙස බටහිර වර්ජිනියා ප්‍රාන්තයේ බේල් මුලික පාසලේ පිරිසිදු කිරීමේ කටයුතු සිදු කරන සේවිකාවක් ලෙස කටයුතු කරනවා. නමුත් ඇය ඔබ අසා ඇති දැක ඇති වෙනත් සනීපාරක්ෂක සේවකයන්ට වඩා වෙනස් ආකාරයකින් තමයි සිය රැකියාව සිදු කරන්නේ.

ඇය නිතරම තමුන් දිනයේ කල යුතු නියමිත වැඩ කටයුතු වලට අමතරව පාසල තුල තවත් බොහෝ වැඩ කටයුතු සිදු කරන්නේ හරිම කැමැත්තෙන්. පන්ති කාමර පිරිසිදු කිරීමට අමතරව ඇය පාසලේ ලී බඩු පවා පොලිෂ් කිරීම සිදු කරනවා. එවැනි අමතර රාජකාරී කරන ලෙසට කිසිවෙකු ඇයට පවසන්නේ නෑ. ඇය ස්වකිය කැමැත්තෙනුයි ඒ දේවල් කරන්නේ. ඇයට අවශ්‍ය පාසලේ ළමුන්ට ආරක්ෂාකාරී හා ඉගෙනගැනීමට හිතකර වටපිටාවක් සැම විටම සකස් කර තැබීමටයි.

ෆ්රාන්සස් සේවිකාව ගැන බේල් මුලික පාසලේ විදුහල්පතිනිය පවසන්නේ මේ අයුරිනි. “ඇය මා මෙන් දෙගුණයක් වයස කාන්තාවක්. එත් ඇය සාමාන්‍ය පිරිසිදු කිරීමේ සේවිකාවක මෙන් තුන් ගුණයක වැඩ කරනවා. ඇය හරිම පුදුම චරිතයක්. පාසලේ සියලුම දෙනා ඇයට හරිම ආදරෙයි”

නමුත් ෆ්රාන්සස්ගේ ජිවිතයේ කිසිවෙකු නොදත් කතාවක් තිබුණා. මේ ගැන පාසලේ විදුහල්පතිනිය දැන ගත් සැණින් ඒ සදහා යමක් කල යුතු යැයි සියලු දෙනා එක හඩින් කියා සිටියා. ඒ සදහා අවශ්‍ය සියලු කටයුතු ලහි ලහියේ සුදානම් උනා.

එක් දිනක උදෑසන එක් වරම පාසලේ ස්පිකර් මගින් මිස් ෆ්රාන්සස්ට ආපන ශාලාව වෙත එන්නට නියෝගයක් නිකුත් කළා. එය කන වැකුණු සැණින් මිස් ෆ්රාන්සස් සියලු වැඩ නවත්වා හැකි ඉක්මනින් ආපන ශාලාව වෙත පිය නැගුවා. ඒ වන විටත් එහි විශාල පාසල් රැස්වීමක් පැවැත්වෙමින් පවතින නිසා කිසියම් හදිසි පිරිසිදු කිරීමක් සදහා තමුන්ට අඩ ගසන බවට ඇය උපකල්පනය කළා.

නමුත් ඇය ආපන ශාලාවට පිය නගන විටම සිදු වුයේ ඇය සිහිනෙන් වත් නොසිතු දෙයක්. ආපන ශාලාවේ රැස් වී සිටි පාසලේ සියලුම ළමයි හා ගුරුවරුන් , සේවකයන් ඇයට සුබ උපන්දිනයක් වේවා යැයි ශබ්ධ නගා කියන්නට උනා. ඔව් අද තමයි ඇයගේ 77 වන උපන දිනය. මෙබදු සැලකිල්ලක් ඇය ජිවිතේ කවදාවත් විද තිබුණේ නෑ. කොටින්ම ඇය වෙනුවන් කවදාවත් උපන්දින සැමරුමක් සිදු කර තිබුණේ නෑ. සුබපැතුම් සමගින් ඇයට පාසල් ළමුන්ගෙන් රසවත් කප් කේක් පිරවූ කරත්තයක්ම තෑගි ලැබුණා.

මේ අහඹු සිදුවීම හමුවේ මිස් ෆ්රාන්සස් ගේ දෙනෙතින් කදුළු කඩා වැටෙන්නට උනා. ඇය ජිවිතයේ කිසි දිනෙක උපන් දින සැමරුමක් විද තිබුණේ නෑ. මගේ දෙමව්පියන් ගොඩක් දුප්පත්. මා වෙනුවෙන් කුඩා කලවත් උපන් දිනයන් සමරන්න ඔවුන්ට හැකියාවක් තිබුණේ නෑ. ඔවුන්ට හැකි අවස්ථා වල පමණක් මට පලතුරු ගෙනවිත් දී තිබුණා. මෙවන් සැලකිල්ලක් මට ලැබුණේ ජිවිතයේ පලමු වතාවටයි. ඇත්තටම මට කියා ගන්න බැරි තරම් සතුටුයි.

පාසලේ සියලු දෙනා මිස් ෆ්රාන්සස් මුහුණ සිප ඇයට සුබ පැතුවා. මිස් ෆ්රාන්සස්ගේ මුහුණ එදින පුරාම දීප්තිමත්ව බැබලුවා. සියලු දෙනාගේ සිත් වලට අමුතුම සතුටක් එකතු කරමින් සුන්දර දිනයක් නිමා වුනේ ලොවට අලුත් පාඩමක් එක් කරමින්. මේ සියලු සිදුවීම ඇතුලත් වීඩියෝව පහලින් බලන්න.

ඔබත් ජිවිතයේ කෙදිනක හෝ ඔබ ළගින්ම සිට ඔබට විශාල සේවයක් සිදු කරන මිනිසෙකුගේ සිතට සතුටක් එකතු කර තිබේද ? එම අත්දැකීම අප හා ෆේස්බුක් පිටුවේ බෙදා ගන්න. අපට කරන දිරි ගැන්වීමක් ලෙස මෙම වටිනා ලිපිය ඔබේ මිතුරන් අතරේ බෙදා හරින්න. ඔබට ජය

Source Link : Wishma Lokaya

ආසාවෙන් ඉගෙන ගන්නා දරුවෙකු බිහි කරන්නේ කොහොමද ? මෙන්න සෑම දෙමාපියෙකුම දැන සිටිය යුතු මන්තරේ

දැඩි ආතතිය හෝ බලපෑම නිසා දරුවාගේ ඉගෙන ගැනීමේ ආශාවන් මොට විය හැකිය. ඉතා බුද්ධිමත් දරුවෙකු වූ දිනුක ඉගෙනීමට දුර්වල දරැවකු වූයේ අම්මාගේ බලපෑම් සහ තර්ජන මතය අධ්‍යාපනික කුසලතාවන්ට දරුවන් යොමු කරන ආකාරය දිනුකගේ කතාව ඇසුරෙන් සාකච්ඡා කරන්නටයි අපි මේ යන්නේ.

විනෝදයෙන් ඉගෙන ගැනීම

ඕනෑම දරුවෙකුට ඉගෙන ගැනීමට හැකියාවක් ඇත. එසේ හැකියාවක් නැතිනම් එම දරුවා විශේෂ ආබාධයකින් පෙළෙන දරුවෙක් විය හැකිය. බොහෝ දරුවන් තුළ මේ සැඟවී ඇති හැකියාව ඉස්මතු කර ආශාව ඇති කරවන පරිසරයක් නිර්මාණය කිරීම දෙමාපියන් සහ ගුරුවරුන්ගේ වගකීමයි.

අසාමාන්‍ය ලෙස දරුවන්ගේ මනස මෙහෙය වීම, නිතරම බල කිරීම, ඇගයීමකට ලක් නොකිරීම, ඕනෑවට වඩා දරුවාගෙන් බලාපොරොත්තු වීම, අනාගතයට හෝ ජීවිතයට බය කිරීම, සෙල්ලම් කිරීමට අවස්ථාවක් ලබා නොදීම, අනිත් දරුවන් සමඟ හෝ පන්ති කාමරයේ සිටින දරුවන් සමඟ සංසන්දනය කිරීම මෙවැනි හේතු නිසා දරුවා තුළ සැඟවී ඇති හැකියාවන් යටපත් වී ඔහු හෝ ඇය ඉගෙනීමට දුර්වල පුද්ගලයෙක් බවට පත්විය හැකිය.

අපි මෙවැනි දරුවෙකු පිළිබඳ උදාහරණයක් මඟින් තේරුම් ගැනීමට උත්සාහ කරමු

දිනුකගේ වයස අවුරුදු 07යි. කොළඹ ප්‍රධාන පාසැලක ඉගෙනුම ලබන හුරුබුහුටි සෙල්ලමට බර දරුවෙකු විය. දිනුකගේ මව ගුරුවරියක්. පියා රාජ්‍ය ආයතනයක සේවකයෙකු ලෙස සේවය කරයි. දිනුක අපට කළුබෝවිල රෝහලට යොමුවූයේ නිතරම පවතින හිසේ කැක්කුමක් සහ පන්ති කාමරයේ වැඩවලට (විෂයන්ට දැක්වූ) අවදානය මෙන්ම ලකුණු ද අඩුවීම නිසාය. පන්ති කාමරයේ දිනුකගේ ගුරුතුමිය දිනුකව හඳුනාගෙන තිබුණේ ඉගෙන ගැනීමට අදක්ෂ දරුවකු ලෙසය.

අපි පළමුව කරන්නේ මෙවැනි දරුවෙකු බුද්ධි පරීක්ෂණයට ලක්කිරීමයි. බුද්ධි පරීක්ෂණයක් මඟින් ඔහු හෝ ඇය බුද්ධිය අඩු දරුවෙක් ද සාමාන්‍ය දරුවෙක් ද කියලා හඳුනාගන්න පුළුවනි,.

දිනුක ද බුද්ධි පරීක්ෂණයකට ලක් කළා. ඔහු බුද්ධි පරීක්ෂණයේදී ලකුණු 108ක් ලබාගෙන තිබුණා. මින් පෙන්නුම් වී තිබුණේ දිනුක ඉතාමත් හොඳ බුද්ධි ප්‍රභාවකින් හෙබි දරුවෙකු බවයි. එසේ නම් දිනුකගේ ඉගෙනීමේ හැකියාවන් දුර්වල වූයේ ඇයි? දිනුකත් සමඟ අපි වෙනමම කතා කළා. දිනුක මෙහෙම කිව්වා.

මගේ අම්මා හරිම සැරයි. මට සෙල්ලම් කරන්න, නිදහසේ ඉන්න කිසිම වෙලාවක් නැහැ. අම්මට හරියට තරහා යනවා. හැම තිස්සෙම ඇය කියන්නේ මට පාඩම් කරන්න කියලා. මම කොච්චර පාඩම් කරත් අම්මට නම් කිසිම සතුටක් නැහැ. මට තාම මතකයි එක සිද්ධියක්. ගියවාර විභාගයට මට ගණන්වලට ලකුණු 65ක් තිබුණා. අම්මා නිතරම මේක කියවන්න පටන් ගත්තා. මෙහෙම ලකුණු අරගෙන ඉගෙන ගන්නේ කොහොමද කියලා.

අපේ අල්ලපු ගෙදර චතුරංග මල්ලීට හැම වැඩකටම වගේ ලකුණු 80කට වැඩිය තිබුණා. අම්මා නිතරම ඔහු සමඟ මාව සංසන්දනය කරමින් මගේ අඩුපාඩු කිව්වා. මට දැන් පාඩම් කරන්න හිතෙන්නේ නැහැ. හරියටම තරහ යනවා. නිතරම හිසේ බර ගතියක් තියෙනවා. අම්මා මාව වෛද්‍යවරු කිහිපදෙනෙක් ළඟටම රැගෙන ගියා. මාව පෙන්නුවා. සෑම වෛද්‍යවරයෙක්ම පැවසුවේ මට ලෙඩක් නැහැ කියලා.

ප්‍රශ්නය:- දිනුකගේ ප්‍රශ්නය ඔබ දකින්නේ කෙසේද…?

වෛද්‍යවරයාගේ නිගමනය:- වෛද්‍යවරුන්ගේ නිගමනය වූයේ දිනුකව කාංසාව හෙවත් ආතතියකට ගොදුරු වී ඇති බවයි.

කාංසාවේ ලක්ෂණ ඕනෑම දරුවෙකු තුළ යම් අවස්ථාවලදී දැකිය හැක. නමුත් දැඩි කාංසාව හෝ ආතතිය නිසා ඉගෙනීමේ කුසලතාවන් හා හැකියාවන් යටපත් වියහැකිය.

දරුවන් 100 දෙනෙකු ගත්කළ පස් දෙනෙකු මේ තත්ත්වයට ගොදුරු වියහැකි බව වෛද්‍යවරුන්ගේ මතයයි.

කාංසාවේ ලක්ෂණ විවිධ වයස්වලදී විවිධාකාර ලෙස පෙන්නුම් වෙයි. සමහර ළමුන් අඳුරට සහ කැරපොත්තන්ට බය වන අතර මෙවැනි ලක්ෂණ කාලයක් සමඟ නැතිවී යයි. දෙමව්පියන්ගේ ගැටලු නිසා බොහෝ දරුවන් කාංසාව හෙවත් මෙවැනි ආතතීන්ට ගොදුරු විය හැකිය.

1. දරුවා ගැන නොසැලකිලිමත් වීම.

2. දරුවා කෙරෙහි ඇති ආදරය සහ අවධානය අඩුවීම.

3. වැඩිහිටියන් සහ පවුලේ අන් අය සමඟ පවතින සම්බන්ධතාවය අඩුවීම.

සාමාන්‍යයෙන් දරුවන් තුළ දක්නට ලැබෙන කාංසාවේ ලක්ෂණ වැඩිහිටියන් තුළ පෙන්නුම් කෙරෙන ලක්ෂණවලට වඩා වෙනස් වේ.

උදාහරණ

• නින්ද ආශ්‍රිත ගැටලු • කෑම අරුචිය. • තනිව සිටීමට ඇති බිය. • නිතර පවතින බඩේ කැක්කුම. • නිතර ඇතිවන හිසේ කැක්කුම යන ශාරීරික ලක්ෂණවලින් පෙන්නුම් වේ.

දෙමාපිය වැඩිහිටියන් සෑම දරුවකුටම අවශ්‍ය දේ නිසි ලෙස තේරැම් ගැනීමෙන් හා දරුවාට හිතකර සමාජීය පරිසරයක් නිර්මාණය කිරීමෙන් හොඳට ඉගෙනීමට හැකියාවක් ඇති නිර්මාණශීලී අභිමානවත් දරැවකු පිළිබඳ සිහිනය ඔබට සැබෑකර ගතහැක

පහත සඳහන් ක්‍රියාකාරකම් කෙරෙහි ඔබේ මනස යොමු කරන්න

1. දරුවා ක්‍රියාකාරකම්වලට උත්තේජ කිරීම

• දරුවාගේ මොළය උපදිනකොට සම්පූර්ණ නොවේ.

ඔබ කොතරම් ඔහුව/ ඇයව උත්තේජ කරන්නේ ද යන්න මත ඔහු/ ඇයගේ මොළයේ වර්ධනය තීරණය වේ.

• දරුවා යම් ක්‍රියාවකට අනුගත කිරීමේදී ආත්මවිශ්වාසය සහ බුද්ධිය ගොඩනැංවීමට ඔහුව හෝ ඇයව ඇඟයීමට ලක් කළ යුතුය.

උදාහරණ – අපි යම් දරුවෙකු හිරමනයෙන් පොල් බෑයක් ගානවා යයි සිතමු. ඔහු හෝ ඇය තුළ විකසිත වනුයේ ආත්මවිශ්වාසය පමණක් නොව සිතීමේ යාන්ත්‍රනයට අවශ්‍ය ස්නායු පරිපථ දහස් ගණනක් මොළය තුළ නිර්මාණය වීමද සිදුවේ.

2. දරුවා ස්පර්ශ කිරීම

• ස්පර්ශයට භාජනය නොවන දරුවාගේ මොළයේ වර්ධනය ඇන හිටින බව විද්‍යාඥයින්ගේ මතයයි.

• අවම වශයෙන් දවසට 03 වතාවක්වත් සිඹින්න, තුරුළු කරගන්න, අතගාන්න, ළංවෙන්න මෙම ක්‍රියාකාරකම් තුළින් දරුවා තුළ ආදරය සහකම්පනය සහ වේදනය වැනි හැඟීම් ගොඩනැගෙනවාට අමතරව ජීවිතයට මුහුණ දීමට අවශ්‍ය ශක්තිය සහ පෞරැෂය ඔහු තුළ නිර්මාණය වේ.

3. දරුවා සමඟ යාළුවකු සේ සිටින්න

බොහෝ දෙමාපියන් දරුවා සමඟ ගොඩනගා ගන්නා සම්බන්ධතාවය ඉතා දුරස්ථය. දෙමාපියන් කල්පනා කරනුයේ යාළුවන් සේ දරුවන් ළංවීම නිසා ඔහු හෝ ඇය නොමඟ යන බවයි. නමුත් මේ කල්පනාව වැරදි සහගතය. සෑම දරැවෙකුගේම අභිමානය සහ සුරක්ෂිතභාවය වර්ධනය කිරීම සඳහා ඔහු හෝ ඇය යහළුවකු සේ දරුවන්ට සමීප විය යුතුය. මින් අදහස් කරනුයේ දරුවාගේ හැඟීම් තේරැම් ගැනීමත්, ඒවා සාධාරණීයකරණය කිරීමත් ඒවා හී ඇති වාසි හා අවාසි දරුවා සමඟ සාකච්ඡා කිරීමත්ය.

උදාහරණ – ඔබේ දරුවාගේ යම් හැසිරීහකට ඔබට තරහ ගියායැයි සිතන්න. සමහර විට ඔබ දරුවාට එක් වරක් හෝ දෙවරක් රිදෙන්න ගහන්නත් පුළුවන්. නමුත් හැකි ඉතා ඉක්මනින් ඔබ දරුවාව ළඟට ගෙන ස්පර්ශ කර ඔබට තරහ ගිය බවත් එසේ තරහ යාමට හේතුව ඊළඟට පවසන්න. ඒ ගැන ඉතා සරල සංවාදයක් දරුවා සමඟ ගොඩනගන්න.

4. දරුවාට සෙල්ලම් කිරීමට අවශ්‍ය කාලය සපයන්න

කුඩා දරුවෙකු නිතරම ටියුෂන්වලට යොමු කිරීම නිසා සෙල්ලම් කිරීමට ඇති කාලය නැතිවී යා හැකිය. වොෂින්ටන් විශ්වවිද්‍යාලයේදී කරන ලද සමීක්ෂණයෙන් පෙනී ගොස් ඇත්තේ හොඳින් සෙල්ලම් කිරීමට කාලය හා අවකාශය ඇති දරුවන්ගේ මොළයේ වර්ධනය අනෙක් දරුවන්ට වඩා වැඩි බවය.

5. සංගීතය හා නාට්‍ය ආදියට දරුවා යොමු කිරීම

සංගීතයට හා නාට්‍ය ආදියට කුඩා කළ සිට දරුවා යොමු කිරීමෙන් ශක්තිමත් සහ මෘදු මනසක් දරුවා තුළ නිර්මාණය වන අතර සිතීමට සහ තීරණ ගැනීමට ඇති කුසලතා ද වර්ධනය වේ.

6. දරුවා කියවීමට හුරු කරන්න

කුඩා දරුවාට ඇහෙන්නසේ කතා කිරීමෙන් හා එම කතා චිත්‍රයට නැංවීමට දරුවා හුරු කිරීමෙන් ඔහුගේ බුද්ධිමය පාරා වළලු තවදුරටත් පුළුල් කරගත හැක. කියවීමට ආසා ඇති කරවන පරිසරයක් දරුවා තුළ ගොඩනැංවීම සඳහා එහි ඇති වැදගත්කම පිළිබිඹු වන නොයෙකුත් කතාන්තර දරුවාට කියාදීමෙන් සිදුකළ හැක. ඔහුට හෝ ඇයට බලකිරීම කිසිවිටෙක කළයුතු නොවේ. එසේ වූ විට එම හැකියාවන්ම දරුවා තුළ නැතිවී යා හැකිය. විනෝදාත්මක ලෙස ඉගෙන ගැනීමට ඔහුගේ මනස යොමු කළ යුතුයි.

කිරිබත්ගොඩ මූලික රෝහලේ මනෝ වෛද්‍ය නයනානන්ද කුමාරනායක

ලිපි මුලාශ්‍රය – දේශය

Source Link : Wishma Lokaya

හදවතින් ගලන පිටතට නොපෙනන පියෙකුගේ කදුළු – පුළුවන් නම් අඩන්නේ නැතුව මේ කතාව කියවන්න

සති අන්ත ඉරිදා සන්ධ්‍යාවේදී මම අත්‍යාවශ්‍ය කළමනා කීපයක් රැගෙන ඒමට කඩපළට ගියෙමි. තනිව යාම සාමාන්‍ය සිරිත වුවත්, මෙවර තෙහැවිරිදි දියණියද මගේ සුලැඟිල්ලක මොලකැටි දෑතින් එල්ලී සිටියාය. තරමක් විශාල වෙළඳසැලේ ඒ මේ අත සෙනග සැරි සරති. මා බඩු ගන්නා අතරේ දියණිය මගේ සුලැඟිල්ල අතහැර ඇය රිසි තැන්වල ඇවිද්දාය. සියලුම දෙනා මා හඳුනන බැවින් මම ඈ ගැන වැඩි සැලකිල්ලක් නොදැක්වූයෙමි.

මොහොතකින් බලනවිට පෙනෙන මානයක දියණිය සිටියේ නැත. මම තරමක කලබලයෙන් විපරම් කළෙමි. දුටු දසුනින් මම ඇවිලී ගියෙමි. ඇය වෙළඳසැල කොනේ වූ කුඩා බංකුව මත වාඩි වී මහා බර කල්පනාවකය. ඇයගේ දෙනෙත් තිබුණේ ඇගේ වයසේම තවත් දැරියක් ළඟය. මම මොහොතක් ඇය දෙස බලා උන්නෙමි. ඇය ඇගේ කුඩා මිරිවැඩි සඟල දෙස බැලුවාය.

එහි තැන තැන මඩ තැවරී දුර්වර්ණ වී ගොස් තිබුණි. රුපියල් සීයකට මීට බොහෝ කලකට පෙර අරන් දුන් එය දැන් බොහෝ පැරණිය. පොහොසත් දැරිය උජාරුවෙන් ශබ්ද නගන ඇගේ පාවහන් යුවල එහා මෙහා කළාය. ක්‍රමයෙන් රතු පැහැ වන පුංචි මුහුණේ තරු කැටවන් දිළිසෙන නෙත් සඟලේ හැඟුම් තේරුම් ගන්නට මා අපොහොසත්ය. එක්කෝ ඒවා තේරුම් ගන්නට මා බියය. පුංචි සිඟිති දියණිය මේ මිනිසුන් අතර තනිවී සිටින්නා සේ මට පෙනේ.

ඇය මගෙන් කිසිවක් ඉල්ලන්නේ නැත. ඒ පුංචි දෙනෙත් මහමග යන පොඩි උන් ලඟ නතර වෙයි. වාහනවල ගැටෙයි. සතුටින් සිනහවන ළදරු සිනාවන් හා එක් වී සිනාසෙයි. දෙවියනි.. ඇය දන්නේ මොනවාද… ජීවිතයේ කටුක බව පපු කැනැත්තේ ඇතුළතින්ම විඳ දරා ගන්නා දුප්පත් මට ඇය වෙනුවෙන් ලොවක් තැනිය හැකිද..? ඒ පුංචි දෙනෙත් ළඟ මා කවරදාටත් වඩා දුප්පතෙකියි මට දැනේ.

අපට තිබුනේ සරල සුගම ළමා වියකි. ඒ කුරුම්බැට්ටි මැෂිමේ සුරතල් ළමා විය අද ලැප්ටොප් පරිගණකයක් දක්වා විකාශනය වී තිබේ. මා තවමත් සිතන්නේ මගේ දියණියට බෝරිච්චි අත් දැමූ ගවුමක් ඇති කියාය. රබර් සෙරෙප්පු දෙකක් ඇති කියාය. මට වඩා වාසනාවන්ත පියවරුන් තම දරුවන් උදෙසා වත්කම් සරි කරද්දී ඒ හා සැසඳෙන්නට මගේ හිඟන ජීවිතයට නොහැකි වූයේ ඇයි..? දියණියගේ මුව දකිද්දී මට අර මහා දුප්පත්කම අසරණකම දැනෙන්නේ ඇයි..?

“අපි යමු රත්තරං පැටියෝ..”

ඇය දැහැනින් මිදුණාය. ඒ ඇද ගත් සුසුම පුංචි ළය මඩලට බර වැඩි බව මම හොඳටම දනිමි. ඇය ඉපදීමට පෙර මා මීට වඩා ශක්තිමත්ව හිඳින්නට තිබිණ. එක්කෝ දුප්පත් මට දාව උපදින්නට තරම් අවාසනාවක් ඇගේ දෛවයේ නොතිබෙන්නට තිබිණ. ජීවිතයේ දුක අනෝරාවක්ව මගේ හිස මතට කඩා වැටෙද්දී අසරණ දෑතින් මා ඇගේ හිස වසාගන්නට තැත් කරන අසරණ තාත්තා කෙනෙකි.

මේ අනෝරාවෙන් ඇයද පීඩා විඳින බව මම දනිමි. නමුදු කාටත් ජීවත් වන්නට අපහසු මේ නපුරු ආර්ථිකයෙන් මා කියා කුමක් කරන්නද… මේ කටුක යථාර්ථයට නිහඬව මුහුණ දෙන පියවරුන් අප අතර කොතෙක් නම් ඇත්ද..?

“තාත්තේ”

“ඇයි පැටියෝ?”

“මට අරවයින් එකක් අරන් දෙන්නකෝ තාත්තේ”

මම අලුතෙන් ඇවිළී ගියෙමි. ගෙන ආ රුපියල් පන්සියයෙන් ඉතිරිව තිබුණේ හරියටම රුපියල් හතලිහකි. ඇය කඩපලේදී දුටු මිරිවැඩි සඟලක්, බෝනික්කෙක් හෝ වෙනයමක් ඉල්ලුවොත්?

“මොනවද රත්තරං පැටියො..?”

“රටකජු ගොට්ටක්..” ඇගේ මුලු වතම සඳ වතක් සේ පිපී ඇත.

මහ මග නොබලා ඇයව බදාගෙන ලෝකයටම ඇසෙන සේ කෑ ගසා අඬන්නට මට සිතෙයි. අපටත් වඩා මේ කිරි කැටියා අපේ ජීවිත තේරුම් ගෙන ඇතිද..?

උඹ මගේම දුව වෙලා ආත්ම ගණනක් උපදින්න ඕන. මතක තියාගන්න, මේ තාත්තා මැරෙන්න මොහොතක් තියල හරි මගේ රත්තරං පැටියට සතුටින් ඉන්න ලෝකයක් හදල දෙනවා. මං දන්නව ඔය පුංචි පපුව ඇතුලෙ හිර කරගත්තු දුක එදාට මහවැලිය වගේ ගලනවා.

“ඔබහට ලෝකය ඉදිකර දී මිස මට යා නොහැකිය පුංචි පුතුන්” කියා මහගම සේකරයන් ලියා තැබුවේ දරුවන් ළඟ තාත්තලාට දැනෙන ඒ මහා අසරණකම සහ ආදරය නිසා විය යුතුය.

දරුවන් ගේ ලෝකය සැපවත් කිරීමට දිවා රෑ වෙහෙසී දහඩිය මුගුරු වගුරන,හදවතින් ගලන කදුළු දෙනෙතින් පිට නොකර තනිවම විද දරා ගන්නා පියවරුන්ට කරනා උපහාරයක් ලෙස මෙය SHARE කරන්න .

මේ වගේ දේවල් බලන්න අපිට like කරන්නත් share කරන්නත් අමතක කරන්න එපා

උපුටා ගැනීම – ddnethu.blogspot

Source Link : Wishma Lokaya

ලෝකෙටම මොරිස්‌ මයිනර් පාට්‌ස්‌ හදන ගාල්ලේ ඇත්තෝ

ඉපැරණි භාණ්‌ඩවලට අපේ රටේ ඇත්තන් මෙන්ම විදේශිකයන් අතර ද ඇත්තේ දැඩි ඉල්ලුමකි. අපේ රටට පැමිණෙන ඇතැම් විදේශිකයන් මෙකී භාණ්‌ඩ සොයා රට වටේ කරක්‌ ගසති. අප මේ කියන්නට යන්නේ අපේ ඇත්තන් මෙන්ම විදේශිකයන් ද දැඩි ලෙස ඇලුම් කරන භාණ්‌ඩයක්‌ ගැනය. මේ භාණ්‌ඩය ඒ කාලයේ වගේ මෙන්ම මේ කාලයේත් කොයි කාගේත් ආකර්ෂණයට ලක්‌වූ මෝටර් රථයකි. ඒ ලැම්බෝගිනි නම් නොවේ. මෙකී මෝටර් රථය හඳුන්වන්නේ මොරිස්‌ මයිනර් නමිනි.

ඒ කාලයේ සාමාන්‍ය ජනතාවගේ දුකට සැපට පිහිට වුණේ මොරිස්‌ මයිනර් මෝටර් රථයයි. කුලී ගමන් ස`දහා ද මේ මෝටර් රථය එකල යොදාගනු ලැබීය. දැන් කාලයේ ත්‍රීරෝද රථ ගාල් පිහිටා තිබෙන අයුරින් ඒ කාලයේ නගරයේ මෙන්ම ගම්බද තැනින් තැන මොරිස්‌ මයිනර් කාර් රථගාල් දක්‌නට ලැබුණි.

ඒ කාලයේ මොරිස්‌ මයිනර් ටැක්‌සි කහ පැහැති වහලයකින් හා කළු පැහැති බ`දකින් හැඩගැන්වී තිබුණි. ඒ විතරක්‌ නොව, ටැක්‌සියේ කැරකෙන මීටර්යක්‌ ද සවිකොට තිබුණි. කුලී ගමනක්‌ ගියවිට මුදල් අය කරනු ලබන්නේ මීටරය කැරකෙන දුර ප්‍රමාණය අනුවය. එකල මංගල ගමන් බිමන් ස`දහා ද මොරිස්‌ මයිනර් කාර් රථ යොදා ගනු ලැබීය.

මඟුල් සවාරිවලදී මංගල ජෝඩුව කැන්දාගෙන ආවේ මොරිස්‌ මයිනර් කාර් රථ පෙළකිනි. එමෙන්ම මේ කාර් රථය පැදවූ රියදුරන් බුෂ් කෝට්‌ එකකින් හා පටි සරමකින් සැරසීගෙන කළු සුරුට්‌ටුවක්‌ පත්තු කරගෙන හරි උජාරුවෙන් කාර් රථය පැදවීය. සැබැවින්ම මේ කාලයේ පවුලේ වාහනය බවට පත්වී තිබුණෙ ද මොරිස්‌ මයිනර් කාර් රථයයි.

දැනටත් යාපනයේ ජනතාව ගමන් බිමන් සදහා යොදා ගන්නේ මොරිස්‌ මයිනර් ටැක්‌සිය. යාපනයේ ද්‍රවිඩ ජනතාව තුළ මෙකී මෝටර් රථය පිළිබ`ද දැඩි විශ්වාසයක්‌ද පවතී. මෙම මෝටර් රථය තමන්ට වාසනාව ගෙනදෙන බවටද මෙම ජනතාව අතර මතයක්‌ පවතී. ඒ නිසා යමක්‌ කමක්‌ ඇති ද්‍රවිඩ ජනතාව මොරිස්‌ මයිනර් මෝටර් රථය තම ගේ මිදුලේ නතර කොට තබාගෙන සිටිති.

යුද්ධය පැවති කාලයේ මෙකී මෝටර් රථය යාපනයේ ජනප්‍රිය වාහනයක්‌ බවට පත්ව තිබුණි. මක්‌නිසා ද යත් ඉන්ධනයක්‌ විදියට භූමිතෙල් දමා හෝ මෝටර් රථය ධාවනය කිරීමට හැකි බැවිනි. ඒ කොයිහැටි වුවද දැන් නම් මොරිස්‌ මයිනර් මෝටර් රථ ලෝකයේ කිසිදු රටකවත් නිෂ්පාදනය කරන්නේ නැත.

මොරිස්‌ මයිනර් කාර් එකට ඇත්තේ දිගු ඉතිහාසයකි. දෙවන ලෝක යුද්ධය පැවති කාලයේ පළමු මොරිස්‌ මයිනර් රථය නිපදවා ඇත්තේ එංගලන්තයේ මෝටර් රථ සමාගමක්‌ විසිනි. ඒ 1948 ඔක්‌තෝබර් මාසයේදීය. 1953 පෙබරවාරි මාසය වන විට මොරිස්‌ මයිනර් මෝටර් රථ එක්‌ ලක්‌ෂ හැත්තෑ එක්‌දහස්‌ විසිඑකක්‌ නිෂ්පාදන කොට ඇත්තේය.

1956 හා 1963 අතර කාලයේ දී නිෂ්පාදනය කොට ඇති මොරිස්‌ මයිනර් මෝටර් රථ සංඛ්‍යාව දාසය ලක්‌ෂ දහනවදහස්‌ නවසියපනස්‌අටකි. කෙසේවුවද 1971න් පසු මොරිස්‌ මයිනර් මෝටර් රථ නිෂ්පාදනය කෙරුණේ නැත.

මේ කාලයේ අපේ රටටත් මොරිස්‌ මයිනර් වර්ගයේ මෝටර් රථ විසි දහසක්‌ පමණ ආනයනය කොට ඇති බව පැවසේ. දැනටත් අප රටේ මොරිස්‌ මයිනර් මෝටර් රථ තුන් දහසත් පන්දහසත් අතර සංඛ්‍යාවක්‌ තිබෙන බව සදහන් වේ. ඒ කාලයේ මෙරටට ගෙනවිත් තිබුණේ මොරිස්‌ මයිනර් වර්ගයේ දොර දෙකේ කාර් රථ, දොර හතරේ කාර් රථ, මොරිස්‌ මයිනර් ටුවර්, මොරිස්‌ මයිනර් ට්‍රැවල්ස්‌ වෑන්, හා පිකප් රථයි.

ඒ කාලයේ මොරිස්‌ මයිනර් වර්ගයේ කාර් රථයක වටිනාකම රුපියල් 8.500 කි. මුල් කාලයේ දී මෙම මෝටර් රථය ප්‍රයෝජනයට ගනු ලැබුවේ යමක්‌ කමක්‌ තියෙන පුද්ගලයින්ය. එකල වලව්වල මෙකී මෝටර් රථය නතර කොට තැබීම සුලභ දසුනකි.

ඒ කොයි හැටි වුවද පනහ සහ හැටේ දශකය වන විට මොරිස්‌ මයිනර් මෝටර් රථය සමාන්‍ය ජනතාව අතර ඉතා ජනප්‍රියත්වයට පත්ව තිබුණි. ඒ කාලයේ දුප්පතාගේ හිතවතා බවට පත්ව තිබී ඇත්තේ මෙකී මෝටර් රථයයි. මේ කාලයේ හිල්මන්, වුල්ස්‌ලි, වොක්‌ස්‌වෝල්, ප්‍රිපඩ්, ෆෝඩ්, ඔපෙල්,වොක්‌ස්‌වැගන් යන මෝටර් රථ තිබුනත් සමාන්‍ය ජනතාවගේ දුකට සැපට පිහිට වූයේ මොරිස්‌ මයිනර් මෝටර් රථයයි.

දැනටත් අපේ ඇත්තන් ළග මොරිස්‌ මයිනර් මෝටර් රථ දක්‌නට ඇත්තේය. උණවටුන ගුරු විද්‍යාලයේ විශ්‍රාමික කථිකාචාර්ය පී. එදිරිසිංහ මහතාගේ ගේ මිදුලේ ද මොරිස්‌ මයිනර් මෝටර් රථයක්‌ නතර කොට ඇත. ඒ ගැන ඔහු අපට පැවසුවේ මෙවැනි කථාවකි.

මේ මොරිස්‌ මයිනර් කාර්එක පැරණි භාණ්‌ඩයක්‌. හිටපු ඇමති ගාමිණි දිසානායක මහත්තයාත් හැත්තෑව දශකයේ මුල් භාගයේ විතර මේ කාර්එක පාවිච්චි කරලා තියෙනවා. නුවරඑළිය වත්තේ හිටපු සුදු ජාතිකයකුගෙන් තමයි අරගෙන තියෙන්නේ. අපේ මාමා තමයි ඩී. ඩී කස්‌තුරිආරචිචි. මාමාගෙන් තමයි මේ කාර්එක අපේ තාත්තා ගත්තේ.

ඒ කාලයේ රුපියල් දසදහසකට හා පහළොස්‌ දහසකට තමයි මේ කාර්එක අරගෙන තියෙන්නේ. දොර දෙකේ කාර්එකක්‌. මා රියදුරු පුහුණුව ලැබුවේ මේ කාර් එකෙන්. මගේ මංගල උත්සවයේ මංගල ගමනටත් යොදා ගත්තේ මේ කාර්එක. එදිරිසිංහ මහතා කියන්නේ මහත් උජාරුවෙනි.

අද මෙකී මෝටර් රථය එදිරිසිංහ මහතාගේ නිවසේ ඇති ගරාජයේ නතර කොට ඇත්තේ කෞතුක භාණ්‌ඩයක්‌ වශයෙනි. ඒ කොයිහැටි වුවද සුද්දා නිෂ්පාදනය කරනු ලැබූ මොරිස්‌ මයිනර් මෝටර් රථ සදහා අවශ්‍ය අමතර කොටස්‌ දැන් නිෂ්පාදනය කරනු ලබන්නේ අපේ ඇත්තන්ය. අපේ රටේ ශ්‍රමිකයින් විසින් මොරිස්‌ මයිනර් මෝටර් රථ සදහා අවශ්‍ය අමතර කොටස්‌ නිෂ්පාදනය කොට සුදු ජාතිකයින්ගේ රටවලට යවති. මේ කම්හල පිහිටා ඇත්තේ අක්‌මීමන පින්නදූවේය. එම කම්හල හදුන්වන්නේ සීමාසහිත ක්‌ලැසික්‌ කාස්‌ සමාගම නමිනි.

එන්ජින් ධාරිතාවයන් කිහිපයක්‌ යටතේ මොරිස්‌ මයිනර් කාර් රථ නිපදවා ඇත්තේය. දැනට ඇති සංඛ්‍යා ලේඛනවලට අනුව ලෝකයේ විවිධ රටවල මොරිස්‌ මයිනර් කාර් රථ හැට දහසක්‌ පමණ තිබෙන බැව් සඳහන් වේ. මෙකී කම්හල මගින් මොරිස්‌ මයිනර් මෝටර් රථ සදහා අවශ්‍ය අමතර කොටස්‌ 650ක්‌ පමණ නිෂ්ෂාදනය කරයි. එම නිෂ්පාදන යවනු ලබන්නේ ඩෙන්මාර්ක්‌ රටටය.

මෙකී අමතර කොටස්‌ අනිකුත් රටවලට බෙදා හරින්නේ ඩෙන්මාර්ක්‌ රටින්ය. මින් අපේ රටට ලැබෙන විදේශ විනිමය කෝටි ගණනකි. එමෙන්ම අමතර කොටස්‌ සොයා ගැනීමේ අපහසුව නිසා ගරාජවල ගොඩගසා ඇති මොරිස්‌ මයිනර් මෝටර් රථ මෙම සමාගම මගින් අලුත් වැඩියා කරයි.

මෙකී සමාගමේ බලධාරින් පවසන ආකාරයට මොරිස්‌ මයිනර් මෝටර් රථවල වටිනාකම තිරණය වන්නේ මෝටර් රථය මිලදී ගන්නා පුද්ගලයාට ඒ සදහා ඇති අවශ්‍යතාවය, වටිනාකම, තම පවුලට ඇති සම්බන්ධතාව මතයි. සාමාන්‍යයෙන් රුපියල් පනස්‌ දහසේ සිට ලක්‌ෂ පහළොව දක්‌වා මිල ගණන්වලට මොරිස්‌ මයිනර් මෝටර් රථ අලෙවි වේ. ඒ විතරක්‌ නොව විදේශිකයන් ඉලක්‌ක කරගෙන දැනට වසර කිහිපයක සිට මේ අය මොරිස්‌ මයිනර් මෝටර් රථ රැළියක්‌ ද පවත්වයි.

ගාල්ල බටදුව ඩියුරබර් කාර් ලංකා සමාගමද මොරිස්‌ මයිනර් මෝටර් රථ සදහා අමතර කොටස්‌ නිෂ්පාදනය කරන ප්‍රධාන පෙළේ කම්හලකි. එම කම්හලේ ස්‌ථාන සුපරික්‌ෂක එස්‌. පරණවිතාන මහතා අප සමග මෙසේ කීවේය.

1987 දී තමයි කුඩා වැඩපළක්‌ ලෙස මෙහි වැඩ ආරම්භ කළේ. මෙම කම්හලේ හිමිකරුවන්නේ ධනපාල සමරසේකර මහත්තයා. 91 වසරේදී තමයි මෙම කම්හල නිල වශයෙන් විවෘත කරනු ලැබුවේ. එවකට එංගලන්තයේ තානාපති ඩෙවිඩ් වැඩිසන් හා ඒ කාලයේ ප්‍රධාන ඇමතිවරයා සිටි එම් එස්‌ අමරසිරි යන මහත්වරුන්ගේ ප්‍රධානත්වයෙන් තමයි මේ කම්හල විවෘත කරලා තියෙන්නේ. එංගලන්තයේ සුදු මහත්මයකු වන චාල්ස්‌ වෙයාර් හා අපේ මහත්තයා හොද මිතුරන්. ඒ දෙදෙනාගේ අදහසකට අනුව තමයි මේ කර්මාන්ත ශාලාව ආරම්භ කළේ.

එංගලන්තයේ දී මොරිස්‌ මයිනර් මෝටර් රථ සදහා අමතර කොටස්‌ නිෂ්පාදනය කිරීමට විශාල මුදලක්‌ වැය වෙනවා. ඒ රටේ කම්කරු ශ්‍රමය මිල අධිකයි. අපේ කම්හල මගින් කරන අමතර කොටස්‌ නිෂ්පාදන එංගලන්තයේ චාල්ස්‌ වොයර් සමාගමට යවනවා. ඒ හරහා තමයි ලෝකයේ අනික්‌ රටවලට මොරිස්‌ මයිනර් අමතර කොටස්‌ බෙදා හරින්නේ. එංගලන්තය හා ඕස්‌ටේ්‍රලියාව යන රටවල් තමයි අපේ ප්‍රධාන ගැනුම්කරුවන් දෙදෙනා.

අපේ කම්හලේ විසි දෙනෙකු පමණ සේවය කරනවා. එංගලන්තයේදී එක්‌ අමතර කොටසක්‌ නිෂ්පාදනය කිරීම සදහා යන වියදමින් අපට මෙහෙදී අමතර කොටස්‌ කිහිපයක්‌ නිෂ්පාදනය කරන්න පුළුවන්. ඇත්තටම දැන් අප මේක කරන්නේ ලාභයට වඩා සේවාවක්‌ විදියටයි.

ඇත්තටම ලෝකයේ රටවල මොරිස්‌ මයිනර් භාවිතය අඩුවේගෙන යනවා. නමුත් ලංකාවේ හා ලෝකයේ බොහෝ රටවල ධනවතුන් මෙම කාර් රථ අලංකරණයටත් තම තේජස පෙන්වීමටත් භාවිතා කරනවා. පරණවිතාන මහතා පවසයි.

අපේ රටේ ඇත්තන්ට පාපැදියක්‌වත් හදා ගන්න බැරි බව සුද්දන් කියන්නේ මහත් උජාරුවෙනි. නමුත් සුද්දන්ගේ රටවලට මෙවැනි අමතර කොටස්‌ නිෂ්පාදනය කොට යෑවීමට අපේ ඇත්තන්ට හැකිවීම ගැන අගය කළ යුතුය.

ලිපි මුලාශ්‍රය – දිවයින පුවත්පත

Source Link : Wishma Lokaya