ලංකාවේ ලාබාල ක්‍රිකට් ක්‍රීඩකයන්ගේ සරා!ගී බිරින්දෑවන් මෙන්න නිලියන් පරදන ක්‍රීඩකයින්ගේ සුරුපි බිරින්දෑවරුන්

ලංකාවේ ලාබාල ක්‍රිකට් ක්‍රීඩකයන්ගේ සරාගී බිරින්දෑවන් මෙන්න නිලියන් පරදන ක්‍රීඩකයින්ගේ සුරුපි බිරින්දෑවරුන් සියල්ලන් බලන්න පහත විඩියෝවෙන් තව කෙනෙක්ට බලන්න share කරන්නත් අමතක කරන්න එපා..

Source Link : Online Sinhala Blog

කුමාර් සංගක්කාරට පස්සේ මගේ නමයි තියෙන්නෙ

Tharanga Paranavitana

2009 පාකිස්තාන් ලාහෝර්හිදී ත්‍රස්තවාදී ප්‍රහාරයෙන් දිවි බේරාගත් ජනප්‍රිය ක්‍රිකට් ක්‍රීඩක තරංග පරණවිතාන ‍පොදුජන පෙරමුණෙන් දේශපාලනයට පිවිසෙන බවට කතාවක් මේ දිනවල සමාජ ජාලා තුළ පැතිරෙමින් තිබේ. අපි ඒ පිළිබඳව තරංග සමග කළ කතාබහකි මේ.

* ජනප්‍රිය ක්‍රිකට් ක්‍රීඩකයෙක් දේශපාලනයට එනවා කියලා සමාජයේ කසු කුසුවක් තියෙනවා. ඔබත් දේශපාලනයට අවතීර්ණ වෙනවාද?
මට දේශපාලනය අලුත් දෙයක් නොවේ. මගේ පවුල් පසුබිම දේශපාලනයට බරයි. මගේ පවු‍ලේ ගොඩක් අය යුද්ධයෙන් බැට කෑවා. මගේ තාත්තා අවුරුදු තිස් පහක් විතර ‍පොලිස් විශේෂ කාර්ය බළකායේ සේවය කළා. මගේ ලොකු අයියා නාවික හමුදාවේ කමාන්ඩර් කෙනෙක්. මගේ ‍පොඩි අයියා 2006 එල්ටීටීඊ ප්‍රහාරයකින් අතුරුදන් වෙලා අද වනතුරු හොයාගන්න නැහැ. අපි ඒ දේශපාලන පසුබිමේ හිටපු සහ තවමත් ජීවත් වෙන මිනිස්සු.

* ක්‍රිකට් කියන්නේ ජනප්‍රිය ගණයේ ක්‍රීඩාවක්. ඔබ ජනප්‍රිය ක්‍රීඩකයෙක්. දේශපාලනය වගේ අපකීර්තිමත් ක්ෂේත්‍රයක් ඔබට ගැළපෙයිද?
ඒක තීරණය කරන්න විධි කිහිපයක් තිබෙනවා. එක එක්කෙනා විවිධ අයුරින් අර්ථකථනය කරන්න පුළුවන්. නම කැත වෙයිද නම හරි යයිද කියන එක නෙවේ. මම හිතන්නේ එතැනට එනකොට අපෙන් වෙන්න ඕන යුතුකම මොකක්ද, අපේ මිනිස්සු, අපේ දේවල් වෙනුවෙන් අපට කරන්න පුළුවන් මොකක්ද කියන එකයි.

සමහර විට ක්‍රිකට් ක්‍රීඩකයිනුත් සාර්ථක හෝ අසාර්ථක වෙන්න පුළුවන්. දේශපාලනෙත් එහෙම වෙන්න පුළුවන්. දෙපැත්තක් තියෙන නිසා තවමත් අවබෝධ කරගන්න අවශ්‍යයි තමන්ට මොනවද කරන්න පුළුවන්, තමන් කොයි පාරෙද යන්න ඕන කියන දේ පිළිබඳව.

* ඔබ ක්‍රිකට් ක්‍රීඩාව නිසා ලැබූ ජනප්‍රියත්වය නිසාද දේශපාලනයට අවතීර්ණ වෙන්න තීරණය කළේ?
එහෙම කියන්න බැහැ. සියයට සියයක්ම දේශපාලනයට එනවා කියලා මම කියලා නැහැ. මම තවම ක්‍රිකට් ක්‍රීඩා කරනවා. මම තවම ලංකාවෙ ක්‍රිකට් ක්‍රීඩකයෙක්. මම තවම ජාත්‍යන්තර ක්‍රිකට් ක්‍රීඩාවෙන් විශ්‍රාම ගිහින් නැහැ.

මට කියන්න බැහැ මගේ ජනප්‍රියකමින් උපරිම ප්‍රයෝජනය ගන්නවා කියලා. මොකද රටේ මිනිස්සු මෝඩයෝ ‍නෙවෙයි. අපේ ගමේ හරි නගරේ හරි පළාතේ හරි ජනප්‍රියකමට ඡන්දෙ දෙන්න තරම් මිනිස්සු කොට්ඨාසයක් නැහැ.

හැමෝම බලන්නේ කවුද සුදුසු, කාගෙන්ද වැඩක් කරගන්න පුළුවන් කියන එක. ගමේ සංවර්ධනයට හෝ ගමේ අත්‍යවශ්‍ය දේකට උදව් කරන්නේ කවුද කියන දේ පිළිබඳව ජනතාව හැමවිටම උනන්දුයි. එතැන තමයි තැන කියල මම හිතන්නේ.

* ඔබේ පළාතේ දැනටමත් ප්‍රවීණ දේශපාලනඥයෝ ඉන්නවා. කොහොමද ඒ අයත් එක්ක තිබෙන බැඳීම. ඔබේ දේශපාලන ආගමනයත් එක්ක ඒ අය මොන වගේ ප්‍රතිචාරයක් දක්වයිද?
කෑගල්ල දිස්ත්‍රික්කයේ දේශපාලනඥයෝ සියලු දෙනා මා හොඳින් හඳුනනවා. අද ඊයේ පටන් ‍නෙවෙයි. මම රට වෙනුවෙන් ක්‍රීඩා කරන කා‍ලේ ඉඳලම ඒ අයව මම ඉතාමත් හොඳින් හඳුනනවා. මම දේශපාලනය කළේ නැති වුණාට ඒ අයත් එක්ක සහයෝගයෙන් කටයුතු කළා. මම ඇතැම් අවස්ථාවල ගොඩක් දෙනකුට උදව් කරලත් තිබෙනවා. මම දේශපාලනයට එනවා කියලා තවම කාටවත් කියලා නැහැ. මම හිතන්නේ නැහැ එහෙම ලොකු ප්‍රශ්නයක් ඇතිවෙයි කියලා. මොකද මම හැමෝම එක්ක සුහදව සහ ආචාරශීලීව ජීවත් වෙන පුද්ගලයෙක්.

* ඔබේ ජීවිතය හා බැඳුණ ක්‍රිකට් ක්‍රීඩාවට මුලින්ම අවතීර්ණ වුණේ කොහොමද?
මගේ ගම ගලිගමුව. මම පාසල් ගියේ කෑගල්ල ශාන්ත මරියා විද්‍යාලයටයි. 1988 ඉඳලා 13න් පහළ, 15න් පහළ, 17න් පහළ, 19න් පහළ පාසල් කණ්ඩායම් නායකත්වය දැරුවා.

මම ක්‍රිකට්වලින් මගේ රට වෙනුවෙන් සෑහෙන මෙහෙවරක් කළා. ටෙස්ට් තරග 32කට සහභාගි වෙලා තිබෙනවා. එස්සීසී කණ්ඩායමේ නායකත්වය දරලා තිබෙනවා. ටැමිල් යූනියන් කණ්ඩායම අවුරුදු 62කට පස්සේ ප්‍රිමියර් ලීග් චැම්පියන්ස් වෙන තැනට මම කටයුතු කරලා තියෙනවා. ක්‍රිකට් පැත්තෙන් රට වෙනුවෙන් උපරිමය මම කරලා තියෙනවා.

මම මේ වෙනකොට ලකුණු 13,800ක් විතර ලබාගෙන තියෙනවා. ලකුණු 15,000 ඉක්ම වූ අය ඉන්නේ රටටම හයදෙනෙක් විතර. මම ක්‍රිකට් නවත්වනවා නම් ලකුණු 15000 ඉලක්කය සපුරා ගැනීමෙන් පසුව තමයි එහෙම තීරණයකට එන්නෙ. මේ දවස්වල පුහුණුවීම්වල නිරත වෙමින් සිටිනවා.

* නැවත ජාතික කණ්ඩායමට අවතීර්ණ වීමට සැලසුමක් තියෙනවාද?
ඒ සඳහා මගේ පැත්තෙන් කරන්න ඕන දේවල් සියයට එකසිය පනහක් මම කරලා තියෙනවා. ඉතුරු දේවල් තියෙන්නේ තේරීම් කමිටුව අතේ. දැනට ක්‍රීඩා කරන ක්‍රීඩකයන්ගෙන් රට අභ්‍යන්තර තරගවල වැඩිම ලකුණු ලබාගෙන තියෙන්නේ මමයි.

ජාත්‍යන්තර එක්දින තරග එකක්වත් මම ක්‍රීඩා කරලා නැහැ. ඒ සඳහා මට අවස්ථාවක් ලැබුණේ නැහැ. තාමත් කුමාර් සංගක්කාරට පස්සේ මගේ නමයි එක්දින අභ්‍යන්තර තරගවල හොඳම සාමාන්‍යයක් තියෙන්නෙ.

* තරංග පරණවිතාන මේ වෙනකම් ක්‍රිකට්වලට කරපු දේ පිළිබඳව සෑහීමකට පත්වෙන්නේ නැද්ද?
ඇත්තටම නැහැ. මීට වඩා ලොකු දෙයක් මට කරන්න තිබුණා. 2012 ඔස්ට්‍රේලියා තරග සංචාරයෙන් එළියට ගියාට පස්සේ කිසිම අවස්ථාවක් ලැබුණේ නැහැ. ඊට පස්සෙත් මම රට අභ්‍යන්තර තරගාවලිවල අවුරුදු කිහිපයක් හොඳම පිතිකරු වෙලා තියෙනවා. එක්දින තරගවලත් හොඳම පිතිකරු වුණා. ජාතික මට්ටමේ තරග හරි ‘ඒ’ කණ්ඩායමේ හරි මගේ දක්ෂතා දක්වන්න මට අවස්ථාවක් ලැබුණේ නැහැ. එහෙම වුණහම කොහොමද මම මගේ දක්ෂතා පෙන්වන්නෙ? ඒ වගේ වැරදි තැන් කිහිපයක් වුණා.

* ඇයි ඇත්තටම තරංග පරණවිතානට එක එක්දින තරගයක්වත් ක්‍රීඩා කරන්න බැරිවුණේ?
ඒක නම් මම හිතනවා මගේ ලොකු අවාසනාවක් කියලා. ඒ කා‍ලේ එක්දින තරග තිබුණ විදිහට මට තරග පනහක් විතර ක්‍රීඩා කරන්න පුළුවන්කම තිබුණා. ඒ කා‍ලේ මාත් එක්කම ක්‍රීඩා කරන්න ආපු තවත් ක්‍රීඩකයෙක් නිසා මට අසාධාරණයක් සිදුවුණා.

* බලා‍පොරොත්තුවක් තිබෙනවාද ඉදිරියේදී ජාතික කණ්ඩායමට ආරාධනාවක් ලැබෙයි කියලා?
මම අදටත් හොඳම ශරීර සෞඛ්‍ය තත්ත්වයකින් ඉන්නවා. හොඳින් පුහුණුවීම් කටයුතු කරනවා. මට අවස්ථාවක් ලැබුණොත් ඕන වෙලාවක රට වෙනුවෙන් ක්‍රීඩා කරන්න මම ලෑස්තියි.

නෙරංජලා වික්‍රමසිංහ

  

The post කුමාර් සංගක්කාරට පස්සේ මගේ නමයි තියෙන්නෙ appeared first on Gossip News | Rajagossip | Latest Gossip | ගොසිප් | rajagossip.lk - Raja Gossip.

Source Link : Gossip – Gossip News | Rajagossip | Latest Gossip | ගොසිප් | rajagossip.lk – Raja Gossip

නෝර්වීජියානු තරුණියක් නිසා ධනුෂ්කට තරග 6ක් අහිමි වුනේ මෙහෙමයි

danushka gunathilaka

ශ්‍රී ලංකා ක්‍රිකට් ආයතනය සමග පවතින ගිවිසුම සහ ක්‍රීඩක විනය නීති මාලාව කඩ කිරීම හේතුවෙන් ආරම්භක පිතිකරු ධනුෂ්ක ගුණතිලකට ජාත්‍යන්තර තරග 6 ක තහනමක් පැනවීමට ශ්‍රී ලංකා ක්‍රිකට් ආයතනය පියවර ගෙන තිබේ.

එම තරග 6 න් 3 ක් ඔහුට තහනම් කර ඇත්තේ ශ්‍රී ලංකා ක්‍රිකට් ආයතනයේ නවතම විනය නීති මාලාව කඩ කිරීම හේතුවෙනි. 2017 වසරේ ඔක්තෝබර් මස 18 වැනිදා ඔහුට එරෙහිව පනවා තිබූ වසරක අත්හිටවූ තරග තහනම ක්‍රියාත්මක වෙමින් තිබියදී නැවතත් වරදකරුවකු බවට පත්වීම හේතුවෙන් ඉතිරි තරග 3 තහනම් කර තිබේ.

මේ හේතුවෙන් දකුණු අප්‍රිකාවට එරෙහිව කොළඹදී පැවැති දෙවැනි ටෙස්ට් තරගය සඳහා ක්‍රීඩකයන්ට හිමිවන ගෙවීම් කිසිවක් ධනුෂ්කට ලබා නොදෙන බවද ශ්‍රී ලංකා ක්‍රිකට් ආයතනයේ නිවේදනයක සඳහන් වේ.

එම ටෙස්ට් තරගය අතරතුර සිදුවූ මෙම සිදුවීම සම්බන්ධයෙන් කළ මූලික පරීක්ෂණයකින් අනතුරුව ධනුෂ්කට සියලුම ආකාරයේ ක්‍රිකට් තරග සඳහා වසරක ජාත්‍යන්තර තරග තහනමක් පැනවීමට ශ්‍රී ලංකා ක්‍රිකට් ආයතනය පියවර ගත්තේය. එහෙත් තරගය නිමා වීමෙන් පසුව ඒ සම්බන්ධයෙන් කරන ලද විධිමත් පරීක්ෂණයක ප්‍රතිඵල සැලකිල්ලට ගනිමින් එම තහනම ජාත්‍යන්තර තරග 6 ක් දක්වා ලිහිල් කිරීමට ක්‍රිකට් ආයතනය කටයුතු කර තිබේ.

ඒ අනුව දකුණු අප්‍රිකාවට එරෙහිව මෙරටදී පැවැත්වෙන එක්දින තරග 5 ට සහ විස්සයි20 තරගයට ක්‍රීඩා කිරීමේ අවස්ථාව ධනුෂ්කට අහිමිවනු ඇත. එහෙත් එළබෙන සැප්තැම්බර් මස 15 වැනිදා සිට 28 වැනිදා දක්වා එක්සත් අරාබි එමීර් රාජ්‍යයේදී පැවැත්වෙන ආසියානු කුසලාන ක්‍රිකට් තරගාවලියේදී ඔහුට යළිත් ශ්‍රී ලංකා කණ්ඩායමට එක්වීමේ අවස්ථාව හිමිව තිබේ.

පසුගිය සෙනසුරාදා (21 වැනිදා) කොල්ලුපිටියේ පිහිටි පිහිටි සුපිරි හෝටලයකදී ධණුෂ්ක ගුණතිලකගේ මිතුරකු තමන්ව අපයෝජනය කළ බවට 23 හැවිරිදි නෝර්වීජියානු කාන්තාවක් පසුගිය ඉරිදා (22 වැනිදා) කොල්ලුපිටිය පොලීසියේදී පැමිණිල්ලක් ගොනුකර තිබිණ.

එම පැමිණිල්ල සම්බන්ධයෙන් කොල්ලුපිටිය පොලීසිය ඉකුත්දා ධනුෂ්කගෙන් ප්‍රකාශයක්ද ලබාගත් අතර ඉන් අනතුරුව මෙම අපචාර සිද්ධියට ඔහුගේ කිසිදු සම්බන්ධයක් නොමැති බව පොලීසිය ප්‍රකාශ කළේය.

මෙම සිද්ධියට මුහුණදුන් කාන්තාව සහ ඇගේ යෙහෙළිය ජූලි මස 15 වැනිදා සංචාරයක් සඳහා ශ්‍රී ලංකාවට පැමිණ තිබේ. ඔවුන් දෙදෙනාගෙන් එක් අයකු සාමාජ ජාල ඔස්සේ ධනුෂ්ක සමගින් සම්බන්ධ වී ඇත. එම කාන්තාවන් දෙදනාගේ හෝටලයේ බිල්පත ධනුෂ්ක විසින් ගෙවනු ලැබ ඇති බවද පොලිසිය කළ වැඩිදුර පරීක්‍ෂණවලදී හෙළිවිය.

The post නෝර්වීජියානු තරුණියක් නිසා ධනුෂ්කට තරග 6ක් අහිමි වුනේ මෙහෙමයි appeared first on Gossip News | Rajagossip | Latest Gossip | ගොසිප් | rajagossip.lk - Raja Gossip.

Source Link : Gossip – Gossip News | Rajagossip | Latest Gossip | ගොසිප් | rajagossip.lk – Raja Gossip

මුරලියි සංගයි තම තමන්ගේ බිරින්දෑවරුන් ගැන කියපු කතා

Kumar Sangakkara

ඉන්දීය ක්‍රිකට් වැඩසටනහක් හා සම්මුඛ සාකච්ඡාවකට එක්වූ කුමාර් සංගක්කාර හා මුත්තයියා මුරලිදරන් දිවියේ අපූරු සිදුවීම් පිළිබඳවත් ඇතැම් අවස්ථාවල සිය පෞද්ගලික ජීවිතයේ ඇතැම් සිදුවීම් පිළිබඳව හෙළි කළා.

මෙහිදී ඔවුන් පැවැසුවේ තම බිරිඳ සමග සෑම විටම එකඟ වි යුතු බවත් එසේ නොමැතිවුවහෝත් ගැටලු රාශියක් ඇති වෙන බවයි.

මාධ්‍යවේදියා – සංගා ඔබගේ බිරිඳ කියලා තිබුණත් ඔබ කිසිම අවස්ථාවක බිරිඳ සමග විවාදයක් ජයගෙන නෑ කියලා?

සංගා – ඔබට ඔබේ බිරිඳත් සමග ජයගන්න බෑ. ඒක ඔබ ඉගෙන ගන්න දෙයක්.

මුරලි – හැමවෙලාවෙම ප්‍රධානියා බිරිඳයි.

සංගා – ඔව් බිරිඳ තමයි ප්‍රධානියා.

මුරලි – ඒ අය මොකක්ද කියන්නේ අපිට කියන්න වෙනවා ඔව්, ඔව් කිව්වොත් ප්‍රශ්න අඩුයි. ඔබ නෑ කිව්වොත් ප්‍රශ්ණ ගොඩයි.

The post මුරලියි සංගයි තම තමන්ගේ බිරින්දෑවරුන් ගැන කියපු කතා appeared first on Gossip News | Rajagossip | Latest Gossip | ගොසිප් | rajagossip.lk - Raja Gossip.

Source Link : Gossip – Gossip News | Rajagossip | Latest Gossip | ගොසිප් | rajagossip.lk – Raja Gossip

පන්දුව පලුදු කිරීමේ වරදට හසුවූ දිනේෂ් චන්දිමාල්ට එක් තරඟ තහනමක් හා තරඟ ගාස්තුවෙන් 100% ක දඩයක්

ශ්‍රී ලංකා ටෙස්ට් කණ්ඩායමේ නායක දිනේෂ් චන්දිමාල් ට එක් ටෙස්ට් තරඟ තහනමක් සහ ඔහුගේ තරංග ගාස්තුවෙන් 100% ක දඩයක් අය කිරීමට ICC ය තීරණය කර ඇත. එයට හේතු වී ඇත්තේ මේ දවස් වල පැවැත්වෙන බටහිර ඉන්දීය කොදෙව් හා ශ්‍රී ලංකා අතර ටෙස්ට් තරඟාවලිය අතර තුරදී දිනේෂ් චන්දිමාල් පන්දුව පලුදු කිරීමේ වරදට හසු වීමයි.

කෙසේ නමුත් මෙම සිද්ධියට අදාලව පරික්ෂණ කිහිපයක් පැවැත්වූ අතර, මිට සුළු මොහොතකට කලින් අනාවරණය වුයේ එම පරීක්ෂණ වලින් අනතුරුව දිනේෂ් චන්දිමාල් පන්දුව පලුදු කල බවට සාක්ෂි තිබෙන බවත්, එම නිසා ඔහුට මෙම දඬුවම ලබාදීමට කටයුතු කල බවත්ය.

ඒ අනුව එළඹෙන 23 වන දා පැවැත්වෙන ශ්‍රී ලංකා – බටහිර ඉන්දීය කොදෙව් තුන්වන ටෙස්ට් තරඟයෙන් දිනේෂ් චන්දිමාල්ගේ නම ඉවත් වනු ඇත.

Source Link : Bro – බ්‍රෝ

“ශ්‍රී ලංකාව සතු වූ 444 වාර්තාව අවසන්” එංගලන්තය එක්දින වැඩිම ලකුණු වාර්තාව සමග ඔස්ට්‍රේලියාවට දැවැන්ත ප්‍රහාරයක් (Photos)

එංගලන්තය සහ ඔස්ට්‍රේලියාව අතර පැවැත්වෙන 3 වන එක්දින තරගය අද එංගලන්තයේ නොටින්ග්හැම් ක්‍රීඩා පිටියේදී ආරම්භ විය.තරගයේ කාසිය වාසිය දිනු ඕස්ට්‍රේලියානු නායකයා එංගලන්තයට මුලින්ම පන්දුවට පහර දීමට ආරාධනා කළේය.

එංගන්ත මුල් පිතිකරුවන් දෙදෙනා අගනා ආරම්භයක් ලබා දෙමින් ලකුණු 159 ක් එක් කර දුන් අතර තෙවන කඩුල්ල සදහා තවත් ලකුණු 151ක් රස කිරීමට බ්‍රේස්ටෝ සහ ඇලෙක්ස් හෙල්ස් සමත් විය.බ්‍රේස්ටෝ අගනා ලකුණු 139ක් රැස් කර ගත්තේය.

පසුව ක්‍රියාත්මක වූ ඉයන් මෝගන් 444 ක් වූ කණ්ඩායමක් එක්දින තරගයකදී රැස් කරගත් වාර්තාව අභිබාව යාමට 6 පහර පිට පහර එල්ල කළේය.

මේ වන විට එංගලන්තය පන්දු ඕවර 46 ක් අවසානය ලකුණු 450 ක් රැස් කරගෙන සිටින අතර ඔවුන්ට තවත් පන්දුවාර 4ක් ඉතුරුවද තිබේ.

Source Link : Bro – බ්‍රෝ

“ළහිරු කුමාර විදුලි වේගයෙන් පන්දු යවයි, කසුන් රාජිත කඩුලු අතරට” අයහපත් කාලගුණය නිසා බිහිසුනු ශ්‍රී ලංකා වේග පන්දුවෙන් කොදෙව්වන් බේරුනු හැටි! (Video/Photos)

ශ්‍රී ලංකාව සහ කොදෙව් දූපත් අතර පැවති දෙවන ටෙස්ට් තරගය ජය පරාජයෙන් තොරව අවසන් විය. තරගයේ පස්වැනි දිනය වූ ඊයේ (18) දිනය අවසන් වන විට සත්කාරක කොදෙව් කණ්ඩායම කඩුලු පහක් දැවි ලකුණු 147ක් ලබා සිටියේය. මේ අනුව තරග තුනකින් සමන්විත සෝබර්ස් තිසේරා ටෙස්ට් තරගාවලියේ තරග 1-0ක් ලෙස කොදෙව් කණ්ඩායම ඉදිරියෙන් සිටියි.

පස්වෙනි දිනය සඳහා ශ්‍රී ලංකාවට සාර්ථක ආරම්භයක් ලබා දුන් කසුන් රාජිත තමා යැවූ දෙවැනි ඕවරයේදීම ඩෙවෝන් ස්මිත් සහ කිරන් පවෙල් පිටියෙන් ඉවත් කරමින් කොදෙව් කණ්ඩායම අසරණ තත්වයකට ඇද දැමුවේය. කොදෙව් පළමු ඉනිමේ ශ්‍රී ලංකාව වෙනුවෙන් සාර්ථකම පන්දු යවන්නා වූ ළහිරු කුමාර පැයට කිලෝමීටර් එකසිය පනහකට ආසන්න වේගයකින් පන්දු යැවීය.

පැයට කිලෝ මීටර් 148 ක වේගයකින් පැමිණි ළහිරු කුමාරගේ පන්දුවක් මඟහැරීමට ගත් උත්සාහයක් වැරදී එය පපු ප්‍රදේශයේ වැදීම හේතුවෙන් කෙටි වේලාවක් ක්‍රීඩාංගණය මත වැතිරී ඊට ප්‍රතිකාර ගත් ෂායි හෝප්, නැවත පන්දුවට පහරදීමෙන් වැළකී කණ්ඩායමේ භෞතචිකිත්සකවරයා සමග ආපසු ක්‍රීඩාගාරය වෙත ගියේය.

ෂායි හෝප්ගේ නික්ම යෑමෙන් පසුව පිටියට පිවිසි රොස්ටන් චේස්ට (13) වැඩි වේලාවක් පිටියේ රැදී සිටීමට ඉඩක් නොලැබුන අතර දිවා ආහාරය සඳහා තරගය නතර කිරීමට ඕවරයක් පමණක් ඉතිරිව තිබියදී ඔහුගේ කඩුල්ල බිඳ දැමීමට සුරංග ලක්මාල් සමත් විය.

කෙසේ වෙතත් අයහපත් කාලගුණය නිසාවෙන් සහ කාර්ලෝස් බ්‍රැත්වෙයිට්ගේ පිතිකරණය හේතුවෙන් කොදෙව් කණ්ඩායම තරගය ජය පරාජයෙන් තොරව අවසන් කර ගැනීමට සමත් විය. කොදෙව් කණ්ඩායම වෙනුවෙන් සුපිරි පන්දු යැවීමක නිරත වූ ශැනෝන් ගැබ්‍රියෙල් තරගයේ වීරයා සම්මානය හිමි කර ගත්තේය.

Source Link : Bro – බ්‍රෝ

මගේ කකුලෙන් ඇදපු යාළුවෙක් හිටියා – ජනප්‍රිය ක්‍රිකට් ක්‍රීඩක දිමුත්

Dimuth Karunaratne

1. හොඳම චිත්‍රපටය

ක්‍රිකට් ක්‍රීඩකයෙකු වුණත් සිනමාව කෙරෙහි විශාල ඇල්මක් මා තුළ තිබෙනවා. ඒ නිසා ඉඩක් ලැබෙන හැම වෙලාවකම මම චිත්‍රපට බලනවා. එසේ බැලූ චිත්‍රපට අතරින් මට හොඳම චිත්‍රපටය ලෙස නම් කළ හැක්කේ American Sniper කියන චිත්‍රපටයයි.
එය ස්නයිපර් තුවක්කරුවෙකු වටා දිවෙන කතාවක්. මමත් පුංචි කා‍ලේ ඔය වගේ ස්නයිපර් තුවක්කුකරුවෙකු වෙන්න හීන දැක්කා. ඒකත් මේ චිත්‍රපටය මගේ හදවතට දැනෙන්න ගොඩාක් හේතුවක් වුණා.

නරකම චිත්‍රපටය
එකක් කියලා නෑ. ගොඩාක් තියෙනවා. නරකයි කියලා හිතුනොත් ඒ වෙලාවෙම මම චිත්‍රපටය බලන එක නතර කරනවා. ඒ නිසා නම මතක තියාගන්නේ නැහැ.

2. හොඳම දේශපාලනඥයා

දේශපාලනය පිළිබඳව මගේ කිසිම උනන්දුවක් නැහැ. ඒ ගැන මම කිසිම දෙයක් දන්නෙත් නැහැ.

නරකම දේශපාලනඥයා
ලෝක ඉතිහාසයේ බොහෝ නරක දේශපාලන චරිත බිහි වී තිබෙනවා. නමුත් මට ඔවුන් ගැන සොයන්නවත් දැනගන්නවත් කිසිම උවමනාවක් නැහැ. ඇත්තටම දේශපාලනය කියන මාතෘකාවටත් මම කැමති නැහැ.

3. හොඳම ඇගයීම

මා ක්‍රිකට් ක්‍රීඩාව පැත්තෙන් බොහෝ ඇගයීම්වලට ලක් වුණා. වයස අවුරුදු 15 පහළ ක්‍රිකට් කණ්ඩායමට ක්‍රීඩා කළ සමයේ මා බොහෝ ඇගයීම්වලට ලක් වුණා. එවකට මා කොළඹ අශෝක විද්‍යාලයේ පාසල් ක්‍රිකට් කණ්ඩායමේ හිටියේ. පාස‍ලේ විදුහල්පතිවරයාගෙන් වගේම ගුරුවරුන්ගෙන්ද මට බොහෝ ප්‍රශංසා හිමි වූ කාලයක් ඒක.

නරකම ඇගයීම
මැච් එකක් පැරදුනාම ක්‍රීඩා ලෝලීින්ගෙන් අපිට ගොඩාක් දොස් අසන්නට සිදුවනවා. එපමණකින් නොනවතින සමහර ක්‍රීඩා ලෝලීින් අපගේ මුහුණු ‍පොතටද විවිධ විවේචනයන් එල්ල කරමින් බැණ වදිනවා. හැබැයි එය මට පමණක් ‍පොදු ධර්මතාවක් නොවෙයි. සාමාන්‍යයෙන් රට නියෝජනය කරන පුද්ගලයන්ට, දේශපාලනඥයන්ට ක්‍රීඩකයන්ට මෙවැනි නරක ඇගයීම්වලට මුහුණ දීමට සිදුවෙනවා. මටත් ඔය වගේ නරක ඇගයීම් ගොඩක් ලැබි තිබෙනවා.

4. හොඳම ක්‍රීඩකයා

ඇමෙරිකානු පිහිනුම් ශූර Michael Phelps (මයිකල් ෆෙල්ප්ස්)

නරකම ක්‍රීඩකයා
ක්‍රීඩා කරන මොහොතේ ඇතිවන තරගකාරී බවත් සමග අපට සමහර ක්‍රීඩකයන් නරකයි කියලා හිතෙනවා. නමුත් ඔවුන්ව ළඟින් ආශ්‍රය කර බලද්දී ඔවුන් ඉතා හොඳ පුද්ගලයන්. මේ නිසා ඔය ප්‍රශ්නයට උත්තර දෙන්න මතෛක් මා ලබා ඇති අත්දැකීම් ප්‍රමාණවත් මදි.

5. හොඳම ටෙලි නාට්‍යය

අඹ යහළුවෝ. එම ටෙලි නාට්‍යය මා කුඩා අවධියේදී නරඹපු ටෙලි නාට්‍යයක් වුණත් අදටත් මම එයට ප්‍රිය කරනවා. එසේ ප්‍රිය කිරීමට හේතුව ලෙස මා දකින්නේ එහි සිටි යහළුවන් දෙදෙනා පවුල් පසුබිම් දෙකක ජීවත් වුවත් ඒවා ගණන් නොගෙන ඉතා හොඳින් ඔවුන්ගේ මිතුදම ඉදිරියට රැගෙන යාමයි. මගේ පාසල් සමයේදී මට ගොඩාක් යාළුවෝ සිටියේ නැහැ. මගේ හැම වැඩකටම මම තනිවමයි ගියේ. ඒ අවස්ථාවලදී මට සිතුණා මටත් මේ වගේ යහළුවෙක් හිටියා නම් තනිකමක් දැනෙන එකක් නැහැ කියලා. ඒ වගේම එම ටෙලි නාට්‍යයේ තේමා ගීතයටත් දැඩි ලෙස ප්‍රිය කරනවා.

නරකම ටෙලි නාට්‍යය
මෙගා නාට්‍යවලට නම් මගේ කිසිම කැමැත්තක් නැහැ. මොකද කොච්චර ලස්සනට පටන් ගත්තත් මැදක් වෙනකොට එය අච්චාරුවක් වෙන නිසා. මේ වගේ අච්චාරු ගණයේ නරක ටෙලි නාට්‍යය රැසක් මා දැක තිබෙනවා. ඒත් ඒ කිසිවක් අවසන් වනතුරු
බලලා නෑ.

6. හොඳම ගීතය

ලහිරු පෙරේරා ගයන ළබැඳියේ ගීතයට මා ගොඩාක් කැමතියි. මගේ කන නිතරම බලා‍පොරොත්තු වෙන්නෙත් ඉතා මිහිරි සංයමයකින් යුක්ත සංගීතයයි. ලහිරුගේ එම ගීතයේ මා ප්‍රිය කරන සියල්ලම කැටි වී තිබෙනවා. ඒ ගීතය දිනකට හතර පස් වතාවක් වුණත් මට අසන්නට පුළුවන්.

නරකම ගිතය
කන් බිහිරි කරවන සංගීතය සමග ගායනා කරන ගීතවලට මගේ කිසිම කැමැත්තක් නැහැ. ඒ වගේම රැප් ගීත වලටත් මම අකමැතියි.

7. හොඳම ගායකයා

ලහිරු පෙරේරා

නරකම ගායකයා
නරකම ගීත ගායනා කරන (කලින් කියපු සියලු දෙනාට මා අකමැතියි)

8. හොඳම පුරුද්ද

අන් කෙනෙකුගේ දුකක් කරදරයක් දුටු විට මගේ සිත ඉක්මනින්ම උණුවෙනවා. සමහර අවස්ථාවල එවැනි පුද්ගලයින්ට උදව් උපකාර කිරීමට ගොස් මා අමාරුවේ වැටුණු අවස්ථාත් තිබෙනවා.

නරකම පුරුද්ද
කුඩා කළ සිටම මගේ තිබෙන නරක පුරුද්දක් තමයි නිය‍පොතු කෑම. ඒ වගේම මම ටිකක් කම්මැලියි. දවල් කාලයේ නිදා ගැනීමත් මගේ නරක පුරුද්දක් ලෙසයි මගේ පවු‍ලේ අය නම් දකින්නේ.

9. හොඳම මතකය

පළමු ආදරය කවදාවත්ම අමතක වෙන්නේ නැහැ. ඒ වගේම තවත් හොඳම මතකයක් තමයි ජාතික කණ්ඩායම නියෝජනය කරන්නට ලැබුණු දිනය.

නරකම මතකය
මගේ සිත කිසියම් තැනකට ඇදිලා ගියොත් ඒ තැනින් මගේ සිත ඉවත් කර ගන්න හරිම අමාරුයි. හරියට මගේ ප්‍රථම ප්‍රේමය වගේ. කොතරම් නරක වුණත් ඒ මතකය හැමදා හිතේ රැඳී තිබෙනවා.

10. හොඳම යාළුවා

හොඳම යාළුවා කාලෙන් කාලෙට වෙනස් වෙනවා. පාසල් අවධියේදී රකිත, යශෝද, කියලා හොඳ යාළුවන් දෙදෙනෙක් හිටියා. දැන් ඔවුන් කොහේ සිටිනවාද කියා මම දන්නේ නැහැ. ඒ යහළුවන් සමග කතා කරන්න මම තවමත් කැමතියි. ඒ වගේම දැන් ක්‍රිකට් කණ්ඩායමේ සිටින සියලුම සාමාජිකයන් මගේ යහළුවෝ.

නරකම යාළුවා
මට නරකම යාළුවෙක් හිටියා. ඔහුගේ නම මිනෝජ්. ඔහු නිතරම මාත් සමග ගැටුම් ඇති කරගත්තා. මාත් සමග තරග කළා. ඔහු හැම විටම මාව කකුලෙන් ඇදලා බිමට දාන්න හදපු යාළුවෙක්. ඒ හේතුව නිසා මම තව තවත් ශක්තිමත් වුණා. මම අද මේ වගේ දිගු ගමනක් ආවේ ඔහු එදා මට එල්ල කළ අභියෝගයන් නිසයි.

ශිරෝනි ග්‍රේරෝ   

The post මගේ කකුලෙන් ඇදපු යාළුවෙක් හිටියා – ජනප්‍රිය ක්‍රිකට් ක්‍රීඩක දිමුත් appeared first on Gossip News | Rajagossip | Latest Gossip | ගොසිප් | rajagossip.lk - Raja Gossip.

Source Link : Gossip – Gossip News | Rajagossip | Latest Gossip | ගොසිප් | rajagossip.lk – Raja Gossip

තෙන්ඩුල්කාර්ගේ පුත් අර්ජුන් තෙන්ඩුල්කාර් මාලිංගගෙන් යෝකර් පන්දු යවන හැටි පුහුණු වෙයි..! (video)

තෙන්ඩුල්කාර්ගේ පුත් අර්ජුන් තෙන්ඩුල්කාර් හා ලසිත් මාලිංග ක්‍රීඩා පිටියේ කරන දෙයක් ගැන සඳහන් වීඩියෝවක් මේ දවස් වල අන්තර්ජාලයේ සිඝ්‍රයෙන් පැතිරී යනවා.

මේ දෙස සොයා බැලු අපට දැනගැනීමට හැකි වුයේ පසුගියදා පැවති ඉන්දීය ප්‍රිමියර් ලිග් තරඟාවලියේ මුම්බායි ඉන්දියන්ස් කණ්ඩායම තම පුහුණුවීම් වල නිරත වන අතරතුර සචින් තෙන්ඩුල්කාර් ගේ පුත් අර්ජුන් තෙන්ඩුල්කාර්ට මුම්බායි ඉන්දියන්ස් පිලේ වේග පන්දු පුහුණුකරු වන ලෝ ප්‍රකට ලසිත් මාලිංග විසින් යෝකර් පන්දු යැවීමට පුහුණු කිරීමයි.

එම සිද්ධියට අදාළ වීඩියෝව පහතින්,

Source Link : Bro – බ්‍රෝ

ධනංජයගේ තාත්තාව මරපු 3 ක්‌ සිංගප්පූරුවට පැනලා

Dhananjaya de Silva

ක්‍රිකට්‌ ක්‍රීඩක ධනංජය ද සිල්වාගේ පියා වූ නාගරික මන්ත්‍රී රන්ජන් ද සිල්වා මහතා වෙඩි තබා ඝාතනය කළ පාතාල කල්ලියේ සාමාජිකයන් තිදෙනකු රටින් පලා ගොස්‌ ඇති අතර තවත් තිදෙනකු වෙනත් වැරදි සම්බන්ධයෙන් බන්ධනාගාරගත වී සිටින බව පොලිසිය කළ විමර්ශනවලින් හෙළි වී තිබෙනවා.

මෙම ඝාතනය ගොනාකෝවිලේ අංජු නමැති පාතාල නායකයා මෙහෙයවන පාතාල කල්ලියේ සාමාජිකයන් හයදෙනකු විසින් සිදු කර ඇති බවද විමර්ශනවලින් අනාවරණය වී තිබෙනවා.

මෙහිදී නාගරික මන්ත්‍රී රන්ජන් ද සිල්වා මහතාට වෙඩි තබා ඝාතනය කළ පුද්ගලයන් දෙදෙනා වෙනත් වැරදි සම්බන්ධයෙන් බන්ධනාගාරගතව ඇති බවද පොලිසිය පවසනවා.

ඝාතනයෙන් පසු ඊට ආධාර අනුබල දුන් පාතාල සාමාජිකයන් තිදෙනකු මේ වනවිට හොර රහසේම සිංගප්පූරුවට පලා ගොස්‌ ඇති බවද හෙළි වී තිබෙනවා.

රන්ජන් ද සිල්වා ඝාතනය කළ පුද්ගලයන් සොයා ඔවුන් පදිංචි නිවාස සහ ආරක්‍ෂිත ස්‌ථාන රැසක්‌ පොලිසිය වටලා පරීක්‍ෂා කරද්දී ඔවුන් අතුරින් තිදෙනකු විදේශගතව ඇත. විදේශගතවීමට නොහැකිවූ පාතාල සාමාජිකයන් තිදෙනකු පෙර වැරදි සම්බන්ධයෙන් අධිකරණය වෙත භාර වී බන්ධනාගාරගත ව ඇති බවද අනාවරණය වී තිබෙනවා.

The post ධනංජයගේ තාත්තාව මරපු 3 ක්‌ සිංගප්පූරුවට පැනලා appeared first on Gossip News | Rajagossip | Latest Gossip | ගොසිප් | rajagossip.lk - Raja Gossip.

Source Link : Gossip – Gossip News | Rajagossip | Latest Gossip | ගොසිප් | rajagossip.lk – Raja Gossip